Lawana Nani 115
115
LAWANA 115 (113b)
Wan Dawan ba kasbrika purara sa
1Dawan, maiyunpara,
mayunra ba man bris,
yang nani ra lika apia
mayunra ba man bris,
¡man latwankam lâka ba mita
bara man kasakkam lâka tânka ba wal!
2¿Dîa kan idan nani makabi walisa,
anira sa wan Gâdka ba?
3Yawan wan Gâdka ba kasbrika purara sa;
witin mita ai brinka ba kat daukan.
4Idan nani aidulka ba,
gul bara silbar nani sa
upla bui diara kum ai mihta nani ni paskan ba:
5baha nani bîla brisa,
kuna sip aisaras;
nakra nani brisa,
kuna sip kaikras;
6kiama nani brisa,
kuna sip walras;
kakma brisa,
kuna sip kiawalras;
7mihta nani brisa,
kuna diara ra sip alkras;
mina nani brisa,
kuna sip wapras;
witin nani kârma bâk sin pusbi pan aisaras.
8Ya bahmuna aidulka nani dauki ba,
baha nani wal baku sa,
ya witin nani ra kasak lukbia ba sin.#Law 135.15-18; Ais 44.9-20; Jir 10.1-16; Par M 9.20; Si L 13.10—14.31; Bar 6.3-72.
9Israel luhpia nani, ¡Dawan ra kasak luks!
Witin sika hilp wan munisa,
bara wan kan kahbisa sin.
10Prîs nani Dawan kat kasak luki bas:
witin sika hilp wan munisa,
bara wan kan kahbisa.
11Man nani bui Dawan ra kulkisma ba,
¡witin kat kasak luki bas!
Witin sika wan hilpka, wan kan kahbaika sin.
12Dawan yawan ra ai kupia kraukisa
bara witin yamni wan munbia;
Israel luhpia nani ra yamni munamni,
yamni sin munamni prîs nani ra.
13Dawan ra sibrin luki uplika nani ra
yamni munamni,
sirpi nani ra bara tara nani ra sin.#Par M 11.18; 19.5.
14¡Dawan kau ailal mai saki kabia,
kiamkam nani ra,
man nani ra bara luhpiam nani ra sin!
15¡Dawan kasbrika purara bâra ba, tasba sin Papaskra ba,
man nani ra ai yamnika ba maikbia!
16Kasbrika pura ba, Dawan dukia sa;
bara tasbaya ba upla ra yaban.
17Pruan nani apia sika,
Dawan ra mayuni banhwisa,
baha nani sut sin apia, laih mâyara iwi sâp takan ba.
18Sakuna yang nani lika, witin ra mayunamni
nanara bara ban kaia ra.
¡Dawan nina ba mayuns!
Currently Selected:
Lawana Nani 115: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
