Abakuk 3
3
Abakuk pura sunra ba
1Naha sika prapit Abakuk ai pura sunanka ba.
2Dawan, diara tara nani daukram ba walri,
bara tara mai kulkisna, sibrin sin ai daukisa.
Bara warkkam nani dauki kapram ba
naha yua nani ra sin kli dauks,
yang nani sin warkkam ba kaikamna;
sakuna man lawanka nani tilara
ban umpira wan kaiki bas.
3Gâd Edom tasbaya ba wina taki aula,
Parán ilka nani wina Dawan holikira ba aula,
witin ai prana ingnika ba mita
kasbrika mawan ba banhwisa,
tasba aiska ba sin witin mayunra ni aibanhwan.
4Witin aula ingnika tara kir kutban tilara,
bara ai mihta bîla wina,
imyula baku ingnika nani ingwisa;
baha ni marikisa
dîa karnika nani witin bri ba.
5Siknis saura nani ba
witin ai kainara blikisa,
bara baha nani prura ba brih aula.
6Witin takaski bûi ba ra tasba ba nikwisa;
witin nisan nani ra tawi kaiki ba ra
tasba aiska ba sibrin tara wal tatatwisa;
il almuk tara nani ba kauhisa,
il nani unta tara ra blasi pali wina bâra kata ba,
baha nani sut sin âpu takisa;
sakuna Dawan yabalka ba lika
ban kaia ra ban kabia.
7Cusán uplika nani ba kaikri
umpira bara pât pali tilara iwisa,
Madián uplika nani sin
sibrin lâka mita taibi brisa.
8¿Dawan, man awala nani mapara
kupiam baiwan sa ki?
¿Kabu nani ba mapara
lawankam tara briram ki?
¿Bamna man pura luaia dukiara,
araskam karnakira nani ba waginka ra ulram ki?
9Pantamangka ra,
trisbaikam nani mangki aubi buki kahbi brisma.
Awala laya aubi ba mita ni
tasba lâwan ra tingni nani daukram.
10Il nani ba mai kaiki bara tatatwisa;
lî nani ba kasbrika wina laiwisa;
bara kabu tihuka tara ba ulbisa
ai ripka tara nani saki lulki ba ra.
11Trisbaikam bara langsikam wal ingnika ingwi ba,
imyula baku lipi ba ingnika karnika mita
kati bara wan yu ba sin,
ai yukuwaika ba wina sip bal takras sa.
12Man lawankam tilara
tasba aiska ra plapi taukisma,
kupiam baiwanka ra
nisan nani sut minam munhtara taibisma.
13Man tawankam ra hilp munaia taki waram,
bara king ba man mita wahbi sakram,
watawikira nani watla bahna ba sauhki tikram,
bara plamaya nani walpa karnakira ni paskan ba param sakram.
14Man trisbaikam nani ni,
witin nani ai wihtka tara ba ikram,
witin nani ai araska âiulra nani ba,
pâsa saura karna krawi ba baku,
yukuwan lâka ra bal takan,
upla nani ai kan kahbaika âpu nani ba mapara,
bara yukuwan lâka ra sauhki tikaia.
15Man araskam nani ba uli kabu aiska kir plapi tawisma,
bara lî tara ba ukata man takisa.
16Baha nani daukram sturka ba sut yang walri,
bara sibrin ai daukisa;
uni nani mahka tatatwan,
kuhmi dusa nani swapni takan
bara karniki sut tiwan.
Sakuna ban yang sâp iwi bîla kaiki kamna,
Gâd yawan wan waihla nani ra klala yabia ba kat,
wan tataibra suldiar daknika ra.
17Kwah damni dusa ba
ai mâ sakras kabia kra,
wain dusa nani ba, oliv dusa nani ba sin
ai mâ sakras kabia kra,
insla nani ba sin mâ sakras kabia kra,
sîp daknika nani ba sin sut
âpu takbia kra,
sîp watla nani ra
sîp âpu kra kabia sin,
18ban sakuna, baha sut purkara
lilia lâka ni aibanhwamna
yang Dawanki bara yang Sasakriki ba dukiara.#Law 25.5; 68.19-20; Lk 1.47.
19Kan Dawan wina yang karniki aikisa;
sula ai karnika brih plapi ba baku
witin mita kuhmi dusa nani ra karniki aikbia,#2 Sa 22.34; Law 18.33.
bara yang plapi il nani ra uli swak takamna.
Currently Selected:
Abakuk 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua