Josuwa 12
12
Ngono n na aza a Isra'ila a lyuwai nu uvon
1 # 12:1-5 Ka̱lyuwa̱:
Mkc 21:21-35; U.Wl 2:26-3:11 Ele nda ele ɗa ngono mu nɗa n na aza a Isra'ila a lyuwai a̱vu a usa nɗa n le asana o Uɗolu wa̱ Urudu, diga o Uɗolu wa Anon a̱ tyo Masasan ma Hamon, oɓolo nu Uka̱ri wa Araba upasu wa asana suru.
2Vuma ta̱ a̱tsuma̱ o ngono n na aza a Isra'ila a lyuwai nu uvon a̱yi ɗa Sihon mogono ma aza a Amoriya, za na yuwain tsugono a̱tsuma̱ a Heshibon. U yuwan ta̱ tsugono diga a̱ lyuci va Arowa za na ri a̱ nge'en mu Uɗolu wa Anon na̱ diga e memere mo uɗolu'u hali a rawa o Uɗolu wa Jabo a̱ tyo aza a Amon. Tsugono tsa nda tso ɓolo ta̱ nu uɓatsulai wu upasu wa Giliyadu. 3Waru u yuwan ta̱ tsugono tsu upasu wa asana wu Uka̱ri wa Araba diga a Mala ma̱ Ga̱lili hali a rawa Mala ma Araba za na a̱yi ɗa Mala ma Akpaɗi, waru hali a rawa a̱ lyuci va Bet Jeshimo, na̱ a̱ tyo upasu wu uyagi e ikyun i Masasan ma Pisiga.
4Waru a lyuwa ta̱ Og mogono ma Bashan za ta̱ na pasai a̱tsuma̱ a aza a Refaya, za na yuwain tsugono tsa Ashitaro na̱ Edirai. 5A̱vu u yuwan tsugono tsu upasu u Masasan ma Hamon na̱ Saleka oɓolo nu upasu wa Bashan suru a̱ tyo o utyo wa aza a Geshu na aza a Ma'aka nu uɓatsulai wa Giliyadu a̱ tyo o utyo wa Sihon mogono ma Heshibon.
6 # 12:6 Ka̱lyuwa̱:
Mkc 32:33; U.Wl 3:12-17 Musa aagbashi a̱ A̱sulazuva na aza a Isra'ila a lyuwa le ta̱ nu uvon. Reve u ca ugundo wa̱ Roben nu ugundo wa Gadu nu uɓatsulai wu ugundo wa Manase iɗa'a yo o'wo za le.
7Waru ele nda ele ɗa ngono mi iɗa n na Josuwa na aza a Isra'ila a lyuwai nu uvon upasu wa̱ a̱livu wu Uɗolu wa̱ Urudu, diga Ba'al Gadu o Uka̱ri wa̱ Lebanon a̱ tyo Masasan ma Halak, za na gawain a̱ tyo upasu wa̱ Seyi. Josuwa ca ta̱ gundo va aza a Isra'ila iɗa'a yo o'wo za le cine a̱ ri une'esun. 8Upasu wi iɗa i nda u ɓolo ta̱ ni iɗa ya agaɗi nu upasu wi iɗa i mugaɗi nu Uka̱ri wa Araba nu upasu wu zuru vu nsasan na̱ a̱tsumona na̱ a̱tsuma̱ o upasu we Nege. Aza a na a̱ ri nden upasu wi iɗa i nda ele ɗa aza a Hitiya na aza a Amoriya na aza a Ka'ana na aza a Periziya na aza a Hiviya oɓolo na aza a Jebusiya. Apa nda ngono n na Josuwa na aza a Isra'ila a lyuwai:
9mogono ma̱ Jeriko
na̱ mogono ma Ai, za na ri zuzu na̱ Betel
10na̱ mogono ma̱ Urishelima
na̱ mogono ma Heburon
11na̱ mogono ma Jamu
na̱ mogono ma Lakish
12na̱ mogono ma Egilon
na̱ mogono ma Geza
13na̱ mogono ma Debi
na̱ mogono ma Geda
14na̱ mogono ma Homa
na̱ mogono ma Arada
15na̱ mogono ma Libina
na̱ mogono ma Adulam
16na̱ mogono ma Makeda
na̱ mogono ma Betel
17na̱ mogono ma Tapuwa
na̱ mogono ma Hefa
18na̱ mogono ma Afe
na̱ mogono ma Sharon
19na̱ mogono ma Madon
na̱ mogono ma Hazo
20na̱ mogono ma Shimron Meron
na̱ mogono ma Akishafa
21na̱ mogono ma Ta'ana
na̱ mogono ma Megido
22na̱ mogono ma Kedesh
na̱ mogono ma Jokineyam a̱tsuma̱ a Kame
23na̱ mogono mo Do, a̱tsuma̱ a Nafot Do
na̱ mogono ma Goyim a̱tsuma̱ a Gilga
24na̱ mogono ma Tirza.
Suru suru ngono mata'atsu na̱ za ta̱ ɗa.
©️2025 Language Development and Translation Initiative (LDTI)