ရှာန်လုကာ 19
19
အခန်း (၁၉)
ကိုယ်တော်ယေရှုယောက်ဇက္ခဲ
1စီးမှါခ့်ခါ ကိုယ်တော်ယေရှုကား ဂျေရိခေါမြို့တေဆာန်ဘန်း ဖြတ်သလာန်ဘဲမှာ။ 2အန်ဘင်းမြို့ဘေ ဇက္ခဲညယ်ကော်ဘင်း သမီဆာဟော်ဝါနင်းမှာ။ ဟိန်ကား အခွန်ဖူးကွန်ဘင်းဆိတ်တာတ် ဟလာန်းစါတ်ထှာဘင်း အကြီးအကျယ်ဆွာမ်းဘင်း သမီဆာဟော်ဝါထှာမှာ။ 3ဟိန်ကား ကိုယ်တော်ယေရှု ဟာဟမဲထှာမှာငှေါဘင်းနာတေ ကတုံန်ကာတ်ခွန် ကြိုးစားသဒီဒါး ဟိန်ကား လာန်တွန်ဘင်းအတွာတ် သမီဆာကလောင်းတုံန်းတေ ကျော်သဘန်း အကတုံန်ဟာငှါနင်းမှာ။ 4အမှာတွာတ် ဟိန်ကား ကိုယ်တော်ယေရှုတေ ကတုံန်လူကွန်း သမီဆတာတ်မန်းဟက် ကြိုသောကာပ်ပန်း ဆာန်းညက်ကလွုန်ကွန်နာဘေ ဟယ်ရာန်မှာ။ ဟမာန်တွာတ်ငှေါဘန်းတာတ်ငှေါ ကိုယ်တော်ကား အန်ဘင်းလမ်းဟက် ဖြတ်သဘန်း ဒီနင်းဘင်းအတွာတ်ထှာမှာ။
5ကိုယ်တော်ကား အန်ဘင်းနေရာဘေထုတ်မှါခ့်ခါ စောက်ပေငါန်းဘန်းယူဝါမ်ဘန်းနာ ဇက္ခဲတေ “ဇက္ခဲ၊ အရာတ်ချတ်ချန်း ဆာတ်နီ။ အရာတ်မှါတ် နာန်ကျေမ်းဘေ ငါတည်းသကူ” ညယ် မိန့်တော်မူသမှာ။ 6အမှာတွာတ် ဇက္ခဲကား ဖွုန်းကလွုန်စောက်ဟက် ချတ်ချန်းဆပ်နီဘန်း ကိုယ်တော်ယေရှုတေ မွန်းဘန်းနာကြိုသမှာ။
7အန်ဘင်းဒေ ကတုံန်ကြီးဘင်းဆိတ်တာတ်ကား “ကိုယ်တော်ကား အပြစ်ဆားဟော်ဝါကျေမ်းဘေ တည်းသဒင် လာန်ဘန်း” ညယ် ဝေဖန်အပြစ်တာန်သကြီးမှာ။
8အန်နိမ်စါန်းငှေါဒီ ဇက္ခဲကား စပ်ပန်းနာ အရှာန်တေ “အရှာန် သက်အီယုတ်။ ငါပိုင်သဘင်း ပစ္စည်းတစ်ဝါတ်တေ အဘိုဘင်း ဆာန်းရဲဆားတာတ်တေ မံအီကူ။ ငါကား သမီဆာတေဟက် အတရားသညယ် အတာန်းစိန်ဘန်းပဲဘင်း အခွန်ဖူးတေဒေ လေးဆပိုသောဘန်း ပြန်သဘန်းနာ အီဟာန်းကူ” ညယ် လျှောက်တာန်သမှာ။
9ကိုယ်တော်ကား ဇက္ခဲတေ “နာန်ရီးဒါး အာဗြဟံ မျိုးဆက်ထှာဘင်းအတွာတ် အရာတ်မှါတ်ဟက်စသဘန်း နာန်ယောက် နာန်တစ်မိသားစုလုံးတေ ဘုရားရှာန် ကယ်တာန်တော်မူသဘန်း။ 10သမီဆာဆားတော်ရီးဒါး ကယာပန်းနင်းဘင်း ဆိတ်တာတ်တေဒေ သန်ဘန်း ကယ်တာန်သဒင် ကြွဒီလားထှာမှာ” ညယ် မိန့်တော်မူသမှာ။
ဖူးဆယ်မီနာဥပမာ
11သမီဆာတာတ်ကား ကိုယ်တော်ယေရှု မိန့်သဘင်းနာတေဒေ သက်နင်းကြီးမှါခ့်ခါ ကိုယ်တော်ကား ဆာတ်သဘန်း အန်တာတ်တေ ဥပမာစားနူတေ ဆာတ်သဘန်း မိန့်တော်မူသမှာ။ ဟမာန်တွာတ်ငှေါဘန်းတာတ်ငှေါ ကိုယ်တော်ကား ဂျေရုဆလင်မြို့ပိုက်ပါ ထုတ်အီဘင်းအတွာတ် ဘုရားရှာန်ဘင်းသာသနာတော်ကား ချတ်ချန်းပေါ်ထွန်းဒီကဘန်းညယ် သမီဆတာတ်ကား ထာန်သနင်းကြီးဘင်းအတွာတ်ထှာမှာ။ 12ကိုယ်တော်ကား “ရာထူးတုံန်းဘင်းဆိတ်ဟော်ဝါကား ရှာန်းပလာန်အနေယောက် ဟိန်တိုင်းပြေဘေ အုပ်ချုပ်သထှာကူဘင်း အခွာမ်းအာဏာတေ ဧကရာဇ်ရှာန်းပလာန်တုံန်းဟက် လက်ခံသဒင် လမ်းစာဘင်းပြေပါ လာန်မှာ။ ဟိန်ကား အန်ဘင်းအခွာမ်းအာဏာတေ လူစီးမှါခ့်ခါ ရှာန်းပလာန်အနေယောက် အုပ်ချုပ်သဒင် ကျေမ်းပါဒီဟာန်းမှာ။ 13အန်နိမ်စါန်းငှေါဒီ အလာန်ကြီ ဟိန်ကား ဟိန်ဘင်းအစေခံရှစ်နူတေကော်ဘန်း ဟော်ဝါစီနင်း ဖူးတစ်မိနာ့စီဒေ#19:13 ဖူးတစ်မီနာ့ - သမီဆာဟော်ဝါ မာန်းရာတ်ပါတ်နူကွန်း အွန်ဘင်းလုပ်အားခယောက် ညီမျှသဘင်းဖူး အီမှာ။ စီးမှါခ့်ခါ ဟိန်ကား ‘အဘင်းဖူးဒေ ငါဒီဟာန်းကူဘင်းအချိန်ထုတ်ကွန်း စီးပွားအွန်ကြီး’ ညယ် မိန့်သပဘဲမှာ။
14အန်နိမ်စါန်းငှေါဒီ ဟိန်တိုင်းပြေဘင်း သမီဆာစယ်ယာကား ဟိန်ဒေ ယူနီဘင်းအတွာတ် ဧကရာဇ်ရှာန်းပလာန်တုံန်းပါ ဟိန်ထာတ်အရာန် သံတမန်တေဒေ အရာန်တာတ်ပန်း ‘အဘင်းဆိတ်တေ အလေဘင်းရှာန်းပလာန် အထှာစိန်းကအား’ ညယ် လျှောက်တာန်သစိန်းမှာ။
15အန်နိမ်စါန်းငှေါဒီ ဟိန်ကား ရှာန်းပလာန်အနေယောက် တာန်မြှောက်သလားခံသထှာဘန်း ဟိန်တိုင်းပြေပါ ရှာန်းပလာန်နယားအနေယောက် ဒီဟာန်းမှာ။ စီးမှါခ့်ခါ ဟိန်အီရီဘင်းဖူးယောက် ဖူးဟာနယ်တိုးသကွန်း အွန်ပဲဘင်းတေ မိန်းရှာတ်ခါကာတ်ပန်း ဟိန်ဖူးအီရီဘင်း အစေခံတေဒေ ကော်ရာန်မှာ။
16ပထမအစေခံကား ဟိန်ပါဒီဘန်း ‘အိုးဆကြီး နာန်အီရီဘင်း ဖူးတစ်မိနာ့တေ ငါကား အမြတ်အဆရှစ်နူလူကွန်း အွန်ပဲမှာ’ ညယ် လျှောက်တာန်သမှာ။
17အုပ်ချုပ်သဘင်းဆိတ်ရီးဒါး ‘နာန်ကား မဲဘင်းအစေခံထှာမှာ။ နာန်ကား ကိစ္စအစစ်ဆာတေစဲ ငါစောက်ပေ သစ္စာငှါဘင်းအတွာတ် မြို့ရှစ်နူတေ အုပ်ချုပ်တာန်’ ညယ် မိန့်သမှာ။
18စီးမှါခ့်ခါ ဒုတိယအစေခံဟော်ဝါရီးဒါး ဟိန်ပါဒီဘန်း ‘အိုးဆကြီး၊ အိုးဆကြီးအီရီဘင်းဖူးတစ်မိနာ့တေ ဟာဆအမြတ်လူကွန်း အွန်ပဲမှာ’ ညယ် လျှောက်တာန်သမှာ။
19အုပ်ချုပ်သဘင်းဆိတ်ရီးဒါး ‘နာန်ကား မြို့ဟာမြို့တေအုပ်ချုပ်တာန်’ ညယ် မိန့်သမှာ။
20စီးမှါခ့်ခါ အနားအစေခံဟော်ဝါရီးဒါး ဒီဘန်း ‘အိုးဆကြီး၊ အိုးဆကြီးအီရီဘင်း ဖူးတစ်မိနာ့တေ ပုဝါယောက် ငါဒေ့ပ်ပန်း မလဲကလဲသိမ်းသပဲမှာ။ အဘေယူ။ 21ငါအန်နိမ်အွန်ထှာဘင်းကား အိုးဆကြီးကား စည်းကမ်းတုံန်းဘင်းဆိတ်ထှာဘင်းအတွာတ် ငါစါတ်ပင်းအတွာတ်ထှာမှာ။ အိုးဆကြီးကား ကိုယ်အပိုင်သဘင်းနာတေဒေရီးဒါး တခြားဘင်းဆိတ်တာတ်ဟက် လာဟာဘန်း ကိုယ်အစုတ်ပဲဘင်း ရှရှီတေဒေရီးဒါး ယပ်ခါဘင်းဆိတ် ထှာမှာ’ ညယ် လျှောက်တာန်သမှာ။
22အန်၌မှါခ့်ခါ အိုးဆကြီးကား အစေခံတေ ‘ကန်းဘင်းအစေခံ၊ နာန်ငှေါတူးအတိုင်း နာန်တေငါအပြစ်စီရာန်သကူ။ ငါကား ငါအပိုင်သဘင်းတေ လာဟာဘန်း ငါအစုတ်ညယ်ရီးဒါး ရှရှီတေဒေယာတ်ခါဘင်း စည်းကမ်းတုံန်းဘင်းဆိတ် ထှာဘင်းတေ နာန်မိန်းရှာတ်ခါမှာ။ 23ငါအီဘင်းဖူးတေ ဟမာန်ငှါး ဖူးအတိုးဟယ်ဘင်းဆိတ်တာတ်ပါ အအပ်သပဲတေ။ ဖူးအတိုးဟယ်ဘင်းဆိတ်ပေ အပ်သပဲဘန်းကား ငါဒီဟာန်းမှါခ့်ခါ အတိုးကားလူကူ’ ညယ် ငှေါမှာ။
24စီးမှါခ့်ခါ အုပ်ချုပ်သဘင်းဆိတ်ကား အန်ဘင်းဘေ စပ်ပန်းနင်းဘင်း အစေခံတေဒေ ‘ဟိန်ဟက်ဖူးတစ်မိနာ့တေ လာရာန်ဘန်း ဖူးဆယ်မိနာ့ငှါဘင်း အစေခံနင်းအီရာန်’ ညယ် အမိန့်အီရာန်မှာ။
25အန်ဘင်းဆိတ်တာတ်ရီးဒါး ‘အိုးဆကြီး၊ ဟိန်ဘေ ဖူးဆယ်မိနာ့ငှါစီးပဲဘန်းထှာမှာ’ ညယ် ပြန်သဘန်း လျှောက်တာန်သကြီးဘင်းအတွာတ် 26အုပ်ချုပ်သဘင်းဆိတ်ရီးဒါး ‘ဟနိမ်တေ ငါငှေါကူ။ စားနူစားနာငှါမှာငှေါဘင်းဆိတ်ကား ပိုသောအီလားခံသထှာဘန်း ဟာဘင်းနာစဲ အဘိုဘင်းဆိတ်ကား ဟိန်ဘေငှါဘင်း အစစ်ဆာတေစဲ ဟိန်ဟက် လာလာန်ဘဲလား ခံသထှာကူ။ 27အရာတ် ငါအုပ်ချုပ်သဘင်းတေ အလိုအသကြီးဘင်း ငါရန်သူတေဒေ အဘင်းဘေကော်ရီဘန်း ငါမန်းဘေ သာန်းရှီးကြီးရာန်’ ညယ် ငှေါရာန်” ညယ် မိန့်သမှာ။
ဂျေရုဆလင်မြို့ပါဆာန်ဘင်း
28ကိုယ်တော်ကား အန်နိမ်ဟောသစီးမှါခ့်ခါ တပယ့်တော်တာတ်မန်းဟက် ဂျေရုဆလင်မြို့ပါ ဆာတ်သဘန်း ကြွတော်မူသမှာ။ 29ကိုယ်တော်ကား သံလွင်ကယာပိုက်ပင်း ဗက်ဖာဂေမြို့ယောက် ဗေသနိမြို့ပိုက်ပေထုတ်မှါခ့်ခါ တပယ့်ကလိန်းဟူးတေ ကြိုတာန်သဘန်းတာတ်တင် ကော်ရာန်မှာ။ 30ကိုယ်တော်ကား “ဟနိမ် မန်းဘင်းထိန်ပါလာန်ကြီး။ ထိန်ပါဆာန်မရောက် ဟာဟမဲစဲ အစီးသလူနွန်းဘင်း မြည်းရှရှာနူဝါတေ ဟွပ်ပန်းပဲဘင်းနာတေ ကတုံန်ကူ။ အန်ဘင်းဒေ ဆိုင်းဟပ်ပန်း ငါပါကော်ကြီးရီ။ 31ဟော်ဝါဟော်ဝါကား ‘ဟနိမ် ဟမာန်ငှါး မြည်းရှရှာတေ ဆိုင်းဟပ်ပန်းနင်းကြီးတေ’ ညယ် စိန်ယူဘန်းကား ‘အရှာန်ကား လိုသနင်းဘင်းအတွာတ်ထှာမှာ’ ညယ် ငှေါကြီး” ညယ် မိန့်တော်မူသမှာ။
32အမှာတွာတ် အန်ဘင်းတပယ့်တော် ကလိန်းဟူးရီးဒါး ထိန်နောင်းဘေထုတ်မှါခ့်ခါ ကိုယ်တော်မိန့်သည်ဘင်းအတိုင်း မြည်းရှရှာဒေ ကတုံန်ကြီးမှာ။ 33အန်တာတ်ကား မြည်းရှရှာဒေ#19:33 မြည်း - အန်ဘင်းမြည်းကား သမီဆာ၊ ကုန်တေယောက် ယဉ်သကွန်း အလေ့ကျင့်သလူနွန်းဘင်း ရိုင်းသဘင်းမြည်းထှာမှာ။ အန်နိမ်စါန်းငှေါဒီ ကိုယ်တော်ယေရှုတေ ဂျေရုဆလင်မြို့ပါ မလဲကလဲ သယ်သလာန်ဘဲမှာ။ ဆိုင်းဟပ်ပန်းနင်းမှါခ့်ခါ အဆိတ်ကား “ဟနိမ် ဟမာန်ငှါး မြည်းရှရှာဒေ ဆိုင်းဟပ်ပန်းနင်းကြီးတေ” ညယ် စိန်ယူမှါခ့်ခါ 34တပယ့်တော်တာတ်ရီးဒါး “အရှာန်ကား လိုသနင်းဘင်းအတွာတ်” ညယ် ဖြေသမှာ။
35စီးမှါခ့်ခါ အန်တာတ်ကား မြည်းရှရှာဒေ ကိုယ်တော်ပါ လာရီဘန်း မြည်းရှရှာကဆာန်းစောက်ပေ အန်တာတ်ဆာန်ဆုန်တေဒေကန်းဘန်း ကိုယ်တော်ဒေ မြည်းစောက်ပေ ထုံန်းစိန်းဒင် တာန်သအီကြီးရာန်မှာ။ 36ကိုယ်တော်ကား မြည်းရှရှာတေ ဘီးဘန်း ဒီနင်းလမ်းဘေ သမီဆာကလောင်းတုံန်းကား ကိုယ်တော်မန်းဘေ အန်တာတ်ပင်း ဆာန်ဆုန်တေဒေ ကန်းဘန်းအီကြီးမှာ။
37ကိုယ်တော်ယေရှုကား သံလွင်ကယာဟက်ဆပ်ပင်း လမ်းဘေထုတ်မှါခ့်ခါ တပယ့်တာတ်ကလောင်းတုံန်းကား အန်တာတ်ကတုံန်ရီဘင်း ကိုယ်တော်ယေရှုအွန်ဘင်း အံ့ဩသထာတ်မဲဘင်းနာတေအတွာတ် မွန်းကြီးဘန်းနာ ဘုရားရှာန်ဒေ ချီးမွမ်းသကြီးမှာ။
38အန်တာတ်ကား “ဘုရားရှာန်ဘင်း နာမယ်ယောက် ကြွဒီဘင်း ရှာန်ပလာန်ဒေ ချီးမွမ်းသမှာ။ ရွှေမြို့တော်ဘေ ငြိမ်းချမ်းသဘန်းနာ ဘုရားရှာန်ဘင်း ဘုန်းတန်ခိုးတော်ရီးဒါး ထွန်းလင်းသစိန်းကိုင်ယုတ်” ညယ် ဟာတ်ကြီးမှာ။
39အန်၌မှါခ့်ခါ သမီဆာအုပ်နောင်းဟက် ဖာရိရှဲစယ်ယာကား ကိုယ်တော်ဒေ “အိုးဆကြီး၊ အိုးဆကြီးတပယ့်တေ အာနိမ်ငှေါနင်းကြီးဘင်းနာတေ ရပ်သစိန်းဒင် အမိန့်အီရာန်ယုတ်” ညယ် လျှောက်သကြီးမှာ။
40အန်၌မှါခ့်ခါ ကိုယ်တော်ကား “ဟနိမ်တေ ငါငှေါကူ။ အဘင်းဆိတ်တာတ် ဟာတ်နင်းဘင်းနာ ရပ်တာန်ဘန်းကား အဘင်းလုံးကရှီတေကား ရဲဘန်းဟာတ်ကြီးဆွန်နီကူ” ညယ် မိန့်သမှာ။
ဂျေရုဆလင်မြို့အတွာတ်ကိုယ်တော်ယေရှုဟပ်ပင်း
41စီးမှါခ့်ခါ ကိုယ်တော်ကား ဂျေရုဆလင်မြို့ပိုက်ပေ ထုတ်အီဘန်း မြို့ဒေကတုံန်မှါခ့်ခါ မိတ်ဝဲအက်မှာ။ 42“ဂျေရုဆလင်မြို့ဆားတာတ် အရာတ်မှါတ် ဟနိမ်ပါ ဟာဘင်းနာကား ငြိမ်းချမ်းသဘင်းဒေ လာရီမှာငှေါဘင်းတေ မိန်းရှာတ်ခါဘန်းကား မဲကူ။ အန်နိမ်စါန်းငှေါဒီ ဟနိမ် အန်ဘင်းနာဒေ မိန်းရှာတ်ခါကြီးကဘန်းလားအချီရား။ 43ဟမာန်တွာတ်ငှေါဘန်းတာတ်ငှေါ ဟနိမ်ဘင်း ရန်သူတေကား ဟနိမ်ပတ်ပတ်လည်ဘေ တတိုင်းတေ စာဘန်း ဟနိမ်တေ ဝိုင်းသပဲဘန်းနာ အရပ်ရပ်ဟက် ဟနိမ်တေ တိုက်သကူဘင်းအချိန် ထုတ်အီကဘန်း။ 44အန်တာတ်ကား ဟနိမ်မြို့ယောက် ဟနိမ်သမီဆာတာတ်တေ ဖျတ်ဆီးသကြီးဘန်း အန်ဘင်းဘေ လုံးကရှီဟူအာစောက်ပေ တခြားလုံးကရှီဟူအာဆစဲ တာန်သအက်ပဘဲကလား အချီရား။ ဟမာန်တွာတ်ငှေါဘန်းတာတ်ငှေါ ဘုရားရှာန်ကား ဟနိမ်တေ ကယ်တာန်သဒင် ဒီဘင်းအချိန်တေ အမိန်းရှာတ်ခါဘင်းအတွာတ်ထှာမှာ” ညယ် မိန့်တော်မူသမှာ။
ဗိမာန်တော်တေစလယ်ကွန်းအွန်ဘင်း
45စီးမှါခ့်ခါ ကိုယ်တော်ယေရှုကား ဗိမာန်တော်ဝါမ်းနောင်းဘေ ဆာန်ငါန်မှါခ့်ခါ ဗိမာန်တော်နောင်းဘေ ဈေးမာဘန်းနင်းကြီးဘင်း ဈေးသည်တေဒေ ငါတ်ပူဘန်း 46“ဘုရားရှာန်ကား ကျမ်းကျိန်းနောင်းဘေ ‘ငါဘင်း ဗိမာန်တော်ကား သမီဆတာတ် ငါတေဆုစိန်ဘင်း နေရာထှာရီကူ’ ညယ်ရေးသပဲဒီဒါး အရာတ်ဟနိမ်ကား ဗိမာန်တော်တေ သူခိုးတေ၊ ဓါးပြတေ ဒင်းဘန်းနင်းဒင်နေရာထှာကွန်း အွန်နင်းကြီးမှာ” ညယ် မိန့်တော်မူသမှာ။
47စီးမှါခ့်ခါ ကိုယ်တော်ကား ဗိမာန်တော်ဘေ မာန်းရာတ်၌တိုင်း ဟောသကာ ဆွောန်သကာနင်းမှာ။ ဂျူးပုရောဟိတ်ဟလာန်းစါတ်တုံန်းတာတ်၊ ကျမ်းကျိန်းပေါ့ပင်း အိုးဆကြီးတာတ်ယောက် ဂျူးသမီဆာဟလာန်းစါတ်တေရီးဒါး ကိုယ်တော်ဒေ သာန်းရှီးဒင် အွန်နင်းကြီးမှာ။ 48အန်နိမ်စါန်းငှေါဒီ သမီဆတာတ်ကား ကိုယ်တော်ယေရှုဘင်း ဟောသကာ ဆွောန်သကာဘင်းနာတေဒေ ကနားစိုက်သဘန်း သက်နင်းကြီးဘင်းအတွာတ် အန်တာတ်ကား ကိုယ်တော်ဒေ သာန်းရှီးဒင် နည်းလမ်းတေ ကြံစည်သလားအလူ ငှါနင်းကြီးမှာ။
Currently Selected:
ရှာန်လုကာ 19: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 19
19
အခန်း (၁၉)
ကိုယ်တော်ယေရှုယောက်ဇက္ခဲ
1စီးမှါခ့်ခါ ကိုယ်တော်ယေရှုကား ဂျေရိခေါမြို့တေဆာန်ဘန်း ဖြတ်သလာန်ဘဲမှာ။ 2အန်ဘင်းမြို့ဘေ ဇက္ခဲညယ်ကော်ဘင်း သမီဆာဟော်ဝါနင်းမှာ။ ဟိန်ကား အခွန်ဖူးကွန်ဘင်းဆိတ်တာတ် ဟလာန်းစါတ်ထှာဘင်း အကြီးအကျယ်ဆွာမ်းဘင်း သမီဆာဟော်ဝါထှာမှာ။ 3ဟိန်ကား ကိုယ်တော်ယေရှု ဟာဟမဲထှာမှာငှေါဘင်းနာတေ ကတုံန်ကာတ်ခွန် ကြိုးစားသဒီဒါး ဟိန်ကား လာန်တွန်ဘင်းအတွာတ် သမီဆာကလောင်းတုံန်းတေ ကျော်သဘန်း အကတုံန်ဟာငှါနင်းမှာ။ 4အမှာတွာတ် ဟိန်ကား ကိုယ်တော်ယေရှုတေ ကတုံန်လူကွန်း သမီဆတာတ်မန်းဟက် ကြိုသောကာပ်ပန်း ဆာန်းညက်ကလွုန်ကွန်နာဘေ ဟယ်ရာန်မှာ။ ဟမာန်တွာတ်ငှေါဘန်းတာတ်ငှေါ ကိုယ်တော်ကား အန်ဘင်းလမ်းဟက် ဖြတ်သဘန်း ဒီနင်းဘင်းအတွာတ်ထှာမှာ။
5ကိုယ်တော်ကား အန်ဘင်းနေရာဘေထုတ်မှါခ့်ခါ စောက်ပေငါန်းဘန်းယူဝါမ်ဘန်းနာ ဇက္ခဲတေ “ဇက္ခဲ၊ အရာတ်ချတ်ချန်း ဆာတ်နီ။ အရာတ်မှါတ် နာန်ကျေမ်းဘေ ငါတည်းသကူ” ညယ် မိန့်တော်မူသမှာ။ 6အမှာတွာတ် ဇက္ခဲကား ဖွုန်းကလွုန်စောက်ဟက် ချတ်ချန်းဆပ်နီဘန်း ကိုယ်တော်ယေရှုတေ မွန်းဘန်းနာကြိုသမှာ။
7အန်ဘင်းဒေ ကတုံန်ကြီးဘင်းဆိတ်တာတ်ကား “ကိုယ်တော်ကား အပြစ်ဆားဟော်ဝါကျေမ်းဘေ တည်းသဒင် လာန်ဘန်း” ညယ် ဝေဖန်အပြစ်တာန်သကြီးမှာ။
8အန်နိမ်စါန်းငှေါဒီ ဇက္ခဲကား စပ်ပန်းနာ အရှာန်တေ “အရှာန် သက်အီယုတ်။ ငါပိုင်သဘင်း ပစ္စည်းတစ်ဝါတ်တေ အဘိုဘင်း ဆာန်းရဲဆားတာတ်တေ မံအီကူ။ ငါကား သမီဆာတေဟက် အတရားသညယ် အတာန်းစိန်ဘန်းပဲဘင်း အခွန်ဖူးတေဒေ လေးဆပိုသောဘန်း ပြန်သဘန်းနာ အီဟာန်းကူ” ညယ် လျှောက်တာန်သမှာ။
9ကိုယ်တော်ကား ဇက္ခဲတေ “နာန်ရီးဒါး အာဗြဟံ မျိုးဆက်ထှာဘင်းအတွာတ် အရာတ်မှါတ်ဟက်စသဘန်း နာန်ယောက် နာန်တစ်မိသားစုလုံးတေ ဘုရားရှာန် ကယ်တာန်တော်မူသဘန်း။ 10သမီဆာဆားတော်ရီးဒါး ကယာပန်းနင်းဘင်း ဆိတ်တာတ်တေဒေ သန်ဘန်း ကယ်တာန်သဒင် ကြွဒီလားထှာမှာ” ညယ် မိန့်တော်မူသမှာ။
ဖူးဆယ်မီနာဥပမာ
11သမီဆာတာတ်ကား ကိုယ်တော်ယေရှု မိန့်သဘင်းနာတေဒေ သက်နင်းကြီးမှါခ့်ခါ ကိုယ်တော်ကား ဆာတ်သဘန်း အန်တာတ်တေ ဥပမာစားနူတေ ဆာတ်သဘန်း မိန့်တော်မူသမှာ။ ဟမာန်တွာတ်ငှေါဘန်းတာတ်ငှေါ ကိုယ်တော်ကား ဂျေရုဆလင်မြို့ပိုက်ပါ ထုတ်အီဘင်းအတွာတ် ဘုရားရှာန်ဘင်းသာသနာတော်ကား ချတ်ချန်းပေါ်ထွန်းဒီကဘန်းညယ် သမီဆတာတ်ကား ထာန်သနင်းကြီးဘင်းအတွာတ်ထှာမှာ။ 12ကိုယ်တော်ကား “ရာထူးတုံန်းဘင်းဆိတ်ဟော်ဝါကား ရှာန်းပလာန်အနေယောက် ဟိန်တိုင်းပြေဘေ အုပ်ချုပ်သထှာကူဘင်း အခွာမ်းအာဏာတေ ဧကရာဇ်ရှာန်းပလာန်တုံန်းဟက် လက်ခံသဒင် လမ်းစာဘင်းပြေပါ လာန်မှာ။ ဟိန်ကား အန်ဘင်းအခွာမ်းအာဏာတေ လူစီးမှါခ့်ခါ ရှာန်းပလာန်အနေယောက် အုပ်ချုပ်သဒင် ကျေမ်းပါဒီဟာန်းမှာ။ 13အန်နိမ်စါန်းငှေါဒီ အလာန်ကြီ ဟိန်ကား ဟိန်ဘင်းအစေခံရှစ်နူတေကော်ဘန်း ဟော်ဝါစီနင်း ဖူးတစ်မိနာ့စီဒေ#19:13 ဖူးတစ်မီနာ့ - သမီဆာဟော်ဝါ မာန်းရာတ်ပါတ်နူကွန်း အွန်ဘင်းလုပ်အားခယောက် ညီမျှသဘင်းဖူး အီမှာ။ စီးမှါခ့်ခါ ဟိန်ကား ‘အဘင်းဖူးဒေ ငါဒီဟာန်းကူဘင်းအချိန်ထုတ်ကွန်း စီးပွားအွန်ကြီး’ ညယ် မိန့်သပဘဲမှာ။
14အန်နိမ်စါန်းငှေါဒီ ဟိန်တိုင်းပြေဘင်း သမီဆာစယ်ယာကား ဟိန်ဒေ ယူနီဘင်းအတွာတ် ဧကရာဇ်ရှာန်းပလာန်တုံန်းပါ ဟိန်ထာတ်အရာန် သံတမန်တေဒေ အရာန်တာတ်ပန်း ‘အဘင်းဆိတ်တေ အလေဘင်းရှာန်းပလာန် အထှာစိန်းကအား’ ညယ် လျှောက်တာန်သစိန်းမှာ။
15အန်နိမ်စါန်းငှေါဒီ ဟိန်ကား ရှာန်းပလာန်အနေယောက် တာန်မြှောက်သလားခံသထှာဘန်း ဟိန်တိုင်းပြေပါ ရှာန်းပလာန်နယားအနေယောက် ဒီဟာန်းမှာ။ စီးမှါခ့်ခါ ဟိန်အီရီဘင်းဖူးယောက် ဖူးဟာနယ်တိုးသကွန်း အွန်ပဲဘင်းတေ မိန်းရှာတ်ခါကာတ်ပန်း ဟိန်ဖူးအီရီဘင်း အစေခံတေဒေ ကော်ရာန်မှာ။
16ပထမအစေခံကား ဟိန်ပါဒီဘန်း ‘အိုးဆကြီး နာန်အီရီဘင်း ဖူးတစ်မိနာ့တေ ငါကား အမြတ်အဆရှစ်နူလူကွန်း အွန်ပဲမှာ’ ညယ် လျှောက်တာန်သမှာ။
17အုပ်ချုပ်သဘင်းဆိတ်ရီးဒါး ‘နာန်ကား မဲဘင်းအစေခံထှာမှာ။ နာန်ကား ကိစ္စအစစ်ဆာတေစဲ ငါစောက်ပေ သစ္စာငှါဘင်းအတွာတ် မြို့ရှစ်နူတေ အုပ်ချုပ်တာန်’ ညယ် မိန့်သမှာ။
18စီးမှါခ့်ခါ ဒုတိယအစေခံဟော်ဝါရီးဒါး ဟိန်ပါဒီဘန်း ‘အိုးဆကြီး၊ အိုးဆကြီးအီရီဘင်းဖူးတစ်မိနာ့တေ ဟာဆအမြတ်လူကွန်း အွန်ပဲမှာ’ ညယ် လျှောက်တာန်သမှာ။
19အုပ်ချုပ်သဘင်းဆိတ်ရီးဒါး ‘နာန်ကား မြို့ဟာမြို့တေအုပ်ချုပ်တာန်’ ညယ် မိန့်သမှာ။
20စီးမှါခ့်ခါ အနားအစေခံဟော်ဝါရီးဒါး ဒီဘန်း ‘အိုးဆကြီး၊ အိုးဆကြီးအီရီဘင်း ဖူးတစ်မိနာ့တေ ပုဝါယောက် ငါဒေ့ပ်ပန်း မလဲကလဲသိမ်းသပဲမှာ။ အဘေယူ။ 21ငါအန်နိမ်အွန်ထှာဘင်းကား အိုးဆကြီးကား စည်းကမ်းတုံန်းဘင်းဆိတ်ထှာဘင်းအတွာတ် ငါစါတ်ပင်းအတွာတ်ထှာမှာ။ အိုးဆကြီးကား ကိုယ်အပိုင်သဘင်းနာတေဒေရီးဒါး တခြားဘင်းဆိတ်တာတ်ဟက် လာဟာဘန်း ကိုယ်အစုတ်ပဲဘင်း ရှရှီတေဒေရီးဒါး ယပ်ခါဘင်းဆိတ် ထှာမှာ’ ညယ် လျှောက်တာန်သမှာ။
22အန်၌မှါခ့်ခါ အိုးဆကြီးကား အစေခံတေ ‘ကန်းဘင်းအစေခံ၊ နာန်ငှေါတူးအတိုင်း နာန်တေငါအပြစ်စီရာန်သကူ။ ငါကား ငါအပိုင်သဘင်းတေ လာဟာဘန်း ငါအစုတ်ညယ်ရီးဒါး ရှရှီတေဒေယာတ်ခါဘင်း စည်းကမ်းတုံန်းဘင်းဆိတ် ထှာဘင်းတေ နာန်မိန်းရှာတ်ခါမှာ။ 23ငါအီဘင်းဖူးတေ ဟမာန်ငှါး ဖူးအတိုးဟယ်ဘင်းဆိတ်တာတ်ပါ အအပ်သပဲတေ။ ဖူးအတိုးဟယ်ဘင်းဆိတ်ပေ အပ်သပဲဘန်းကား ငါဒီဟာန်းမှါခ့်ခါ အတိုးကားလူကူ’ ညယ် ငှေါမှာ။
24စီးမှါခ့်ခါ အုပ်ချုပ်သဘင်းဆိတ်ကား အန်ဘင်းဘေ စပ်ပန်းနင်းဘင်း အစေခံတေဒေ ‘ဟိန်ဟက်ဖူးတစ်မိနာ့တေ လာရာန်ဘန်း ဖူးဆယ်မိနာ့ငှါဘင်း အစေခံနင်းအီရာန်’ ညယ် အမိန့်အီရာန်မှာ။
25အန်ဘင်းဆိတ်တာတ်ရီးဒါး ‘အိုးဆကြီး၊ ဟိန်ဘေ ဖူးဆယ်မိနာ့ငှါစီးပဲဘန်းထှာမှာ’ ညယ် ပြန်သဘန်း လျှောက်တာန်သကြီးဘင်းအတွာတ် 26အုပ်ချုပ်သဘင်းဆိတ်ရီးဒါး ‘ဟနိမ်တေ ငါငှေါကူ။ စားနူစားနာငှါမှာငှေါဘင်းဆိတ်ကား ပိုသောအီလားခံသထှာဘန်း ဟာဘင်းနာစဲ အဘိုဘင်းဆိတ်ကား ဟိန်ဘေငှါဘင်း အစစ်ဆာတေစဲ ဟိန်ဟက် လာလာန်ဘဲလား ခံသထှာကူ။ 27အရာတ် ငါအုပ်ချုပ်သဘင်းတေ အလိုအသကြီးဘင်း ငါရန်သူတေဒေ အဘင်းဘေကော်ရီဘန်း ငါမန်းဘေ သာန်းရှီးကြီးရာန်’ ညယ် ငှေါရာန်” ညယ် မိန့်သမှာ။
ဂျေရုဆလင်မြို့ပါဆာန်ဘင်း
28ကိုယ်တော်ကား အန်နိမ်ဟောသစီးမှါခ့်ခါ တပယ့်တော်တာတ်မန်းဟက် ဂျေရုဆလင်မြို့ပါ ဆာတ်သဘန်း ကြွတော်မူသမှာ။ 29ကိုယ်တော်ကား သံလွင်ကယာပိုက်ပင်း ဗက်ဖာဂေမြို့ယောက် ဗေသနိမြို့ပိုက်ပေထုတ်မှါခ့်ခါ တပယ့်ကလိန်းဟူးတေ ကြိုတာန်သဘန်းတာတ်တင် ကော်ရာန်မှာ။ 30ကိုယ်တော်ကား “ဟနိမ် မန်းဘင်းထိန်ပါလာန်ကြီး။ ထိန်ပါဆာန်မရောက် ဟာဟမဲစဲ အစီးသလူနွန်းဘင်း မြည်းရှရှာနူဝါတေ ဟွပ်ပန်းပဲဘင်းနာတေ ကတုံန်ကူ။ အန်ဘင်းဒေ ဆိုင်းဟပ်ပန်း ငါပါကော်ကြီးရီ။ 31ဟော်ဝါဟော်ဝါကား ‘ဟနိမ် ဟမာန်ငှါး မြည်းရှရှာတေ ဆိုင်းဟပ်ပန်းနင်းကြီးတေ’ ညယ် စိန်ယူဘန်းကား ‘အရှာန်ကား လိုသနင်းဘင်းအတွာတ်ထှာမှာ’ ညယ် ငှေါကြီး” ညယ် မိန့်တော်မူသမှာ။
32အမှာတွာတ် အန်ဘင်းတပယ့်တော် ကလိန်းဟူးရီးဒါး ထိန်နောင်းဘေထုတ်မှါခ့်ခါ ကိုယ်တော်မိန့်သည်ဘင်းအတိုင်း မြည်းရှရှာဒေ ကတုံန်ကြီးမှာ။ 33အန်တာတ်ကား မြည်းရှရှာဒေ#19:33 မြည်း - အန်ဘင်းမြည်းကား သမီဆာ၊ ကုန်တေယောက် ယဉ်သကွန်း အလေ့ကျင့်သလူနွန်းဘင်း ရိုင်းသဘင်းမြည်းထှာမှာ။ အန်နိမ်စါန်းငှေါဒီ ကိုယ်တော်ယေရှုတေ ဂျေရုဆလင်မြို့ပါ မလဲကလဲ သယ်သလာန်ဘဲမှာ။ ဆိုင်းဟပ်ပန်းနင်းမှါခ့်ခါ အဆိတ်ကား “ဟနိမ် ဟမာန်ငှါး မြည်းရှရှာဒေ ဆိုင်းဟပ်ပန်းနင်းကြီးတေ” ညယ် စိန်ယူမှါခ့်ခါ 34တပယ့်တော်တာတ်ရီးဒါး “အရှာန်ကား လိုသနင်းဘင်းအတွာတ်” ညယ် ဖြေသမှာ။
35စီးမှါခ့်ခါ အန်တာတ်ကား မြည်းရှရှာဒေ ကိုယ်တော်ပါ လာရီဘန်း မြည်းရှရှာကဆာန်းစောက်ပေ အန်တာတ်ဆာန်ဆုန်တေဒေကန်းဘန်း ကိုယ်တော်ဒေ မြည်းစောက်ပေ ထုံန်းစိန်းဒင် တာန်သအီကြီးရာန်မှာ။ 36ကိုယ်တော်ကား မြည်းရှရှာတေ ဘီးဘန်း ဒီနင်းလမ်းဘေ သမီဆာကလောင်းတုံန်းကား ကိုယ်တော်မန်းဘေ အန်တာတ်ပင်း ဆာန်ဆုန်တေဒေ ကန်းဘန်းအီကြီးမှာ။
37ကိုယ်တော်ယေရှုကား သံလွင်ကယာဟက်ဆပ်ပင်း လမ်းဘေထုတ်မှါခ့်ခါ တပယ့်တာတ်ကလောင်းတုံန်းကား အန်တာတ်ကတုံန်ရီဘင်း ကိုယ်တော်ယေရှုအွန်ဘင်း အံ့ဩသထာတ်မဲဘင်းနာတေအတွာတ် မွန်းကြီးဘန်းနာ ဘုရားရှာန်ဒေ ချီးမွမ်းသကြီးမှာ။
38အန်တာတ်ကား “ဘုရားရှာန်ဘင်း နာမယ်ယောက် ကြွဒီဘင်း ရှာန်ပလာန်ဒေ ချီးမွမ်းသမှာ။ ရွှေမြို့တော်ဘေ ငြိမ်းချမ်းသဘန်းနာ ဘုရားရှာန်ဘင်း ဘုန်းတန်ခိုးတော်ရီးဒါး ထွန်းလင်းသစိန်းကိုင်ယုတ်” ညယ် ဟာတ်ကြီးမှာ။
39အန်၌မှါခ့်ခါ သမီဆာအုပ်နောင်းဟက် ဖာရိရှဲစယ်ယာကား ကိုယ်တော်ဒေ “အိုးဆကြီး၊ အိုးဆကြီးတပယ့်တေ အာနိမ်ငှေါနင်းကြီးဘင်းနာတေ ရပ်သစိန်းဒင် အမိန့်အီရာန်ယုတ်” ညယ် လျှောက်သကြီးမှာ။
40အန်၌မှါခ့်ခါ ကိုယ်တော်ကား “ဟနိမ်တေ ငါငှေါကူ။ အဘင်းဆိတ်တာတ် ဟာတ်နင်းဘင်းနာ ရပ်တာန်ဘန်းကား အဘင်းလုံးကရှီတေကား ရဲဘန်းဟာတ်ကြီးဆွန်နီကူ” ညယ် မိန့်သမှာ။
ဂျေရုဆလင်မြို့အတွာတ်ကိုယ်တော်ယေရှုဟပ်ပင်း
41စီးမှါခ့်ခါ ကိုယ်တော်ကား ဂျေရုဆလင်မြို့ပိုက်ပေ ထုတ်အီဘန်း မြို့ဒေကတုံန်မှါခ့်ခါ မိတ်ဝဲအက်မှာ။ 42“ဂျေရုဆလင်မြို့ဆားတာတ် အရာတ်မှါတ် ဟနိမ်ပါ ဟာဘင်းနာကား ငြိမ်းချမ်းသဘင်းဒေ လာရီမှာငှေါဘင်းတေ မိန်းရှာတ်ခါဘန်းကား မဲကူ။ အန်နိမ်စါန်းငှေါဒီ ဟနိမ် အန်ဘင်းနာဒေ မိန်းရှာတ်ခါကြီးကဘန်းလားအချီရား။ 43ဟမာန်တွာတ်ငှေါဘန်းတာတ်ငှေါ ဟနိမ်ဘင်း ရန်သူတေကား ဟနိမ်ပတ်ပတ်လည်ဘေ တတိုင်းတေ စာဘန်း ဟနိမ်တေ ဝိုင်းသပဲဘန်းနာ အရပ်ရပ်ဟက် ဟနိမ်တေ တိုက်သကူဘင်းအချိန် ထုတ်အီကဘန်း။ 44အန်တာတ်ကား ဟနိမ်မြို့ယောက် ဟနိမ်သမီဆာတာတ်တေ ဖျတ်ဆီးသကြီးဘန်း အန်ဘင်းဘေ လုံးကရှီဟူအာစောက်ပေ တခြားလုံးကရှီဟူအာဆစဲ တာန်သအက်ပဘဲကလား အချီရား။ ဟမာန်တွာတ်ငှေါဘန်းတာတ်ငှေါ ဘုရားရှာန်ကား ဟနိမ်တေ ကယ်တာန်သဒင် ဒီဘင်းအချိန်တေ အမိန်းရှာတ်ခါဘင်းအတွာတ်ထှာမှာ” ညယ် မိန့်တော်မူသမှာ။
ဗိမာန်တော်တေစလယ်ကွန်းအွန်ဘင်း
45စီးမှါခ့်ခါ ကိုယ်တော်ယေရှုကား ဗိမာန်တော်ဝါမ်းနောင်းဘေ ဆာန်ငါန်မှါခ့်ခါ ဗိမာန်တော်နောင်းဘေ ဈေးမာဘန်းနင်းကြီးဘင်း ဈေးသည်တေဒေ ငါတ်ပူဘန်း 46“ဘုရားရှာန်ကား ကျမ်းကျိန်းနောင်းဘေ ‘ငါဘင်း ဗိမာန်တော်ကား သမီဆတာတ် ငါတေဆုစိန်ဘင်း နေရာထှာရီကူ’ ညယ်ရေးသပဲဒီဒါး အရာတ်ဟနိမ်ကား ဗိမာန်တော်တေ သူခိုးတေ၊ ဓါးပြတေ ဒင်းဘန်းနင်းဒင်နေရာထှာကွန်း အွန်နင်းကြီးမှာ” ညယ် မိန့်တော်မူသမှာ။
47စီးမှါခ့်ခါ ကိုယ်တော်ကား ဗိမာန်တော်ဘေ မာန်းရာတ်၌တိုင်း ဟောသကာ ဆွောန်သကာနင်းမှာ။ ဂျူးပုရောဟိတ်ဟလာန်းစါတ်တုံန်းတာတ်၊ ကျမ်းကျိန်းပေါ့ပင်း အိုးဆကြီးတာတ်ယောက် ဂျူးသမီဆာဟလာန်းစါတ်တေရီးဒါး ကိုယ်တော်ဒေ သာန်းရှီးဒင် အွန်နင်းကြီးမှာ။ 48အန်နိမ်စါန်းငှေါဒီ သမီဆတာတ်ကား ကိုယ်တော်ယေရှုဘင်း ဟောသကာ ဆွောန်သကာဘင်းနာတေဒေ ကနားစိုက်သဘန်း သက်နင်းကြီးဘင်းအတွာတ် အန်တာတ်ကား ကိုယ်တော်ဒေ သာန်းရှီးဒင် နည်းလမ်းတေ ကြံစည်သလားအလူ ငှါနင်းကြီးမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.