Oseas 3
3
Oseas bara mairin ai maya lâka sasauhkra ba wal
1Dawan kli bal ai win:
“Man was bara mairin kum ra laik taks,
pâmnika mairka pali, bara ai maya nakra praprakra ba.
Dawan bui Israel luhpia nani ra baku latwan kaikisa.
Witin nani bui kakaira apia uplika nani gâdka ra wan sakuna,
bara dus mâ lupia nani, lâki muni britka yaban pîsa.”
2Bamna yang silbar mâ 15 bara
barli mâ batil 330 mana, mairin kum atki briri.
3Bara yang bui witin ra wîri: “Man yu ailal pali yang mayi kama;
ba mita rug taki taukpara, waitna wala wal sin prawpara,
bara yang sin man wal baku kasak kamna.”
4Kan Israel luhpia nani ba, piua wihka pali
king âpu, wihta sin briras kabia,
sakripais daukaia âpu, angkaika pliska nani sin âpu kabia;
prîs prâka nani âpu kabia, baha gâdka talika nani sin âpu kabia.
5Baha yua nani ningkara, Israel luhpia nani ba
kli tawi bal, ai Dawan Gâdka ra plikbia,
bara ai kingka Debit ra sin.
Baha piua nani aimaki lui kabia
ba ra, witin nani bui Dawan ra ai kupia krauki tara kulkbia,
diara nani yabi ba dukiara sin.
Currently Selected:
Oseas 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua