Matayo 18
18
Andi ani̱ Ntua mani̱ si̱ni̱ ka kusali̱a ndia Mambombi̱?
(Maliko 9:33-37; Luka 9:46-48)
1Ka bwile injo, bhaegi̱ ndibha Yesu nibhaki̱ya olu̱li̱aki bhiyo; “Toli̱ andi ani̱ ntua mani̱ si̱ni̱ ka kusali̱a ndia gulu?”
2Yesu nakimueka mi̱ki̱ mbenje, nakintelemi̱sa sobhe sabho, 3nakigia bhiyo; “Ka mazima nikibhutolia eti, bhuai̱be ni̱bhu̱hi̱ndu̱ki̱ bhanu̱ bhia bhani̱ki̱ bhabenje bhukuda kugodha ka kusali̱a ndia gulu. 4Mindia akidhota bhia mi̱ki̱ mbenje, andiye ntua mani̱ si̱ni̱ ka kusali̱a ndia gulu.
5“Mindia ada kintangililia mi̱ki̱ mbenje bhia miyo ke i̱nami, akibha nanitangi̱li̱li̱ emi.”
Ndia aki̱bi̱ki̱saga kibi
(Maliko 9:42-48; Luka 17:1, 2)
6“Nkpa poni kadhua moti̱ ka bhani̱ki̱ bhabenje ndibha bhaki̱ni̱hi̱ki̱li̱zagaku̱ nakikola kibi, abhongi̱ bhambu̱we li̱nga tali ka ki̱ngo bhamumakie ke tu̱li̱. 7Nsi ada kitangia nanga kima ndia akidhuaga bhakpa bhakola kibi! Kima sie injo agbokiliani̱ abi̱ke, no nkpa mindia aki̱bi̱ki̱saga kima injo ada kiena bhu̱su̱.
8“Kibhoko ndiako kedha kigu ndiako kadhua nokukola kibi, ozombebe omake. Abhongi̱ ogodhe ka kusali̱a ndia Mambombi̱ noli na kibhoko moti̱ kedha kigu moti̱ nondi mulema, no ndia bhakakumakimbe ka gehena nolia na kibhoko bhali kedha kigu bhali. 9Toli̱ i̱so ndiako kadhua nokukola kibi, obudhu̱leku̱ omake. Abhongi̱ ogodhe ka kusali̱a ndia Mambombi̱ noli na i̱so moti̱ no ndia bhakakumakimbe ka gehena nolia na i̱so ubhali̱li̱.”
Nsi̱mo ndia ntama mindia abhula
(Luka 15:3-7)
10“Bhwegendi̱e, bhukulukubhugaya bhani̱ki̱ bhabenje bhehe, nanga bhamalai̱ka ndibhabho bhaki̱li̱kaga na Aba mindia ali gulu. 11Nanga Mi̱ki̱ mindia Nkpa abi̱ka si̱ki̱si̱a ndia abhu̱li̱o.”#18:11 Bbai̱bbu̱li̱ ndietolo kali na nkala yoho.
12Yesu nakibhuolu̱li̱a bhaegi̱ ndibhaki bhiyo; “Bhukweli̱li̱kana eki? Nkpa kabha nabhuli na bhantama ki̱ku̱mi̱, toli̱ moti̱ kabhulabe, kakibhudhuwa kienda na sobhi̱ kindia abhi̱ kali̱si̱li̱abho ka gu̱si̱a ai̱ye ankabhe mindia abhu̱li̱o? 13Toli̱ kamuena, ka mazima nikibhutolia eti, akidhedhelua nanga ntama moti̱ minjo abhu̱koli̱ kienda na sobhi̱ ndibha kabhula. 14Na Abako mindia ali gulu ali bhinjo bhia mu̱li̱si̱a sa bhantama, kakikabhaga bhakpa bhabenje bhehe bhabhula, nakabha moti̱ kowabho.
Habhula mu̱i̱ki̱li̱za dako
15“Mu̱i̱ki̱li̱za dako kakusobhi̱li̱li̱a, oʼnge naye ka nsobho bhenu̱ bhali. Ontolie ndia akusobhi̱li̱li̱o, kabhala, okubha nonsi̱ki̱si̱ ka hi̱ki̱li̱za. 16No ndia kabhali̱, onsi̱ki̱ebe na mu̱i̱ki̱li̱za mindietolo moti̱ kedha bhebhali nanga musango poni agbokiliani̱ abhe na bhakai̱so bhebhali kedha bhesalo.#18:16 Kilagilo 19:15. 17Nabho kakoma oka ndiabho, du̱mbi̱ obhutolie bhai̱ki̱li̱za bhoponi. Toli̱ bhai̱ki̱li̱za bhoponi kakoma oka ndiabho, nkpa minjo bhu̱mu̱i̱se bhia nkafi̱le kedha nku̱mesi̱ musolo.
18“Ka mazima nikibhutolia bhenu̱ poni eti, ndio bhukukoma kolai̱ ka nsi mehe, nau̱ bhakibhukomi̱sa kolai̱ gulu na ndio bhukubhala kolai̱ ka nsi mehe na gulu bhakibhubhalisana.
19“Ka mazima nikitodha tolianu̱ eti, bhebhali kowa bhenu̱ ka nsi ndio bhukubhaliana sabai̱, Aba mindia ali gulu aki̱li̱ka kolai̱ kanu̱, 20nanga kindia bhakpa bhebhali kedha bhesalo bhali imamoti̱ ka saba ke i̱nami, nikibha sobhe sabho.”
Gani̱li̱ana
21Du̱mbi̱ Petelo naki̱ya kindia Yesu nakimuolu̱li̱a bhiyo; “Sali̱a, dami kanisobhi̱li̱li̱a, nigbokiliani̱ gani̱li̱aki dou̱ nga?”
22Yesu naki̱nsi̱ki̱aku̱ bhiyo; “Ki̱ku̱toli̱ gani̱li̱aki dou̱ ncambu̱, no ongani̱li̱e dou̱ nsanju̱ na ncambu̱. 23Ti̱-no kusali̱a ndia gulu ali bhia sali̱a mindia abha kakabha bhakoli̱ ndibhaki bhasasule mu̱nda ndiaki. 24Ndia bhatandika sasulaki, nibhaki̱mbi̱ki̱sa kaki moti̱ ka bhakoli̱ ndibhaki mindia abhi̱ na mu̱nda ndiaki sa talanta#18:24 Talanta Abhi̱ mbangana ndia mpaghasi̱ abhi̱ kikoliaga dhakia mwaka maku̱mi̱ abili. mutwalo moti̱. 25Nkoli̱ minjo yakabhi̱ na mani̱ sa sasula mu̱nda injo, nkumaki nakilagilia eti bhansumbese bhia gele na nkali̱ mindiaki na bhani̱ki̱ na kima poni ndia abhi̱ nai̱ sasula mu̱nda injo.
26“Du̱mbi̱ nkoli̱ mindiaki minjo naki̱su̱ku̱mana ka kiguaki nakingia bhiyo; ‘Onipesi̱e bwile nke toli̱ nikisasula mu̱nda ndiako poni.’ 27Nkumaki nakingbelia kobhu̱, nakingani̱li̱a mu̱nda toli̱ nakinduwa.
28“No nkoli̱ minjo ndia ai̱ya, antakana moti̱ ka bhakoli̱ daki mindia abhi̱ na mu̱nda ndiaki sa dinali̱#18:28 Dinali̱ Abhi̱ mbangana ndia yabhansasulaga mpaghasi̱ tolo moti̱. ki̱ku̱mi̱. Angu̱eli̱a ka kingo nakitandika ni̱gaki nalia kingia bhiyo; ‘Osasule mu̱nda ndiamo ndio oli nai̱.’
29“Nkoli̱ daki naki̱su̱ku̱mana ka kiguaki nakinkunga bhiyo; ‘Onipesi̱e bwile nke, nikisasula mu̱nda ndiako poni.’ ”
30No nakikoma. Bhuai̱be naki̱ngbei̱si̱sana nkoli̱ daki ka nkomo doi̱sa nasasu̱li̱ mu̱nda ndiaki. 31Bhakoli̱ daki ndibhetolo ndia bhatangia ndia aenikani̱o, ki̱ni̱ga nakibhugba nibhaki̱ya tolia nkumabho ndia aenikani̱o.
32“Du̱mbi̱ nkumabho nakimueka nkoli̱ mindia angbei̱si̱sani̱ daki nakingia bhiyo; ‘Uwe nkoli̱ ntua ngeso mazinana, nikugani̱li̱a mu̱nda poni ndio obhi̱ nai̱ nanga onikunga eti nikugani̱li̱e. Ninikukugani̱li̱a mu̱nda ndio obhi̱ nai̱ nanga onikunga eti nikugani̱li̱e. 33Newe yogbokiliani̱ gbelia nkoli̱ dako kobhu̱ nesi̱ newe nikugbelia.’ ” 34Na ki̱ni̱ga poni, nkumaki nakibhulagilia bhabhu̱ndi̱li̱ nkomo gbaki na bi̱saki ka nkomo toli̱ bhamueni̱se bhu̱su̱ doi̱sa nasasu̱li̱ mu̱nda ndiaki.
35“Aba mindia ali gulu ada kibhukola bhinjo bhukubha ndio bhukugani̱li̱ani̱ tukilia ka mulima ndianu̱.”
Currently Selected:
Matayo 18: KWAMBA
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025
Matayo 18
18
Andi ani̱ Ntua mani̱ si̱ni̱ ka kusali̱a ndia Mambombi̱?
(Maliko 9:33-37; Luka 9:46-48)
1Ka bwile injo, bhaegi̱ ndibha Yesu nibhaki̱ya olu̱li̱aki bhiyo; “Toli̱ andi ani̱ ntua mani̱ si̱ni̱ ka kusali̱a ndia gulu?”
2Yesu nakimueka mi̱ki̱ mbenje, nakintelemi̱sa sobhe sabho, 3nakigia bhiyo; “Ka mazima nikibhutolia eti, bhuai̱be ni̱bhu̱hi̱ndu̱ki̱ bhanu̱ bhia bhani̱ki̱ bhabenje bhukuda kugodha ka kusali̱a ndia gulu. 4Mindia akidhota bhia mi̱ki̱ mbenje, andiye ntua mani̱ si̱ni̱ ka kusali̱a ndia gulu.
5“Mindia ada kintangililia mi̱ki̱ mbenje bhia miyo ke i̱nami, akibha nanitangi̱li̱li̱ emi.”
Ndia aki̱bi̱ki̱saga kibi
(Maliko 9:42-48; Luka 17:1, 2)
6“Nkpa poni kadhua moti̱ ka bhani̱ki̱ bhabenje ndibha bhaki̱ni̱hi̱ki̱li̱zagaku̱ nakikola kibi, abhongi̱ bhambu̱we li̱nga tali ka ki̱ngo bhamumakie ke tu̱li̱. 7Nsi ada kitangia nanga kima ndia akidhuaga bhakpa bhakola kibi! Kima sie injo agbokiliani̱ abi̱ke, no nkpa mindia aki̱bi̱ki̱saga kima injo ada kiena bhu̱su̱.
8“Kibhoko ndiako kedha kigu ndiako kadhua nokukola kibi, ozombebe omake. Abhongi̱ ogodhe ka kusali̱a ndia Mambombi̱ noli na kibhoko moti̱ kedha kigu moti̱ nondi mulema, no ndia bhakakumakimbe ka gehena nolia na kibhoko bhali kedha kigu bhali. 9Toli̱ i̱so ndiako kadhua nokukola kibi, obudhu̱leku̱ omake. Abhongi̱ ogodhe ka kusali̱a ndia Mambombi̱ noli na i̱so moti̱ no ndia bhakakumakimbe ka gehena nolia na i̱so ubhali̱li̱.”
Nsi̱mo ndia ntama mindia abhula
(Luka 15:3-7)
10“Bhwegendi̱e, bhukulukubhugaya bhani̱ki̱ bhabenje bhehe, nanga bhamalai̱ka ndibhabho bhaki̱li̱kaga na Aba mindia ali gulu. 11Nanga Mi̱ki̱ mindia Nkpa abi̱ka si̱ki̱si̱a ndia abhu̱li̱o.”#18:11 Bbai̱bbu̱li̱ ndietolo kali na nkala yoho.
12Yesu nakibhuolu̱li̱a bhaegi̱ ndibhaki bhiyo; “Bhukweli̱li̱kana eki? Nkpa kabha nabhuli na bhantama ki̱ku̱mi̱, toli̱ moti̱ kabhulabe, kakibhudhuwa kienda na sobhi̱ kindia abhi̱ kali̱si̱li̱abho ka gu̱si̱a ai̱ye ankabhe mindia abhu̱li̱o? 13Toli̱ kamuena, ka mazima nikibhutolia eti, akidhedhelua nanga ntama moti̱ minjo abhu̱koli̱ kienda na sobhi̱ ndibha kabhula. 14Na Abako mindia ali gulu ali bhinjo bhia mu̱li̱si̱a sa bhantama, kakikabhaga bhakpa bhabenje bhehe bhabhula, nakabha moti̱ kowabho.
Habhula mu̱i̱ki̱li̱za dako
15“Mu̱i̱ki̱li̱za dako kakusobhi̱li̱li̱a, oʼnge naye ka nsobho bhenu̱ bhali. Ontolie ndia akusobhi̱li̱li̱o, kabhala, okubha nonsi̱ki̱si̱ ka hi̱ki̱li̱za. 16No ndia kabhali̱, onsi̱ki̱ebe na mu̱i̱ki̱li̱za mindietolo moti̱ kedha bhebhali nanga musango poni agbokiliani̱ abhe na bhakai̱so bhebhali kedha bhesalo.#18:16 Kilagilo 19:15. 17Nabho kakoma oka ndiabho, du̱mbi̱ obhutolie bhai̱ki̱li̱za bhoponi. Toli̱ bhai̱ki̱li̱za bhoponi kakoma oka ndiabho, nkpa minjo bhu̱mu̱i̱se bhia nkafi̱le kedha nku̱mesi̱ musolo.
18“Ka mazima nikibhutolia bhenu̱ poni eti, ndio bhukukoma kolai̱ ka nsi mehe, nau̱ bhakibhukomi̱sa kolai̱ gulu na ndio bhukubhala kolai̱ ka nsi mehe na gulu bhakibhubhalisana.
19“Ka mazima nikitodha tolianu̱ eti, bhebhali kowa bhenu̱ ka nsi ndio bhukubhaliana sabai̱, Aba mindia ali gulu aki̱li̱ka kolai̱ kanu̱, 20nanga kindia bhakpa bhebhali kedha bhesalo bhali imamoti̱ ka saba ke i̱nami, nikibha sobhe sabho.”
Gani̱li̱ana
21Du̱mbi̱ Petelo naki̱ya kindia Yesu nakimuolu̱li̱a bhiyo; “Sali̱a, dami kanisobhi̱li̱li̱a, nigbokiliani̱ gani̱li̱aki dou̱ nga?”
22Yesu naki̱nsi̱ki̱aku̱ bhiyo; “Ki̱ku̱toli̱ gani̱li̱aki dou̱ ncambu̱, no ongani̱li̱e dou̱ nsanju̱ na ncambu̱. 23Ti̱-no kusali̱a ndia gulu ali bhia sali̱a mindia abha kakabha bhakoli̱ ndibhaki bhasasule mu̱nda ndiaki. 24Ndia bhatandika sasulaki, nibhaki̱mbi̱ki̱sa kaki moti̱ ka bhakoli̱ ndibhaki mindia abhi̱ na mu̱nda ndiaki sa talanta#18:24 Talanta Abhi̱ mbangana ndia mpaghasi̱ abhi̱ kikoliaga dhakia mwaka maku̱mi̱ abili. mutwalo moti̱. 25Nkoli̱ minjo yakabhi̱ na mani̱ sa sasula mu̱nda injo, nkumaki nakilagilia eti bhansumbese bhia gele na nkali̱ mindiaki na bhani̱ki̱ na kima poni ndia abhi̱ nai̱ sasula mu̱nda injo.
26“Du̱mbi̱ nkoli̱ mindiaki minjo naki̱su̱ku̱mana ka kiguaki nakingia bhiyo; ‘Onipesi̱e bwile nke toli̱ nikisasula mu̱nda ndiako poni.’ 27Nkumaki nakingbelia kobhu̱, nakingani̱li̱a mu̱nda toli̱ nakinduwa.
28“No nkoli̱ minjo ndia ai̱ya, antakana moti̱ ka bhakoli̱ daki mindia abhi̱ na mu̱nda ndiaki sa dinali̱#18:28 Dinali̱ Abhi̱ mbangana ndia yabhansasulaga mpaghasi̱ tolo moti̱. ki̱ku̱mi̱. Angu̱eli̱a ka kingo nakitandika ni̱gaki nalia kingia bhiyo; ‘Osasule mu̱nda ndiamo ndio oli nai̱.’
29“Nkoli̱ daki naki̱su̱ku̱mana ka kiguaki nakinkunga bhiyo; ‘Onipesi̱e bwile nke, nikisasula mu̱nda ndiako poni.’ ”
30No nakikoma. Bhuai̱be naki̱ngbei̱si̱sana nkoli̱ daki ka nkomo doi̱sa nasasu̱li̱ mu̱nda ndiaki. 31Bhakoli̱ daki ndibhetolo ndia bhatangia ndia aenikani̱o, ki̱ni̱ga nakibhugba nibhaki̱ya tolia nkumabho ndia aenikani̱o.
32“Du̱mbi̱ nkumabho nakimueka nkoli̱ mindia angbei̱si̱sani̱ daki nakingia bhiyo; ‘Uwe nkoli̱ ntua ngeso mazinana, nikugani̱li̱a mu̱nda poni ndio obhi̱ nai̱ nanga onikunga eti nikugani̱li̱e. Ninikukugani̱li̱a mu̱nda ndio obhi̱ nai̱ nanga onikunga eti nikugani̱li̱e. 33Newe yogbokiliani̱ gbelia nkoli̱ dako kobhu̱ nesi̱ newe nikugbelia.’ ” 34Na ki̱ni̱ga poni, nkumaki nakibhulagilia bhabhu̱ndi̱li̱ nkomo gbaki na bi̱saki ka nkomo toli̱ bhamueni̱se bhu̱su̱ doi̱sa nasasu̱li̱ mu̱nda ndiaki.
35“Aba mindia ali gulu ada kibhukola bhinjo bhukubha ndio bhukugani̱li̱ani̱ tukilia ka mulima ndianu̱.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025