Luka 10
10
Yesu atomi baekoli bande ntuku nsambo na babale
1Omokiya nwa mambi mabo Nkolo Yesu aoloko butu baekoli baiyo ntuku nsambo na babale mpe akoli naba bakende babale-babale o mboka inso mpe obie binso biadjingaka yote akende noka bikeka kala be weyi. 2Abakoli boo te abatoma, bato djunda badjingi badjua ekano ndamu. Bao ndempe djala liyebeni na bobuki mbuma. Djala djo linene, kasi djo se na nwa babuki ba mbuma baengeli babuka. Yeyena, wengeli o bondele Kombo, o nkolo wa mbuma mpo atoma babuki ba mbuma djunda mpo yo buka mbuma. 3Bona Yesu akoli: Nao botoma olibanda, bona kende! Kasi oka! Okaba ndempe banaba mpata ontanteyi ya biwele bia djamba. 4Botombako saki wa bonanga weyi tempe saki wa mobembo weyi, tempe bikoto biyo weyi, bolekiako nkomo weyi mpo yo kosa bato nkomo yokende we ondjela. 5Nkomo enso eka bobeka moto moko odjala ondaku yande, kosa boo djooko kolo te: Kombo apa biuu o mboka bato banso bao ondaku ebo. 6Ebaka te moto moko okadjinga biuu adjali owo, lipamboli djau dja biuu likaleme nande. Kasi ebaka te akodjinga biuu weyi, akonodjua lipamboli djau dja biuu weyi. 7Boleme ondaku ena, bodja mpe bonyua bikeyi bikabopaba, mpo mosali akomi na lifuta. Bodjata ko o ndako ebo na ndako ena weyi. 8Nkomo enso ekakende we nokakeka mboka mpoko mpe bato bamboka ena ba bobataka, djaa binso bikabopaba. 9Bobikia bato ba maloli o mboka ena, mpe obaebola te: Bokondji va Kombo bubeseyi na bino sikawabo. 10Kasi o bingumba bikadjingawe te oingela tebavambiko weyi, bokende ondjela mpe bokolo. 11To pupula djoke dja mboka ya bino libandemi o makolo mabiyo ndempe likebisi mpo, ya bino te Kombo aka bosambisa. Kasi nso nibona, todjingi te weba djambi libo: Bokondji va Kombo bukomi lope na bino! 12Yesu akobaka bokoli te: Novebola te o mokolo nwa bosambisami, Kombo akaokela bato ba engumba ya Sodomo mawa boleki bato bamboka ena! 13Ekaba mpendja ngandi mpo ya bato bamboka ya Kolazi mpe ya Betesaida! Mpo ngayi nokela o mboka yabapagano, Tula mpe Sidone mpapo iyakelaka ngayi o mboka ya bino, nduka bato baba mbele badjonyeyi mioyi noki-noki. Badjingaka nolata nfaa mbe mpe badjala o mpukutulu ya nkinga mpo yotenya mawa mpo ya masumu maba. 14Mokolo muka sambisa Kombo bato banso, akapa bato bamboka Kolosi mpe Betesaida etumbu nkuli boleki bato ba Sidone mpe Tula. 15Mpo ya bato bamboka Kapalanauma, bomanyako weyi te Kombo aka botombola bino o likolo. Weyi, oyoma yaye akabovaka onse oyoma ya lufelo. 16Bona akoli na Baekoli bande, moto okabata ekano yau ambati ngayi, mpe moto oko no bobata weyi anteyi ngayi. Moto onteyi ateyi Kombo ontomi. 17Nkomo nsiyo ba baekoli ba Yesu ntuku nsambo na ibale baeluaka omobembo nwaba, basepelaka mpo ya makeluvaka omobembo nwaba mpe baeboli Yesu te, Nkolo, nsoni milimo mibe militosi nkomo ebeki biyo nokelela nguya ya bokondji va nkombo yau mpo to bapaa mibeko mpo yole bato! 18Yesu ababekoli te: Nkomo ebotosiki milimo mibe, Nakekiki ebeyi ekpeiki Satana na mbalakaka uta o likolo ndempe nkake. 19Boka, na bopeyi nguya yodjata o likolo dja ndjo dja nkoto. Mpe na bopeyi nkuya inso yo benginya moini Satana. Mpe ekeyi mpoko ekonobokisa bololi weyi. 20Yemeyi, bosepela ko weyi te milimo mibe mibotosi, kasi bosepela te Kombo akomi nkombo ya bino o buka vande o lola.
Yesu apeyi ango wande matondi
(Mt. 11:25-27)
21Onkomo ena Yesu atondaka na esengo na molimo mosantu mpe akoloko te: Tata, nkolo wa likolo mpe wa mombi! Na botondi mpo obombi mambi mabo o mboka bato ba mayele mpe ba vanya mpe o mateinyi o, mboka bana bati. Ee tata ebeki ebeyi esepeliki we bokeli djambi meyi te likeluva. 22Bona Yesu akoloko na bato: Ango wangayi ampeyi bokondji o likolo dja mambi manso. Moto moko aebiko nwana weyi omola se Tata mpe moto moko aebiko Tata weyi omola se nwana mpe bato badjingi nwana abaenisa.
(Mt. 13:16-17)
23Omokiya Yesu adjoteli mpe akoli na baekoli bande. Kombo abopamboli mpo boeni mambi mokela ngayi. 24Na yemeyi, novebola bo, djunda dja basakoli ni bakondji babaka na mpumbu yoene mambi maeni bino, kasi bako meneke weyi mpe babaka na mpumbu yoka maoki bino kasi bakoma okaka weyi.
Ekonongo ya moto molamu wa Samaliya
25Omokiya nkomo eyabaka Yesu nolaka Munitele moko nwa molaki wa mibeko ayaka mpo yo meka Yesu. Amotuni munitele nakela teyi mpo Kombo ampa lobiko la bobele? 26Yesu amotuni ekeyi ndja yakomuva o mibeko miabiyo mambi ndja maka tanga we owo? 27Molaki wa mibeko a mobekoli bo: Oengeli odjinga Nkolo wau Kombo na moiyi nwau munso, na bimanyo biau binso, o molimo nwau munso na bokuli vau bunso, mpe wengeli odjinga modjalani wau ndempe eka midjinga we mpenja. 28Yesu akoli nande, obekoli neebe. Okelaka mambi mabo Kombo akabopa lobiko, la bobele. 29Kasi adjingaka no tenya te motuna nwande nwabaka molamu mpe bona atunaka Yesu? Modjalani wangayi yompendja ndja? 30Yesu aboyi maloba mpe akoli: Moto moko abaka nouta o Yelusaleme aoke o Yeliko. Ayenokakpa o maboko ma bayibi mpe bamobotoli bikeyi binso, bamobeteke maboto mpe bakeyi bamoleyi lope na lowa. 31Nganga ya Kombo mpoko abaka nokende ondjela nkomo eyanweneke yo, alekaka ongambo empoko. 32Omokiya mumpele moko wa libota dja Lewi ayaka se oyoma ena aeni mumpele meyi atuki wana. Kasi nkomo yeniyo mumpele obetiki ba, amolekaka omobandje mumoko. 33Omokiya nwa nkomo ndayi weyi, mumpele moko wa mboka ya Samaliya ayaka ondjela meyi mpoko oepayi eya tukaka mumpele meyi, nkomo eya ene yo mumpele meyi moyi nwande nwa tondaka na mawa mpo yande. 34Akumbiaka lope na mumpele meyi mpe omokiya abambaka mpota yande mpe afeli vinyo mpe amokeli mali ma bilaya o likolo djayi mpe omokiya amobeyaka ompunda yande mpendja mpe amotombi ondaku mpoko epayi eyabakaba nomosalisa. 35O mokolo mubengi, na lokutu obo abima ondaku ya babutu abimieyi mpata ibale ya palata vabaka na mobunu nwa lifuta dja mikolo mibale apeyi na munkolo wa ndako ya babutu, babaka na mobunu be boleki baboo, naka boelusa nkomo ekaeluangayi. 36Omokiya Yesu atuni molaki wa mibeko ona, o bimanyo biau ontanteyi ya bato bana ndja owabaka nweyi wa moto owa beteke bayibi? 37Munitele wa mibeko abekoli: Yo moto owa mokelaka mawa, Yesu akoli nande: we kende mpe kela ebeyi eyakelaka yo.
Maliya aoli likabo djabi na bolamu
38Yesu ni baekoli bande bakobaka mobembo nwaba. Bakomaka o mboka mpoko bo. Owo, nwalimoto moko na nkombo ya Malata aongaka Yesu aingela ondaku yande. 39Mpe Malata abaka na nwanyango wande wa nwalimoto nkombo yande Maliya, owa djalaka lope na makolo mande aoka malako mande. 40Ndjokande Malata ebeyi eyadjuaka yo djumba be, ayaka o mboka yande mpe akoloko nande te: eko nobokela bobe weyi te eboto yanga Maliya andemi nakela mosala ngayi mpendja? Onwebola ayanoka nsunga. 41Kasi nkolo akoli nande: Modjingami wangayi Malata, omitungisa mpe oka nkeyi na mambi djunda. 42Kasi yona djambi djoko likomi nomi tungisa mpo yali. Maliya aoli ekeyi ndamu, mpe ekeyi mpoko ena ekonolongolama nina moto moko weyi.
Currently Selected:
Luka 10: BIZ
Highlight
Copy
Compare
Share
Want to have your highlights saved across all your devices? Sign up or sign in
Baloi Bible by Beyond Translation is licensed under Creative Commons Attribution-ShareAlike 4.0 License.
