1 Koronito 7
7
Zitaa rutaa drìa vɨɨ
1Eꞌyo manɨ ɨcole òmvɨle àmɨ yɨ́ eꞌyo àmɨ nɨ sɨ̀le má yɨ́ vɨɨ ɨnɨ drìa vɨɨ ɨnɨ vɨ́nɨ: Ɨ̀rɨ ònyɨ̀be agú nɨ́ ovʉjʉ izí nɨ awo vɨɨ be kʉ. 2Te ace àlɨ oꞌbàzà omgbo nɨ tule oru vɨɨ yɨ̀, lè àgu drɨ́á ɨnɨ ovʉ́ ꞌyowa zi be, díká zi drɨ́á ɨnɨ ovʉ́ ꞌyowa ònyɨ be. 3Lè agú ɨ̀rɨ ꞌo eꞌyo ɨ̀rɨ nɨ ovʉjʉ onyɨ drʉ vɨɨ izípi yɨ́ rá díká lè izí ɨ̀rɨ ꞌo kòꞌbò vɨ́nɨ onyípi yɨ́. 4Rúá izí awo vɨɨ àyotaa ovʉʉ ɨ̀rɨ bʉ kʉ, te onyípi bʉ. Díká léti àlʉàlʉ vɨɨ yɨ̀, rúá onyɨ awo vɨɨ àyotaa ovʉʉ onyɨ bʉ kʉ, te izípi bʉ. 5Àmɨ ndé àmɨ kʉ, pè lʉ́ ráaka àmɨ ɨrɨ àmɨ àmɨ ɨ̀sɨlɨa eꞌyo ndee oꞌjʉ sawà were yɨ̀, azílé àmɨ fé àmɨ Orɨ nɨ zijʉ benì. Te butia àmɨ ká drì àmɨ ɨ̀cɨ kara àlʉa azílé sitani ɨ̀rɨ obe àmɨ kʉ benì àrɨ̀yɨ̀kʉ àmɨ nìi àmɨ ngʉlʉpɨ rúá drì sile kʉ. 6Ma fè vɨɨ àmɨ yɨ́ rʉkʉsà nɨ, ovʉʉ ma ꞌbà àyotaa drʉ kʉ. 7Àꞌbaa ma ɨga àgu drɨ́á té ndráánɨ́ ovʉʉ ma lé nɨ ꞌyée. Te Orɨ fè ꞌba àlʉàlʉ yɨ́ fètaa mgbimgbi; àloo bʉ ꞌdònoo ɨ ovʉ nɨ̀, àloo vɨɨ bʉ ꞌdànaa ɨ ovʉ nɨ̀.
8Ànɨ mà ꞌyoo ꞌba awuzi drʉ vɨɨ ɨnɨ be nóni: Ɨ̀rɨ ònyɨ̀be ɨnɨ nɨ ànɨ rujʉ kʉ ma lé. 9Te té ɨcoo ànɨ rúá drì sii kʉ, lè ɨnɨ rú ànɨ ra, àrɨ̀yɨ̀kʉ ɨ̀rɨ cɨ̀kà ɨnɨ nɨ ànɨ rujʉ ra ɨ̀gàtɨ ɨnɨ nɨ vejʉ asíá ɨgataa àlɨ oꞌbàzà nɨ vɨɨ be vɨɨ ra.
10ꞌBa ànɨ ruꞌba ra vɨɨ ɨnɨ yɨ́ ma fè àyotaa ꞌdɨ̀vɨɨ ɨnɨ ɨ, ovʉʉ ɨngajʉ ma bʉ kʉ te Opɨ bʉ: Lè izí ɨ̀rɨ kʉ onyípi nɨ kʉ. 11Tè ɨ̀rɨ kʉ ra nɨ, lè ɨ̀rɨ ru onyɨ àloo kʉ nòsɨ̀kʉ ɨ̀rɨ kàdrì trʉ̀taa àꞌí onyípi bʉ. Díká lè agú ɨ̀rɨ kʉ izípi nɨ kʉ ɨ̀ndɨ̀.
12Eꞌyo manɨ ꞌyole ꞌba alóo vɨɨ ɨnɨ yɨ́ vɨɨ ɨ̀rɨ vɨ́nɨ, ma ꞌyo ɨ̀rɨ ma ɨ, ovʉʉ Opɨ ꞌyoo nɨ̀ kʉ, te lʉ́ ma ꞌyo ɨ̀rɨ ma ɨ: Adrìì Kristiani drʉ vɨ́ɨvɨɨ tè izí àꞌɨ̀taa ko vɨ́ɨvɨɨ ruu, díká izí ndee tè àtìi ovʉʉ ɨ̀rɨ be ra, lè ɨ̀rɨ kʉ izí ndee kʉ. 13Díká izí àloo Kristiani drʉ vɨ́ɨvɨɨ onyípi tè ovʉʉ ꞌbarʉʉ eꞌyo Orɨ awo vɨɨ àꞌɨ̀le kʉ vɨ́ɨvɨɨ ɨ, díká tè àtìi ovʉʉ ɨ̀rɨ be ra, lè izí ndee ɨ̀rɨ kʉ agú ndee kʉ. 14Àrɨ̀yɨ̀kʉ onyɨ àꞌɨ̀taa ko vɨɨ ꞌba ꞌbá ɨ̀rɨ àlá drʉ léti izípi bʉ vɨɨ yɨ̀ díká izí àꞌɨ̀taa ko vɨɨ ꞌba ꞌbá ɨ̀rɨ àlá drʉ léti onyípi àꞌɨ̀taa be vɨɨ bʉ vɨɨ yɨ̀. Tè ndráá ovʉʉ vɨ́nɨ kʉ nɨ, anzɨ àmɨ ꞌyowa vɨɨ ɨnɨ ngaa ovʉ òndi drʉ, te ɨ̀rɨ nɨ ovʉle vɨ́nɨ vɨɨ yɨ̀, ɨnɨ àlátárá drʉ.
15Te izí nòsɨ̀kʉ agú kristiani drʉ kʉ vɨɨ tè lèe àrípi nɨ kʉʉ, ɨco ɨ̀rɨ kʉ ra. Eꞌyo ndee ꞌdɨ̀ vɨ́ɨvɨɨ alɨa, àrípi Kristiani drʉ ovʉle àdrì drʉ àloo àmbʉ̀ drʉ vɨɨ ngaa ovʉ eꞌyo be kʉ; Orɨ lè àma ovʉ́ asíánzú yɨ̀. 16Àmɨ ɨco ni zi drʉ ngóningóni kɨ́nɨ̀, àmɨ ngaa ònyɨ àmɨ ꞌyowa vɨɨ ɨnɨ òpaa ra? Nòsɨ̀kʉ, Àmɨ ɨco ni ngóningóni ònyɨ drʉ kɨ́nɨ̀, àmɨ ngaa zi àmɨ ꞌyowa vɨɨ ɨnɨ opaa ra?
17Ráaka lè ꞌba àlʉàlʉ ɨ̀rɨ ovʉ ɨdrɨ ndráánɨ́ Opɨ nɨ fèle ɨ̀rɨ yɨ́ vɨɨ alɨa díká Orɨ nɨ ɨ̀rɨ omvejʉ ànɨyɨ̀ vɨɨ alɨa. ꞌDɨ̀vɨɨ àzítáá ma nɨ ꞌbàle Kristiani drɨ́á ɨnɨ yɨ́ vɨɨ ɨ. 18ꞌBa té ndráá agú drʉ mɨ agélé drìle lii oꞌdú Orɨ nɨ mɨ omvejʉ vɨɨ yɨ̀ ra, lè mɨ ocɨ ɨ̀cetaa agélé drìle lizà nɨ vɨɨ kʉ. ꞌBa té ndráá agú drʉ mɨ agélé drìle lii oꞌdú Orɨ nɨ mɨ omvejʉ vɨɨ yɨ̀ kʉ, lè ɨ lí mɨ agélé drìle kʉ. 19Àrɨ̀yɨ̀kʉ agélé drìle lizà cóó ɨ̀sɨle agélé drìle lile kʉ vɨɨ be kʉ. Te eꞌyo òkongoro vɨɨ àyotaa Orɨ awo vɨɨ tàa mbajʉ vɨɨ ɨ. 20ꞌBa àlʉàlʉ ɨ̀rɨ awɨ kɨ̀le ndráánɨ́ Orɨ nɨ ɨ̀rɨ omverɨa vɨɨ lé. 21Mɨ ndráánɨ́ àtɨꞌboo nɨ oꞌdú Orɨ nɨ mɨ omvejʉ vɨɨ yɨ̀ yà? Mɨ asɨ kʉ, te mɨ tè ɨcoo drìwàlà isúu ra, ɨ̀rɨ pàbaa ònyɨ̀be. 22Àrɨ̀yɨ̀kʉ ꞌbarʉʉ ovʉle àtɨꞌboo drʉ oꞌdú Opɨ nɨ ɨ̀rɨ omvejʉ vɨɨ yɨ̀ vɨɨ ɨ̀rɨ ꞌbarʉʉ Orɨ nɨ ɨ̀rɨ yɨ́ drìwàlà fèle ꞌba vɨɨ ɨ, trótrò kɨ̀le ꞌbarʉʉ ndráánɨ́ ovʉle drìwàlà alɨa oꞌdú ɨ̀rɨ omvejʉ vɨɨ yɨ̀ vɨɨ ɨ̀rɨ àtɨꞌboo Kristo awo nɨ. 23ꞌBa ònzé àmɨ àje yɨ̀, ànɨ lè àmɨ ovʉ́ atɨꞌboo ꞌba ada awo drʉ kʉ. 24Adrímà Kristiani drʉ vɨɨ ɨnɨ lá, lè àmɨ àlʉàlʉ ɨ̀rɨ awɨ wúrá ndráánɨ́ Orɨ nɨ àmɨ omvejʉ vɨɨ alɨa vɨɨ yɨ̀.
25Tè ovʉʉ eꞌyo alɨrɨa ꞌyowa vɨɨ ɨ: Ma awɨɨ àzítáá isú Opɨ bʉ kʉ, te ma ɨgataa ma awo vɨɨ fèe kɨ̀le ꞌbarʉ ꞌbanɨ ɨ̀gènile ra vɨɨ drʉ àrɨ̀yɨ̀kʉ manɨ asíndrɨ̀zà isúlé Opɨ bʉ ra vɨɨ yɨ̀. 26Àrɨ̀yɨ̀kʉ eꞌyo ɨ̀wa drʉ ànɨ ꞌole vɨɨ ɨnɨ eꞌyo yɨ̀, Ma ɨga ɨ̀rɨ ònyɨ̀be ꞌba drɨ́á nɨ awɨjʉ kɨ̀le ɨnɨ nɨ ibúlé ovʉle vɨɨ lé. 27Àmɨ ru àmɨ ꞌba yà? Lè àmɨ ɨré àmɨ kʉ. Mɨ ruu ngà póꞌdí izí kʉ yà? Mɨ ndrù izí kʉ. 28Te mɨ tè le izí ruu nɨ, ovʉʉ ɨ̀zatà nɨ kʉ, díká àlɨrɨa tè onyɨ ruu, ovʉʉ pàbaa ɨ̀zatà nɨ kʉ. Te ꞌba ànɨ ruꞌba vɨɨ ɨnɨ ngaa drì fuu eꞌyo ɨ̀wa drʉ vɨ́ɨvɨɨ ɨnɨ be angɨrɨ ɨdrɨ alɨa, díká ma lè àmɨ òpa eꞌyo ndee alɨa vɨɨ yɨ̀ ra.
29Eꞌyo manɨ ꞌyole vɨɨ ɨkɨ́a adrímà Kristiani drʉ vɨɨ ɨnɨ lá kɨ́nɨ̀, sawà Kristo nɨ drìkàjʉ vɨɨ àsì wereá drʉ. Ɨꞌdojʉ àndrʉ̀ mujʉ drìle, ꞌba zi be vɨɨ ɨnɨ ovʉ́ kɨ̀le ngà ꞌyowa zi drɨ̀ò yʉ lé, 30ꞌba otaa ota vɨɨ ɨnɨ ovʉ́, kɨ̀le otáá kʉ lé, ꞌba igíꞌbá àyɨ̀kò yɨ̀ vɨɨ ɨnɨ ovʉ́, kɨ̀le ɨnɨ asíá àyɨ̀kò yʉ lé; ꞌba àfa jeꞌba vɨɨ ɨnɨ ovʉ́, kɨ̀le àfa ndee jéé nɨ̀ kʉ lé; 31lè ꞌba àfa nyawú drìa vɨɨ ɨnɨ àyʉle vɨɨ ɨnɨ ꞌbá ànɨ kɨ̀le àfa ꞌdɨ̀vɨɨ ꞌdu ɨnɨ así drɨ́á vɨɨ lé kʉ. Àrɨ̀yɨ̀kʉ eꞌyo wúdrìkúrù ꞌdɨ̀vɨɨ alɨa vɨɨ nɨ ngaa nɨ dee ra.
32Asísílé manɨ ɨmbataa fèjʉ ꞌba ndépi yí ovʉjʉ zi ru kodrʉ vɨɨ, ma lè ɨnɨ ovʉ́ eꞌyo kodrʉ benì. Agú ngà póꞌdí izí rule kʉ vɨɨ ɨ así ꞌba eꞌyo Opɨ awo vɨɨ drìa léti ɨ̀rɨ nɨ ɨcojʉ Opɨ yɨ́ àyɨ̀kò fèjʉ vɨɨ be. 33Te agú izí rule ꞌba vɨɨ ɨ así ꞌba eꞌyo wúdrìkúrù nɨ vɨɨ ɨnɨ drìa, léti ɨ̀rɨ nɨ ɨcojʉ àyɨ̀kò fèjʉ izípi yɨ́ vɨɨ be 34díká agú ndee omɨ̀a ɨ ovʉ awazà drʉ. Izí nòsɨ̀kʉ àlɨrɨa ngà póꞌdí onyɨ rule kʉ vɨɨ ɨ así ꞌba eꞌyo àlátárá Opɨ awo vɨɨ drìa. Ɨ así ꞌba eꞌyo Opɨ awo vɨɨ drìa ɨ̀rɨ rúá yɨ̀ díká ɨ̀rɨ orɨndɨ be ìrìtro. Te izí onyɨ rule ꞌba vɨɨ ɨ así ꞌba eꞌyo wúdrìkúrù nɨ vɨɨ ɨnɨ drìa, léti ɨ̀rɨ nɨ ɨcojʉ àyɨ̀kò fèjʉ onyípi yɨ́ vɨɨ be. 35Ma eꞌyo ꞌdɨ̀vɨɨ ꞌyoo àmɨ àzà kojʉ, ovʉʉ àmɨ́ yɨ́ ògajʉ sɨ̀ kʉ, te azílé àmɨ nɨ ovʉjʉ léti ònyɨ̀be yɨ̀ díká àmɨ nɨ àmɨ òwɨ̀jʉ ndulu Opɨ yɨ́ àzí ngajʉ así àlʉ yɨ̀ benì.
36Te ꞌba àloo tè ɨgaa kɨ́nɨ̀ adrɨzà nɨ nɨ ꞌole alɨrɨa ɨ̀rɨ ovʉle ɨ̀rɨ be alè alɨa vɨɨ ɨ̀rɨ adrɨ̀zà tà sìle kʉ nɨ, díká àlɨrɨa ndee ɨlɨa tè àlii tʉ̀, díká tè ɨgaa nɨ lè ace alɨrɨa ndee ru ra, ɨ̀rɨ ꞌo ɨ̀rɨnɨ ɨgale vɨ́nɨ. ꞌDànaa ovʉʉ ɨ̀zatà nɨ kʉ. 37Te agú àloo ꞌba té àyotaa ꞌbàa ɨ̀rɨ drìa izí rujʉ kʉ, tè eꞌyo ɨgaa ovʉjʉ izí kó drʉ nɨ drì yɨ̀, díká ɨga nɨ awo ɨgataa vɨɨ nɨ asíá nɨ ngʉlʉpɨ tàmbajʉ díká àlɨrɨa vɨɨ rujʉ ɨ kʉ, agú ꞌdɨ̀vɨɨ ꞌo pàbaa eꞌyo tàsìle ra nɨ. 38Ace ànɨ agú òdrʉa àlɨrɨa drʉ ɨnɨ nɨ ovʉle ɨ̀rɨ be alè alɨa vɨɨ rule vɨɨ ꞌo eꞌyo ònyɨ̀be nɨ, te agú òdrʉa alɨrɨa drʉ ɨnɨ nɨ ovʉle ɨ̀rɨ be alè alɨa vɨɨ rule kʉ vɨɨ ꞌo eꞌyo ònyɨ̀be ɨ̀gàtɨle tʉ̀ vɨ́ɨvɨɨ ɨ.#7:38 Nòsɨ̀kʉ 36 ꞌBarʉ àloo tè ɨgaa kɨ́nɨ̀ nɨ mbaa zànɨ̀a tà ònyɨ̀ be kʉ nɨ, díká òdrʉa ndee ɨlɨa tè ace ꞌoo muu tʉ̀ nɨ, díká tè ɨgaa kɨ́nɨ̀ nɨ lè ace zànɨ̀a ɨ̀rɨ ru onyɨ ra nɨ, ɨco fe zàpia ndee yɨ́ onyɨ rujʉ ra. Agú ꞌdɨ̀vɨɨ ɨdee vɨɨ ɨ̀zatà nɨ kʉ. Lè ɨ̀rɨ fè zàpia yɨ́ onyɨ ru ra. 37Te agú àloo ɨgale nɨ drìa cenɨ̀cenɨ̀ ꞌbanɨ ɨ̀rɨ òmɨ̀ kokò drʉ te ɨgataa nɨ awo vɨɨ ꞌbàle kílílí drʉ, díká ɨga ɨ̀rɨ nɨ ɨgajʉ kɨ́nɨ̀ nɨ lè zànɨ̀a tà mba àlɨrɨa drʉ onyɨ ruko vɨɨ ꞌo pàbaa eꞌyo ònyɨ̀be nɨ 38 Ànɨ acete ꞌbarʉ fèle zàpia àlɨrɨa drʉ vɨɨ yɨ́ onyɨ rule ra vɨɨ ꞌo eꞌyo ònyɨ̀be nɨ, te ꞌbarʉ fèle zàpia àlɨrɨa drʉ vɨɨ yɨ́ onyɨ rule kʉ vɨɨ ꞌo eꞌyo ònyɨ̀be tʉ̀.
39Àzítáá izí awo vɨɨ onyípi gíá sawà onyípi nɨ ovʉjʉ ɨdrɨ drʉ vɨɨ alɨa. Te onyípi tè dràa ꞌba, ɨco onyɨ àloo ɨ̀rɨ así nɨ lèle vɨɨ ru ra, te lè agú ndee ɨ̀rɨ ovʉ ꞌbarʉ Opɨ nɨ rʉle ra nɨ. 40Eꞌyo lizà ma awo vɨɨ butia yɨ̀, izí ndee nɨ ngaa ovʉʉ àyɨ̀kò angɨrɨ alɨa tè awɨɨ onyɨ ruko drʉ. Díká ɨꞌda má yɨ́ kɨ́nɨ̀ Orɨndɨ Orɨ awo vɨɨ nɨ ma drì cee nɨ̀.
Currently Selected:
1 Koronito 7: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 7
7
Zitaa rutaa drìa vɨɨ
1Eꞌyo manɨ ɨcole òmvɨle àmɨ yɨ́ eꞌyo àmɨ nɨ sɨ̀le má yɨ́ vɨɨ ɨnɨ drìa vɨɨ ɨnɨ vɨ́nɨ: Ɨ̀rɨ ònyɨ̀be agú nɨ́ ovʉjʉ izí nɨ awo vɨɨ be kʉ. 2Te ace àlɨ oꞌbàzà omgbo nɨ tule oru vɨɨ yɨ̀, lè àgu drɨ́á ɨnɨ ovʉ́ ꞌyowa zi be, díká zi drɨ́á ɨnɨ ovʉ́ ꞌyowa ònyɨ be. 3Lè agú ɨ̀rɨ ꞌo eꞌyo ɨ̀rɨ nɨ ovʉjʉ onyɨ drʉ vɨɨ izípi yɨ́ rá díká lè izí ɨ̀rɨ ꞌo kòꞌbò vɨ́nɨ onyípi yɨ́. 4Rúá izí awo vɨɨ àyotaa ovʉʉ ɨ̀rɨ bʉ kʉ, te onyípi bʉ. Díká léti àlʉàlʉ vɨɨ yɨ̀, rúá onyɨ awo vɨɨ àyotaa ovʉʉ onyɨ bʉ kʉ, te izípi bʉ. 5Àmɨ ndé àmɨ kʉ, pè lʉ́ ráaka àmɨ ɨrɨ àmɨ àmɨ ɨ̀sɨlɨa eꞌyo ndee oꞌjʉ sawà were yɨ̀, azílé àmɨ fé àmɨ Orɨ nɨ zijʉ benì. Te butia àmɨ ká drì àmɨ ɨ̀cɨ kara àlʉa azílé sitani ɨ̀rɨ obe àmɨ kʉ benì àrɨ̀yɨ̀kʉ àmɨ nìi àmɨ ngʉlʉpɨ rúá drì sile kʉ. 6Ma fè vɨɨ àmɨ yɨ́ rʉkʉsà nɨ, ovʉʉ ma ꞌbà àyotaa drʉ kʉ. 7Àꞌbaa ma ɨga àgu drɨ́á té ndráánɨ́ ovʉʉ ma lé nɨ ꞌyée. Te Orɨ fè ꞌba àlʉàlʉ yɨ́ fètaa mgbimgbi; àloo bʉ ꞌdònoo ɨ ovʉ nɨ̀, àloo vɨɨ bʉ ꞌdànaa ɨ ovʉ nɨ̀.
8Ànɨ mà ꞌyoo ꞌba awuzi drʉ vɨɨ ɨnɨ be nóni: Ɨ̀rɨ ònyɨ̀be ɨnɨ nɨ ànɨ rujʉ kʉ ma lé. 9Te té ɨcoo ànɨ rúá drì sii kʉ, lè ɨnɨ rú ànɨ ra, àrɨ̀yɨ̀kʉ ɨ̀rɨ cɨ̀kà ɨnɨ nɨ ànɨ rujʉ ra ɨ̀gàtɨ ɨnɨ nɨ vejʉ asíá ɨgataa àlɨ oꞌbàzà nɨ vɨɨ be vɨɨ ra.
10ꞌBa ànɨ ruꞌba ra vɨɨ ɨnɨ yɨ́ ma fè àyotaa ꞌdɨ̀vɨɨ ɨnɨ ɨ, ovʉʉ ɨngajʉ ma bʉ kʉ te Opɨ bʉ: Lè izí ɨ̀rɨ kʉ onyípi nɨ kʉ. 11Tè ɨ̀rɨ kʉ ra nɨ, lè ɨ̀rɨ ru onyɨ àloo kʉ nòsɨ̀kʉ ɨ̀rɨ kàdrì trʉ̀taa àꞌí onyípi bʉ. Díká lè agú ɨ̀rɨ kʉ izípi nɨ kʉ ɨ̀ndɨ̀.
12Eꞌyo manɨ ꞌyole ꞌba alóo vɨɨ ɨnɨ yɨ́ vɨɨ ɨ̀rɨ vɨ́nɨ, ma ꞌyo ɨ̀rɨ ma ɨ, ovʉʉ Opɨ ꞌyoo nɨ̀ kʉ, te lʉ́ ma ꞌyo ɨ̀rɨ ma ɨ: Adrìì Kristiani drʉ vɨ́ɨvɨɨ tè izí àꞌɨ̀taa ko vɨ́ɨvɨɨ ruu, díká izí ndee tè àtìi ovʉʉ ɨ̀rɨ be ra, lè ɨ̀rɨ kʉ izí ndee kʉ. 13Díká izí àloo Kristiani drʉ vɨ́ɨvɨɨ onyípi tè ovʉʉ ꞌbarʉʉ eꞌyo Orɨ awo vɨɨ àꞌɨ̀le kʉ vɨ́ɨvɨɨ ɨ, díká tè àtìi ovʉʉ ɨ̀rɨ be ra, lè izí ndee ɨ̀rɨ kʉ agú ndee kʉ. 14Àrɨ̀yɨ̀kʉ onyɨ àꞌɨ̀taa ko vɨɨ ꞌba ꞌbá ɨ̀rɨ àlá drʉ léti izípi bʉ vɨɨ yɨ̀ díká izí àꞌɨ̀taa ko vɨɨ ꞌba ꞌbá ɨ̀rɨ àlá drʉ léti onyípi àꞌɨ̀taa be vɨɨ bʉ vɨɨ yɨ̀. Tè ndráá ovʉʉ vɨ́nɨ kʉ nɨ, anzɨ àmɨ ꞌyowa vɨɨ ɨnɨ ngaa ovʉ òndi drʉ, te ɨ̀rɨ nɨ ovʉle vɨ́nɨ vɨɨ yɨ̀, ɨnɨ àlátárá drʉ.
15Te izí nòsɨ̀kʉ agú kristiani drʉ kʉ vɨɨ tè lèe àrípi nɨ kʉʉ, ɨco ɨ̀rɨ kʉ ra. Eꞌyo ndee ꞌdɨ̀ vɨ́ɨvɨɨ alɨa, àrípi Kristiani drʉ ovʉle àdrì drʉ àloo àmbʉ̀ drʉ vɨɨ ngaa ovʉ eꞌyo be kʉ; Orɨ lè àma ovʉ́ asíánzú yɨ̀. 16Àmɨ ɨco ni zi drʉ ngóningóni kɨ́nɨ̀, àmɨ ngaa ònyɨ àmɨ ꞌyowa vɨɨ ɨnɨ òpaa ra? Nòsɨ̀kʉ, Àmɨ ɨco ni ngóningóni ònyɨ drʉ kɨ́nɨ̀, àmɨ ngaa zi àmɨ ꞌyowa vɨɨ ɨnɨ opaa ra?
17Ráaka lè ꞌba àlʉàlʉ ɨ̀rɨ ovʉ ɨdrɨ ndráánɨ́ Opɨ nɨ fèle ɨ̀rɨ yɨ́ vɨɨ alɨa díká Orɨ nɨ ɨ̀rɨ omvejʉ ànɨyɨ̀ vɨɨ alɨa. ꞌDɨ̀vɨɨ àzítáá ma nɨ ꞌbàle Kristiani drɨ́á ɨnɨ yɨ́ vɨɨ ɨ. 18ꞌBa té ndráá agú drʉ mɨ agélé drìle lii oꞌdú Orɨ nɨ mɨ omvejʉ vɨɨ yɨ̀ ra, lè mɨ ocɨ ɨ̀cetaa agélé drìle lizà nɨ vɨɨ kʉ. ꞌBa té ndráá agú drʉ mɨ agélé drìle lii oꞌdú Orɨ nɨ mɨ omvejʉ vɨɨ yɨ̀ kʉ, lè ɨ lí mɨ agélé drìle kʉ. 19Àrɨ̀yɨ̀kʉ agélé drìle lizà cóó ɨ̀sɨle agélé drìle lile kʉ vɨɨ be kʉ. Te eꞌyo òkongoro vɨɨ àyotaa Orɨ awo vɨɨ tàa mbajʉ vɨɨ ɨ. 20ꞌBa àlʉàlʉ ɨ̀rɨ awɨ kɨ̀le ndráánɨ́ Orɨ nɨ ɨ̀rɨ omverɨa vɨɨ lé. 21Mɨ ndráánɨ́ àtɨꞌboo nɨ oꞌdú Orɨ nɨ mɨ omvejʉ vɨɨ yɨ̀ yà? Mɨ asɨ kʉ, te mɨ tè ɨcoo drìwàlà isúu ra, ɨ̀rɨ pàbaa ònyɨ̀be. 22Àrɨ̀yɨ̀kʉ ꞌbarʉʉ ovʉle àtɨꞌboo drʉ oꞌdú Opɨ nɨ ɨ̀rɨ omvejʉ vɨɨ yɨ̀ vɨɨ ɨ̀rɨ ꞌbarʉʉ Orɨ nɨ ɨ̀rɨ yɨ́ drìwàlà fèle ꞌba vɨɨ ɨ, trótrò kɨ̀le ꞌbarʉʉ ndráánɨ́ ovʉle drìwàlà alɨa oꞌdú ɨ̀rɨ omvejʉ vɨɨ yɨ̀ vɨɨ ɨ̀rɨ àtɨꞌboo Kristo awo nɨ. 23ꞌBa ònzé àmɨ àje yɨ̀, ànɨ lè àmɨ ovʉ́ atɨꞌboo ꞌba ada awo drʉ kʉ. 24Adrímà Kristiani drʉ vɨɨ ɨnɨ lá, lè àmɨ àlʉàlʉ ɨ̀rɨ awɨ wúrá ndráánɨ́ Orɨ nɨ àmɨ omvejʉ vɨɨ alɨa vɨɨ yɨ̀.
25Tè ovʉʉ eꞌyo alɨrɨa ꞌyowa vɨɨ ɨ: Ma awɨɨ àzítáá isú Opɨ bʉ kʉ, te ma ɨgataa ma awo vɨɨ fèe kɨ̀le ꞌbarʉ ꞌbanɨ ɨ̀gènile ra vɨɨ drʉ àrɨ̀yɨ̀kʉ manɨ asíndrɨ̀zà isúlé Opɨ bʉ ra vɨɨ yɨ̀. 26Àrɨ̀yɨ̀kʉ eꞌyo ɨ̀wa drʉ ànɨ ꞌole vɨɨ ɨnɨ eꞌyo yɨ̀, Ma ɨga ɨ̀rɨ ònyɨ̀be ꞌba drɨ́á nɨ awɨjʉ kɨ̀le ɨnɨ nɨ ibúlé ovʉle vɨɨ lé. 27Àmɨ ru àmɨ ꞌba yà? Lè àmɨ ɨré àmɨ kʉ. Mɨ ruu ngà póꞌdí izí kʉ yà? Mɨ ndrù izí kʉ. 28Te mɨ tè le izí ruu nɨ, ovʉʉ ɨ̀zatà nɨ kʉ, díká àlɨrɨa tè onyɨ ruu, ovʉʉ pàbaa ɨ̀zatà nɨ kʉ. Te ꞌba ànɨ ruꞌba vɨɨ ɨnɨ ngaa drì fuu eꞌyo ɨ̀wa drʉ vɨ́ɨvɨɨ ɨnɨ be angɨrɨ ɨdrɨ alɨa, díká ma lè àmɨ òpa eꞌyo ndee alɨa vɨɨ yɨ̀ ra.
29Eꞌyo manɨ ꞌyole vɨɨ ɨkɨ́a adrímà Kristiani drʉ vɨɨ ɨnɨ lá kɨ́nɨ̀, sawà Kristo nɨ drìkàjʉ vɨɨ àsì wereá drʉ. Ɨꞌdojʉ àndrʉ̀ mujʉ drìle, ꞌba zi be vɨɨ ɨnɨ ovʉ́ kɨ̀le ngà ꞌyowa zi drɨ̀ò yʉ lé, 30ꞌba otaa ota vɨɨ ɨnɨ ovʉ́, kɨ̀le otáá kʉ lé, ꞌba igíꞌbá àyɨ̀kò yɨ̀ vɨɨ ɨnɨ ovʉ́, kɨ̀le ɨnɨ asíá àyɨ̀kò yʉ lé; ꞌba àfa jeꞌba vɨɨ ɨnɨ ovʉ́, kɨ̀le àfa ndee jéé nɨ̀ kʉ lé; 31lè ꞌba àfa nyawú drìa vɨɨ ɨnɨ àyʉle vɨɨ ɨnɨ ꞌbá ànɨ kɨ̀le àfa ꞌdɨ̀vɨɨ ꞌdu ɨnɨ así drɨ́á vɨɨ lé kʉ. Àrɨ̀yɨ̀kʉ eꞌyo wúdrìkúrù ꞌdɨ̀vɨɨ alɨa vɨɨ nɨ ngaa nɨ dee ra.
32Asísílé manɨ ɨmbataa fèjʉ ꞌba ndépi yí ovʉjʉ zi ru kodrʉ vɨɨ, ma lè ɨnɨ ovʉ́ eꞌyo kodrʉ benì. Agú ngà póꞌdí izí rule kʉ vɨɨ ɨ así ꞌba eꞌyo Opɨ awo vɨɨ drìa léti ɨ̀rɨ nɨ ɨcojʉ Opɨ yɨ́ àyɨ̀kò fèjʉ vɨɨ be. 33Te agú izí rule ꞌba vɨɨ ɨ así ꞌba eꞌyo wúdrìkúrù nɨ vɨɨ ɨnɨ drìa, léti ɨ̀rɨ nɨ ɨcojʉ àyɨ̀kò fèjʉ izípi yɨ́ vɨɨ be 34díká agú ndee omɨ̀a ɨ ovʉ awazà drʉ. Izí nòsɨ̀kʉ àlɨrɨa ngà póꞌdí onyɨ rule kʉ vɨɨ ɨ así ꞌba eꞌyo àlátárá Opɨ awo vɨɨ drìa. Ɨ así ꞌba eꞌyo Opɨ awo vɨɨ drìa ɨ̀rɨ rúá yɨ̀ díká ɨ̀rɨ orɨndɨ be ìrìtro. Te izí onyɨ rule ꞌba vɨɨ ɨ así ꞌba eꞌyo wúdrìkúrù nɨ vɨɨ ɨnɨ drìa, léti ɨ̀rɨ nɨ ɨcojʉ àyɨ̀kò fèjʉ onyípi yɨ́ vɨɨ be. 35Ma eꞌyo ꞌdɨ̀vɨɨ ꞌyoo àmɨ àzà kojʉ, ovʉʉ àmɨ́ yɨ́ ògajʉ sɨ̀ kʉ, te azílé àmɨ nɨ ovʉjʉ léti ònyɨ̀be yɨ̀ díká àmɨ nɨ àmɨ òwɨ̀jʉ ndulu Opɨ yɨ́ àzí ngajʉ así àlʉ yɨ̀ benì.
36Te ꞌba àloo tè ɨgaa kɨ́nɨ̀ adrɨzà nɨ nɨ ꞌole alɨrɨa ɨ̀rɨ ovʉle ɨ̀rɨ be alè alɨa vɨɨ ɨ̀rɨ adrɨ̀zà tà sìle kʉ nɨ, díká àlɨrɨa ndee ɨlɨa tè àlii tʉ̀, díká tè ɨgaa nɨ lè ace alɨrɨa ndee ru ra, ɨ̀rɨ ꞌo ɨ̀rɨnɨ ɨgale vɨ́nɨ. ꞌDànaa ovʉʉ ɨ̀zatà nɨ kʉ. 37Te agú àloo ꞌba té àyotaa ꞌbàa ɨ̀rɨ drìa izí rujʉ kʉ, tè eꞌyo ɨgaa ovʉjʉ izí kó drʉ nɨ drì yɨ̀, díká ɨga nɨ awo ɨgataa vɨɨ nɨ asíá nɨ ngʉlʉpɨ tàmbajʉ díká àlɨrɨa vɨɨ rujʉ ɨ kʉ, agú ꞌdɨ̀vɨɨ ꞌo pàbaa eꞌyo tàsìle ra nɨ. 38Ace ànɨ agú òdrʉa àlɨrɨa drʉ ɨnɨ nɨ ovʉle ɨ̀rɨ be alè alɨa vɨɨ rule vɨɨ ꞌo eꞌyo ònyɨ̀be nɨ, te agú òdrʉa alɨrɨa drʉ ɨnɨ nɨ ovʉle ɨ̀rɨ be alè alɨa vɨɨ rule kʉ vɨɨ ꞌo eꞌyo ònyɨ̀be ɨ̀gàtɨle tʉ̀ vɨ́ɨvɨɨ ɨ.#7:38 Nòsɨ̀kʉ 36 ꞌBarʉ àloo tè ɨgaa kɨ́nɨ̀ nɨ mbaa zànɨ̀a tà ònyɨ̀ be kʉ nɨ, díká òdrʉa ndee ɨlɨa tè ace ꞌoo muu tʉ̀ nɨ, díká tè ɨgaa kɨ́nɨ̀ nɨ lè ace zànɨ̀a ɨ̀rɨ ru onyɨ ra nɨ, ɨco fe zàpia ndee yɨ́ onyɨ rujʉ ra. Agú ꞌdɨ̀vɨɨ ɨdee vɨɨ ɨ̀zatà nɨ kʉ. Lè ɨ̀rɨ fè zàpia yɨ́ onyɨ ru ra. 37Te agú àloo ɨgale nɨ drìa cenɨ̀cenɨ̀ ꞌbanɨ ɨ̀rɨ òmɨ̀ kokò drʉ te ɨgataa nɨ awo vɨɨ ꞌbàle kílílí drʉ, díká ɨga ɨ̀rɨ nɨ ɨgajʉ kɨ́nɨ̀ nɨ lè zànɨ̀a tà mba àlɨrɨa drʉ onyɨ ruko vɨɨ ꞌo pàbaa eꞌyo ònyɨ̀be nɨ 38 Ànɨ acete ꞌbarʉ fèle zàpia àlɨrɨa drʉ vɨɨ yɨ́ onyɨ rule ra vɨɨ ꞌo eꞌyo ònyɨ̀be nɨ, te ꞌbarʉ fèle zàpia àlɨrɨa drʉ vɨɨ yɨ́ onyɨ rule kʉ vɨɨ ꞌo eꞌyo ònyɨ̀be tʉ̀.
39Àzítáá izí awo vɨɨ onyípi gíá sawà onyípi nɨ ovʉjʉ ɨdrɨ drʉ vɨɨ alɨa. Te onyípi tè dràa ꞌba, ɨco onyɨ àloo ɨ̀rɨ así nɨ lèle vɨɨ ru ra, te lè agú ndee ɨ̀rɨ ovʉ ꞌbarʉ Opɨ nɨ rʉle ra nɨ. 40Eꞌyo lizà ma awo vɨɨ butia yɨ̀, izí ndee nɨ ngaa ovʉʉ àyɨ̀kò angɨrɨ alɨa tè awɨɨ onyɨ ruko drʉ. Díká ɨꞌda má yɨ́ kɨ́nɨ̀ Orɨndɨ Orɨ awo vɨɨ nɨ ma drì cee nɨ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved