1 Koronito 8
8
Tà òwɨ̀le orɨa ɨnɨ yɨ́ vɨɨ
1Ànɨ ma ngaa eꞌyo òmvɨ tà ꞌbanɨ òwɨ̀le orɨa ɨnɨ yɨ́ vɨɨ drìa vɨ́nɨ: Ɨ̀rɨ eꞌyo ada nɨ, àma drɨ́á ibíi nìi ra kɨ́nɨ̀ àma ꞌyowa ònìtaa eꞌyo ndee vɨɨ drìa cɨ vɨɨ ra. Ònìtaa vɨɨ ɨ fe ꞌba alɨa àfʉ́ ɨ ga tree díká lètaa ɨ ꞌba yɨ́ òkpo fe ɨ. 2Agú ɨgale kɨ́nɨ̀ nɨ nì eꞌyo ra vɨɨ nìi eꞌyo trótrò ꞌbanɨ té ɨgale lè ɨ̀rɨ nì vɨɨ lé kʉ. 3Te agú Orɨ nɨ lèe ra vɨɨ Orɨ nì ɨ̀rɨ ra.
4Ànɨ acete eꞌyo tà ꞌbanɨ òwɨ̀le orɨa ɨnɨ yɨ́ vɨɨ nyazàa drìa vɨɨ ɨ̀rɨ nóni. Àma nì ra orɨa ɨnɨ àfa àzíkó nɨ nyawú drìa díká Orɨ àloo mgbia yʉ pèlʉ́ àlʉ. 5Káꞌdí orɨa alóo té ovʉʉ cɨ, ꞌbùa nòsɨ̀kʉ nyawú drìa ra kpé, káꞌdí kɨ̀le “orɨa” ɨnɨ nɨ ovʉle òꞌbɨ́ díká “òpɨ” nɨ ovʉle òꞌbɨ́ drʉ vɨ́nɨ ra kpé 6te àmanɨ nìle vɨɨ Orɨ kíríá àlʉ, ɨ̀rɨ Ata àfa drɨ́á òꞌbàle nɨ̀ vɨɨ ɨ díká àma nɨ ovʉle ɨ̀rɨ òkpo yɨ̀ vɨɨ ɨ, díká Opɨ ɨ̀rɨ kíríá àlʉ Yesu Kristo ɨ, àfa drɨ́á nɨ́ nɨ òꞌbàle léti ɨ̀rɨ bʉ yɨ̀ vɨɨ ɨ díká àma nɨ òkpo isúlé léti ɨ̀rɨ bʉ vɨɨ yɨ̀ vɨɨ ɨ.
7Te ovʉʉ ꞌba drɨ́á ní eꞌyo ada ꞌdɨ̀vɨɨ nɨ̀ kʉ. ꞌBa alóo ɨ́ ngà kpere ɨga orɨa ɨdele gí yɨ̀ ìnzìzà drʉ vɨɨ ɨnɨ àfa ada nɨ, ànɨyɨ̀ té tà ꞌdɨ̀vɨ́ɨvɨɨ nyaa, ɨ ɨga ngà kírí ɨ̀rɨ tà ꞌbanɨ òwɨ̀le orɨa yɨ́ vɨɨ ɨ, àrɨ̀yɨ̀kʉ ꞌyowa vàtaa nɨ ovʉle wereá drʉ vɨɨ yɨ̀, díká ɨ́ ɨga kɨ́nɨ̀ tà ꞌdɨ̀vɨɨ nɨ ngaa ànɨ ojaa òndi drʉ. 8Te tà jii àma Orɨ bʉ ògògò nɨ̀ kʉ, àma tè káꞌdí tà nyaa ra nòsɨ̀kʉ tà nyaa kʉ ɨ̀sɨle cozàa yʉ.
9Lè àmɨ àdrɨ mule be, àmɨ nɨ òkpo àmɨ ꞌyowa vɨɨ àyʉrɨa, ɨ̀rɨ fè ꞌba àꞌɨ̀taa be were vɨɨ ɨnɨ yɨ́ ɨ̀zatà ꞌo kʉ. 10Àrɨ̀yɨ̀kʉ ꞌbarʉʉ àꞌɨ̀taa be were vɨɨ tè mɨ eꞌyo nìzà be vɨɨ ndrèe tà nyarɨa orɨa jóá ɨgataa kodrʉ, ꞌdɨ̀vɨɨ nga ɨ̀rɨ ɨ̀ka za òwɨ̀le orɨa yɨ́ vɨɨ nyajʉ kʉ yà? 11Ànɨ adrìì Kristiani drʉ òkpoàkò be Kristo nɨ dràle ɨ̀rɨ eꞌyo yɨ̀ vɨɨ, nɨ ngaa drìjàzà isúu eꞌyo nìzà mɨ awo vɨɨ yɨ̀. 12Mɨ tè ɨ̀zatà ꞌoo adrìì Kristiani drʉ vɨɨ bʉ léti ꞌdɨ̀vɨɨ yɨ̀ díká mɨ tè ɨbɨ ꞌbàa ꞌyowa vàtaa wereá vɨɨ rúá, dèe naa mɨ ꞌo ɨ̀zatà Kristo rúá. 13Ànɨyɨ̀ tà manɨ nyale vɨɨ tè fèe adrìmà Kristiani drʉ vɨɨ nɨ ɨ̀zatà ꞌojʉ, ma ngaa za nya àsúú kʉ, ànɨ azílé manɨ fèjʉ ɨ̀rɨ yɨ́ ɨ̀zatà ꞌojʉ kʉ benì.
Currently Selected:
1 Koronito 8: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 8
8
Tà òwɨ̀le orɨa ɨnɨ yɨ́ vɨɨ
1Ànɨ ma ngaa eꞌyo òmvɨ tà ꞌbanɨ òwɨ̀le orɨa ɨnɨ yɨ́ vɨɨ drìa vɨ́nɨ: Ɨ̀rɨ eꞌyo ada nɨ, àma drɨ́á ibíi nìi ra kɨ́nɨ̀ àma ꞌyowa ònìtaa eꞌyo ndee vɨɨ drìa cɨ vɨɨ ra. Ònìtaa vɨɨ ɨ fe ꞌba alɨa àfʉ́ ɨ ga tree díká lètaa ɨ ꞌba yɨ́ òkpo fe ɨ. 2Agú ɨgale kɨ́nɨ̀ nɨ nì eꞌyo ra vɨɨ nìi eꞌyo trótrò ꞌbanɨ té ɨgale lè ɨ̀rɨ nì vɨɨ lé kʉ. 3Te agú Orɨ nɨ lèe ra vɨɨ Orɨ nì ɨ̀rɨ ra.
4Ànɨ acete eꞌyo tà ꞌbanɨ òwɨ̀le orɨa ɨnɨ yɨ́ vɨɨ nyazàa drìa vɨɨ ɨ̀rɨ nóni. Àma nì ra orɨa ɨnɨ àfa àzíkó nɨ nyawú drìa díká Orɨ àloo mgbia yʉ pèlʉ́ àlʉ. 5Káꞌdí orɨa alóo té ovʉʉ cɨ, ꞌbùa nòsɨ̀kʉ nyawú drìa ra kpé, káꞌdí kɨ̀le “orɨa” ɨnɨ nɨ ovʉle òꞌbɨ́ díká “òpɨ” nɨ ovʉle òꞌbɨ́ drʉ vɨ́nɨ ra kpé 6te àmanɨ nìle vɨɨ Orɨ kíríá àlʉ, ɨ̀rɨ Ata àfa drɨ́á òꞌbàle nɨ̀ vɨɨ ɨ díká àma nɨ ovʉle ɨ̀rɨ òkpo yɨ̀ vɨɨ ɨ, díká Opɨ ɨ̀rɨ kíríá àlʉ Yesu Kristo ɨ, àfa drɨ́á nɨ́ nɨ òꞌbàle léti ɨ̀rɨ bʉ yɨ̀ vɨɨ ɨ díká àma nɨ òkpo isúlé léti ɨ̀rɨ bʉ vɨɨ yɨ̀ vɨɨ ɨ.
7Te ovʉʉ ꞌba drɨ́á ní eꞌyo ada ꞌdɨ̀vɨɨ nɨ̀ kʉ. ꞌBa alóo ɨ́ ngà kpere ɨga orɨa ɨdele gí yɨ̀ ìnzìzà drʉ vɨɨ ɨnɨ àfa ada nɨ, ànɨyɨ̀ té tà ꞌdɨ̀vɨ́ɨvɨɨ nyaa, ɨ ɨga ngà kírí ɨ̀rɨ tà ꞌbanɨ òwɨ̀le orɨa yɨ́ vɨɨ ɨ, àrɨ̀yɨ̀kʉ ꞌyowa vàtaa nɨ ovʉle wereá drʉ vɨɨ yɨ̀, díká ɨ́ ɨga kɨ́nɨ̀ tà ꞌdɨ̀vɨɨ nɨ ngaa ànɨ ojaa òndi drʉ. 8Te tà jii àma Orɨ bʉ ògògò nɨ̀ kʉ, àma tè káꞌdí tà nyaa ra nòsɨ̀kʉ tà nyaa kʉ ɨ̀sɨle cozàa yʉ.
9Lè àmɨ àdrɨ mule be, àmɨ nɨ òkpo àmɨ ꞌyowa vɨɨ àyʉrɨa, ɨ̀rɨ fè ꞌba àꞌɨ̀taa be were vɨɨ ɨnɨ yɨ́ ɨ̀zatà ꞌo kʉ. 10Àrɨ̀yɨ̀kʉ ꞌbarʉʉ àꞌɨ̀taa be were vɨɨ tè mɨ eꞌyo nìzà be vɨɨ ndrèe tà nyarɨa orɨa jóá ɨgataa kodrʉ, ꞌdɨ̀vɨɨ nga ɨ̀rɨ ɨ̀ka za òwɨ̀le orɨa yɨ́ vɨɨ nyajʉ kʉ yà? 11Ànɨ adrìì Kristiani drʉ òkpoàkò be Kristo nɨ dràle ɨ̀rɨ eꞌyo yɨ̀ vɨɨ, nɨ ngaa drìjàzà isúu eꞌyo nìzà mɨ awo vɨɨ yɨ̀. 12Mɨ tè ɨ̀zatà ꞌoo adrìì Kristiani drʉ vɨɨ bʉ léti ꞌdɨ̀vɨɨ yɨ̀ díká mɨ tè ɨbɨ ꞌbàa ꞌyowa vàtaa wereá vɨɨ rúá, dèe naa mɨ ꞌo ɨ̀zatà Kristo rúá. 13Ànɨyɨ̀ tà manɨ nyale vɨɨ tè fèe adrìmà Kristiani drʉ vɨɨ nɨ ɨ̀zatà ꞌojʉ, ma ngaa za nya àsúú kʉ, ànɨ azílé manɨ fèjʉ ɨ̀rɨ yɨ́ ɨ̀zatà ꞌojʉ kʉ benì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved