Ufaru 36
36
Muwun mu ugundo ma Isuwa
1Apa nda adama o ugundo wa Isuwa, (a na Edom). 2Isuwa zuwa ta̱ a̱ma̱ci a̱ yi diga a̱tsuma̱ e esheli a aza a Ka'ana. Ada usheli wa Elon vuma va Hitiya, na̱ Oholibama usheli wa Ana ulobo wa Zibiyon vuma va Hiviya, 3na̱ Basameta usheli wa Isma'ila, mawun ma̱ a̱na̱wun mo usheli ma Nibayoti. 4Ada gba u matsaan ta̱ Isuwa Elifaza. Reve Basameta matsaan yi Reyuwe. 5Reve Oholibama matsaan yi Yewushe, na̱ Yalam na̱ Kora. Ele nda ele ɗa muwun ma Isuwa, aza a na a matsaan niyi e iɗa ya Ka'ana. 6Reve Isuwa tara a̱ma̱ci a̱ yi, oɓolo na̱ muwun mo olobo ma̱ yi ne esheli a̱ yi, na ama o u'wa a̱ yi suru, oɓolo ni iliyamunga ya̱ yi na akapi e inama ya̱ yi ni itana i na u ri ne ele suru a na u tsura̱i ɗe Ka'ana, ɗaɗa u ka̱mba̱i e iɗa i ro ɗe alanga na mawun ma̱ a̱na̱wun ma̱ yi Yakubu. 7Adama a na ili i na a̱ ri ne ele a̱ ta̱ a̱bunda̱ lon a na aa gura da̱nu uba̱ta̱ u ta̱ shi. Iɗa i na a̱ ri o tsumocin waa gura tara le suru shi adama a̱ a̱bunda̱ e iliyamunga i le. 8Adama o ndolo a ɗa Isuwa (za na a̱ tsu ɗe Edom) da̱nuyi e iɗa ya aagaɗi a Seyi.
9Apa ugeru wu ugundo wa Isuwa za na a̱yi ɗa akaya a aza a Edom e iɗa ya aagaɗi ya Seyi. 10Apa ala o olobo a Isuwa: Elifaza ulobo wa Ada ka va Isuwa, na̱ Reyuwe ulobo wa Basameta ka va Isuwa. 11Ala o olobo a Elifaza ele ɗa: Tema na̱ Oma na̱ Zipo na̱ Gata na̱ Kenaz. 12Elifaza ulobo wa Isuwa u shi ta̱ na̱ ka vu nge'en za na a̱ tsu ɗe Tima za na matsaan niyi Amaleka. Ele nda ele ɗa muwun n tsukaya ma Ada ka va Isuwa. 13Apa nda muwun mo olobo ma Reyuwe, Nahat na̱ Zera na̱ Shama oɓolo na̱ Miza. Ele ɗa muwun n tsukaya ma Basameta ka va Isuwa. 14Oholibama ka va Isuwa usheli wa Ana mawun ma tsukaya mo usheli ma Zibiyon u matsaan yi ta̱ Yewushe na̱ Yalam, oɓolo na̱ Kora. 15Apa azagbain a na o uta̱i o ugundo wa Isuwa, ele ɗa olobo a Elifaza mawun mo ufaru ma Isuwa, Tema na̱ Oma na̱ Zefo na̱ Kena 16na̱ Kora na̱ Gatam oɓolo na̱ Amaleka. Ele ɗa azagbain muwun mu ugundo ma Elifaza e iɗa ya Edom, muwun n tsukaya ma Ada ka va Isuwa. 17Olobo a Reyuwe ulobo wa Isuwa ele ɗa, Nahat na̱ Zera na̱ Shama oɓolo na̱ Miza. Ele ɗa azagbain a na o uta̱i o ugundo wa Reyuwe e iɗa ya Edom, muwun n tsukaya ma Basameta ka va Isuwa. 18Apa nda olobo a Oholibama ka va Isuwa: Yewushe na̱ Yalam na̱ Kora. Ele ɗa azagbain a na uta̱i o ugundo wu ka va Isuwa Oholibama usheli wa Ana. 19Ele ɗa muwun ma Isuwa (za na a̱yi ɗa Edom), oɓolo na azagbain e le waru.
20Apa ala a̱ muwun mo olobo ma Seyi vuma va Hori, aza a na a̱ ri na̱ nden upasu wi iɗa'a: Lota na̱ Shoba na̱ Zibiyon na̱ Ana 21na̱ Dishon na̱ Eze na̱ Disha. Ele ɗa a̱ da̱na̱i ugundo wu ngono ma Hori, ugundo wa Seyi, ele ɗa azagbain e iɗa ya Edom. 22Apa nda muwun mo olobo ma Lota: Hori na̱ Hema. Lota ta̱ na̱ mawun ma̱ a̱na̱wun mo usheli ma na a̱ tsu ɗe Timna. 23Apa muwun mo olobo ma Shoba: Aluwa, na̱ Manaha na̱ Eba na̱ Shefo oɓolo na̱ Onam. 24Apa nda muwun mo olobo ma Zibiyon: A'iya na̱ Ana. Ana a̱yi ɗa za na tsura̱i esu a̱ mini mo usuɗuwu a̱tsumona a mantsa ma na u da̱na̱i a guɓusa nloli ma dada va̱ yi Zibiyon. 25Apa nda muwun ma Ana: Disho na̱ Oholibama usheli wa Ana. 26Apa nda muwun mo olobo ma Disho: Hemda na̱ Esheba na̱ Itira na̱ Kera. 27Apa nda muwun mo olobo ma Eze, ele ɗa, Bilihan na̱ Zayawa na̱ Aka. 28Apa nda muwun mo olobo ma Disha: Uzu na̱ Ara. 29Apa azagbain o ugundo wa Horiya: Lotan na̱ Soba na̱ Zibiyon oɓolo na̱ Ana 30na̱ Disho na̱ Eze na̱ Disha. Ele ɗa azagbain a Horiya gundo gundo e iɗa ya Seyi.
Ngono ma Edom
31Apa nda aza a na a yuwain tsugono e iɗa ya Edom kafu aza a Isra'ila a̱ tsura̱ mogono. 32Bela ulobo wa Beyo u yuwan ta̱ tsugono tsi iɗa tsa Edom. Aala a̱ lyuci gbain va Bela a̱yi ɗa Dinhaba. 33Ana Bela kuwa̱i, a̱vu Yoba ulobo wa Zera diga Bozura o'wo mogono o una̱ wa̱ yi. 34Ana Yoba kuwa̱i, a̱vu Husham diga e iɗa ya Teman o'wo mogono o una̱ wa̱ yi. 35Ana Husha kuwa̱i, a̱vu Hada ulobo wa Beda wo o'wo mogono o una̱ wa̱ yi. A̱yi Hada a̱yi ɗa u lyuwai Midiya nu uvon e iɗa ya Mowa. Aala a̱ lyuci gbain va Hada a̱yi ɗa Awiti. 36Ana Hada kuwa̱i, a̱vu Samula diga Masreka o'wo mogono o una̱ wa̱ yi. 37Ana Samula kuwa̱i, a̱vu Shawul diga Reho o vu upasu wu Uɗolu wa̱ Yufiriti o'wo mogono o una̱ wa̱ yi. 38Ana Shawul kuwa̱i, a̱vu Ba'al Hana ulobo wa Akubo o'wo mogono o una̱ wa̱ yi. 39Ana Ba'al Hana ulobo wa Akubo kuwa̱i, a̱vu Hada o'wo mogono o una̱ wa̱ yi. Aala a̱ lyuci gbain va Hada, a̱yi ɗa Fawu. Aala a ka va̱ yi waru a̱yi ɗa Mehetabe usheli wa Mature usheli wa Mezaha. 40Apa nda ala a azagbain a Edom o ugundo wa Isuwa, o una̱ wu gundo le nu uba̱ta̱ u na o uta̱i. Ele ɗa, Timna na̱ Aluwa oɓolo na̱ Yete, 41oɓolo na̱ Oholibama na̱ Ela oɓolo na̱ Fino 42na̱ Kenaza na̱ Tema na̱ Mibiza 43na̱ Magudiye oɓolo na̱ Iram. Ele nda ele ɗa azagbain a Edom, uba̱ta̱ suru u tsura̱ ta̱ aala a̱ yi uba̱ta̱ wu ugundo wa aza a na a̱ da̱nuyi lo. A̱yi nda a̱yi ɗa Isuwa dada va aza a Edom.
Currently Selected:
Ufaru 36: TSW
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Ufaru 36
36
Muwun mu ugundo ma Isuwa
1Apa nda adama o ugundo wa Isuwa, (a na Edom). 2Isuwa zuwa ta̱ a̱ma̱ci a̱ yi diga a̱tsuma̱ e esheli a aza a Ka'ana. Ada usheli wa Elon vuma va Hitiya, na̱ Oholibama usheli wa Ana ulobo wa Zibiyon vuma va Hiviya, 3na̱ Basameta usheli wa Isma'ila, mawun ma̱ a̱na̱wun mo usheli ma Nibayoti. 4Ada gba u matsaan ta̱ Isuwa Elifaza. Reve Basameta matsaan yi Reyuwe. 5Reve Oholibama matsaan yi Yewushe, na̱ Yalam na̱ Kora. Ele nda ele ɗa muwun ma Isuwa, aza a na a matsaan niyi e iɗa ya Ka'ana. 6Reve Isuwa tara a̱ma̱ci a̱ yi, oɓolo na̱ muwun mo olobo ma̱ yi ne esheli a̱ yi, na ama o u'wa a̱ yi suru, oɓolo ni iliyamunga ya̱ yi na akapi e inama ya̱ yi ni itana i na u ri ne ele suru a na u tsura̱i ɗe Ka'ana, ɗaɗa u ka̱mba̱i e iɗa i ro ɗe alanga na mawun ma̱ a̱na̱wun ma̱ yi Yakubu. 7Adama a na ili i na a̱ ri ne ele a̱ ta̱ a̱bunda̱ lon a na aa gura da̱nu uba̱ta̱ u ta̱ shi. Iɗa i na a̱ ri o tsumocin waa gura tara le suru shi adama a̱ a̱bunda̱ e iliyamunga i le. 8Adama o ndolo a ɗa Isuwa (za na a̱ tsu ɗe Edom) da̱nuyi e iɗa ya aagaɗi a Seyi.
9Apa ugeru wu ugundo wa Isuwa za na a̱yi ɗa akaya a aza a Edom e iɗa ya aagaɗi ya Seyi. 10Apa ala o olobo a Isuwa: Elifaza ulobo wa Ada ka va Isuwa, na̱ Reyuwe ulobo wa Basameta ka va Isuwa. 11Ala o olobo a Elifaza ele ɗa: Tema na̱ Oma na̱ Zipo na̱ Gata na̱ Kenaz. 12Elifaza ulobo wa Isuwa u shi ta̱ na̱ ka vu nge'en za na a̱ tsu ɗe Tima za na matsaan niyi Amaleka. Ele nda ele ɗa muwun n tsukaya ma Ada ka va Isuwa. 13Apa nda muwun mo olobo ma Reyuwe, Nahat na̱ Zera na̱ Shama oɓolo na̱ Miza. Ele ɗa muwun n tsukaya ma Basameta ka va Isuwa. 14Oholibama ka va Isuwa usheli wa Ana mawun ma tsukaya mo usheli ma Zibiyon u matsaan yi ta̱ Yewushe na̱ Yalam, oɓolo na̱ Kora. 15Apa azagbain a na o uta̱i o ugundo wa Isuwa, ele ɗa olobo a Elifaza mawun mo ufaru ma Isuwa, Tema na̱ Oma na̱ Zefo na̱ Kena 16na̱ Kora na̱ Gatam oɓolo na̱ Amaleka. Ele ɗa azagbain muwun mu ugundo ma Elifaza e iɗa ya Edom, muwun n tsukaya ma Ada ka va Isuwa. 17Olobo a Reyuwe ulobo wa Isuwa ele ɗa, Nahat na̱ Zera na̱ Shama oɓolo na̱ Miza. Ele ɗa azagbain a na o uta̱i o ugundo wa Reyuwe e iɗa ya Edom, muwun n tsukaya ma Basameta ka va Isuwa. 18Apa nda olobo a Oholibama ka va Isuwa: Yewushe na̱ Yalam na̱ Kora. Ele ɗa azagbain a na uta̱i o ugundo wu ka va Isuwa Oholibama usheli wa Ana. 19Ele ɗa muwun ma Isuwa (za na a̱yi ɗa Edom), oɓolo na azagbain e le waru.
20Apa ala a̱ muwun mo olobo ma Seyi vuma va Hori, aza a na a̱ ri na̱ nden upasu wi iɗa'a: Lota na̱ Shoba na̱ Zibiyon na̱ Ana 21na̱ Dishon na̱ Eze na̱ Disha. Ele ɗa a̱ da̱na̱i ugundo wu ngono ma Hori, ugundo wa Seyi, ele ɗa azagbain e iɗa ya Edom. 22Apa nda muwun mo olobo ma Lota: Hori na̱ Hema. Lota ta̱ na̱ mawun ma̱ a̱na̱wun mo usheli ma na a̱ tsu ɗe Timna. 23Apa muwun mo olobo ma Shoba: Aluwa, na̱ Manaha na̱ Eba na̱ Shefo oɓolo na̱ Onam. 24Apa nda muwun mo olobo ma Zibiyon: A'iya na̱ Ana. Ana a̱yi ɗa za na tsura̱i esu a̱ mini mo usuɗuwu a̱tsumona a mantsa ma na u da̱na̱i a guɓusa nloli ma dada va̱ yi Zibiyon. 25Apa nda muwun ma Ana: Disho na̱ Oholibama usheli wa Ana. 26Apa nda muwun mo olobo ma Disho: Hemda na̱ Esheba na̱ Itira na̱ Kera. 27Apa nda muwun mo olobo ma Eze, ele ɗa, Bilihan na̱ Zayawa na̱ Aka. 28Apa nda muwun mo olobo ma Disha: Uzu na̱ Ara. 29Apa azagbain o ugundo wa Horiya: Lotan na̱ Soba na̱ Zibiyon oɓolo na̱ Ana 30na̱ Disho na̱ Eze na̱ Disha. Ele ɗa azagbain a Horiya gundo gundo e iɗa ya Seyi.
Ngono ma Edom
31Apa nda aza a na a yuwain tsugono e iɗa ya Edom kafu aza a Isra'ila a̱ tsura̱ mogono. 32Bela ulobo wa Beyo u yuwan ta̱ tsugono tsi iɗa tsa Edom. Aala a̱ lyuci gbain va Bela a̱yi ɗa Dinhaba. 33Ana Bela kuwa̱i, a̱vu Yoba ulobo wa Zera diga Bozura o'wo mogono o una̱ wa̱ yi. 34Ana Yoba kuwa̱i, a̱vu Husham diga e iɗa ya Teman o'wo mogono o una̱ wa̱ yi. 35Ana Husha kuwa̱i, a̱vu Hada ulobo wa Beda wo o'wo mogono o una̱ wa̱ yi. A̱yi Hada a̱yi ɗa u lyuwai Midiya nu uvon e iɗa ya Mowa. Aala a̱ lyuci gbain va Hada a̱yi ɗa Awiti. 36Ana Hada kuwa̱i, a̱vu Samula diga Masreka o'wo mogono o una̱ wa̱ yi. 37Ana Samula kuwa̱i, a̱vu Shawul diga Reho o vu upasu wu Uɗolu wa̱ Yufiriti o'wo mogono o una̱ wa̱ yi. 38Ana Shawul kuwa̱i, a̱vu Ba'al Hana ulobo wa Akubo o'wo mogono o una̱ wa̱ yi. 39Ana Ba'al Hana ulobo wa Akubo kuwa̱i, a̱vu Hada o'wo mogono o una̱ wa̱ yi. Aala a̱ lyuci gbain va Hada, a̱yi ɗa Fawu. Aala a ka va̱ yi waru a̱yi ɗa Mehetabe usheli wa Mature usheli wa Mezaha. 40Apa nda ala a azagbain a Edom o ugundo wa Isuwa, o una̱ wu gundo le nu uba̱ta̱ u na o uta̱i. Ele ɗa, Timna na̱ Aluwa oɓolo na̱ Yete, 41oɓolo na̱ Oholibama na̱ Ela oɓolo na̱ Fino 42na̱ Kenaza na̱ Tema na̱ Mibiza 43na̱ Magudiye oɓolo na̱ Iram. Ele nda ele ɗa azagbain a Edom, uba̱ta̱ suru u tsura̱ ta̱ aala a̱ yi uba̱ta̱ wu ugundo wa aza a na a̱ da̱nuyi lo. A̱yi nda a̱yi ɗa Isuwa dada va aza a Edom.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)