1 Koronito 9
9
Òkpo díká àzí Kòndè ꞌyowa vɨɨ
1Ma ovʉʉ trʉ̀zà drʉ òkpo ma awo ovʉjʉ kòndè drʉ vɨɨ àyʉjʉ kʉ yà? Ma ovʉʉ kòndè nɨ kʉ yà? Ma ndrèe ngà Yesu Opɨ àma ꞌyowa vɨɨ kʉ yà? Àmɨ ovʉʉ àzí manɨ ngale Opɨ yɨ́ vɨɨ kambʉa ɨ kʉ yà? 2Káꞌdí ma tè ɨꞌdaa ꞌba alóo ɨnɨ mulia kòndè drʉ kʉ kpé, te lè àmɨ ní rá ma kòndè nɨ. Àrɨ̀yɨ̀kʉ àmɨ nɨ ɨdrɨ àmɨ ꞌyowa vɨɨ ɨ̀cɨjʉ Opɨ be vɨɨ ɨ̀rɨ ɨ̀cetaa àzí kòndè nɨ manɨ ngale Opɨ yɨ́ vɨɨ ɨ.
3ꞌDɨ̀vɨɨ létikoro manɨ ma rúá ògajʉ ꞌba lèꞌba eꞌyo liꞌba ma drìa vɨɨ ɨnɨ yɨ́ vɨɨ ɨ. 4Àma ꞌyowa òkpo tà nyajʉ àloo àfa mbujʉ yʉ yà? 5Àma ꞌyowa òkpo zi Kristiani drʉ vɨ́ɨvɨɨ ɨnɨ ꞌdujʉ àma be gbàrà kòꞌbò kòndè alóo vɨɨ ɨnɨ nɨ ꞌole vɨ́nɨ díká Opɨ adrípí nɨ ꞌole àloo Kefa nɨ ꞌole vɨ́nɨ yʉ yà? 6Nòsɨ̀kʉ ɨ̀rɨ kíríá ma ɨ àloo Baranaba ɨ àzí ngajʉ ɨ àfa isújʉ́ ovʉjʉ ɨdrɨ drʉ yà?
7Àrɨ ɨ ɨco àsɨ̀kárɨ̀ àzí nga nɨ awo òya òfèjʉ cenɨ̀cenɨ̀ nɨ̀ yà? Àrɨ ɨco wɨ́nò sa nga alɨa díká ɨcoo ɨkɨ́a nya kʉ nɨ̀ yà? Àrɨ ɨ ɨco kàbèlè oce lésúa mbuko drʉ nɨ̀ yà? 8Ma ꞌyo eꞌyo ꞌdɨ̀vɨɨ kíríá ɨgataa ꞌba ada awo vɨɨ yɨ̀ yà? Ngɨ́á àzítáá Musa awo vɨɨ ꞌyoo ꞌdɨ̀vɨɨ lé kʉ yà? 9Àrɨ̀yɨ̀kʉ ꞌbà sɨ́ àzítáá Musa awo vɨɨ alɨa kɨ́nɨ̀, “Lè àmɨ òtɨ́ tí nga ꞌàle vɨɨ ɨnɨ ti kʉ ɨnɨ nɨ àzí ngarɨa nga alɨa.” Mɨnɨ ɨgalea yɨ̀ Orɨ nɨ kírí eꞌyo ɨgaa tí nga ꞌàle vɨɨ ɨnɨ drìa yà? 10Tàándí drʉ ꞌyo eꞌyo ꞌdɨ̀vɨɨ àma be nɨ kʉ yà? Eꞌyo ꞌdɨ̀vɨɨ ꞌba sɨ́ ɨ̀rɨ àma yɨ́, àrɨ̀yɨ̀kʉ agú nga ꞌàle tí yɨ̀ vɨɨ tè nga ꞌàa nɨ díká òrɨ mule ndrile vɨɨ tè òrɨ mule ndrii nɨ, ngá àzí ꞌdɨ̀vɨɨ asíꞌbàzà be mujʉ òrɨ ndee awajʉ ànɨ ɨ̀sɨlɨa benì. 11Àma tè òrɨ àmɨ orɨndɨ àzà kojʉ vɨɨ rɨɨ àmɨ alɨa nɨ, ɨ̀rɨ angɨrɨ tʉ̀ àmanɨ òrɨ àma rúá àzà kojʉ vɨɨ àꞌíjʉ́ àmɨ bʉ yà? 12ꞌBa alóo té òkpo eꞌyo ònyɨ̀ be nɨ vɨɨ isúu ànɨ àrìjʉ àmɨ bʉ ra, sìità àmanɨ òkpo ꞌdɨ̀vɨɨ isújʉ́ àmɨ bʉ ɨ̀gàtɨzà drʉ tʉ̀ kʉ yà?
Te àma awɨɨ àzàkozà ꞌdɨ̀vɨɨ àꞌí àmɨ bu kʉ. Ɨ̀ndɨ̀a ráaka àma àtì eꞌyo cɨ vɨɨ ɨnɨ ti ta ra azílé oꞌdúkó ònyɨ̀ be Kristo awo vɨɨ ɨ̀rɨ zì nɨ ꞌba àloo yɨ́ kʉ benì. 13Àmɨ nìi kɨ́nɨ̀ ꞌba àzí ngale Orɨ jó alɨa vɨɨ ɨ́ ꞌyowa tà isú Orɨ jóá nàa, díká ꞌba àzí ngaꞌba kara ɨtetaa nɨ vɨɨ drìa vɨɨ ɨ́ àfa ꞌbanɨ jile ɨtetaa ɨtejʉ vɨɨ ɨ̀sɨlɨa àloo nya ra vɨɨ kʉ yà? 14Kòꞌbò ꞌdɨ̀vɨɨ lé, Opɨ fè àzítáá ꞌba eꞌyo ba òlʉ̀le vɨɨ ɨnɨ yɨ́ ꞌyowa ɨdrɨ nyazà isújʉ́ ɨngajʉ ꞌba ɨnɨ nɨ eꞌyo ꞌba òlʉ̀jʉ ɨnɨ yɨ́ vɨɨ ɨnɨ bʉ yɨ̀.
15Te ma àyʉʉ ngà òkpo ꞌdɨ̀vɨɨ àloo tʉ́á kʉ. Díká ma sɨ̀ɨ eꞌyo ꞌdɨ̀vɨɨ asíꞌbàzà be kɨ́nɨ̀ àmɨ ngaa ꞌoo kòꞌbò vɨ́nɨ má yɨ́ kʉ. Manɨ ma òkpo àfʉ́ ꞌojʉ eꞌyo ba òlʉ̀le náni vɨɨ yɨ̀ vɨɨ àvɨ̀jʉ ra, cɨ̀kàa manɨ dràjʉ ra. 16Te ma nɨ Eꞌyo ba òlʉ̀rɨa, ma ɨ̀nyàa ma kʉ, àrɨ̀yɨ̀kʉ àzí ma awo vɨɨ ɨ̀rɨ Eꞌyo ba òlʉ̀zà nɨ. Ma ngaa càndɨ isúu ra ma tè Eꞌyo ba òlʉ̀ʉ kʉ! 17Ma tè Eꞌyo ba òlʉ̀ʉ òyako drʉ ma así nɨ lèle nɨ vɨɨ lé, ma awo òròdrí cɨ, tè káꞌdí ovʉʉ òyako drʉ kʉ, ma vɨɨ àzí ꞌbanɨ ma ìgènijʉ vɨɨ nga. 18Ma awo acete òya àrɨ nɨ yà? Ɨ̀rɨ drìleba manɨ Eꞌyo ba òlʉ̀jʉ náni ꞌbanɨ ma òfèjʉ kʉ vɨɨ ɨ. Ànɨyɨ̀, ma àyʉʉ ma awo òkpo Eꞌyo ba òlʉ̀jʉ vɨɨ sawà manɨ lèjʉ Eꞌyo ba òlʉ̀jʉ vɨɨ alɨa kʉ ꞌdɨ̀ ɨ.
19Káꞌdí manɨ ovʉjʉ ꞌba àloo be eꞌyo ko drʉ díká manɨ ovʉjʉ ꞌba drɨ́á be òpèndú ko drʉ vɨɨ ovʉʉ kɨ́nɨ̀ ɨnɨ nɨ ma òfèle òfè vɨɨ yɨ̀ kʉ. Te ma ꞌbà ma ꞌba drɨ́á ꞌyowa àtɨꞌboo drʉ, azílé màá obe ꞌba Kristo nɨ àꞌɨ̀jʉ kàlàfe angɨrɨ yɨ̀ benì. 20ꞌBa Yahudi nɨ vɨɨ ɨnɨ yɨ́ ma ca ɨnɨ àloo drʉ, azílé màá obe ɨnɨ Kristo nɨ àꞌɨ̀jʉ benì. ꞌBa àzítáá kalɨa vɨɨ ɨnɨ yɨ́, ma ca kɨ̀le ꞌbarʉʉ àzítáá kalɨa drʉ, káꞌdí manɨ ovʉjʉ ꞌbarʉʉ àzítáá ndee kalɨa nɨ kʉ kpé, ma òbɨ̀ àzítáá ndee butia ɨnɨ azílé màá obe ɨnɨ Kristo nɨ àꞌɨ̀jʉ benì. 21ꞌBa àzítáá kalɨa kʉ vɨɨ ɨnɨ yɨ́ ma ca ꞌbarʉʉ àzítáá kalɨa kʉ lé azílé màá obe ɨnɨ Kristo nɨ àꞌɨ̀jʉ benì. ꞌDɨ̀vɨɨ ovʉʉ kɨ́nɨ̀ ma òbɨ̀ɨ àzítáá Orɨ awo vɨɨ kʉ vɨ́nɨ kʉ. Ìndɨ̀a ma àzítáá Kristo awo vɨɨ butia òbɨ. 22ꞌBa òkpoàkò be vɨɨ ɨnɨ yɨ́ ma ca ꞌbarʉʉ òkpoàkò be drʉ, azílé màá obe ꞌba òkpoàkò be vɨɨ ɨnɨ benì. Ma oja ma ꞌba drɨ́á yɨ́ àfa drɨ́á drʉ azílé manɨ fèjʉ Kristo nɨ alóo ɨnɨ òpajʉ benì. 23Ma eꞌyo ꞌdɨ̀vɨɨ ɨnɨ ꞌoo drɨ́á eꞌyo ònyɨ̀be eꞌyo yɨ̀, azílé màá isú asíndrɨ̀zà benì.
24Àmɨ nìi kɨ́nɨ̀ kara àbálá dùjʉ vɨɨ alɨa ꞌba drɨ́á àbálá dùle vɨɨ ɨ́ du ra, te kíríá ꞌba àlʉa ɨ òròdrí isú nɨ̀ vɨɨ kʉ yà? Àmɨ dú azílé àmɨ isú òròdrí ndee benì. 25ꞌBa drɨ́á lèꞌba àbálá ꞌole avɨtaa alɨa ra vɨɨ ɨ́ ànɨ otʉ drɨ́á kílílí ráká. Ɨ́ ꞌo azílé ànɨ isú okú sawà were yɨ̀ vɨɨ benì, te àma ꞌoo azílé àma isú okú nánináni vɨɨ benì. 26Ànɨyɨ̀ ma dùu ongú kɨ̀le agú ongú dùle tòó vɨɨ lé kʉ, ma kii oki agú oki kile òlɨ́ be vɨɨ lé kʉ. 27Yʉ, ma ma rúá kii fèjʉ ɨ̀rɨ ꞌo eꞌyo manɨ lèle vɨɨ ɨ kòꞌbò atɨꞌboo nɨ ꞌyowa ꞌba ìmgbélé nɨ ìnzìle vɨ́nɨ, azílé ma tè Eꞌyo ba òlʉ̀ʉ ꞌba màá isú òròdría benì.
Currently Selected:
1 Koronito 9: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 9
9
Òkpo díká àzí Kòndè ꞌyowa vɨɨ
1Ma ovʉʉ trʉ̀zà drʉ òkpo ma awo ovʉjʉ kòndè drʉ vɨɨ àyʉjʉ kʉ yà? Ma ovʉʉ kòndè nɨ kʉ yà? Ma ndrèe ngà Yesu Opɨ àma ꞌyowa vɨɨ kʉ yà? Àmɨ ovʉʉ àzí manɨ ngale Opɨ yɨ́ vɨɨ kambʉa ɨ kʉ yà? 2Káꞌdí ma tè ɨꞌdaa ꞌba alóo ɨnɨ mulia kòndè drʉ kʉ kpé, te lè àmɨ ní rá ma kòndè nɨ. Àrɨ̀yɨ̀kʉ àmɨ nɨ ɨdrɨ àmɨ ꞌyowa vɨɨ ɨ̀cɨjʉ Opɨ be vɨɨ ɨ̀rɨ ɨ̀cetaa àzí kòndè nɨ manɨ ngale Opɨ yɨ́ vɨɨ ɨ.
3ꞌDɨ̀vɨɨ létikoro manɨ ma rúá ògajʉ ꞌba lèꞌba eꞌyo liꞌba ma drìa vɨɨ ɨnɨ yɨ́ vɨɨ ɨ. 4Àma ꞌyowa òkpo tà nyajʉ àloo àfa mbujʉ yʉ yà? 5Àma ꞌyowa òkpo zi Kristiani drʉ vɨ́ɨvɨɨ ɨnɨ ꞌdujʉ àma be gbàrà kòꞌbò kòndè alóo vɨɨ ɨnɨ nɨ ꞌole vɨ́nɨ díká Opɨ adrípí nɨ ꞌole àloo Kefa nɨ ꞌole vɨ́nɨ yʉ yà? 6Nòsɨ̀kʉ ɨ̀rɨ kíríá ma ɨ àloo Baranaba ɨ àzí ngajʉ ɨ àfa isújʉ́ ovʉjʉ ɨdrɨ drʉ yà?
7Àrɨ ɨ ɨco àsɨ̀kárɨ̀ àzí nga nɨ awo òya òfèjʉ cenɨ̀cenɨ̀ nɨ̀ yà? Àrɨ ɨco wɨ́nò sa nga alɨa díká ɨcoo ɨkɨ́a nya kʉ nɨ̀ yà? Àrɨ ɨ ɨco kàbèlè oce lésúa mbuko drʉ nɨ̀ yà? 8Ma ꞌyo eꞌyo ꞌdɨ̀vɨɨ kíríá ɨgataa ꞌba ada awo vɨɨ yɨ̀ yà? Ngɨ́á àzítáá Musa awo vɨɨ ꞌyoo ꞌdɨ̀vɨɨ lé kʉ yà? 9Àrɨ̀yɨ̀kʉ ꞌbà sɨ́ àzítáá Musa awo vɨɨ alɨa kɨ́nɨ̀, “Lè àmɨ òtɨ́ tí nga ꞌàle vɨɨ ɨnɨ ti kʉ ɨnɨ nɨ àzí ngarɨa nga alɨa.” Mɨnɨ ɨgalea yɨ̀ Orɨ nɨ kírí eꞌyo ɨgaa tí nga ꞌàle vɨɨ ɨnɨ drìa yà? 10Tàándí drʉ ꞌyo eꞌyo ꞌdɨ̀vɨɨ àma be nɨ kʉ yà? Eꞌyo ꞌdɨ̀vɨɨ ꞌba sɨ́ ɨ̀rɨ àma yɨ́, àrɨ̀yɨ̀kʉ agú nga ꞌàle tí yɨ̀ vɨɨ tè nga ꞌàa nɨ díká òrɨ mule ndrile vɨɨ tè òrɨ mule ndrii nɨ, ngá àzí ꞌdɨ̀vɨɨ asíꞌbàzà be mujʉ òrɨ ndee awajʉ ànɨ ɨ̀sɨlɨa benì. 11Àma tè òrɨ àmɨ orɨndɨ àzà kojʉ vɨɨ rɨɨ àmɨ alɨa nɨ, ɨ̀rɨ angɨrɨ tʉ̀ àmanɨ òrɨ àma rúá àzà kojʉ vɨɨ àꞌíjʉ́ àmɨ bʉ yà? 12ꞌBa alóo té òkpo eꞌyo ònyɨ̀ be nɨ vɨɨ isúu ànɨ àrìjʉ àmɨ bʉ ra, sìità àmanɨ òkpo ꞌdɨ̀vɨɨ isújʉ́ àmɨ bʉ ɨ̀gàtɨzà drʉ tʉ̀ kʉ yà?
Te àma awɨɨ àzàkozà ꞌdɨ̀vɨɨ àꞌí àmɨ bu kʉ. Ɨ̀ndɨ̀a ráaka àma àtì eꞌyo cɨ vɨɨ ɨnɨ ti ta ra azílé oꞌdúkó ònyɨ̀ be Kristo awo vɨɨ ɨ̀rɨ zì nɨ ꞌba àloo yɨ́ kʉ benì. 13Àmɨ nìi kɨ́nɨ̀ ꞌba àzí ngale Orɨ jó alɨa vɨɨ ɨ́ ꞌyowa tà isú Orɨ jóá nàa, díká ꞌba àzí ngaꞌba kara ɨtetaa nɨ vɨɨ drìa vɨɨ ɨ́ àfa ꞌbanɨ jile ɨtetaa ɨtejʉ vɨɨ ɨ̀sɨlɨa àloo nya ra vɨɨ kʉ yà? 14Kòꞌbò ꞌdɨ̀vɨɨ lé, Opɨ fè àzítáá ꞌba eꞌyo ba òlʉ̀le vɨɨ ɨnɨ yɨ́ ꞌyowa ɨdrɨ nyazà isújʉ́ ɨngajʉ ꞌba ɨnɨ nɨ eꞌyo ꞌba òlʉ̀jʉ ɨnɨ yɨ́ vɨɨ ɨnɨ bʉ yɨ̀.
15Te ma àyʉʉ ngà òkpo ꞌdɨ̀vɨɨ àloo tʉ́á kʉ. Díká ma sɨ̀ɨ eꞌyo ꞌdɨ̀vɨɨ asíꞌbàzà be kɨ́nɨ̀ àmɨ ngaa ꞌoo kòꞌbò vɨ́nɨ má yɨ́ kʉ. Manɨ ma òkpo àfʉ́ ꞌojʉ eꞌyo ba òlʉ̀le náni vɨɨ yɨ̀ vɨɨ àvɨ̀jʉ ra, cɨ̀kàa manɨ dràjʉ ra. 16Te ma nɨ Eꞌyo ba òlʉ̀rɨa, ma ɨ̀nyàa ma kʉ, àrɨ̀yɨ̀kʉ àzí ma awo vɨɨ ɨ̀rɨ Eꞌyo ba òlʉ̀zà nɨ. Ma ngaa càndɨ isúu ra ma tè Eꞌyo ba òlʉ̀ʉ kʉ! 17Ma tè Eꞌyo ba òlʉ̀ʉ òyako drʉ ma así nɨ lèle nɨ vɨɨ lé, ma awo òròdrí cɨ, tè káꞌdí ovʉʉ òyako drʉ kʉ, ma vɨɨ àzí ꞌbanɨ ma ìgènijʉ vɨɨ nga. 18Ma awo acete òya àrɨ nɨ yà? Ɨ̀rɨ drìleba manɨ Eꞌyo ba òlʉ̀jʉ náni ꞌbanɨ ma òfèjʉ kʉ vɨɨ ɨ. Ànɨyɨ̀, ma àyʉʉ ma awo òkpo Eꞌyo ba òlʉ̀jʉ vɨɨ sawà manɨ lèjʉ Eꞌyo ba òlʉ̀jʉ vɨɨ alɨa kʉ ꞌdɨ̀ ɨ.
19Káꞌdí manɨ ovʉjʉ ꞌba àloo be eꞌyo ko drʉ díká manɨ ovʉjʉ ꞌba drɨ́á be òpèndú ko drʉ vɨɨ ovʉʉ kɨ́nɨ̀ ɨnɨ nɨ ma òfèle òfè vɨɨ yɨ̀ kʉ. Te ma ꞌbà ma ꞌba drɨ́á ꞌyowa àtɨꞌboo drʉ, azílé màá obe ꞌba Kristo nɨ àꞌɨ̀jʉ kàlàfe angɨrɨ yɨ̀ benì. 20ꞌBa Yahudi nɨ vɨɨ ɨnɨ yɨ́ ma ca ɨnɨ àloo drʉ, azílé màá obe ɨnɨ Kristo nɨ àꞌɨ̀jʉ benì. ꞌBa àzítáá kalɨa vɨɨ ɨnɨ yɨ́, ma ca kɨ̀le ꞌbarʉʉ àzítáá kalɨa drʉ, káꞌdí manɨ ovʉjʉ ꞌbarʉʉ àzítáá ndee kalɨa nɨ kʉ kpé, ma òbɨ̀ àzítáá ndee butia ɨnɨ azílé màá obe ɨnɨ Kristo nɨ àꞌɨ̀jʉ benì. 21ꞌBa àzítáá kalɨa kʉ vɨɨ ɨnɨ yɨ́ ma ca ꞌbarʉʉ àzítáá kalɨa kʉ lé azílé màá obe ɨnɨ Kristo nɨ àꞌɨ̀jʉ benì. ꞌDɨ̀vɨɨ ovʉʉ kɨ́nɨ̀ ma òbɨ̀ɨ àzítáá Orɨ awo vɨɨ kʉ vɨ́nɨ kʉ. Ìndɨ̀a ma àzítáá Kristo awo vɨɨ butia òbɨ. 22ꞌBa òkpoàkò be vɨɨ ɨnɨ yɨ́ ma ca ꞌbarʉʉ òkpoàkò be drʉ, azílé màá obe ꞌba òkpoàkò be vɨɨ ɨnɨ benì. Ma oja ma ꞌba drɨ́á yɨ́ àfa drɨ́á drʉ azílé manɨ fèjʉ Kristo nɨ alóo ɨnɨ òpajʉ benì. 23Ma eꞌyo ꞌdɨ̀vɨɨ ɨnɨ ꞌoo drɨ́á eꞌyo ònyɨ̀be eꞌyo yɨ̀, azílé màá isú asíndrɨ̀zà benì.
24Àmɨ nìi kɨ́nɨ̀ kara àbálá dùjʉ vɨɨ alɨa ꞌba drɨ́á àbálá dùle vɨɨ ɨ́ du ra, te kíríá ꞌba àlʉa ɨ òròdrí isú nɨ̀ vɨɨ kʉ yà? Àmɨ dú azílé àmɨ isú òròdrí ndee benì. 25ꞌBa drɨ́á lèꞌba àbálá ꞌole avɨtaa alɨa ra vɨɨ ɨ́ ànɨ otʉ drɨ́á kílílí ráká. Ɨ́ ꞌo azílé ànɨ isú okú sawà were yɨ̀ vɨɨ benì, te àma ꞌoo azílé àma isú okú nánináni vɨɨ benì. 26Ànɨyɨ̀ ma dùu ongú kɨ̀le agú ongú dùle tòó vɨɨ lé kʉ, ma kii oki agú oki kile òlɨ́ be vɨɨ lé kʉ. 27Yʉ, ma ma rúá kii fèjʉ ɨ̀rɨ ꞌo eꞌyo manɨ lèle vɨɨ ɨ kòꞌbò atɨꞌboo nɨ ꞌyowa ꞌba ìmgbélé nɨ ìnzìle vɨ́nɨ, azílé ma tè Eꞌyo ba òlʉ̀ʉ ꞌba màá isú òròdría benì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved