Lawana Nani 112
112
LAWANA 112 (111)
Upla kasakkira liliaka ba
1¡Dawan ba mayunan kabia!
Yamni pali sa baha waitnika,
Dawan kulki nani ba,
bara ai lâka bîla kat wali dauki ba.#Law 1.1-2.
2Upla Dawan ra kulki kiamka nani ba
yamni munan kabia bara tasba ra karnika bribia.
3Ai watla ra diara manis yuyaka sin bribia,
ai kasakka lâka ba sin ban kaia ra bâra kabia.
4Ingni kum tihmia ra ingwi ba baku sa;
ingwisa upla kulkanka bri nani purara;
Kupia swapni sa, latwan ba ra kasak sa.
5Upla diara yamni dauki ba
ai kupia kumi lin munisa,
ai bisniska ba pain impakisa,
6baha mita witin tanis kauhbia apia.
¡Upla kasakkira ba ban ai kupia krauki kabia!
7Sturi saura walbia bara sibrin lukbia apia;
ai kupia dutki bapi Dawan ra luki tniwisa.
8Ai kupia ba ban bapi buisa;
sibrin daukras,
bara ai waihla nani sin
ai lawaska kiki kabia kra ban kaikisa.
9Umpira nani tilara diara yuisa
ai kasak lâka ba ban sa,#2 Ko 9.9.
ai lal buki ai kulkanka lâka ba wal.
10Upla watawikira nani,
baha kaiki ai kupia sauhkisa;
witin ai karnika âpu ba mita ai napa ba arkbisa.
Watawikira nani brin dauki ba, bahki ra tawbia.
Currently Selected:
Lawana Nani 112: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
