Ufaru 35
35
A̱sula̱ a zuwaa ta̱ Yakubu aba'un a Betel
1Reve A̱sula̱ a damma Yakubu, <<'Yon vu ka̱ra̱ a̱ tyo Betel vu da̱nu ɗe. Vu suwaa ɗe A̱sula̱ a na o roco nuwu aciya̱yi masa'a a mantsa ma na vu sumai adama a Isuwa zakpara va̱ wu.>> 2Ɗaɗa Yakubu dammai ama o u'wa a̱ yi na aza a na a̱ ri oɓolo na̱ a̱yi suru, <<Koyan ɗa oco musula̱ mo omocin a na i ri ne ele, yo o'wo cece yo oto itana i cece. 3Tsu 'yoyin a̱ tyo Betel, uba̱ta̱ u na maa suwaa A̱sula̱ a na a̱ usuyi avasa a̱ va̱ a mantsa ma̱ a̱tsuma̱lima̱ a̱ va̱ masa'a, za na waru shi oɓolo na̱ a̱mu uba̱ta̱ u na n 'ya̱wa̱i suru.>> 4Reve suru nle a ca Yakubu musula̱ mo omocin n na a̱ ri ne ele na̱ nla̱ngu ma atsuvu n le suru. Reve u ciɗo le e ikyun yu uɗanga u gbain u na u ri zuzu na̱ Shekem. 5Reve a reme mmalu, ɗaɗa A̱sula̱ a zuwa ama e ilyuci i na i ri uba̱ta̱'a̱ suru a uwwa wovon lon. Ko za yuwan majiyan ma na waa yuwan uvon na̱ Yakubu na̱ muwun ma̱ yi shi.
6Reve a rawa Luz, (uba̱ta̱ u na waru a̱ tsu ɗe Betel) e iɗa ya Ka'ana. 7Lo ɗa Yakubu suwai masa'a reve u ɗe yi El Betel, #35:7 Urevu we El Betel a̱yi ɗa A̱sula̱ e Betel. adama a na lo ɗa A̱sula̱ o roco niyi aciya̱yi a mantsa ma na u sumai adama a Isuwa.
8Lo ɗa Debora makuci ma na ma kungwatoi Rikatu ma̱ kuwa̱i. Reve a̱ ciɗo yi e ikyun yu uɗanga wo oku uyagi wa Betel. Adama o ndolo a ɗa a̱ tsu ɗe uɗanga'a Oku Mesun. 9Ana Yakubu lyawai Fada Aram u ka̱mba̱ ta̱ Ka'ana, a̱vu A̱sula̱ o rocowiso aciya̱yi ya Yakubu, reve u zuwaa yi aba'un. 10A̱vu A̱sula̱ a damma yi, <<Aala a̱ wu a ɗa Yakubu, amma a buwa e ɗe wu ne shi, Isra'ila a ɗa a̱a̱ da̱na̱ e ɗesu wu diga gogo.>> Ne ɗa u zuwaa niyi aala Isra'ila.
11A̱vu A̱sula̱ a damma yi, <<A̱mu ɗa Mogono me Ili Suru, vu matsan vu yuwan a̱bunda̱ lon. Iɗa no oɓolo e iɗa a̱ to uta̱ ya̱'a̱ wu, waru ngono o ugundo wa̱ wu. 12N ta ca wu iɗa i na n cayi Ibrahim na̱ Ishiyaku, waru n ta ca ugundo wa̱ wu wa̱ a̱ca̱pa̱ a̱ wu iɗa'a.>> 13Reve A̱sula̱ a̱ ka̱ra̱ zuva u lyawa yi uba̱ta̱ u na u yuwain adanshi na̱ a̱yi.
14Reve Yakubu shuwa̱ aatali o ucuwusan lo uba̱ta̱ u na A̱sula̱ a yuwain adanshi na a̱yi. Reve u tsuwa̱a̱n yi masayan na̱ mani'i n ma̱ zetun wo o'wo u ca ta̱ A̱sula̱. 15A̱vu Yakubu zuwaa uba̱ta̱ u na A̱sula̱ a yuwain adanshi na̱ a̱yi'i aala Betel.
Ukwa̱ wa Rahila na̱ Ishiyaku
16Yakubu na ama o u'wa a̱ yi a lyawa ta̱ Betel, reve a saɓa a̱ tyo Efarata. Ele ubuwu alanga na̱ Efarata reve Rahila da̱nu limatan. U sowo ta̱ gba a̱tsuma̱lima̱ lon. 17Ana a̱tsuma̱lima̱ a̱ mɓa̱la̱ a suɗuwa niyi lon, reve ka ma̱guza̱ ma limatan ma damma yi, <<She vu uwwa wovon wan, vu tsurisa̱ ta̱ ulobo.>> 18A̱yi a zama u kuwa̱ reve u ca mawu'un aala Banoni,#35:18 Na̱ Tsuyahuda urevu wa̱ yi u ɗa, <<mawun ma̱ a̱tsuma̱lima̱.>> amma dada va̱ yi ca yi ta̱ Banyami,#35:18 Adansa <<mawun mo ukere usa'ani.>>
19Reve Rahila kuwa̱ a̱vu a̱ ciɗo yi o ure a̱ tyo Efarata (za na waru a̱ tsu ɗe Batalami.) 20Reve Yakubu shuwa̱ aatali o ucuwusan a aason a Rahila. Aatali'i a̱ ta̱ lo hali na ana'an. 21Reve Isra'ila lyuwa elime na̱ mmalu. Reve u shuwa̱ oogodo a̱ yi mavada ma atsura a Eda.
Muwun ma Isra'ila
22Isra'ila nden e iɗa'a, reve Roben von na̱ Biliha ka vu nge'en va dada va̱ yi. A̱vu Isra'ila uwwa ili i na i farai. Yakubu tsura̱ ta̱ muwun kupa ne ejere.
23Muwun ma Liyatu ele ɗa Roben, mawun mo ufaru ma Yakubu na̱ Saminu na̱ Levi na̱ Yahuza na̱ Isaka na̱ Zebulun. 24Muwun ma Rahila ele ɗa Isuhu na̱ Banyami. 25Muwun ma Biliha, mawun ma aasula ma Rahila ele ɗa Dan na Nafutali. 26Muwun ma Zelfa, mawun ma aasula ma Liyatu ele ɗa Gadu na̱ Asha. Ele nda ele ɗa muwun mo olobo ma Yakubu n na a matsaan niyi a Fada Aram.
27Yakubu 'ya̱wa̱ ta̱ ya Ishiyaku dada va̱ yi a Mamure, zuzu na̱ Kiriyat Arba (a̱yi ɗa Heburon), uba̱ta̱ u na Ibrahim na̱ Ishiyaku da̱nuyi nu ufaru. 28Ishiyaku yuwan ta̱ a'wan ukpaku na̱ kupakunla̱ (180). 29Reve u kuwa̱ cina u kutsa na a'wan a̱ a̱bunda̱, u cina nkaya o ukwisa̱. A̱vu olobo a̱ yi Isuwa na̱ Yakubu ciɗo yi.
Currently Selected:
Ufaru 35: TSW
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Ufaru 35
35
A̱sula̱ a zuwaa ta̱ Yakubu aba'un a Betel
1Reve A̱sula̱ a damma Yakubu, <<'Yon vu ka̱ra̱ a̱ tyo Betel vu da̱nu ɗe. Vu suwaa ɗe A̱sula̱ a na o roco nuwu aciya̱yi masa'a a mantsa ma na vu sumai adama a Isuwa zakpara va̱ wu.>> 2Ɗaɗa Yakubu dammai ama o u'wa a̱ yi na aza a na a̱ ri oɓolo na̱ a̱yi suru, <<Koyan ɗa oco musula̱ mo omocin a na i ri ne ele, yo o'wo cece yo oto itana i cece. 3Tsu 'yoyin a̱ tyo Betel, uba̱ta̱ u na maa suwaa A̱sula̱ a na a̱ usuyi avasa a̱ va̱ a mantsa ma̱ a̱tsuma̱lima̱ a̱ va̱ masa'a, za na waru shi oɓolo na̱ a̱mu uba̱ta̱ u na n 'ya̱wa̱i suru.>> 4Reve suru nle a ca Yakubu musula̱ mo omocin n na a̱ ri ne ele na̱ nla̱ngu ma atsuvu n le suru. Reve u ciɗo le e ikyun yu uɗanga u gbain u na u ri zuzu na̱ Shekem. 5Reve a reme mmalu, ɗaɗa A̱sula̱ a zuwa ama e ilyuci i na i ri uba̱ta̱'a̱ suru a uwwa wovon lon. Ko za yuwan majiyan ma na waa yuwan uvon na̱ Yakubu na̱ muwun ma̱ yi shi.
6Reve a rawa Luz, (uba̱ta̱ u na waru a̱ tsu ɗe Betel) e iɗa ya Ka'ana. 7Lo ɗa Yakubu suwai masa'a reve u ɗe yi El Betel, #35:7 Urevu we El Betel a̱yi ɗa A̱sula̱ e Betel. adama a na lo ɗa A̱sula̱ o roco niyi aciya̱yi a mantsa ma na u sumai adama a Isuwa.
8Lo ɗa Debora makuci ma na ma kungwatoi Rikatu ma̱ kuwa̱i. Reve a̱ ciɗo yi e ikyun yu uɗanga wo oku uyagi wa Betel. Adama o ndolo a ɗa a̱ tsu ɗe uɗanga'a Oku Mesun. 9Ana Yakubu lyawai Fada Aram u ka̱mba̱ ta̱ Ka'ana, a̱vu A̱sula̱ o rocowiso aciya̱yi ya Yakubu, reve u zuwaa yi aba'un. 10A̱vu A̱sula̱ a damma yi, <<Aala a̱ wu a ɗa Yakubu, amma a buwa e ɗe wu ne shi, Isra'ila a ɗa a̱a̱ da̱na̱ e ɗesu wu diga gogo.>> Ne ɗa u zuwaa niyi aala Isra'ila.
11A̱vu A̱sula̱ a damma yi, <<A̱mu ɗa Mogono me Ili Suru, vu matsan vu yuwan a̱bunda̱ lon. Iɗa no oɓolo e iɗa a̱ to uta̱ ya̱'a̱ wu, waru ngono o ugundo wa̱ wu. 12N ta ca wu iɗa i na n cayi Ibrahim na̱ Ishiyaku, waru n ta ca ugundo wa̱ wu wa̱ a̱ca̱pa̱ a̱ wu iɗa'a.>> 13Reve A̱sula̱ a̱ ka̱ra̱ zuva u lyawa yi uba̱ta̱ u na u yuwain adanshi na̱ a̱yi.
14Reve Yakubu shuwa̱ aatali o ucuwusan lo uba̱ta̱ u na A̱sula̱ a yuwain adanshi na a̱yi. Reve u tsuwa̱a̱n yi masayan na̱ mani'i n ma̱ zetun wo o'wo u ca ta̱ A̱sula̱. 15A̱vu Yakubu zuwaa uba̱ta̱ u na A̱sula̱ a yuwain adanshi na̱ a̱yi'i aala Betel.
Ukwa̱ wa Rahila na̱ Ishiyaku
16Yakubu na ama o u'wa a̱ yi a lyawa ta̱ Betel, reve a saɓa a̱ tyo Efarata. Ele ubuwu alanga na̱ Efarata reve Rahila da̱nu limatan. U sowo ta̱ gba a̱tsuma̱lima̱ lon. 17Ana a̱tsuma̱lima̱ a̱ mɓa̱la̱ a suɗuwa niyi lon, reve ka ma̱guza̱ ma limatan ma damma yi, <<She vu uwwa wovon wan, vu tsurisa̱ ta̱ ulobo.>> 18A̱yi a zama u kuwa̱ reve u ca mawu'un aala Banoni,#35:18 Na̱ Tsuyahuda urevu wa̱ yi u ɗa, <<mawun ma̱ a̱tsuma̱lima̱.>> amma dada va̱ yi ca yi ta̱ Banyami,#35:18 Adansa <<mawun mo ukere usa'ani.>>
19Reve Rahila kuwa̱ a̱vu a̱ ciɗo yi o ure a̱ tyo Efarata (za na waru a̱ tsu ɗe Batalami.) 20Reve Yakubu shuwa̱ aatali o ucuwusan a aason a Rahila. Aatali'i a̱ ta̱ lo hali na ana'an. 21Reve Isra'ila lyuwa elime na̱ mmalu. Reve u shuwa̱ oogodo a̱ yi mavada ma atsura a Eda.
Muwun ma Isra'ila
22Isra'ila nden e iɗa'a, reve Roben von na̱ Biliha ka vu nge'en va dada va̱ yi. A̱vu Isra'ila uwwa ili i na i farai. Yakubu tsura̱ ta̱ muwun kupa ne ejere.
23Muwun ma Liyatu ele ɗa Roben, mawun mo ufaru ma Yakubu na̱ Saminu na̱ Levi na̱ Yahuza na̱ Isaka na̱ Zebulun. 24Muwun ma Rahila ele ɗa Isuhu na̱ Banyami. 25Muwun ma Biliha, mawun ma aasula ma Rahila ele ɗa Dan na Nafutali. 26Muwun ma Zelfa, mawun ma aasula ma Liyatu ele ɗa Gadu na̱ Asha. Ele nda ele ɗa muwun mo olobo ma Yakubu n na a matsaan niyi a Fada Aram.
27Yakubu 'ya̱wa̱ ta̱ ya Ishiyaku dada va̱ yi a Mamure, zuzu na̱ Kiriyat Arba (a̱yi ɗa Heburon), uba̱ta̱ u na Ibrahim na̱ Ishiyaku da̱nuyi nu ufaru. 28Ishiyaku yuwan ta̱ a'wan ukpaku na̱ kupakunla̱ (180). 29Reve u kuwa̱ cina u kutsa na a'wan a̱ a̱bunda̱, u cina nkaya o ukwisa̱. A̱vu olobo a̱ yi Isuwa na̱ Yakubu ciɗo yi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)