ရှာန်လုကာ 16
16
အခန်း (၁၆)
အရိုးသားသဘင်းစီစါန်သဘင်းဆိတ်ဥပမာ
1စီးမှါခ့်ခါ ကိုယ်တော်ကား တပယ့်တော်တာတ်တေ ဆာတ်သဘန်း ဥပမာစားနူယောက် မိန့်သမှာ။ ကိုယ်တော်ကား “ပန်းနူမှါခ့်ခါ သူဌေးဟော်ဝါဘေ ဟိန်ပိုင်သဘင်း ပစ္စည်းဥစ္စာတေဒေ စီစါန်သအီထှာဘင်း စီစါန်သဘင်းဆိတ်ဟော်ဝါငှါမှာ။ အန်နိမ်စါန်းငှေါဒီ အန်ဘင်းစီစါန်သဘင်းဆိတ်ကား ဟိန်ဘင်းဖူးတေဒေ အလွှဲသုံးစားအွန်ဘန်းနင်းဘင်းနာတေ သူဌေးကားသက်ပူဝါမ်မှါခ့်ခါ 2ဟိန်ကား အန်ဘင်းစီစါန်သဘင်းဆိတ်တေကော်ဘန်း ‘နာန်အကြောင်းဒေ ငါသက်ပူထှာနင်းဘင်းတေကား ဟာနိမ်တေကား။ ငါဘင်း ပစ္စည်းဥစ္စာတေယောက် ပတ်သက်သဘန်း နာန်အွန်ပဲဘင်းစာရာန်းတေဒေ ငါနင်းအီ။ ဟမာန်တွာတ်ငှေါဘန်းတာတ်ငှေါ နာန်တေ ငါဘင်းစီစါန်သဘင်းနေရာဘေ ဆာတ်သောအပဲရန်ဘန်းဟွန်ထှာမှာ’ ညယ် ငှေါရာန်မှာ။
3အန်၌မှါခ့်ခါ အန်ဘင်းစီစါန်သဘင်းဆိတ်ရီးဒါး ‘ငါဟာနိမ်အွန်ထှာကူတေ။ ငါဘင်းသူဌေးကား ငါတေအလုပ်ဟက် လပူပါန်။ ငါကား ကာထူဒင် အားရီးအဘိုနိမ် စိန်ဘန်းယုတ်ကူငှေါဘန်းရီဒါး မန်းကတန်မှာ။ 4ငါအဘင်းအလုပ်ဟက် လပူလားခံသထှာစီးမှါခ့်ခါ သမီဆာတာတ်ကား ငါတေ အန်တာတ်ကျေမ်းဘေတေ လက်ခံသစိန်းဒင် ငါဟာနိမ်အွန်ထှာကူငှေါဘင်းနာဒေ ငါမိန်းရှာတ်ခါဘန်း’ ညယ် ဟိန်ကောတ်ဟိန် တွေးသဘန်းနင်းမှာ။
5စီမှါခ့်ခါ ဟိန်ကား ဟိန်သူဌေးဘေ အကြွေးအီဒင် ငှါဘင်းဆိတ်တာတ်တေ ဟော်ဝါစီဟော်ဝါကော်မှာ။ ဟိန်ကား ပထမဟော်ဝါဒေ ‘နာန်ကား ငါသူဌေးဘေ အကြွေးဟာနယ်အီဒင်ငါတေ’ ညယ် စိန်ယူမှာ။
6အန်ဘင်းဆိတ်ရီးဒါး ‘သံလွင်ဆလော စည်ပုံးပါတ်နူအီဒင်ငှါမှာ#16:6 စည်ပုံးပါတ်နူ - သံလွင်ဆလော သုံးထောင်လီတာ’ ညယ် ဖြေသမှာ။ စီစါန်သဘင်းဆိတ်ရီးဒါး အန်ဘင်းဆိတ်တေ ‘နာန်ဘင်းစရာမ်းစာရွက်တေ လာဘန်း မြန်မြန်ထုံးဘန်း ဟာရှစ်ညယ်ရေးတာန်’ ညယ် ငှေါရာန်မှာ။
7စီးမှါခ့်ခါ စီစါန်သဘင်းဆိတ်ရီးဒါး အနားဟော်ဝါတေ ‘နာန်ကား အကြွေးအီဒင် ဟာနယ်ငှါတေ’ ညယ် စိန်ယူမှာ။ အန်ဘင်းဆိတ်ကား ‘ဂျုံသတူအိတ်#16:7 ဂျုံသတူအိတ် ဂျုံသတူအိတ်ငှေါဘင်းနာကား တစ်ထောင်ယောက် တစ်ထောင့်နှစ်ရာကွန်ဟာန်း အန်နိမ်အချီ သုံးသောင်းခုနှစ်ထောင်ဟက် လေးသောင်းခွဲ။ ပါတ်နူ’ ညယ် ဖြေသမှာ။ စီစါန်သဘင်းဆိတ်ရီးဒါး ‘နာန်ဘင်းစရာမ်းစာရွက်တေ လာဘန်း ပက်နူညယ်ရေးတာန်’ ညယ် ငှေါဝါမ်မှာ။
8အန်၌မှါခ့်ခါ သူဌေးကား အရိုးသားသဘင်း စီစါန်သဘင်းဆိတ် အွန်နီဘင်းနာတေဒေ သက်ပူမှါခ့်ခါ အန်ဘင်းစီစါန်သဘင်းဆိတ် ဖာဘင်းနာဒေ ချီးမွမ်းသနင်းမှာ။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်း သမီဆတာတ်ထာတ် ဘုရားရှာန်ဒေ အနာခံသဘင်းဆိတ်တာတ်ကား အန်တာတ်ယောက်တူသဘင်း တခြားဘင်းဆိတ်တာတ်ယောက် ဆက်ဆံသကြီးထှာမှါခ့်ခါ ဖာဟပ်ဟပ်ဆာငှါကြီးမှာ” ညယ်မိန့်တော်မူသမှာ။ 9ပန်းနူကိုယ်တော်ယေရှုကား တပယ့်တော်တာတ်တေ “ဟနိမ်ဒေ ငါငှေါကူဘင်းကား ဟနိမ်ယောက်အတူတူ အမြဲတမ်းငှါကူညယ်အချီဘင်း ဟနိမ်ဘင်း လောကီစည်းစိမ်တေဒေ နပ်ပန်း ဟနိမ်အတွာတ် မိတ်ဆွေတေလူကွန်း အွန်ကြီး။ အန်နိမ်မားဆာ ဟနိမ်ရှီးလာန်ပဲဘန်း လောကီစည်းစိမ်တေဒေ အနပ်ကြီးရန်ဆွန်မှါခ့်ခါ အန်ဘင်းမိတ်ဆွေတေကား ဟနိမ်အမြဲတမ်းနင်းထှာကူဘင်း ရွှေမြို့တော်ဘေ ကြိုသဘန်းနင်းကြီးကူ။
10ကိစ္စစစ်ဆာတေဘေ သစ္စာငှါဘင်းဆိတ်ကား အရေးတုံန်းဘင်းကိစ္စတေဘေရီးဒါး သစ္စာငှါမှာ။ အန်နိမ်စါန်းငှေါဒီ ကိစ္စစစ်ဆာတေဘေ အရိုးသားသဘင်းဆိတ်ကား ကိစ္စတုံန်းဘေတေရီးဒါး အရိုးသားသောညယ်ထှာကူ။ 11အမှာတွာတ် ဟနိမ်ကား အဘင်းကမ္ဘာစေါက်ပေငှါဘင်း ဟနိမ်ဘင်းလောကီစည်းစိမ်တေဒေ နပ်ကြီးမှါခ့်ခါ အယုံသလူဘန်းကား ရွှေမြို့တော်ဘေငှါဘင်း စစ်မှန်သဘင်း စည်းစိမ်ချမ်းသာတေဒေ နပ်ကြီးဒင်အတွာတ် ဘုရားရှာန်ရီးဒါး ဟနိမ်တေ ယုံကြည်သကြီးကလားအချီရား။ 12ဟနိမ်ကား သမီဘင်းပစ္စည်ဥစ္စာတေဒေ သစ္စာအဘိုဘန်းကား ဟာဟမဲကား ဟနိမ်အတွာတ် ပစ္စည်းဥစ္စာတေဒေအီကူတေ။
13ဟာဘင်းအစေခံဆဲ အဆိတ်ကလိန်းဟူးတေ တစ်ပြိုင်တည်း အစေအခံသရန်နား။ ဟမာန်တွာတ်ငှေါဘန်းတာတ်ငှေါ ဟိန်ကား ဟော်ဝါဒေ ယူနီဘန်း တခြားဟော်ဝါတေမစ်ကူ။ ဟော်ဝါဒေ သစ္စာငှါဘန်းကား ကျန်သဘင်းဟော်ဝါတေ မထီမဲ့မြင်အွန်ကူ။ အန်ဘင်းအတိုင်း ဟနိမ်ကား ဘုရားရှာန်ယောက် လောကီစည်းစိမ်ဒေ တစ်ပြိုင်တည်း သစ္စာအခံသရန်နား” ညယ် မိန့်တော်မူသမှာ။
ကိုယ်တော်ယေရှုဘင်းတူးစယ်ယာ
(ရှာန်မဿဲ ၁၁:၁၂-၁၃၊ ၅:၃၁-၃၂)
14အန်၌မှါခ့်ခါ ဖူးတေမာတ်သဘင်း ဖာရိရှဲတာတ်ကား ကိုယ်တော်ယေရှုဘင်း အန်ဘင်းတူးတေဒေ သက်ပူမှါခ့်ခါ ကိုယ်တော်ဒေနီးကြီးမှာ။ 15အန်နိမ်စါန်းငှေါဒီ ကိုယ်တော်ယေရှုကား အန်တာတ်တေ “ဟနိမ်ကား သမီဆာတာတ်မန်းဘေ ကိုယ်ကောက်ကိုယ်ဒေ ဖြောင့်မတ်သဘင်းသမီဆတာတ်နိမ် အွန်ကာကြီးဟာမှာ။ အန်နိမ်စါန်းငှေါဒီ ဘုရားရှာန်ကား ဟနိမ်အဆေင်ဒေ မိန်းရှာတ်ခါမှာ။ သမီဆတာတ် တန်ဖိုးပဲဘင်းလောကီစည်းစိမ်တေကား ဘုရားရှာန်အတွာတ်ကား လုံးလုံးစဲတန်ဖိုးအဘိုဝါး။
16ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန် အပေါ်သကြီထုတ်ကွန်း ဟနိမ်ကား မောရှေပညတ်ကျမ်းယောက် ပရောဖက်တာတ်ရေးသပဲဘင်း ကျမ်းတေအတိုင်း လိုက်နာသကြီးရီမှာ။ အန်နိမ်စါန်းငှေါဒီ အရာတ်ငါကား ဘုရားရှာန်ဘင်းသာသနာတော်ယောက် ဆိုင်သဘင်း ဆတာန်းမလဲတေ ဟောသကာမှါခ့်ခါ သမီဆတာတ်ရီးဒါး ဘုရားရှာန်ဘင်းသာသနာတော်နောင်းပါ ဆာန်ရန်ကွန်း အကြီးကျယ်ကြိုးစားသကြီးရီမှာ။ 17အန်နိမ်စါန်းငှေါဒီ ဘုရားရှာန်ဘင်း ပညတ်တရားကျမ်းကျိန်းနောင်းဟက် နူရှိတ်ပင်းကျိန်းနူဝါ ကယာရာန်လားထာတ် ဟမုခ်ယောက်ကာ ကယာရာန်ကူဘင်းနာကား ပိုသောပန်းစယ်မှာ။
18ကိုယ်အိတ်တေ ဖါတ်ပန်း တခြားအီးရှီဟော်ဝါတေ လာဘင်းဆိတ်၌တိုင်းကား အိမ်ထောင်ရေး ဖောက်ပြန်သဘင်းတေ ကျူးလွန်သလားထှာမှာ။ ဖါတ်ပန်းပဲဘင်းအီးရှီတေ လာဘန်းပဲဘင်းဆိတ်၌တိုင်းရီဒါး အိမ်ထောင်ရေး ဖောက်ပြန်သလားတေ ကျူးလွန်သလားထှာမှာ” ညယ် ငှေါမှာ။
လာဇရုယောက် သူဌေး
19စီးမှါခ့်ခါ ကိုယ်တော်ကား “ပန်းနူမှါခ့်ခါ ဈေးတုံန်းဘင်း နိတ်တင်တော်ဒင်တေတော်ဘန်း မန်းရာတ်၌တိုင်း စည်းစိမ်ခံစားသဘန်း မွန်းနင်းဘင်း သူဌေးဟော်ဝါငှါမှာ။ 20အန်ဘင်းသူဌေးကျေမ်း ဂလန်းခြံပေါက်ဝဘေ လာန်တစ်ကိုယ်လုံး ကမာတေတူနင်းဘင်း လာဇရုညယ်ကော်ဘင်း ဆာန်းရဲဆားဟော်ဝါရီးဒါး ငှါမှာ။ သမီဆာစယ်ယာကား ဟိန်ဒေ ကော်ဘန်း သူဌေးကျေမ်း ဂလန်းခြံပေါက်ဝဘေ ပဲဟာကြီးမှာ။ 21ဟိန်ကား သူဌေးစားပွဲစောက်ဟက် အက်နီဘင်း ယုတ်ကျန်အူကျန်တေဒေ ယုတ်ကာတ်နင်းမှာ။ ကြည်တေရီးဒါး ဟိန်လာန်ဘင်း ကမာတေဒေ ဒီဘန်းသာပ်နင်းကြီးမှာ။
22နောက်ဆုံးဘေ လာဇရုရှီးလာန်ဘဲဘန်း မဲဘင်းဟမန်းတာတ်ကား ဟိန်ဒေ အာဗြဟံပိုက်ပါ ကော်လာန်ဘဲကြီးမှာ။ သူဌေးရီးဒါး ရှီးလာန်ဘဲမှါခ့်ခါ သမီဆတာတ်ကား ဟိန်ဒေ နွတ်ကြီးရာန်မှာ။ 23စီးမှါခ့်ခါ ဟိန်ကား မရဏဘုံဘေ#16:23 မရဏဘုံ - မရဏဘုံငှေါဘင်းနာကား ငရဲဒေငှေါလားထှာမှာ။ ဒုက္ခဆာန်းရဲတေ အကြီးကျယ်ခံသနင်းထှာဘန်း ဟိန်ကား စောက်ပါ ငါန်းဘန်းယူဝါမ်မှါခ့်ခါ အာဗြဟံယောက်အတူတူ ဟိန်ပိုက်ပေထုံးဘန်းနင်းဘင်း လာဇရုတေ လမ်းစာဟက် ကတုံန်ရာန်မှာ။ 24အမှာတွာတ် ဟိန်ကား ‘အဝါအာဗြဟံ၊ ငါတေအစန်ယုတ်။ ငါကား အဘင်းဝါမ်နောင်းဘေ ဒုက္ခဆာန်းရဲ အကြီးကျယ် ခံသနင်းထှာဘင်းအတွာတ် လာဇရုဒေ ဟိန်တာပ်ရှီတေ ဝဲဆွတ်သဘန်း ငါဆလီး ကဆင်းကွန်းအတွာတ် ငါပါတာတ်အီယုတ်’ ညယ် ဟာတ်ပန်းတောင်းပါန်သမှာ။
25အန်နိမ်စါန်းငှေါဒီ အာဗြဟံကား ‘ငါဆာ၊ နာန်အဆာတ်စားနင်းမှါခ့်ခါ မလဲကလဲတေဒေ လူရီဒီဒါး လာဇရုကား အမဲဘင်းနာတေ၌ဆာ လူရီဘင်းနာဒေ ဆတီးလူ။ အန်နိမ်စါန်းငှေါဒီ အရာတ်လာဇရုကား အဘင်းဘေ မလဲကလဲနင်းထှာဘန်း နာန်ကား ဒုက္ခဆာန်းရဲတေအကြီးကျယ်ခံသနင်းထှာမှာ။ 26အန်ဘင်းဆာအချီ နာန်ယောက် အလေကြားဘေ အကြီးကျယ်ထိန်ဘင်း ချောက်တုံန်းခြားသနင်းမှာ။ အမှာတွာတ် အဘင်းဟက် နာန်ပါ အရတ်ကြီးရီရန်နိမ် အန်ဘင်းဟက်ရီး အလေပါ ဟာဟမဲစဲဒါး အရတ်ကြီးရီရန်နား’ ညယ် ငှေါရာန်မှာ။
27သူဌေးရီးဒါး ‘အဝါအာဗြဟံ၊ အန်နိမ်ငှေါဘန်းကား လာဇရုတေ ငါအဝါကျေမ်းပါ တာတ်အီဒင် ငါတောင်းပါန်သမှာ။ 28ဟမာန်တွာတ်ငှေါဘန်းတာတ်ငှေါ ငါဘေ အမူးနရှီဟာဟူးငှါမှာ။ အမှာတွာတ် အန်တာတ်တေ အရာတ်နိမ် ဒုက္ခဆာန်းရဲခံသထှာဘင်းနေရာပါ အထုတ်စိန်းကွန်း နောင်တလူကြီးဒင် လာဇရုတေလာန်ဘန်း ဆတီးအီစိန်းကာတ်မှာ’ ညယ် လျှောက်တာန်သမှာ။
29အန်နိမ်စါန်းငှေါဒီ အာဗြဟံကား ‘နာန်ဘင်းအမူးနရှီတေဘေ အန်တာတ်နင်း ဆတီးအီဒင် မောရှေဘင်း ပညတ်ကျမ်းယောက် ပရောဖက်တာတ်ရေးသပဲဘင်း ကျမ်းကျိန်းတေငှါမှာ။ အန်တာတ် အန်ဘင်းတေဒေ လိုက်နာသစိန်းဘန်း နောင်တလူကြီးစိန်းငါန်’ ညယ် ငှေါမှာ။
30သူဌေးကား ‘အဝါအာဗြဟံ၊ အန်ဘင်းတေယောက် အကွန်းနွန်း။ အန်နိမ်စါန်းငှေါဒီ ရှီးစီးဘင်းသမီဆာတာတ်နောင်းဟက်ဟော်ဝါ ဟော်ဝါကား အန်တာတ်ပါလာန်ဘန်း ဆတီးအီမှားဆာ အန်တာတ်ကား နောင်တတေလူကြီးကူ’ ညယ် ငှေါမှာ။
31အန်နိမ်စါန်းငှေါဒီ အာဗြဟံရီးဒါး ‘အန်တာတ်ကား မောရှေဘင်း ပညတ်ကျမ်းယောက် ပရောဖက်တာတ်ရေးသပဲဘင်း ကျမ်းတေဒေဆဲ အလိုက်နာသဘန်းကား ရှီးစီးဘင်းသမီဆာဟော်ဝါဟော်ဝါကား အန်တာတ်တေ လာန်ဘန်း ဆတီးအီဒီဒါး အန်တာတ်ကား နောင်တလူကြီးကလားအချီရား’ ညယ် ပြန်သဘန်းငှေါရာန်မှာ” ညယ် မိန့်တော်မူသမှာ။
Currently Selected:
ရှာန်လုကာ 16: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 16
16
အခန်း (၁၆)
အရိုးသားသဘင်းစီစါန်သဘင်းဆိတ်ဥပမာ
1စီးမှါခ့်ခါ ကိုယ်တော်ကား တပယ့်တော်တာတ်တေ ဆာတ်သဘန်း ဥပမာစားနူယောက် မိန့်သမှာ။ ကိုယ်တော်ကား “ပန်းနူမှါခ့်ခါ သူဌေးဟော်ဝါဘေ ဟိန်ပိုင်သဘင်း ပစ္စည်းဥစ္စာတေဒေ စီစါန်သအီထှာဘင်း စီစါန်သဘင်းဆိတ်ဟော်ဝါငှါမှာ။ အန်နိမ်စါန်းငှေါဒီ အန်ဘင်းစီစါန်သဘင်းဆိတ်ကား ဟိန်ဘင်းဖူးတေဒေ အလွှဲသုံးစားအွန်ဘန်းနင်းဘင်းနာတေ သူဌေးကားသက်ပူဝါမ်မှါခ့်ခါ 2ဟိန်ကား အန်ဘင်းစီစါန်သဘင်းဆိတ်တေကော်ဘန်း ‘နာန်အကြောင်းဒေ ငါသက်ပူထှာနင်းဘင်းတေကား ဟာနိမ်တေကား။ ငါဘင်း ပစ္စည်းဥစ္စာတေယောက် ပတ်သက်သဘန်း နာန်အွန်ပဲဘင်းစာရာန်းတေဒေ ငါနင်းအီ။ ဟမာန်တွာတ်ငှေါဘန်းတာတ်ငှေါ နာန်တေ ငါဘင်းစီစါန်သဘင်းနေရာဘေ ဆာတ်သောအပဲရန်ဘန်းဟွန်ထှာမှာ’ ညယ် ငှေါရာန်မှာ။
3အန်၌မှါခ့်ခါ အန်ဘင်းစီစါန်သဘင်းဆိတ်ရီးဒါး ‘ငါဟာနိမ်အွန်ထှာကူတေ။ ငါဘင်းသူဌေးကား ငါတေအလုပ်ဟက် လပူပါန်။ ငါကား ကာထူဒင် အားရီးအဘိုနိမ် စိန်ဘန်းယုတ်ကူငှေါဘန်းရီဒါး မန်းကတန်မှာ။ 4ငါအဘင်းအလုပ်ဟက် လပူလားခံသထှာစီးမှါခ့်ခါ သမီဆာတာတ်ကား ငါတေ အန်တာတ်ကျေမ်းဘေတေ လက်ခံသစိန်းဒင် ငါဟာနိမ်အွန်ထှာကူငှေါဘင်းနာဒေ ငါမိန်းရှာတ်ခါဘန်း’ ညယ် ဟိန်ကောတ်ဟိန် တွေးသဘန်းနင်းမှာ။
5စီမှါခ့်ခါ ဟိန်ကား ဟိန်သူဌေးဘေ အကြွေးအီဒင် ငှါဘင်းဆိတ်တာတ်တေ ဟော်ဝါစီဟော်ဝါကော်မှာ။ ဟိန်ကား ပထမဟော်ဝါဒေ ‘နာန်ကား ငါသူဌေးဘေ အကြွေးဟာနယ်အီဒင်ငါတေ’ ညယ် စိန်ယူမှာ။
6အန်ဘင်းဆိတ်ရီးဒါး ‘သံလွင်ဆလော စည်ပုံးပါတ်နူအီဒင်ငှါမှာ#16:6 စည်ပုံးပါတ်နူ - သံလွင်ဆလော သုံးထောင်လီတာ’ ညယ် ဖြေသမှာ။ စီစါန်သဘင်းဆိတ်ရီးဒါး အန်ဘင်းဆိတ်တေ ‘နာန်ဘင်းစရာမ်းစာရွက်တေ လာဘန်း မြန်မြန်ထုံးဘန်း ဟာရှစ်ညယ်ရေးတာန်’ ညယ် ငှေါရာန်မှာ။
7စီးမှါခ့်ခါ စီစါန်သဘင်းဆိတ်ရီးဒါး အနားဟော်ဝါတေ ‘နာန်ကား အကြွေးအီဒင် ဟာနယ်ငှါတေ’ ညယ် စိန်ယူမှာ။ အန်ဘင်းဆိတ်ကား ‘ဂျုံသတူအိတ်#16:7 ဂျုံသတူအိတ် ဂျုံသတူအိတ်ငှေါဘင်းနာကား တစ်ထောင်ယောက် တစ်ထောင့်နှစ်ရာကွန်ဟာန်း အန်နိမ်အချီ သုံးသောင်းခုနှစ်ထောင်ဟက် လေးသောင်းခွဲ။ ပါတ်နူ’ ညယ် ဖြေသမှာ။ စီစါန်သဘင်းဆိတ်ရီးဒါး ‘နာန်ဘင်းစရာမ်းစာရွက်တေ လာဘန်း ပက်နူညယ်ရေးတာန်’ ညယ် ငှေါဝါမ်မှာ။
8အန်၌မှါခ့်ခါ သူဌေးကား အရိုးသားသဘင်း စီစါန်သဘင်းဆိတ် အွန်နီဘင်းနာတေဒေ သက်ပူမှါခ့်ခါ အန်ဘင်းစီစါန်သဘင်းဆိတ် ဖာဘင်းနာဒေ ချီးမွမ်းသနင်းမှာ။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်း သမီဆတာတ်ထာတ် ဘုရားရှာန်ဒေ အနာခံသဘင်းဆိတ်တာတ်ကား အန်တာတ်ယောက်တူသဘင်း တခြားဘင်းဆိတ်တာတ်ယောက် ဆက်ဆံသကြီးထှာမှါခ့်ခါ ဖာဟပ်ဟပ်ဆာငှါကြီးမှာ” ညယ်မိန့်တော်မူသမှာ။ 9ပန်းနူကိုယ်တော်ယေရှုကား တပယ့်တော်တာတ်တေ “ဟနိမ်ဒေ ငါငှေါကူဘင်းကား ဟနိမ်ယောက်အတူတူ အမြဲတမ်းငှါကူညယ်အချီဘင်း ဟနိမ်ဘင်း လောကီစည်းစိမ်တေဒေ နပ်ပန်း ဟနိမ်အတွာတ် မိတ်ဆွေတေလူကွန်း အွန်ကြီး။ အန်နိမ်မားဆာ ဟနိမ်ရှီးလာန်ပဲဘန်း လောကီစည်းစိမ်တေဒေ အနပ်ကြီးရန်ဆွန်မှါခ့်ခါ အန်ဘင်းမိတ်ဆွေတေကား ဟနိမ်အမြဲတမ်းနင်းထှာကူဘင်း ရွှေမြို့တော်ဘေ ကြိုသဘန်းနင်းကြီးကူ။
10ကိစ္စစစ်ဆာတေဘေ သစ္စာငှါဘင်းဆိတ်ကား အရေးတုံန်းဘင်းကိစ္စတေဘေရီးဒါး သစ္စာငှါမှာ။ အန်နိမ်စါန်းငှေါဒီ ကိစ္စစစ်ဆာတေဘေ အရိုးသားသဘင်းဆိတ်ကား ကိစ္စတုံန်းဘေတေရီးဒါး အရိုးသားသောညယ်ထှာကူ။ 11အမှာတွာတ် ဟနိမ်ကား အဘင်းကမ္ဘာစေါက်ပေငှါဘင်း ဟနိမ်ဘင်းလောကီစည်းစိမ်တေဒေ နပ်ကြီးမှါခ့်ခါ အယုံသလူဘန်းကား ရွှေမြို့တော်ဘေငှါဘင်း စစ်မှန်သဘင်း စည်းစိမ်ချမ်းသာတေဒေ နပ်ကြီးဒင်အတွာတ် ဘုရားရှာန်ရီးဒါး ဟနိမ်တေ ယုံကြည်သကြီးကလားအချီရား။ 12ဟနိမ်ကား သမီဘင်းပစ္စည်ဥစ္စာတေဒေ သစ္စာအဘိုဘန်းကား ဟာဟမဲကား ဟနိမ်အတွာတ် ပစ္စည်းဥစ္စာတေဒေအီကူတေ။
13ဟာဘင်းအစေခံဆဲ အဆိတ်ကလိန်းဟူးတေ တစ်ပြိုင်တည်း အစေအခံသရန်နား။ ဟမာန်တွာတ်ငှေါဘန်းတာတ်ငှေါ ဟိန်ကား ဟော်ဝါဒေ ယူနီဘန်း တခြားဟော်ဝါတေမစ်ကူ။ ဟော်ဝါဒေ သစ္စာငှါဘန်းကား ကျန်သဘင်းဟော်ဝါတေ မထီမဲ့မြင်အွန်ကူ။ အန်ဘင်းအတိုင်း ဟနိမ်ကား ဘုရားရှာန်ယောက် လောကီစည်းစိမ်ဒေ တစ်ပြိုင်တည်း သစ္စာအခံသရန်နား” ညယ် မိန့်တော်မူသမှာ။
ကိုယ်တော်ယေရှုဘင်းတူးစယ်ယာ
(ရှာန်မဿဲ ၁၁:၁၂-၁၃၊ ၅:၃၁-၃၂)
14အန်၌မှါခ့်ခါ ဖူးတေမာတ်သဘင်း ဖာရိရှဲတာတ်ကား ကိုယ်တော်ယေရှုဘင်း အန်ဘင်းတူးတေဒေ သက်ပူမှါခ့်ခါ ကိုယ်တော်ဒေနီးကြီးမှာ။ 15အန်နိမ်စါန်းငှေါဒီ ကိုယ်တော်ယေရှုကား အန်တာတ်တေ “ဟနိမ်ကား သမီဆာတာတ်မန်းဘေ ကိုယ်ကောက်ကိုယ်ဒေ ဖြောင့်မတ်သဘင်းသမီဆတာတ်နိမ် အွန်ကာကြီးဟာမှာ။ အန်နိမ်စါန်းငှေါဒီ ဘုရားရှာန်ကား ဟနိမ်အဆေင်ဒေ မိန်းရှာတ်ခါမှာ။ သမီဆတာတ် တန်ဖိုးပဲဘင်းလောကီစည်းစိမ်တေကား ဘုရားရှာန်အတွာတ်ကား လုံးလုံးစဲတန်ဖိုးအဘိုဝါး။
16ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန် အပေါ်သကြီထုတ်ကွန်း ဟနိမ်ကား မောရှေပညတ်ကျမ်းယောက် ပရောဖက်တာတ်ရေးသပဲဘင်း ကျမ်းတေအတိုင်း လိုက်နာသကြီးရီမှာ။ အန်နိမ်စါန်းငှေါဒီ အရာတ်ငါကား ဘုရားရှာန်ဘင်းသာသနာတော်ယောက် ဆိုင်သဘင်း ဆတာန်းမလဲတေ ဟောသကာမှါခ့်ခါ သမီဆတာတ်ရီးဒါး ဘုရားရှာန်ဘင်းသာသနာတော်နောင်းပါ ဆာန်ရန်ကွန်း အကြီးကျယ်ကြိုးစားသကြီးရီမှာ။ 17အန်နိမ်စါန်းငှေါဒီ ဘုရားရှာန်ဘင်း ပညတ်တရားကျမ်းကျိန်းနောင်းဟက် နူရှိတ်ပင်းကျိန်းနူဝါ ကယာရာန်လားထာတ် ဟမုခ်ယောက်ကာ ကယာရာန်ကူဘင်းနာကား ပိုသောပန်းစယ်မှာ။
18ကိုယ်အိတ်တေ ဖါတ်ပန်း တခြားအီးရှီဟော်ဝါတေ လာဘင်းဆိတ်၌တိုင်းကား အိမ်ထောင်ရေး ဖောက်ပြန်သဘင်းတေ ကျူးလွန်သလားထှာမှာ။ ဖါတ်ပန်းပဲဘင်းအီးရှီတေ လာဘန်းပဲဘင်းဆိတ်၌တိုင်းရီဒါး အိမ်ထောင်ရေး ဖောက်ပြန်သလားတေ ကျူးလွန်သလားထှာမှာ” ညယ် ငှေါမှာ။
လာဇရုယောက် သူဌေး
19စီးမှါခ့်ခါ ကိုယ်တော်ကား “ပန်းနူမှါခ့်ခါ ဈေးတုံန်းဘင်း နိတ်တင်တော်ဒင်တေတော်ဘန်း မန်းရာတ်၌တိုင်း စည်းစိမ်ခံစားသဘန်း မွန်းနင်းဘင်း သူဌေးဟော်ဝါငှါမှာ။ 20အန်ဘင်းသူဌေးကျေမ်း ဂလန်းခြံပေါက်ဝဘေ လာန်တစ်ကိုယ်လုံး ကမာတေတူနင်းဘင်း လာဇရုညယ်ကော်ဘင်း ဆာန်းရဲဆားဟော်ဝါရီးဒါး ငှါမှာ။ သမီဆာစယ်ယာကား ဟိန်ဒေ ကော်ဘန်း သူဌေးကျေမ်း ဂလန်းခြံပေါက်ဝဘေ ပဲဟာကြီးမှာ။ 21ဟိန်ကား သူဌေးစားပွဲစောက်ဟက် အက်နီဘင်း ယုတ်ကျန်အူကျန်တေဒေ ယုတ်ကာတ်နင်းမှာ။ ကြည်တေရီးဒါး ဟိန်လာန်ဘင်း ကမာတေဒေ ဒီဘန်းသာပ်နင်းကြီးမှာ။
22နောက်ဆုံးဘေ လာဇရုရှီးလာန်ဘဲဘန်း မဲဘင်းဟမန်းတာတ်ကား ဟိန်ဒေ အာဗြဟံပိုက်ပါ ကော်လာန်ဘဲကြီးမှာ။ သူဌေးရီးဒါး ရှီးလာန်ဘဲမှါခ့်ခါ သမီဆတာတ်ကား ဟိန်ဒေ နွတ်ကြီးရာန်မှာ။ 23စီးမှါခ့်ခါ ဟိန်ကား မရဏဘုံဘေ#16:23 မရဏဘုံ - မရဏဘုံငှေါဘင်းနာကား ငရဲဒေငှေါလားထှာမှာ။ ဒုက္ခဆာန်းရဲတေ အကြီးကျယ်ခံသနင်းထှာဘန်း ဟိန်ကား စောက်ပါ ငါန်းဘန်းယူဝါမ်မှါခ့်ခါ အာဗြဟံယောက်အတူတူ ဟိန်ပိုက်ပေထုံးဘန်းနင်းဘင်း လာဇရုတေ လမ်းစာဟက် ကတုံန်ရာန်မှာ။ 24အမှာတွာတ် ဟိန်ကား ‘အဝါအာဗြဟံ၊ ငါတေအစန်ယုတ်။ ငါကား အဘင်းဝါမ်နောင်းဘေ ဒုက္ခဆာန်းရဲ အကြီးကျယ် ခံသနင်းထှာဘင်းအတွာတ် လာဇရုဒေ ဟိန်တာပ်ရှီတေ ဝဲဆွတ်သဘန်း ငါဆလီး ကဆင်းကွန်းအတွာတ် ငါပါတာတ်အီယုတ်’ ညယ် ဟာတ်ပန်းတောင်းပါန်သမှာ။
25အန်နိမ်စါန်းငှေါဒီ အာဗြဟံကား ‘ငါဆာ၊ နာန်အဆာတ်စားနင်းမှါခ့်ခါ မလဲကလဲတေဒေ လူရီဒီဒါး လာဇရုကား အမဲဘင်းနာတေ၌ဆာ လူရီဘင်းနာဒေ ဆတီးလူ။ အန်နိမ်စါန်းငှေါဒီ အရာတ်လာဇရုကား အဘင်းဘေ မလဲကလဲနင်းထှာဘန်း နာန်ကား ဒုက္ခဆာန်းရဲတေအကြီးကျယ်ခံသနင်းထှာမှာ။ 26အန်ဘင်းဆာအချီ နာန်ယောက် အလေကြားဘေ အကြီးကျယ်ထိန်ဘင်း ချောက်တုံန်းခြားသနင်းမှာ။ အမှာတွာတ် အဘင်းဟက် နာန်ပါ အရတ်ကြီးရီရန်နိမ် အန်ဘင်းဟက်ရီး အလေပါ ဟာဟမဲစဲဒါး အရတ်ကြီးရီရန်နား’ ညယ် ငှေါရာန်မှာ။
27သူဌေးရီးဒါး ‘အဝါအာဗြဟံ၊ အန်နိမ်ငှေါဘန်းကား လာဇရုတေ ငါအဝါကျေမ်းပါ တာတ်အီဒင် ငါတောင်းပါန်သမှာ။ 28ဟမာန်တွာတ်ငှေါဘန်းတာတ်ငှေါ ငါဘေ အမူးနရှီဟာဟူးငှါမှာ။ အမှာတွာတ် အန်တာတ်တေ အရာတ်နိမ် ဒုက္ခဆာန်းရဲခံသထှာဘင်းနေရာပါ အထုတ်စိန်းကွန်း နောင်တလူကြီးဒင် လာဇရုတေလာန်ဘန်း ဆတီးအီစိန်းကာတ်မှာ’ ညယ် လျှောက်တာန်သမှာ။
29အန်နိမ်စါန်းငှေါဒီ အာဗြဟံကား ‘နာန်ဘင်းအမူးနရှီတေဘေ အန်တာတ်နင်း ဆတီးအီဒင် မောရှေဘင်း ပညတ်ကျမ်းယောက် ပရောဖက်တာတ်ရေးသပဲဘင်း ကျမ်းကျိန်းတေငှါမှာ။ အန်တာတ် အန်ဘင်းတေဒေ လိုက်နာသစိန်းဘန်း နောင်တလူကြီးစိန်းငါန်’ ညယ် ငှေါမှာ။
30သူဌေးကား ‘အဝါအာဗြဟံ၊ အန်ဘင်းတေယောက် အကွန်းနွန်း။ အန်နိမ်စါန်းငှေါဒီ ရှီးစီးဘင်းသမီဆာတာတ်နောင်းဟက်ဟော်ဝါ ဟော်ဝါကား အန်တာတ်ပါလာန်ဘန်း ဆတီးအီမှားဆာ အန်တာတ်ကား နောင်တတေလူကြီးကူ’ ညယ် ငှေါမှာ။
31အန်နိမ်စါန်းငှေါဒီ အာဗြဟံရီးဒါး ‘အန်တာတ်ကား မောရှေဘင်း ပညတ်ကျမ်းယောက် ပရောဖက်တာတ်ရေးသပဲဘင်း ကျမ်းတေဒေဆဲ အလိုက်နာသဘန်းကား ရှီးစီးဘင်းသမီဆာဟော်ဝါဟော်ဝါကား အန်တာတ်တေ လာန်ဘန်း ဆတီးအီဒီဒါး အန်တာတ်ကား နောင်တလူကြီးကလားအချီရား’ ညယ် ပြန်သဘန်းငှေါရာန်မှာ” ညယ် မိန့်တော်မူသမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.