Matayo 26
26
Yesu eꞌyo otʉjʉ vɨɨ
(Mariko 14:1-2; Luka 22:1-2; Yohana 11:45-53)
1Yesu nɨ eꞌyo ꞌdɨ̀vɨɨ ɨnɨ ɨmbajʉ dejʉ ꞌba, ꞌyo ꞌba ɨ̀rɨ nɨ ɨmbale vɨɨ ɨnɨ yɨ́ kɨ́nɨ̀, 2“Àmɨ nɨ nìle ꞌba vɨ́nɨ, àsì kírí oꞌdú ìrì òmù ìmgbélé ɨ̀gàtɨle tʉ̀ vɨɨ nyajʉ díká ꞌba ngaa ꞌBa Mvápi nɨ fèe dìì patí àlazà drìa ra.”
3Acete ꞌba ꞌwàrà orɨ ɨteꞌba vɨɨ trá ànɨ oroo nàa vɨɨ ɨbe orɨ ɨtere ìmgbélé Kaifasi drʉ vɨɨ awo rímbà drìa 4díká òꞌbá eꞌyo ka àkɨ́rɨ̀ yɨ̀ Yesu nɨ rʉjʉ mùnàmúná drʉ kijʉ ra. 5Te ꞌyó anɨ ɨ̀sɨlɨa kɨ́nɨ̀, “Te eꞌyo ꞌdɨ̀vɨɨ ɨ̀rɨ ꞌonɨ oꞌdú òmù nɨ vɨɨ yɨ̀ kʉ àrɨ̀yɨ̀kʉ tè ꞌbéé ngɨ̀rɨ̀ngɨ̀rɨ̀ ji òꞌbɨ ɨ̀sɨ̀lɨa kʉ.”
Òdʉ òsʉjʉ Yesu drìa Betania vɨɨ
6Yesu nɨ ovʉrɨa Betania Simoni ndráánɨ́ òpʉ nɨ nyale vɨɨ awo àkúá, 7izí àloo ca ɨ̀rɨ bʉ òdʉ àjíbe ndrʉ̀ʉ̀ àje yɨ̀ vɨɨ be zú alɨa, òsʉ Yesu drìa isú rɨ dèè tà nya mézà tia.
8ꞌBa ɨ̀rɨ nɨ ɨmbale vɨɨ ɨnɨ nɨ eꞌyo ꞌdɨ̀vɨɨ ndrèrɨa, cá òmbà yɨ̀, zí kɨ́nɨ̀, “Ɨ̀rɨ òdʉ òmvaa vɨ́nɨ àrɨ eꞌyo yɨ̀ yà? 9ꞌBa ɨcó té òdʉ ꞌdɨ̀vɨɨ ozí àje angɨrɨ yɨ̀ díká séndèa fe ꞌba aluu drʉ vɨɨ ɨnɨ yɨ́ rá.” 10Yesu nì eꞌyo ɨnɨ nɨ ꞌyole vɨɨ ɨnɨ ra, ànɨ ꞌyo ɨnɨ yɨ́ kɨ́nɨ̀, “Àmɨ izí vɨɨ ɨnzaa àrɨ eꞌyo yɨ̀ yà? Eꞌyo ɨ̀rɨ nɨ ꞌole ma be vɨɨ ɨ̀rɨ eꞌyo àlá díká ònyɨ̀be nɨ. 11Àmɨ ngaa ovʉʉ aluu be sawà káyɨ̀, te àmɨ ngaa ovʉ ma be sawà káyɨ̀ kʉ. 12Ɨ̀rɨ nɨ té òdʉ àjí ndrʉ̀ʉ̀ vɨɨ òsʉjʉ ma rúá vɨɨ yɨ̀, rɨ naa ma otʉ ngónde mujʉ ma sajʉ. 13Ma ꞌyo àmɨ́ yɨ́ tàándí drʉ, kara drɨ́á ꞌbanɨ eꞌyo àlá ꞌdɨ̀vɨɨ òlʉ̀jʉ wúdrìkúrùa vɨɨ alɨa, ꞌba nga eꞌyo ɨ̀rɨ nɨ ꞌole vɨɨ nzee ɨ̀rɨ eꞌyo ɨgajʉ pàbaa ɨ̀ndɨ̀.”
Yudasi nɨ àꞌɨ̀jʉ Yesu òꞌdɨ nyajʉ vɨɨ
(Mariko 14:3-9; Yohana 12:1-8)
14Acete ꞌba Yesu nɨ ɨmbale mudrí drìa ìrì vɨɨ ɨ̀sɨlɨa àlʉa omvele Yudasi Isikarioti drʉ vɨɨ mu ꞌba ꞌwàrà Orɨ ɨteꞌba vɨɨ ɨnɨ bʉ 15díká kɨ́nɨ̀, “Ma tè ngaa ɨ̀rɨ ji àmɨ́ yɨ́ rá, àmɨ mu má yɨ́ àrɨ àfa fèe yà?” Ànɨ lá sɨ̀lɨngɨ̀ ɨkɨ́kɨ́ sílìvà drʉ vɨɨ kàlína, fé ɨ̀rɨ yɨ́ rá. 16Ɨꞌdojʉ sawà nayɨ̀ Yudasi rɨ léti ndru Yesu nɨ jijʉ ɨnɨ yɨ́ rá.
Yesu nɨ òmù ìmgbélé ɨ̀gàtɨle tʉ̀ vɨɨ nyajʉ ꞌba ɨ̀rɨ nɨ ɨmbale vɨɨ ɨbe vɨɨ
(Mariko 14:12-21; Luka 22:7,21-23; Yohana 13:21-30)
17Oꞌdú òkò òmù ìmgbélé mʉ̀gatɨ̀ àkúfíkó vɨɨ nɨ vɨɨ yɨ̀, ꞌba Yesu nɨ ɨmbale vɨɨ cá ɨ̀rɨ bʉ kɨ́nɨ̀, “Mɨ lè àma mu tà òmù ìmgbélé ɨ̀gàtɨle tʉ̀ ꞌdɨ̀vɨɨ nyajʉ vɨɨ ɨdé ngòa yà?”
18Òmvɨ kɨ́nɨ̀, “Àmɨ mú àkú ìmgbélé vɨɨ alɨa agú na bʉ, díká àmɨ ꞌyó ɨ̀rɨ yɨ́ kɨ́nɨ̀, ‘Ɨmbaápi kɨ̀nɨ̀, oꞌdú ndráánɨ́ manɨ ꞌyole vɨɨ ca ace ògògò. Àma ngaa caa ꞌba manɨ ɨmbale vɨɨ ɨbe òmù ndee ìnzìi mɨ awo àkúá.’ ”
19Ànɨ ꞌba ɨ̀rɨ nɨ ɨmbale vɨɨ ꞌó kòꞌbò ɨ̀rɨ nɨ azílé ɨnɨ yɨ́ vɨɨ lé díká ɨdé tà òmù ìmgbélé ɨ̀gàtɨle ra vɨɨ nɨ vɨɨ ra.
20Òdrotilébe naa yɨ̀, Yesu rɨ́ ꞌba ɨrɨ nɨ ɨmbale mudrí drìa ìrì vɨɨ ɨbe túàlʉ mézà tia. 21Ɨnɨ nɨ tà nyarɨa, Yesu ꞌyo kɨ́nɨ̀, “Ma ꞌyo àmɨ́ yɨ́ tàándí drʉ, àmɨ ɨ̀sɨle àlʉa nɨ nga ma òꞌdɨ nyaa ra.”
22ꞌBa ɨ̀rɨ nɨ ɨmbale vɨɨ ovʉ́ càndɨ yɨ̀ díká ɨꞌdó ɨ̀rɨ zi drìadrìa kɨ́nɨ̀, “Tàándí drʉ Opɨ lá, mɨnɨ ɨgale vɨɨ yɨ̀ ovʉʉ ma ɨ kʉ yà?”
23Yesu òmvɨ kɨ́nɨ̀, “ꞌBarʉʉ gí osʉle ma be bàkúlà alɨa túàlʉ vɨɨ nɨ nga ma òꞌdɨ nyaa nɨ̀. 24ꞌBa Mvápi nɨ ngaa dràa kòꞌbò eꞌyo sɨ̀zà nɨ ꞌyole vɨ́nɨ, te càndɨ ꞌbarʉʉ ɨ̀rɨ òꞌdɨ nya vɨɨ drìa! Cɨ̀kàa ꞌbanɨ ndráánɨ́ ɨ̀rɨ òsijʉ kʉ vɨɨ ɨ.”
25Acete Yudasi ngale Yesu òꞌdɨ nyale vɨɨ ꞌyo kɨ́nɨ̀, “Adaada Ɨmbaápi lá mɨnɨ ꞌyole vɨɨ ma ɨ yʉ yà?”
Yesu òmvɨ kɨ́nɨ̀, “Èè, ɨ̀rɨ mɨ ɨ eꞌyo mɨnɨ ꞌyole vɨɨ ɨ̀rɨ trótrò.”
26Ɨnɨ nɨ tà nyarɨa, Yesu ꞌdu mʉ̀gatɨ̀, ꞌbà asídrɨ̀zà drìa díká àŋò alɨa ra, fè ꞌba ɨ̀rɨ nɨ ɨmbaꞌle vɨɨ ɨnɨ yɨ́ kɨ́nɨ̀, “Àmɨ ꞌdú díká àmɨ nyá, ꞌdɨ̀vɨɨ rúá ma awo vɨɨ ɨ.”
27Acete ꞌdú kópò, ꞌbà asídrɨ̀zà drìa díká fè ɨnɨ yɨ́ kɨ́nɨ̀, “Àmɨ drɨ́á ɨ̀rɨ mbu. 28ꞌDɨ̀vɨɨ àrɨ ma awo#26:28 Eꞌyo sɨ̀zà alóo yóoꞌdɨ. ɨ̀cetaa drʉ òyòsòzà nɨ, nɨ àdàle ɨ̀zatà ꞌba drɨ́á ꞌyowa vɨɨ trʉ̀jʉ vɨɨ ɨ. 29Ma lè ꞌyo àmɨ́ yɨ́, ma muu wɨ́nò sú ꞌdɨ̀vɨɨ mbu àmɨ be ɨꞌdojʉ àndrʉ̀ mujʉ adro díká kʉ kpere oꞌdú àma nɨ ngajʉ drì fujʉ àmɨ be Kárí Atamà awo vɨɨ alɨa vɨɨ yɨ̀.”
30Ace ɨnɨ nɨ ongo ìnzìtaa nɨ vɨɨ ngojʉ ꞌba, mú ꞌBee drìa Olivu patí be vɨɨ drìa.
Yesu nɨ eꞌyo Petero nɨ mujʉ ɨ̀rɨ gàjʉ vɨɨ ondríjʉ́ vɨɨ
(Mariko 14:27-31; Luka 22:31-34; Yohana 13:36-38)
31Acete Yesu ꞌyo ꞌba ɨ̀rɨ nɨ ɨmbale vɨɨ ɨnɨ yɨ́ kɨ́nɨ̀, “Iní àndrʉ̀ vɨɨ yɨ̀ àmɨ ngaa dùu eꞌyo ngale nɨ ꞌole ma be vɨɨ yɨ̀ ra, kòꞌbò eꞌyo sɨ̀zà nɨ ꞌyole vɨ́nɨ kɨ́nɨ̀;
‘Ma ngaa kàbèlè ocere nɨ kii ra,
díká kàbèlè nɨ ngaa ànɨ ɨree ra.’#26:31 Zakaria 13: 7.
32“Te ma tè ɨ̀gàa ꞌba, ma ngaa muu àmɨ drìlia adro Galilia.”
33Petero òmvɨ kɨ́nɨ̀, “Káꞌdí ꞌba drɨ́á té ànɨ dàa mɨ bʉ vɨɨ yɨ̀ ra, ma ngaa ma da kʉ.”
34Yesu òmvɨ ɨ̀rɨ́ yɨ́ kɨ́nɨ̀, “Ma ꞌyo mɨ yɨ́ tàándí drʉ, iní àndrʉ̀ vɨɨ yɨ̀, dèè ngà aꞌúátá ꞌbee cerè kʉ, mɨ ngaa ma gàa paaleko na.”
35Te Petero òmvɨ kɨ́nɨ̀, “Tè káꞌdí ovʉʉ dràjʉ mɨ be kpé, ma ngaa mɨ ga kʉ.” Díká ꞌba ɨ̀rɨ nɨ ɨmbale alóo vɨɨ ꞌyo pàbaa vɨ́nɨ.
Yesu nɨ Orɨ nɨ zijʉ Getisemania vɨɨ
(Mariko 14:32-42; Luka 22:39-46)
36Acete Yesu mu ꞌba ɨ̀rɨ nɨ ɨmbale vɨɨ ɨbe àngʉ̀ omvele Getisemania drʉ vɨɨ alɨa, díká ꞌyo ɨnɨ yɨ́ kɨ́nɨ̀, “Àmɨ rɨ́ vɨ̀a, ma ngà muu Orɨ nɨ zi nálé.” 37ꞌDu Petero ɨ díká Zibidayo anzípi ìrì vɨɨ ɨnɨ nɨ be ɨ̀ndɨ̀, butia ca càndɨ yɨ̀ díká òrì yɨ̀. 38Acete ꞌyo ɨnɨ yɨ́ kɨ́nɨ̀, “Orɨndɨ ma awo vɨɨ ga tree càndɨ yɨ̀ dídía dràjʉ ra drʉ. Àmɨ ovʉ́ ma àgaa vɨ̀a àngʉ̀ àga tèjʉ.”
39Mu ngà lʉ́ adro were, cotí ɨ̀co nɨ òꞌbúù drʉ andreti drìa díká zi Orɨ nɨ kɨ́nɨ̀, “Atamà, tè ɨcoo ra, mɨ ꞌdu kópò eꞌyo ɨ̀wa drʉ nɨ vɨɨ ma bʉ vɨɨ yɨ̀ ra. Ɨ̀rɨ ꞌonɨ manɨ lèle vɨ́nɨ kʉ, te mɨnɨ lèle vɨɨ lé.”
40Acete kàdrì ꞌba ɨ̀rɨ nɨ ɨ̀mbale vɨɨ ɨnɨ bʉ, isú ɨnɨ oꞌdú korɨa. Zi Petero nɨ kɨ́nɨ̀, “Àgu ꞌdìvɨɨ ɨnɨ lá àmɨ ɨcoo ndù lʉ́ àngʉ̀ àga te mule be kírí sawà àlʉ vɨ́nɨ kʉ yà?” 41“Àmɨ ovʉ mule be díká àmɨ izí àmɨ yɨ̀ ànɨ àmɨ fɨ́ obetaa alɨa kʉ benì. Àmɨ orɨndɨ lè ra, te àmɨ rúá òkpo yʉ.”
42Mu pàbaa eꞌyo zi díká paaleko ìrì vɨɨ alɨa kɨ́nɨ̀, “Atamà, kópò càndɨ nyajʉ vɨɨ mɨ ꞌdujʉ ma bʉ vɨɨ yɨ̀ ra vɨɨ tè lèe ma nya càndɨ ráká nɨ, ɨ̀rɨ ꞌonɨ mɨnɨ lèe vɨɨ lé.”
43Ɨ̀rɨ nɨ drì kàrɨa ɨnɨ bʉ, isú ɨnɨ oꞌdú korɨa pàbaa díká, àrɨ̀yɨ̀kʉ ɨnɨ mule nɨ ovʉle oꞌdú drʉ vɨɨ yɨ̀. 44Ànɨ kʉ ɨnɨ ra, díká kodrì mu Orɨ nɨ zi eꞌyo àlʉàlʉ vɨɨ drìa díká paaleko nazorè vɨɨ alɨa.
45Acete kàdrì ꞌba ɨ̀rɨ nɨ ɨmbale vɨɨ ɨnɨ bʉ díká ꞌyo ɨnɨ yɨ́ kɨ́nɨ̀, “Àmɨ ngà kírí oꞌdú koo díká ava lɨɨ yà? Àmɨ ndré ngà, sawà àsì ace ògògò, díká ꞌba nyá ꞌBa Mvápi òꞌdɨ ꞌba ɨ̀zatà be vɨɨ ɨnɨ yɨ́ ꞌba. 46Àmɨ ngá, àma mú. Àmɨ ndré ngà, agú ma òꞌdɨ nyale vɨɨ ɨ̀rɨ ꞌdɨ̀ ɨ!”
Yesu nɨ rujʉ vɨɨ
(Mariko 14:43; Luka 22:47-53; Yohana 18:3-12)
47Yesu nɨ rɨrɨa eꞌyo nzerɨa, Yudasi ꞌba ɨ̀rɨ nɨ ɨmbale mudrí drìa ìrì vɨɨ ɨnɨ ɨ̀sɨlɨa àlʉa drʉ vɨɨ ca ɨ̀rɨ bʉ ꞌba be òꞌbɨ́ányá drʉ. ꞌBa ndee ɨnɨ gíá pèwʉ ɨnɨ àbeti ɨnɨ be díká ꞌba ndee ɨnɨ ti ꞌba ꞌwàrà Orɨ ɨteꞌba vɨɨ pé oroo be nɨ̀. 48Isú vɨɨ dèè agú ɨ̀rɨ òꞌdɨ nyale vɨɨ fè ɨ̀cetaa òꞌbɨ ndee ɨnɨ yɨ́ ꞌbá kɨ́nɨ̀, “Agú ꞌbée manɨ mule òꞌdèle vɨɨ ɨ̀rɨ dèènaa agú àmɨ nɨ lèle vɨɨ ɨ, àmɨ rú ɨ̀rɨ ɨ.” 49Yudasi mu lʉ́ Yesu bʉ cotícotí díká zi ɨ̀rɨ kɨ́nɨ̀, “Asíánzú ɨ̀rɨ ovʉ mɨ be ɨmbaápi lá,” díká òꞌdè ɨ̀rɨ ra.
50Yesu òmvɨ kɨ́nɨ̀, “Àrɨmàonyɨ, mɨ ꞌo eꞌyo mɨnɨ cale ꞌole vɨɨ.”#26:50 Nòsìkʉ Àrɨ̀màonyɨ, mɨ ca àrɨ ꞌo ɨ yà?
Acete àgu vɨɨ òsó ká ɨ̀rɨ drìlia cɨ, atrí Yesu nɨ díká rú ɨ̀rɨ cɨ. 51Cotí, ꞌba àloo acílé Yesu be vɨ́ɨvɨɨ nze nɨ awo pèwʉ, ga àzíꞌbá orɨ ɨtere ìmgbélé awo vɨɨ àloo bía nzá.
52Yesu ꞌyo ɨ̀rɨ yɨ́ kɨ́nɨ̀, “Mɨ sʉ mɨ awo pèwʉ vɨɨ ròò, àrɨ̀yɨ̀kʉ ꞌba drɨ́á lèle ꞌba òkile pèwʉ yɨ̀ vɨɨ ɨnɨ ngaa òdràa pèwʉ yɨ̀. 53Àmɨ nɨ ɨgale vɨɨ yɨ̀ ma ɨcoo té Atamà bʉ àzàkoma àꞌí kʉ díká ɨcoo té ma yɨ́ malaika àsɨ̀kárɨ̀ drʉ ti pe ti mgbimgbi mudrí drìa ìrì nɨ ɨ̀gàtɨjʉ ra kʉ yà? 54Te tèté nɨ ꞌoo vɨ́nɨ ra nɨ, eꞌyo sɨ̀zà ꞌyole ɨ̀rɨ ꞌonɨ vɨ́nɨ vɨɨ nɨ ngaa caa nɨ kara kòꞌbò ngóningóni drʉ yà?”
55Acete Yesu ꞌyo òꞌbɨ ꞌdànaa ɨnɨ yɨ́ kɨ́nɨ̀, “Àmɨ́ ca ma ru pèwʉ ɨnɨ yɨ̀ àbeti be kɨ̀le ma ɨꞌdo àmɨ be àꞌdí nɨ lé vɨ́nɨ àrɨ eꞌyo yɨ̀ yà? Sawà drɨ́á ma ibú rɨ ꞌba ɨmba Orɨjó alɨa, te àmɨ ru ma kʉ. 56Te eꞌyo ꞌdɨ̀vɨɨ ꞌó ànɨ drɨ́á fèjʉ eꞌyo ꞌba eꞌyo ondrílé vɨɨ ɨnɨ nɨ sɨ̀le vɨɨ ɨ̀rɨ ca kòꞌbò benì.” Acete ꞌba ɨ̀rɨ nɨ ɨmbale vɨɨ dú ɨ̀rɨ àgaa vɨɨ yɨ̀ ra.
Yesu nɨ jijʉ ꞌba eꞌyo liꞌba vɨɨ ɨnɨ drìlia vɨɨ
(Mariko 14:13-65; Luka 22:54-55,63-71; Yohana 18:13-14,19-24)
57ꞌBa Yesu nɨ rule vɨɨ jí ɨ̀rɨ Orɨ ɨtere ìmgbélé omvele Kaifasi drʉ vɨɨ awo àkúá isú vɨɨ dèè ɨmbaꞌba àzítáá Orɨ awo vɨɨ nɨ vɨɨ trá ànɨ drɨ́á nàale. 58Te Petero bi ɨnɨ buti vàlà drʉ kpere kalɨ orɨ ɨtere ìmgbélé ndee awo vɨɨ alɨa. Fɨ àle ꞌbadèè rɨ nyáá ꞌba àngù aga tèꞌba vɨɨ ɨnɨ be ndrèjʉ eꞌyo vɨɨ nɨ ngaa ovʉʉ ngóni yà vɨɨ.
59Ànɨ ꞌba ꞌwàrà orɨ ɨteꞌba vɨɨ ɨnɨ ꞌba ꞌwàrà òpèle Yahudi ɨ̀sɨlɨa ꞌba drìceꞌba vɨɨ ɨbe òꞌbí eꞌyo ɨ̀nzò drʉ vɨ́ɨvɨɨ ɨnɨ òꞌba Yesu drìa eꞌyo lijʉ ɨ̀rɨ rúá azílé ànɨ ɨ̀rɨ kíjʉ ra benì. 60Te awɨɨ eꞌyo àloo isú kʉ ꞌbanɨ káꞌdí sàdénì ɨ̀nzò drʉ vɨɨ ɨnɨ jijʉ tree ra kpé.
Àsìjʉ ꞌba ìrì mú kíríá sàdénì ɨ̀nzò drʉ vɨɨ nze nɨ 61díká ꞌyó kɨ́nɨ̀, “Màꞌdʉʉ vɨɨ rɨ ꞌyo kɨ́nɨ̀, ‘Ma ɨcoo Orɨjó ìmgbélé ꞌdɨ̀vɨɨ àŋo díká si kírí oꞌdú na alɨa.’ ”
62Acete Orɨ ɨtere ìmgbélé vɨɨ nga oru ꞌyo Yesu yɨ́ kɨ́nɨ̀, “Mɨ àpee eꞌyo ꞌdɨ̀vɨɨ alɨa kʉ yà? Eꞌyo soti nzezà ꞌba ꞌdɨ̀vɨɨ ɨnɨ nɨ òlʉ̀le mɨ rúá ꞌdɨ̀vɨɨ drìa mɨ ꞌyoo ngó nɨ yà?” 63Te Yesu ajɨ títí.
Acete Orɨ ɨtere ìmgbélé vɨɨ ꞌyo ɨ̀rɨ yɨ́ kɨ́nɨ̀, “Ma lè mɨ sò òyò àma drìlia rú Orɨ ɨdrɨ drʉ vɨɨ awo yɨ̀. Mɨ ꞌyo àma yɨ́ mɨ Kristo Orɨ Mvápi ɨ yà vɨɨ.”
64Yesu òmvɨ ɨ̀rɨ yɨ́ kɨ́nɨ̀, “Èè, ɨ̀rɨ mɨnɨ ꞌyole vɨ́nɨ. Te ma lè ꞌyo àmɨ yɨ́, iwú àloo yɨ̀, àmɨ muu ꞌBa Mvápi nɨ nèe rɨzà drʉ atapi ìnzìzà drʉ vɨɨ gí ndépia díká ɨ̀rɨ mu ca iríti ꞌbùa vɨɨ alɨa yɨ̀.”
65Acete Orɨ ɨtere ìmgbélé vɨɨ àsɨ̀ nɨ awo bòngo ꞌba Orɨ ɨteꞌba vɨɨ ɨnɨ sʉ̀le àjale vɨɨ ra àako yɨ̀ díká ꞌyo kɨ́nɨ̀, “ꞌDa Orɨ nɨ ꞌba! Àma sàdénì yɨ̀ dídí àrɨ ꞌoo yà? Àma ɨrɨ ɨ̀dematara ɨ̀rɨ awo vɨɨ ꞌba. 66Àmɨ ɨga drìa ngóni yà?”
Òmvɨ́ ɨ̀rɨ yɨ́ kɨ́nɨ̀, “Sìtà ꞌbanɨ ɨ̀rɨ kijʉ ra.”
67Acete ꞌba ndee ɨꞌbɨ́ tùsú ɨ̀rɨ muletia, alóó có ɨ̀rɨ díká alóo òsá ɨ̀rɨ òsa 68díká ꞌyó kɨ́nɨ̀, “Kristo, mɨ ondrí àma yɨ́, àrɨ gbà mɨ nɨ̀ yà vɨɨ.”
Petero nɨ Yesu nɨ gàjʉ vɨɨ
(Mariko 14:66-72; Luka 22:56-62; Yohana 18:15-18,25-27)
69Petero nɨ rɨrɨa rímbà drìa kalɨ alɨa, àzíꞌbá òdrʉ drʉ vɨ́ɨvɨɨ àloo ca ɨ̀rɨ bʉ kɨ́nɨ̀, “Mɨ ndráánɨ́ Yesu Galilia vɨɨ be pàbaa ɨ̀ndɨ̀.”
70Te Petero gà eꞌyo ndee ɨnɨ drìlia sɨ̀ kɨ́nɨ̀, “Ma nìi mɨ ɨ̀tàa àrɨ eꞌyo drìa vɨɨ kʉ.”
71Acete mu kalɨ tilia le drʉ ꞌba dèè, àzíꞌbá òdrʉ drʉ vɨ́ɨvɨɨ àloo ndrè ɨ̀rɨ, ꞌyo òꞌbɨ yɨ́ kɨ́nɨ̀, “Màꞌdʉʉ ꞌdɨ̀vɨɨ ɨ̀rɨ ndráánɨ́ Yesu Nazeretia vɨɨ be pàbaa ɨ̀ndɨ̀” 72Gà eꞌyo ꞌdɨ̀vɨɨ pàbaa díká òyò sòzà be kɨ́nɨ̀, “Ma nìi agú ꞌdɨ̀vɨɨ kʉ!”
73Sawà were butia, ꞌba ka òsòꞌba uru vɨɨ mú Petero bʉ díká kɨ́nɨ̀, “Mɨ ndráánɨ́ tàándí ꞌbarʉʉ àloo Yesu be ɨ̀ndɨ̀ vɨ́ɨvɨɨ ɨ, àrɨ̀yɨ̀kʉ wʉ́rá mɨnɨ eꞌyo nzejʉ vɨɨ ɨ̀ce nɨ̀.”
74Acete Petero ɨꞌdo nɨ alú òyò sòzà be kɨ́nɨ̀, “Ma nìi agú ꞌdɨ̀vɨɨ kʉ!”
Cotícotí aꞌúátá ꞌbe cerè. 75Acete Petero ɨga eꞌyo Yesu nɨ ndráánɨ́ ꞌyole ɨ̀rɨ yɨ́ kɨ́nɨ̀, “Dèèngà aꞌúátá ꞌbee cerè kʉ, mɨ ngaa ma gàa sɨ̀ paaleko na” vɨɨ ra. Pʉ̀ wʉ àja ònzɨònzɨ.
Currently Selected:
Matayo 26: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 26
26
Yesu eꞌyo otʉjʉ vɨɨ
(Mariko 14:1-2; Luka 22:1-2; Yohana 11:45-53)
1Yesu nɨ eꞌyo ꞌdɨ̀vɨɨ ɨnɨ ɨmbajʉ dejʉ ꞌba, ꞌyo ꞌba ɨ̀rɨ nɨ ɨmbale vɨɨ ɨnɨ yɨ́ kɨ́nɨ̀, 2“Àmɨ nɨ nìle ꞌba vɨ́nɨ, àsì kírí oꞌdú ìrì òmù ìmgbélé ɨ̀gàtɨle tʉ̀ vɨɨ nyajʉ díká ꞌba ngaa ꞌBa Mvápi nɨ fèe dìì patí àlazà drìa ra.”
3Acete ꞌba ꞌwàrà orɨ ɨteꞌba vɨɨ trá ànɨ oroo nàa vɨɨ ɨbe orɨ ɨtere ìmgbélé Kaifasi drʉ vɨɨ awo rímbà drìa 4díká òꞌbá eꞌyo ka àkɨ́rɨ̀ yɨ̀ Yesu nɨ rʉjʉ mùnàmúná drʉ kijʉ ra. 5Te ꞌyó anɨ ɨ̀sɨlɨa kɨ́nɨ̀, “Te eꞌyo ꞌdɨ̀vɨɨ ɨ̀rɨ ꞌonɨ oꞌdú òmù nɨ vɨɨ yɨ̀ kʉ àrɨ̀yɨ̀kʉ tè ꞌbéé ngɨ̀rɨ̀ngɨ̀rɨ̀ ji òꞌbɨ ɨ̀sɨ̀lɨa kʉ.”
Òdʉ òsʉjʉ Yesu drìa Betania vɨɨ
6Yesu nɨ ovʉrɨa Betania Simoni ndráánɨ́ òpʉ nɨ nyale vɨɨ awo àkúá, 7izí àloo ca ɨ̀rɨ bʉ òdʉ àjíbe ndrʉ̀ʉ̀ àje yɨ̀ vɨɨ be zú alɨa, òsʉ Yesu drìa isú rɨ dèè tà nya mézà tia.
8ꞌBa ɨ̀rɨ nɨ ɨmbale vɨɨ ɨnɨ nɨ eꞌyo ꞌdɨ̀vɨɨ ndrèrɨa, cá òmbà yɨ̀, zí kɨ́nɨ̀, “Ɨ̀rɨ òdʉ òmvaa vɨ́nɨ àrɨ eꞌyo yɨ̀ yà? 9ꞌBa ɨcó té òdʉ ꞌdɨ̀vɨɨ ozí àje angɨrɨ yɨ̀ díká séndèa fe ꞌba aluu drʉ vɨɨ ɨnɨ yɨ́ rá.” 10Yesu nì eꞌyo ɨnɨ nɨ ꞌyole vɨɨ ɨnɨ ra, ànɨ ꞌyo ɨnɨ yɨ́ kɨ́nɨ̀, “Àmɨ izí vɨɨ ɨnzaa àrɨ eꞌyo yɨ̀ yà? Eꞌyo ɨ̀rɨ nɨ ꞌole ma be vɨɨ ɨ̀rɨ eꞌyo àlá díká ònyɨ̀be nɨ. 11Àmɨ ngaa ovʉʉ aluu be sawà káyɨ̀, te àmɨ ngaa ovʉ ma be sawà káyɨ̀ kʉ. 12Ɨ̀rɨ nɨ té òdʉ àjí ndrʉ̀ʉ̀ vɨɨ òsʉjʉ ma rúá vɨɨ yɨ̀, rɨ naa ma otʉ ngónde mujʉ ma sajʉ. 13Ma ꞌyo àmɨ́ yɨ́ tàándí drʉ, kara drɨ́á ꞌbanɨ eꞌyo àlá ꞌdɨ̀vɨɨ òlʉ̀jʉ wúdrìkúrùa vɨɨ alɨa, ꞌba nga eꞌyo ɨ̀rɨ nɨ ꞌole vɨɨ nzee ɨ̀rɨ eꞌyo ɨgajʉ pàbaa ɨ̀ndɨ̀.”
Yudasi nɨ àꞌɨ̀jʉ Yesu òꞌdɨ nyajʉ vɨɨ
(Mariko 14:3-9; Yohana 12:1-8)
14Acete ꞌba Yesu nɨ ɨmbale mudrí drìa ìrì vɨɨ ɨ̀sɨlɨa àlʉa omvele Yudasi Isikarioti drʉ vɨɨ mu ꞌba ꞌwàrà Orɨ ɨteꞌba vɨɨ ɨnɨ bʉ 15díká kɨ́nɨ̀, “Ma tè ngaa ɨ̀rɨ ji àmɨ́ yɨ́ rá, àmɨ mu má yɨ́ àrɨ àfa fèe yà?” Ànɨ lá sɨ̀lɨngɨ̀ ɨkɨ́kɨ́ sílìvà drʉ vɨɨ kàlína, fé ɨ̀rɨ yɨ́ rá. 16Ɨꞌdojʉ sawà nayɨ̀ Yudasi rɨ léti ndru Yesu nɨ jijʉ ɨnɨ yɨ́ rá.
Yesu nɨ òmù ìmgbélé ɨ̀gàtɨle tʉ̀ vɨɨ nyajʉ ꞌba ɨ̀rɨ nɨ ɨmbale vɨɨ ɨbe vɨɨ
(Mariko 14:12-21; Luka 22:7,21-23; Yohana 13:21-30)
17Oꞌdú òkò òmù ìmgbélé mʉ̀gatɨ̀ àkúfíkó vɨɨ nɨ vɨɨ yɨ̀, ꞌba Yesu nɨ ɨmbale vɨɨ cá ɨ̀rɨ bʉ kɨ́nɨ̀, “Mɨ lè àma mu tà òmù ìmgbélé ɨ̀gàtɨle tʉ̀ ꞌdɨ̀vɨɨ nyajʉ vɨɨ ɨdé ngòa yà?”
18Òmvɨ kɨ́nɨ̀, “Àmɨ mú àkú ìmgbélé vɨɨ alɨa agú na bʉ, díká àmɨ ꞌyó ɨ̀rɨ yɨ́ kɨ́nɨ̀, ‘Ɨmbaápi kɨ̀nɨ̀, oꞌdú ndráánɨ́ manɨ ꞌyole vɨɨ ca ace ògògò. Àma ngaa caa ꞌba manɨ ɨmbale vɨɨ ɨbe òmù ndee ìnzìi mɨ awo àkúá.’ ”
19Ànɨ ꞌba ɨ̀rɨ nɨ ɨmbale vɨɨ ꞌó kòꞌbò ɨ̀rɨ nɨ azílé ɨnɨ yɨ́ vɨɨ lé díká ɨdé tà òmù ìmgbélé ɨ̀gàtɨle ra vɨɨ nɨ vɨɨ ra.
20Òdrotilébe naa yɨ̀, Yesu rɨ́ ꞌba ɨrɨ nɨ ɨmbale mudrí drìa ìrì vɨɨ ɨbe túàlʉ mézà tia. 21Ɨnɨ nɨ tà nyarɨa, Yesu ꞌyo kɨ́nɨ̀, “Ma ꞌyo àmɨ́ yɨ́ tàándí drʉ, àmɨ ɨ̀sɨle àlʉa nɨ nga ma òꞌdɨ nyaa ra.”
22ꞌBa ɨ̀rɨ nɨ ɨmbale vɨɨ ovʉ́ càndɨ yɨ̀ díká ɨꞌdó ɨ̀rɨ zi drìadrìa kɨ́nɨ̀, “Tàándí drʉ Opɨ lá, mɨnɨ ɨgale vɨɨ yɨ̀ ovʉʉ ma ɨ kʉ yà?”
23Yesu òmvɨ kɨ́nɨ̀, “ꞌBarʉʉ gí osʉle ma be bàkúlà alɨa túàlʉ vɨɨ nɨ nga ma òꞌdɨ nyaa nɨ̀. 24ꞌBa Mvápi nɨ ngaa dràa kòꞌbò eꞌyo sɨ̀zà nɨ ꞌyole vɨ́nɨ, te càndɨ ꞌbarʉʉ ɨ̀rɨ òꞌdɨ nya vɨɨ drìa! Cɨ̀kàa ꞌbanɨ ndráánɨ́ ɨ̀rɨ òsijʉ kʉ vɨɨ ɨ.”
25Acete Yudasi ngale Yesu òꞌdɨ nyale vɨɨ ꞌyo kɨ́nɨ̀, “Adaada Ɨmbaápi lá mɨnɨ ꞌyole vɨɨ ma ɨ yʉ yà?”
Yesu òmvɨ kɨ́nɨ̀, “Èè, ɨ̀rɨ mɨ ɨ eꞌyo mɨnɨ ꞌyole vɨɨ ɨ̀rɨ trótrò.”
26Ɨnɨ nɨ tà nyarɨa, Yesu ꞌdu mʉ̀gatɨ̀, ꞌbà asídrɨ̀zà drìa díká àŋò alɨa ra, fè ꞌba ɨ̀rɨ nɨ ɨmbaꞌle vɨɨ ɨnɨ yɨ́ kɨ́nɨ̀, “Àmɨ ꞌdú díká àmɨ nyá, ꞌdɨ̀vɨɨ rúá ma awo vɨɨ ɨ.”
27Acete ꞌdú kópò, ꞌbà asídrɨ̀zà drìa díká fè ɨnɨ yɨ́ kɨ́nɨ̀, “Àmɨ drɨ́á ɨ̀rɨ mbu. 28ꞌDɨ̀vɨɨ àrɨ ma awo#26:28 Eꞌyo sɨ̀zà alóo yóoꞌdɨ. ɨ̀cetaa drʉ òyòsòzà nɨ, nɨ àdàle ɨ̀zatà ꞌba drɨ́á ꞌyowa vɨɨ trʉ̀jʉ vɨɨ ɨ. 29Ma lè ꞌyo àmɨ́ yɨ́, ma muu wɨ́nò sú ꞌdɨ̀vɨɨ mbu àmɨ be ɨꞌdojʉ àndrʉ̀ mujʉ adro díká kʉ kpere oꞌdú àma nɨ ngajʉ drì fujʉ àmɨ be Kárí Atamà awo vɨɨ alɨa vɨɨ yɨ̀.”
30Ace ɨnɨ nɨ ongo ìnzìtaa nɨ vɨɨ ngojʉ ꞌba, mú ꞌBee drìa Olivu patí be vɨɨ drìa.
Yesu nɨ eꞌyo Petero nɨ mujʉ ɨ̀rɨ gàjʉ vɨɨ ondríjʉ́ vɨɨ
(Mariko 14:27-31; Luka 22:31-34; Yohana 13:36-38)
31Acete Yesu ꞌyo ꞌba ɨ̀rɨ nɨ ɨmbale vɨɨ ɨnɨ yɨ́ kɨ́nɨ̀, “Iní àndrʉ̀ vɨɨ yɨ̀ àmɨ ngaa dùu eꞌyo ngale nɨ ꞌole ma be vɨɨ yɨ̀ ra, kòꞌbò eꞌyo sɨ̀zà nɨ ꞌyole vɨ́nɨ kɨ́nɨ̀;
‘Ma ngaa kàbèlè ocere nɨ kii ra,
díká kàbèlè nɨ ngaa ànɨ ɨree ra.’#26:31 Zakaria 13: 7.
32“Te ma tè ɨ̀gàa ꞌba, ma ngaa muu àmɨ drìlia adro Galilia.”
33Petero òmvɨ kɨ́nɨ̀, “Káꞌdí ꞌba drɨ́á té ànɨ dàa mɨ bʉ vɨɨ yɨ̀ ra, ma ngaa ma da kʉ.”
34Yesu òmvɨ ɨ̀rɨ́ yɨ́ kɨ́nɨ̀, “Ma ꞌyo mɨ yɨ́ tàándí drʉ, iní àndrʉ̀ vɨɨ yɨ̀, dèè ngà aꞌúátá ꞌbee cerè kʉ, mɨ ngaa ma gàa paaleko na.”
35Te Petero òmvɨ kɨ́nɨ̀, “Tè káꞌdí ovʉʉ dràjʉ mɨ be kpé, ma ngaa mɨ ga kʉ.” Díká ꞌba ɨ̀rɨ nɨ ɨmbale alóo vɨɨ ꞌyo pàbaa vɨ́nɨ.
Yesu nɨ Orɨ nɨ zijʉ Getisemania vɨɨ
(Mariko 14:32-42; Luka 22:39-46)
36Acete Yesu mu ꞌba ɨ̀rɨ nɨ ɨmbale vɨɨ ɨbe àngʉ̀ omvele Getisemania drʉ vɨɨ alɨa, díká ꞌyo ɨnɨ yɨ́ kɨ́nɨ̀, “Àmɨ rɨ́ vɨ̀a, ma ngà muu Orɨ nɨ zi nálé.” 37ꞌDu Petero ɨ díká Zibidayo anzípi ìrì vɨɨ ɨnɨ nɨ be ɨ̀ndɨ̀, butia ca càndɨ yɨ̀ díká òrì yɨ̀. 38Acete ꞌyo ɨnɨ yɨ́ kɨ́nɨ̀, “Orɨndɨ ma awo vɨɨ ga tree càndɨ yɨ̀ dídía dràjʉ ra drʉ. Àmɨ ovʉ́ ma àgaa vɨ̀a àngʉ̀ àga tèjʉ.”
39Mu ngà lʉ́ adro were, cotí ɨ̀co nɨ òꞌbúù drʉ andreti drìa díká zi Orɨ nɨ kɨ́nɨ̀, “Atamà, tè ɨcoo ra, mɨ ꞌdu kópò eꞌyo ɨ̀wa drʉ nɨ vɨɨ ma bʉ vɨɨ yɨ̀ ra. Ɨ̀rɨ ꞌonɨ manɨ lèle vɨ́nɨ kʉ, te mɨnɨ lèle vɨɨ lé.”
40Acete kàdrì ꞌba ɨ̀rɨ nɨ ɨ̀mbale vɨɨ ɨnɨ bʉ, isú ɨnɨ oꞌdú korɨa. Zi Petero nɨ kɨ́nɨ̀, “Àgu ꞌdìvɨɨ ɨnɨ lá àmɨ ɨcoo ndù lʉ́ àngʉ̀ àga te mule be kírí sawà àlʉ vɨ́nɨ kʉ yà?” 41“Àmɨ ovʉ mule be díká àmɨ izí àmɨ yɨ̀ ànɨ àmɨ fɨ́ obetaa alɨa kʉ benì. Àmɨ orɨndɨ lè ra, te àmɨ rúá òkpo yʉ.”
42Mu pàbaa eꞌyo zi díká paaleko ìrì vɨɨ alɨa kɨ́nɨ̀, “Atamà, kópò càndɨ nyajʉ vɨɨ mɨ ꞌdujʉ ma bʉ vɨɨ yɨ̀ ra vɨɨ tè lèe ma nya càndɨ ráká nɨ, ɨ̀rɨ ꞌonɨ mɨnɨ lèe vɨɨ lé.”
43Ɨ̀rɨ nɨ drì kàrɨa ɨnɨ bʉ, isú ɨnɨ oꞌdú korɨa pàbaa díká, àrɨ̀yɨ̀kʉ ɨnɨ mule nɨ ovʉle oꞌdú drʉ vɨɨ yɨ̀. 44Ànɨ kʉ ɨnɨ ra, díká kodrì mu Orɨ nɨ zi eꞌyo àlʉàlʉ vɨɨ drìa díká paaleko nazorè vɨɨ alɨa.
45Acete kàdrì ꞌba ɨ̀rɨ nɨ ɨmbale vɨɨ ɨnɨ bʉ díká ꞌyo ɨnɨ yɨ́ kɨ́nɨ̀, “Àmɨ ngà kírí oꞌdú koo díká ava lɨɨ yà? Àmɨ ndré ngà, sawà àsì ace ògògò, díká ꞌba nyá ꞌBa Mvápi òꞌdɨ ꞌba ɨ̀zatà be vɨɨ ɨnɨ yɨ́ ꞌba. 46Àmɨ ngá, àma mú. Àmɨ ndré ngà, agú ma òꞌdɨ nyale vɨɨ ɨ̀rɨ ꞌdɨ̀ ɨ!”
Yesu nɨ rujʉ vɨɨ
(Mariko 14:43; Luka 22:47-53; Yohana 18:3-12)
47Yesu nɨ rɨrɨa eꞌyo nzerɨa, Yudasi ꞌba ɨ̀rɨ nɨ ɨmbale mudrí drìa ìrì vɨɨ ɨnɨ ɨ̀sɨlɨa àlʉa drʉ vɨɨ ca ɨ̀rɨ bʉ ꞌba be òꞌbɨ́ányá drʉ. ꞌBa ndee ɨnɨ gíá pèwʉ ɨnɨ àbeti ɨnɨ be díká ꞌba ndee ɨnɨ ti ꞌba ꞌwàrà Orɨ ɨteꞌba vɨɨ pé oroo be nɨ̀. 48Isú vɨɨ dèè agú ɨ̀rɨ òꞌdɨ nyale vɨɨ fè ɨ̀cetaa òꞌbɨ ndee ɨnɨ yɨ́ ꞌbá kɨ́nɨ̀, “Agú ꞌbée manɨ mule òꞌdèle vɨɨ ɨ̀rɨ dèènaa agú àmɨ nɨ lèle vɨɨ ɨ, àmɨ rú ɨ̀rɨ ɨ.” 49Yudasi mu lʉ́ Yesu bʉ cotícotí díká zi ɨ̀rɨ kɨ́nɨ̀, “Asíánzú ɨ̀rɨ ovʉ mɨ be ɨmbaápi lá,” díká òꞌdè ɨ̀rɨ ra.
50Yesu òmvɨ kɨ́nɨ̀, “Àrɨmàonyɨ, mɨ ꞌo eꞌyo mɨnɨ cale ꞌole vɨɨ.”#26:50 Nòsìkʉ Àrɨ̀màonyɨ, mɨ ca àrɨ ꞌo ɨ yà?
Acete àgu vɨɨ òsó ká ɨ̀rɨ drìlia cɨ, atrí Yesu nɨ díká rú ɨ̀rɨ cɨ. 51Cotí, ꞌba àloo acílé Yesu be vɨ́ɨvɨɨ nze nɨ awo pèwʉ, ga àzíꞌbá orɨ ɨtere ìmgbélé awo vɨɨ àloo bía nzá.
52Yesu ꞌyo ɨ̀rɨ yɨ́ kɨ́nɨ̀, “Mɨ sʉ mɨ awo pèwʉ vɨɨ ròò, àrɨ̀yɨ̀kʉ ꞌba drɨ́á lèle ꞌba òkile pèwʉ yɨ̀ vɨɨ ɨnɨ ngaa òdràa pèwʉ yɨ̀. 53Àmɨ nɨ ɨgale vɨɨ yɨ̀ ma ɨcoo té Atamà bʉ àzàkoma àꞌí kʉ díká ɨcoo té ma yɨ́ malaika àsɨ̀kárɨ̀ drʉ ti pe ti mgbimgbi mudrí drìa ìrì nɨ ɨ̀gàtɨjʉ ra kʉ yà? 54Te tèté nɨ ꞌoo vɨ́nɨ ra nɨ, eꞌyo sɨ̀zà ꞌyole ɨ̀rɨ ꞌonɨ vɨ́nɨ vɨɨ nɨ ngaa caa nɨ kara kòꞌbò ngóningóni drʉ yà?”
55Acete Yesu ꞌyo òꞌbɨ ꞌdànaa ɨnɨ yɨ́ kɨ́nɨ̀, “Àmɨ́ ca ma ru pèwʉ ɨnɨ yɨ̀ àbeti be kɨ̀le ma ɨꞌdo àmɨ be àꞌdí nɨ lé vɨ́nɨ àrɨ eꞌyo yɨ̀ yà? Sawà drɨ́á ma ibú rɨ ꞌba ɨmba Orɨjó alɨa, te àmɨ ru ma kʉ. 56Te eꞌyo ꞌdɨ̀vɨɨ ꞌó ànɨ drɨ́á fèjʉ eꞌyo ꞌba eꞌyo ondrílé vɨɨ ɨnɨ nɨ sɨ̀le vɨɨ ɨ̀rɨ ca kòꞌbò benì.” Acete ꞌba ɨ̀rɨ nɨ ɨmbale vɨɨ dú ɨ̀rɨ àgaa vɨɨ yɨ̀ ra.
Yesu nɨ jijʉ ꞌba eꞌyo liꞌba vɨɨ ɨnɨ drìlia vɨɨ
(Mariko 14:13-65; Luka 22:54-55,63-71; Yohana 18:13-14,19-24)
57ꞌBa Yesu nɨ rule vɨɨ jí ɨ̀rɨ Orɨ ɨtere ìmgbélé omvele Kaifasi drʉ vɨɨ awo àkúá isú vɨɨ dèè ɨmbaꞌba àzítáá Orɨ awo vɨɨ nɨ vɨɨ trá ànɨ drɨ́á nàale. 58Te Petero bi ɨnɨ buti vàlà drʉ kpere kalɨ orɨ ɨtere ìmgbélé ndee awo vɨɨ alɨa. Fɨ àle ꞌbadèè rɨ nyáá ꞌba àngù aga tèꞌba vɨɨ ɨnɨ be ndrèjʉ eꞌyo vɨɨ nɨ ngaa ovʉʉ ngóni yà vɨɨ.
59Ànɨ ꞌba ꞌwàrà orɨ ɨteꞌba vɨɨ ɨnɨ ꞌba ꞌwàrà òpèle Yahudi ɨ̀sɨlɨa ꞌba drìceꞌba vɨɨ ɨbe òꞌbí eꞌyo ɨ̀nzò drʉ vɨ́ɨvɨɨ ɨnɨ òꞌba Yesu drìa eꞌyo lijʉ ɨ̀rɨ rúá azílé ànɨ ɨ̀rɨ kíjʉ ra benì. 60Te awɨɨ eꞌyo àloo isú kʉ ꞌbanɨ káꞌdí sàdénì ɨ̀nzò drʉ vɨɨ ɨnɨ jijʉ tree ra kpé.
Àsìjʉ ꞌba ìrì mú kíríá sàdénì ɨ̀nzò drʉ vɨɨ nze nɨ 61díká ꞌyó kɨ́nɨ̀, “Màꞌdʉʉ vɨɨ rɨ ꞌyo kɨ́nɨ̀, ‘Ma ɨcoo Orɨjó ìmgbélé ꞌdɨ̀vɨɨ àŋo díká si kírí oꞌdú na alɨa.’ ”
62Acete Orɨ ɨtere ìmgbélé vɨɨ nga oru ꞌyo Yesu yɨ́ kɨ́nɨ̀, “Mɨ àpee eꞌyo ꞌdɨ̀vɨɨ alɨa kʉ yà? Eꞌyo soti nzezà ꞌba ꞌdɨ̀vɨɨ ɨnɨ nɨ òlʉ̀le mɨ rúá ꞌdɨ̀vɨɨ drìa mɨ ꞌyoo ngó nɨ yà?” 63Te Yesu ajɨ títí.
Acete Orɨ ɨtere ìmgbélé vɨɨ ꞌyo ɨ̀rɨ yɨ́ kɨ́nɨ̀, “Ma lè mɨ sò òyò àma drìlia rú Orɨ ɨdrɨ drʉ vɨɨ awo yɨ̀. Mɨ ꞌyo àma yɨ́ mɨ Kristo Orɨ Mvápi ɨ yà vɨɨ.”
64Yesu òmvɨ ɨ̀rɨ yɨ́ kɨ́nɨ̀, “Èè, ɨ̀rɨ mɨnɨ ꞌyole vɨ́nɨ. Te ma lè ꞌyo àmɨ yɨ́, iwú àloo yɨ̀, àmɨ muu ꞌBa Mvápi nɨ nèe rɨzà drʉ atapi ìnzìzà drʉ vɨɨ gí ndépia díká ɨ̀rɨ mu ca iríti ꞌbùa vɨɨ alɨa yɨ̀.”
65Acete Orɨ ɨtere ìmgbélé vɨɨ àsɨ̀ nɨ awo bòngo ꞌba Orɨ ɨteꞌba vɨɨ ɨnɨ sʉ̀le àjale vɨɨ ra àako yɨ̀ díká ꞌyo kɨ́nɨ̀, “ꞌDa Orɨ nɨ ꞌba! Àma sàdénì yɨ̀ dídí àrɨ ꞌoo yà? Àma ɨrɨ ɨ̀dematara ɨ̀rɨ awo vɨɨ ꞌba. 66Àmɨ ɨga drìa ngóni yà?”
Òmvɨ́ ɨ̀rɨ yɨ́ kɨ́nɨ̀, “Sìtà ꞌbanɨ ɨ̀rɨ kijʉ ra.”
67Acete ꞌba ndee ɨꞌbɨ́ tùsú ɨ̀rɨ muletia, alóó có ɨ̀rɨ díká alóo òsá ɨ̀rɨ òsa 68díká ꞌyó kɨ́nɨ̀, “Kristo, mɨ ondrí àma yɨ́, àrɨ gbà mɨ nɨ̀ yà vɨɨ.”
Petero nɨ Yesu nɨ gàjʉ vɨɨ
(Mariko 14:66-72; Luka 22:56-62; Yohana 18:15-18,25-27)
69Petero nɨ rɨrɨa rímbà drìa kalɨ alɨa, àzíꞌbá òdrʉ drʉ vɨ́ɨvɨɨ àloo ca ɨ̀rɨ bʉ kɨ́nɨ̀, “Mɨ ndráánɨ́ Yesu Galilia vɨɨ be pàbaa ɨ̀ndɨ̀.”
70Te Petero gà eꞌyo ndee ɨnɨ drìlia sɨ̀ kɨ́nɨ̀, “Ma nìi mɨ ɨ̀tàa àrɨ eꞌyo drìa vɨɨ kʉ.”
71Acete mu kalɨ tilia le drʉ ꞌba dèè, àzíꞌbá òdrʉ drʉ vɨ́ɨvɨɨ àloo ndrè ɨ̀rɨ, ꞌyo òꞌbɨ yɨ́ kɨ́nɨ̀, “Màꞌdʉʉ ꞌdɨ̀vɨɨ ɨ̀rɨ ndráánɨ́ Yesu Nazeretia vɨɨ be pàbaa ɨ̀ndɨ̀” 72Gà eꞌyo ꞌdɨ̀vɨɨ pàbaa díká òyò sòzà be kɨ́nɨ̀, “Ma nìi agú ꞌdɨ̀vɨɨ kʉ!”
73Sawà were butia, ꞌba ka òsòꞌba uru vɨɨ mú Petero bʉ díká kɨ́nɨ̀, “Mɨ ndráánɨ́ tàándí ꞌbarʉʉ àloo Yesu be ɨ̀ndɨ̀ vɨ́ɨvɨɨ ɨ, àrɨ̀yɨ̀kʉ wʉ́rá mɨnɨ eꞌyo nzejʉ vɨɨ ɨ̀ce nɨ̀.”
74Acete Petero ɨꞌdo nɨ alú òyò sòzà be kɨ́nɨ̀, “Ma nìi agú ꞌdɨ̀vɨɨ kʉ!”
Cotícotí aꞌúátá ꞌbe cerè. 75Acete Petero ɨga eꞌyo Yesu nɨ ndráánɨ́ ꞌyole ɨ̀rɨ yɨ́ kɨ́nɨ̀, “Dèèngà aꞌúátá ꞌbee cerè kʉ, mɨ ngaa ma gàa sɨ̀ paaleko na” vɨɨ ra. Pʉ̀ wʉ àja ònzɨònzɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved