Ufaru 37
37
Alavu a̱ Isuhu
1Yakubu da̱nu ta̱ e iɗa ya Ka'ana uba̱ta̱ u na dada va̱ yi yuwain nden n limocin.
2Apa alabari a limatan va Yakubu. Isuhu ulobo wa a'wan kupa na̱ a̱za̱ e cindere a̱yi na̱ muwun ma̱ a̱sha̱wu ma̱ yi, muwun ma Biliha na̱ Zelfa a̱ma̱ci a dada va̱ yi, a guɓusa ta̱ ikyon na̱ mgbele. Reve u ta̱wa̱a̱ dada va̱ yi na adanshi e idaba i na azakpakpara a̱ yi aa yuwusan.
3Isra'ila la'a ta̱ ciga Isuhu a̱tsuma̱ a̱ muwun ma̱ yi, adama a na a matsan yi ta̱ cina a̱yi u kutsa. A̱vu u yuwaan yi utugu u sa'ani. 4Ana a̱za̱ a̱ yi e enei dada le la'a ta̱ ciga Isuhu, a̱vu a 'yuwan yi, hali a tsu ciga a yuwaan yi adanshi sa'ani shi.
5Yashi i ro, a̱vu Isuhu yuwan alavu. A̱vu u damma a̱za̱ a̱ yi, reve a̱ da̱shi 'yuwisan yi lon. 6Reve u damma le, <<Uwwai alavu a na n yuwain. 7Tsu da̱na̱ ta̱ o uɗuma̱ suru a̱ nla̱sa̱ akatalu e ishina, a̱vu aakatalu a̱ va̱ a̱ 'yon mishin mejege. A̱vu a̱za̱ a̱ ɗu a̱ ka̱nda̱ruwa̱ za va̱, a̱vu a̱ kingyowa̱ yi.>>
8A̱vu azakpakpara a̱ yi e ece yi, <<Vu ta dansa vu to o'wo mogono ma̱ tsu? Ko vu ta dansa vu ta yuwan tsugbain tsa̱ tsu?>> A̱vu a 'yuwisan yi lon adama a alavu a na u yuwain ni ili i na u dammai.
9A̱vu u yuwisan alavu o ro, a̱vu u dammisa azakpakpara a̱ yi, <<N yuwisan ta̱ alavu o ro. A̱tsuma̱ a alavu'u, me ene ta̱ urana, woto ni italyo'o kupa na̱ za ta̱ a̱ kingyowa̱sa̱ mu.>>
10Ana u dammai dada va̱ yi na̱ a̱za̱ a̱ yi alavu'u, a̱vu dada va̱ yi ɓara yi, u damma yi, <<Cu'un va alavu a̱ ne a ɗa vu yuwain tsunda? Vu ta dansa mma va̱ wu oɓolo na azakpakpara a̱ wu oɓolo na̱ a̱mu suru, tsu ta̱ ka̱ɗa̱to a̱ ma̱ka̱ka̱n ma̱ wu hali she iɗa?>> 11A̱vu a̱za̱ a̱ yi a̱ ima̱ yi, amma dada va̱ yi zuwa ta̱ ili'i suru o okolo.
Azakpakpara a̱ Isuhu a wina ta̱ Isuhu
12Urana u ro, ana azakpakpara a̱ yi a̱ 'ya̱wa̱i aguɓa e ikyon na̱ mgbele ma dada le zuzu na̱ Shekem, 13a̱vu Isra'ila damma Isuhu, <<N ciga wu ta̱ vu 'ya̱wa̱ zuzu na̱ Shekem, uba̱ta̱ u na azakpakpara a̱ wu a̱ ri a aguɓa.>> A̱vu Isuhu usu, <<N tu ufoɓu.>>
14A̱vu dada va̱ yi damma yi, <<'Ya̱wa̱ vu ka̱lyuwa̱ a̱za̱ a̱ wu, ko a̱ ta̱ ɗe gbaga ni ikyon na̱ mgbele'e suru, a̱vu vu ta̱wa̱ vu damma mu.>> U lyungu yi ta̱ diga o uka̱ri wa̱ Heburon u ɗa u lyungu niyi. Ana Isuhu rawai Shekem, 15ɗaɗa vuma ro cina niyi a̱ka̱nda̱riya̱, a̱vu we ece yi, <<Nye vaa zama?>>
16A̱vu u usu, <<N ta zama a̱za̱ a̱ va̱ aza a na a̱ ri a aguɓa pa, ko vu ta damma mu uba̱ta̱ u na a̱ ri a aguɓa e ikyon na̱ mgbele n le?>>
17Reve vuma'a u damma yi, <<A buwa pa shi. Mu uwwa le ta̱ a dansa, <Tsu ka̱ra̱i a̱ tyo Dotan.> >>
Adama o ndolo, a̱vu Isuhu kuru ana a̱ a̱za̱ a̱ yi, a̱vu u cina le Dotan. 18Ana a cinkaya niyi a alanga a̱ ta̱wa̱, kafu u rawa zuzu ne ele, reve o foɓo cine oo una yi.
19Reve a dammulai, <<Eɗe mogono ma alavu'u a̱ ta̱wa̱. 20Ta̱wa̱i tsu una niyi gogo, a̱vu tsu vari niyi a̱tsuma̱ o ooko'o o u'yewu a̱ ta̱. A̱vu tsu dammai, nama vu una gbain ɗa tama niyi. Tsu te ene cine alavu o ndolo aa shiwan.>>
21Ana Roben uwwai ne, reve u zami ure u na waa wawa yi e ekere e le. A̱vu u damma, <<She tsu una niyi wan. 22Tsu vari niyi a̱tsuma̱ o ooko'o a na a̱ ri a̱tsuma̱ o una, amma she tsu uwwato niyi usa̱n wan.>> U yuwan ta̱ ne, tsa̱ra̱ u wawa yi e ekere e le, tsa̱ra̱ waru u ka̱mba̱to yi ya dada le.
23Ana Isuhu rawai uba̱ta̱ u na a̱ ri, reve o foɗo yi utugu, utugu u wukalu u sa'ani u na u ri wotowu na̱ a̱yi. 24Reve a tara yi a vari yi o ooko'o a na a̱ ri u'yewu.
25Reve a̱ da̱nu tsa̱ra̱ a lyuwa ilyalya. Ana a̱ 'ya̱sa̱in esu e le, a̱vu e ene oɓolo a aza a atsulu na awina a Isma'ila o uta̱i Giliyadu, na arakumi e le utanuwu ne erepu ni itana i ma̱guru na̱ mur, o ure a̱ zura̱i a̱ tyo ne ele Masar.
26A̱vu Yahuza damma a̱za̱ a̱ yi, <<Nye tsaa munai na̱ tsu unai za tsu, a̱vu tsu soko mpasa ma̱ yi tsa̱ra̱ a ama e reve wan? 27Ta̱wa̱i tsu winayi ama a Isma'ila a̱yi. Na̱ tsu yuwan ne, tsaa uwwato niyi usa̱n shi. Waru a̱yi za tsu ɗa, a̱yi waru lipu tsu ɗa na̱ mpasa n tsu.>> A̱vu a̱za̱ a̱ yi a̱ usu a̱sa̱la̱ a̱ yi.
28Ana aza a awina na atsulu a Midiya a rawai, a̱vu a̱za̱ a̱ yi o uta̱a̱ Isuhu o ooko'o'o. A̱vu a winaa le o una̱ u shekel azurufa ushin. Reve a tara yi a̱ tyo Masar.
29Ana Roben ka̱mba̱i o ooko'o'o, agba we ene pe Isuhu shi, reve wu kara itana. 30A̱vu u ka̱mba̱ uba̱ta̱ wa̱ a̱za̱ a̱ yi, reve u damma, <<Ulobo'o wu pe shi! Te ɗa maa uwa?>>
31A̱vu a paɗa megbele, reve a tara utugu usa'ani wa̱ Isuhu'u, a̱ tsupu yi pe a mpasa. 32A̱vu a tara utugu'u, a̱vu a̱ ta̱wa̱ na̱ a̱yi uba̱ta̱ wa dada le. A̱vu a damma, <<Apa ili i na tsu tsura̱i. Ka̱lyuwa̱ ve ene ko za mawun ma̱ wu ma ɗa.>>
33U reve ta̱ utugu'u, ɗaɗa u dammai, <<Utugu u mawun ma̱ va̱ ma ɗa. Nama vu una gbain na ɗa tama niyi! Amayun a ɗa a kakarai Isuhu'u.>>
34A̱vu Yakubu kakara a̱tugu a̱ yi. A̱vu wo oto akashi e itana, a̱vu u yuwan nden ma̱ a̱tsumola̱ngu u mawun ma̱ yi rana na̱ a̱bunda̱. 35Muwun ma̱ yi olobo ne esheli suru a̱ ta̱wa̱ ta̱ a ca yi ta̱ adanshi, agba a gura yi shi. A̱vu u damma, <<O'o, n ta̱ da̱na̱ na̱ a̱tsumola̱ngu, she na̱ n cipa̱ a̱ 'ya̱wa̱ uba̱ta̱ wa̱ a̱kwa̱kwa̱, uba̱ta̱ u mawun ma̱ va̱.>> Ne ɗa u lyuwai elime na̱ nden ma̱ a̱tsumola̱ngu a̱ Isuhu.
36A mantsa'a gba, ama a Midiya'a a wina ta̱ ɗe Isuhu e iɗa ya Masar a̱ tyo ya Fotifa vuma va Masar vuma ta̱ a̱tsuma̱ a azagbain a Firi'awuna, yali za na da̱na̱i zagbain va aza a na a̱ da̱na̱i e ipiri o u'wa u mogono Firi'awuna.
Currently Selected:
Ufaru 37: TSW
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Ufaru 37
37
Alavu a̱ Isuhu
1Yakubu da̱nu ta̱ e iɗa ya Ka'ana uba̱ta̱ u na dada va̱ yi yuwain nden n limocin.
2Apa alabari a limatan va Yakubu. Isuhu ulobo wa a'wan kupa na̱ a̱za̱ e cindere a̱yi na̱ muwun ma̱ a̱sha̱wu ma̱ yi, muwun ma Biliha na̱ Zelfa a̱ma̱ci a dada va̱ yi, a guɓusa ta̱ ikyon na̱ mgbele. Reve u ta̱wa̱a̱ dada va̱ yi na adanshi e idaba i na azakpakpara a̱ yi aa yuwusan.
3Isra'ila la'a ta̱ ciga Isuhu a̱tsuma̱ a̱ muwun ma̱ yi, adama a na a matsan yi ta̱ cina a̱yi u kutsa. A̱vu u yuwaan yi utugu u sa'ani. 4Ana a̱za̱ a̱ yi e enei dada le la'a ta̱ ciga Isuhu, a̱vu a 'yuwan yi, hali a tsu ciga a yuwaan yi adanshi sa'ani shi.
5Yashi i ro, a̱vu Isuhu yuwan alavu. A̱vu u damma a̱za̱ a̱ yi, reve a̱ da̱shi 'yuwisan yi lon. 6Reve u damma le, <<Uwwai alavu a na n yuwain. 7Tsu da̱na̱ ta̱ o uɗuma̱ suru a̱ nla̱sa̱ akatalu e ishina, a̱vu aakatalu a̱ va̱ a̱ 'yon mishin mejege. A̱vu a̱za̱ a̱ ɗu a̱ ka̱nda̱ruwa̱ za va̱, a̱vu a̱ kingyowa̱ yi.>>
8A̱vu azakpakpara a̱ yi e ece yi, <<Vu ta dansa vu to o'wo mogono ma̱ tsu? Ko vu ta dansa vu ta yuwan tsugbain tsa̱ tsu?>> A̱vu a 'yuwisan yi lon adama a alavu a na u yuwain ni ili i na u dammai.
9A̱vu u yuwisan alavu o ro, a̱vu u dammisa azakpakpara a̱ yi, <<N yuwisan ta̱ alavu o ro. A̱tsuma̱ a alavu'u, me ene ta̱ urana, woto ni italyo'o kupa na̱ za ta̱ a̱ kingyowa̱sa̱ mu.>>
10Ana u dammai dada va̱ yi na̱ a̱za̱ a̱ yi alavu'u, a̱vu dada va̱ yi ɓara yi, u damma yi, <<Cu'un va alavu a̱ ne a ɗa vu yuwain tsunda? Vu ta dansa mma va̱ wu oɓolo na azakpakpara a̱ wu oɓolo na̱ a̱mu suru, tsu ta̱ ka̱ɗa̱to a̱ ma̱ka̱ka̱n ma̱ wu hali she iɗa?>> 11A̱vu a̱za̱ a̱ yi a̱ ima̱ yi, amma dada va̱ yi zuwa ta̱ ili'i suru o okolo.
Azakpakpara a̱ Isuhu a wina ta̱ Isuhu
12Urana u ro, ana azakpakpara a̱ yi a̱ 'ya̱wa̱i aguɓa e ikyon na̱ mgbele ma dada le zuzu na̱ Shekem, 13a̱vu Isra'ila damma Isuhu, <<N ciga wu ta̱ vu 'ya̱wa̱ zuzu na̱ Shekem, uba̱ta̱ u na azakpakpara a̱ wu a̱ ri a aguɓa.>> A̱vu Isuhu usu, <<N tu ufoɓu.>>
14A̱vu dada va̱ yi damma yi, <<'Ya̱wa̱ vu ka̱lyuwa̱ a̱za̱ a̱ wu, ko a̱ ta̱ ɗe gbaga ni ikyon na̱ mgbele'e suru, a̱vu vu ta̱wa̱ vu damma mu.>> U lyungu yi ta̱ diga o uka̱ri wa̱ Heburon u ɗa u lyungu niyi. Ana Isuhu rawai Shekem, 15ɗaɗa vuma ro cina niyi a̱ka̱nda̱riya̱, a̱vu we ece yi, <<Nye vaa zama?>>
16A̱vu u usu, <<N ta zama a̱za̱ a̱ va̱ aza a na a̱ ri a aguɓa pa, ko vu ta damma mu uba̱ta̱ u na a̱ ri a aguɓa e ikyon na̱ mgbele n le?>>
17Reve vuma'a u damma yi, <<A buwa pa shi. Mu uwwa le ta̱ a dansa, <Tsu ka̱ra̱i a̱ tyo Dotan.> >>
Adama o ndolo, a̱vu Isuhu kuru ana a̱ a̱za̱ a̱ yi, a̱vu u cina le Dotan. 18Ana a cinkaya niyi a alanga a̱ ta̱wa̱, kafu u rawa zuzu ne ele, reve o foɓo cine oo una yi.
19Reve a dammulai, <<Eɗe mogono ma alavu'u a̱ ta̱wa̱. 20Ta̱wa̱i tsu una niyi gogo, a̱vu tsu vari niyi a̱tsuma̱ o ooko'o o u'yewu a̱ ta̱. A̱vu tsu dammai, nama vu una gbain ɗa tama niyi. Tsu te ene cine alavu o ndolo aa shiwan.>>
21Ana Roben uwwai ne, reve u zami ure u na waa wawa yi e ekere e le. A̱vu u damma, <<She tsu una niyi wan. 22Tsu vari niyi a̱tsuma̱ o ooko'o a na a̱ ri a̱tsuma̱ o una, amma she tsu uwwato niyi usa̱n wan.>> U yuwan ta̱ ne, tsa̱ra̱ u wawa yi e ekere e le, tsa̱ra̱ waru u ka̱mba̱to yi ya dada le.
23Ana Isuhu rawai uba̱ta̱ u na a̱ ri, reve o foɗo yi utugu, utugu u wukalu u sa'ani u na u ri wotowu na̱ a̱yi. 24Reve a tara yi a vari yi o ooko'o a na a̱ ri u'yewu.
25Reve a̱ da̱nu tsa̱ra̱ a lyuwa ilyalya. Ana a̱ 'ya̱sa̱in esu e le, a̱vu e ene oɓolo a aza a atsulu na awina a Isma'ila o uta̱i Giliyadu, na arakumi e le utanuwu ne erepu ni itana i ma̱guru na̱ mur, o ure a̱ zura̱i a̱ tyo ne ele Masar.
26A̱vu Yahuza damma a̱za̱ a̱ yi, <<Nye tsaa munai na̱ tsu unai za tsu, a̱vu tsu soko mpasa ma̱ yi tsa̱ra̱ a ama e reve wan? 27Ta̱wa̱i tsu winayi ama a Isma'ila a̱yi. Na̱ tsu yuwan ne, tsaa uwwato niyi usa̱n shi. Waru a̱yi za tsu ɗa, a̱yi waru lipu tsu ɗa na̱ mpasa n tsu.>> A̱vu a̱za̱ a̱ yi a̱ usu a̱sa̱la̱ a̱ yi.
28Ana aza a awina na atsulu a Midiya a rawai, a̱vu a̱za̱ a̱ yi o uta̱a̱ Isuhu o ooko'o'o. A̱vu a winaa le o una̱ u shekel azurufa ushin. Reve a tara yi a̱ tyo Masar.
29Ana Roben ka̱mba̱i o ooko'o'o, agba we ene pe Isuhu shi, reve wu kara itana. 30A̱vu u ka̱mba̱ uba̱ta̱ wa̱ a̱za̱ a̱ yi, reve u damma, <<Ulobo'o wu pe shi! Te ɗa maa uwa?>>
31A̱vu a paɗa megbele, reve a tara utugu usa'ani wa̱ Isuhu'u, a̱ tsupu yi pe a mpasa. 32A̱vu a tara utugu'u, a̱vu a̱ ta̱wa̱ na̱ a̱yi uba̱ta̱ wa dada le. A̱vu a damma, <<Apa ili i na tsu tsura̱i. Ka̱lyuwa̱ ve ene ko za mawun ma̱ wu ma ɗa.>>
33U reve ta̱ utugu'u, ɗaɗa u dammai, <<Utugu u mawun ma̱ va̱ ma ɗa. Nama vu una gbain na ɗa tama niyi! Amayun a ɗa a kakarai Isuhu'u.>>
34A̱vu Yakubu kakara a̱tugu a̱ yi. A̱vu wo oto akashi e itana, a̱vu u yuwan nden ma̱ a̱tsumola̱ngu u mawun ma̱ yi rana na̱ a̱bunda̱. 35Muwun ma̱ yi olobo ne esheli suru a̱ ta̱wa̱ ta̱ a ca yi ta̱ adanshi, agba a gura yi shi. A̱vu u damma, <<O'o, n ta̱ da̱na̱ na̱ a̱tsumola̱ngu, she na̱ n cipa̱ a̱ 'ya̱wa̱ uba̱ta̱ wa̱ a̱kwa̱kwa̱, uba̱ta̱ u mawun ma̱ va̱.>> Ne ɗa u lyuwai elime na̱ nden ma̱ a̱tsumola̱ngu a̱ Isuhu.
36A mantsa'a gba, ama a Midiya'a a wina ta̱ ɗe Isuhu e iɗa ya Masar a̱ tyo ya Fotifa vuma va Masar vuma ta̱ a̱tsuma̱ a azagbain a Firi'awuna, yali za na da̱na̱i zagbain va aza a na a̱ da̱na̱i e ipiri o u'wa u mogono Firi'awuna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)