2 Koronito 8
8
Fètaa Kristiani àzà kojʉ vɨɨ
1Adrímà lá, àma lè eꞌyo ɨ̀ce àmɨ yɨ́ asíndrɨ̀zà Orɨ nɨ fèle kristiani àngʉ̀ Makidoni vɨɨ alɨa vɨɨ ɨnɨ yɨ́ vɨɨ drìa. 2Ɨnɨ nɨ ibújʉ́ ovʉjʉ eꞌyo ɨ̀wa alɨa díká àlùù alɨa ra kpé, te rɨ́ ovʉ àyɨ̀kò yɨ̀ tʉ̀, díká rɨ́ fètaa fe àva yɨ̀ kristiani alóo vɨɨ ɨnɨ àzà kojʉ. 3Àrɨ̀yɨ̀kʉ ma lè ꞌyo àmɨ yɨ́ kɨ́nɨ̀, fé àfa ɨnɨ nɨ ɨcole fèle ra vɨɨ ɨnɨ àva yɨ̀ káꞌdí ɨ̀gàtɨ ɨnɨ òkpo ra. Díká fé àfa ndee ɨnɨ ànɨ así yɨ̀, 4wʉ́ àma ꞌbʉ díká àꞌí asíndrɨ̀zà àma nɨ fèjʉ ɨnɨ yɨ́ àzí Kristiani àlátárá Yudea vɨɨ ɨnɨ yɨ́ fètaa fèjʉ ɨ̀ndɨ̀. 5Díká ꞌó eꞌyo ɨ̀gàtɨ àmanɨ ɨgale vɨɨ ra, te fé ànɨ ngʉlʉpɨ Opɨ yɨ́ òkò, pàbaa òkpo Orɨ awo vɨɨ yɨ̀, fé ànɨ ngʉlʉpɨ àma yɨ́ ɨ̀ndɨ̀. 6Ànɨ àma lè Tito nɨ àꞌí kɨ̀le ɨ̀rɨ nɨ ndráánɨ́ ɨꞌdole òkò vɨɨ lé, drìkàjʉ àmɨ ɨ̀kajʉ àzí fètaa nɨ vɨɨ dejʉ benì. 7Te àmɨ ꞌoo ònyɨ̀ be létikoro òꞌbɨ́ yɨ̀, àꞌɨ̀taa yɨ̀, eꞌyo òlʉ̀zà yɨ̀, eꞌyo nìzà yɨ̀, àva ꞌbàzà yɨ̀, ꞌba àzà kojʉ yɨ̀ díká lètaa àmɨ àma lèjʉ vɨɨ yɨ̀, #8:7 Eꞌyo sɨ̀zà alóo alɨaalè àma ꞌyowa àmɨ yɨ́ vɨɨ alɨa. lè pàbaa àmɨ ndré kílílí kɨ́nɨ̀ àmɨ ꞌoo ònyɨ̀be asíndrɨ̀zà àfa fèzà nɨ vɨɨ alɨa.
8Ma òmɨ̀ɨ àmɨ òmɨ̀ kʉ, káꞌdí Kristiani alóo ɨnɨ nɨ ovʉjʉ ngónde àva yɨ̀ arípí àzà kojʉ ra kpé. ꞌDɨ̀vɨɨ léti manɨ lèjʉ lètaa ada àmɨ asíá vɨɨ òꞌbìjʉ vɨɨ ɨ. 9Àrɨ̀yɨ̀kʉ àmɨ nì asíndrɨ̀zà Opɨ Yesu Kristo awo vɨɨ ra, kʉ nɨ awo lonyɨ vɨɨ drɨ́á ovʉjʉ àlúú drʉ àmɨ eꞌyo yɨ̀ azílé léti ɨ̀rɨ awo àlùù nɨ vɨɨ yɨ̀ àmɨ nɨ ɨcojʉ ɨ̀lònyɨjʉ benì.
10Ɨgataa ma awo yɨ̀, lè àmɨ dé eꞌyo àmɨ nɨ ɨꞌdole ɨlɨ ajoo vɨɨ yɨ̀ vɨɨ ra. Ɨlɨ ajoo vɨɨ yɨ̀ àmɨ ꞌba òkò àfa fèle díká àva fèle àfa fèjʉ vɨɨ ɨ. 11Ànɨ acete àmɨ dé àzí ꞌdɨ̀vɨɨ ra kòꞌbò àva àmɨ nɨ ndráánɨ́ ɨꞌdojʉ vɨɨ yɨ̀. Àmɨ fé àfa àmɨ nɨ ɨcole fèle vɨɨ lé. 12Àrɨ̀yɨ̀kʉ àva àfa fèjʉ cenɨ̀ vɨɨ tè ovʉʉ cɨ, ꞌbá àfa fèzà cɨ vɨɨ fe ɨ díká àfa ndee ꞌbá àti ra ovʉʉ àfa yʉ vɨɨ alɨa kʉ.
13Manɨ ꞌyole vɨɨ ovʉʉ àmɨ fé àfa angɨrɨ fèjʉ àmɨ nɨ càndɨ nyajʉ àfa àkò yɨ̀ vɨ́nɨ kʉ. Manɨ ꞌyole vɨɨ àmɨ kó àmɨ àzà àfa fèzà àmɨ ɨ̀sɨlɨa. 14Sawà ꞌdɨ̀vɨɨ yɨ̀ àmɨ àfa be angɨrɨ díká àfa ndee ɨco ɨnɨ àzàko ra, ànɨ sawà ɨnɨ bʉ àfa nɨ ngajʉ ovʉjʉ angɨrɨ vɨɨ alɨa ɨnɨ ngaa pàbaa àmɨ àzà koo ra. Léti ꞌdɨ̀vɨɨ yɨ̀, àfa ꞌba drɨ́á nɨ lèle vɨɨ ɨ̀rɨ nga ovʉʉ cɨ, 15kòꞌbò eꞌyo sɨ̀zà nɨ ꞌyole vɨɨ lé kɨ́nɨ̀, “ꞌBarʉʉ òkʉle angɨrɨ vɨɨ awɨɨ òkʉ nɨ drìle yɨ̀ tʉ̀ kʉ, díká òkʉle were vɨɨ awɨɨ òkʉ wereá drʉ tʉ̀ kʉ.”#Ipuza 16:18
Tito ti pèjʉ Korinitoa vɨɨ
16Ma lè àwàꞌdɨ̀fóò fe Orɨ Tito asíá àva àlʉàlʉ manɨ ꞌbàle àmɨ drìa vɨɨ sʉle vɨɨ yɨ́. 17Àrɨ̀yɨ̀kʉ ovʉʉ Tito nɨ muu àle kíríá ɨ̀rɨ nɨ eꞌyo àma tia vɨɨ butia òbɨ̀le vɨɨ yɨ̀ kʉ te pàbaa ɨ̀rɨ nɨ ovʉle àva be àmɨ drìa vɨɨ yɨ̀. 18Àma pàbaa Kristiani àloo ꞌbanɨ nìle tʉ̀ díká ꞌbanɨ eꞌyoa ɨcúlé Eꞌyo ba Orɨ awo vɨɨ òlʉ̀zà yɨ̀ tʉ̀ vɨ́ɨvɨɨ tia pèe ɨ̀rɨ be ɨ̀ndɨ̀. 19Kristiani pé ɨ̀rɨ ti mujʉ àma be túàlʉ fètaa ɨnɨ fèle vɨɨ jiria Yerusalemua. ꞌDɨ̀vɨɨ àzí dìzà fèe Opɨ yɨ́, díká àva àzàkoma asíndrɨ̀zà nɨ vɨɨ ɨ̀ꞌdaa vɨɨ ɨ. 20Àma eꞌyo ꞌdɨ̀vɨɨ ꞌoo onotaa àma rúá fètaa òꞌbɨ nɨ fèle àva yɨ̀ vɨɨ drìa vɨɨ òga. 21Àrɨ̀yɨ̀kʉ àzí àma ꞌyowa vɨɨ eꞌyo ada ꞌojʉ ovʉʉ kíríá Opɨ mulia kʉ te pàbaa òꞌbɨ mulia ɨ̀ndɨ̀.
22Ànɨàma pàbaa Kristiani àloo eꞌyo Orɨ awo vɨɨ àꞌɨ̀le ra díká ɨbúlé àzí ngale kílílí àva be vɨ́ɨvɨɨ àloo tia pèe ꞌba ìrì vɨɨ ɨnɨ buti yɨ̀ ɨ̀ndɨ̀, díká àma nìra ɨ̀rɨ ngónde àmɨ àzà kojʉ. 23Tè ovʉʉ Tito ɨ, ɨ̀rɨ ꞌbarʉʉ àzí ngale ma be àmɨ àzà kojʉ vɨ́ɨvɨɨ ɨ. Te ꞌba alóo vɨɨ ɨnɨ ꞌba àzí ngale àma be ovʉle Kristiani mgbi mgbi àngʉ̀ ndee alɨa vɨɨ ɨnɨ nɨ ɨnɨ ti pèle nɨ̀ díká ìnzìtaa fèle Kristo yɨ́ vɨɨ ɨnɨ ɨ. 24Ànɨ, àmɨ ɨꞌdá lètaa àmɨ ꞌyowa vɨɨ àgu vɨɨ ɨnɨ yɨ́ díká asísílé àma nɨ ovʉjʉ àfʉ́ yɨ̀ àmɨ yɨ̀ vɨɨ ɨnɨ yɨ́ ra azílé Kristiani ɨnɨ ndré benì.
Currently Selected:
2 Koronito 8: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Koronito 8
8
Fètaa Kristiani àzà kojʉ vɨɨ
1Adrímà lá, àma lè eꞌyo ɨ̀ce àmɨ yɨ́ asíndrɨ̀zà Orɨ nɨ fèle kristiani àngʉ̀ Makidoni vɨɨ alɨa vɨɨ ɨnɨ yɨ́ vɨɨ drìa. 2Ɨnɨ nɨ ibújʉ́ ovʉjʉ eꞌyo ɨ̀wa alɨa díká àlùù alɨa ra kpé, te rɨ́ ovʉ àyɨ̀kò yɨ̀ tʉ̀, díká rɨ́ fètaa fe àva yɨ̀ kristiani alóo vɨɨ ɨnɨ àzà kojʉ. 3Àrɨ̀yɨ̀kʉ ma lè ꞌyo àmɨ yɨ́ kɨ́nɨ̀, fé àfa ɨnɨ nɨ ɨcole fèle ra vɨɨ ɨnɨ àva yɨ̀ káꞌdí ɨ̀gàtɨ ɨnɨ òkpo ra. Díká fé àfa ndee ɨnɨ ànɨ así yɨ̀, 4wʉ́ àma ꞌbʉ díká àꞌí asíndrɨ̀zà àma nɨ fèjʉ ɨnɨ yɨ́ àzí Kristiani àlátárá Yudea vɨɨ ɨnɨ yɨ́ fètaa fèjʉ ɨ̀ndɨ̀. 5Díká ꞌó eꞌyo ɨ̀gàtɨ àmanɨ ɨgale vɨɨ ra, te fé ànɨ ngʉlʉpɨ Opɨ yɨ́ òkò, pàbaa òkpo Orɨ awo vɨɨ yɨ̀, fé ànɨ ngʉlʉpɨ àma yɨ́ ɨ̀ndɨ̀. 6Ànɨ àma lè Tito nɨ àꞌí kɨ̀le ɨ̀rɨ nɨ ndráánɨ́ ɨꞌdole òkò vɨɨ lé, drìkàjʉ àmɨ ɨ̀kajʉ àzí fètaa nɨ vɨɨ dejʉ benì. 7Te àmɨ ꞌoo ònyɨ̀ be létikoro òꞌbɨ́ yɨ̀, àꞌɨ̀taa yɨ̀, eꞌyo òlʉ̀zà yɨ̀, eꞌyo nìzà yɨ̀, àva ꞌbàzà yɨ̀, ꞌba àzà kojʉ yɨ̀ díká lètaa àmɨ àma lèjʉ vɨɨ yɨ̀, #8:7 Eꞌyo sɨ̀zà alóo alɨaalè àma ꞌyowa àmɨ yɨ́ vɨɨ alɨa. lè pàbaa àmɨ ndré kílílí kɨ́nɨ̀ àmɨ ꞌoo ònyɨ̀be asíndrɨ̀zà àfa fèzà nɨ vɨɨ alɨa.
8Ma òmɨ̀ɨ àmɨ òmɨ̀ kʉ, káꞌdí Kristiani alóo ɨnɨ nɨ ovʉjʉ ngónde àva yɨ̀ arípí àzà kojʉ ra kpé. ꞌDɨ̀vɨɨ léti manɨ lèjʉ lètaa ada àmɨ asíá vɨɨ òꞌbìjʉ vɨɨ ɨ. 9Àrɨ̀yɨ̀kʉ àmɨ nì asíndrɨ̀zà Opɨ Yesu Kristo awo vɨɨ ra, kʉ nɨ awo lonyɨ vɨɨ drɨ́á ovʉjʉ àlúú drʉ àmɨ eꞌyo yɨ̀ azílé léti ɨ̀rɨ awo àlùù nɨ vɨɨ yɨ̀ àmɨ nɨ ɨcojʉ ɨ̀lònyɨjʉ benì.
10Ɨgataa ma awo yɨ̀, lè àmɨ dé eꞌyo àmɨ nɨ ɨꞌdole ɨlɨ ajoo vɨɨ yɨ̀ vɨɨ ra. Ɨlɨ ajoo vɨɨ yɨ̀ àmɨ ꞌba òkò àfa fèle díká àva fèle àfa fèjʉ vɨɨ ɨ. 11Ànɨ acete àmɨ dé àzí ꞌdɨ̀vɨɨ ra kòꞌbò àva àmɨ nɨ ndráánɨ́ ɨꞌdojʉ vɨɨ yɨ̀. Àmɨ fé àfa àmɨ nɨ ɨcole fèle vɨɨ lé. 12Àrɨ̀yɨ̀kʉ àva àfa fèjʉ cenɨ̀ vɨɨ tè ovʉʉ cɨ, ꞌbá àfa fèzà cɨ vɨɨ fe ɨ díká àfa ndee ꞌbá àti ra ovʉʉ àfa yʉ vɨɨ alɨa kʉ.
13Manɨ ꞌyole vɨɨ ovʉʉ àmɨ fé àfa angɨrɨ fèjʉ àmɨ nɨ càndɨ nyajʉ àfa àkò yɨ̀ vɨ́nɨ kʉ. Manɨ ꞌyole vɨɨ àmɨ kó àmɨ àzà àfa fèzà àmɨ ɨ̀sɨlɨa. 14Sawà ꞌdɨ̀vɨɨ yɨ̀ àmɨ àfa be angɨrɨ díká àfa ndee ɨco ɨnɨ àzàko ra, ànɨ sawà ɨnɨ bʉ àfa nɨ ngajʉ ovʉjʉ angɨrɨ vɨɨ alɨa ɨnɨ ngaa pàbaa àmɨ àzà koo ra. Léti ꞌdɨ̀vɨɨ yɨ̀, àfa ꞌba drɨ́á nɨ lèle vɨɨ ɨ̀rɨ nga ovʉʉ cɨ, 15kòꞌbò eꞌyo sɨ̀zà nɨ ꞌyole vɨɨ lé kɨ́nɨ̀, “ꞌBarʉʉ òkʉle angɨrɨ vɨɨ awɨɨ òkʉ nɨ drìle yɨ̀ tʉ̀ kʉ, díká òkʉle were vɨɨ awɨɨ òkʉ wereá drʉ tʉ̀ kʉ.”#Ipuza 16:18
Tito ti pèjʉ Korinitoa vɨɨ
16Ma lè àwàꞌdɨ̀fóò fe Orɨ Tito asíá àva àlʉàlʉ manɨ ꞌbàle àmɨ drìa vɨɨ sʉle vɨɨ yɨ́. 17Àrɨ̀yɨ̀kʉ ovʉʉ Tito nɨ muu àle kíríá ɨ̀rɨ nɨ eꞌyo àma tia vɨɨ butia òbɨ̀le vɨɨ yɨ̀ kʉ te pàbaa ɨ̀rɨ nɨ ovʉle àva be àmɨ drìa vɨɨ yɨ̀. 18Àma pàbaa Kristiani àloo ꞌbanɨ nìle tʉ̀ díká ꞌbanɨ eꞌyoa ɨcúlé Eꞌyo ba Orɨ awo vɨɨ òlʉ̀zà yɨ̀ tʉ̀ vɨ́ɨvɨɨ tia pèe ɨ̀rɨ be ɨ̀ndɨ̀. 19Kristiani pé ɨ̀rɨ ti mujʉ àma be túàlʉ fètaa ɨnɨ fèle vɨɨ jiria Yerusalemua. ꞌDɨ̀vɨɨ àzí dìzà fèe Opɨ yɨ́, díká àva àzàkoma asíndrɨ̀zà nɨ vɨɨ ɨ̀ꞌdaa vɨɨ ɨ. 20Àma eꞌyo ꞌdɨ̀vɨɨ ꞌoo onotaa àma rúá fètaa òꞌbɨ nɨ fèle àva yɨ̀ vɨɨ drìa vɨɨ òga. 21Àrɨ̀yɨ̀kʉ àzí àma ꞌyowa vɨɨ eꞌyo ada ꞌojʉ ovʉʉ kíríá Opɨ mulia kʉ te pàbaa òꞌbɨ mulia ɨ̀ndɨ̀.
22Ànɨàma pàbaa Kristiani àloo eꞌyo Orɨ awo vɨɨ àꞌɨ̀le ra díká ɨbúlé àzí ngale kílílí àva be vɨ́ɨvɨɨ àloo tia pèe ꞌba ìrì vɨɨ ɨnɨ buti yɨ̀ ɨ̀ndɨ̀, díká àma nìra ɨ̀rɨ ngónde àmɨ àzà kojʉ. 23Tè ovʉʉ Tito ɨ, ɨ̀rɨ ꞌbarʉʉ àzí ngale ma be àmɨ àzà kojʉ vɨ́ɨvɨɨ ɨ. Te ꞌba alóo vɨɨ ɨnɨ ꞌba àzí ngale àma be ovʉle Kristiani mgbi mgbi àngʉ̀ ndee alɨa vɨɨ ɨnɨ nɨ ɨnɨ ti pèle nɨ̀ díká ìnzìtaa fèle Kristo yɨ́ vɨɨ ɨnɨ ɨ. 24Ànɨ, àmɨ ɨꞌdá lètaa àmɨ ꞌyowa vɨɨ àgu vɨɨ ɨnɨ yɨ́ díká asísílé àma nɨ ovʉjʉ àfʉ́ yɨ̀ àmɨ yɨ̀ vɨɨ ɨnɨ yɨ́ ra azílé Kristiani ɨnɨ ndré benì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved