Lawana Nani 113
113
LAWANA 113 (112)
Dawan kupia yamnika ba mayunisa
1¡Dawan ba mayunan kabia!
¡Dawan napakanka nani, ai nina ba mayuns!
2Nanara Dawan nina ba
yamni pali wiaia sa ban kaia ra.
3Lalma wina muna kat
Dawan nina ba mayunan kabia.
4Dawan ba nisan nani sut purkara sa,
witin prana ingnika ba kasbrika nani ba purkara sa.
5Yawan wan Dawanka ba wal sip prakras,
witin king aimakisa laih pura pali ra;
6bara baku sin mâyara bawisa,
baha wina kasbrika purara ba,
tasba ba sin kaikbia.
7Witin lika upla umpira nani ra tasba wina bukisa,
bara diara luha uplika ba mâya wina bukisa.
8Bara baku witin ra yabisa upla tara nani wal iwaia,
ai uplika tara ba wihtka tara nani wal iwaia sin.
9Biarapara mairka ra yabisa
utla kum brih iwaia,
ai luhpia nani baiki yapti liliakira baku kaia.#1 Sa 2.2-8; Lk 1.48-53.
¡Dawan nina ba mayunan kabia!
Currently Selected:
Lawana Nani 113: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
