ရှာန်လုကာ 17
17
အခန်း (၁၇)
ခွာမ်းလွှတ်သဘင်းယောက်ယုံကြည်သဘင်းအကြောင်းဆွောန်သကာဘင်း
1စီးမှါခ့်ခါ ကိုယ်တော်ကား ဟိန်တပယ့်တာတ်တေ “ဘုရားရှာန်ဒေ အနာခံသကွန်း သမီဆတာတ်တေ ဖြားယောင်းသွေးဆောင်သဘင်းနာတေကား အမြဲတမ်းငှါဘန်းနင်းကူ။ အန်နိမ်စါန်းငှေါဒီ တခြားသမီဆာတာတ်တေ အပြစ်အွန်စိန်းဒင် ဖြားယောင်းသွေးဆောင်သဘင်းဆိတ်တာတ်ကား ဒုက္ခထုတ်ကြီးကူ။ 2အပြစ်အဘိုဘင်းဆိတ်တေ အပြစ်အွန်ကွန်း ပက်သဘင်းဆိတ်ကား ဟိန်ကတုတ်ပေ နိတ်ပင်းလုံးကရှီတုံန်းတေ ကြိတ်ပန်းနာ ပါမ်လယ်နောင်းပါ တက်အက်လားခံသထှာဘင်းနာကား ပိုသောမဲမှာ။ 3အမှာတွာတ် ဟနိမ်အွန်ဘင်းနာတေဒေ ဆတီးပဲပန်းယူကြီး။ ဟနိမ်ဘင်းအမူးနရှီတေ အပြစ်စားနူအွန်ပတ်ပန်းကား ဟိန်ဒေ ဆုံးမသော။ အန်တာတ် နောင်တလူကြီးဘန်းကား အန်တာတ်တေ ခွာမ်းလွှတ်သအီကြီး။ 4မာန်းရာတ်ရအာအတွာန်းဘေ နာန်တေ စစ်ပန်းထုတ်ကွန်းအပြစ်အွန်လားစဲဒါး နာန်ပါ စစ်ပန်းတိုင်တိုင်ဒီဟာန်းဘန်းနာ ‘ငါနောင်တလူဘန်း’ ညယ် တောင်းပါန်သဘန်းကား ဟိန်ဒေ ခွာမ်းလွှတ်သအီထှာကူ” ညယ် မိန့်သမှာ။
ယုံကြည်သဘင်း
5အန်၌မှါခ့်ခါ သာဝကတာတ်ကား အရှာန်တေ “ဘုရားရှာန်စေါက်ပေ အလေယုံကြည်သဘင်းတေ ပိုသော မြဲသကွန်း အွန်အီယုတ်” ညယ် လျှောက်တာန်သမှာ။
6အမှာတွာတ် ကိုယ်တော်ယေရှုရီးဒါး “ဟနိမ်ဘေ ကန်စူတူဆနိမ်အစစ်ပင်း ယုံကြည်သလားငှါဆယောက် အဘင်းပိုးစာကလွုန်တေ ‘သကလပ်ဟက်ဟုတ်ပန်းနာ ပါမ်လယ်နောင်းဘေ တူစိန်း’ ညယ် ငှေါရန်နာ။ အန်ဘင်းကလွုန်ကား ဟနိမ်ငှေါဘင်းအတိုင်း နာခံသကူ။
7ဟနိမ်နောင်းဟက် ဟော်ဝါဟော်ဝါဘေ လပါးထွန်ဘင်း အန်နိမ်အချီ သိုးနနူပူဘင်းအစေခံဟော်ဝါ ငှါမှာညယ်ပဲရာန်။ အန်ဘင်းအစေခံကား လပါးထွန်ဘင်းဟက် အန်နိမ်အချီ သိုးနနူပူဘန်း လပါးဟက်ဒီဟာန်းမှါခ့်ခါ ဟိန်ကား အန်ဘင်းအစေခံဒေ ‘အောပါဒီ၊ အဘင်းဘေထုံးဘန်း စားနူစားနာယုတ်’ ညယ် ငှေါကလဲ။ 8အန်နိမ်ငှေါကူဘင်းအစား ‘နိတ်တင်တော်ဒင်တေ ကြိုက်ပန်း ငါယုတ်တင်အတွာတ် ယုတ်တင်အူဒင်တေ ပြာန်ဆာန်သအီ။ စီးဘန်းကား ငါယုတ်စီးကွန်းထုတ် ငါတေဒဲ။ ငါယုတ်စီးမှါခ့်ခါ နာန်ယုတ်လားလူဘန်း’ ညယ် ငှေါကလား အချီနော်။ 9ဟိန်ကား အစေခံဒေ ဟိန်ငှေါဘင်းအတိုင်း အွန်ဘင်းအတွာတ် ကျေးဇူးတာန်သကလဲ။ 10အန်ဘင်းအတိုင်း ဟနိမ်တေ အွန်ထှာကူညယ် ငှေါပဲဘင်းနာတေဒေ ဟနိမ်အွန်စီးမှါခ့်ခါ ‘အလေကား သာမန်အစေခံတေထှာကြီးမှာ။ အလေကား အလေဘင်းတာဝန်တေဒေ၌ဆာ စီးကွန်းအွန်နီလားထှာမှာ’ ညယ် ငှေါကြီး” ညယ် မိန့်သမှာ။
ကမာတုံန်းရောဂါဆယ်ရှစ်နူ
11စီးမှါခ့်ခါ ကိုယ်တော်ကား ဂျေရုဆလင်မြို့ပါလာန်ဘင်း လမ်းဘေငှါဘင်း ဂါလိလဲပြေယောက် ရှမာရိပြေကြားဘေငှါဘင်း နယ်စပ်တေ ဖြတ်သဘန်း လာန်ပဲမှာ။ 12ကိုယ်တော်ကား ထိန်ထိန်ငှါပါထုတ်မှါခ့်ခါ ကမာတုံန်းရောဂါဆယ်ရှစ်နူကား ကိုယ်တော်ပါဒီကြီးမှာ။ အန်တာတ်ကား လမ်းရီးအစာ ထန်ရီးအထန်ဘင်းဘေစပ်ပန်းနာ 13ဆကလားဝါတ်ဆလာတ်တုံန်းယောက် “ကိုယ်တော်ယေရှု၊ အရှာန် အလေတေ အစန်ယုတ်” ညယ် ဟာတ်ကြီးမှာ။
14ကိုယ်တော်ကား အန်တာတ်တေ ကတုံန်ဘန်း “ပုရောဟိတ်တာတ်ပါ ဟနိမ်ကိုယ်တိုင် လာန်ဘန်းကာရာန်” ညယ် မိန့်သမှာ။ အန်ဘင်းဆိတ်တာတ်ရီးဒါး လာန်နင်းစါတ် ကမာရောဂါတေကား ကယာကြီးဆွန်နာန်မှာ။
15အန်တာတ်နောင်းဟက် ဟော်ဝါကား ကမာရောဂါတေ ကယာဆွန်နာန်ဘင်းနာဒေ မိန်းရှာတ်ခါရာန်မှါခ့်ခါ ဝါတ်ဆလာပ်တုံန်း ဘုရားရှာန်ဒေ ချီးမွမ်းသဘန်း ကိုယ်တော်ပါဒီဟာန်းမှာ။ 16စီးမှါခ့်ခါ အန်ဘင်းဆိတ်ကား ကိုယ်တော်ပါဒီဘန်း ကိုယ်တော်ဘင်းတာပိုင်းဘေ သထူထောက်သဘန်း ကိုယ်တော်ဒေ ကျေးဇူးတာန်သမှာ။ ဟိန်ကား ရှမာရိနယ်ဆား ထှာမှာ။
17စီးမှါခ့်ခါ ကိုယ်တော်ကား “ကမာတုံန်းရောဂါကယာရာန်ဘင်းကား သမီဆာရှစ်နူ အချီနော်။ ကျန်သဘင်းသမီဆာ ကောင်ဟူးကား ဟာပေကား။ 18အန်နိမ်စါန်းငှေါဒီ သမီဆာရှစ်နူနောင်းဟက် ဟော်ဝါ၌ ဘုရားရှာန်ဒေ ချီးမွမ်းသဒင် ငါပါဘေ ဒီဟာန်းဘန်းနာ အန်ဘင်းဆိတ်ရီးဒါး ဂျူးသမီဆာစဲအချီရား” ညယ် မိန့်တော်မူသမှာ။ 19ကိုယ်တော်ရီးဒါး ဆာတ်သဘန်း ဟိန်ဒေ “နာန် ရဲဘန်းလာန်စိတ်။ နာန်ယုံကြည်သဘင်းကား နာန်ရောဂါဒေ မဲဟာန်းစိန်းလားထှာမှာ” ညယ် မိန့်သမှာ။
ဘုရားရှာန်ဘင်းသာသနာတော်ပေါ်ထွန်းသဘင်း
20ရအာမှါခ့်ခါ ဖာရိရှဲစယ်ယာတာတ်ရီးဒါး ကိုယ်တော်ယေရှုတေ “ဘုရားရှာန်ဘင်းသနာတော်ကား ဟာကားအချိန်ဘေ ပေါ်သည်ကူတေ” ညယ် စိန်ယူကြီးမှာ။ ကိုယ်တော်ကား “ဘုရားရှာန်သာသနာတော်ကား ဟနိမ်ကတုံန်ရန်ဘင်း ပုံစံယောက် ပေါ်ဒီကလားအချီရား။ 21သမီဆတာတ်ရီးဒါး ‘ယူကြီး။ ဘုရားရှာန်ဘင်းသာသနာတော်ကား အဘင်းဘေထှာမှာ’ အန်နိမ်အချီ ‘ယူကြီး။ ဘုရားရှာန်သာသနာတော်ကား အန်ဘေထှာမှာ’ ညယ် ငှေါကြီးရန်ကလားအချီရား။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်းသာသနာတော်ကား ဟနိမ်ကြားဘေ ငှါနင်းစီးဘန်းအတွာတ်ထှာမှာ” ညယ်မိန့်သမှာ။
22ပန်းနူ ကိုယ်တော်ကား တပယ့်တော်တာတ်တေ “ဟနိမ်ကား သမီဆာဆားတော် ငှါဘင်း မာန်းရာတ်တေနောင်းဟက် မာန်းရာတ်ရအာတေဆဲ ကတုံန်ကာတ်သည်ဒါး အကတုံန်လူဘင်း အချိန်ထုတ်ရီကူ။ 23စီးမှါခ့်ခါ သမီဆာတေကား ဟနိမ်တေ ‘သမီဆာဆားတော်ကား အန်ဘင်းအရပ်ပေငှါမှာ’ အန်နိမ်အချီ ‘သမီဆာဆားတော်ကား အဘင်းအရပ်ပေငှါမှာ’ ညယ် ငှေါဘန်းရီးဒါး ပြာန်ပါပူဘန်း ဟိန်ဒေ အသန်ကြီးဆာ။ 24ဟမာန်တွာတ်ငှေါဘန်းတာတ်ငှေါ လျှပ်စီးလက်သဘန်း ဟမုခ်ဟူအာလုံး ယားနင်းနာန်ဘင်းတေ သမီဆတာတ် ကတုံန်လူနိမ် သမီဆာဆားတော် ဒီဟာန်းမှါခ့်ခါရီးဒါး အန်ဘင်းအတိုင်း သမီဆတာတ် ကတုံန်ကြီးထှာကူ။ 25အန်နိမ်စါန်းငှေါဒီ ဟိန်ကား ဒုက္ခဆာန်းရဲတေဒေ အရာန်ဦးဆုံး ခံသထှာဘန်းနာ အရာတ်ခေတ်ပင်း သမီဆာတာတ်ဟက် ငြာမ်းပယ်သဘင်းတေရီးဒါး ခံသထှာကူ။
26နောဧလာတ်ထာတ်မှါခ့်ခါ#17:26 နောဧ - ဘုရားရှာန်ကား ဝဲလွမ်းသဘင်းယောက် ကမ္ဘာတေ ဖျတ်ဆီးသမှါခ့်ခါ နောဧယောက် ဟိန်မိသားစုတေ ကယ်တာန်ဒီမှာ။ က ၁၉:၁-၂၉ တေယူ ထှာရီနိမ် သမီဆာဆားတော် ကြွဒီဟာန်းမှါခ့်ခါရီဒါး အန်နိမ်ထှာရီကူ။ 27နောဧကား ဆာန်းဖေါနောင်းဘေဆာန်ဘန်း နင်းဘင်းမာန်းရာတ်ထုတ်ကွန်း သမီဆာတာတ်ကား ယုတ်အာန်၊ အူရာန်၊ မာန်းဂလာပွဲတေအွန်နာန်ယောက် သမီနင်းမာန်းဂလာတေ အွန်အီရာန်ညယ် နင်းနင်းကြီးမှာ။ စီးမှါခ့်ခါ ဝဲလွာမ်းသဘင်းတေ ခံသထှာဘန်း အန်တာတ်ဆွန်ကွန်းကား ရှီးကြီးဆွန်ထှာမှာ။
28အန်ဘင်းအတိုင်း လောတလာတ်ထာတ်မှါခ့်ခါ#17:28 လောတ - သောဒုံမြို့ယောက် ဂေါမောရမြို့တေဒေ ဘုရားရှာန် ကာတ်ပဲထှာဒီဒါး လောတအိတ်ကား သောဒုံမြို့ဒေ သံယောဇဉ်အဖြတ်သရန်ဟွန် ဘုရားရှာန်အပြစ်အီလားတေ ခံသထှာမှာ။ (က ၁၉:၁၂-၂၉)ရီးဒါး သောဒုံမြို့ဘေနင်းဘင်း သမီဆာတာတ်ရီးဒါး ယုတ်ပန်းအူဘန်း၊ ဈေးတေမာ၊ ဈေးတေမီး၊ ကလွုန်စုတ်ပင်းယောက် ကျေမ်းတေစာရာန်ညယ် အွန်ဘန်းနင်းကြီးမှာ။ 29အန်နိမ်စါန်းငှေါဒီ လောတကား သောဒုံမြို့ဟက် ပူရီဘင်းမာန်းရာတ်မှါခ့်ခါ ဝါမ်ဟူနင်းဘင်းလုံးကရှီတေကား ဟမုခ်စောက်ဟက်အက်ပန်း မြို့နောင်းဘင်း သမီဆာတေအားလုံး ရှီးကြီးဆွန်ရီမှာ။
30သမီဆာဆားတော် ပေါ်သည်မှါခ့်ခါရီးဒါး အန်နိမ်ထှာကူ။ 31အန်ဘင်းမာန်းရာတ်ပေ ကျေမ်းဆနူးစောက်ပေငှါဘင်းဆိတ်ကား ကျေမ်းဘင်း ပစ္စည်းဥစ္စာတေဒေလာဒင် တွန်ဘေအဆပ်ကြီးဆာ။ အန်ဘင်းအတိုင်း လပါးကွာမ်းဘေ ထုတ်ပန်းနင်းဘင်းဆိတ်ရီးဒါး ဟမာန်အတွာတ်ရောက်စဲ ကျေမ်းပါ အလာန်ဟာန်းဆာ။ 32လောတဘင်းအိတ်ကား#17:32 လောတဘင်းအိတ်ကား သောဒုံမြို့ဟက် သေပြေးရှင်ပြေးကာတ်ကြီးထှာဒီဒါး လောတအိတ်ကား သောဒုံမြို့ဒေ သံယောစဉ်အဖြတ်သရန်ဟွန် ဘုရားရှာန်အပြစ် စီရာန်သလားတေ ခံသထှာမှာ။ (က ၁၉:၁၂-၂၉) ဟာနိမ်ထှာရီမှာငှေါဘင်းတေ ဆတီးလူကြီး။ 33ကိုယ်အဆာတ်တေ ကယ်သကာတ်ပင်း ဟာဟမဲစါန်းငှေါဒီ အန်ဘင်းဒေ ဆုံးရှုံးသကြီးထှာကူ။ အန်နိမ်စါန်းငှေါဒီ ငါအတွာတ်ယောက် ကိုယ်အဆာတ်တေ စွန့်သဘင်းဆိတ်ကား ဟာ၌မှါခ့်ခါစဲအရှီးဘင်းအဆာတ်တေ လူကူ။ 34ဟနိမ်တေငါငှေါကူ။ အန်ဘင်းနာတ်ကြယ်ဘေ အေပ့်ဆေစ့်နောင်းဘေ အေ့ပ်နင်းဘင်း သမီဆာကလိန်းဟူးနောင်းဟက် ဟော်ဝါကား ကော်လားခံသထှာဘန်း တခြားဟော်ဝါကား ချန်သပဲလားခံသထှာကူ။ 35အတူတူအန်ထူနင်းဘင်း အီးရှီကလိန်းဟူးနောင်းဟက် ဟော်ဝါကား ကော်လားခံသထှာဘန်း တခြားဟော်ဝါကား ချန်သပဘဲလားခံသထှာကူ။ 36လပါးကွာမ်းဘေ သမီဆာကလိန်းဟူး ငှါဒီဒါး ဟော်ဝါကား ကော်လားခံသထှာဘန်း တခြားဟော်ဝါကား ချန်သပဘဲလားခံသထှာကူ#17:36 အဘင်းကျမ်းပိုဒ်တေ ကျမ်းကျိန်းကလောင်းတုံန်းဘေကား အကာပဲရား။ ” ညယ်မိန့်တော်မူသမှာ။
37အန်၌မှါခ့်ခါ တပယ့်တော်တာတ်ကား “အရှာန်၊ အဘင်းနာတေကား ဟာဘင်းအရပ်ပေ ထှာကူတေ” ညယ် စိန်ယူမှာ။ ကိုယ်တော်ယေရှုရီးဒါး “ကဘူးဘင်းနနူငှါဘင်း ဟာဘင်းအရပ်စါန်းငှေါဒီ လင်းတတာတ်ကား စုသကြီးရီကူထှာမှာ” ညယ် မိန့်တော်မူသမှာ။#မ၊ ၂၄:၂၈
Currently Selected:
ရှာန်လုကာ 17: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 17
17
အခန်း (၁၇)
ခွာမ်းလွှတ်သဘင်းယောက်ယုံကြည်သဘင်းအကြောင်းဆွောန်သကာဘင်း
1စီးမှါခ့်ခါ ကိုယ်တော်ကား ဟိန်တပယ့်တာတ်တေ “ဘုရားရှာန်ဒေ အနာခံသကွန်း သမီဆတာတ်တေ ဖြားယောင်းသွေးဆောင်သဘင်းနာတေကား အမြဲတမ်းငှါဘန်းနင်းကူ။ အန်နိမ်စါန်းငှေါဒီ တခြားသမီဆာတာတ်တေ အပြစ်အွန်စိန်းဒင် ဖြားယောင်းသွေးဆောင်သဘင်းဆိတ်တာတ်ကား ဒုက္ခထုတ်ကြီးကူ။ 2အပြစ်အဘိုဘင်းဆိတ်တေ အပြစ်အွန်ကွန်း ပက်သဘင်းဆိတ်ကား ဟိန်ကတုတ်ပေ နိတ်ပင်းလုံးကရှီတုံန်းတေ ကြိတ်ပန်းနာ ပါမ်လယ်နောင်းပါ တက်အက်လားခံသထှာဘင်းနာကား ပိုသောမဲမှာ။ 3အမှာတွာတ် ဟနိမ်အွန်ဘင်းနာတေဒေ ဆတီးပဲပန်းယူကြီး။ ဟနိမ်ဘင်းအမူးနရှီတေ အပြစ်စားနူအွန်ပတ်ပန်းကား ဟိန်ဒေ ဆုံးမသော။ အန်တာတ် နောင်တလူကြီးဘန်းကား အန်တာတ်တေ ခွာမ်းလွှတ်သအီကြီး။ 4မာန်းရာတ်ရအာအတွာန်းဘေ နာန်တေ စစ်ပန်းထုတ်ကွန်းအပြစ်အွန်လားစဲဒါး နာန်ပါ စစ်ပန်းတိုင်တိုင်ဒီဟာန်းဘန်းနာ ‘ငါနောင်တလူဘန်း’ ညယ် တောင်းပါန်သဘန်းကား ဟိန်ဒေ ခွာမ်းလွှတ်သအီထှာကူ” ညယ် မိန့်သမှာ။
ယုံကြည်သဘင်း
5အန်၌မှါခ့်ခါ သာဝကတာတ်ကား အရှာန်တေ “ဘုရားရှာန်စေါက်ပေ အလေယုံကြည်သဘင်းတေ ပိုသော မြဲသကွန်း အွန်အီယုတ်” ညယ် လျှောက်တာန်သမှာ။
6အမှာတွာတ် ကိုယ်တော်ယေရှုရီးဒါး “ဟနိမ်ဘေ ကန်စူတူဆနိမ်အစစ်ပင်း ယုံကြည်သလားငှါဆယောက် အဘင်းပိုးစာကလွုန်တေ ‘သကလပ်ဟက်ဟုတ်ပန်းနာ ပါမ်လယ်နောင်းဘေ တူစိန်း’ ညယ် ငှေါရန်နာ။ အန်ဘင်းကလွုန်ကား ဟနိမ်ငှေါဘင်းအတိုင်း နာခံသကူ။
7ဟနိမ်နောင်းဟက် ဟော်ဝါဟော်ဝါဘေ လပါးထွန်ဘင်း အန်နိမ်အချီ သိုးနနူပူဘင်းအစေခံဟော်ဝါ ငှါမှာညယ်ပဲရာန်။ အန်ဘင်းအစေခံကား လပါးထွန်ဘင်းဟက် အန်နိမ်အချီ သိုးနနူပူဘန်း လပါးဟက်ဒီဟာန်းမှါခ့်ခါ ဟိန်ကား အန်ဘင်းအစေခံဒေ ‘အောပါဒီ၊ အဘင်းဘေထုံးဘန်း စားနူစားနာယုတ်’ ညယ် ငှေါကလဲ။ 8အန်နိမ်ငှေါကူဘင်းအစား ‘နိတ်တင်တော်ဒင်တေ ကြိုက်ပန်း ငါယုတ်တင်အတွာတ် ယုတ်တင်အူဒင်တေ ပြာန်ဆာန်သအီ။ စီးဘန်းကား ငါယုတ်စီးကွန်းထုတ် ငါတေဒဲ။ ငါယုတ်စီးမှါခ့်ခါ နာန်ယုတ်လားလူဘန်း’ ညယ် ငှေါကလား အချီနော်။ 9ဟိန်ကား အစေခံဒေ ဟိန်ငှေါဘင်းအတိုင်း အွန်ဘင်းအတွာတ် ကျေးဇူးတာန်သကလဲ။ 10အန်ဘင်းအတိုင်း ဟနိမ်တေ အွန်ထှာကူညယ် ငှေါပဲဘင်းနာတေဒေ ဟနိမ်အွန်စီးမှါခ့်ခါ ‘အလေကား သာမန်အစေခံတေထှာကြီးမှာ။ အလေကား အလေဘင်းတာဝန်တေဒေ၌ဆာ စီးကွန်းအွန်နီလားထှာမှာ’ ညယ် ငှေါကြီး” ညယ် မိန့်သမှာ။
ကမာတုံန်းရောဂါဆယ်ရှစ်နူ
11စီးမှါခ့်ခါ ကိုယ်တော်ကား ဂျေရုဆလင်မြို့ပါလာန်ဘင်း လမ်းဘေငှါဘင်း ဂါလိလဲပြေယောက် ရှမာရိပြေကြားဘေငှါဘင်း နယ်စပ်တေ ဖြတ်သဘန်း လာန်ပဲမှာ။ 12ကိုယ်တော်ကား ထိန်ထိန်ငှါပါထုတ်မှါခ့်ခါ ကမာတုံန်းရောဂါဆယ်ရှစ်နူကား ကိုယ်တော်ပါဒီကြီးမှာ။ အန်တာတ်ကား လမ်းရီးအစာ ထန်ရီးအထန်ဘင်းဘေစပ်ပန်းနာ 13ဆကလားဝါတ်ဆလာတ်တုံန်းယောက် “ကိုယ်တော်ယေရှု၊ အရှာန် အလေတေ အစန်ယုတ်” ညယ် ဟာတ်ကြီးမှာ။
14ကိုယ်တော်ကား အန်တာတ်တေ ကတုံန်ဘန်း “ပုရောဟိတ်တာတ်ပါ ဟနိမ်ကိုယ်တိုင် လာန်ဘန်းကာရာန်” ညယ် မိန့်သမှာ။ အန်ဘင်းဆိတ်တာတ်ရီးဒါး လာန်နင်းစါတ် ကမာရောဂါတေကား ကယာကြီးဆွန်နာန်မှာ။
15အန်တာတ်နောင်းဟက် ဟော်ဝါကား ကမာရောဂါတေ ကယာဆွန်နာန်ဘင်းနာဒေ မိန်းရှာတ်ခါရာန်မှါခ့်ခါ ဝါတ်ဆလာပ်တုံန်း ဘုရားရှာန်ဒေ ချီးမွမ်းသဘန်း ကိုယ်တော်ပါဒီဟာန်းမှာ။ 16စီးမှါခ့်ခါ အန်ဘင်းဆိတ်ကား ကိုယ်တော်ပါဒီဘန်း ကိုယ်တော်ဘင်းတာပိုင်းဘေ သထူထောက်သဘန်း ကိုယ်တော်ဒေ ကျေးဇူးတာန်သမှာ။ ဟိန်ကား ရှမာရိနယ်ဆား ထှာမှာ။
17စီးမှါခ့်ခါ ကိုယ်တော်ကား “ကမာတုံန်းရောဂါကယာရာန်ဘင်းကား သမီဆာရှစ်နူ အချီနော်။ ကျန်သဘင်းသမီဆာ ကောင်ဟူးကား ဟာပေကား။ 18အန်နိမ်စါန်းငှေါဒီ သမီဆာရှစ်နူနောင်းဟက် ဟော်ဝါ၌ ဘုရားရှာန်ဒေ ချီးမွမ်းသဒင် ငါပါဘေ ဒီဟာန်းဘန်းနာ အန်ဘင်းဆိတ်ရီးဒါး ဂျူးသမီဆာစဲအချီရား” ညယ် မိန့်တော်မူသမှာ။ 19ကိုယ်တော်ရီးဒါး ဆာတ်သဘန်း ဟိန်ဒေ “နာန် ရဲဘန်းလာန်စိတ်။ နာန်ယုံကြည်သဘင်းကား နာန်ရောဂါဒေ မဲဟာန်းစိန်းလားထှာမှာ” ညယ် မိန့်သမှာ။
ဘုရားရှာန်ဘင်းသာသနာတော်ပေါ်ထွန်းသဘင်း
20ရအာမှါခ့်ခါ ဖာရိရှဲစယ်ယာတာတ်ရီးဒါး ကိုယ်တော်ယေရှုတေ “ဘုရားရှာန်ဘင်းသနာတော်ကား ဟာကားအချိန်ဘေ ပေါ်သည်ကူတေ” ညယ် စိန်ယူကြီးမှာ။ ကိုယ်တော်ကား “ဘုရားရှာန်သာသနာတော်ကား ဟနိမ်ကတုံန်ရန်ဘင်း ပုံစံယောက် ပေါ်ဒီကလားအချီရား။ 21သမီဆတာတ်ရီးဒါး ‘ယူကြီး။ ဘုရားရှာန်ဘင်းသာသနာတော်ကား အဘင်းဘေထှာမှာ’ အန်နိမ်အချီ ‘ယူကြီး။ ဘုရားရှာန်သာသနာတော်ကား အန်ဘေထှာမှာ’ ညယ် ငှေါကြီးရန်ကလားအချီရား။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်းသာသနာတော်ကား ဟနိမ်ကြားဘေ ငှါနင်းစီးဘန်းအတွာတ်ထှာမှာ” ညယ်မိန့်သမှာ။
22ပန်းနူ ကိုယ်တော်ကား တပယ့်တော်တာတ်တေ “ဟနိမ်ကား သမီဆာဆားတော် ငှါဘင်း မာန်းရာတ်တေနောင်းဟက် မာန်းရာတ်ရအာတေဆဲ ကတုံန်ကာတ်သည်ဒါး အကတုံန်လူဘင်း အချိန်ထုတ်ရီကူ။ 23စီးမှါခ့်ခါ သမီဆာတေကား ဟနိမ်တေ ‘သမီဆာဆားတော်ကား အန်ဘင်းအရပ်ပေငှါမှာ’ အန်နိမ်အချီ ‘သမီဆာဆားတော်ကား အဘင်းအရပ်ပေငှါမှာ’ ညယ် ငှေါဘန်းရီးဒါး ပြာန်ပါပူဘန်း ဟိန်ဒေ အသန်ကြီးဆာ။ 24ဟမာန်တွာတ်ငှေါဘန်းတာတ်ငှေါ လျှပ်စီးလက်သဘန်း ဟမုခ်ဟူအာလုံး ယားနင်းနာန်ဘင်းတေ သမီဆတာတ် ကတုံန်လူနိမ် သမီဆာဆားတော် ဒီဟာန်းမှါခ့်ခါရီးဒါး အန်ဘင်းအတိုင်း သမီဆတာတ် ကတုံန်ကြီးထှာကူ။ 25အန်နိမ်စါန်းငှေါဒီ ဟိန်ကား ဒုက္ခဆာန်းရဲတေဒေ အရာန်ဦးဆုံး ခံသထှာဘန်းနာ အရာတ်ခေတ်ပင်း သမီဆာတာတ်ဟက် ငြာမ်းပယ်သဘင်းတေရီးဒါး ခံသထှာကူ။
26နောဧလာတ်ထာတ်မှါခ့်ခါ#17:26 နောဧ - ဘုရားရှာန်ကား ဝဲလွမ်းသဘင်းယောက် ကမ္ဘာတေ ဖျတ်ဆီးသမှါခ့်ခါ နောဧယောက် ဟိန်မိသားစုတေ ကယ်တာန်ဒီမှာ။ က ၁၉:၁-၂၉ တေယူ ထှာရီနိမ် သမီဆာဆားတော် ကြွဒီဟာန်းမှါခ့်ခါရီဒါး အန်နိမ်ထှာရီကူ။ 27နောဧကား ဆာန်းဖေါနောင်းဘေဆာန်ဘန်း နင်းဘင်းမာန်းရာတ်ထုတ်ကွန်း သမီဆာတာတ်ကား ယုတ်အာန်၊ အူရာန်၊ မာန်းဂလာပွဲတေအွန်နာန်ယောက် သမီနင်းမာန်းဂလာတေ အွန်အီရာန်ညယ် နင်းနင်းကြီးမှာ။ စီးမှါခ့်ခါ ဝဲလွာမ်းသဘင်းတေ ခံသထှာဘန်း အန်တာတ်ဆွန်ကွန်းကား ရှီးကြီးဆွန်ထှာမှာ။
28အန်ဘင်းအတိုင်း လောတလာတ်ထာတ်မှါခ့်ခါ#17:28 လောတ - သောဒုံမြို့ယောက် ဂေါမောရမြို့တေဒေ ဘုရားရှာန် ကာတ်ပဲထှာဒီဒါး လောတအိတ်ကား သောဒုံမြို့ဒေ သံယောဇဉ်အဖြတ်သရန်ဟွန် ဘုရားရှာန်အပြစ်အီလားတေ ခံသထှာမှာ။ (က ၁၉:၁၂-၂၉)ရီးဒါး သောဒုံမြို့ဘေနင်းဘင်း သမီဆာတာတ်ရီးဒါး ယုတ်ပန်းအူဘန်း၊ ဈေးတေမာ၊ ဈေးတေမီး၊ ကလွုန်စုတ်ပင်းယောက် ကျေမ်းတေစာရာန်ညယ် အွန်ဘန်းနင်းကြီးမှာ။ 29အန်နိမ်စါန်းငှေါဒီ လောတကား သောဒုံမြို့ဟက် ပူရီဘင်းမာန်းရာတ်မှါခ့်ခါ ဝါမ်ဟူနင်းဘင်းလုံးကရှီတေကား ဟမုခ်စောက်ဟက်အက်ပန်း မြို့နောင်းဘင်း သမီဆာတေအားလုံး ရှီးကြီးဆွန်ရီမှာ။
30သမီဆာဆားတော် ပေါ်သည်မှါခ့်ခါရီးဒါး အန်နိမ်ထှာကူ။ 31အန်ဘင်းမာန်းရာတ်ပေ ကျေမ်းဆနူးစောက်ပေငှါဘင်းဆိတ်ကား ကျေမ်းဘင်း ပစ္စည်းဥစ္စာတေဒေလာဒင် တွန်ဘေအဆပ်ကြီးဆာ။ အန်ဘင်းအတိုင်း လပါးကွာမ်းဘေ ထုတ်ပန်းနင်းဘင်းဆိတ်ရီးဒါး ဟမာန်အတွာတ်ရောက်စဲ ကျေမ်းပါ အလာန်ဟာန်းဆာ။ 32လောတဘင်းအိတ်ကား#17:32 လောတဘင်းအိတ်ကား သောဒုံမြို့ဟက် သေပြေးရှင်ပြေးကာတ်ကြီးထှာဒီဒါး လောတအိတ်ကား သောဒုံမြို့ဒေ သံယောစဉ်အဖြတ်သရန်ဟွန် ဘုရားရှာန်အပြစ် စီရာန်သလားတေ ခံသထှာမှာ။ (က ၁၉:၁၂-၂၉) ဟာနိမ်ထှာရီမှာငှေါဘင်းတေ ဆတီးလူကြီး။ 33ကိုယ်အဆာတ်တေ ကယ်သကာတ်ပင်း ဟာဟမဲစါန်းငှေါဒီ အန်ဘင်းဒေ ဆုံးရှုံးသကြီးထှာကူ။ အန်နိမ်စါန်းငှေါဒီ ငါအတွာတ်ယောက် ကိုယ်အဆာတ်တေ စွန့်သဘင်းဆိတ်ကား ဟာ၌မှါခ့်ခါစဲအရှီးဘင်းအဆာတ်တေ လူကူ။ 34ဟနိမ်တေငါငှေါကူ။ အန်ဘင်းနာတ်ကြယ်ဘေ အေပ့်ဆေစ့်နောင်းဘေ အေ့ပ်နင်းဘင်း သမီဆာကလိန်းဟူးနောင်းဟက် ဟော်ဝါကား ကော်လားခံသထှာဘန်း တခြားဟော်ဝါကား ချန်သပဲလားခံသထှာကူ။ 35အတူတူအန်ထူနင်းဘင်း အီးရှီကလိန်းဟူးနောင်းဟက် ဟော်ဝါကား ကော်လားခံသထှာဘန်း တခြားဟော်ဝါကား ချန်သပဘဲလားခံသထှာကူ။ 36လပါးကွာမ်းဘေ သမီဆာကလိန်းဟူး ငှါဒီဒါး ဟော်ဝါကား ကော်လားခံသထှာဘန်း တခြားဟော်ဝါကား ချန်သပဘဲလားခံသထှာကူ#17:36 အဘင်းကျမ်းပိုဒ်တေ ကျမ်းကျိန်းကလောင်းတုံန်းဘေကား အကာပဲရား။ ” ညယ်မိန့်တော်မူသမှာ။
37အန်၌မှါခ့်ခါ တပယ့်တော်တာတ်ကား “အရှာန်၊ အဘင်းနာတေကား ဟာဘင်းအရပ်ပေ ထှာကူတေ” ညယ် စိန်ယူမှာ။ ကိုယ်တော်ယေရှုရီးဒါး “ကဘူးဘင်းနနူငှါဘင်း ဟာဘင်းအရပ်စါန်းငှေါဒီ လင်းတတာတ်ကား စုသကြီးရီကူထှာမှာ” ညယ် မိန့်တော်မူသမှာ။#မ၊ ၂၄:၂၈
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.