Lawana Nani 118
118
LAWANA 118 (117)
Dawan karnika ba tara pali sa
1Man nani bui Dawan ra tingki wis,
kan witin ba yamni sa bamna;
kan witin ai latwanka lâka ba
ban kaia ra ban sa bamna.#1 Kr 16.34; 2 Kr 5.13; 7.3; Esd 3.11; Law 100.5; 106.1; 107.1; 136.1-26; Jir 33.11.
2Israel luhpia nani aisabia:
“Dawan latwanka lâka ba ban kaia ra ban sa.”
3Prîs nani ba aisabia:
“Dawan latwanka lâka ba ban kaia ra ban sa.”
4Dawan ra kulki nani ba aisabia:
“Dawan latwanka lâka ba ban kaia ra ban sa.”
5Yang bui Dawan ra winri, trabil pali ra katna ba ra;
witin bui yang ra walan bara ai dakbi ai sakan.
6Dawan ba yang wal sa;
bahamna yang si brimna apia.
¿Upla ba dîa yang ra ai munbia sa?#Law 56.4,11; Hib 13.6.
7Dawan ba yang wal sa;
witin bui yang ra hilp ai munisa.
¡Bahamna yang kaikan ai daukisa,
misbara ai kaiki nani ra sauhki tikbia!
8Kanra yamni sa, Dawan ra man kasak lukaia,
upla ra kasak lukaia ba watlika ra.
9Kanra yamni sa Dawan kat man kasak lukaia,
upla tara nani ra, lukaia ba wal.
10Nisan nani sut ba kir ai brisa,
sakuna Dawan nina ra, yang baha nani sut sauhki tikamni.
11Witin nani tani bani wina kutbi ai brin, âu, kutbi ai brin;
sakuna yang bui Dawan nina ra baha nani sut sauhki tikamni.
12Witin nani ai kutbi ai brin ulu nani baku,
sakuna witin ai lawanka ba,
kiaya pata ami daswi ba baku daswan;
¡Dawan nina ra yang, witin nani ba sauhki tikamni!
13Yang ai batakaia wisi,
karna ai platukbram
sakuna Dawan bal yang ra hilp ai munan.
14Yang bui Dawan ra lawana aiwanisni, yang ra karnika aikbia.
¡Witin sika yang Sasakriki!#Imp St 15.2; Ais 12.2.
15Upla kasakkira nani watla ra
lilia man aiwanisa pura luan lawana:
“¡Dawan karnika ba mita pura luan lâka ba alkan sa!
16Dawan karnika ba mayunan sa;
¡Dawan karnika ba mita
pura luan lâka ba alkan sa!”
17¡Baha mita pruamna apia, sakuna ban raya kamna
Dawan dîa daukan ba upla ra wiaia!
18Dawan kasak karna ai wipan,
sakuna witin ai ikras kan.
19¡Tempel durka nani ba sâks,
yang bahara dimi bara Dawan ra tingki wimna!
20Naha sika Dawan durka ba,
baha bâk sika upla kasak nani ba dimbia.#Law 15; 24.3-6.
21Dawan, yang bui man ra tingki mai wisni,
kan man bui yang ra aisaram bamna,
kan man sika yang sasakriki sma ba.
22Walpa utla mâmakra nani bui lulki swin ba,
baha pali sika wihtka pali takan ba.#Lk 20.17; Ap St 4.11; 1 Pi 2.7.
23Naha na Dawan wina kata;
bara yang nani diara aihka kaiki banhri.#Mt 21.42; Mk 12.10-11.
24Naha yua sika Dawan daukan ba;
bahara yawan âuyapah, lilia sin kabia.
25¡Pliskam pali, Dawan, swaki wan sâks!
¡Pliskam pali, Dawan, yang nani daukisna ba yamni man kabia!
26¡Yamni pali sa witinka,
Dawan nina mâki brih aula ba!#Mt 21.9; 23.39; Mk 11.9; Lk 13.35; 19.38; Jn 12.13.
Yamni mai munisni,
Dawan tempelka watla ba wina.
27¡Dawan ba Gâd sa, witin yawan ra ingni wankisa!
Lilia nani ba dauks, dus wahia nani ba bris
altar aringka nani ba ra wapi taws.
28Tingki mai wisni man tara sma ba dukiara,
kan man sika yang Gâdki sma ba.
29Man nani sut, Dawan ra tingki wis,
witin yamni sa bamna,
kan witin ai latwanka lâka ba ban kaia ra ban sa.
Currently Selected:
Lawana Nani 118: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
