Oseas 2
2
1Bara man nani bui muihkam nani ra wima:
“Man nani, Dawan uplika nani”,
bara lamkra mairin nani ra lika:
“Dawan mita latwan kaikan nani”.
Israel luhpia nani Dawan lâka swin ba
2Dawan aisi wisa:
“¡Man nani yaptikam lâka aisi dauks, dahra sâks,
kan witin ba, yang mayi apia takan sa,
yang sin witin ai maya waitna apia sna!
¡Ur mairin lâka ba swibia
ai waitnika nani ba, ai lamkuka wina saki batakbia!#Isi 16.8-63.
3Witin baku daukras kabia kaka, susu dauki swimna:
witin aisubi takan ba yua ra, dîa luha kata ba baku,#Ais 47.1-3; Isi 16.37-39; Par M 17.16.
upla iwras tasbaya baku daukamna,
tasba lâwan baman kabia,
bara lî diran bla yarka prubia.
4Luhpia nani ra sin umpira kaikamna apia,
urkira luhpia nani takan bamna.
5Man yaptikam ba, rug lâka daukan;
ai kulkanka ba tikan naha aisin ba ra:
“Waitniki laitwankira nani ba pliki wamni,
witin nani wina plun, lî aikisa,
sîp taya kwalka, linin sin,
batana laya, diranki nani sin aikisa.”#Jir 2.23-25; 3.1-2; Os 4.12-14.
6“Baha mita ai yabalka ba, kiaya nani ni prakamni
bara kaina kir kutbamna,
bara ai yabalka nani ba pliki sâkbia apia.
7Ai waitnika latwankira nani nina blîkbia,
sakuna sip bliki alkbia apia;
plikbia, sakuna sip pliki sâkbia apia.
Bara witin aisabia:
‘Mayi almuk ra kli tawi wamni,
witin wal kapri, kau pain ai bri kan.’
8“Sakuna witin aisaras kan
yang wina plawar, wain, batana laya yabi kapri;
yang sika silbar, gul ailal yabi kapri ba,
witin baha brih, ai gâdka bahki nani lilka paski kan ba.
9Baha mita kli tawi balamni,
bara plawarki mâ bara wainki nani ba
dâkaia piua ra kli brimni,
sîpki taya kwalka, lininki kwalka sin
ai taya prakaia yabri ba, kli wahbi brimni.
10Ai waitnika latwankira nani kaiki kaka,
prâka daiki taya man swimna.
¡Upla kumi sin witin ba, mihti wina dakbi sâkbia apia!
11Ai liliaka dauki ba takaskamna,
lilia daukaia yua nani bri ba, kati raya ra,
ris yua nani bri ba,#Ris yua nani ba: baha sika ris yua nani ba.
bara lilia tara daukaia yua nani sut bri ba sin.#Ais 1.12-14; Em 5.21-23.
12Wainka nasla bara kwah damni dusa nani bri ba sut sauhki tikamna.
Baha nani dukiara sika aisisata ba:
‘Naha ni sika laitwankira nani maina aibapan ba.’
Nasla ba yarka inma man pâwbia,
bara daiwan wail nani man pibia.
13Piua luan ra, witin nani kîa yamni angki, gâd bahki nani ra yabi kan ba
mana klala yabaisna,
mihtadingka nani, lilura nani ni ai prana dauki,
ai waitnika latwankira nani nina bliki
kan, yang ra ai âuya ai tiki si.
Yang Dawan, baha kasak aisisna.
Dawan bui Israel ra latwan kaikisa
14“Yang bui witin ra laik takaisna:
twi langnika tasbaya ra bri si, ai kupia kat aisamna.
15Ningkara ai wainka nasla nani ba kli yabamna,
Acor#Hibru ra ulban ba, Acor baha tânka ba pât saura tara kum. ilka langnika ba#Jas 7.24-26.
witin mapara bîla kaiki kaia durka daukamna.
Bahara, witin tiara kan piua ra baku ai aisabia, sim Idsip wina takata baku.#Jir 2.2.
16Baha yua ra ‘Yang Baalki’ ai wiaia watlika ra,
man ‘Yang mayi ai wima.’
Yang Dawan, baha kasak aisisna.
17Baal#Hibru ra naha bîla Baal na lukanka sât sât brisa, lukanka kum ba sika maya waitna. Tânka wala ba idan nani gâdka kum nina sa, Israel luhpia nani tila kat baha ba sip mâkras sa. nina ba, un nani wina dikamni,
witin nani kli Baal nani nina mâki aisabia apia.
18“Baha yua ra, Israel dukiara yamni daukamni:
daiwan wail nani ba wal lâ kum daukamni,
tnawira, piuta nani aikuki;
pantamangka, sord, war aiklabaia dukia nani ba,
naha kuntrika wina sauhki âpu daukamni,
yang upliki nani ba, ai âuyapah ris bri kabia dukiara.
19Israel, yang mayi mai daukamna ban kaia ra,
bara man mayi aihwa pali kakma,
lâ tânka kat, kan latwan pali mai kaikisna bamna.
20Yang mayi mai brimna bara man wal kasak kamna,
bara yang lika man dawankam sna ba, ai kaikma.
21Yang Dawan, baha kasak aisisna:
Baha yua ra, yang kasbrika purara ba ra aisamna,
bara kasbrika pura ba mita tasba ra aisabia;
22bara tasba bui plawar mâ,
wain mâ ra bara batana laya ra aisabia;
bara witin nani tawi Jezreel ra#Hibru ra ulban ba Jezreel, baha tânka ba Gâd saumuk mangkisa. aisabia.
23Upliki nani ba, yang yakan upliki nani kaia tasba ra swimni.
Lo-ruhama ra latwan kaikamni,
Lo-amí ra#Aisi kaiks 1.6,9 ra ulban ba. wimni: ‘Man nani ba yang upliki nani sma’,#Sak 13.8-9; Ro 9.25; 1 Pi 2.10.
bara witin ai wibia: ‘¡Man ba yang Gâdki sma!’ ”
Currently Selected:
Oseas 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua