Matayo 28
28
Ɨ̀gàtaa Yesu awo vɨɨ
(Mariko 16:1-10; Luka 24:1-12; Yohana 20:1-10)
1Sàbátʉ̀ butia drù vɨ́nɨ àngʉ̀ tràà, Maria Magadelena ɨnɨ Maria àloo vɨɨ be, kó drì mu nyadrì Yesu nɨ sajʉ vɨɨ ndre.
2Òyàkʉ̀yà ɨꞌdo àngʉ̀ òya nàa lʉ́ yà vɨ́nɨ, dèè naa malaika Opɨ awo vɨɨ àloo sɨ̀ nyáá ngajʉ ꞌbùa, rɨ mu nyáá drìa, lɨ̀ ɨrà ꞌbàle ꞌbúlé ndee tilia vɨɨ ra, díká rɨ drìa nàa. 3Rɨ ɨꞌda kɨ̀le òvɨ ꞌdàzà lé, díká ɨ̀rɨ rúá bòngo vɨɨ rɨ ɨꞌda hwɨ́ɨ́ kɨ̀le sɨ lé. 4Àsɨ̀kárɨ̀ nya ndee àgaa tèle vɨɨ cá òrì yɨ̀ ɨ̀rɨ yɨ̀ díká ɨ̀cɨ̀màkòrò oꞌbe ɨnɨ kɨ̀le ꞌba dràzà lé. 5Malaika ꞌyo zi ndee ɨnɨ yɨ́ kɨ́nɨ̀, “Àmɨ ꞌó òrì yɨ̀ kʉ, àrɨ̀yɨ̀kʉ ma nì ra àmɨ Yesu ꞌbanɨ dile patí àlazà síá vɨɨ ndrùu ɨ. 6Ɨ̀rɨ nòa yʉ. Ɨ̀gà ꞌba, kɨ̀le ndráánɨ́ ɨ̀rɨ nɨ ꞌyole vɨɨ lé. Àmɨ mú nòa díká àmɨ ndré kara ndráánɨ́ ɨ̀rɨ lajʉ vɨɨ. 7Acete àmɨ mú mbèlèmbele, àmɨ jí eꞌyo ꞌdɨ̀vɨɨ òlʉ ꞌba ɨ̀rɨ nɨ ɨmbale vɨɨ ɨnɨ yɨ́ kɨ́nɨ̀, ‘Ɨ̀gà drà alɨa vɨɨ yɨ̀ ra díká ɨ̀rɨ murɨa àmɨ drìlia adro Galilia. Nàa àmɨ ngaa muu ɨ̀rɨ ndrèe ra.’ Eꞌyo manɨ ꞌyole àmɨ yɨ́ ꞌdɨ̀vɨɨ ɨ̀rɨ àvɨ̀ àmɨ drìa kʉ.”
8Ànɨ zi ndee kʉ́ nyadrì ndee mbèlèmbele, ɨnɨ asíá òrì nɨ ovʉjʉ cɨ ra kpé pàbaa ɨnɨ alɨa àyɨ̀kò fɨ ra, díká dú eꞌyo ndee òlʉ ꞌba ɨ̀rɨ nɨ ɨmbale vɨɨ ɨnɨ yɨ́ rá. 9Yesu fúdrì ɨnɨ be lʉ́ yà kɨ́nɨ̀, “Asíndrɨ̀zà ɨ̀rɨ ovʉ àmɨ be.” Ànɨ zi ndee mú ɨ̀rɨ bʉ ra, sí ùlùúti ɨ̀rɨ drìlia, ꞌdú ɨ̀rɨ ka ɨwé ànɨ gíá díká ìnzí ɨ̀rɨ ra. 10Acete Yesu ꞌyo ɨnɨ yɨ́ kɨ́nɨ̀, “Àmɨ ꞌó òrì kʉ. Àmɨ mú díká àmɨ jí ꞌyo ꞌba manɨ ɨmbale vɨɨ ɨnɨ mú Galilia. Nàale ɨnɨ ngaa ma ndrèe ra.”
Eꞌyo àsɨ̀kárɨ̀ nɨ jile òlʉ̀le vɨɨ
11Zi vɨɨ ɨnɨ rɨrɨa muria létia ꞌba Yesu nɨ ɨmbale vɨɨ ɨnɨ bʉ, àsɨ̀kárɨ̀ alóo nyadrì àgapí tèle vɨɨ kódrì mu àkú ìmgbélé ndee alɨa díká jí eꞌyo nɨ ꞌole vɨɨ òlʉ ꞌba ꞌwàrà Orɨ ɨteꞌba vɨɨ ɨnɨ yɨ́. 12ꞌBa ꞌwàrà Orɨ ɨteꞌba vɨɨ ɨnɨ nɨ rɨjʉ oroo nàa vɨɨ ɨbe ꞌba, òtí òtìtaa séndè angɨrɨ vɨ́ɨvɨɨ fèjʉ àsɨ̀kárɨ̀ ndee ɨnɨ yɨ́, 13kɨ́nɨ̀ àsɨ̀kárɨ̀ ndee ɨnɨ yɨ́, “Àmɨ ꞌyó, ‘ꞌBa Yesu nɨ ɨmbale vɨɨ cá iní be díká ògí ɨ̀rɨ àbʉ̀ ra dèè àma oꞌdúá.’ 14Eꞌyo ꞌdɨ̀vɨɨ tè ngaa ca Pilato gavùnà bʉ ꞌba, àma ngaa ka sòo àmɨ ngʉkʉa mgbemgbe díká ꞌba ngáá mu àmɨ ɨnza kʉ.” 15Ànɨ àsɨ̀kárɨ̀ ndee ꞌdú séndè fèle ɨnɨ yɨ́ vɨɨ ra, díká ꞌó kòꞌbò ꞌbanɨ ꞌyole ɨnɨ yɨ́ vɨɨ lé rá. Díká eꞌyo ꞌdɨ̀vɨɨ ɨre nɨ àngʉ̀ Yahudia vɨɨ alɨa yɨ̀ ndulu kpere àndrʉ̀.
Yesu nɨ òkpo fèjʉ ꞌba ɨ̀rɨ nɨ ɨmbale vɨɨ ɨnɨ yɨ́ vɨɨ
(Mariko 16:14-18; Luka 24:36-49; Yohana 20:19-23; Eꞌyo ꞌota 1:6-8)
16Acete ꞌba Yesu nɨ ɨmbale mudrí drìa àlʉ vɨɨ mú Galilia ꞌbee ɨ̀rɨ nɨ ꞌyole ɨnɨ mú bʉa vɨɨ alɨa. 17Ɨnɨ nɨ ɨ̀rɨ ndrèjʉ ꞌba, ìnzí ɨ̀rɨ ra, te alóo rɨ́ àba ɨ̀rɨ yɨ̀ àbà. 18Acete Yesu mu ɨnɨ bʉ ògògò díká ꞌyo ɨnɨ yɨ́ kɨ́nɨ̀, “Atamà bùa vɨɨ fè òkpo ꞌbùa vɨɨ ɨnɨ nyawúá vɨɨ be drɨ́á ma gíá. 19Ànɨyɨ̀ àmɨ mú díká àmɨ ɨmbá ꞌba súrú drɨ́á alɨa ànɨ ɨnɨ ojá ànɨ ꞌba ma buti bɨ̀ꞌba drʉ benì. Àmɨ fé ɨnɨ yɨ́ bàbùtízìmù rú Àta awo yɨ̀, Mva awo yɨ̀ díká Orɨndɨ Àlátárá awo vɨɨ yɨ̀, 20díká àmɨ ɨmbá ɨnɨ eꞌyo manɨ ndráánɨ́ azílé àmɨ yɨ́ vɨɨ ɨnɨ buti òbɨ̀jʉ. Tàándí drʉ ma ngaa ovʉʉ àmɨ be sawà drɨ́á cɨ́ kpere àsìzà nɨ ngarɨa carɨa.”
Currently Selected:
Matayo 28: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 28
28
Ɨ̀gàtaa Yesu awo vɨɨ
(Mariko 16:1-10; Luka 24:1-12; Yohana 20:1-10)
1Sàbátʉ̀ butia drù vɨ́nɨ àngʉ̀ tràà, Maria Magadelena ɨnɨ Maria àloo vɨɨ be, kó drì mu nyadrì Yesu nɨ sajʉ vɨɨ ndre.
2Òyàkʉ̀yà ɨꞌdo àngʉ̀ òya nàa lʉ́ yà vɨ́nɨ, dèè naa malaika Opɨ awo vɨɨ àloo sɨ̀ nyáá ngajʉ ꞌbùa, rɨ mu nyáá drìa, lɨ̀ ɨrà ꞌbàle ꞌbúlé ndee tilia vɨɨ ra, díká rɨ drìa nàa. 3Rɨ ɨꞌda kɨ̀le òvɨ ꞌdàzà lé, díká ɨ̀rɨ rúá bòngo vɨɨ rɨ ɨꞌda hwɨ́ɨ́ kɨ̀le sɨ lé. 4Àsɨ̀kárɨ̀ nya ndee àgaa tèle vɨɨ cá òrì yɨ̀ ɨ̀rɨ yɨ̀ díká ɨ̀cɨ̀màkòrò oꞌbe ɨnɨ kɨ̀le ꞌba dràzà lé. 5Malaika ꞌyo zi ndee ɨnɨ yɨ́ kɨ́nɨ̀, “Àmɨ ꞌó òrì yɨ̀ kʉ, àrɨ̀yɨ̀kʉ ma nì ra àmɨ Yesu ꞌbanɨ dile patí àlazà síá vɨɨ ndrùu ɨ. 6Ɨ̀rɨ nòa yʉ. Ɨ̀gà ꞌba, kɨ̀le ndráánɨ́ ɨ̀rɨ nɨ ꞌyole vɨɨ lé. Àmɨ mú nòa díká àmɨ ndré kara ndráánɨ́ ɨ̀rɨ lajʉ vɨɨ. 7Acete àmɨ mú mbèlèmbele, àmɨ jí eꞌyo ꞌdɨ̀vɨɨ òlʉ ꞌba ɨ̀rɨ nɨ ɨmbale vɨɨ ɨnɨ yɨ́ kɨ́nɨ̀, ‘Ɨ̀gà drà alɨa vɨɨ yɨ̀ ra díká ɨ̀rɨ murɨa àmɨ drìlia adro Galilia. Nàa àmɨ ngaa muu ɨ̀rɨ ndrèe ra.’ Eꞌyo manɨ ꞌyole àmɨ yɨ́ ꞌdɨ̀vɨɨ ɨ̀rɨ àvɨ̀ àmɨ drìa kʉ.”
8Ànɨ zi ndee kʉ́ nyadrì ndee mbèlèmbele, ɨnɨ asíá òrì nɨ ovʉjʉ cɨ ra kpé pàbaa ɨnɨ alɨa àyɨ̀kò fɨ ra, díká dú eꞌyo ndee òlʉ ꞌba ɨ̀rɨ nɨ ɨmbale vɨɨ ɨnɨ yɨ́ rá. 9Yesu fúdrì ɨnɨ be lʉ́ yà kɨ́nɨ̀, “Asíndrɨ̀zà ɨ̀rɨ ovʉ àmɨ be.” Ànɨ zi ndee mú ɨ̀rɨ bʉ ra, sí ùlùúti ɨ̀rɨ drìlia, ꞌdú ɨ̀rɨ ka ɨwé ànɨ gíá díká ìnzí ɨ̀rɨ ra. 10Acete Yesu ꞌyo ɨnɨ yɨ́ kɨ́nɨ̀, “Àmɨ ꞌó òrì kʉ. Àmɨ mú díká àmɨ jí ꞌyo ꞌba manɨ ɨmbale vɨɨ ɨnɨ mú Galilia. Nàale ɨnɨ ngaa ma ndrèe ra.”
Eꞌyo àsɨ̀kárɨ̀ nɨ jile òlʉ̀le vɨɨ
11Zi vɨɨ ɨnɨ rɨrɨa muria létia ꞌba Yesu nɨ ɨmbale vɨɨ ɨnɨ bʉ, àsɨ̀kárɨ̀ alóo nyadrì àgapí tèle vɨɨ kódrì mu àkú ìmgbélé ndee alɨa díká jí eꞌyo nɨ ꞌole vɨɨ òlʉ ꞌba ꞌwàrà Orɨ ɨteꞌba vɨɨ ɨnɨ yɨ́. 12ꞌBa ꞌwàrà Orɨ ɨteꞌba vɨɨ ɨnɨ nɨ rɨjʉ oroo nàa vɨɨ ɨbe ꞌba, òtí òtìtaa séndè angɨrɨ vɨ́ɨvɨɨ fèjʉ àsɨ̀kárɨ̀ ndee ɨnɨ yɨ́, 13kɨ́nɨ̀ àsɨ̀kárɨ̀ ndee ɨnɨ yɨ́, “Àmɨ ꞌyó, ‘ꞌBa Yesu nɨ ɨmbale vɨɨ cá iní be díká ògí ɨ̀rɨ àbʉ̀ ra dèè àma oꞌdúá.’ 14Eꞌyo ꞌdɨ̀vɨɨ tè ngaa ca Pilato gavùnà bʉ ꞌba, àma ngaa ka sòo àmɨ ngʉkʉa mgbemgbe díká ꞌba ngáá mu àmɨ ɨnza kʉ.” 15Ànɨ àsɨ̀kárɨ̀ ndee ꞌdú séndè fèle ɨnɨ yɨ́ vɨɨ ra, díká ꞌó kòꞌbò ꞌbanɨ ꞌyole ɨnɨ yɨ́ vɨɨ lé rá. Díká eꞌyo ꞌdɨ̀vɨɨ ɨre nɨ àngʉ̀ Yahudia vɨɨ alɨa yɨ̀ ndulu kpere àndrʉ̀.
Yesu nɨ òkpo fèjʉ ꞌba ɨ̀rɨ nɨ ɨmbale vɨɨ ɨnɨ yɨ́ vɨɨ
(Mariko 16:14-18; Luka 24:36-49; Yohana 20:19-23; Eꞌyo ꞌota 1:6-8)
16Acete ꞌba Yesu nɨ ɨmbale mudrí drìa àlʉ vɨɨ mú Galilia ꞌbee ɨ̀rɨ nɨ ꞌyole ɨnɨ mú bʉa vɨɨ alɨa. 17Ɨnɨ nɨ ɨ̀rɨ ndrèjʉ ꞌba, ìnzí ɨ̀rɨ ra, te alóo rɨ́ àba ɨ̀rɨ yɨ̀ àbà. 18Acete Yesu mu ɨnɨ bʉ ògògò díká ꞌyo ɨnɨ yɨ́ kɨ́nɨ̀, “Atamà bùa vɨɨ fè òkpo ꞌbùa vɨɨ ɨnɨ nyawúá vɨɨ be drɨ́á ma gíá. 19Ànɨyɨ̀ àmɨ mú díká àmɨ ɨmbá ꞌba súrú drɨ́á alɨa ànɨ ɨnɨ ojá ànɨ ꞌba ma buti bɨ̀ꞌba drʉ benì. Àmɨ fé ɨnɨ yɨ́ bàbùtízìmù rú Àta awo yɨ̀, Mva awo yɨ̀ díká Orɨndɨ Àlátárá awo vɨɨ yɨ̀, 20díká àmɨ ɨmbá ɨnɨ eꞌyo manɨ ndráánɨ́ azílé àmɨ yɨ́ vɨɨ ɨnɨ buti òbɨ̀jʉ. Tàándí drʉ ma ngaa ovʉʉ àmɨ be sawà drɨ́á cɨ́ kpere àsìzà nɨ ngarɨa carɨa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved