ရှာန်လုကာ 18
18
အခန်း (၁၈)
တရားသူကြီးယောက်မုဆိုးမဥပမာ
1စီးမှါခ့်ခါ ကိုယ်တော်ယေရှုကား ဟိန်တပယ့်တော်တာတ်တေ လာတ်အလျော့သောညယ် အမြဲတမ်း ဆုစိန်နင်းထှာကူ ငှေါဘင်းနာတေ ဥပမာစာနူယောက် မိန့်သမှာ။ 2ကိုယ်တော်ကား “မြို့တစ်မြို့ဘေ ဘုရားရှာန်ဒေအစာတ်၊ သမီဆတာတ်တေဒေရီးဒါး အလေးစားသဘင်း တရားသူကြီးဟော်ဝါငှါမှာ။ 3အန်ဘင်းမြို့ဘေငှါဘင်း မုဆိုးမဟော်ဝါကား တရားသူကြီးပါ ပလန်းပလန်းလာန်ဘန်း ‘ငါယောက် ငါဘင်းရန်သူကြားဟက် ငြာမ်းသနင်းဘင်းနာတေ တရားမျှတသကွန်း ဆုံးဖြတ်သအီယုတ်’ ညယ် ငှေါမှာ။
4အတော်တန်မှါခ့်ကွန်းထုတ် တရားသူကြီးကား မုဆိုးမငှေါဘင်းနာတေ ဂရုအစိုက်သညယ်နင်းရီမှာ။ အန်နိမ်စါန်းငှေါဒီ နောက်ဆုံးဘေ ဟိန်ကား ‘ငါကား ဘုရားရှာန်ဒေရီးဒါးအစာတ်၊ သမီဆတာတ်တေရီးဒါး အလေးစားသဝါး။ 5အန်နိမ်စါန်းငှေါဒီ အဘင်းမုဆိုးမကား ငါတေ ပလန်းပလန်း နောက်ယှက်သနင်းဘင်းအတွာတ် ဟိန်နင်း တရားမျှတသကွန်း ငါစီရာန်သအီထှာကူ။ အန်နိမ်မားဆာ ဟိန်ကား ငါပါပလန်းပလန်းဒီဘန်း နှောက်ယှက်သနင်းဘင်းတေ ရပ်တာန်ကလားထှာမှာ’ ညယ် ဟိန်ကောက်ဟိန်ငှေါနင်းမှာ” ညယ် မိန့်တော်မူသမှာ။
6စီးမှါခ့်ခါ အရှာန်ကား “အန်ဘင်း အမဲဘင်းတရားသူကြီး ငှေါနင်းဘင်းနာတေ ဟနိမ် စဉ်းစားသကြီး။ 7အန်နိမ် အမဲဘင်းတရားသူကြီးစဲ ဟော်ဝါဟော်ဝါတေ ကူညီသအီဘန်းကား ဘုရားရှာန်ရီးဒါး ဟိန်ဘေ ပလန်းပလန်းလျှောက်သဘင်း ဟိန်မယ်ဘန်းပဲဘင်းဆိတ်တာတ်အတွာတ် တရားမျှတသဘင်းတေ အဟုတ်မလပ် လာအီရီကလားထှာမှာ။ ဘုရားရှာန်ကား အန်တာတ်တေ ကူညီသအီဒင် မှါခ့်ပန်းနင်းကလားအချီရား။ 8ဟနိမ်တေ ငါငှေါကူ။ ဘုရားရှာန်ကား အန်တာတ်အတွာတ် တရားမျှတသဘင်းတေ ကစက်စဖော့ စီရာန်သအီကူ။ အန်နိမ်စါန်းငှေါဒီ အဘင်းကမ္ဘာစောက်ပေ သမီဆာဆားတော်ပြန်သဘန်း ကြွဒီဟာန်းမှါခ့်ခါ ဟိန်ဒေ ယုံကြည်သဘင်းဆိတ် ဟော်ဝါဟော်ဝါဆတေစဲ ကတုံန်လူကလည်း” ညယ် မိန့်တော်မူသမှာ။
ဖာရိရှဲယောက်အခွန်ကွန်ဘင်းဆိတ်ဥပမာ
9စီးမှါခ့်ခါ ကိုယ်တော်ကား ကိုယ်ကောက်ကိုယ်ကာ ဖြောင့်မတ်သမှာညယ် ထာန်သနင်းဘန်း သမီတေဒေ အထာန်စစ်ဟာဘင်း ဆိတ်တာတ်တေဒေ ဥပမာစားနူယောက် မိန့်သမှာ။ 10ကိုယ်တော်ကား “ပန်းနူမှါခ့်ခါ ဖာရိရှဲဟော်ဝါယောက် အခွန်ကွန်ဘင်းဆိတ်ဟော်ဝါတာတ်ကား ဘုရားဝိုင်သဘန်း ဆုစိန်တင်အတွာတ် ဗိမာန်တော်ပါလာန်မှာ။ 11ဖာရိရှဲကား စပ်ပန်း ဟိန်ကောက်ဟိန် ‘အို ဘုရားရှာန်၊ ငါကား သမီနိမ် လောဖားတုံန်းဘင်းဆိတ်၊ အရိုးသားသဘင်းဆိတ်၊ အိမ်ထောင်ရေး ဖောက်ပြန်သဘင်းဆိတ်ရီး အချီနိမ် အန်းဘင်းဘေငှါဘင်း အခွန်ကွန်ဘင်းဆိတ်နိမ်ရီးဒါး အချီဘင်းအတွာတ် ဘုရားရှာန်ဒေ ကျေးဇူးတာန်သမှာ။ 12ငါကား စစ်ရာတ်ပေ ကလိန်းရာတ်ကား ဟမာန်ကစဲအယုတ်ညယ် ဥပုသ်စောင့်သဘင်းတေ ဆုစိန်ဘင်းတေ အွန်ဘန်း ငါလူဘင်း ဖူးတေဟက် ရှစ်နူပုံဘန်း ပုံငှါဒေရီးဒါး ဗိမာန်တော်ဘေလှူသမှာ’ ညယ် ဆုစိန်မှာ။
13အန်နိမ်စါန်းငှေါဒီ အခွန်ကွန်ဘင်းဆိတ်ကား စစ်ဆာလမ်းစာလားဘေ စပ်ပန်း ဟမုခ်တေစဲ ငါန်းဘန်းအယူစါတ်ညယ် ရင်ဘတ်တုံန်းတေထုသဘန်း ‘အို ဘုရားရှာန်၊ အပြစ်ဆားထှာဘင်း ငါတေ အစန်ယုတ်’ ညယ် ဆုစိန်မှာ။
14ဟနိမ်တေ ငါငှေါကူဘင်းကား အန်ဘင်းကလိန်းဟူး ကျေမ်းပါထုတ်ခါန်းမှါခ့်ခါ ဘုရားရှာန်မန်းဘေ ဖြောင့်မတ်သဘင်းဆိတ်ကား ဖာရိရှဲအချီညယ် အခွန်ကွန်ဘင်းဆိတ်ထှာမှာ။ ဟမာန်တွာတ်ငှေါဘန်းတာတ်ငှေါ ကိုယ်ကောက်ကိုယ်ကာ ချီးမြှောက်သဘင်းဆိတ်တာတ်ကား နှိမ့်ချခံသထှာဘန်း၊ ကိုယ်ကောက်ကိုယ်ကာ နှိမ့်ချသဘင်းဆိတ်တာတ်ကား ချီးမြှောက်သလားခံသထှာကူ ထှာဘင်းအတွာတ်ထှာမှာ” ညယ် မိန့်တော်မူသမှာ။
ရှရှာတာတ်နိမ် နိမ့်ချသကြီး
15မာန်းရာတ်ရအာမှါခ့်ခါ သမီဆာစယ်ယာတာတ်ကား အန်တာတ်ရှရှာတေဒေ ကိုယ်တော်ယေရှုဘင်း သဟူးယောက် ထိသဘန်း ဘုရားရှာန်မန်းအီလားခံသထှာစိန်းဒင် ကိုယ်တော်ပါ ကော်ကြီးရီမှာ။ အန်နိမ်စါန်းငှေါဒီ တပယ့်တော်တာတ်ကား အန်ဘင်းဒေ ကတုံန်ကြီးမှါခ့်ခါ အမယ်အဝါတာတ်တေ ရှရှာတာတ်တေ ကိုယ်တော်ယေရှုပါ အကော်ရီစိန်းဒင် တားသကြီးမှာ။ 16အန်နိမ်စါန်းငှေါဒီ ကိုယ်တော်ကား ရှရှာဒေ ဟိန်ပါကော်ဘန်း “ရှရှာတာတ်ငါပါဘေ ဒီစိန်းယုတ်အာန်။ အန်တာတ်တေ အတားဆီးသဆာ။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်းသာသနာတော်ဘေ နင်းထှာကူဘင်းဆိတ်တာတ်ကား အဘင်းရှရှာတာတ်နိမ် ကိုယ်ကောက်ကိုယ် နိမ့်ချသဟာဘင်း ဆိတ်တာတ်အတွာတ်၌ဆာ ထှာဘင်းအတွာတ်ထှာမှာ။ 17ဟနိမ်တေ ငါချီလားဒေ ငှေါထှာဘန်းကား ဘုရားရှာန်ဘင်းသာသနာတော်ဒေ ရှရှာဟော်ဝါနိမ် အလက်ခံသဘင်းဆိတ်ကား ဟာ၌မှါခ့်ခါစဲ ဆာန်ရန်ကလားအချီရား” ညယ် မိန့်တော်မူသမှာ။
ဖူးဆွာမ်းဘင်းဆိတ်ဟော်ဝါ
18ဂျူးသမီဆာဟလာန်းစါတ်ဟော်ဝါကား ကိုယ်တော်ဒေ “ကောင်းမြတ်သဘင်း အိုးဆကြီး၊ ဟာ၌မှါခ့်ခါစဲအရှီးဘင်းအဆာတ်#18:18 တည်မြဲသဘင်းအဆာတ်၊ သံသရာဟက်လွောပ်သပန်း ဟာ၌မှါခ့်စဲအပန်ဟာန်းဆုံးဘင်းအဆာတ်တေလူကွန်း ငါဟာနိမ် အွန်ထှာကူတေ” ညယ် စိန်ယူမှာ။
19ကိုယ်တော်ယေရှုကား ဟိန်ဒေ “ငါဒေ ဟမာန်အတွာတ် ကောင်းမြတ်သဘင်းဆိတ်ညယ် ကော်တေ။ ဘုရားရှာန်တစ်ပါးဆာဟက်လွဲသဘန်း ကောင်းမြတ်သဘင်းဆိတ် ဟာဟမဲစဲ အဘိုဝါး။ 20ဘုရားရှာန်ဘင်း ပညတ်တော်တေထှာဘင်း ‘အိမ်ထောင်ရေး အဖောက်ပြန်သလူဝါး။ သမီဆာ အသာန်းရှီးလူဝါး။ သမီပစ္စည်းတေဒေ အကူလူဝါး။ ပက်သဘန်းအငှေါလူဝါး။ အမယ်အဝါတေဒေရိုသေသကြီး’ ငှေါဘင်းနာတေဒေ ဟနိမ်မိန်းရှာတ်ခါမှာ” ညယ် မိန့်တော်မူသမှာ။
21အန်ဘင်းဆိတ်ရီးဒါး “ငါနနူရှာမားဟက် အဘင်းပညတ်တော်အားလုံးတေ လိုက်နာဒီမှာ” ညယ် လျှောက်တာန်သမှာ။
22ကိုယ်တော်ကား အန်ဘင်းတူးဒေ သက်ပူမှါခ့်ခါ ဟိန်ဒေ “နာန် စားနူအွန်ဒင်ငှါယုတ်မှာ။ နာန်ပိုင်သဘင်း ပစ္စည်းဥစ္စာအကုန်လုံးတေ မာရာန်ဘန်း လူဘင်းဖူးတေဒေ အဘိုဘင်း ဆာန်းရဲဆားတာတ်နင်း လှူတာန်။ အန်နိမ်အွန်ဘန်းကား နာန်ကား ရွှေမြို့တော်ဘေ စည်းစိမ်ဥစ္စာတေဒေလူကူ။ စီးမှါခ့်ခါ ငါတပယ့်အနေယောက် ငါဟလိန်းဘေဒီရာတ်” ညယ် မိန့်သမှာ။
23အန်ဘင်း ဂျူးသမီဆာဟလာန်းစါတ်ကား အကြီးကျယ်ဆွာမ်းဘင်းဆိတ် ထှာဘင်းအတွာတ် ကိုယ်တော်ဘင်းတူးဒေ သက်ပူမှါခ့်ခါ အကြီးကျယ် အဆေင်အမဲငှါလာန်ဘဲမှာ။
ဆွာမ်းဘင်းဆိတ်ယောက်ဘုရားရှာန်ဘင်းသာသနာတော်
24ကိုယ်တော်ကား အန်ဘင်းဆိတ် အဆေင်အမဲငှါရာန်ဘင်းတေ ကတုံန်မှါခ့်ခါ ကိုယ်တော်ကား “ဆွာမ်းဘင်းဆိတ်တာတ်ကား ဘုရားရှာန်ဘင်းသာသနာတော်နောင်းဘေ ဆာန်လားလူကွန်းကား အကြီးကျယ်ခက်ခဲသမှာ။ 25ဆွာမ်းဘင်းဆိတ်ဟော်ဝါကား ဘုရားရှာန်ဘင်းသာသနာတော်နောင်းဘေ ဆာန်လူရန်ထာတ် မီထယ်ကနားပေါက်နောင်းဘေ ကုလားအုတ်နနူဆာန်ကူဘင်းကား#18:25 သမီဆာထုတ်လားစစ်ပင်းပုတ်ခါးဘေ ခရီးဟာတင်အတွာတ် နပ်ပင်းနနူထှာမှာ။ ပိုသောစဲစယ်ကူ” ညယ် မိန့်တော်မူသမှာ။
26အန်ဘင်းတူးဒေ သက်ပူဘင်း သမီဆတာတ်ရီးဒါး ကိုယ်တော်ဒေ “အာနိမ်ငှေါဘန်းကား ဟာဟမဲကား ကယ်တာန်သလား ခံသထှာကူဒေ” ညယ် လျှောက်တာန်သကြီးမှာ။
27ကိုယ်တော်ရီးဒါး “သမီဆတာတ်အွန်လား အထှာရန်ဘင်းနာတေဒေ ဘုရားရှာန်ကား အွန်ရန်မှာ” ညယ် မိန့်တော်မူသမှာ။
28အန်၌မှါခ့်ခါ ပေတရုကား “အလေကား အလေပိုင်သဘင်းနာအားလုံးတေ စွန့်သဘန်း ကိုယ်တော်ဟလိန်းဘေ ဒီရာတ်ကြီးလားထှာမှာ” ညယ် လျှောက်တာန်သမှာ။
29ကိုယ်တော်ကား “ဟနိမ်တေ ငါချီလားဒေ ငှေါထှာဘန်းကား၊ ဘုရားရှာန်ဘင်းသာသနာတော်အတွာတ် ကိုယ်ဘင်းကျေမ်းတေ၊ အိတ်တေ၊ အမူးနရှီတေယောက် အမယ်အဝါတာတ် ဆာဆအိတ်တေဒေ စွန့်သရန်ဘင်း ဟာဟမဲစါန်းငှေါဒီ 30အရာတ်လာတ်ရှိအချိန်ဘေ မဲဘင်းနာတေဒေ အဆတေကလောင်းတုံန်း လူကူလားဆာအချီ ရွှေမြို့တော်ပေရီးဒါး ဟာ၌မှါခ့်ခါစဲအရှီးဘင်းအဆာတ်တေ လူကူထှာမှာ” ညယ် မိန့်တော်မူသမှာ။
ရှီးထှာကူဘင်းအကြောင်းဒေ တတိယအကြိမ်ကြိုသဘန်းမိန့်သဘင်း
31စီးမှါခ့်ခါ ကိုယ်တော်ကား သာဝကရှစ်နူဘန်းကလိန်းဟူးဒေ ဟိန်ပိုက်ပေ ဒီစိန်းဘန်းနာ “သက်ကြီး။ အရာတ် အလေကား ဂျေရုဆလင်မြို့ပါ လာန်ဘင်းလမ်းဘေ ထုတ်နင်းကြီးဘန်း။ ဟလိန်းပါမှါခ့်ခါ ပရောဖက်တာတ်ရေးသပဲဘင်း သမီဆာဆားတော်ယောက် ပတ်သက်သဘန်း ရေးသကြီးရီဘင်း အကြောင်းအရာတေကား အန်ဘင်းဘေ အဟုတ်မလပ်ထှာရီကဘန်း။ 32အန်တာတ်ကား ဟိန်ဒေ ဂျူးအချီဘင်းသမီဆတာတ် သဟူးနောင်းဘေ အပ်သလား ခံသထှာကူ။ အန်တာတ်ကား ဟိန်ဒေ နီးကြီးကူ။ စော်ကားသဘန်းငှေါကြီးကူ။ အာတ်ဝဲယောက် ထောက်ကြီးကူ။ 33စီးမှါခ့်ခါ အန်တာတ်ကား ဟိန်ဒေ ဝိုင်းကလာတ်ယောက် သာန်းဘန်း၊ တွောတ်ပန်း သာန်းရှီးကြီးကူ။ အန်နိမ်စါန်းငှေါဒီ ဟိန်ကား ဆွန်းရာတ်ထုတ်မှါခ့်ခါ အဆာတ်စားဟာန်းရီကူ” ညယ် မိန့်တော်မူသမှာ။
34အန်နိမ်စါန်းငှေါဒီ သာဝကတာတ်ကား ကိုယ်တော်ငှေါဘင်း တူးအဓိပ္ပာယ်တေဒေ အနားလည်သကြီးရန်နား။ ဟမာန်တွာတ်ငှေါဘန်းတာတ်ငှေါ ကိုယ်တော်ငှေါဘင်း တူးအဓိပ္ပာယ်တေကား အန်တာတ်ဟက် ကဆွန်းပဲလား ခံသထှာဘင်းအတွာတ် အန်တာတ်ကား ကိုယ်တော်ငှေါဘင်း အကြောင်းတေဒေ အမိန်းရှာတ်ခါကြီးလားထှာမှာ။
မိတ်အကတုံန်ဟာဘင်းဆိတ်တေကတုံန်စိန်းဟာန်းဘင်း
35စီးမှါခ့်ခါ ကိုယ်တော်ယေရှုယောက် တပယ့်တော်တာတ်ကား ဂျေရိခေါမြို့ပိုက်ပေ ထုတ်အီမှါခ့်ခါ မိတ်အကတုံန်ဘင်း ဆိတ်ဟော်ဝါကား လမ်းပိုက်ပေ ထုံးဘန်း စိန်နင်းမှာ။ 36ဟိန်ကား သမီဆကလောင်းတုံန်း ဖြတ်သလာန်ဘဲဘင်း ဆကလားတေ သက်ပူမှါခ့်ခါ ဟမာန်တေ ထှာနင်းမှာငှေါဘင်းနာတေ စိန်ယူဝါမ်မှာ။ 37သမီဆတာတ်ရီးဒါး ဟိန်ဒေ “နာဇရက်မြို့ဆား ကိုယ်တော်ယေရှုကား အဘင်းလမ်းဟက် ကြွသလာန်ဘဲလားထှာမှာ” ညယ် ပြန်သဘန်းငှေါကြီးမှာ။
38အန်၌မှါခ့်ခါ ဟိန်ကား “ရှာန်းပလာန်ဒါဝိဒ်ပင်း ဆားတော်ယေရှု၊ ငါတေအစန်ယုတ်” ညယ် ဟာတ်အာန်မှာ။
39ကိုယ်တော်ယေရှုမန်းဟက် လာန်နင်းကြီးဘင်း ဆိတ်တာတ်ကား ဟိန်ဒေ ယူရှီရှီနင်းကွန်း တင်းကြီးမှာ။ အန်နိမ်စါန်းငှေါဒီ ဟိန်ကား “ရှာန်းပလာန်ဒါဝိဒ်ပင်း ဆားတော်ယေရှု၊ ငါတေ အစန်ယုတ်” ညယ် ပိုသောဟာတ်အာန်မှာ။
40အမှာတွာတ် ကိုယ်တော်ယေရှုကား ရပ်တာန်ဘန်း အန်ဘင်းဆိတ်တေ ဟိန်ပါကော်ရီဒင် သမီဆာ စယ်ယာတေ အမိန့်အီရာန်မှာ။ အန်ဘင်းဆိတ်ကား ကိုယ်တော်ပိုက်ပေ ထုတ်မှါခ့်ခါ ကိုယ်တော်ကား 41“ငါနာန်အတွာတ် ဟာနိမ်အွန်အီထှာကူတေ” ညယ် စိန်ယူမှာ။ အန်ဘင်းဆိတ်ကား “အရှာန်၊ ငါမိတ်တူရှီ ကတုံန်ကာတ်မှာ” ညယ် လျှောက်တာန်သမှာ။
42ကိုယ်တော်ရီးဒါး “မိတ်တူရှီ ကတုံန်လူဟာန်းစိန်း။ နာန်ယုံကြည်သဘင်းနာကား နာန်တေကုသအီရာန်ဘန်း” ညယ် မိန့်တော်မူသမှာ။ 43ဟိန်ကား ချတ်ချန်းငှေါနိမ် မိတ်တူရှီကတုံန်ဟာန်းရီဘန်း ဘုရားရှာန်ဒေ ချီးမွမ်းသဘန်းနာ ကိုယ်တော်ယေရှု ဟလိန်းပါ လာန်ငါတ်ပဲမှာ။ သမီဆာကလောင်းတုံန်းတာတ်ကား အန်ဘင်းအဖြစ်အပျက်တေဒေ ကတုံန်မှါခ့်ခါ အန်တာတ်ရီးဒါး ဘုရားရှာန်ဒေ ချီးမွမ်းသကြီးမှာ။
Currently Selected:
ရှာန်လုကာ 18: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 18
18
အခန်း (၁၈)
တရားသူကြီးယောက်မုဆိုးမဥပမာ
1စီးမှါခ့်ခါ ကိုယ်တော်ယေရှုကား ဟိန်တပယ့်တော်တာတ်တေ လာတ်အလျော့သောညယ် အမြဲတမ်း ဆုစိန်နင်းထှာကူ ငှေါဘင်းနာတေ ဥပမာစာနူယောက် မိန့်သမှာ။ 2ကိုယ်တော်ကား “မြို့တစ်မြို့ဘေ ဘုရားရှာန်ဒေအစာတ်၊ သမီဆတာတ်တေဒေရီးဒါး အလေးစားသဘင်း တရားသူကြီးဟော်ဝါငှါမှာ။ 3အန်ဘင်းမြို့ဘေငှါဘင်း မုဆိုးမဟော်ဝါကား တရားသူကြီးပါ ပလန်းပလန်းလာန်ဘန်း ‘ငါယောက် ငါဘင်းရန်သူကြားဟက် ငြာမ်းသနင်းဘင်းနာတေ တရားမျှတသကွန်း ဆုံးဖြတ်သအီယုတ်’ ညယ် ငှေါမှာ။
4အတော်တန်မှါခ့်ကွန်းထုတ် တရားသူကြီးကား မုဆိုးမငှေါဘင်းနာတေ ဂရုအစိုက်သညယ်နင်းရီမှာ။ အန်နိမ်စါန်းငှေါဒီ နောက်ဆုံးဘေ ဟိန်ကား ‘ငါကား ဘုရားရှာန်ဒေရီးဒါးအစာတ်၊ သမီဆတာတ်တေရီးဒါး အလေးစားသဝါး။ 5အန်နိမ်စါန်းငှေါဒီ အဘင်းမုဆိုးမကား ငါတေ ပလန်းပလန်း နောက်ယှက်သနင်းဘင်းအတွာတ် ဟိန်နင်း တရားမျှတသကွန်း ငါစီရာန်သအီထှာကူ။ အန်နိမ်မားဆာ ဟိန်ကား ငါပါပလန်းပလန်းဒီဘန်း နှောက်ယှက်သနင်းဘင်းတေ ရပ်တာန်ကလားထှာမှာ’ ညယ် ဟိန်ကောက်ဟိန်ငှေါနင်းမှာ” ညယ် မိန့်တော်မူသမှာ။
6စီးမှါခ့်ခါ အရှာန်ကား “အန်ဘင်း အမဲဘင်းတရားသူကြီး ငှေါနင်းဘင်းနာတေ ဟနိမ် စဉ်းစားသကြီး။ 7အန်နိမ် အမဲဘင်းတရားသူကြီးစဲ ဟော်ဝါဟော်ဝါတေ ကူညီသအီဘန်းကား ဘုရားရှာန်ရီးဒါး ဟိန်ဘေ ပလန်းပလန်းလျှောက်သဘင်း ဟိန်မယ်ဘန်းပဲဘင်းဆိတ်တာတ်အတွာတ် တရားမျှတသဘင်းတေ အဟုတ်မလပ် လာအီရီကလားထှာမှာ။ ဘုရားရှာန်ကား အန်တာတ်တေ ကူညီသအီဒင် မှါခ့်ပန်းနင်းကလားအချီရား။ 8ဟနိမ်တေ ငါငှေါကူ။ ဘုရားရှာန်ကား အန်တာတ်အတွာတ် တရားမျှတသဘင်းတေ ကစက်စဖော့ စီရာန်သအီကူ။ အန်နိမ်စါန်းငှေါဒီ အဘင်းကမ္ဘာစောက်ပေ သမီဆာဆားတော်ပြန်သဘန်း ကြွဒီဟာန်းမှါခ့်ခါ ဟိန်ဒေ ယုံကြည်သဘင်းဆိတ် ဟော်ဝါဟော်ဝါဆတေစဲ ကတုံန်လူကလည်း” ညယ် မိန့်တော်မူသမှာ။
ဖာရိရှဲယောက်အခွန်ကွန်ဘင်းဆိတ်ဥပမာ
9စီးမှါခ့်ခါ ကိုယ်တော်ကား ကိုယ်ကောက်ကိုယ်ကာ ဖြောင့်မတ်သမှာညယ် ထာန်သနင်းဘန်း သမီတေဒေ အထာန်စစ်ဟာဘင်း ဆိတ်တာတ်တေဒေ ဥပမာစားနူယောက် မိန့်သမှာ။ 10ကိုယ်တော်ကား “ပန်းနူမှါခ့်ခါ ဖာရိရှဲဟော်ဝါယောက် အခွန်ကွန်ဘင်းဆိတ်ဟော်ဝါတာတ်ကား ဘုရားဝိုင်သဘန်း ဆုစိန်တင်အတွာတ် ဗိမာန်တော်ပါလာန်မှာ။ 11ဖာရိရှဲကား စပ်ပန်း ဟိန်ကောက်ဟိန် ‘အို ဘုရားရှာန်၊ ငါကား သမီနိမ် လောဖားတုံန်းဘင်းဆိတ်၊ အရိုးသားသဘင်းဆိတ်၊ အိမ်ထောင်ရေး ဖောက်ပြန်သဘင်းဆိတ်ရီး အချီနိမ် အန်းဘင်းဘေငှါဘင်း အခွန်ကွန်ဘင်းဆိတ်နိမ်ရီးဒါး အချီဘင်းအတွာတ် ဘုရားရှာန်ဒေ ကျေးဇူးတာန်သမှာ။ 12ငါကား စစ်ရာတ်ပေ ကလိန်းရာတ်ကား ဟမာန်ကစဲအယုတ်ညယ် ဥပုသ်စောင့်သဘင်းတေ ဆုစိန်ဘင်းတေ အွန်ဘန်း ငါလူဘင်း ဖူးတေဟက် ရှစ်နူပုံဘန်း ပုံငှါဒေရီးဒါး ဗိမာန်တော်ဘေလှူသမှာ’ ညယ် ဆုစိန်မှာ။
13အန်နိမ်စါန်းငှေါဒီ အခွန်ကွန်ဘင်းဆိတ်ကား စစ်ဆာလမ်းစာလားဘေ စပ်ပန်း ဟမုခ်တေစဲ ငါန်းဘန်းအယူစါတ်ညယ် ရင်ဘတ်တုံန်းတေထုသဘန်း ‘အို ဘုရားရှာန်၊ အပြစ်ဆားထှာဘင်း ငါတေ အစန်ယုတ်’ ညယ် ဆုစိန်မှာ။
14ဟနိမ်တေ ငါငှေါကူဘင်းကား အန်ဘင်းကလိန်းဟူး ကျေမ်းပါထုတ်ခါန်းမှါခ့်ခါ ဘုရားရှာန်မန်းဘေ ဖြောင့်မတ်သဘင်းဆိတ်ကား ဖာရိရှဲအချီညယ် အခွန်ကွန်ဘင်းဆိတ်ထှာမှာ။ ဟမာန်တွာတ်ငှေါဘန်းတာတ်ငှေါ ကိုယ်ကောက်ကိုယ်ကာ ချီးမြှောက်သဘင်းဆိတ်တာတ်ကား နှိမ့်ချခံသထှာဘန်း၊ ကိုယ်ကောက်ကိုယ်ကာ နှိမ့်ချသဘင်းဆိတ်တာတ်ကား ချီးမြှောက်သလားခံသထှာကူ ထှာဘင်းအတွာတ်ထှာမှာ” ညယ် မိန့်တော်မူသမှာ။
ရှရှာတာတ်နိမ် နိမ့်ချသကြီး
15မာန်းရာတ်ရအာမှါခ့်ခါ သမီဆာစယ်ယာတာတ်ကား အန်တာတ်ရှရှာတေဒေ ကိုယ်တော်ယေရှုဘင်း သဟူးယောက် ထိသဘန်း ဘုရားရှာန်မန်းအီလားခံသထှာစိန်းဒင် ကိုယ်တော်ပါ ကော်ကြီးရီမှာ။ အန်နိမ်စါန်းငှေါဒီ တပယ့်တော်တာတ်ကား အန်ဘင်းဒေ ကတုံန်ကြီးမှါခ့်ခါ အမယ်အဝါတာတ်တေ ရှရှာတာတ်တေ ကိုယ်တော်ယေရှုပါ အကော်ရီစိန်းဒင် တားသကြီးမှာ။ 16အန်နိမ်စါန်းငှေါဒီ ကိုယ်တော်ကား ရှရှာဒေ ဟိန်ပါကော်ဘန်း “ရှရှာတာတ်ငါပါဘေ ဒီစိန်းယုတ်အာန်။ အန်တာတ်တေ အတားဆီးသဆာ။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်းသာသနာတော်ဘေ နင်းထှာကူဘင်းဆိတ်တာတ်ကား အဘင်းရှရှာတာတ်နိမ် ကိုယ်ကောက်ကိုယ် နိမ့်ချသဟာဘင်း ဆိတ်တာတ်အတွာတ်၌ဆာ ထှာဘင်းအတွာတ်ထှာမှာ။ 17ဟနိမ်တေ ငါချီလားဒေ ငှေါထှာဘန်းကား ဘုရားရှာန်ဘင်းသာသနာတော်ဒေ ရှရှာဟော်ဝါနိမ် အလက်ခံသဘင်းဆိတ်ကား ဟာ၌မှါခ့်ခါစဲ ဆာန်ရန်ကလားအချီရား” ညယ် မိန့်တော်မူသမှာ။
ဖူးဆွာမ်းဘင်းဆိတ်ဟော်ဝါ
18ဂျူးသမီဆာဟလာန်းစါတ်ဟော်ဝါကား ကိုယ်တော်ဒေ “ကောင်းမြတ်သဘင်း အိုးဆကြီး၊ ဟာ၌မှါခ့်ခါစဲအရှီးဘင်းအဆာတ်#18:18 တည်မြဲသဘင်းအဆာတ်၊ သံသရာဟက်လွောပ်သပန်း ဟာ၌မှါခ့်စဲအပန်ဟာန်းဆုံးဘင်းအဆာတ်တေလူကွန်း ငါဟာနိမ် အွန်ထှာကူတေ” ညယ် စိန်ယူမှာ။
19ကိုယ်တော်ယေရှုကား ဟိန်ဒေ “ငါဒေ ဟမာန်အတွာတ် ကောင်းမြတ်သဘင်းဆိတ်ညယ် ကော်တေ။ ဘုရားရှာန်တစ်ပါးဆာဟက်လွဲသဘန်း ကောင်းမြတ်သဘင်းဆိတ် ဟာဟမဲစဲ အဘိုဝါး။ 20ဘုရားရှာန်ဘင်း ပညတ်တော်တေထှာဘင်း ‘အိမ်ထောင်ရေး အဖောက်ပြန်သလူဝါး။ သမီဆာ အသာန်းရှီးလူဝါး။ သမီပစ္စည်းတေဒေ အကူလူဝါး။ ပက်သဘန်းအငှေါလူဝါး။ အမယ်အဝါတေဒေရိုသေသကြီး’ ငှေါဘင်းနာတေဒေ ဟနိမ်မိန်းရှာတ်ခါမှာ” ညယ် မိန့်တော်မူသမှာ။
21အန်ဘင်းဆိတ်ရီးဒါး “ငါနနူရှာမားဟက် အဘင်းပညတ်တော်အားလုံးတေ လိုက်နာဒီမှာ” ညယ် လျှောက်တာန်သမှာ။
22ကိုယ်တော်ကား အန်ဘင်းတူးဒေ သက်ပူမှါခ့်ခါ ဟိန်ဒေ “နာန် စားနူအွန်ဒင်ငှါယုတ်မှာ။ နာန်ပိုင်သဘင်း ပစ္စည်းဥစ္စာအကုန်လုံးတေ မာရာန်ဘန်း လူဘင်းဖူးတေဒေ အဘိုဘင်း ဆာန်းရဲဆားတာတ်နင်း လှူတာန်။ အန်နိမ်အွန်ဘန်းကား နာန်ကား ရွှေမြို့တော်ဘေ စည်းစိမ်ဥစ္စာတေဒေလူကူ။ စီးမှါခ့်ခါ ငါတပယ့်အနေယောက် ငါဟလိန်းဘေဒီရာတ်” ညယ် မိန့်သမှာ။
23အန်ဘင်း ဂျူးသမီဆာဟလာန်းစါတ်ကား အကြီးကျယ်ဆွာမ်းဘင်းဆိတ် ထှာဘင်းအတွာတ် ကိုယ်တော်ဘင်းတူးဒေ သက်ပူမှါခ့်ခါ အကြီးကျယ် အဆေင်အမဲငှါလာန်ဘဲမှာ။
ဆွာမ်းဘင်းဆိတ်ယောက်ဘုရားရှာန်ဘင်းသာသနာတော်
24ကိုယ်တော်ကား အန်ဘင်းဆိတ် အဆေင်အမဲငှါရာန်ဘင်းတေ ကတုံန်မှါခ့်ခါ ကိုယ်တော်ကား “ဆွာမ်းဘင်းဆိတ်တာတ်ကား ဘုရားရှာန်ဘင်းသာသနာတော်နောင်းဘေ ဆာန်လားလူကွန်းကား အကြီးကျယ်ခက်ခဲသမှာ။ 25ဆွာမ်းဘင်းဆိတ်ဟော်ဝါကား ဘုရားရှာန်ဘင်းသာသနာတော်နောင်းဘေ ဆာန်လူရန်ထာတ် မီထယ်ကနားပေါက်နောင်းဘေ ကုလားအုတ်နနူဆာန်ကူဘင်းကား#18:25 သမီဆာထုတ်လားစစ်ပင်းပုတ်ခါးဘေ ခရီးဟာတင်အတွာတ် နပ်ပင်းနနူထှာမှာ။ ပိုသောစဲစယ်ကူ” ညယ် မိန့်တော်မူသမှာ။
26အန်ဘင်းတူးဒေ သက်ပူဘင်း သမီဆတာတ်ရီးဒါး ကိုယ်တော်ဒေ “အာနိမ်ငှေါဘန်းကား ဟာဟမဲကား ကယ်တာန်သလား ခံသထှာကူဒေ” ညယ် လျှောက်တာန်သကြီးမှာ။
27ကိုယ်တော်ရီးဒါး “သမီဆတာတ်အွန်လား အထှာရန်ဘင်းနာတေဒေ ဘုရားရှာန်ကား အွန်ရန်မှာ” ညယ် မိန့်တော်မူသမှာ။
28အန်၌မှါခ့်ခါ ပေတရုကား “အလေကား အလေပိုင်သဘင်းနာအားလုံးတေ စွန့်သဘန်း ကိုယ်တော်ဟလိန်းဘေ ဒီရာတ်ကြီးလားထှာမှာ” ညယ် လျှောက်တာန်သမှာ။
29ကိုယ်တော်ကား “ဟနိမ်တေ ငါချီလားဒေ ငှေါထှာဘန်းကား၊ ဘုရားရှာန်ဘင်းသာသနာတော်အတွာတ် ကိုယ်ဘင်းကျေမ်းတေ၊ အိတ်တေ၊ အမူးနရှီတေယောက် အမယ်အဝါတာတ် ဆာဆအိတ်တေဒေ စွန့်သရန်ဘင်း ဟာဟမဲစါန်းငှေါဒီ 30အရာတ်လာတ်ရှိအချိန်ဘေ မဲဘင်းနာတေဒေ အဆတေကလောင်းတုံန်း လူကူလားဆာအချီ ရွှေမြို့တော်ပေရီးဒါး ဟာ၌မှါခ့်ခါစဲအရှီးဘင်းအဆာတ်တေ လူကူထှာမှာ” ညယ် မိန့်တော်မူသမှာ။
ရှီးထှာကူဘင်းအကြောင်းဒေ တတိယအကြိမ်ကြိုသဘန်းမိန့်သဘင်း
31စီးမှါခ့်ခါ ကိုယ်တော်ကား သာဝကရှစ်နူဘန်းကလိန်းဟူးဒေ ဟိန်ပိုက်ပေ ဒီစိန်းဘန်းနာ “သက်ကြီး။ အရာတ် အလေကား ဂျေရုဆလင်မြို့ပါ လာန်ဘင်းလမ်းဘေ ထုတ်နင်းကြီးဘန်း။ ဟလိန်းပါမှါခ့်ခါ ပရောဖက်တာတ်ရေးသပဲဘင်း သမီဆာဆားတော်ယောက် ပတ်သက်သဘန်း ရေးသကြီးရီဘင်း အကြောင်းအရာတေကား အန်ဘင်းဘေ အဟုတ်မလပ်ထှာရီကဘန်း။ 32အန်တာတ်ကား ဟိန်ဒေ ဂျူးအချီဘင်းသမီဆတာတ် သဟူးနောင်းဘေ အပ်သလား ခံသထှာကူ။ အန်တာတ်ကား ဟိန်ဒေ နီးကြီးကူ။ စော်ကားသဘန်းငှေါကြီးကူ။ အာတ်ဝဲယောက် ထောက်ကြီးကူ။ 33စီးမှါခ့်ခါ အန်တာတ်ကား ဟိန်ဒေ ဝိုင်းကလာတ်ယောက် သာန်းဘန်း၊ တွောတ်ပန်း သာန်းရှီးကြီးကူ။ အန်နိမ်စါန်းငှေါဒီ ဟိန်ကား ဆွန်းရာတ်ထုတ်မှါခ့်ခါ အဆာတ်စားဟာန်းရီကူ” ညယ် မိန့်တော်မူသမှာ။
34အန်နိမ်စါန်းငှေါဒီ သာဝကတာတ်ကား ကိုယ်တော်ငှေါဘင်း တူးအဓိပ္ပာယ်တေဒေ အနားလည်သကြီးရန်နား။ ဟမာန်တွာတ်ငှေါဘန်းတာတ်ငှေါ ကိုယ်တော်ငှေါဘင်း တူးအဓိပ္ပာယ်တေကား အန်တာတ်ဟက် ကဆွန်းပဲလား ခံသထှာဘင်းအတွာတ် အန်တာတ်ကား ကိုယ်တော်ငှေါဘင်း အကြောင်းတေဒေ အမိန်းရှာတ်ခါကြီးလားထှာမှာ။
မိတ်အကတုံန်ဟာဘင်းဆိတ်တေကတုံန်စိန်းဟာန်းဘင်း
35စီးမှါခ့်ခါ ကိုယ်တော်ယေရှုယောက် တပယ့်တော်တာတ်ကား ဂျေရိခေါမြို့ပိုက်ပေ ထုတ်အီမှါခ့်ခါ မိတ်အကတုံန်ဘင်း ဆိတ်ဟော်ဝါကား လမ်းပိုက်ပေ ထုံးဘန်း စိန်နင်းမှာ။ 36ဟိန်ကား သမီဆကလောင်းတုံန်း ဖြတ်သလာန်ဘဲဘင်း ဆကလားတေ သက်ပူမှါခ့်ခါ ဟမာန်တေ ထှာနင်းမှာငှေါဘင်းနာတေ စိန်ယူဝါမ်မှာ။ 37သမီဆတာတ်ရီးဒါး ဟိန်ဒေ “နာဇရက်မြို့ဆား ကိုယ်တော်ယေရှုကား အဘင်းလမ်းဟက် ကြွသလာန်ဘဲလားထှာမှာ” ညယ် ပြန်သဘန်းငှေါကြီးမှာ။
38အန်၌မှါခ့်ခါ ဟိန်ကား “ရှာန်းပလာန်ဒါဝိဒ်ပင်း ဆားတော်ယေရှု၊ ငါတေအစန်ယုတ်” ညယ် ဟာတ်အာန်မှာ။
39ကိုယ်တော်ယေရှုမန်းဟက် လာန်နင်းကြီးဘင်း ဆိတ်တာတ်ကား ဟိန်ဒေ ယူရှီရှီနင်းကွန်း တင်းကြီးမှာ။ အန်နိမ်စါန်းငှေါဒီ ဟိန်ကား “ရှာန်းပလာန်ဒါဝိဒ်ပင်း ဆားတော်ယေရှု၊ ငါတေ အစန်ယုတ်” ညယ် ပိုသောဟာတ်အာန်မှာ။
40အမှာတွာတ် ကိုယ်တော်ယေရှုကား ရပ်တာန်ဘန်း အန်ဘင်းဆိတ်တေ ဟိန်ပါကော်ရီဒင် သမီဆာ စယ်ယာတေ အမိန့်အီရာန်မှာ။ အန်ဘင်းဆိတ်ကား ကိုယ်တော်ပိုက်ပေ ထုတ်မှါခ့်ခါ ကိုယ်တော်ကား 41“ငါနာန်အတွာတ် ဟာနိမ်အွန်အီထှာကူတေ” ညယ် စိန်ယူမှာ။ အန်ဘင်းဆိတ်ကား “အရှာန်၊ ငါမိတ်တူရှီ ကတုံန်ကာတ်မှာ” ညယ် လျှောက်တာန်သမှာ။
42ကိုယ်တော်ရီးဒါး “မိတ်တူရှီ ကတုံန်လူဟာန်းစိန်း။ နာန်ယုံကြည်သဘင်းနာကား နာန်တေကုသအီရာန်ဘန်း” ညယ် မိန့်တော်မူသမှာ။ 43ဟိန်ကား ချတ်ချန်းငှေါနိမ် မိတ်တူရှီကတုံန်ဟာန်းရီဘန်း ဘုရားရှာန်ဒေ ချီးမွမ်းသဘန်းနာ ကိုယ်တော်ယေရှု ဟလိန်းပါ လာန်ငါတ်ပဲမှာ။ သမီဆာကလောင်းတုံန်းတာတ်ကား အန်ဘင်းအဖြစ်အပျက်တေဒေ ကတုံန်မှါခ့်ခါ အန်တာတ်ရီးဒါး ဘုရားရှာန်ဒေ ချီးမွမ်းသကြီးမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.