1 Koronito 13
13
Eꞌyo lètaa drìa vɨɨ
1Ma tè káꞌdí ɨ̀tàa ti ꞌba ada nɨ ꞌyole vɨɨ ɨnɨ yɨ̀ díká ti malaika nɨ ꞌyole vɨɨ ɨnɨ yɨ̀ ra kpé, te asíá lètaa ko drʉ, ɨkɨ́á ma ꞌo ma dèè naa òlangɨ́ àloo kòyà wʉle ɨkɨ́ kó vɨɨ lé. 2Ma tè ovʉʉ fètaa eꞌyo ondríjʉ́ nɨ vɨɨ be díká eꞌyo zìzà vàjʉ ra vɨɨ be, díká àꞌɨ̀taa ma awo vɨɨ tè ɨcoo ꞌbee yɨ́ fèe muu ra, te ma tè lètaa ko drʉ nɨ, ma òròdrí dèènaa yʉ. 3Ma tè àfa ma awo vɨɨ ɨnɨ awa drɨ́á ꞌba aluu drʉ vɨɨ ɨnɨ yɨ́ díká ma rúá fèe vee àcɨ́á, te ma tè lètaa ko drʉ nɨ, ma isú òròdrí àloo kʉ.
4Lètaa ɨ̀rɨ ovʉtaa yòò nɨ, lètaa nɨ así èꞌyere díká asíndrɨ̀zà nɨ. Ngùu ꞌba kʉ, ipúú nɨ eꞌyo tʉ̀ kʉ, ɨ̀rɨ àfʉ́kó drʉ. 5Ovʉʉ òbɨònzɨ be kʉ, ꞌoo eꞌyo nɨ ngʉlʉpɨ yɨ̀ kʉ, nyaa òmbà mbele kʉ, mbaa eꞌyo ònzɨ tà nɨ asíá kʉ. 6Lètaa ꞌoo àyɨ̀kò yɨ̀ asíònzɨ yɨ̀ kʉ te ɨ àyɨ̀kò ꞌo eꞌyo ada yɨ̀. 7Sawà drɨ́á yɨ̀ ɨ ꞌba àgapí te, sawà drɨ́á yɨ̀ ɨ̀rɨ ìgènitaa drʉ, ɨ̀rɨ sawà drɨ́á yɨ̀ asíꞌbàzà be, ɨ̀rɨ sawà drɨ́á yɨ̀ asítezà be.
8Lètaa dee nɨ kʉ. Te eꞌyo ondrízà ɨnɨ nɨ ovʉjʉ cɨ kpé, ɨnɨ ngaa ànɨ dee ra, ti ꞌyole mgbimgbi vɨɨ ɨnɨ ovʉjʉ cɨ kpé, ɨnɨ ngaa ànɨ dee ra, eꞌyo nìzà nɨ ovʉjʉ cɨ kpé, ɨnɨ ngaa ànɨ dee ra. 9Àrɨ̀yɨ̀kʉ àma eꞌyo ɨ̀sɨle were nìi ɨ díká àma eꞌyo ɨ̀sɨle were ondrí ɨ. 10Te eꞌyo piri vɨɨ tè caa ꞌba, eꞌyo ɨ̀sɨle were vɨɨ ɨ́ àvɨ ra. 11Manɨ ndráá ovʉrɨa mvaa drʉ ꞌdɨ̀, ma rɨ ɨ̀ta anzɨ lé, ma rɨ eꞌyo ɨga anzɨ nyɨ́rɨ́ lé, ma rɨ eꞌyo va anzɨ nyɨ́rɨ́ lé. Ace manɨ mbajʉ ꞌba, ma kʉ eꞌyo drɨ́á ànzɨ̀ nɨ vɨɨ ɨnɨ ra. 12Sawà vɨɨ yɨ̀ ma àfa ndrèe ra te kɨ̀le ɨ̀ndrɨ̀lé ndrɨ́lé sùrùsùrù màraà alɨa vɨɨ lé, te sawà ndee tè nga caa ra, àma ngaa àfa drɨ́á ndrèe ndɨrɨ. Sawà vɨɨ yɨ̀ ma nì eꞌyo ɨ̀sɨle were nɨ, te ma ngaa eꞌyo nìi drɨ́á ra, káꞌdí manɨ ovʉjʉ nìzà drʉ ra kpé.
13Te vɨɨ dèè eꞌyo na ꞌdònoo awɨ́ ànɨ karaa, àꞌɨ̀taa nɨ, asíꞌbàzà nɨ díká lètaa nɨ. Te ndèle ɨnɨ ɨ̀sɨlɨa nɨ̀ vɨɨ ɨ̀rɨ lètaa nɨ.
Currently Selected:
1 Koronito 13: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 13
13
Eꞌyo lètaa drìa vɨɨ
1Ma tè káꞌdí ɨ̀tàa ti ꞌba ada nɨ ꞌyole vɨɨ ɨnɨ yɨ̀ díká ti malaika nɨ ꞌyole vɨɨ ɨnɨ yɨ̀ ra kpé, te asíá lètaa ko drʉ, ɨkɨ́á ma ꞌo ma dèè naa òlangɨ́ àloo kòyà wʉle ɨkɨ́ kó vɨɨ lé. 2Ma tè ovʉʉ fètaa eꞌyo ondríjʉ́ nɨ vɨɨ be díká eꞌyo zìzà vàjʉ ra vɨɨ be, díká àꞌɨ̀taa ma awo vɨɨ tè ɨcoo ꞌbee yɨ́ fèe muu ra, te ma tè lètaa ko drʉ nɨ, ma òròdrí dèènaa yʉ. 3Ma tè àfa ma awo vɨɨ ɨnɨ awa drɨ́á ꞌba aluu drʉ vɨɨ ɨnɨ yɨ́ díká ma rúá fèe vee àcɨ́á, te ma tè lètaa ko drʉ nɨ, ma isú òròdrí àloo kʉ.
4Lètaa ɨ̀rɨ ovʉtaa yòò nɨ, lètaa nɨ así èꞌyere díká asíndrɨ̀zà nɨ. Ngùu ꞌba kʉ, ipúú nɨ eꞌyo tʉ̀ kʉ, ɨ̀rɨ àfʉ́kó drʉ. 5Ovʉʉ òbɨònzɨ be kʉ, ꞌoo eꞌyo nɨ ngʉlʉpɨ yɨ̀ kʉ, nyaa òmbà mbele kʉ, mbaa eꞌyo ònzɨ tà nɨ asíá kʉ. 6Lètaa ꞌoo àyɨ̀kò yɨ̀ asíònzɨ yɨ̀ kʉ te ɨ àyɨ̀kò ꞌo eꞌyo ada yɨ̀. 7Sawà drɨ́á yɨ̀ ɨ ꞌba àgapí te, sawà drɨ́á yɨ̀ ɨ̀rɨ ìgènitaa drʉ, ɨ̀rɨ sawà drɨ́á yɨ̀ asíꞌbàzà be, ɨ̀rɨ sawà drɨ́á yɨ̀ asítezà be.
8Lètaa dee nɨ kʉ. Te eꞌyo ondrízà ɨnɨ nɨ ovʉjʉ cɨ kpé, ɨnɨ ngaa ànɨ dee ra, ti ꞌyole mgbimgbi vɨɨ ɨnɨ ovʉjʉ cɨ kpé, ɨnɨ ngaa ànɨ dee ra, eꞌyo nìzà nɨ ovʉjʉ cɨ kpé, ɨnɨ ngaa ànɨ dee ra. 9Àrɨ̀yɨ̀kʉ àma eꞌyo ɨ̀sɨle were nìi ɨ díká àma eꞌyo ɨ̀sɨle were ondrí ɨ. 10Te eꞌyo piri vɨɨ tè caa ꞌba, eꞌyo ɨ̀sɨle were vɨɨ ɨ́ àvɨ ra. 11Manɨ ndráá ovʉrɨa mvaa drʉ ꞌdɨ̀, ma rɨ ɨ̀ta anzɨ lé, ma rɨ eꞌyo ɨga anzɨ nyɨ́rɨ́ lé, ma rɨ eꞌyo va anzɨ nyɨ́rɨ́ lé. Ace manɨ mbajʉ ꞌba, ma kʉ eꞌyo drɨ́á ànzɨ̀ nɨ vɨɨ ɨnɨ ra. 12Sawà vɨɨ yɨ̀ ma àfa ndrèe ra te kɨ̀le ɨ̀ndrɨ̀lé ndrɨ́lé sùrùsùrù màraà alɨa vɨɨ lé, te sawà ndee tè nga caa ra, àma ngaa àfa drɨ́á ndrèe ndɨrɨ. Sawà vɨɨ yɨ̀ ma nì eꞌyo ɨ̀sɨle were nɨ, te ma ngaa eꞌyo nìi drɨ́á ra, káꞌdí manɨ ovʉjʉ nìzà drʉ ra kpé.
13Te vɨɨ dèè eꞌyo na ꞌdònoo awɨ́ ànɨ karaa, àꞌɨ̀taa nɨ, asíꞌbàzà nɨ díká lètaa nɨ. Te ndèle ɨnɨ ɨ̀sɨlɨa nɨ̀ vɨɨ ɨ̀rɨ lètaa nɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved