2 Koronito 9
9
Àzàkozà fèjʉ arɨ́màònyɨ Kristiani ɨnɨ yɨ́ vɨɨ
1Sìità té àꞌbaa kʉ manɨ eꞌyo sɨ̀jʉ àmɨ yɨ́ àzí ꞌbanɨ azàkozà fèjʉ ꞌba àlátárá vɨɨ ɨnɨ yɨ́ vɨɨ drìa. 2Àrɨ̀yɨ̀kʉ ma nì ra àmɨ ngónde lèjʉ àzàkozà fèjʉ, díká ma ɨbú rɨ àfʉ́ ꞌoo ꞌba Makidonia vɨɨ ɨnɨ yɨ́ kɨ́nɨ̀, Kristiani Akaya vɨɨ ibú ovʉ àva yɨ̀ ngónde ɨꞌdojʉ ɨlɨ ajoo vɨɨ yɨ̀ àfa fèjʉ, díká ava àmɨ nɨ ꞌbàle vɨɨ fè òkpò ɨnɨ yɨ́ ɨꞌdojʉ àfa fèjʉ nɨ̀. 3Te ma adrímà Kristiani drʉ ꞌdɨ̀vɨɨ ɨnɨ ti pèe, azílé àma ꞌyowa àfʉ́ vɨɨ ɨ̀rɨ ovʉʉ ɨkɨ́ kodrʉ kʉ benì, te lè àmɨ ndré kílílí drʉ àmɨ ngónde, kɨ̀le ndráánɨ́ manɨ ꞌyole ɨnɨ yɨ́ vɨ́nɨ. 4Àrɨ̀yɨ̀kʉ ꞌba àloo Makidonia vɨ́ɨvɨɨ tè caa ma buti yɨ̀ ɨ̀ndɨ̀ díká tè isúu àmɨ ovʉʉ ngónde kʉ, àma ngaa òpòri eꞌyo nzee kpé, ráaka àma ngaa drìnza isúu àmanɨ ɨbúlé así ꞌbàle àmɨ drìa tʉ̀ vɨɨ yɨ̀. 5Ànɨ ma ɨga kɨ́nɨ̀ ɨ̀rɨ ꞌyéè manɨ adrímà Kristiani drʉ ꞌdɨ̀vɨɨ ɨnɨ àꞌíjʉ́ mujʉ adro ma drìlia mujʉ otʉtaa fètaa nɨ àmɨ nɨ ndráánɨ́ òyòa sòle vɨɨ ɨnɨ ti trajʉ ngónde. Azílé ɨ̀rɨ ovʉ ngónde fètaa fèle àmɨ así yɨ̀ nɨ, ovʉʉ ꞌbanɨ ꞌba òmɨ̀le ànɨ yɨ̀ òmɨ̀ vɨɨ ɨ kʉ.
Fètaa àva yɨ̀ vɨɨ
6Lè àmɨ ní rá kɨ́nɨ̀, ꞌbarʉʉ òrɨ ꞌbàle were vɨɨ nɨ ngaa pàbaa lòo were, díká ꞌbarʉʉ òrɨ ꞌbàle angɨrɨ vɨɨ nɨ ngaa lòo angɨrɨ. 7Lè ꞌba àlʉàlʉ ɨ̀rɨ fè àfa ɨ̀rɨ así nɨ lèle vɨɨ butia yɨ̀, ovʉʉ àva kodrʉ kʉ nòsɨ̀kʉ ꞌbanɨ ɨ̀rɨ òmɨ̀le òmɨ̀ yɨ̀ kʉ, àrɨ̀yɨ̀kʉ Orɨ lè ꞌbarʉʉ àfa fèle àyɨ̀kò yɨ̀ asíá vɨɨ ɨ. 8Díká Orɨ nɨ asíndrɨ̀zà be mɨ́ yɨ́ àfa fèjʉ mɨ nɨ ɨgale vɨɨ drìlia ra, ànɨ oꞌdú drɨ́á yɨ̀ mɨ ngaa ovʉʉ àfa drɨ́á mɨnɨ lèle vɨɨ ɨbe ɨcojʉ eꞌyo mɨnɨ lèle vɨɨ ɨnɨ ꞌojʉ àloo eꞌyo ònyɨ̀be ꞌojʉ. 9Eꞌyo sɨ̀zà nɨ ꞌyole vɨ́nɨ kɨ́nɨ̀;
“Awa lonyɨ nɨ awo vɨɨ ɨnɨ àva yɨ̀ ꞌba aluu drʉ vɨɨ ɨnɨ yɨ́,
eꞌyo ada ɨ̀rɨ awo vɨɨ nɨ ngaa ovʉʉ nánináni.”
10Àrɨ̀yɨ̀kʉ Orɨ òrɨ fèle ꞌba òrɨ ꞌbàle vɨɨ ɨnɨ yɨ́ díká tà fèle ɨnɨ yɨ́ vɨɨ nɨ ngaa pàbaa òrɨ mɨnɨ lòle vɨɨ omgboa ɨ̀mèꞌdɨɨ ra díká ɨ̀rɨ ngaa eꞌyo ada mɨnɨ ꞌole vɨɨ òròdría ɨ̀mèꞌdɨɨ ra. 11Orɨ nɨ ngaa fèe mɨ ovʉʉ lonyɨ be léti drɨ́á yɨ̀ ànɨ mɨnɨ ɨcojʉ ovʉjʉ àva ꞌba àzàkojʉ sawà drɨ́á yɨ̀ vɨɨ be benì, díká àma tè fètaa àmɨnɨ fèle vɨɨ ɨnɨ jii ꞌba lèꞌba ra vɨɨ ɨnɨ yɨ́, ꞌba òꞌbɨ́ nɨ ngaa Orɨ rú ònzìi ra.
12Àzí àlátárá àmɨ nɨ ngale vɨɨ ovʉʉ kíríá ꞌba àfako Orɨ awo vɨɨ ɨnɨ àzàkojʉ kʉ te ɨ̀rɨ pàbaa fèe ꞌba òꞌbɨ́ nɨ ngaa àwàꞌdɨ̀fóò fèe Orɨ yɨ́ àloo ɨ̀rɨ ìnzìi ra. 13Àrɨ̀yɨ̀kʉ àzí ònyɨ̀be àmɨ nɨ ngale vɨɨ nɨ ngaa fèe ꞌba òꞌbɨ́ nɨ ngaa Orɨ nɨ ìnzìi nɨ̀. Àrɨ̀yɨ̀kʉ àva àmɨ ꞌyowa àfa fèjʉ ɨnɨ yɨ́ vɨɨ nɨ ngaa ɨ̀ꞌdaa kɨ́nɨ̀ àmɨ́ Eꞌyo ba Kristo awo vɨɨ butia òbɨ̀ɨ ra. 14Díká ɨnɨ ngaa Orɨ nɨ zii àmɨ yɨ́ àva yɨ̀ àrɨ̀yɨ̀kʉ asíndrɨ̀zà angɨrɨ Orɨ nɨ fèle àmɨ yɨ́ vɨɨ yɨ̀. 15Àwàꞌdɨ̀fóò Orɨ yɨ́ fètaa ꞌbanɨ ɨcole òꞌbìle kʉ #9:15 Fètaa vɨɨ Kristo ɨ. vɨɨ yɨ̀!
Currently Selected:
2 Koronito 9: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Koronito 9
9
Àzàkozà fèjʉ arɨ́màònyɨ Kristiani ɨnɨ yɨ́ vɨɨ
1Sìità té àꞌbaa kʉ manɨ eꞌyo sɨ̀jʉ àmɨ yɨ́ àzí ꞌbanɨ azàkozà fèjʉ ꞌba àlátárá vɨɨ ɨnɨ yɨ́ vɨɨ drìa. 2Àrɨ̀yɨ̀kʉ ma nì ra àmɨ ngónde lèjʉ àzàkozà fèjʉ, díká ma ɨbú rɨ àfʉ́ ꞌoo ꞌba Makidonia vɨɨ ɨnɨ yɨ́ kɨ́nɨ̀, Kristiani Akaya vɨɨ ibú ovʉ àva yɨ̀ ngónde ɨꞌdojʉ ɨlɨ ajoo vɨɨ yɨ̀ àfa fèjʉ, díká ava àmɨ nɨ ꞌbàle vɨɨ fè òkpò ɨnɨ yɨ́ ɨꞌdojʉ àfa fèjʉ nɨ̀. 3Te ma adrímà Kristiani drʉ ꞌdɨ̀vɨɨ ɨnɨ ti pèe, azílé àma ꞌyowa àfʉ́ vɨɨ ɨ̀rɨ ovʉʉ ɨkɨ́ kodrʉ kʉ benì, te lè àmɨ ndré kílílí drʉ àmɨ ngónde, kɨ̀le ndráánɨ́ manɨ ꞌyole ɨnɨ yɨ́ vɨ́nɨ. 4Àrɨ̀yɨ̀kʉ ꞌba àloo Makidonia vɨ́ɨvɨɨ tè caa ma buti yɨ̀ ɨ̀ndɨ̀ díká tè isúu àmɨ ovʉʉ ngónde kʉ, àma ngaa òpòri eꞌyo nzee kpé, ráaka àma ngaa drìnza isúu àmanɨ ɨbúlé así ꞌbàle àmɨ drìa tʉ̀ vɨɨ yɨ̀. 5Ànɨ ma ɨga kɨ́nɨ̀ ɨ̀rɨ ꞌyéè manɨ adrímà Kristiani drʉ ꞌdɨ̀vɨɨ ɨnɨ àꞌíjʉ́ mujʉ adro ma drìlia mujʉ otʉtaa fètaa nɨ àmɨ nɨ ndráánɨ́ òyòa sòle vɨɨ ɨnɨ ti trajʉ ngónde. Azílé ɨ̀rɨ ovʉ ngónde fètaa fèle àmɨ así yɨ̀ nɨ, ovʉʉ ꞌbanɨ ꞌba òmɨ̀le ànɨ yɨ̀ òmɨ̀ vɨɨ ɨ kʉ.
Fètaa àva yɨ̀ vɨɨ
6Lè àmɨ ní rá kɨ́nɨ̀, ꞌbarʉʉ òrɨ ꞌbàle were vɨɨ nɨ ngaa pàbaa lòo were, díká ꞌbarʉʉ òrɨ ꞌbàle angɨrɨ vɨɨ nɨ ngaa lòo angɨrɨ. 7Lè ꞌba àlʉàlʉ ɨ̀rɨ fè àfa ɨ̀rɨ así nɨ lèle vɨɨ butia yɨ̀, ovʉʉ àva kodrʉ kʉ nòsɨ̀kʉ ꞌbanɨ ɨ̀rɨ òmɨ̀le òmɨ̀ yɨ̀ kʉ, àrɨ̀yɨ̀kʉ Orɨ lè ꞌbarʉʉ àfa fèle àyɨ̀kò yɨ̀ asíá vɨɨ ɨ. 8Díká Orɨ nɨ asíndrɨ̀zà be mɨ́ yɨ́ àfa fèjʉ mɨ nɨ ɨgale vɨɨ drìlia ra, ànɨ oꞌdú drɨ́á yɨ̀ mɨ ngaa ovʉʉ àfa drɨ́á mɨnɨ lèle vɨɨ ɨbe ɨcojʉ eꞌyo mɨnɨ lèle vɨɨ ɨnɨ ꞌojʉ àloo eꞌyo ònyɨ̀be ꞌojʉ. 9Eꞌyo sɨ̀zà nɨ ꞌyole vɨ́nɨ kɨ́nɨ̀;
“Awa lonyɨ nɨ awo vɨɨ ɨnɨ àva yɨ̀ ꞌba aluu drʉ vɨɨ ɨnɨ yɨ́,
eꞌyo ada ɨ̀rɨ awo vɨɨ nɨ ngaa ovʉʉ nánináni.”
10Àrɨ̀yɨ̀kʉ Orɨ òrɨ fèle ꞌba òrɨ ꞌbàle vɨɨ ɨnɨ yɨ́ díká tà fèle ɨnɨ yɨ́ vɨɨ nɨ ngaa pàbaa òrɨ mɨnɨ lòle vɨɨ omgboa ɨ̀mèꞌdɨɨ ra díká ɨ̀rɨ ngaa eꞌyo ada mɨnɨ ꞌole vɨɨ òròdría ɨ̀mèꞌdɨɨ ra. 11Orɨ nɨ ngaa fèe mɨ ovʉʉ lonyɨ be léti drɨ́á yɨ̀ ànɨ mɨnɨ ɨcojʉ ovʉjʉ àva ꞌba àzàkojʉ sawà drɨ́á yɨ̀ vɨɨ be benì, díká àma tè fètaa àmɨnɨ fèle vɨɨ ɨnɨ jii ꞌba lèꞌba ra vɨɨ ɨnɨ yɨ́, ꞌba òꞌbɨ́ nɨ ngaa Orɨ rú ònzìi ra.
12Àzí àlátárá àmɨ nɨ ngale vɨɨ ovʉʉ kíríá ꞌba àfako Orɨ awo vɨɨ ɨnɨ àzàkojʉ kʉ te ɨ̀rɨ pàbaa fèe ꞌba òꞌbɨ́ nɨ ngaa àwàꞌdɨ̀fóò fèe Orɨ yɨ́ àloo ɨ̀rɨ ìnzìi ra. 13Àrɨ̀yɨ̀kʉ àzí ònyɨ̀be àmɨ nɨ ngale vɨɨ nɨ ngaa fèe ꞌba òꞌbɨ́ nɨ ngaa Orɨ nɨ ìnzìi nɨ̀. Àrɨ̀yɨ̀kʉ àva àmɨ ꞌyowa àfa fèjʉ ɨnɨ yɨ́ vɨɨ nɨ ngaa ɨ̀ꞌdaa kɨ́nɨ̀ àmɨ́ Eꞌyo ba Kristo awo vɨɨ butia òbɨ̀ɨ ra. 14Díká ɨnɨ ngaa Orɨ nɨ zii àmɨ yɨ́ àva yɨ̀ àrɨ̀yɨ̀kʉ asíndrɨ̀zà angɨrɨ Orɨ nɨ fèle àmɨ yɨ́ vɨɨ yɨ̀. 15Àwàꞌdɨ̀fóò Orɨ yɨ́ fètaa ꞌbanɨ ɨcole òꞌbìle kʉ #9:15 Fètaa vɨɨ Kristo ɨ. vɨɨ yɨ̀!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved