Matayo 27
27
Yesu nɨ jijʉ Pilato bʉ vɨɨ
(Mariko 15:1; Luka 23:1,2; Yohana 18:28-32)
1Òꞌbuti drɨ̀ò drʉ̀ vɨ́nɨ, ꞌba ꞌwàrà Orɨ ɨteꞌba vɨɨ ɨnɨ oroo nàa ꞌba drìle drʉ vɨɨ ɨnɨ be otʉ́ eꞌyo Yesu rúá ɨ̀rɨ kijʉ ra. 2Ombé ɨ̀rɨ, dú ɨ̀rɨ ra díká fé ɨ̀rɨ Pilato gavùnà drʉ Romua vɨɨ gíá.
3Yudasi Yesu òꞌdɨ nyale vɨɨ nɨ ndrèjʉ ꞌba lí Yesu drìa drà ꞌba, ovʉ càndɨ yɨ̀ díká òmvɨ séndè ɨkɨ́kɨ́ sílìvà drʉ kàlína vɨɨ àva ꞌba ꞌwàrà orɨ ɨteꞌba vɨɨ ɨnɨ bʉ oroo be. 4ꞌYo ɨnɨ yɨ́ kɨ́nɨ̀, “Ma òmva ra agú eꞌyo ko vɨɨ òꞌdɨa nyajʉ fèjʉ ɨ̀rɨ kijʉ ra.”
Òmvɨ́ ɨ̀rɨ yɨ́ kɨ́nɨ̀, “Naa ovʉʉ eꞌyo àma ꞌyowa nɨ kʉ. Ɨ̀rɨ eꞌyo mɨ awo nɨ.” 5Ànɨ Yudasi ꞌbe séndè ɨkɨ́kɨ́ ndee Orɨ jó alɨa nàa díká kʉ àngʉ̀ na ra. Acete mu ra díká tɨ nɨ ra.
6ꞌBa ꞌwàrà Orɨ ɨteꞌba vɨɨ ꞌdú séndè ɨkɨ́kɨ́ vɨɨ ra díká ꞌyó kɨ́nɨ̀, “Àzítaa àꞌɨ̀ɨ séndè ꞌdɨ̀vɨɨ tàa mbajʉ ɨ̀ró Orɨjó awo vɨɨ alɨa kʉ àrɨ̀yɨ̀kʉ ɨ̀rɨ séndè àrɨ àdàjʉ nɨ.” 7Ànɨ àtí séndè ndee yɨ̀ àngʉ̀ òdrɨ drʉ ꞌba ɨmbʉ càꞌba vɨɨ ꞌyowa vɨɨ je ꞌba júrú drʉ vɨɨ ɨnɨ sajʉ. 8Eꞌyo ꞌdɨ̀vɨɨ yɨ̀ kpere àndrʉ̀ ꞌbá rɨ àngʉ̀ ndee rúa omve Àngʉ̀ Àrɨ nɨ vɨɨ ɨ. 9Acete eꞌyo ꞌbarʉʉ eꞌyo ondrílé Yeremia drʉ vɨɨ nɨ ndráánɨ́ ꞌyole kɨ́nɨ̀, “ꞌDú séndè ɨkɨ́kɨ́ sílìvà drʉ kàlína ndráánɨ́ ꞌba Isirali drʉ vɨɨ ɨnɨ àtìle ɨ̀rɨ àje drʉ vɨɨ, 10díká ayʉ́ séndè ndee àngʉ̀ òdrɨ drʉ ꞌba ɨmbʉ càꞌba vɨɨ ꞌyowa vɨɨ jejʉ kɨ̀le Opɨ nɨ azílé má yɨ́ vɨɨ lé” vɨɨ ca kòꞌbò.#Zakaria 11:12,13; Yeremia 19:1-13; 32:6-9
Yesu ni jijʉ Pilato drìlia vɨɨ
(Mariko 15:2-5; Luka 23:3-5; Yohana 18:33-38)
11Yesu sòka gavùnà ꞌba Romua vɨɨ ꞌyowa vɨɨ drìlia ꞌba dèè, gavùnà ndee zi ɨ̀rɨ kɨ́nɨ̀, “Mɨ Opɨ ꞌba Yahudi nɨ vɨɨ ꞌyowa vɨɨ ɨ yà?”
Yesu òmvɨ ɨ̀rɨ kɨ́nɨ̀, “Èè, ɨ̀rɨ trótrò kɨ̀le mɨnɨ ꞌyole vɨɨ lé.”
12ꞌBa ꞌwàrà Orɨ ɨteꞌba vɨɨ ɨnɨ nɨ oroo be ɨ̀rɨ rúá eꞌyo osʉjʉ ꞌba, awɨɨ làli ti àpe kʉ. 13Acete Pilato zi ɨ̀rɨ kɨ́nɨ̀, “Mɨ ɨrɨɨ eꞌyo ꞌbanɨ mɨ tòjʉ vɨɨ kʉ yà?” 14Te Yesu awɨɨ eꞌyo àloo òmvɨ kʉ, káꞌdí eꞌyo ꞌbanɨ ɨ̀rɨ tòjʉ vɨɨ drìa. Ànɨ gavùnà ovʉ òsùtaa yɨ̀.
Yesu drìa drà lijʉ vɨɨ
(Mariko 15:6-15; Luka 23:13-25; Yohana 18:39; 19:16)
15Sawà drɨ́á òmù ɨ̀gàtɨjʉ ꞌba Isirali nɨ vɨɨ ɨnɨ drìle yɨ̀ vɨɨ alɨa gavùnà ɨgajʉ Romua vɨɨ ɨ rɨ ꞌba àlʉ màbúsùa ꞌba ndépi nɨ pèle vɨ́ɨvɨɨ ɨ̀pʉ ra. 16Sawà naa yɨ̀ isú dèè màbúsùa nàa agú àloo drì ònzɨ omvele Baraba#27:16 Búkú alóo ɨnɨ alɨa rúá Yesu Barabasi ɨ. drʉ vɨɨ cɨ. 17Acete òꞌbɨ nɨ ànɨ trajʉ ꞌba, Pilato zi ɨnɨ kɨ́nɨ̀, “Àmɨ lè màá ɨ̀pʉ̀ àmɨ yɨ́ àrɨ ɨ ya? Baraba ɨ nòsɨ̀kʉ Yesu ꞌbanɨ omvele Kristo drʉ vɨɨ ɨ yà?” 18Àrɨ̀yɨ̀kʉ nì ꞌba ndépi jí Yesu nɨ nɨ drìlia àꞌyà yɨ́ vɨɨ ra.
19Pilato nɨ rɨrɨa nɨ awo komɨ eꞌyo lijʉ vɨɨ drìa, izípi pè ɨ̀rɨ yɨ́ àálé ti kɨ́nɨ̀, “Mɨ ꞌo eꞌyo àloo agú eꞌyo kóko vɨɨ rúá kʉ, àrɨ̀yɨ̀kʉ ajoo nɨ iní be ma ci drì orobɨ alɨa ɨ̀rɨ eꞌyo yɨ̀ ònzɨ.”
20Te ꞌba ꞌwàrà orɨ ɨteꞌba vɨɨ ɨnɨ oroo be obé òꞌbɨ Baraba nɨ trʉ̀jʉ ɨ díká Yesu nɨ kijʉ ra.
21Gavùnà zi ɨnɨ kɨ́nɨ̀, “Àmɨ lè maá ɨ̀pʉ̀ ꞌba ìrì vɨɨ ɨnɨ ɨ̀sɨlɨa àrɨ ɨ yà?”
Òmvɨ kɨ́nɨ̀, “Baraba ɨ.”
22Pilato zi ɨnɨ kɨ́nɨ̀, “Acete, ma ngaa Yesu ꞌbanɨ omvele Kristo drʉ vɨɨ ꞌoo àrɨ drʉ yà?”
ꞌBa ndee omvɨ́ drɨ́á kɨ́nɨ̀, “Ɨnɨ dí ɨ̀rɨ patí àlazà rúá!”
23Pilato zi ɨnɨ kɨ́nɨ̀, “Àrɨ eꞌyo yɨ̀ ya? Eꞌyo onzɨ ɨ̀rɨ nɨ ꞌole vɨɨ ngóni yà?”
Te òꞌbɨ ndee àtré drɨ́á àálé oru yɨ̀ kɨ́nɨ̀, “Ɨnɨ dí ɨ̀rɨ patí àlazà rúá!”
24Pilato nɨ ndrèjʉ nɨ ɨcoo eꞌyo ndee àzàako kʉ, te onotaa ɨꞌdo ba, ꞌdu yí díká òjɨ̀ nɨ gí òꞌbɨ drìlia nàa kɨ́nɨ̀, “Ma lèe agú eꞌyo ko ꞌdɨ̀vɨɨ àrɨa ɨ̀rɨ mvɨ ma drìa kʉ te ɨ̀rɨ ovʉ eꞌyo àmɨ ꞌyowa nɨ!”
25ꞌBa ndee drɨ́á omvɨ́ kɨ́nɨ̀, “Àrɨ ɨ̀rɨ awo vɨɨ ɨ̀rɨ mvɨ àma drìa díká anzɨ àma ꞌyowa vɨɨ ɨbe!”
26Acete ɨ̀pʉ̀ Baraba nɨ ɨnɨ yɨ́ rá. Te fè òkpo Yesu nɨ cojʉ díká ɨ̀rɨ dijʉ patí àlazà rúá rá.
Àsɨ̀kárɨ̀ nɨ Yesu nɨ ɨ̀dejʉ vɨɨ
(Mariko 15:16-20; Yohana 19:2,3)
27Acete àsɨ̀kárɨ̀ gavùnà Pilato awo vɨɨ ꞌdú Yesu nɨ ji ɨ̀rɨ awo rímbà drìa díká trá àsɨ̀kárɨ̀ ɨ̀rɨ àgaa kúrù. 28Òtrʉ́ ɨ̀rɨ rúá bòngo ra díká ꞌbé ɨ̀rɨ rúá bòngo gawú wʉ́rá be wàràwàrà vɨ́ɨvɨɨ ɨ, 29díká acete trá ocɨ́ wárí okú drʉ, sú ɨ̀rɨ drìa cɨ. ꞌBá òꞌbèlè ɨ̀rɨ gí ndépia díká sí kùmu ɨ̀rɨ drìlia, ɨꞌdó ɨ̀rɨ ɨ̀deɨ̀de. Ɨꞌdó ɨ̀rɨ omve ɨ̀deé drʉ kɨ́nɨ̀, “Opɨ Yahudi nɨ vɨɨ!#27:29 ꞌDɨ̀vɨɨ ɨ̀deá nɨ.” 30Ɨꞌbɨ́ tùsú ɨ̀rɨ rúá, díká ꞌdú òꞌbèlè vɨɨ, rɨ́ ɨ̀rɨ drì ògba ànɨyɨ̀ àsúú. 31Ɨnɨ nɨ ɨ̀rɨ ɨꞌdejʉ ꞌba vɨɨ butia, trʉ́ bòngo gawú ɨ̀rɨ rúá vɨɨ ra díká sú ɨ̀rɨ rúá bòngo ɨ̀rɨ awo vɨɨ ɨnɨ ròkòtò. Acete jí mu ɨ̀rɨ di patí àlàzà rúá rá.
Yesu nɨ dijʉ patí àlazà rúá vɨɨ
(Mariko 15:21-32; Luka 23:26-43; Yohana 19:17-27)
32Ɨnɨ nɨ pʉ̀rɨa, fúdrì agú àloo ɨngale àkú ìmgbélé Kureniani omvele Simoni drʉ vɨɨ be, díká òmɨ́ ɨ̀rɨ patí àlazà Yesu nɨ dijʉ vɨɨ jijʉ. 33Cá àngʉ̀ omvele Gologota drʉ ɨkɨ́a nɨ ovʉle, “Àngʉ̀ drì còó nɨ vɨɨ ɨ” vɨɨ alɨa. 34Nàale, fé Yesu yɨ́ wɨ́nò òsole àfa òká omvele ojínga drʉ vɨ́ɨvɨɨ yɨ̀ vɨɨ mbu, te ɨ̀rɨ nɨ àjía ꞌdàjʉ ꞌba vɨɨ butia, gà mbuko sɨ̀. 35Ɨnɨ nɨ ɨ̀rɨ dijʉ ꞌba, ꞌbé ɨꞌya bòngo ɨ̀rɨ awo vɨɨ awajʉ ànɨ ɨ̀sɨlɨa. 36ꞌDànaa butia, rɨ́ nyáá nàale ɨ̀rɨ àga tèjʉ. 37Ɨ̀rɨ drìa orule drʉ, dí eꞌyo sɨ̀le ɨ̀rɨ tòjʉ kɨ́nɨ̀ꞌDɨ̀vɨɨ YESU ꞌBA YAHUDI NI ꞌYOWA VƗƗ Ɨ. 38Acete ꞌba dí ɨ̀rɨ ogi ìrì be, àloo ɨ̀rɨ gí ndépia díká àloo ɨ̀rɨ gí ìjíá. 39ꞌBa àlile naa yɨ̀ vɨɨ rɨ́ ɨ̀rɨ ɨꞌda díká ànɨ drì ꞌya ɨ̀rɨ yɨ̀ 40díká rɨ́ ꞌyo kɨ́nɨ̀, “Mɨ ndráánɨ́ ꞌyole ꞌbèè mɨ ngaa Orɨjó àsʉʉ ra díká sii oꞌdú na butia vɨɨ lá, mɨ pa te ngà mɨ ngʉlʉpɨ nɨ! Mɨ si patí àlàzà sɨ́á vɨɨ yɨ̀ nyawúá, mɨ tè ngà ꞌyoo mɨ Orɨ Mvápi ɨ!”
41ꞌBa ꞌwàrà Orɨ ɨteꞌba vɨɨ ɨnɨ, ꞌba àzítáá ɨmbale vɨɨ ɨbe díká oroo be rɨ́ ɨ̀rɨ ɨ̀de pàbaa léti àlʉàlʉ vɨɨ yɨ̀. 42ꞌYó kɨ́nɨ̀, “Pa ꞌba alóo ɨnɨ ra, te ɨcoo nɨ ngʉlʉpɨ nɨ pakʉ! Ɨ̀rɨ Opɨ Isirali ꞌyowa vɨɨ ɨ! Ɨ̀rɨ si patí àlàzà vɨɨ sɨ́á vɨɨ yɨ̀ nyawúá oꞌdɨ́ꞌdò, díká àma ngaa ànɨ ɨ̀rɨ àꞌɨ̀ɨ benì. 43Rʉ ndráánɨ́ Orɨ nɨ tʉ̀. Orɨ ɨ̀rɨ pa ɨ̀rɨ sawà vɨɨ yɨ̀ tè ɨ̀rɨ lèe ra nɨ, àrɨ̀yɨ̀kʉ kɨ́nɨ̀ ndráánɨ́, ‘Ma Orɨ Mvápi ɨ.’ ” 44Pàbaa ogi ꞌbanɨ dile ɨ̀rɨ be vɨɨ ɨ̀dé ɨ̀rɨ léti àlʉàlʉ vɨɨ yɨ̀.
Dràtaa Yesu awo vɨɨ
(Mariko 15:33-41; Luka 23:44-49; Yohana 19:28-30)
45Ɨꞌdojʉ sawà azɨa ìtú ꞌdére cajʉ kpere sawà óròmɨ̀ ìtú be àngʉ̀ bì inicici. 46Ògògò sawà óròmɨ̀ vɨɨ alɨa Yesu tre àálé uru yɨ̀ kɨ́nɨ̀, “Eli, Eli,#27:46 Búkù àloo sɨ́ Eli, Eli. lama sabakitani?” ꞌDɨ̀vɨɨ ɨkɨ́a, “Orɨ ma awo vɨɨ, Orɨ ma awo vɨɨ, mɨ adɨ ma àrɨ eꞌyo yɨ̀ yà?”#Zaburi 22:1
47ꞌBa alóo ka òsòle nàa vɨɨ ɨrɨ́ eꞌyo ꞌdɨ̀vɨɨ ꞌba dèè, ꞌyó kɨ́nɨ̀ “Ɨrɨ Elia nɨ omve.”
48Cotícotí ɨnɨ ɨ̀sɨle àlʉa dù díká ꞌdu vonò, sʉ ɨ̀rɨ wɨ́nò gazà vɨ́ɨvɨɨ alɨa, àkpa kàlí síá díká fè mbu Yesu yɨ́. 49Te ꞌba àlóo vɨɨ kɨ́nɨ̀, “Mɨ kʉ ngà te ɨ̀rɨ ovʉ. Àma té ngà ndre Elia nɨ caa ɨ̀rɨ paa ra yà vɨɨ.”
50Yesu nɨ trejʉ àálé uru yɨ̀ díká ꞌbá, ace ꞌde ra.
51Sawà ꞌdànaa alɨa bòngo ꞌɨ̀le Orɨjó ale àlijʉ vɨɨ àsɨ̀ nɨ ale ìrì ɨꞌdojʉ uru kpere ɨ̀lèè. Nyawú aꞌya ndulu díká ɨrà opí ànɨ ale ra. 52Nyadrì ònzí ànɨ ra díká àbʉ̀ ꞌba àlátárá vɨɨ ꞌyowa vɨɨ ɨ̀gá ɨdrɨ drʉ rá. 53Pʉ́ ngajʉ nyadrì alɨa vɨɨ yɨ̀ ra, díká ɨ̀gàtaa Yesu awo vɨɨ butia, mú àkú ìmgbélé àlá vɨɨ alɨa díká ɨ̀ꞌda nɨ ꞌba òꞌbɨ́ yɨ́.
54Àsɨ̀kárɨ̀ drìle àsɨ̀kárɨ̀ tʉrʉàlʉ nɨ vɨɨ ɨnɨ nɨ àsɨ̀kárɨ̀ alóo Yesu àbʉ̀ àgapí tèle vɨɨ ɨbe òyàkʉ̀yà ndrèjʉ ꞌba, cá òrì yɨ̀ díká ꞌyo kɨ́nɨ̀, “Adaada ɨ̀rɨ Orɨ Mvápi ɨ!”
55ꞌDɨ̀vɨɨ isú dèè zi oꞌbɨ́ rɨ́ eꞌyo nɨ ꞌole vɨɨ ndre vàlà drʉ. Zi ndee bɨ́ Yesu buti ngajʉ Galilia ɨ̀rɨ yɨ́ azàkozà fèjʉ. 56Ɨnɨ ɨ̀sɨlɨa Maria omvele Magadelena drʉ vɨɨ ɨ, Marɨa Yakobo ɨnɨ ayopi drʉ Yusufu be vɨɨ ɨ díká Zibidayo izípi ɨ.
Yesu nɨ sajʉ vɨɨ
(Mariko 15:42-47; Luka 23:50-56; Yohana 19:38-42)
57Ìtú nɨ zòrɨa, agú àloo lonyɨ be angɨrɨ ɨngajʉ Arimatia omvele Yusufu drʉ vɨɨ ca díká agú ndee ɨ̀rɨ ndráánɨ́ pàbaa ꞌba Yesu nɨ ɨmbale vɨɨ àlʉa ɨ. 58Mu Pilato bʉ Yesu àbʉ̀ àꞌí díká Pilato fè òkpo ꞌbanɨ fèjʉ ɨ̀rɨ yɨ́ rá. 59Yusufu ꞌdu àbʉ̀ ndee ra, ombe rúa sʉ́kà àlá mule nʉ́ɨnʉ́ɨ vɨ́ɨvɨɨ yɨ̀, 60díká ꞌba ɨ̀rɨ ꞌbúlé oꞌdɨ ɨ̀rɨ nɨ gale ɨ̀rɨ awo vɨ́ɨvɨɨ alɨa#27:60 ꞌDɨ̀vɨɨ ꞌbúlé gale ɨrà alɨa vɨɨ ɨ.. Lì òjí àloo ìmgbélé vɨ́ɨvɨɨ ꞌbúlé ndee tia cɨ díká kodrì mu ra. 61Vɨɨ dèè Maria omvele Magadelena drʉ vɨɨ rɨ́ Maria àloo vɨɨ be nyadrì ndee andretia le drʉ.
Àsɨ̀kárɨ̀ nyadrì àga tèꞌba vɨɨ ɨnɨ
62Drʉ̀ vɨ́nɨ oꞌdú otʉtaa nɨ vɨɨ yɨ̀, ꞌba ꞌwàrà Orɨ ɨteꞌba vɨɨ ɨnɨ ꞌba Farasayi drʉ vɨɨ ɨbe mú Pilato bʉ. 63Yó Kɨ́nɨ̀, Ose, “Àma ɨga eꞌyo ɨ̀nzòꞌba vɨɨ nɨ ꞌyole ndráánɨ́ dèè ɨ̀rɨ ɨdrɨ drʉ kɨ́nɨ̀, ‘Oꞌdú na butia ma ngaa ɨ̀gàa díká rá’ vɨɨ ba. 64Ànɨ mɨ fè òkpo nyadrì ndee àgapía tèjʉ kílílí kpere oꞌdú naa vɨɨ nɨ nɨ derɨa. Àrɨ̀yɨ̀kʉ ꞌba ɨ̀rɨ nɨ ɨmbale vɨɨ ɨcó ca ɨ̀rɨ àbʉ̀ ògi ra díká ɨcó ꞌyo ꞌba ndépi yɨ́ ꞌba ɨ̀gá ɨ̀rɨ drà alɨa vɨɨ yɨ̀ ꞌba. Ɨ̀nzò àsìjʉ vɨɨ nɨ ngaa ɨ̀nzò òkò vɨɨ ɨ̀gàtɨɨ drɨ́á rá.”
65Pilato òmvɨ ɨnɨ yɨ́ kɨ́nɨ̀, “Àmɨ ꞌdú àsɨ̀kárɨ̀, àmɨ mú díká àmɨ té nyadrì ndee àgapía kílílí àmɨ nɨ ɨcole vɨ́nɨ.” 66Ànɨ ꞌba drìle Yahudia vɨɨ mú díká té nyadrì ndee àgapía tia bítòa yɨ̀ díká àsɨ̀kárɨ̀ òꞌbàtaa àgapíá vɨɨ yɨ̀.
Currently Selected:
Matayo 27: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 27
27
Yesu nɨ jijʉ Pilato bʉ vɨɨ
(Mariko 15:1; Luka 23:1,2; Yohana 18:28-32)
1Òꞌbuti drɨ̀ò drʉ̀ vɨ́nɨ, ꞌba ꞌwàrà Orɨ ɨteꞌba vɨɨ ɨnɨ oroo nàa ꞌba drìle drʉ vɨɨ ɨnɨ be otʉ́ eꞌyo Yesu rúá ɨ̀rɨ kijʉ ra. 2Ombé ɨ̀rɨ, dú ɨ̀rɨ ra díká fé ɨ̀rɨ Pilato gavùnà drʉ Romua vɨɨ gíá.
3Yudasi Yesu òꞌdɨ nyale vɨɨ nɨ ndrèjʉ ꞌba lí Yesu drìa drà ꞌba, ovʉ càndɨ yɨ̀ díká òmvɨ séndè ɨkɨ́kɨ́ sílìvà drʉ kàlína vɨɨ àva ꞌba ꞌwàrà orɨ ɨteꞌba vɨɨ ɨnɨ bʉ oroo be. 4ꞌYo ɨnɨ yɨ́ kɨ́nɨ̀, “Ma òmva ra agú eꞌyo ko vɨɨ òꞌdɨa nyajʉ fèjʉ ɨ̀rɨ kijʉ ra.”
Òmvɨ́ ɨ̀rɨ yɨ́ kɨ́nɨ̀, “Naa ovʉʉ eꞌyo àma ꞌyowa nɨ kʉ. Ɨ̀rɨ eꞌyo mɨ awo nɨ.” 5Ànɨ Yudasi ꞌbe séndè ɨkɨ́kɨ́ ndee Orɨ jó alɨa nàa díká kʉ àngʉ̀ na ra. Acete mu ra díká tɨ nɨ ra.
6ꞌBa ꞌwàrà Orɨ ɨteꞌba vɨɨ ꞌdú séndè ɨkɨ́kɨ́ vɨɨ ra díká ꞌyó kɨ́nɨ̀, “Àzítaa àꞌɨ̀ɨ séndè ꞌdɨ̀vɨɨ tàa mbajʉ ɨ̀ró Orɨjó awo vɨɨ alɨa kʉ àrɨ̀yɨ̀kʉ ɨ̀rɨ séndè àrɨ àdàjʉ nɨ.” 7Ànɨ àtí séndè ndee yɨ̀ àngʉ̀ òdrɨ drʉ ꞌba ɨmbʉ càꞌba vɨɨ ꞌyowa vɨɨ je ꞌba júrú drʉ vɨɨ ɨnɨ sajʉ. 8Eꞌyo ꞌdɨ̀vɨɨ yɨ̀ kpere àndrʉ̀ ꞌbá rɨ àngʉ̀ ndee rúa omve Àngʉ̀ Àrɨ nɨ vɨɨ ɨ. 9Acete eꞌyo ꞌbarʉʉ eꞌyo ondrílé Yeremia drʉ vɨɨ nɨ ndráánɨ́ ꞌyole kɨ́nɨ̀, “ꞌDú séndè ɨkɨ́kɨ́ sílìvà drʉ kàlína ndráánɨ́ ꞌba Isirali drʉ vɨɨ ɨnɨ àtìle ɨ̀rɨ àje drʉ vɨɨ, 10díká ayʉ́ séndè ndee àngʉ̀ òdrɨ drʉ ꞌba ɨmbʉ càꞌba vɨɨ ꞌyowa vɨɨ jejʉ kɨ̀le Opɨ nɨ azílé má yɨ́ vɨɨ lé” vɨɨ ca kòꞌbò.#Zakaria 11:12,13; Yeremia 19:1-13; 32:6-9
Yesu ni jijʉ Pilato drìlia vɨɨ
(Mariko 15:2-5; Luka 23:3-5; Yohana 18:33-38)
11Yesu sòka gavùnà ꞌba Romua vɨɨ ꞌyowa vɨɨ drìlia ꞌba dèè, gavùnà ndee zi ɨ̀rɨ kɨ́nɨ̀, “Mɨ Opɨ ꞌba Yahudi nɨ vɨɨ ꞌyowa vɨɨ ɨ yà?”
Yesu òmvɨ ɨ̀rɨ kɨ́nɨ̀, “Èè, ɨ̀rɨ trótrò kɨ̀le mɨnɨ ꞌyole vɨɨ lé.”
12ꞌBa ꞌwàrà Orɨ ɨteꞌba vɨɨ ɨnɨ nɨ oroo be ɨ̀rɨ rúá eꞌyo osʉjʉ ꞌba, awɨɨ làli ti àpe kʉ. 13Acete Pilato zi ɨ̀rɨ kɨ́nɨ̀, “Mɨ ɨrɨɨ eꞌyo ꞌbanɨ mɨ tòjʉ vɨɨ kʉ yà?” 14Te Yesu awɨɨ eꞌyo àloo òmvɨ kʉ, káꞌdí eꞌyo ꞌbanɨ ɨ̀rɨ tòjʉ vɨɨ drìa. Ànɨ gavùnà ovʉ òsùtaa yɨ̀.
Yesu drìa drà lijʉ vɨɨ
(Mariko 15:6-15; Luka 23:13-25; Yohana 18:39; 19:16)
15Sawà drɨ́á òmù ɨ̀gàtɨjʉ ꞌba Isirali nɨ vɨɨ ɨnɨ drìle yɨ̀ vɨɨ alɨa gavùnà ɨgajʉ Romua vɨɨ ɨ rɨ ꞌba àlʉ màbúsùa ꞌba ndépi nɨ pèle vɨ́ɨvɨɨ ɨ̀pʉ ra. 16Sawà naa yɨ̀ isú dèè màbúsùa nàa agú àloo drì ònzɨ omvele Baraba#27:16 Búkú alóo ɨnɨ alɨa rúá Yesu Barabasi ɨ. drʉ vɨɨ cɨ. 17Acete òꞌbɨ nɨ ànɨ trajʉ ꞌba, Pilato zi ɨnɨ kɨ́nɨ̀, “Àmɨ lè màá ɨ̀pʉ̀ àmɨ yɨ́ àrɨ ɨ ya? Baraba ɨ nòsɨ̀kʉ Yesu ꞌbanɨ omvele Kristo drʉ vɨɨ ɨ yà?” 18Àrɨ̀yɨ̀kʉ nì ꞌba ndépi jí Yesu nɨ nɨ drìlia àꞌyà yɨ́ vɨɨ ra.
19Pilato nɨ rɨrɨa nɨ awo komɨ eꞌyo lijʉ vɨɨ drìa, izípi pè ɨ̀rɨ yɨ́ àálé ti kɨ́nɨ̀, “Mɨ ꞌo eꞌyo àloo agú eꞌyo kóko vɨɨ rúá kʉ, àrɨ̀yɨ̀kʉ ajoo nɨ iní be ma ci drì orobɨ alɨa ɨ̀rɨ eꞌyo yɨ̀ ònzɨ.”
20Te ꞌba ꞌwàrà orɨ ɨteꞌba vɨɨ ɨnɨ oroo be obé òꞌbɨ Baraba nɨ trʉ̀jʉ ɨ díká Yesu nɨ kijʉ ra.
21Gavùnà zi ɨnɨ kɨ́nɨ̀, “Àmɨ lè maá ɨ̀pʉ̀ ꞌba ìrì vɨɨ ɨnɨ ɨ̀sɨlɨa àrɨ ɨ yà?”
Òmvɨ kɨ́nɨ̀, “Baraba ɨ.”
22Pilato zi ɨnɨ kɨ́nɨ̀, “Acete, ma ngaa Yesu ꞌbanɨ omvele Kristo drʉ vɨɨ ꞌoo àrɨ drʉ yà?”
ꞌBa ndee omvɨ́ drɨ́á kɨ́nɨ̀, “Ɨnɨ dí ɨ̀rɨ patí àlazà rúá!”
23Pilato zi ɨnɨ kɨ́nɨ̀, “Àrɨ eꞌyo yɨ̀ ya? Eꞌyo onzɨ ɨ̀rɨ nɨ ꞌole vɨɨ ngóni yà?”
Te òꞌbɨ ndee àtré drɨ́á àálé oru yɨ̀ kɨ́nɨ̀, “Ɨnɨ dí ɨ̀rɨ patí àlazà rúá!”
24Pilato nɨ ndrèjʉ nɨ ɨcoo eꞌyo ndee àzàako kʉ, te onotaa ɨꞌdo ba, ꞌdu yí díká òjɨ̀ nɨ gí òꞌbɨ drìlia nàa kɨ́nɨ̀, “Ma lèe agú eꞌyo ko ꞌdɨ̀vɨɨ àrɨa ɨ̀rɨ mvɨ ma drìa kʉ te ɨ̀rɨ ovʉ eꞌyo àmɨ ꞌyowa nɨ!”
25ꞌBa ndee drɨ́á omvɨ́ kɨ́nɨ̀, “Àrɨ ɨ̀rɨ awo vɨɨ ɨ̀rɨ mvɨ àma drìa díká anzɨ àma ꞌyowa vɨɨ ɨbe!”
26Acete ɨ̀pʉ̀ Baraba nɨ ɨnɨ yɨ́ rá. Te fè òkpo Yesu nɨ cojʉ díká ɨ̀rɨ dijʉ patí àlazà rúá rá.
Àsɨ̀kárɨ̀ nɨ Yesu nɨ ɨ̀dejʉ vɨɨ
(Mariko 15:16-20; Yohana 19:2,3)
27Acete àsɨ̀kárɨ̀ gavùnà Pilato awo vɨɨ ꞌdú Yesu nɨ ji ɨ̀rɨ awo rímbà drìa díká trá àsɨ̀kárɨ̀ ɨ̀rɨ àgaa kúrù. 28Òtrʉ́ ɨ̀rɨ rúá bòngo ra díká ꞌbé ɨ̀rɨ rúá bòngo gawú wʉ́rá be wàràwàrà vɨ́ɨvɨɨ ɨ, 29díká acete trá ocɨ́ wárí okú drʉ, sú ɨ̀rɨ drìa cɨ. ꞌBá òꞌbèlè ɨ̀rɨ gí ndépia díká sí kùmu ɨ̀rɨ drìlia, ɨꞌdó ɨ̀rɨ ɨ̀deɨ̀de. Ɨꞌdó ɨ̀rɨ omve ɨ̀deé drʉ kɨ́nɨ̀, “Opɨ Yahudi nɨ vɨɨ!#27:29 ꞌDɨ̀vɨɨ ɨ̀deá nɨ.” 30Ɨꞌbɨ́ tùsú ɨ̀rɨ rúá, díká ꞌdú òꞌbèlè vɨɨ, rɨ́ ɨ̀rɨ drì ògba ànɨyɨ̀ àsúú. 31Ɨnɨ nɨ ɨ̀rɨ ɨꞌdejʉ ꞌba vɨɨ butia, trʉ́ bòngo gawú ɨ̀rɨ rúá vɨɨ ra díká sú ɨ̀rɨ rúá bòngo ɨ̀rɨ awo vɨɨ ɨnɨ ròkòtò. Acete jí mu ɨ̀rɨ di patí àlàzà rúá rá.
Yesu nɨ dijʉ patí àlazà rúá vɨɨ
(Mariko 15:21-32; Luka 23:26-43; Yohana 19:17-27)
32Ɨnɨ nɨ pʉ̀rɨa, fúdrì agú àloo ɨngale àkú ìmgbélé Kureniani omvele Simoni drʉ vɨɨ be, díká òmɨ́ ɨ̀rɨ patí àlazà Yesu nɨ dijʉ vɨɨ jijʉ. 33Cá àngʉ̀ omvele Gologota drʉ ɨkɨ́a nɨ ovʉle, “Àngʉ̀ drì còó nɨ vɨɨ ɨ” vɨɨ alɨa. 34Nàale, fé Yesu yɨ́ wɨ́nò òsole àfa òká omvele ojínga drʉ vɨ́ɨvɨɨ yɨ̀ vɨɨ mbu, te ɨ̀rɨ nɨ àjía ꞌdàjʉ ꞌba vɨɨ butia, gà mbuko sɨ̀. 35Ɨnɨ nɨ ɨ̀rɨ dijʉ ꞌba, ꞌbé ɨꞌya bòngo ɨ̀rɨ awo vɨɨ awajʉ ànɨ ɨ̀sɨlɨa. 36ꞌDànaa butia, rɨ́ nyáá nàale ɨ̀rɨ àga tèjʉ. 37Ɨ̀rɨ drìa orule drʉ, dí eꞌyo sɨ̀le ɨ̀rɨ tòjʉ kɨ́nɨ̀ꞌDɨ̀vɨɨ YESU ꞌBA YAHUDI NI ꞌYOWA VƗƗ Ɨ. 38Acete ꞌba dí ɨ̀rɨ ogi ìrì be, àloo ɨ̀rɨ gí ndépia díká àloo ɨ̀rɨ gí ìjíá. 39ꞌBa àlile naa yɨ̀ vɨɨ rɨ́ ɨ̀rɨ ɨꞌda díká ànɨ drì ꞌya ɨ̀rɨ yɨ̀ 40díká rɨ́ ꞌyo kɨ́nɨ̀, “Mɨ ndráánɨ́ ꞌyole ꞌbèè mɨ ngaa Orɨjó àsʉʉ ra díká sii oꞌdú na butia vɨɨ lá, mɨ pa te ngà mɨ ngʉlʉpɨ nɨ! Mɨ si patí àlàzà sɨ́á vɨɨ yɨ̀ nyawúá, mɨ tè ngà ꞌyoo mɨ Orɨ Mvápi ɨ!”
41ꞌBa ꞌwàrà Orɨ ɨteꞌba vɨɨ ɨnɨ, ꞌba àzítáá ɨmbale vɨɨ ɨbe díká oroo be rɨ́ ɨ̀rɨ ɨ̀de pàbaa léti àlʉàlʉ vɨɨ yɨ̀. 42ꞌYó kɨ́nɨ̀, “Pa ꞌba alóo ɨnɨ ra, te ɨcoo nɨ ngʉlʉpɨ nɨ pakʉ! Ɨ̀rɨ Opɨ Isirali ꞌyowa vɨɨ ɨ! Ɨ̀rɨ si patí àlàzà vɨɨ sɨ́á vɨɨ yɨ̀ nyawúá oꞌdɨ́ꞌdò, díká àma ngaa ànɨ ɨ̀rɨ àꞌɨ̀ɨ benì. 43Rʉ ndráánɨ́ Orɨ nɨ tʉ̀. Orɨ ɨ̀rɨ pa ɨ̀rɨ sawà vɨɨ yɨ̀ tè ɨ̀rɨ lèe ra nɨ, àrɨ̀yɨ̀kʉ kɨ́nɨ̀ ndráánɨ́, ‘Ma Orɨ Mvápi ɨ.’ ” 44Pàbaa ogi ꞌbanɨ dile ɨ̀rɨ be vɨɨ ɨ̀dé ɨ̀rɨ léti àlʉàlʉ vɨɨ yɨ̀.
Dràtaa Yesu awo vɨɨ
(Mariko 15:33-41; Luka 23:44-49; Yohana 19:28-30)
45Ɨꞌdojʉ sawà azɨa ìtú ꞌdére cajʉ kpere sawà óròmɨ̀ ìtú be àngʉ̀ bì inicici. 46Ògògò sawà óròmɨ̀ vɨɨ alɨa Yesu tre àálé uru yɨ̀ kɨ́nɨ̀, “Eli, Eli,#27:46 Búkù àloo sɨ́ Eli, Eli. lama sabakitani?” ꞌDɨ̀vɨɨ ɨkɨ́a, “Orɨ ma awo vɨɨ, Orɨ ma awo vɨɨ, mɨ adɨ ma àrɨ eꞌyo yɨ̀ yà?”#Zaburi 22:1
47ꞌBa alóo ka òsòle nàa vɨɨ ɨrɨ́ eꞌyo ꞌdɨ̀vɨɨ ꞌba dèè, ꞌyó kɨ́nɨ̀ “Ɨrɨ Elia nɨ omve.”
48Cotícotí ɨnɨ ɨ̀sɨle àlʉa dù díká ꞌdu vonò, sʉ ɨ̀rɨ wɨ́nò gazà vɨ́ɨvɨɨ alɨa, àkpa kàlí síá díká fè mbu Yesu yɨ́. 49Te ꞌba àlóo vɨɨ kɨ́nɨ̀, “Mɨ kʉ ngà te ɨ̀rɨ ovʉ. Àma té ngà ndre Elia nɨ caa ɨ̀rɨ paa ra yà vɨɨ.”
50Yesu nɨ trejʉ àálé uru yɨ̀ díká ꞌbá, ace ꞌde ra.
51Sawà ꞌdànaa alɨa bòngo ꞌɨ̀le Orɨjó ale àlijʉ vɨɨ àsɨ̀ nɨ ale ìrì ɨꞌdojʉ uru kpere ɨ̀lèè. Nyawú aꞌya ndulu díká ɨrà opí ànɨ ale ra. 52Nyadrì ònzí ànɨ ra díká àbʉ̀ ꞌba àlátárá vɨɨ ꞌyowa vɨɨ ɨ̀gá ɨdrɨ drʉ rá. 53Pʉ́ ngajʉ nyadrì alɨa vɨɨ yɨ̀ ra, díká ɨ̀gàtaa Yesu awo vɨɨ butia, mú àkú ìmgbélé àlá vɨɨ alɨa díká ɨ̀ꞌda nɨ ꞌba òꞌbɨ́ yɨ́.
54Àsɨ̀kárɨ̀ drìle àsɨ̀kárɨ̀ tʉrʉàlʉ nɨ vɨɨ ɨnɨ nɨ àsɨ̀kárɨ̀ alóo Yesu àbʉ̀ àgapí tèle vɨɨ ɨbe òyàkʉ̀yà ndrèjʉ ꞌba, cá òrì yɨ̀ díká ꞌyo kɨ́nɨ̀, “Adaada ɨ̀rɨ Orɨ Mvápi ɨ!”
55ꞌDɨ̀vɨɨ isú dèè zi oꞌbɨ́ rɨ́ eꞌyo nɨ ꞌole vɨɨ ndre vàlà drʉ. Zi ndee bɨ́ Yesu buti ngajʉ Galilia ɨ̀rɨ yɨ́ azàkozà fèjʉ. 56Ɨnɨ ɨ̀sɨlɨa Maria omvele Magadelena drʉ vɨɨ ɨ, Marɨa Yakobo ɨnɨ ayopi drʉ Yusufu be vɨɨ ɨ díká Zibidayo izípi ɨ.
Yesu nɨ sajʉ vɨɨ
(Mariko 15:42-47; Luka 23:50-56; Yohana 19:38-42)
57Ìtú nɨ zòrɨa, agú àloo lonyɨ be angɨrɨ ɨngajʉ Arimatia omvele Yusufu drʉ vɨɨ ca díká agú ndee ɨ̀rɨ ndráánɨ́ pàbaa ꞌba Yesu nɨ ɨmbale vɨɨ àlʉa ɨ. 58Mu Pilato bʉ Yesu àbʉ̀ àꞌí díká Pilato fè òkpo ꞌbanɨ fèjʉ ɨ̀rɨ yɨ́ rá. 59Yusufu ꞌdu àbʉ̀ ndee ra, ombe rúa sʉ́kà àlá mule nʉ́ɨnʉ́ɨ vɨ́ɨvɨɨ yɨ̀, 60díká ꞌba ɨ̀rɨ ꞌbúlé oꞌdɨ ɨ̀rɨ nɨ gale ɨ̀rɨ awo vɨ́ɨvɨɨ alɨa#27:60 ꞌDɨ̀vɨɨ ꞌbúlé gale ɨrà alɨa vɨɨ ɨ.. Lì òjí àloo ìmgbélé vɨ́ɨvɨɨ ꞌbúlé ndee tia cɨ díká kodrì mu ra. 61Vɨɨ dèè Maria omvele Magadelena drʉ vɨɨ rɨ́ Maria àloo vɨɨ be nyadrì ndee andretia le drʉ.
Àsɨ̀kárɨ̀ nyadrì àga tèꞌba vɨɨ ɨnɨ
62Drʉ̀ vɨ́nɨ oꞌdú otʉtaa nɨ vɨɨ yɨ̀, ꞌba ꞌwàrà Orɨ ɨteꞌba vɨɨ ɨnɨ ꞌba Farasayi drʉ vɨɨ ɨbe mú Pilato bʉ. 63Yó Kɨ́nɨ̀, Ose, “Àma ɨga eꞌyo ɨ̀nzòꞌba vɨɨ nɨ ꞌyole ndráánɨ́ dèè ɨ̀rɨ ɨdrɨ drʉ kɨ́nɨ̀, ‘Oꞌdú na butia ma ngaa ɨ̀gàa díká rá’ vɨɨ ba. 64Ànɨ mɨ fè òkpo nyadrì ndee àgapía tèjʉ kílílí kpere oꞌdú naa vɨɨ nɨ nɨ derɨa. Àrɨ̀yɨ̀kʉ ꞌba ɨ̀rɨ nɨ ɨmbale vɨɨ ɨcó ca ɨ̀rɨ àbʉ̀ ògi ra díká ɨcó ꞌyo ꞌba ndépi yɨ́ ꞌba ɨ̀gá ɨ̀rɨ drà alɨa vɨɨ yɨ̀ ꞌba. Ɨ̀nzò àsìjʉ vɨɨ nɨ ngaa ɨ̀nzò òkò vɨɨ ɨ̀gàtɨɨ drɨ́á rá.”
65Pilato òmvɨ ɨnɨ yɨ́ kɨ́nɨ̀, “Àmɨ ꞌdú àsɨ̀kárɨ̀, àmɨ mú díká àmɨ té nyadrì ndee àgapía kílílí àmɨ nɨ ɨcole vɨ́nɨ.” 66Ànɨ ꞌba drìle Yahudia vɨɨ mú díká té nyadrì ndee àgapía tia bítòa yɨ̀ díká àsɨ̀kárɨ̀ òꞌbàtaa àgapíá vɨɨ yɨ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved