2 Koronito 7
7
1Acete òyòsòzà Orɨ awo àma yɨ́ vɨɨ nɨ ovʉle vɨ́nɨ vɨɨ yɨ̀, arɨ́màònyɨ àma nɨ lèle tʉ̀ vɨɨ ɨnɨ lá, àma ꞌbá àma àlá drʉ ɨngajʉ àfa ꞌba rúá díká Orɨndɨ òmvale òndi drʉ vɨɨ ɨnɨ bʉ yɨ̀, àma nɨ ovʉjʉ Àlátárá drʉ Orɨ nɨ ìnzìle vɨɨ yɨ̀.
Àyɨ̀kò Paulo awo vɨɨ
2Àmɨ ɨ̀ꞌdá àmɨ así àma yɨ́ mgboo drʉ. Àma ꞌoo eꞌyo ònzɨ ꞌba àloo be kʉ, àma nyaa ꞌba àloo àramʉ̀ drʉ kʉ díká àma àyʉʉ ꞌba àloo náni kʉ. 3Ma ꞌyoo eꞌyo vɨɨ àmɨ drìa ònzɨ lijʉ kʉ. Kɨ̀le manɨ ndráánɨ́ ꞌyole ba vɨ́nɨ, lètaa àma asíá àmɨ yɨ́ vɨɨ ngaa nɨ de kʉ káꞌdí àma tè ngaa ovʉʉ ɨdrɨ drʉ nòsɨ̀kʉ àma tè ngaa òdràa àmɨ be drɨ́á ra. 4Ma trà àmɨ yɨ̀ ra; Ma àfʉ́ yɨ̀ àmɨ yɨ́ tʉ̀. Ma àva be; àcandɨ àma nɨ isúlé vɨɨ alɨa yɨ̀ kpé, àyɨ̀kò ɨ ma ki ònzɨònzɨ.
5Àrɨ̀yɨ̀kʉ àmanɨ ndráánɨ́ cajʉ àngʉ̀ Makidonia vɨɨ alɨa ꞌba, àma awɨɨ ava lɨ kʉ, àma rɨ ovʉ òrì yɨ̀ ɨnzamatara yɨ̀, díká ngɨ̀rɨ̀ngɨ̀rɨ̀ ngale àja vɨɨ ɨnɨ yɨ̀. 6Te Orɨ rɨle ꞌba así ɨꞌdele ra vɨɨ ɨnɨ así òmɨ̀ɨ vɨɨ òmɨ̀ àma así cataa Tito awo vɨɨ yɨ̀ ꞌba, 7díká ovʉʉ kírí cataa ɨ̀rɨ awo vɨɨ yɨ̀ kʉ te pàbaa así òmɨ̀zà àmɨ nɨ fèle ɨ̀rɨ yɨ́ vɨɨ yɨ̀. Ɨ̀ce àma yɨ́ eꞌyo àmɨ nɨ lèjʉ drìfujʉ àma be àva yɨ̀ vɨɨ ra, càndɨ̀ àmɨ nɨ nyale vɨɨ ra díká àmɨ nɨ lèjʉ dràjʉ àma drìa vɨɨ ra ànɨ àyɨ̀kò ki àma tʉ̀.
8Waragà manɨ sɨ̀le vɨɨ tè káꞌdí àmɨ así yɨ́ càndɨ fèe ra kpé, ma dee ma ale ànɨyɨ̀ kʉ. Ma de ma ale sawà were yɨ̀ àrɨ̀yɨ̀kʉ ma nìra ɨ̀rɨ àmɨ yɨ́ càndɨ drʉ sawà were yɨ̀. 9Ɨ̀ndɨ̀a sawà vɨɨ yɨ̀ ma àyɨ̀kò yɨ̀, manɨ waragà ndee tia pèle ra vɨɨ yɨ̀, ovʉʉ ɨ̀rɨ nɨ àmɨ así yɨ́ càndɨ fèle vɨɨ yɨ̀ kʉ te càndɨ àmɨ ꞌyowa vɨɨ nɨ àmɨ ɨdrɨ ojale vɨɨ yɨ̀. Àrɨ̀yɨ̀kʉ àmɨ ca càndɨ yɨ̀ kɨ̀le Orɨ nɨ lèle vɨɨ lé díká fè ànɨ ꞌba awɨ́ɨ́ àmɨ rúá ɨbɨ àloo ꞌba kʉ ꞌdɨ̀ ɨ. 10Àrɨ̀yɨ̀kʉ Orɨ ɨco càndɨ àyʉ àma ɨdrɨ alɨa àmanɨ ɨcojʉ ɨ̀zatà kʉjʉ díká pataa jijʉ. Àma ɨcoo àma ale de càndɨ ndee ꞌdɨ̀vɨ́ɨvɨɨ yɨ̀ kʉ, te càndɨ nyawú nɨ vɨɨ ɨ drà ji. 11Àmɨ ndré ngà ojataa càndɨ Orɨ nɨ fèle vɨɨ nɨ jile àmɨ ɨdrɨ alɨa vɨɨ. Fè àmɨ yɨ́ ovʉjʉ àva eꞌyo ada nɨ vɨɨ be, ovʉjʉ ngónde eꞌyo koko drʉ, àdrà eꞌyoònzɨ gàjʉ vɨɨ be, bílé lɨzà eꞌyoònzɨ kʉjʉ vɨɨ be, àva eꞌyo ꞌojʉ vɨɨ be díká ovʉjʉ ngónde drìrima fèjʉ ꞌba eꞌyoònzɨ ꞌole vɨɨ ɨnɨ yɨ́. Léti drɨ́á yɨ̀ àmɨ òꞌbì àmɨ ɨ̀cejʉ àlá drʉ eꞌyo drɨ́á alɨa. 12Ànɨ káꞌdí manɨ waragà sɨ̀jʉ àmɨ yɨ́ rá kpé, ma sɨ̀ɨ ɨ̀rɨ ꞌba eꞌyo ònzɨ ꞌole vɨɨ ɨnɨ eꞌyo yɨ̀ kʉ nòsɨ̀kʉ ꞌbarʉʉ ꞌbanɨ eꞌyo ònzɨ ꞌole bʉa vɨɨ eꞌyoa yɨ̀ kʉ. Te ma sɨ̀ ɨ̀rɨ Orɨ mulia ndɨrɨ drʉ ndrèjʉ àmɨ ꞌba así àma drìa ngòpɨ yà vɨɨ nìjʉ. 13Eꞌyo ꞌdɨ̀vɨɨ ɨnɨ yɨ́ drɨ́á àma ca àva drʉ.
Àva àma nɨ isúlé vɨɨ drìa, pàbaa àma ovʉ àyɨ̀kò yɨ̀ àma nɨ Tito nɨ ndrèle àyɨ̀kò yɨ̀ vɨɨ yɨ̀ àrɨ̀yɨ̀kʉ Orɨndɨ ɨ̀rɨ awo vɨɨ àmɨ ɨnga drɨ́á àmɨ ɨ. 14Ma ɨ̀ce ɨ̀rɨ yɨ́ ma àfʉ́ yɨ̀ àmɨ yɨ̀ ngòpɨ yà vɨɨ ra díká àmɨ awɨɨ ma yɨ́ drìnza fe kʉ vɨɨ ra. Te kòꞌbò eꞌyo manɨ ɨmbale àmɨ yɨ́ vɨɨ nɨ ovʉle eꞌyo ada nɨ vɨɨ lé, àfʉ́ manɨ ꞌole àmɨ yɨ̀ Tito drìlia vɨɨ ɨ̀rɨ pàbaa eꞌyo ada nɨ. 15Ànɨ alè ɨ̀rɨ awo àmɨ yɨ́ vɨɨ tu angɨrɨ ɨ̀rɨ nɨ eꞌyo àmɨ nɨ ɨ̀rɨ àꞌíjʉ́ ìnzìtaa yɨ̀, rʉtaa be, àloo eꞌyo ɨ̀rɨ tia vɨɨ ɨrɨjʉ vɨɨ eꞌyoa ɨgarɨa. 16Ma àyɨ̀kò yɨ̀ tʉ̀ àrɨ̀yɨ̀kʉ ma ɨco así ꞌba pɨ àmɨ drìa ra.
Currently Selected:
2 Koronito 7: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Koronito 7
7
1Acete òyòsòzà Orɨ awo àma yɨ́ vɨɨ nɨ ovʉle vɨ́nɨ vɨɨ yɨ̀, arɨ́màònyɨ àma nɨ lèle tʉ̀ vɨɨ ɨnɨ lá, àma ꞌbá àma àlá drʉ ɨngajʉ àfa ꞌba rúá díká Orɨndɨ òmvale òndi drʉ vɨɨ ɨnɨ bʉ yɨ̀, àma nɨ ovʉjʉ Àlátárá drʉ Orɨ nɨ ìnzìle vɨɨ yɨ̀.
Àyɨ̀kò Paulo awo vɨɨ
2Àmɨ ɨ̀ꞌdá àmɨ así àma yɨ́ mgboo drʉ. Àma ꞌoo eꞌyo ònzɨ ꞌba àloo be kʉ, àma nyaa ꞌba àloo àramʉ̀ drʉ kʉ díká àma àyʉʉ ꞌba àloo náni kʉ. 3Ma ꞌyoo eꞌyo vɨɨ àmɨ drìa ònzɨ lijʉ kʉ. Kɨ̀le manɨ ndráánɨ́ ꞌyole ba vɨ́nɨ, lètaa àma asíá àmɨ yɨ́ vɨɨ ngaa nɨ de kʉ káꞌdí àma tè ngaa ovʉʉ ɨdrɨ drʉ nòsɨ̀kʉ àma tè ngaa òdràa àmɨ be drɨ́á ra. 4Ma trà àmɨ yɨ̀ ra; Ma àfʉ́ yɨ̀ àmɨ yɨ́ tʉ̀. Ma àva be; àcandɨ àma nɨ isúlé vɨɨ alɨa yɨ̀ kpé, àyɨ̀kò ɨ ma ki ònzɨònzɨ.
5Àrɨ̀yɨ̀kʉ àmanɨ ndráánɨ́ cajʉ àngʉ̀ Makidonia vɨɨ alɨa ꞌba, àma awɨɨ ava lɨ kʉ, àma rɨ ovʉ òrì yɨ̀ ɨnzamatara yɨ̀, díká ngɨ̀rɨ̀ngɨ̀rɨ̀ ngale àja vɨɨ ɨnɨ yɨ̀. 6Te Orɨ rɨle ꞌba así ɨꞌdele ra vɨɨ ɨnɨ así òmɨ̀ɨ vɨɨ òmɨ̀ àma así cataa Tito awo vɨɨ yɨ̀ ꞌba, 7díká ovʉʉ kírí cataa ɨ̀rɨ awo vɨɨ yɨ̀ kʉ te pàbaa así òmɨ̀zà àmɨ nɨ fèle ɨ̀rɨ yɨ́ vɨɨ yɨ̀. Ɨ̀ce àma yɨ́ eꞌyo àmɨ nɨ lèjʉ drìfujʉ àma be àva yɨ̀ vɨɨ ra, càndɨ̀ àmɨ nɨ nyale vɨɨ ra díká àmɨ nɨ lèjʉ dràjʉ àma drìa vɨɨ ra ànɨ àyɨ̀kò ki àma tʉ̀.
8Waragà manɨ sɨ̀le vɨɨ tè káꞌdí àmɨ así yɨ́ càndɨ fèe ra kpé, ma dee ma ale ànɨyɨ̀ kʉ. Ma de ma ale sawà were yɨ̀ àrɨ̀yɨ̀kʉ ma nìra ɨ̀rɨ àmɨ yɨ́ càndɨ drʉ sawà were yɨ̀. 9Ɨ̀ndɨ̀a sawà vɨɨ yɨ̀ ma àyɨ̀kò yɨ̀, manɨ waragà ndee tia pèle ra vɨɨ yɨ̀, ovʉʉ ɨ̀rɨ nɨ àmɨ así yɨ́ càndɨ fèle vɨɨ yɨ̀ kʉ te càndɨ àmɨ ꞌyowa vɨɨ nɨ àmɨ ɨdrɨ ojale vɨɨ yɨ̀. Àrɨ̀yɨ̀kʉ àmɨ ca càndɨ yɨ̀ kɨ̀le Orɨ nɨ lèle vɨɨ lé díká fè ànɨ ꞌba awɨ́ɨ́ àmɨ rúá ɨbɨ àloo ꞌba kʉ ꞌdɨ̀ ɨ. 10Àrɨ̀yɨ̀kʉ Orɨ ɨco càndɨ àyʉ àma ɨdrɨ alɨa àmanɨ ɨcojʉ ɨ̀zatà kʉjʉ díká pataa jijʉ. Àma ɨcoo àma ale de càndɨ ndee ꞌdɨ̀vɨ́ɨvɨɨ yɨ̀ kʉ, te càndɨ nyawú nɨ vɨɨ ɨ drà ji. 11Àmɨ ndré ngà ojataa càndɨ Orɨ nɨ fèle vɨɨ nɨ jile àmɨ ɨdrɨ alɨa vɨɨ. Fè àmɨ yɨ́ ovʉjʉ àva eꞌyo ada nɨ vɨɨ be, ovʉjʉ ngónde eꞌyo koko drʉ, àdrà eꞌyoònzɨ gàjʉ vɨɨ be, bílé lɨzà eꞌyoònzɨ kʉjʉ vɨɨ be, àva eꞌyo ꞌojʉ vɨɨ be díká ovʉjʉ ngónde drìrima fèjʉ ꞌba eꞌyoònzɨ ꞌole vɨɨ ɨnɨ yɨ́. Léti drɨ́á yɨ̀ àmɨ òꞌbì àmɨ ɨ̀cejʉ àlá drʉ eꞌyo drɨ́á alɨa. 12Ànɨ káꞌdí manɨ waragà sɨ̀jʉ àmɨ yɨ́ rá kpé, ma sɨ̀ɨ ɨ̀rɨ ꞌba eꞌyo ònzɨ ꞌole vɨɨ ɨnɨ eꞌyo yɨ̀ kʉ nòsɨ̀kʉ ꞌbarʉʉ ꞌbanɨ eꞌyo ònzɨ ꞌole bʉa vɨɨ eꞌyoa yɨ̀ kʉ. Te ma sɨ̀ ɨ̀rɨ Orɨ mulia ndɨrɨ drʉ ndrèjʉ àmɨ ꞌba así àma drìa ngòpɨ yà vɨɨ nìjʉ. 13Eꞌyo ꞌdɨ̀vɨɨ ɨnɨ yɨ́ drɨ́á àma ca àva drʉ.
Àva àma nɨ isúlé vɨɨ drìa, pàbaa àma ovʉ àyɨ̀kò yɨ̀ àma nɨ Tito nɨ ndrèle àyɨ̀kò yɨ̀ vɨɨ yɨ̀ àrɨ̀yɨ̀kʉ Orɨndɨ ɨ̀rɨ awo vɨɨ àmɨ ɨnga drɨ́á àmɨ ɨ. 14Ma ɨ̀ce ɨ̀rɨ yɨ́ ma àfʉ́ yɨ̀ àmɨ yɨ̀ ngòpɨ yà vɨɨ ra díká àmɨ awɨɨ ma yɨ́ drìnza fe kʉ vɨɨ ra. Te kòꞌbò eꞌyo manɨ ɨmbale àmɨ yɨ́ vɨɨ nɨ ovʉle eꞌyo ada nɨ vɨɨ lé, àfʉ́ manɨ ꞌole àmɨ yɨ̀ Tito drìlia vɨɨ ɨ̀rɨ pàbaa eꞌyo ada nɨ. 15Ànɨ alè ɨ̀rɨ awo àmɨ yɨ́ vɨɨ tu angɨrɨ ɨ̀rɨ nɨ eꞌyo àmɨ nɨ ɨ̀rɨ àꞌíjʉ́ ìnzìtaa yɨ̀, rʉtaa be, àloo eꞌyo ɨ̀rɨ tia vɨɨ ɨrɨjʉ vɨɨ eꞌyoa ɨgarɨa. 16Ma àyɨ̀kò yɨ̀ tʉ̀ àrɨ̀yɨ̀kʉ ma ɨco así ꞌba pɨ àmɨ drìa ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved