Lawana Nani 116
116
LAWANA 116 (114-115)
Tingki wiaia pura sunra
1Dawan ra latwan kaikisni,
kan witin diara wali bamna;
makabisna ba sut witin walisa.
2Kan witin bui yang ra ai walan bamna,
yang raya sna yua nani sut ra,
¡witin ra nina mâki wini kamni!
3Prura kiwka nani ba, kutbi kir ai brin,#Law 18.5-6.
prura pâtka nani sin ai alkan,
prura pâtka sibrin bara wîni latwanka ai alkan.
4Bara yang bui Dawan nina mâki witin ra winri,
bara yang bui witin ra makabri rayaki ba swaki sâkbia.
5Dawan lika kasak kupia yamnikira sa;
wan Gâdka upla ra latwan kaikisa.
6Dawan bui upla umpira nani ra aihwaki kaikisa.
Yang karnika âpu katna bara witin swaki ai sakan.
7Âu, nanara sip sni kli pain daira walaia,
kan Dawan ba yang ra pain sa bamna,
8kan witin bui yang rayaki ba prura wina ai dakbi sakan bamna,
ini kauhaia katna ba wina ai dakbi ai sakan.
9Yang Dawan bîla wali dauki kamni
naha tasba aiska ra upla raya iwi ba tilara.
10Yang kasak luki kapri,#2 Ko 4.13.
dîa sât sarki ba tara sa wisi aisi kapri sakuna.
11Yang kupi takaskras aisi wîri:
“Upla sut kunin man aisisa.”
12¿Nahki yang Dawan ra aibapi takamna,
witin bui yang ra yamni ai munan bamna?
13¡Swaki sakan lâka kapka ba bukamni#Imp St 29.40.
bara Dawan nina mâki witin ra winamni!
14Dawan ra pramiski aiska ba daukamni,
ai uplika nani ba mawanra.
15Dawan mapara karna pali sa kaikaia
witin ra latwan kaiki uplika nani pruanka ba.
16¡Man Dawan, yang na man albikam sni!
¡Yang lika man nampakan mairin luhpia waitna sni!
Man kiwa nani ai wilkan ba wina ai lanhki ai sakram.
17Man ra tingki mai wiaia
sakripaiska dauki maikamni,
bara Dawan ninam mâki winamni.
18Pramiski nani aiska Dawan ra daukamni
ai uplika nani ba sut mawanra,
19Dawan wal aisaia watla nani ba
¡man lilapas ra, Jerusalem!
¡Dawan ba mayunan kabia!
Currently Selected:
Lawana Nani 116: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
