ရှာန်လုကာ 15
15
အခန်း (၁၅)
ကယာရာန်ဘင်းသိုးနနူဥပမာ
(ရှာန်မဿဲ ၁၈:၁၂-၁၄)
1မာန်းရာတ်ရအာမှါခ့်ခါ အခွန်ကွန်ဘင်းဆိတ်တာတ်ယောက် အမဲဘင်းအပြစ်ဆားတာတ်ကား ကိုယ်တော်ယေရှု ဟောသကာ ဆွောန်သကာဘင်းနာတေဒေ သက်ကြီးကူညယ် ကိုယ်တော်ယေရှုပါ ထုတ်ကြီးရီမှာ။ 2အန်၌မှါခ့်ခါ ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား “အဘင်းသမီဆာကား အမဲဘင်းအပြစ်ဆားတေယောက် ပဟာန်းအွန်နင်းလားဆာအချီ အန်တာတ်ယောက်အတူတူ ယုတ်မောက်ပန်းနင်းမှာ” ညယ် ဝေဖန်အပြစ်တာန်သကြီးမှာ။
3အမှာတွာတ် ကိုယ်တော်ကား အန်တာတ်တေ ဥပမာစားနူယောက် မိန့်တော်မူသမှာ။ 4ကိုယ်တော်ကား “ဟနိမ်ဘေ သိုးနနူပါတ်နူငှါဘန်းနာ အန်ဘင်းသိုးနနူနောင်းဟက် နူဝါကယာရာန်ဘန်းကား ဟနိမ်ကား ကောင်နူဘန်းကောင်ကာတ်တေ ကွာမ်းပြာန်ဘေ ပဘဲဘန်းနာ ကယာရာန်ဘင်း နနူတေ အကတုံန်မချန်း သန်ကူအချီနော်။ 5ဟနိမ်ကား အန်ဘင်းသိုးနနူတေ ကတုံန်ဟာန်းမှါခ့်ခါ အကြီးကျယ်မွန်ဘန်း အန်ဘင်းသိုးနနူဒေ ယပါးဘေဘော်ဘန်း ကျေမ်းပါလာဟာန်းကြီးရီကူ။ 6စီးမှါခ့်ခါ ဟိန်ကား ကျေမ်းထန်ကစက်တာတ်တေရီးဒါး ကော်ဘန်း ‘ငါကယာရာန်ဘင်း သိုးနနူဒေ ကတုံန်ဟာန်းဘင်းအတွာတ် ငါယောက်အတူတူ ပျော်သကြီးရီ’ ညယ်ငှေါကူ။ 7အန်ဘင်းအတိုင်း ဟနိမ်တေ ငါငှေါကာတ်ပင်းကား နောင်တလူတင်အလိုသဘင်း ဖြောင့်မတ်သဘင်းသမီဆာ ကောင်နူဘန်းကောင်ကာတ်ထာတ် နောင်တလူဘင်း အပြစ်ဆားဟော်ဝါအတွာတ် ရွှေမြို့တော်ဘေငှါဘင်း ဘုရားရှာန်ယောက် ဘုရားရှာန်ဘင်း မဲဘင်းဟမန်းတာတ်ကား ပိုသောမွန်းကြီးကူ” ညယ် မိန့်တော်မူသမှာ။
ကယာရာန်ဘင်းဖူးဒင်္ဂါးဥပမာ
8စီးမှါခ့်ခါ ကိုယ်တော်ကား သမီဆာကလောင်းတုံန်းတေ ဥပမာစားနူယောက် ပြန်သဘန်းမိန့်သမှာ။ ကိုယ်တော်ကား “ဖူးဒင်္ဂါးပလာပ်ရှစ်နူငှါဘင်း အီးရှီဟော်ဝါဘေ ဖူးဒင်္ဂါးပါတ်အာ ကယာရာန်ဘန်းကား ဟိန်ကား ဝါမ်ပလုတ်တေတပ်၊ ကျေမ်းတေဒေ ဆောတ်ထူယောက်ဆောဘန်း အကတုံန်မချန်း မလဲကလဲသန်ကူအချီနော်။ 9ပြန်သဘန်းကတုံန်မှါခ့်ခါ ဟိန်ကား ဟိန်ဘင်းပဟာန်းတေယောက် ကျေမ်းပိုက်တာတ်တေ ကော်ဘန်း ‘ငါဘင်းကယာရာန်ဘင်း ဖူးဒင်္ဂါးဒေ ကတုံန်ဟာန်းဘန်းဘင်းအတွာတ် ငါယောက်အတူတူ မွန်းကြီး’ ညယ် ငှေါကူ။ 10အန်ဘင်းအတိုင်း ဟနိမ်တေ ငါငှေါကူဘင်းနာကား နောင်တလူဘင်း အပြစ်ဆားဟော်ဝါအတွာတ် ဘုရားရှာန်ယောက် ဘုရားရှာန်ဘင်း မဲဘင်းဟမန်းတာတ်ကား အကြီးကျယ်မွန်းကြီးကူ” ညယ် မိန့်တော်မူသမှာ။
ကယာရာန်ဘင်းဆာဥပမာ
11ပန်းနူ ကိုယ်တော်ကား ဥပမာစားနူယောက် မိန့်သမှာ။ ကိုယ်တော်ကား “ပန်းနူမှါခ့်ခါ သမီဆာဟော်ဝါဘေ ဆာကလိန်းဟူးငှါမှာ။ 12ရအာမှါခ့်ခါ နူရှိတ်ပင်းဆာကား အဝါတေ ‘အဝါ၊ ငါလူထိုက်သဘင်း အမွေဒေ ခွဲသအီယုတ်’ ညယ် စိန်မှာ။ အမှာတွာတ် အဝါကား ဟိန်ပိုင်သဘင်းပစ္စည်းဥစ္စာတေဒေ ဆာကလိန်းဟူးတေ ခွဲသအီရာန်မှာ။
13မာန်းရာတ်အစစ်ဆာမှါတ်မှါခ့်ခါ နူရှိတ်ပင်းဆာကား ဟိန်လူဘင်းအမွေတေဒေမာဘန်းနာ ဖူးတေဒေလာဘန်း အကြီးကျယ်လမ်းစာဘင်း တိုင်းပြေတစ်ပြေပါလာန်မှာ။ ဟိန်ကား အန်ဘင်းဘေထုတ်မှါခ့်ခါ ပျော်ပါးသဘန်းနာ စည်းစိမ်စံစားသဘန်း ဟိန်ဘင်းဖူးတေဒေ ဖြုန်းသဆွန်နာန်မှာ။ 14ဟိန်ကား ငှါဘင်းဖူးတေဒေ ဆွန်ကွန်းနာပ်စီးမှါခ့်ခါ အန်ဘင်းတိုင်းပြေဘေ ယုတ်တင်အူဒင်အဘိုဘန်း အကြီးကျယ်ဆိုးသဘင်း ကပ်ဆိုက်သည်ဘင်းအတွာတ် အမှါတ်ကြီ ဟိန်ရီးဒါး ယုတ်တင်အူဒင် အဘိုဘင်းဘဝပါ ထုတ်လာန်ဘဲမှာ။ 15အမှာတွာတ် ဟိန်ကား အန်ဘင်းတိုင်းပြေဘင်း သမီဆာဟော်ဝါပါလာန်ဘန်း အလုပ်အီဒင် ငှေါရာန်မှာ။ အန်ဘင်းဆိတ်ရီးဒါး ဟိန်ဒေ လပါးကွာမ်းဘင်း ဝါတ်တေဒေ ပူစိန်းဒင် တာတ်နာန်မှာ။ 16အန်၌မှါခ့်ခါ ဟိန်ကား အကြီးကျယ်ယုတ်ခေါ့ပ်နင်းဘင်းအတွာတ် ဝါတ်တာတ်ယုတ်နင်းဘင်း ဝါတ်စာတေဒေ ယုတ်ခေါ့ပ်နင်းမှာ။ အန်နိမ်စါန်းငှေါဒီ ဟိန်ဒေ ဟာဟမဲဆဲ ယုတ်တင်အအီကြီးရား။
17အမှာတွာတ် နောက်ဆုံးဘေ ဟိန်ကား ဆတီးဆာန်ဟာန်းရီဘန်း ‘ငါအဝါဘင်း အစေခံတေဘေကား ယုတ်တင်တေ ကလောင်းတုံန်းငှါဒီဒါး ငါကား အဘင်းအရပ်ပေ ယုတ်တင်အူဒင်ငတ်သဘန်း ရှီးထှာကဘန်း။ 18ငါအရာတ် အဝါပါလာန်ဟာန်းဘန်း အဝါ၊ ငါကား ဘုရားရှာန်ဒေပါ အဝါဒေပါ ပြစ်မှားဒီပတ်မှာ။ 19ငါကား အဝါဘင်း ဆာဟော်ဝါညယ်စဲ အကော်ထိုက်သဘန်း။ ကျေးဇူးပြုသဘန်း ငါတေ အဝါဘင်းအစေခံဟော်ဝါနိမ် သတ်မှတ်သပဲရာန်ညယ် ငါငှေါကူ’ ညယ် စဉ်းစားသဘန်းနင်းမှာ။
20အမှာတွာတ် ဟိန်ကားရဲဘန်း ဟိန်အဝါကျေမ်းပါ လာန်ဟာန်းဘဲမှာ။ အန်နိမ်စါန်းငှေါဒီ အဝါထှာဘင်းဆိတ်ကား ဟိန်ဆာ ဒီဟာန်းဘန်းနင်းဘင်းနာတေ လမ်းစာဟက် ကတုံန်မှါခ့်ခါ အစန်ဘန်းနာ အဆေင်အမဲငှါရာန်ဘန်း ဟိန်ဒေ ကာပ်ပန်းကြိုတာန်မှာ။
21နူရှိတ်ပင်းဆာရီဒါး ‘အဝါ၊ ငါကား ဘုရားရှာန်ဒေပါ အဝါဒေပါ ပြစ်မှားဒီပတ်မှာ။ ငါကား အဝါဘင်းဆာဟော်ဝါညယ်စဲ အကော်ထိုက်သဘန်း’ ညယ် ငှေါရာန်မှာ။
22အန်နိမ်စါန်းငှေါဒီ အဝါထှာဘင်းဆိတ်ကား ဟိန်အစေခံတာတ်တေဒေ ‘နိတ်တင်တော်ဒင်မလဲတေဒေ မြန်မြန်လာရီဘန်း ဟိန်နင်း တော်အီကြီးရာန်။ သဟူးဘေရီးဒါး တာတ်ဆဲဒေတော်အီဘန်း တာဘေရီး ဟက်တင်းတေ ဆော့ပ်အီကြီးရာန်။ 23စီးမှါခ့်ခါ တုံန်းဘင်းမုတ်ရှရှာဒေ လာရီဘန်းနာ သာန်းရှီးဘန်း မုတ်အာန်။ စီးဘန်းကား အလေ ယုတ်ပင်းအူဘင်းပွဲတုံန်းတေ အွန်ကြီးကူ။ 24ဟမာန်တွာတ်ငှေါဘန်းတာတ်ငှေါ ငါဘင်းဆာရှာကား ရှီးလာန်ဘဲဒီဒါး အရာတ်စားဟာန်းရီဘန်း၊ ကယာရာန်ဒီဒါး အရာတ်ကတုံန်ဟာန်ကြီးဘန်း’ ညယ် ငှေါဘန်း အန်တာတ်ကား ယုတ်ပင်းအူဘင်းပွဲတုံန်းတေ အွန်ကြီးမှာ။
25အန်ကားအချိန်ဘေ လပါးဟက် အလုပ်အွန်ဘန်း ကျေမ်းပါဒီဟာန်းဘင်း ဆာတုံန်းကား ကျေမ်းပိုက်ပေထုတ်မှါခ့်ခါ တေချမ်းတေကျယ်ဘန်း ကသနင်းဘင်းဆကလားတေ သက်ပူရာန်မှာ။ 26အမှာတွာတ် ဟိန်ကား အစေခံဟော်ဝါတေ ကော်ရာန်ဘန်း ‘ဟမာန်တေထှာနင်းကြီးဒေ’ ညယ် စိန်ယူမှာ။ 27အန်၌မှါခ့်ခါ အစေခံရီးဒါး ‘နာန်ဘင်းနရှီကား ကျေမ်းပါထုတ်ခါန်းရီဘန်း။ နာန်နရှီကား မလဲကလဲကျေမ်းပါ ထုတ်ခါန်းရီဘင်းအတွာတ် နာန်အဝါကား တုံန်းဘင်းမုတ်ရှရှာနူဝါဒေ သာန်းရှီးဘန်း ယုတ်ပင်းအူဘင်းပွဲ အွန်နင်းလားထှာမှာ’ ညယ် ဖြေတာန်မှာ။
28အန်၌မှါခ့်ခါ တုံန်းဘင်းဆာကား အကြီးကျယ်ဒေါသပူဘန်း ကျေမ်းနောင်းဘေ အဆာန်ညယ်နင်းဘင်းအတွာတ် အဝါထှာဘင်းဆိတ်ကား ပြာန်ပါပူရီဘန်း နောင်းဘေဆာန်ရီဒင် ငှေါကာမှာ။ 29အန်နိမ်စါန်းငှေါဒီ တုံန်းဘင်းဆာကား ‘သက်ယုတ်အဝါ။ ငါကား အဝါအတွာတ် အစေခံဟော်ဝါနိမ် ပလီးတေမှါတ်ကွန်း အွန်အီရီဘန်း အဝါငှေါဘင်းတူးတေဒေရီးဒါး ပန်းနူစဲ အငြာမ်းသပတ်နီရား။ အန်နိမ်စါန်းငှေါဒီ အဝါကား ငါအတွာတ် ငါပဟာန်းတေယောက်အတူတူ ယုတ်ပင်းအူဘင်းပွဲအွန်ဒင် ဆိတ်နနူရှာနူဝါဆစဲ အအီရီပတ်နား။ 30အန်နိမ်စါန်းငှေါဒီ နူရှိတ်ဆိတ်ကား အဝါဘင်းဖူးတေဒေ အမဲဘင်းအီးရှီတာတ်ယောက် ဖြုန်းသစီးဘန်းဒီဟာန်းဒီဒါး အဝါကား ဟိန်အတွာတ် တုံန်းဘင်းမုတ်ရှရှာဒေ သာန်းရှီးဘန်း ယုတ်ပင်းအူဘင်းပွဲအွန်အီမှာ’ ညယ် ဟိန်အဝါတေ ပြန်သဘန်းငှေါရာန်မှာ။
31အဝါရီးဒါး တုံန်းဘင်းဆာတေ ‘ဆာ၊ နာန်ကား ငါယောက်အတူတူ အမြဲငှါနင်းဘင်းအတွာတ်၊ ငါပိုင်သဘင်း ပစ္စည်းတေဒေရီးဒါး နာန်အတွာတ်ထှာမှာ။ 32အန်နိမ်စါန်းငှေါဒီ နာန်နရှီကား ရှီးလာန်ဘဲဒီဒါး အရာတ်စါးဟာန်းရီဘန်း၊ ကယာလာန်ဘဲဒီဒါး အရာတ်ကတုံန်ဟာန်းဘန်းဘင်းအတွာတ် အလေကား မွန်းဘန်းနာ ယုတ်ပင်းအူဘင်းပွဲ အွန်အီသင့်သမှာ’ ညယ် ငှေါမှာ” ညယ် မိန့်သမှာ။
Currently Selected:
ရှာန်လုကာ 15: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 15
15
အခန်း (၁၅)
ကယာရာန်ဘင်းသိုးနနူဥပမာ
(ရှာန်မဿဲ ၁၈:၁၂-၁၄)
1မာန်းရာတ်ရအာမှါခ့်ခါ အခွန်ကွန်ဘင်းဆိတ်တာတ်ယောက် အမဲဘင်းအပြစ်ဆားတာတ်ကား ကိုယ်တော်ယေရှု ဟောသကာ ဆွောန်သကာဘင်းနာတေဒေ သက်ကြီးကူညယ် ကိုယ်တော်ယေရှုပါ ထုတ်ကြီးရီမှာ။ 2အန်၌မှါခ့်ခါ ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား “အဘင်းသမီဆာကား အမဲဘင်းအပြစ်ဆားတေယောက် ပဟာန်းအွန်နင်းလားဆာအချီ အန်တာတ်ယောက်အတူတူ ယုတ်မောက်ပန်းနင်းမှာ” ညယ် ဝေဖန်အပြစ်တာန်သကြီးမှာ။
3အမှာတွာတ် ကိုယ်တော်ကား အန်တာတ်တေ ဥပမာစားနူယောက် မိန့်တော်မူသမှာ။ 4ကိုယ်တော်ကား “ဟနိမ်ဘေ သိုးနနူပါတ်နူငှါဘန်းနာ အန်ဘင်းသိုးနနူနောင်းဟက် နူဝါကယာရာန်ဘန်းကား ဟနိမ်ကား ကောင်နူဘန်းကောင်ကာတ်တေ ကွာမ်းပြာန်ဘေ ပဘဲဘန်းနာ ကယာရာန်ဘင်း နနူတေ အကတုံန်မချန်း သန်ကူအချီနော်။ 5ဟနိမ်ကား အန်ဘင်းသိုးနနူတေ ကတုံန်ဟာန်းမှါခ့်ခါ အကြီးကျယ်မွန်ဘန်း အန်ဘင်းသိုးနနူဒေ ယပါးဘေဘော်ဘန်း ကျေမ်းပါလာဟာန်းကြီးရီကူ။ 6စီးမှါခ့်ခါ ဟိန်ကား ကျေမ်းထန်ကစက်တာတ်တေရီးဒါး ကော်ဘန်း ‘ငါကယာရာန်ဘင်း သိုးနနူဒေ ကတုံန်ဟာန်းဘင်းအတွာတ် ငါယောက်အတူတူ ပျော်သကြီးရီ’ ညယ်ငှေါကူ။ 7အန်ဘင်းအတိုင်း ဟနိမ်တေ ငါငှေါကာတ်ပင်းကား နောင်တလူတင်အလိုသဘင်း ဖြောင့်မတ်သဘင်းသမီဆာ ကောင်နူဘန်းကောင်ကာတ်ထာတ် နောင်တလူဘင်း အပြစ်ဆားဟော်ဝါအတွာတ် ရွှေမြို့တော်ဘေငှါဘင်း ဘုရားရှာန်ယောက် ဘုရားရှာန်ဘင်း မဲဘင်းဟမန်းတာတ်ကား ပိုသောမွန်းကြီးကူ” ညယ် မိန့်တော်မူသမှာ။
ကယာရာန်ဘင်းဖူးဒင်္ဂါးဥပမာ
8စီးမှါခ့်ခါ ကိုယ်တော်ကား သမီဆာကလောင်းတုံန်းတေ ဥပမာစားနူယောက် ပြန်သဘန်းမိန့်သမှာ။ ကိုယ်တော်ကား “ဖူးဒင်္ဂါးပလာပ်ရှစ်နူငှါဘင်း အီးရှီဟော်ဝါဘေ ဖူးဒင်္ဂါးပါတ်အာ ကယာရာန်ဘန်းကား ဟိန်ကား ဝါမ်ပလုတ်တေတပ်၊ ကျေမ်းတေဒေ ဆောတ်ထူယောက်ဆောဘန်း အကတုံန်မချန်း မလဲကလဲသန်ကူအချီနော်။ 9ပြန်သဘန်းကတုံန်မှါခ့်ခါ ဟိန်ကား ဟိန်ဘင်းပဟာန်းတေယောက် ကျေမ်းပိုက်တာတ်တေ ကော်ဘန်း ‘ငါဘင်းကယာရာန်ဘင်း ဖူးဒင်္ဂါးဒေ ကတုံန်ဟာန်းဘန်းဘင်းအတွာတ် ငါယောက်အတူတူ မွန်းကြီး’ ညယ် ငှေါကူ။ 10အန်ဘင်းအတိုင်း ဟနိမ်တေ ငါငှေါကူဘင်းနာကား နောင်တလူဘင်း အပြစ်ဆားဟော်ဝါအတွာတ် ဘုရားရှာန်ယောက် ဘုရားရှာန်ဘင်း မဲဘင်းဟမန်းတာတ်ကား အကြီးကျယ်မွန်းကြီးကူ” ညယ် မိန့်တော်မူသမှာ။
ကယာရာန်ဘင်းဆာဥပမာ
11ပန်းနူ ကိုယ်တော်ကား ဥပမာစားနူယောက် မိန့်သမှာ။ ကိုယ်တော်ကား “ပန်းနူမှါခ့်ခါ သမီဆာဟော်ဝါဘေ ဆာကလိန်းဟူးငှါမှာ။ 12ရအာမှါခ့်ခါ နူရှိတ်ပင်းဆာကား အဝါတေ ‘အဝါ၊ ငါလူထိုက်သဘင်း အမွေဒေ ခွဲသအီယုတ်’ ညယ် စိန်မှာ။ အမှာတွာတ် အဝါကား ဟိန်ပိုင်သဘင်းပစ္စည်းဥစ္စာတေဒေ ဆာကလိန်းဟူးတေ ခွဲသအီရာန်မှာ။
13မာန်းရာတ်အစစ်ဆာမှါတ်မှါခ့်ခါ နူရှိတ်ပင်းဆာကား ဟိန်လူဘင်းအမွေတေဒေမာဘန်းနာ ဖူးတေဒေလာဘန်း အကြီးကျယ်လမ်းစာဘင်း တိုင်းပြေတစ်ပြေပါလာန်မှာ။ ဟိန်ကား အန်ဘင်းဘေထုတ်မှါခ့်ခါ ပျော်ပါးသဘန်းနာ စည်းစိမ်စံစားသဘန်း ဟိန်ဘင်းဖူးတေဒေ ဖြုန်းသဆွန်နာန်မှာ။ 14ဟိန်ကား ငှါဘင်းဖူးတေဒေ ဆွန်ကွန်းနာပ်စီးမှါခ့်ခါ အန်ဘင်းတိုင်းပြေဘေ ယုတ်တင်အူဒင်အဘိုဘန်း အကြီးကျယ်ဆိုးသဘင်း ကပ်ဆိုက်သည်ဘင်းအတွာတ် အမှါတ်ကြီ ဟိန်ရီးဒါး ယုတ်တင်အူဒင် အဘိုဘင်းဘဝပါ ထုတ်လာန်ဘဲမှာ။ 15အမှာတွာတ် ဟိန်ကား အန်ဘင်းတိုင်းပြေဘင်း သမီဆာဟော်ဝါပါလာန်ဘန်း အလုပ်အီဒင် ငှေါရာန်မှာ။ အန်ဘင်းဆိတ်ရီးဒါး ဟိန်ဒေ လပါးကွာမ်းဘင်း ဝါတ်တေဒေ ပူစိန်းဒင် တာတ်နာန်မှာ။ 16အန်၌မှါခ့်ခါ ဟိန်ကား အကြီးကျယ်ယုတ်ခေါ့ပ်နင်းဘင်းအတွာတ် ဝါတ်တာတ်ယုတ်နင်းဘင်း ဝါတ်စာတေဒေ ယုတ်ခေါ့ပ်နင်းမှာ။ အန်နိမ်စါန်းငှေါဒီ ဟိန်ဒေ ဟာဟမဲဆဲ ယုတ်တင်အအီကြီးရား။
17အမှာတွာတ် နောက်ဆုံးဘေ ဟိန်ကား ဆတီးဆာန်ဟာန်းရီဘန်း ‘ငါအဝါဘင်း အစေခံတေဘေကား ယုတ်တင်တေ ကလောင်းတုံန်းငှါဒီဒါး ငါကား အဘင်းအရပ်ပေ ယုတ်တင်အူဒင်ငတ်သဘန်း ရှီးထှာကဘန်း။ 18ငါအရာတ် အဝါပါလာန်ဟာန်းဘန်း အဝါ၊ ငါကား ဘုရားရှာန်ဒေပါ အဝါဒေပါ ပြစ်မှားဒီပတ်မှာ။ 19ငါကား အဝါဘင်း ဆာဟော်ဝါညယ်စဲ အကော်ထိုက်သဘန်း။ ကျေးဇူးပြုသဘန်း ငါတေ အဝါဘင်းအစေခံဟော်ဝါနိမ် သတ်မှတ်သပဲရာန်ညယ် ငါငှေါကူ’ ညယ် စဉ်းစားသဘန်းနင်းမှာ။
20အမှာတွာတ် ဟိန်ကားရဲဘန်း ဟိန်အဝါကျေမ်းပါ လာန်ဟာန်းဘဲမှာ။ အန်နိမ်စါန်းငှေါဒီ အဝါထှာဘင်းဆိတ်ကား ဟိန်ဆာ ဒီဟာန်းဘန်းနင်းဘင်းနာတေ လမ်းစာဟက် ကတုံန်မှါခ့်ခါ အစန်ဘန်းနာ အဆေင်အမဲငှါရာန်ဘန်း ဟိန်ဒေ ကာပ်ပန်းကြိုတာန်မှာ။
21နူရှိတ်ပင်းဆာရီဒါး ‘အဝါ၊ ငါကား ဘုရားရှာန်ဒေပါ အဝါဒေပါ ပြစ်မှားဒီပတ်မှာ။ ငါကား အဝါဘင်းဆာဟော်ဝါညယ်စဲ အကော်ထိုက်သဘန်း’ ညယ် ငှေါရာန်မှာ။
22အန်နိမ်စါန်းငှေါဒီ အဝါထှာဘင်းဆိတ်ကား ဟိန်အစေခံတာတ်တေဒေ ‘နိတ်တင်တော်ဒင်မလဲတေဒေ မြန်မြန်လာရီဘန်း ဟိန်နင်း တော်အီကြီးရာန်။ သဟူးဘေရီးဒါး တာတ်ဆဲဒေတော်အီဘန်း တာဘေရီး ဟက်တင်းတေ ဆော့ပ်အီကြီးရာန်။ 23စီးမှါခ့်ခါ တုံန်းဘင်းမုတ်ရှရှာဒေ လာရီဘန်းနာ သာန်းရှီးဘန်း မုတ်အာန်။ စီးဘန်းကား အလေ ယုတ်ပင်းအူဘင်းပွဲတုံန်းတေ အွန်ကြီးကူ။ 24ဟမာန်တွာတ်ငှေါဘန်းတာတ်ငှေါ ငါဘင်းဆာရှာကား ရှီးလာန်ဘဲဒီဒါး အရာတ်စားဟာန်းရီဘန်း၊ ကယာရာန်ဒီဒါး အရာတ်ကတုံန်ဟာန်ကြီးဘန်း’ ညယ် ငှေါဘန်း အန်တာတ်ကား ယုတ်ပင်းအူဘင်းပွဲတုံန်းတေ အွန်ကြီးမှာ။
25အန်ကားအချိန်ဘေ လပါးဟက် အလုပ်အွန်ဘန်း ကျေမ်းပါဒီဟာန်းဘင်း ဆာတုံန်းကား ကျေမ်းပိုက်ပေထုတ်မှါခ့်ခါ တေချမ်းတေကျယ်ဘန်း ကသနင်းဘင်းဆကလားတေ သက်ပူရာန်မှာ။ 26အမှာတွာတ် ဟိန်ကား အစေခံဟော်ဝါတေ ကော်ရာန်ဘန်း ‘ဟမာန်တေထှာနင်းကြီးဒေ’ ညယ် စိန်ယူမှာ။ 27အန်၌မှါခ့်ခါ အစေခံရီးဒါး ‘နာန်ဘင်းနရှီကား ကျေမ်းပါထုတ်ခါန်းရီဘန်း။ နာန်နရှီကား မလဲကလဲကျေမ်းပါ ထုတ်ခါန်းရီဘင်းအတွာတ် နာန်အဝါကား တုံန်းဘင်းမုတ်ရှရှာနူဝါဒေ သာန်းရှီးဘန်း ယုတ်ပင်းအူဘင်းပွဲ အွန်နင်းလားထှာမှာ’ ညယ် ဖြေတာန်မှာ။
28အန်၌မှါခ့်ခါ တုံန်းဘင်းဆာကား အကြီးကျယ်ဒေါသပူဘန်း ကျေမ်းနောင်းဘေ အဆာန်ညယ်နင်းဘင်းအတွာတ် အဝါထှာဘင်းဆိတ်ကား ပြာန်ပါပူရီဘန်း နောင်းဘေဆာန်ရီဒင် ငှေါကာမှာ။ 29အန်နိမ်စါန်းငှေါဒီ တုံန်းဘင်းဆာကား ‘သက်ယုတ်အဝါ။ ငါကား အဝါအတွာတ် အစေခံဟော်ဝါနိမ် ပလီးတေမှါတ်ကွန်း အွန်အီရီဘန်း အဝါငှေါဘင်းတူးတေဒေရီးဒါး ပန်းနူစဲ အငြာမ်းသပတ်နီရား။ အန်နိမ်စါန်းငှေါဒီ အဝါကား ငါအတွာတ် ငါပဟာန်းတေယောက်အတူတူ ယုတ်ပင်းအူဘင်းပွဲအွန်ဒင် ဆိတ်နနူရှာနူဝါဆစဲ အအီရီပတ်နား။ 30အန်နိမ်စါန်းငှေါဒီ နူရှိတ်ဆိတ်ကား အဝါဘင်းဖူးတေဒေ အမဲဘင်းအီးရှီတာတ်ယောက် ဖြုန်းသစီးဘန်းဒီဟာန်းဒီဒါး အဝါကား ဟိန်အတွာတ် တုံန်းဘင်းမုတ်ရှရှာဒေ သာန်းရှီးဘန်း ယုတ်ပင်းအူဘင်းပွဲအွန်အီမှာ’ ညယ် ဟိန်အဝါတေ ပြန်သဘန်းငှေါရာန်မှာ။
31အဝါရီးဒါး တုံန်းဘင်းဆာတေ ‘ဆာ၊ နာန်ကား ငါယောက်အတူတူ အမြဲငှါနင်းဘင်းအတွာတ်၊ ငါပိုင်သဘင်း ပစ္စည်းတေဒေရီးဒါး နာန်အတွာတ်ထှာမှာ။ 32အန်နိမ်စါန်းငှေါဒီ နာန်နရှီကား ရှီးလာန်ဘဲဒီဒါး အရာတ်စါးဟာန်းရီဘန်း၊ ကယာလာန်ဘဲဒီဒါး အရာတ်ကတုံန်ဟာန်းဘန်းဘင်းအတွာတ် အလေကား မွန်းဘန်းနာ ယုတ်ပင်းအူဘင်းပွဲ အွန်အီသင့်သမှာ’ ညယ် ငှေါမှာ” ညယ် မိန့်သမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.