1 Koronito 14
14
Fètaa eꞌyo ondríjʉ́ vɨɨ ɨnɨ ɨ̀tàjʉ ti òꞌbɨ́ yɨ̀ vɨɨ be
1Àmɨ ovʉ́ lètaa be díká ngónde fètaa Orɨndɨ Àlátárá nɨ vɨɨ isújʉ́, tʉ̀tʉ̀a fètaa eꞌyo ondrízà nɨ vɨɨ ɨ. 2Àrɨ̀yɨ̀kʉ ꞌba ɨ̀tàle ti mgbimgbi Orɨndɨ Àlátárá nɨ fèle nɨ̀ vɨɨ yɨ̀ vɨɨ ɨ̀táá òꞌbɨ be kʉ te ɨ́ rɨ ɨ̀ta Orɨ be. Tàándí drʉ, ꞌba àloo ɨcoo ɨnɨ va kʉ, àrɨ̀yɨ̀kʉ ɨ́ eꞌyo ada zìzà vɨɨ ɨnɨ ꞌyo òkpo Orɨndɨ Àlátárá nɨ vɨɨ yɨ̀. 3Te ꞌba drɨ́á eꞌyo ondrílé vɨɨ ɨ́ ꞌba yɨ́ òkpo fe ɨ, ꞌba ɨ̀ka ɨ díká ꞌba así òmɨ ɨ. 4Eꞌyo ꞌbarʉʉ ɨ̀tàle ti mgbimgbi yɨ̀ vɨɨ nɨ ꞌole vɨɨ ɨ tʉ̀tʉ̀à ɨdrɨ ɨ̀rɨ ngʉlʉpɨ àwo vɨɨ àzàa ko ɨ, te eꞌyo ꞌbarʉʉ eꞌyo ondrílé vɨɨ nɨ ꞌole vɨɨ ɨ Kristiani ndulu drɨ́á àzà ko ɨ. 5Kɨ̀ɨ̀ té àmɨ drɨ́á ɨnɨ ovʉ́ fètaa ɨ̀tàjʉ ti mgbimgbi yɨ̀ vɨɨ be, te káꞌdí kɨ̀ɨ té àmɨ ovʉ tʉ̀a fètaa eꞌyo ondríjʉ́ vɨɨ be. Àrɨ̀yɨ̀kʉ ꞌbarʉʉ eꞌyo ondrílé vɨɨ ɨ̀gàtɨ ꞌbarʉʉ ɨ̀tàle ti mgbimgbi yɨ̀ vɨɨ ra, ráa ꞌba àloo nɨ ovʉʉ cɨ eꞌyo ndee ɨkɨ́á ɨ̀cejʉ, ànɨ eꞌyo ndee ɨco ꞌba kristiani drʉ vɨɨ ɨnɨ yɨ́ òkpo fe ra benì.
6Ànɨ oꞌdɨ́ꞌdò, adrímà kristiani drʉ vɨɨ ɨnɨ lá, ma te caa àmɨ bʉ díká ɨ̀tàa àmɨ be ti mgbimgbi yɨ̀, eꞌyo manɨ ꞌole vɨɨ òròdría àmɨ yɨ́ cɨ yà? Ráaka ma àmɨ yɨ́ eꞌyo Orɨ nɨ ɨ̀ꞌdale ma yɨ́ ɨ̀rɨ nɨ mule ꞌole vɨɨ ɨnɨ òlʉ̀ʉ ɨ nòsɨ̀kʉ eꞌyo nìzà Orɨ nɨ vɨɨ ɨ̀cee ɨ nòsɨ̀kʉ eꞌyo ondríi ɨ nòsɨ̀kʉ àmɨ drì cee eꞌyo Orɨ nɨ lèle vɨɨ ꞌojʉ ɨ. 7Afa ɨdrɨ ko kɨ̀le gʉ̀á lé nòsɨ̀kʉ àꞌdúngú lé vɨɨ ɨnɨ nɨ oyi fèle vɨ́nɨ, ꞌba àloo ɨco oyia ꞌbanɨ vʉle àloo cole vɨɨ ni ngóningóni drʉ, ovʉʉ ꞌbanɨ ɨnɨ oyi mgbimgbi vɨɨ ɨnɨ cole oꞌdúkó àlá fèle vɨɨ yɨ̀ kʉ yà? 8Pàbaa gʉ̀á tè àále piri ꞌba omvejʉ àꞌdíá vɨɨ ɨ̀cee kʉ, àrɨ ɨ ɨco nɨ otʉ ngónde àꞌdí nɨ nɨ̀ yà? 9Ànɨ ꞌdɨ̀vɨɨ ɨ̀rɨ àmɨ be ɨ̀ndɨ̀, àmɨ tè eꞌyo ònyɨ̀be òlʉ̀ʉ ti mgbimgbi ꞌbanɨ nìle kʉ vɨ́ɨvɨɨ yɨ̀, ꞌba àloo nɨ ngaa eꞌyo àmɨ nɨ ꞌyole vɨɨ vàa ngóningóni yà? Àmɨ dèèna ɨ̀tàa òlɨ́ be. 10Eꞌyo ada yɨ̀ ti ɨnɨ mgbimgbi tree wúdrìkúrù vɨɨ alɨa, te ti àloo ɨkɨ́ ko vɨ́ɨvɨɨ yʉ. 11Ma tè acete ɨcoo eꞌyo ꞌba àloo nɨ ꞌyole vɨɨ vàa kʉ, ɨ̀ce kɨ́nɨ̀ ma júrúú nɨ ꞌbarʉʉ ɨ̀tàle naa yɨ́, díká ɨ̀rɨ pàbaa júrúú nɨ má yɨ́. 12Ànɨ àmɨ nɨ ovʉle ngónde fètaa Orɨndɨ Àlátárá awo vɨɨ isújʉ́ vɨɨ yɨ̀, lè àmɨ zí Orɨ nɨ fètaa ɨcole Kristiani drɨ́á àzà kole ra vɨɨ ɨnɨ yɨ̀.
13Ànɨ eꞌyo ꞌdɨ̀vɨɨ yɨ̀ ꞌbarʉʉ àloo ɨ̀tàle ti mgbimgbi ꞌba nɨ ɨkɨ́a ɨrɨle kʉ vɨɨ yɨ̀ vɨɨ, lè ɨ̀rɨ zi Orɨ nɨ ɨ̀rɨ yɨ́ fètaa eꞌyo ndee ɨkɨ́a ɨ̀cejʉ òꞌbɨ yɨ́ vɨɨ fèjʉ ɨ̀ndɨ̀. 14Àrɨ̀yɨ̀kʉ ma tè Orɨ nɨ zi ti Orɨndɨ Àlátárá nɨ fèle vɨɨ yɨ̀, ma Orɨndɨ nɨ Orɨ nɨ zi ɨ̀ndɨ̀, te ma vàa eꞌyo manɨ zile vɨɨ ɨkɨ́a kʉ. 15Ànɨ lè màá ꞌo àrɨ nɨ yà? Ma muu Orɨ nɨ zi orɨndɨ yɨ̀, te ma muu ɨ̀rɨ zi ti manɨ vàle ra vɨɨ yɨ̀ ɨ̀ndɨ̀, ma ngaa ongo ngoo ma orɨndɨ yɨ̀, te pàbaa ma ngaa ongo ngoo ti manɨ vàle ra vɨɨ yɨ̀ ɨ̀ndɨ̀. 16Àmɨ tè rɨ Orɨ nɨ ìnzìi ɨ̀rɨ rú ɨcútáá yɨ̀ àmɨ orɨndɨ yɨ̀ aꞌdúle, ꞌba àmɨ àgapíá eꞌyo ndee ɨkɨ́a vàle kʉ vɨɨ ɨcó ꞌyo, “Amena” ngóningóni drʉ àwàꞌdɨ̀fóò fèzà be, isú vɨɨ dèè níí ꞌba ꞌyo ngóni yà vɨɨ kʉ? 17Mɨ ɨco rɨ àwàꞌdɨ̀fóò fe Orɨ yɨ́ kílílí rá, te vɨɨ dèè koo ꞌba alóo nàa vɨɨ ɨnɨ àzà kʉ.
18Ma fè àwàꞌdɨ̀fóò Orɨ yɨ́ tʉ̀ ɨ̀rɨ nɨ fèle manɨ ti mgbimgbi Orɨndɨ Àlátárá nɨ fèle ma yɨ́ vɨɨ ꞌyole ɨ̀gàtɨ àmɨ drɨ́á rá vɨɨ yɨ̀. 19Te Kristiani be ɨ̀tàrɨa, cɨ̀a manɨ eꞌyo ꞌbanɨ ɨcole ɨkɨ́á vàle ra vɨɨ ɨnɨ nzejʉ kíríá tòwí ɨ̀gàtɨ manɨ eꞌyo nzejʉ alɨ̀fʉ̀ mudrí ti mgbimgbi Orɨndɨ Àlátárá nɨ fèle ꞌbanɨ vàle kʉ vɨɨ ɨnɨ yɨ̀ vɨɨ ra.
20Adrímà kristiani drʉ vɨɨ ɨnɨ lá, àmɨ kʉ́ ɨgataa anzɨ nyɨ́rɨ́ lé vɨɨ ra. Tè ovʉʉ eꞌyo ònzɨ nɨ àmɨ ovʉ́ anzɨ nyɨ́rɨ́ lé, te eꞌyo ɨgazà yɨ̀ àmɨ ovʉ́ ꞌba mbazà lé. 21Àzítáá alɨa ꞌba sɨ́ kɨ́nɨ̀,
“Léti ꞌba ɨ̀tàle ti mgbimgbi ɨkɨ́á vàle kʉ vɨɨ yɨ̀
díká léti ti ꞌba júrú drʉ vɨɨ ꞌyowa vɨɨ yɨ̀
Ma ngaa ɨ̀tàa ꞌba ma awo ꞌdɨ̀vɨɨ ɨnɨ be,
te káꞌdí ꞌba ndee ngáá eꞌyo manɨ ꞌyole vɨɨ va kʉ,”
Opɨ ꞌyo nɨ̀.
22Ànɨ acete, eꞌyo nzejʉ ti mgbimgbi Orɨndɨ Àlátárá nɨ fèle nɨ̀ vàle kʉ vɨɨ yɨ̀ vɨɨ, ɨ̀rɨ ɨ̀cetaa nɨ, ꞌba àꞌɨ̀taa ko vɨɨ ɨnɨ yɨ́, ovʉʉ ꞌba àꞌɨ̀taa be vɨɨ ɨnɨ yɨ́ kʉ. Eꞌyo ondrízà ɨ̀rɨ òròdrí drʉ ꞌba àꞌɨ̀taa be vɨɨ ɨnɨ yɨ́, te ovʉʉ ꞌba àꞌɨ̀taa ko vɨɨ ɨnɨ yɨ́ òròdrí drʉ kʉ. 23Ànɨ Kristiani té ànɨ traa túàlʉ díká ꞌba drɨ́á te rɨ ɨ̀tàa ti mgbimgbi Orɨndɨ Àlátárá vàle kʉ vɨɨ yɨ̀, díká ꞌba ti ꞌdɨ̀vɨɨ ɨnɨ vàle kʉ vɨɨ ɨnɨ nòsɨ̀kʉ ꞌba alóo àꞌɨ̀taa ko vɨɨ té caa ɨnɨ ɨ̀sɨlɨa, ngáá mu ꞌyo kɨ́nɨ̀ àmɨ omɨ̀ yʉ kʉ yà? 24Te ꞌba àloo àꞌɨ̀taa ko nòsɨ̀kʉ eꞌyo ndee ɨkɨ́a vàle kʉ vɨ́ɨvɨɨ tè caa vɨɨ dèè ꞌba drɨ́á nɨ eꞌyo ondríi, eꞌyo ꞌbarʉʉ ndee nɨ ɨrɨle vɨɨ nɨ ngaa fèe ɨ̀rɨ yɨ́ ɨ̀zatà nɨ awo vɨɨ nìi ra díká ɨ̀rɨ ngaa nìi ra kɨ́nɨ̀ ꞌba ngaa nɨ eꞌyo lii ra ànɨ lè nɨ oja nɨ adrɨ̀zà ra. 25Ànɨ eꞌyo zìzà ɨnɨ asíá vɨɨ ɨ nɨ ɨ̀ꞌda mgboo drʉ. Díká ɨco nɨ ùlùúti òsi nyáá ìnzìtaa fèjʉ Orɨ yɨ́, ɨ̀cejʉ kɨ́nɨ̀ “Orɨ nɨ ada drʉ ànɨ ɨ̀sɨlɨa cɨ!”
Òtìtaa àlá Orɨ nɨ ìnzìjʉ vɨɨ
26Lè acete àma ꞌó adrímà kristiani drʉ vɨɨ ɨnɨ lá ngóni yà? Àmɨ tè àmɨ traa túàlʉ Orɨ nɨ ìnzìi, ꞌba drɨ́á ɨcó ovʉ ongo ìnzìtaa nɨ vɨɨ be nòsɨ̀kʉ eꞌyo ɨmbataa drʉ vɨ́ɨvɨɨ be, eꞌyo ɨ̀cezà ngajʉ Orɨ bʉ vɨ́ɨvɨɨ be, eꞌyo nzele ti mgbimgbi yɨ̀ vɨɨ be nòsɨ̀kʉ eꞌyo ɨkɨ́ ɨ̀cezà be ra. Te lè eꞌyo ꞌdɨ̀vɨɨ ɨnɨ drɨ́á àma ꞌó kànísà òtujʉ. 27ꞌBa alóo té ɨ̀tàa ti mgbimgbi yɨ̀, lè ꞌba ndee ɨnɨ ovʉʉ ìrì nòsɨ̀kʉ tʉ̀ vɨɨ ꞌba na, ɨnɨ ɨ̀tá àlʉàlʉ, díká lè ꞌbarʉʉ àloo ɨ̀rɨ ovʉ eꞌyo ndee ɨkɨ́á ojajʉ cɨ. 28ꞌBa àloo tè ovʉʉ ti ojajʉ yʉ, lè ꞌbarʉʉ ndee ɨ̀rɨ ovʉ kànísà alɨa títí díká ɨ̀rɨ ɨ̀tà cɨ́rɨ́cɨ̀rɨ̀ drʉ aꞌdúle àloo Orɨ be.
29Lè Nàbíà ìrì nòsɨ̀kʉ na ɨnɨ ondrí eꞌyo nɨ̀ díká alóo vɨɨ ɨnɨ rɨ́ ji eꞌyo ɨnɨ ꞌyole vɨɨ alɨa ama pàyɨ̀.
30Díká Orɨ tè ꞌba àloo rɨle nyáá vɨ́ɨvɨɨ yɨ́ eꞌyo ɨ̀cee, lè ꞌbarʉʉ eꞌyo òlʉ̀le vɨɨ ɨ̀rɨ ajɨ cɨ. 31Léti ꞌdìvɨɨ yɨ̀, àmɨ àlʉàlʉ eꞌyo ondrílé vɨɨ ɨcó drìleba isú eꞌyo nzejʉ ra azílé ꞌba drɨ́á ɨnɨ isú ɨmbataa nɨ̀ díká ɨnɨ ovʉ́ àva yɨ̀ benì. 32Orɨndɨ eꞌyo ondríjʉ́ vɨɨ òkpoa ꞌba eꞌyo ondrílé vɨɨ ɨnɨ gíá. 33Orɨ ovʉʉ Orɨ àloo eꞌyo ꞌole mbàà drʉ nɨ kʉ te ɨ̀rɨ Orɨ eꞌyo ꞌole òtìzà drʉ nɨ.
Kɨ̀le Kristiani ꞌba Àlátárá Orɨ awo vɨɨ ɨnɨ nɨ ànɨ trale alɨa vɨɨ lé, 34zi ɨnɨ ovʉ́ cɨ́rɨ́. Rʉkʉsà ꞌyowa ɨ̀tàjʉ yʉ, te lè ɨnɨ òbɨ́ eꞌyo ꞌbanɨ lèle ɨnɨ ꞌó vɨɨ ɨnɨ ra, kɨ̀le àzítáá nɨ Musa awo vɨɨ nɨ ꞌyole vɨɨ lé. 35Té lèe eꞌyo àloo ònìi, lè ɨnɨ mú zi ònyipí tia àkúá, àrɨ̀yɨ̀kʉ ɨ̀rɨ drìnza drʉ izí nɨ eꞌyo nzejʉ kànísà alɨa.
36Eꞌyo Orɨ awo vɨɨ ɨꞌdo àmɨ yɨ̀ yà? Nòsɨ̀kʉ àma ꞌba eꞌyo ndee ɨrɨle drʉ kírí nɨ̀ yà? 37ꞌBa àloo tè ɨgaa nɨ ꞌbarʉ eꞌyo ondríi nɨ nòsɨ̀kʉ fètaa orɨndɨ nɨ vɨɨ be, lè ɨ̀rɨ nì ra eꞌyo manɨ sɨ̀le àmɨ yɨ́ vɨɨ ɨ̀rɨ eꞌyo Opɨ nɨ azílé ma yɨ́ vɨɨ ɨ. 38ꞌBarʉʉ ndee tè eꞌyo ꞌdɨ̀vɨɨ gàa sɨ̀, ɨ̀rɨ ngʉlʉpɨ nɨ ngaa ovʉʉ gàzà drʉ.
39Ànɨyɨ̀, adrímà kristiani drʉ vɨɨ ɨnɨ lá, àmɨ ꞌbá así eꞌyo ondríjʉ́, díká àmɨ ògá ꞌba àloo yɨ́ ɨ̀tàjʉ ti mgbimgbi yɨ̀ kʉ. 40Te lè eꞌyo drɨ́á ɨnɨ ꞌó ànɨ léti kílílí yɨ̀ díká òtìtaa bʉ yɨ̀.
Currently Selected:
1 Koronito 14: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 14
14
Fètaa eꞌyo ondríjʉ́ vɨɨ ɨnɨ ɨ̀tàjʉ ti òꞌbɨ́ yɨ̀ vɨɨ be
1Àmɨ ovʉ́ lètaa be díká ngónde fètaa Orɨndɨ Àlátárá nɨ vɨɨ isújʉ́, tʉ̀tʉ̀a fètaa eꞌyo ondrízà nɨ vɨɨ ɨ. 2Àrɨ̀yɨ̀kʉ ꞌba ɨ̀tàle ti mgbimgbi Orɨndɨ Àlátárá nɨ fèle nɨ̀ vɨɨ yɨ̀ vɨɨ ɨ̀táá òꞌbɨ be kʉ te ɨ́ rɨ ɨ̀ta Orɨ be. Tàándí drʉ, ꞌba àloo ɨcoo ɨnɨ va kʉ, àrɨ̀yɨ̀kʉ ɨ́ eꞌyo ada zìzà vɨɨ ɨnɨ ꞌyo òkpo Orɨndɨ Àlátárá nɨ vɨɨ yɨ̀. 3Te ꞌba drɨ́á eꞌyo ondrílé vɨɨ ɨ́ ꞌba yɨ́ òkpo fe ɨ, ꞌba ɨ̀ka ɨ díká ꞌba así òmɨ ɨ. 4Eꞌyo ꞌbarʉʉ ɨ̀tàle ti mgbimgbi yɨ̀ vɨɨ nɨ ꞌole vɨɨ ɨ tʉ̀tʉ̀à ɨdrɨ ɨ̀rɨ ngʉlʉpɨ àwo vɨɨ àzàa ko ɨ, te eꞌyo ꞌbarʉʉ eꞌyo ondrílé vɨɨ nɨ ꞌole vɨɨ ɨ Kristiani ndulu drɨ́á àzà ko ɨ. 5Kɨ̀ɨ̀ té àmɨ drɨ́á ɨnɨ ovʉ́ fètaa ɨ̀tàjʉ ti mgbimgbi yɨ̀ vɨɨ be, te káꞌdí kɨ̀ɨ té àmɨ ovʉ tʉ̀a fètaa eꞌyo ondríjʉ́ vɨɨ be. Àrɨ̀yɨ̀kʉ ꞌbarʉʉ eꞌyo ondrílé vɨɨ ɨ̀gàtɨ ꞌbarʉʉ ɨ̀tàle ti mgbimgbi yɨ̀ vɨɨ ra, ráa ꞌba àloo nɨ ovʉʉ cɨ eꞌyo ndee ɨkɨ́á ɨ̀cejʉ, ànɨ eꞌyo ndee ɨco ꞌba kristiani drʉ vɨɨ ɨnɨ yɨ́ òkpo fe ra benì.
6Ànɨ oꞌdɨ́ꞌdò, adrímà kristiani drʉ vɨɨ ɨnɨ lá, ma te caa àmɨ bʉ díká ɨ̀tàa àmɨ be ti mgbimgbi yɨ̀, eꞌyo manɨ ꞌole vɨɨ òròdría àmɨ yɨ́ cɨ yà? Ráaka ma àmɨ yɨ́ eꞌyo Orɨ nɨ ɨ̀ꞌdale ma yɨ́ ɨ̀rɨ nɨ mule ꞌole vɨɨ ɨnɨ òlʉ̀ʉ ɨ nòsɨ̀kʉ eꞌyo nìzà Orɨ nɨ vɨɨ ɨ̀cee ɨ nòsɨ̀kʉ eꞌyo ondríi ɨ nòsɨ̀kʉ àmɨ drì cee eꞌyo Orɨ nɨ lèle vɨɨ ꞌojʉ ɨ. 7Afa ɨdrɨ ko kɨ̀le gʉ̀á lé nòsɨ̀kʉ àꞌdúngú lé vɨɨ ɨnɨ nɨ oyi fèle vɨ́nɨ, ꞌba àloo ɨco oyia ꞌbanɨ vʉle àloo cole vɨɨ ni ngóningóni drʉ, ovʉʉ ꞌbanɨ ɨnɨ oyi mgbimgbi vɨɨ ɨnɨ cole oꞌdúkó àlá fèle vɨɨ yɨ̀ kʉ yà? 8Pàbaa gʉ̀á tè àále piri ꞌba omvejʉ àꞌdíá vɨɨ ɨ̀cee kʉ, àrɨ ɨ ɨco nɨ otʉ ngónde àꞌdí nɨ nɨ̀ yà? 9Ànɨ ꞌdɨ̀vɨɨ ɨ̀rɨ àmɨ be ɨ̀ndɨ̀, àmɨ tè eꞌyo ònyɨ̀be òlʉ̀ʉ ti mgbimgbi ꞌbanɨ nìle kʉ vɨ́ɨvɨɨ yɨ̀, ꞌba àloo nɨ ngaa eꞌyo àmɨ nɨ ꞌyole vɨɨ vàa ngóningóni yà? Àmɨ dèèna ɨ̀tàa òlɨ́ be. 10Eꞌyo ada yɨ̀ ti ɨnɨ mgbimgbi tree wúdrìkúrù vɨɨ alɨa, te ti àloo ɨkɨ́ ko vɨ́ɨvɨɨ yʉ. 11Ma tè acete ɨcoo eꞌyo ꞌba àloo nɨ ꞌyole vɨɨ vàa kʉ, ɨ̀ce kɨ́nɨ̀ ma júrúú nɨ ꞌbarʉʉ ɨ̀tàle naa yɨ́, díká ɨ̀rɨ pàbaa júrúú nɨ má yɨ́. 12Ànɨ àmɨ nɨ ovʉle ngónde fètaa Orɨndɨ Àlátárá awo vɨɨ isújʉ́ vɨɨ yɨ̀, lè àmɨ zí Orɨ nɨ fètaa ɨcole Kristiani drɨ́á àzà kole ra vɨɨ ɨnɨ yɨ̀.
13Ànɨ eꞌyo ꞌdɨ̀vɨɨ yɨ̀ ꞌbarʉʉ àloo ɨ̀tàle ti mgbimgbi ꞌba nɨ ɨkɨ́a ɨrɨle kʉ vɨɨ yɨ̀ vɨɨ, lè ɨ̀rɨ zi Orɨ nɨ ɨ̀rɨ yɨ́ fètaa eꞌyo ndee ɨkɨ́a ɨ̀cejʉ òꞌbɨ yɨ́ vɨɨ fèjʉ ɨ̀ndɨ̀. 14Àrɨ̀yɨ̀kʉ ma tè Orɨ nɨ zi ti Orɨndɨ Àlátárá nɨ fèle vɨɨ yɨ̀, ma Orɨndɨ nɨ Orɨ nɨ zi ɨ̀ndɨ̀, te ma vàa eꞌyo manɨ zile vɨɨ ɨkɨ́a kʉ. 15Ànɨ lè màá ꞌo àrɨ nɨ yà? Ma muu Orɨ nɨ zi orɨndɨ yɨ̀, te ma muu ɨ̀rɨ zi ti manɨ vàle ra vɨɨ yɨ̀ ɨ̀ndɨ̀, ma ngaa ongo ngoo ma orɨndɨ yɨ̀, te pàbaa ma ngaa ongo ngoo ti manɨ vàle ra vɨɨ yɨ̀ ɨ̀ndɨ̀. 16Àmɨ tè rɨ Orɨ nɨ ìnzìi ɨ̀rɨ rú ɨcútáá yɨ̀ àmɨ orɨndɨ yɨ̀ aꞌdúle, ꞌba àmɨ àgapíá eꞌyo ndee ɨkɨ́a vàle kʉ vɨɨ ɨcó ꞌyo, “Amena” ngóningóni drʉ àwàꞌdɨ̀fóò fèzà be, isú vɨɨ dèè níí ꞌba ꞌyo ngóni yà vɨɨ kʉ? 17Mɨ ɨco rɨ àwàꞌdɨ̀fóò fe Orɨ yɨ́ kílílí rá, te vɨɨ dèè koo ꞌba alóo nàa vɨɨ ɨnɨ àzà kʉ.
18Ma fè àwàꞌdɨ̀fóò Orɨ yɨ́ tʉ̀ ɨ̀rɨ nɨ fèle manɨ ti mgbimgbi Orɨndɨ Àlátárá nɨ fèle ma yɨ́ vɨɨ ꞌyole ɨ̀gàtɨ àmɨ drɨ́á rá vɨɨ yɨ̀. 19Te Kristiani be ɨ̀tàrɨa, cɨ̀a manɨ eꞌyo ꞌbanɨ ɨcole ɨkɨ́á vàle ra vɨɨ ɨnɨ nzejʉ kíríá tòwí ɨ̀gàtɨ manɨ eꞌyo nzejʉ alɨ̀fʉ̀ mudrí ti mgbimgbi Orɨndɨ Àlátárá nɨ fèle ꞌbanɨ vàle kʉ vɨɨ ɨnɨ yɨ̀ vɨɨ ra.
20Adrímà kristiani drʉ vɨɨ ɨnɨ lá, àmɨ kʉ́ ɨgataa anzɨ nyɨ́rɨ́ lé vɨɨ ra. Tè ovʉʉ eꞌyo ònzɨ nɨ àmɨ ovʉ́ anzɨ nyɨ́rɨ́ lé, te eꞌyo ɨgazà yɨ̀ àmɨ ovʉ́ ꞌba mbazà lé. 21Àzítáá alɨa ꞌba sɨ́ kɨ́nɨ̀,
“Léti ꞌba ɨ̀tàle ti mgbimgbi ɨkɨ́á vàle kʉ vɨɨ yɨ̀
díká léti ti ꞌba júrú drʉ vɨɨ ꞌyowa vɨɨ yɨ̀
Ma ngaa ɨ̀tàa ꞌba ma awo ꞌdɨ̀vɨɨ ɨnɨ be,
te káꞌdí ꞌba ndee ngáá eꞌyo manɨ ꞌyole vɨɨ va kʉ,”
Opɨ ꞌyo nɨ̀.
22Ànɨ acete, eꞌyo nzejʉ ti mgbimgbi Orɨndɨ Àlátárá nɨ fèle nɨ̀ vàle kʉ vɨɨ yɨ̀ vɨɨ, ɨ̀rɨ ɨ̀cetaa nɨ, ꞌba àꞌɨ̀taa ko vɨɨ ɨnɨ yɨ́, ovʉʉ ꞌba àꞌɨ̀taa be vɨɨ ɨnɨ yɨ́ kʉ. Eꞌyo ondrízà ɨ̀rɨ òròdrí drʉ ꞌba àꞌɨ̀taa be vɨɨ ɨnɨ yɨ́, te ovʉʉ ꞌba àꞌɨ̀taa ko vɨɨ ɨnɨ yɨ́ òròdrí drʉ kʉ. 23Ànɨ Kristiani té ànɨ traa túàlʉ díká ꞌba drɨ́á te rɨ ɨ̀tàa ti mgbimgbi Orɨndɨ Àlátárá vàle kʉ vɨɨ yɨ̀, díká ꞌba ti ꞌdɨ̀vɨɨ ɨnɨ vàle kʉ vɨɨ ɨnɨ nòsɨ̀kʉ ꞌba alóo àꞌɨ̀taa ko vɨɨ té caa ɨnɨ ɨ̀sɨlɨa, ngáá mu ꞌyo kɨ́nɨ̀ àmɨ omɨ̀ yʉ kʉ yà? 24Te ꞌba àloo àꞌɨ̀taa ko nòsɨ̀kʉ eꞌyo ndee ɨkɨ́a vàle kʉ vɨ́ɨvɨɨ tè caa vɨɨ dèè ꞌba drɨ́á nɨ eꞌyo ondríi, eꞌyo ꞌbarʉʉ ndee nɨ ɨrɨle vɨɨ nɨ ngaa fèe ɨ̀rɨ yɨ́ ɨ̀zatà nɨ awo vɨɨ nìi ra díká ɨ̀rɨ ngaa nìi ra kɨ́nɨ̀ ꞌba ngaa nɨ eꞌyo lii ra ànɨ lè nɨ oja nɨ adrɨ̀zà ra. 25Ànɨ eꞌyo zìzà ɨnɨ asíá vɨɨ ɨ nɨ ɨ̀ꞌda mgboo drʉ. Díká ɨco nɨ ùlùúti òsi nyáá ìnzìtaa fèjʉ Orɨ yɨ́, ɨ̀cejʉ kɨ́nɨ̀ “Orɨ nɨ ada drʉ ànɨ ɨ̀sɨlɨa cɨ!”
Òtìtaa àlá Orɨ nɨ ìnzìjʉ vɨɨ
26Lè acete àma ꞌó adrímà kristiani drʉ vɨɨ ɨnɨ lá ngóni yà? Àmɨ tè àmɨ traa túàlʉ Orɨ nɨ ìnzìi, ꞌba drɨ́á ɨcó ovʉ ongo ìnzìtaa nɨ vɨɨ be nòsɨ̀kʉ eꞌyo ɨmbataa drʉ vɨ́ɨvɨɨ be, eꞌyo ɨ̀cezà ngajʉ Orɨ bʉ vɨ́ɨvɨɨ be, eꞌyo nzele ti mgbimgbi yɨ̀ vɨɨ be nòsɨ̀kʉ eꞌyo ɨkɨ́ ɨ̀cezà be ra. Te lè eꞌyo ꞌdɨ̀vɨɨ ɨnɨ drɨ́á àma ꞌó kànísà òtujʉ. 27ꞌBa alóo té ɨ̀tàa ti mgbimgbi yɨ̀, lè ꞌba ndee ɨnɨ ovʉʉ ìrì nòsɨ̀kʉ tʉ̀ vɨɨ ꞌba na, ɨnɨ ɨ̀tá àlʉàlʉ, díká lè ꞌbarʉʉ àloo ɨ̀rɨ ovʉ eꞌyo ndee ɨkɨ́á ojajʉ cɨ. 28ꞌBa àloo tè ovʉʉ ti ojajʉ yʉ, lè ꞌbarʉʉ ndee ɨ̀rɨ ovʉ kànísà alɨa títí díká ɨ̀rɨ ɨ̀tà cɨ́rɨ́cɨ̀rɨ̀ drʉ aꞌdúle àloo Orɨ be.
29Lè Nàbíà ìrì nòsɨ̀kʉ na ɨnɨ ondrí eꞌyo nɨ̀ díká alóo vɨɨ ɨnɨ rɨ́ ji eꞌyo ɨnɨ ꞌyole vɨɨ alɨa ama pàyɨ̀.
30Díká Orɨ tè ꞌba àloo rɨle nyáá vɨ́ɨvɨɨ yɨ́ eꞌyo ɨ̀cee, lè ꞌbarʉʉ eꞌyo òlʉ̀le vɨɨ ɨ̀rɨ ajɨ cɨ. 31Léti ꞌdìvɨɨ yɨ̀, àmɨ àlʉàlʉ eꞌyo ondrílé vɨɨ ɨcó drìleba isú eꞌyo nzejʉ ra azílé ꞌba drɨ́á ɨnɨ isú ɨmbataa nɨ̀ díká ɨnɨ ovʉ́ àva yɨ̀ benì. 32Orɨndɨ eꞌyo ondríjʉ́ vɨɨ òkpoa ꞌba eꞌyo ondrílé vɨɨ ɨnɨ gíá. 33Orɨ ovʉʉ Orɨ àloo eꞌyo ꞌole mbàà drʉ nɨ kʉ te ɨ̀rɨ Orɨ eꞌyo ꞌole òtìzà drʉ nɨ.
Kɨ̀le Kristiani ꞌba Àlátárá Orɨ awo vɨɨ ɨnɨ nɨ ànɨ trale alɨa vɨɨ lé, 34zi ɨnɨ ovʉ́ cɨ́rɨ́. Rʉkʉsà ꞌyowa ɨ̀tàjʉ yʉ, te lè ɨnɨ òbɨ́ eꞌyo ꞌbanɨ lèle ɨnɨ ꞌó vɨɨ ɨnɨ ra, kɨ̀le àzítáá nɨ Musa awo vɨɨ nɨ ꞌyole vɨɨ lé. 35Té lèe eꞌyo àloo ònìi, lè ɨnɨ mú zi ònyipí tia àkúá, àrɨ̀yɨ̀kʉ ɨ̀rɨ drìnza drʉ izí nɨ eꞌyo nzejʉ kànísà alɨa.
36Eꞌyo Orɨ awo vɨɨ ɨꞌdo àmɨ yɨ̀ yà? Nòsɨ̀kʉ àma ꞌba eꞌyo ndee ɨrɨle drʉ kírí nɨ̀ yà? 37ꞌBa àloo tè ɨgaa nɨ ꞌbarʉ eꞌyo ondríi nɨ nòsɨ̀kʉ fètaa orɨndɨ nɨ vɨɨ be, lè ɨ̀rɨ nì ra eꞌyo manɨ sɨ̀le àmɨ yɨ́ vɨɨ ɨ̀rɨ eꞌyo Opɨ nɨ azílé ma yɨ́ vɨɨ ɨ. 38ꞌBarʉʉ ndee tè eꞌyo ꞌdɨ̀vɨɨ gàa sɨ̀, ɨ̀rɨ ngʉlʉpɨ nɨ ngaa ovʉʉ gàzà drʉ.
39Ànɨyɨ̀, adrímà kristiani drʉ vɨɨ ɨnɨ lá, àmɨ ꞌbá así eꞌyo ondríjʉ́, díká àmɨ ògá ꞌba àloo yɨ́ ɨ̀tàjʉ ti mgbimgbi yɨ̀ kʉ. 40Te lè eꞌyo drɨ́á ɨnɨ ꞌó ànɨ léti kílílí yɨ̀ díká òtìtaa bʉ yɨ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved