1 Koronito 10
10
Bílé lɨzà orɨa ìnzìzà drìa vɨɨ
1Adrímà Kristiani drʉ vɨɨ ɨnɨ lá, ma lèe àmɨ àvɨ́ eꞌyo ndráánɨ́ iríti nɨ àꞌbimà ɨnɨ drì aꞌbújʉ́ díká ɨnɨ nɨ zojʉ mèrè ale yɨ̀ vɨɨ kʉ. 2Ɨnɨ drɨ́á bɨ́ bàbùtízìmù iríti alɨa àloo mèrè alɨa kòꞌbò Musa lé. 3Nyá drɨ́á nyaká orɨndɨ nɨ àlʉ vɨɨ ɨ 4díká mbú drɨ́á yí Orɨndɨ nɨ àlʉ vɨɨ ɨ, àrɨ̀yɨ̀kʉ mbú àfa mbuzà ɨngajʉ ɨrà Orɨndɨ nɨ ɨnɨ buti bɨ̀le vɨɨ alɨa vɨɨ ɨ, díká ɨrà ndee Kristo ɨ. 5Te kírí kpé Orɨ ovʉʉ ndráánɨ́ ɨnɨ tʉ̀a be àyɨ̀kò yɨ̀ kʉ, ànɨyɨ̀ fè òdrá díká ɨre ɨnɨ àbʉ̀ àngʉ̀ àꞌwɨ ale yɨ̀ bɨ̀lɨ̀rɨ̀ drʉ.
6Ànɨ eꞌyo ꞌdɨ̀vɨɨ ɨnɨ ɨ̀cetaa#10:6 Nòsɨ̀kʉòbɨ pàbaa ɨ̀sɨle were vɨɨ alɨa. drʉ àma yɨ́ azílé àma bílé lɨjʉ azílé àma ꞌbá así eꞌyo onzɨ ꞌojʉ ɨnɨ lé kʉ benì. 7Àmɨ ìnzí orɨa ɨnɨ kòꞌbò ndráánɨ́ ɨnɨ alóó ɨnɨ nɨ rɨle ꞌole vɨɨ lé kʉ. Kɨ̀le eꞌyo sɨ̀zà nɨ ꞌyole vɨɨ lé kɨ́nɨ̀, “Òꞌbɨ òrɨ́ nyáá tà nya àfa mbuzà be butia ngá ɨꞌdo àwù ꞌo ànɨ ɨ̀sɨlɨa ꞌba dínì ko vɨɨ ɨnɨ lé.”#10:7 Iꞌdoza 32:6. 8Lè àma ɨdé adrɨzà ònzɨ àlɨ òꞌbàjʉ vɨɨ kʉ, kɨ̀le ɨnɨ alóo ɨnɨ ndráánɨ́ ꞌole vɨɨ lé, díká fè oꞌdú àlʉ alɨa òdrá alɨ̀fʉ̀ kàlíìrì drìa na. 9Lè àma òꞌbí Opɨ Kristo nɨ kʉ, kɨ̀le ɨnɨ alóo ɨnɨ nɨ oꞌle vɨɨ lé, díká fè ànɨ orí òga ɨnɨ ra. 10Lè àmɨ onó eꞌyo Orɨ nɨ ꞌole vɨɨ ɨnɨ yɨ̀ kʉ, kɨ̀le ɨnɨ alóo ɨnɨ nɨ ndráánɨ́ onole vɨ́nɨ, díká fè malaika ꞌba drì jàle vɨɨ òkí ɨnɨ nɨ̀.
11Eꞌyo ꞌdɨ̀vɨɨ ꞌó ànɨ àꞌbimà ɨbe ɨ̀cetaa drʉ àmanɨ eꞌyo ndee ɨnɨ ɨkɨ́ vàjʉ díká ꞌba sɨ́ ɨnɨ àma bílé lɨjʉ, àrɨ̀yɨ̀kʉ àma iwú àsìzà nɨ cajʉ vɨɨ alɨa. 12Mɨ tè ɨgaa kɨ́nɨ̀ mɨ sò ka kirikiri nɨ, lè mɨ nè kílílí mɨ ɨcoo zo kʉ! 13Obetaa àloo cale àmɨ bʉ mgbi ngà cale ꞌba ndépi bʉ kʉ vɨ́ɨvɨɨ yʉ. Díká Orɨ nɨ ìgènizà drʉ, ngaa fe obetaa àmɨ nɨ ɨcole tia tale kʉ vɨ́ɨvɨɨ nɨ cajʉ àmɨ bʉ kʉ. Te ꞌba té àmɨ obee, ɨ̀rɨ ngaa léti fèe àmɨ nɨ obetaa ndee tia tajʉ.
14Ànɨyɨ̀ arɨ́màònyɨ lá, àmɨ kʉ́ orɨa ìnzìzà ra. 15Ma ɨ̀ta ꞌba eꞌyo vàle ra vɨɨ ɨnɨ be, àmɨ amá eꞌyo manɨ ꞌyole vɨɨ alɨa àmɨ ngʉlʉpɨ yɨ̀. 16ꞌDɨ̀vɨɨ kópò wɨ́nò nɨ àmanɨ àyʉle fètaa fèjʉ díká àma nɨ àwàꞌdɨ̀fóò fèjʉ vɨɨ ɨ. Àma tè àfa mbuu ɨngajʉ alɨa, dèe naa àma ɨ̀cɨ àma àrɨ Kristo awo vɨɨ yɨ̀. Díká mʉ̀gatɨ̀ àmanɨ alɨa àŋòle vɨɨ àma tè nyaa, dèè naa àma òròdrí ti ɨ̀cɨma rúá Kristo awo vɨɨ yɨ̀ vɨɨ ɨ. 17Mʉ̀gatɨ̀ ndee nɨ ovʉle àlʉ vɨɨ yɨ̀, àma drɨ́á rúá àlʉ nɨ àrɨ̀yɨ̀kʉ àma drɨ́á nyá mʉ̀gatɨ̀ àlʉ vɨɨ ɨ.
18Àma ɨgá ngà eꞌyo ꞌba Isirali nɨ vɨɨ ɨnɨ nɨ ndráánɨ́ àfa jile ɨtetaa nɨ kara ɨtetaa ɨtejʉ vɨɨ drìa vɨɨ nyajʉ vɨɨ. ꞌBa ndee ndráánɨ́ ɨ̀cɨ́ɨ́ ti túàlʉ ꞌba ɨtetaa ɨteꞌba vɨɨ ɨbe kʉ yà? 19Ma kɨ̀nɨ̀ tà fèle ɨtetaa ɨtejʉ orɨa yɨ́ vɨɨ ɨco eꞌyo àloo ꞌo ra yà? Nòsɨ̀kʉ orɨa ɨnɨ òkpo cɨ yà? 20Yʉ, ɨtetaa ꞌba dínìko vɨɨ ꞌyowa vɨɨ ɨnɨ fètaa orɨndɨonzɨ̀ yɨ́ vɨɨ ɨ, ovʉʉ Orɨ yɨ́ kʉ, díká ma lèe àmɨ àloo ɨ̀rɨ ɨ̀cɨ ti orɨndɨonzɨ be kʉ. 21Mɨ ɨcoo àfa mbu kópò Opɨ awo vɨɨ alɨa pàbaa orɨndɨonzɨ ꞌyowa vɨɨ alɨa ɨ̀ndɨ̀ vɨ́nɨ kʉ, mɨ ɨcoo àfa nya mézà Opɨ awo vɨɨ tia díká orɨndɨonzɨ ꞌyowa vɨɨ tia ɨ̀ndɨ̀ vɨ́nɨ kʉ 22Àma lèe Opɨ ale ɨnzoo ɨ̀rɨ nɨ àꞌyà isújʉ́ yà? Àma ɨ̀gàtɨ ɨ̀rɨ òkpo yɨ̀ ra yà?
Drìwàlà ꞌba àꞌɨ̀taa be vɨɨ ꞌyowa vɨɨ
23ꞌBa alóo ɨ́ ꞌyo kɨ́nɨ̀, “ꞌBa fé àma yɨ́ rʉkʉsà eꞌyo drɨ́á ꞌojʉ ra,” te eꞌyo káyɨ̀ ovʉ́ʉ́ òròdrí be kʉ. “ꞌBa fé àma yɨ́ rʉkʉsà eꞌyo drɨ́á ꞌojʉ ra,” te eꞌyo káyɨ̀ ovʉ́ʉ́ ɨkɨ́ be kʉ. 24Lè mɨ asɨ kírí mɨ yɨ̀ aꞌdúle kʉ, te mɨ asɨ ꞌba alóo ɨnɨ yɨ̀ ɨ̀ndɨ̀.
25Ànɨ ɨ̀rɨ ꞌyéè àmɨ nɨ tà ꞌbanɨ ozílé cúùa vɨɨ ɨnɨ nyajʉ sotia ziko drʉ azílé ɨ̀rɨ ji àmɨ alɨa ɨgataa àloo kʉ benì. 26Àrɨ̀yɨ̀kʉ, “Àfa nyawú drìa vɨɨ ɨnɨ drɨ́á Opɨ Orɨ awo nɨ, díká òꞌbà àfa ndee ɨnɨ drɨ́á nɨ̀.”
27ꞌBarʉʉ eꞌyo Orɨ awo vɨɨ àꞌɨ̀le kʉ vɨ́ɨvɨɨ tè mɨ omvee tà nyaa díká mɨ tè lèe tà ndee nyaa ra, mɨ nya àfa cɨ ꞌbanɨ jile mɨ drìlia vɨɨ ɨnɨ drɨ́á sotia zi kodrʉ azílé ɨ̀rɨ ji mɨ alɨa ɨgataa àloo kʉ benì. 28Te ꞌba àloo tè ꞌyoo mɨ́ yɨ́ kɨ́nɨ̀, “Tà ꞌdɨ̀vɨɨ ꞌba ɨbú ɨ̀rɨ fèe orɨa yɨ́ rá, acete mɨ nya ɨ̀rɨ kʉ. Àrɨ̀yɨ̀kʉ ɨco agú eꞌyo ndee àràa ꞌdale mɨ́ yɨ́ vɨɨ yɨ́ así suzà fe ra. #10:28 Sɨ̀zà alóo ɨnɨ alɨa eꞌyo vàtaa eꞌyo yɨ̀, àrɨ̀yɨ̀kʉ nyawú Yehova awo nɨ díká àfa alɨa vɨɨ ɨnɨ be drɨ́á. 29Manɨ ꞌyole vɨɨ ɨ̀rɨ agú àloo naa awo ɨgataa yɨ̀, ovʉʉ mɨ awo vɨɨ ɨ kʉ. Àrɨ̀yɨ̀kʉ ꞌba ɨcó drìwàlà ma awo vɨɨ li ꞌba àloo awo ɨgataa yɨ̀ ngóningóni yà?” 30Ma tè tà ndee nyaa àwàꞌdɨ̀fóò fèzà be, ꞌba àloo ɨco ma ɨ̀de eꞌyo manɨ àwàꞌdɨ̀fóò fèjʉ Orɨ yɨ́ vɨɨ yɨ̀ ngóningóni yà?
31Ànɨ káꞌdí mɨ tè tà nyaa nòsɨ̀kʉ àfa mbuu nòsɨ̀kʉ eꞌyo drɨ́á mɨnɨ ꞌole vɨɨ alɨa, lè mɨ ꞌo ɨnɨ drɨ́á ìnzìtaa fèjʉ Orɨ yɨ́. 32Mɨ ꞌo eꞌyo àloo fèjʉ ꞌba àloo yɨ́ aꞌdejʉ àꞌɨ̀taa alɨa kʉ, káꞌdí tè àdrɨ̀ɨ Yahudi nɨ, Giriki nɨ nòsɨ̀kʉ kristiani Orɨ awo nɨ kpé. 33Àmɨ ꞌó kɨ̀le manɨ ꞌole vɨɨ lé. Ma rɨ le àyɨ̀kò fe ꞌba drɨ́á yɨ́ léti drɨ́á yɨ̀. Ma ɨgaa eꞌyo ònyɨ̀ ma awo vɨɨ drìa kʉ te ònyɨ̀ ꞌba drɨ́á ꞌyowa vɨɨ drìa azílé ɨnɨ isú pataa benì.
Currently Selected:
1 Koronito 10: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 10
10
Bílé lɨzà orɨa ìnzìzà drìa vɨɨ
1Adrímà Kristiani drʉ vɨɨ ɨnɨ lá, ma lèe àmɨ àvɨ́ eꞌyo ndráánɨ́ iríti nɨ àꞌbimà ɨnɨ drì aꞌbújʉ́ díká ɨnɨ nɨ zojʉ mèrè ale yɨ̀ vɨɨ kʉ. 2Ɨnɨ drɨ́á bɨ́ bàbùtízìmù iríti alɨa àloo mèrè alɨa kòꞌbò Musa lé. 3Nyá drɨ́á nyaká orɨndɨ nɨ àlʉ vɨɨ ɨ 4díká mbú drɨ́á yí Orɨndɨ nɨ àlʉ vɨɨ ɨ, àrɨ̀yɨ̀kʉ mbú àfa mbuzà ɨngajʉ ɨrà Orɨndɨ nɨ ɨnɨ buti bɨ̀le vɨɨ alɨa vɨɨ ɨ, díká ɨrà ndee Kristo ɨ. 5Te kírí kpé Orɨ ovʉʉ ndráánɨ́ ɨnɨ tʉ̀a be àyɨ̀kò yɨ̀ kʉ, ànɨyɨ̀ fè òdrá díká ɨre ɨnɨ àbʉ̀ àngʉ̀ àꞌwɨ ale yɨ̀ bɨ̀lɨ̀rɨ̀ drʉ.
6Ànɨ eꞌyo ꞌdɨ̀vɨɨ ɨnɨ ɨ̀cetaa#10:6 Nòsɨ̀kʉòbɨ pàbaa ɨ̀sɨle were vɨɨ alɨa. drʉ àma yɨ́ azílé àma bílé lɨjʉ azílé àma ꞌbá así eꞌyo onzɨ ꞌojʉ ɨnɨ lé kʉ benì. 7Àmɨ ìnzí orɨa ɨnɨ kòꞌbò ndráánɨ́ ɨnɨ alóó ɨnɨ nɨ rɨle ꞌole vɨɨ lé kʉ. Kɨ̀le eꞌyo sɨ̀zà nɨ ꞌyole vɨɨ lé kɨ́nɨ̀, “Òꞌbɨ òrɨ́ nyáá tà nya àfa mbuzà be butia ngá ɨꞌdo àwù ꞌo ànɨ ɨ̀sɨlɨa ꞌba dínì ko vɨɨ ɨnɨ lé.”#10:7 Iꞌdoza 32:6. 8Lè àma ɨdé adrɨzà ònzɨ àlɨ òꞌbàjʉ vɨɨ kʉ, kɨ̀le ɨnɨ alóo ɨnɨ ndráánɨ́ ꞌole vɨɨ lé, díká fè oꞌdú àlʉ alɨa òdrá alɨ̀fʉ̀ kàlíìrì drìa na. 9Lè àma òꞌbí Opɨ Kristo nɨ kʉ, kɨ̀le ɨnɨ alóo ɨnɨ nɨ oꞌle vɨɨ lé, díká fè ànɨ orí òga ɨnɨ ra. 10Lè àmɨ onó eꞌyo Orɨ nɨ ꞌole vɨɨ ɨnɨ yɨ̀ kʉ, kɨ̀le ɨnɨ alóo ɨnɨ nɨ ndráánɨ́ onole vɨ́nɨ, díká fè malaika ꞌba drì jàle vɨɨ òkí ɨnɨ nɨ̀.
11Eꞌyo ꞌdɨ̀vɨɨ ꞌó ànɨ àꞌbimà ɨbe ɨ̀cetaa drʉ àmanɨ eꞌyo ndee ɨnɨ ɨkɨ́ vàjʉ díká ꞌba sɨ́ ɨnɨ àma bílé lɨjʉ, àrɨ̀yɨ̀kʉ àma iwú àsìzà nɨ cajʉ vɨɨ alɨa. 12Mɨ tè ɨgaa kɨ́nɨ̀ mɨ sò ka kirikiri nɨ, lè mɨ nè kílílí mɨ ɨcoo zo kʉ! 13Obetaa àloo cale àmɨ bʉ mgbi ngà cale ꞌba ndépi bʉ kʉ vɨ́ɨvɨɨ yʉ. Díká Orɨ nɨ ìgènizà drʉ, ngaa fe obetaa àmɨ nɨ ɨcole tia tale kʉ vɨ́ɨvɨɨ nɨ cajʉ àmɨ bʉ kʉ. Te ꞌba té àmɨ obee, ɨ̀rɨ ngaa léti fèe àmɨ nɨ obetaa ndee tia tajʉ.
14Ànɨyɨ̀ arɨ́màònyɨ lá, àmɨ kʉ́ orɨa ìnzìzà ra. 15Ma ɨ̀ta ꞌba eꞌyo vàle ra vɨɨ ɨnɨ be, àmɨ amá eꞌyo manɨ ꞌyole vɨɨ alɨa àmɨ ngʉlʉpɨ yɨ̀. 16ꞌDɨ̀vɨɨ kópò wɨ́nò nɨ àmanɨ àyʉle fètaa fèjʉ díká àma nɨ àwàꞌdɨ̀fóò fèjʉ vɨɨ ɨ. Àma tè àfa mbuu ɨngajʉ alɨa, dèe naa àma ɨ̀cɨ àma àrɨ Kristo awo vɨɨ yɨ̀. Díká mʉ̀gatɨ̀ àmanɨ alɨa àŋòle vɨɨ àma tè nyaa, dèè naa àma òròdrí ti ɨ̀cɨma rúá Kristo awo vɨɨ yɨ̀ vɨɨ ɨ. 17Mʉ̀gatɨ̀ ndee nɨ ovʉle àlʉ vɨɨ yɨ̀, àma drɨ́á rúá àlʉ nɨ àrɨ̀yɨ̀kʉ àma drɨ́á nyá mʉ̀gatɨ̀ àlʉ vɨɨ ɨ.
18Àma ɨgá ngà eꞌyo ꞌba Isirali nɨ vɨɨ ɨnɨ nɨ ndráánɨ́ àfa jile ɨtetaa nɨ kara ɨtetaa ɨtejʉ vɨɨ drìa vɨɨ nyajʉ vɨɨ. ꞌBa ndee ndráánɨ́ ɨ̀cɨ́ɨ́ ti túàlʉ ꞌba ɨtetaa ɨteꞌba vɨɨ ɨbe kʉ yà? 19Ma kɨ̀nɨ̀ tà fèle ɨtetaa ɨtejʉ orɨa yɨ́ vɨɨ ɨco eꞌyo àloo ꞌo ra yà? Nòsɨ̀kʉ orɨa ɨnɨ òkpo cɨ yà? 20Yʉ, ɨtetaa ꞌba dínìko vɨɨ ꞌyowa vɨɨ ɨnɨ fètaa orɨndɨonzɨ̀ yɨ́ vɨɨ ɨ, ovʉʉ Orɨ yɨ́ kʉ, díká ma lèe àmɨ àloo ɨ̀rɨ ɨ̀cɨ ti orɨndɨonzɨ be kʉ. 21Mɨ ɨcoo àfa mbu kópò Opɨ awo vɨɨ alɨa pàbaa orɨndɨonzɨ ꞌyowa vɨɨ alɨa ɨ̀ndɨ̀ vɨ́nɨ kʉ, mɨ ɨcoo àfa nya mézà Opɨ awo vɨɨ tia díká orɨndɨonzɨ ꞌyowa vɨɨ tia ɨ̀ndɨ̀ vɨ́nɨ kʉ 22Àma lèe Opɨ ale ɨnzoo ɨ̀rɨ nɨ àꞌyà isújʉ́ yà? Àma ɨ̀gàtɨ ɨ̀rɨ òkpo yɨ̀ ra yà?
Drìwàlà ꞌba àꞌɨ̀taa be vɨɨ ꞌyowa vɨɨ
23ꞌBa alóo ɨ́ ꞌyo kɨ́nɨ̀, “ꞌBa fé àma yɨ́ rʉkʉsà eꞌyo drɨ́á ꞌojʉ ra,” te eꞌyo káyɨ̀ ovʉ́ʉ́ òròdrí be kʉ. “ꞌBa fé àma yɨ́ rʉkʉsà eꞌyo drɨ́á ꞌojʉ ra,” te eꞌyo káyɨ̀ ovʉ́ʉ́ ɨkɨ́ be kʉ. 24Lè mɨ asɨ kírí mɨ yɨ̀ aꞌdúle kʉ, te mɨ asɨ ꞌba alóo ɨnɨ yɨ̀ ɨ̀ndɨ̀.
25Ànɨ ɨ̀rɨ ꞌyéè àmɨ nɨ tà ꞌbanɨ ozílé cúùa vɨɨ ɨnɨ nyajʉ sotia ziko drʉ azílé ɨ̀rɨ ji àmɨ alɨa ɨgataa àloo kʉ benì. 26Àrɨ̀yɨ̀kʉ, “Àfa nyawú drìa vɨɨ ɨnɨ drɨ́á Opɨ Orɨ awo nɨ, díká òꞌbà àfa ndee ɨnɨ drɨ́á nɨ̀.”
27ꞌBarʉʉ eꞌyo Orɨ awo vɨɨ àꞌɨ̀le kʉ vɨ́ɨvɨɨ tè mɨ omvee tà nyaa díká mɨ tè lèe tà ndee nyaa ra, mɨ nya àfa cɨ ꞌbanɨ jile mɨ drìlia vɨɨ ɨnɨ drɨ́á sotia zi kodrʉ azílé ɨ̀rɨ ji mɨ alɨa ɨgataa àloo kʉ benì. 28Te ꞌba àloo tè ꞌyoo mɨ́ yɨ́ kɨ́nɨ̀, “Tà ꞌdɨ̀vɨɨ ꞌba ɨbú ɨ̀rɨ fèe orɨa yɨ́ rá, acete mɨ nya ɨ̀rɨ kʉ. Àrɨ̀yɨ̀kʉ ɨco agú eꞌyo ndee àràa ꞌdale mɨ́ yɨ́ vɨɨ yɨ́ así suzà fe ra. #10:28 Sɨ̀zà alóo ɨnɨ alɨa eꞌyo vàtaa eꞌyo yɨ̀, àrɨ̀yɨ̀kʉ nyawú Yehova awo nɨ díká àfa alɨa vɨɨ ɨnɨ be drɨ́á. 29Manɨ ꞌyole vɨɨ ɨ̀rɨ agú àloo naa awo ɨgataa yɨ̀, ovʉʉ mɨ awo vɨɨ ɨ kʉ. Àrɨ̀yɨ̀kʉ ꞌba ɨcó drìwàlà ma awo vɨɨ li ꞌba àloo awo ɨgataa yɨ̀ ngóningóni yà?” 30Ma tè tà ndee nyaa àwàꞌdɨ̀fóò fèzà be, ꞌba àloo ɨco ma ɨ̀de eꞌyo manɨ àwàꞌdɨ̀fóò fèjʉ Orɨ yɨ́ vɨɨ yɨ̀ ngóningóni yà?
31Ànɨ káꞌdí mɨ tè tà nyaa nòsɨ̀kʉ àfa mbuu nòsɨ̀kʉ eꞌyo drɨ́á mɨnɨ ꞌole vɨɨ alɨa, lè mɨ ꞌo ɨnɨ drɨ́á ìnzìtaa fèjʉ Orɨ yɨ́. 32Mɨ ꞌo eꞌyo àloo fèjʉ ꞌba àloo yɨ́ aꞌdejʉ àꞌɨ̀taa alɨa kʉ, káꞌdí tè àdrɨ̀ɨ Yahudi nɨ, Giriki nɨ nòsɨ̀kʉ kristiani Orɨ awo nɨ kpé. 33Àmɨ ꞌó kɨ̀le manɨ ꞌole vɨɨ lé. Ma rɨ le àyɨ̀kò fe ꞌba drɨ́á yɨ́ léti drɨ́á yɨ̀. Ma ɨgaa eꞌyo ònyɨ̀ ma awo vɨɨ drìa kʉ te ònyɨ̀ ꞌba drɨ́á ꞌyowa vɨɨ drìa azílé ɨnɨ isú pataa benì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved