Lawana Nani 71
71
LAWANA 71 (70)
Almuk kum pura sunra
1Dawan, man ra kaini kahbaika plikisni;
¡aikrika swiri takamnara!
2¡Man pri ai sâks, bara swaki ai sâks,
kan man sika kasakkira sma ba!
Puri sunra na wali bara swaki ai sâks.
3Man ba, yang kaini kahbaika walpaya ba,
¡man lika yang yukuwaiki watla bas,
bara swaki sakan lâka ba sin!
¡Man sika, yang wailpaya bara yukuwaiki watla sma ba!
4Gâdki upla watawikira nani mihta wina dakbi ai sâks;
upla âikra nani ba mihta wina,
bara upla ra tataibra ba wina sin.
5Dawan, man sika yang wahma katna
ba wina bîla kaikanka bara pât âpu ai brisma ba.
6Ban sin kau yang yaptiki biara ra katna ba wina,
man ra tâi baiki kapri.
¡Man bui sika aikram aisubi takaia!
¡Bamna yang bui man ra piua sut mai mamyuni kamna!
7Yang na upla sut nakra ra aihka katna,
ban sakuna, man ba yang yukuwaiki sma.
8Yu aiska uni nani ba
man pramna mayunanka nani ba banhki brisa;
9ai lulki ai swipara yang almuk takamnara;
ai lulki ai swipara karniki âpu takbia ba ra.
10Yang waihli nani ba, upla wala nani aikuki pâna
taki, nahki ai ikaia sapa aisi banhwisa.
11Witin nani wisa: “¡Bliki alki banhs,
Gâd bui witin ba lulki swin,
upla kumi sin swaki sâkbia apia!”
12Gâdki, yang wina laihura wapara,
¡pat bal, hilp ai muns!
13Baku mika ai swira taki sut lap tiwbia
rayakira waihla kaiki nani ba.
Yarka upla bui lawaska kikbia
pâtki wahwanki na mana.
14Sakuna yang lika piua sut bîlam kaiki kamni,
bara yang kau ban mamyuni kamni;
15yu aiska aisi kamna
yang uni nani wal, man sika swaki wan sakram, bara
kasakka lâka ba kat daukram yawan wal.
Âu, ¡ban baha tânka sut yang briras sna sakuna!
16Upla nani ra aisamni,
Dawan, man lika diara tara daukram ba;
¡sturkam ba wimni, man baman kasak sma!
17Dawanki,
wahma katna ba wina ai smalkram,
bara ban kau aisisni, man warkkam tara daukram ba.
18Dawanki, ai lulki ai swipara,
ban almuk kra, tâiwa pihni kabia kra,
kuna ban aisi kamna, man karnikam tara ba dukiara
naha kiamka nani ra, bara aula nani ba ra sin.
19Man, Dawan, kasakkam lâka ba
kasbrika purara ba kat wan,
man bui diara tara nani daukram ba;
¡baha upla kum sin, man daukram baku daukras!
20Pât saura manis,
bara sari lâka nani aikram wauhri sakuna,
kli raya iwi kaia aikisma,
bara tasba munhta pali ba wina ai bukuma,
21tara ai kulki ban kama
bara kli tawi maisi nihkma.
22Yang bui lika, man ra lawana aiwani
mamyunamni lâmka tânka kat;
man ra arp, drum kangbi mamyunamni.
Gâdki, Israel ra holikira sma ba.
23Yang uni nani ba man ra lilia takbia,
bara baku sin yang rayaki aiska ba lilia kabia,
man swaki ai sakram bamna.
24Baku sin yang twisi ba aisi wibia,
aima bani ra man ba kasak sma,
bamna nanara baha uplika nani,
trabil ai munaia pliki kata ba lika
ai swira takan kabia.
Currently Selected:
Lawana Nani 71: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
