ရှာန်လုကာ 14
14
အခန်း (၁၄)
ဥပုသ်မာန်းရာတ်ပေ ကနာနင်းဘင်း သမီဆာဟော်ဝါတေ မဲဟာန်းစိန်းဘင်း
1ဥပုသ်မာန်းရာတ်ရအာမှါခ့်ခါ ကိုယ်တော်ယေရှုကား ဖာရိရှဲတာတ် ဟလာန်းစါတ်ဟော်ဝါကျေမ်းဘေ ယုတ်တင်တေယုတ်ကူညယ် လာန်မှါခ့်ခါ အန်ဘင်းဘေငှါဘင်း ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား ကိုယ်တော်ဒေ ဆတီးပဲဘန်းယူနင်းကြီးမှာ။ 2အန်ဘင်းဘေ သဟူးတေတာတေ အွန်ဘင်းရောဂါ ထှာနင်းဘင်းသမီဆာဟော်ဝါကား ကိုယ်တော်ယေရှုမန်းဘေ ငှါနင်းမှာ။ 3ကိုယ်တော်ကား ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်တေ “ဥပုသ်မာန်းရာတ်ပေ အနင်းမဲဘင်းဆိတ်တေ ကုသအီဘင်းနာကား ပညတ်တော်ယောက် ညီသလဲ၊ အညီသဝါးရယ်” ညယ် စိန်ယူမှာ။ 4အန်နိမ်စါန်းငှေါဒီ အန်တာတ်ကား ဟမန်ကစဲ ပြန်သော အသပေါက်ခါန်းကြီးရား။ အမှာတွာတ် ကိုယ်တော်ကား အန်ဘင်းကမာရောဂါထှာနင်းဘင်းဆိတ်တေ သဟူးယောက်ထိသဘန်း ကုသအီစီးဘန်းနာ ဟိန်ဒေကျေမ်းပါ တာတ်ခါန်းငါန်မှာ။
5စီးမှါခ့်ခါ ကိုယ်တော်ယေရှုကား အန်ဘင်းဆိတ်တာတ်တေ “ဟနိမ်နောင်းဟက် ဟော်ဝါဟော်ဝါဘေ ဆာဟော်ဝါ အန်နိမ်အချီ မုတ်နူဝါငှါမှာညယ်ပဲရာန်။ အန်ဘင်းဆာ အန်နိမ်အချီ အန်ဘင်းမုတ်ကား ဥပုသ်မာန်းရာတ်ပေ ဝဲရဟွန်နောင်းပါအက်နာန်ဘန်းကား ဥပုသ်မာန်းရာတ်ထှာနင်းဟွန် အတွန်းဟယ်ညယ် နင်းကြီးကလဲ” ညယ် မိန့်တော်မူသမှာ။ 6အန်နိမ်စါန်းငှေါဒီ အန်ဘင်းဆိတ်တာတ်ကား အဘင်းယောက် ပတ်သက်သဘန်း ဟမာန်ကစဲ ပြန်သောအငှေါဟာန်းကြီးရန်နား။
နှိပ်ချသဘန်းနင်းဟာကွန်းဆွောန်သကာဘင်း
7ဖိတ်သပဲဘင်း တခြားနန်တေကား အရေးပါသဘင်းနေရာတေဘေ ထုံးဒင်မယ်နင်းဘင်းတေ ကိုယ်တော်ယေရှု ကတုံန်မှါခ့်ခါ ဥပမာစားနူတေ မိန့်သမှာ။ 8ကိုယ်တော်ကား “ဟော်ဝါ ဟော်ဝါကား နာန်တေ မာန်းဂလာပွဲဖိတ်သမှါခ့်ခါ အရေးပါသဘင်း နေရာဘေ အထုံးကြီးဆာ။ ဟမာန်တွာတ်ငှေါဘန်းတာတ်ငှေါ နာန်ထာတ် အရေးပါသဘင်းဆိတ်တေရီးဒါး ဖိတ်သဘန်းပဲဟာမှာ။ 9အန်ဘင်းဆိတ်ထုတ်အီမှါခ့်ခါ ဟနိမ်ကလိန်းဟူးတေ ဖိတ်သပဲဘင်းဆိတ်ကား နာန်ပါဒီဘန်း ဟနိမ်တေ ‘နာန်နေရာတေ အန်ဘင်းဆိတ်နင်း အီရာန်’ ညယ်ငှေါကူ။ အန်၌မှါခ့်ခါနာန်ကား မန်းကတန်ဘန်း အရေးအပါသဘင်းနေရာဘေ လာန်ဘန်းထုံးငါန်ထှာကူ။ 10အန်နိမ်စါန်းငှေါဒီ ဟော်ဝါဟော်ဝါကား နာန်တေ ဟိန်ဘင်းမာန်းဂလာပွဲဖိတ်သမှါခ့်ခါ အရေးအပါသဘင်းနေရာဘေ လာန်ဘန်းထုံး။ အန်နိမ်မားဆာ နာန်တေ ဖိတ်သပဲဘင်းဆိတ်ကား နာန်ပါဒီဘန်း ‘ပဟာန်း၊ အရေးပါသဘင်းနေရာဘေ လာန်ဘန်းထုံးငါန်’ ညယ် ဒီဘန်း ငှေါရီကူ။ အန်၌မှါခ့်ခါ နာန်ကား တခြားနန်တာတ်မန်းဘေ ဂုဏ်လာဒင်မဲကူ။ 11ဟမာန်တွာတ်ငှေါဘန်းတာတ်ငှေါ ကိုယ်ကောက်ကိုယ်ကာ ချီးမြှောက်သဘင်းဆိတ်တာတ်ကား နှိမ့်ချခံသထှာဘန်း၊ ကိုယ်ကောက်ကိုယ်ကာ နှိမ့်ချသဘင်းဆိတ်တာတ်ကား ချီးမြှောက်သလားခံသထှာကူ” ညယ် မိန့်တော်မူသမှာ။
12ပန်းနူ ကိုယ်တော်ကား ကိုယ်ဒေ ဖိတ်သဘင်းဆိတ်တေ “နာန်ကား နခူအသား အန်နိမ်အချီ နတ်ကျယ်အသားယောက် နွောပ်တင် ကော်မှါခ့်ခါ နာန်မိတ်ဆွေတေ၊ မိသားစုတေ၊ ဆွေမျိုးတေယောက် ဆွာမ်းဘင်းကျေမ်းပိုက်တာတ်တေ၌ဆာ အမြဲအဖိတ်သဆာ။ ဟမာန်တွာတ်ငှေါဘန်းတာတ်ငှေါ နာန်အန်နိမ်အွန်ဘန်းကား အန်ဘင်းဆိတ်တာတ်ကား နာန်တေ အန်တာတ်ပင်းယုတ်ပင်းအူဘင်းပွဲဘေ ပြန်သောဖိတ်သဟာန်းဘန်းနာ နောပ့်ပန်း ကျေးဇူးဆပ်သဟာန်းကြီးကူ။ 13အန်ဘင်းအစား နာန်ကား ယုတ်တင်အူဒင်တေ အွန်မှါခ့်ခါ ဆာန်းရဲဆားတေ၊ အသန်စွမ်းသဘင်းဆိတ်တာတ်၊ လေဖြတ်သနင်းဘင်းဆိတ်တာတ်၊ မိတ်အကတုံန်ဟာဘင်းဆိတ်တာတ်တေဒေ ဖိတ်သဘန်းနောပ့်ကြီး။ 14နာန်အန်နိမ်အွန်ဘန်းကား ဘုရားရှာန်ကား နာန်တေ မန်းအီကူ။ ဟမာန်တွာတ်ငှေါဘန်းတာတ်ငှေါ နာန်ဖိတ်သပဲဘင်း ဆိတ်တာတ်ကား နာန်တေ ပြန်သဘန်း ကျေးဇူးအဆပ်သကြီးရန်ဘင်းအတွာတ်ထှာမှာ။ အန်နိမ်စါန်းငှေါဒီ ဘုရားရှာန်ကား ဖြောင့်မတ်သဘင်းသမီဆတာတ်တေ ရှီးလားဟက် ပြန်သဘန်းစားဟာန်းစိန်းမှါခ့်ခါ နာန်ဒေ ဆုလာဒ်တေ ပြန်သဘန်း အီဟာန်းကူဘင်းအတွာတ်ထှာမှာ” ညယ် မိန့်တော်မူသမှာ။
ယုတ်ပင်းပွဲတုံန်းဥပမာ
(ရှာန်မဿဲ ၂၂:၁-၁၀)
15ကိုယ်တော် အန်နိမ်မိန့်သဘင်းတေ သက်ပူမှါခ့်ခါ နန်တာတ်နောင်းဟက် ဟော်ဝါကား ကိုယ်တော်ဒေ “ဘုရားရှာန်ဘင်းသာသနာတော်နောင်းဘင်း ယုတ်ပင်းအူဘင်းပွဲဘေ ယုတ်လားလူဘင်းဆိတ်ကား မန်းအီလားခံသထှာဘင်းဆိတ် ထှာမှာ” ညယ်လျှောက်သမှာ။
16အန်၌မှါခ့်ခါ ကိုယ်တော်ကား “သမီဆာဟော်ဝါကား ယုတ်ပင်းအူဘင်းပွဲတုံန်းတေ ပြာန်ဆာန်သနင်းဘန်း နန်ကလောင်းတုံန်းတေရီးဒါး ဖိတ်သပဲမှာ။ 17ယုတ်ပင်းအူဘင်းပွဲတုံန်း အဆာန်တာန့်ထှာမှါခ့်ခါ ဟိန်ကား ဟိန်အစေတေ ဖိတ်သပဲဘင်းနန်တာတ်ပါ တာတ်ပန်း ‘အရာတ်အကုန်လုံး အဆာန်တာန့် ထှာနင်းဘန်းဘင်းအတွာတ် ယုတ်ပင်းအူဘင်းပွဲတုံန်းပါ ဒီကြီး’ ညယ် ငှေါစိန်းမှာ။
18အန်နိမ်စါန်းငှေါဒီ အန်တာတ်ဆွန်ကွန်းကား အကြောင်းအမျိုးမျိုးကာဘန်း ဟမာန်တွာတ် အဒီရန်နားငှေါဘင်းတေ ငှေါကြီးမှာ။ ပထမဟော်ဝါကား ‘ငါကား လပါးတစ်ကွာပ်မှီးပဲဘင်းအတွာတ် အန်ဘင်းလပါးတေ လာန်ဘန်း ယူဝါထှာယုတ်ကူ။ ငါတေ အတင်းဟော့ပ်ဆာနော့’ ညယ်ငှေါမှာ။
19အနားဟော်ဝါရီးဒါး ‘ငါကားမုတ်ရှစ်နူမီးပဲဘင်းအတွာတ် အန်တာတ်ယောက်အတူတူ အလုပ်အွန်ရန်ကူသမာငှေါဘင်းနာဒေ ယူဒင် လာန်ငါန်ယုတ်ကူ။ ငါတေ အတင်းဟော့ပ်ဆာနော့’ ညယ်ငှေါမှာ။
20အနားဟော်ဝါရီးဒါး ‘ငါကား အရာတ်အိတ်လာရာန်ဘင်းအတွာတ် အဒီရန်နား’ ညယ်ငှေါမှာ။
21အစေခံရီးဒါး ဒီဟာန်းဘန်း အန်ဘင်းအကြောင်းတေဒေ ဟိန်ကျေမ်းဆိတ်တေ ပြန်သဘန်းငှေါကာဟာန်းမှာ။ အန်၌မှါခ့်ခါ အဆိတ်ရီးဒါး အကြီးကျယ်ဒေါသပူဘန်း ဟိန်အစေခံတေ ‘မြို့နောင်းဘင်း လမ်းမတေယောက် လမ်းကြိုလမ်းကြားတေပါ ခပ်မြန်မြန်လာန်ဘန်း ဆာန်းရဲဆားတာတ်၊ အသန်စွမ်းသဘင်းဆိတ်တာတ်၊ လေဖြတ်သနင်းဘင်းဆိတ်တာတ်၊ မိတ်တူရှီအကတုံန်ဘင်း ဆိတ်တာတ်တေဒေ ကော်ရီ’ ညယ် စိန်းယုတ်အာန်မှာ။
22အန်ဘင်းအစေခံရီးဒါး ထုတ်ခါန်းရီမှါခ့်ခါ ‘အိုးဆကြီး၊ အိုးဆကြီးငှေါဘင်းအတိုင်း ငါအွန်နီစီးဘန်း။ အန်နိမ်စါန်းငှေါဒီ သမီဆာကလောင်းတုံန်းအတွာတ် နေရာလွောပ်သလားတေ ငှါနင်းယုတ်မှာ’ ညယ် ငှေါမှာ။
23အန်၌မှါခ့်ခါ ကျေမ်းဆိတ်ကား ‘အန်နိမ်ငှေါဘန်းကား မြို့ပြာန်ဘင်းလမ်းတေယောက် ပုတ်ခါးဘင်းလမ်းတေပါလာန်ဘန်း သမီဆတာတ်တေ သေသေချာချာငှေါဘန်း ကော်ရီ။ အန်နိမ်မားဆာ ငါကျေမ်းဖိန်းနာန်ကလားထှာမှာ။ 24နာန်တေ ငါငှေါကူ။ ငါအရာန်ဖိတ်သပဲဘင်း ဆိတ်တာတ်ကား ငါယုတ်ပင်းအူဘင်းပွဲဟက် ဟာဘင်းယုတ်တင်တေဒေစဲ မြည်းသကြီးလူကလားအချီရား’ ညယ် ဟိန်အစေခံတေ ငှေါမှာ” ညယ် မိန့်တော်မူသမှာ။
တပယ့်တော်ငှေါဘင်းကား
(ရှာန်မဿဲ ၁၀:၃၇-၃၈)
25မာန်းရာတ်ရအာမှါခ့်ခါ သမီဆာကလောင်းတုံန်းတာတ်ကား ကိုယ်တော်ယောက်အတူတူ ဂျေရုဆလင်မြို့ပါလာန်နင်းစာတ် ကိုယ်တော်ကား အန်ဘင်းဆိတ်တာတ်ပါ လှည့်သဘန်း အန်တာတ်တေ 26“ဟနိမ်ကား ငါတပယ့်ထှာကာတ်ပန်းကား ဟနိမ်အမယ် အဝါ၊ ဟနိမ်ဘင်း အိတ်၊ ဟနိမ်ဘင်း ဆာဆအိတ်တာတ်ယောက် ဟနိမ်ဘင်းအမူးနှရှီတာတ်တေ ဟနိမ်မစ်လားဆာအချီ ဟနိမ်ကောက်ဟနိမ်မစ်လားထာတ် ငါတေ ပိုသောမစ်သင့်သမှာ။ အန်နိမ်အချီဘန်းကား ဟနိမ်ကား ငါတပယ့်အထှာရန်နား။ 27ဟာဟမဲစါန်းငှေါဒီ ကိုယ်ဘင်းတာပ်ပါးကပ်ပင်းတိုင်ဒေ ကိုယ်တိုင်ဖဲဘန်းနာ ငါဟလိန်းဘေ အဒီယာတ်ရန်ဘန်းကား ငါတပယ့်အထှာရန်နား။#14:27 အဓိပ္ပာယ်ကား ကိုယ်တော်ယေရှုခေတ်ပေ တာပ်ပါးကပ်ပင်းတိုင်ဘေ ဆိန်ကလာတ်သာန်းဘန်း သာန်းရှီးခံသထှာကူဘင်းဆိတ်ကား သာန်းရှီးခံသထှာကူဘင်းနေရာထုတ်ကွန်း တာပ်ပါးကပ်ပင်းတိုင်တေဖဲဘန်း လာန်ထှာမှာ။ အန်ဘင်းဘေ ကိုယ်တော်ယေရှုကား ဟိန်ဟလိန်းဘင်းတပယ့် ထှာကာတ်ပင်းဆိတ်တေ ဒုက္ခဆာန်းရဲယောက် ရှီးဒင်အတွာတ် အဆာန်တာန့်ထှာနင်းထှာကူညယ် ငှေါလားထှာမှာ။
28ဟနိမ်နောင်းဟက် ဟော်ဝါကား မျှော်စါန်ဟုတ်အာတေ စာကာတ်မှာညယ်ပဲရာန်။ ဟိန်ကား အန်ဘင်းမျှော်စါန်စီးကွန်းစာဒင်အတွာတ် ဟိန်ဘေ ဖူးကွန်းလည်း အကွန်းလည်းငှေါဘင်းတေ မိန်းရှာတ်ခါကွန်း အရာန်ထုံန်းဘန်း ဆွန်ကူဘင်းဖူးဒေ အတွာတ်သညယ် နင်းကလဲ။ 29အန်နိမ်အတွာတ်သပဲဘန်းကား ဟိန်ကား အုတ်မြစ်ဆ၌ချသရန်ဘန်း မျှော်စါန်တေ စီးကွန်းထုတ် စာရန်ကလားအချီရား။ အန်ဘင်းဒေ ကတုံန်ဘင်းဆိတ်တာတ်ရီးဒါး ဟိန်ဒေ နီးဘန်း 30‘အဘင်းဆိတ်ကား မျှော်စါန်တေ စသဘန်းစာရန်ဒီဒါး စီးကွန်းကားအစာရန်နား’ ညယ်ငှေါကြီးကူ။
31အန်ဘင်းအတိုင်း ရှာန်းပလာန်ဟော်ဝါကား ဟိန်ဒေ တိုက်သဒင်ဒီဘင်း စစ်ဆားအင်အား နှစ်သောင်းငှါဘင်းရှာန်းပလာန်တေ ဟိန်ဘင်း စစ်ဆားအင်အား တစ်သောင်းယောက် တိုက်သထှာကူငှေါဘန်းကား ဟိန်ကား နားရန်လည်း အနားရန်နားရဲငှေါဘင်းနာတေ အရာန်ဆုံး ထုံးဘန်း အစဉ်းစား အဆုံးဖြတ်သညယ်နင်းကလဲ။ 32ဟိန်ကား နားကွန်းအတိုက်သရန်နားငှေါဘန်းကား ဟိန်ဒေဒီဘန်းတိုက်သည်ဘင်း ရှာန်းပလာန်ကား လမ်းစာဘေငှါနင်းမှါခ့်ခါ ဟိန်ဘင်း စေတမန်တေဒေတာတ်ပန်း စစ်ပြေငြိမ်းသဘင်းတူးတေ ငှေါစိန်းထှာကူ။ 33အာနိမ်ညယ် ဟနိမ်ရီးဒါး ဟနိမ်ပိုင်သဘင်းနာဆွန်ကွန်းတေ အစွန့်သရန်ဘန်းကား ငါတပယ့်အထှာရန်နား” ညယ်မိန့်တော်မူသမှာ။
တန်ဖိုးအဘိုဘင်းစွန်
(ရှာန်မဿဲ ၅:၁၃။ ရှာန်မာကု ၉:၅၀)
34ပန်းနူ ကိုယ်တော်ကား “စွန်ကား မဲမှာ။ အန်နိမ်စါန်းငှေါဒီ စွန်ကား ဟိန်ဘင်းဆွန်းဟာဘင်း အရသာကယာရာန်ဘန်းကား ပြန်သဘန်း ဆွန်းဟာန်းရီကွန်း ဟာနိမ်အွန်ဟာန်းကူတေ။ 35အန်ဘင်းစွန်ကား ကာအတွာတ်ထှာထှာ၊ ဪအတွာတ်ထှာထှာ အသုံးအဆာန်ဘန်းဘင်းအတွာတ် ပြာန်ပါဘေ တက်လားခံသထှာကူ။ ကနားငှါဘန်း သက်ခါဘင်းသမီဆတာတ်၊ အာရုံစိုက်သဘန်း သက်ကြီး” ညယ် မိန့်တော်မူသမှာ။
Currently Selected:
ရှာန်လုကာ 14: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 14
14
အခန်း (၁၄)
ဥပုသ်မာန်းရာတ်ပေ ကနာနင်းဘင်း သမီဆာဟော်ဝါတေ မဲဟာန်းစိန်းဘင်း
1ဥပုသ်မာန်းရာတ်ရအာမှါခ့်ခါ ကိုယ်တော်ယေရှုကား ဖာရိရှဲတာတ် ဟလာန်းစါတ်ဟော်ဝါကျေမ်းဘေ ယုတ်တင်တေယုတ်ကူညယ် လာန်မှါခ့်ခါ အန်ဘင်းဘေငှါဘင်း ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား ကိုယ်တော်ဒေ ဆတီးပဲဘန်းယူနင်းကြီးမှာ။ 2အန်ဘင်းဘေ သဟူးတေတာတေ အွန်ဘင်းရောဂါ ထှာနင်းဘင်းသမီဆာဟော်ဝါကား ကိုယ်တော်ယေရှုမန်းဘေ ငှါနင်းမှာ။ 3ကိုယ်တော်ကား ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်တေ “ဥပုသ်မာန်းရာတ်ပေ အနင်းမဲဘင်းဆိတ်တေ ကုသအီဘင်းနာကား ပညတ်တော်ယောက် ညီသလဲ၊ အညီသဝါးရယ်” ညယ် စိန်ယူမှာ။ 4အန်နိမ်စါန်းငှေါဒီ အန်တာတ်ကား ဟမန်ကစဲ ပြန်သော အသပေါက်ခါန်းကြီးရား။ အမှာတွာတ် ကိုယ်တော်ကား အန်ဘင်းကမာရောဂါထှာနင်းဘင်းဆိတ်တေ သဟူးယောက်ထိသဘန်း ကုသအီစီးဘန်းနာ ဟိန်ဒေကျေမ်းပါ တာတ်ခါန်းငါန်မှာ။
5စီးမှါခ့်ခါ ကိုယ်တော်ယေရှုကား အန်ဘင်းဆိတ်တာတ်တေ “ဟနိမ်နောင်းဟက် ဟော်ဝါဟော်ဝါဘေ ဆာဟော်ဝါ အန်နိမ်အချီ မုတ်နူဝါငှါမှာညယ်ပဲရာန်။ အန်ဘင်းဆာ အန်နိမ်အချီ အန်ဘင်းမုတ်ကား ဥပုသ်မာန်းရာတ်ပေ ဝဲရဟွန်နောင်းပါအက်နာန်ဘန်းကား ဥပုသ်မာန်းရာတ်ထှာနင်းဟွန် အတွန်းဟယ်ညယ် နင်းကြီးကလဲ” ညယ် မိန့်တော်မူသမှာ။ 6အန်နိမ်စါန်းငှေါဒီ အန်ဘင်းဆိတ်တာတ်ကား အဘင်းယောက် ပတ်သက်သဘန်း ဟမာန်ကစဲ ပြန်သောအငှေါဟာန်းကြီးရန်နား။
နှိပ်ချသဘန်းနင်းဟာကွန်းဆွောန်သကာဘင်း
7ဖိတ်သပဲဘင်း တခြားနန်တေကား အရေးပါသဘင်းနေရာတေဘေ ထုံးဒင်မယ်နင်းဘင်းတေ ကိုယ်တော်ယေရှု ကတုံန်မှါခ့်ခါ ဥပမာစားနူတေ မိန့်သမှာ။ 8ကိုယ်တော်ကား “ဟော်ဝါ ဟော်ဝါကား နာန်တေ မာန်းဂလာပွဲဖိတ်သမှါခ့်ခါ အရေးပါသဘင်း နေရာဘေ အထုံးကြီးဆာ။ ဟမာန်တွာတ်ငှေါဘန်းတာတ်ငှေါ နာန်ထာတ် အရေးပါသဘင်းဆိတ်တေရီးဒါး ဖိတ်သဘန်းပဲဟာမှာ။ 9အန်ဘင်းဆိတ်ထုတ်အီမှါခ့်ခါ ဟနိမ်ကလိန်းဟူးတေ ဖိတ်သပဲဘင်းဆိတ်ကား နာန်ပါဒီဘန်း ဟနိမ်တေ ‘နာန်နေရာတေ အန်ဘင်းဆိတ်နင်း အီရာန်’ ညယ်ငှေါကူ။ အန်၌မှါခ့်ခါနာန်ကား မန်းကတန်ဘန်း အရေးအပါသဘင်းနေရာဘေ လာန်ဘန်းထုံးငါန်ထှာကူ။ 10အန်နိမ်စါန်းငှေါဒီ ဟော်ဝါဟော်ဝါကား နာန်တေ ဟိန်ဘင်းမာန်းဂလာပွဲဖိတ်သမှါခ့်ခါ အရေးအပါသဘင်းနေရာဘေ လာန်ဘန်းထုံး။ အန်နိမ်မားဆာ နာန်တေ ဖိတ်သပဲဘင်းဆိတ်ကား နာန်ပါဒီဘန်း ‘ပဟာန်း၊ အရေးပါသဘင်းနေရာဘေ လာန်ဘန်းထုံးငါန်’ ညယ် ဒီဘန်း ငှေါရီကူ။ အန်၌မှါခ့်ခါ နာန်ကား တခြားနန်တာတ်မန်းဘေ ဂုဏ်လာဒင်မဲကူ။ 11ဟမာန်တွာတ်ငှေါဘန်းတာတ်ငှေါ ကိုယ်ကောက်ကိုယ်ကာ ချီးမြှောက်သဘင်းဆိတ်တာတ်ကား နှိမ့်ချခံသထှာဘန်း၊ ကိုယ်ကောက်ကိုယ်ကာ နှိမ့်ချသဘင်းဆိတ်တာတ်ကား ချီးမြှောက်သလားခံသထှာကူ” ညယ် မိန့်တော်မူသမှာ။
12ပန်းနူ ကိုယ်တော်ကား ကိုယ်ဒေ ဖိတ်သဘင်းဆိတ်တေ “နာန်ကား နခူအသား အန်နိမ်အချီ နတ်ကျယ်အသားယောက် နွောပ်တင် ကော်မှါခ့်ခါ နာန်မိတ်ဆွေတေ၊ မိသားစုတေ၊ ဆွေမျိုးတေယောက် ဆွာမ်းဘင်းကျေမ်းပိုက်တာတ်တေ၌ဆာ အမြဲအဖိတ်သဆာ။ ဟမာန်တွာတ်ငှေါဘန်းတာတ်ငှေါ နာန်အန်နိမ်အွန်ဘန်းကား အန်ဘင်းဆိတ်တာတ်ကား နာန်တေ အန်တာတ်ပင်းယုတ်ပင်းအူဘင်းပွဲဘေ ပြန်သောဖိတ်သဟာန်းဘန်းနာ နောပ့်ပန်း ကျေးဇူးဆပ်သဟာန်းကြီးကူ။ 13အန်ဘင်းအစား နာန်ကား ယုတ်တင်အူဒင်တေ အွန်မှါခ့်ခါ ဆာန်းရဲဆားတေ၊ အသန်စွမ်းသဘင်းဆိတ်တာတ်၊ လေဖြတ်သနင်းဘင်းဆိတ်တာတ်၊ မိတ်အကတုံန်ဟာဘင်းဆိတ်တာတ်တေဒေ ဖိတ်သဘန်းနောပ့်ကြီး။ 14နာန်အန်နိမ်အွန်ဘန်းကား ဘုရားရှာန်ကား နာန်တေ မန်းအီကူ။ ဟမာန်တွာတ်ငှေါဘန်းတာတ်ငှေါ နာန်ဖိတ်သပဲဘင်း ဆိတ်တာတ်ကား နာန်တေ ပြန်သဘန်း ကျေးဇူးအဆပ်သကြီးရန်ဘင်းအတွာတ်ထှာမှာ။ အန်နိမ်စါန်းငှေါဒီ ဘုရားရှာန်ကား ဖြောင့်မတ်သဘင်းသမီဆတာတ်တေ ရှီးလားဟက် ပြန်သဘန်းစားဟာန်းစိန်းမှါခ့်ခါ နာန်ဒေ ဆုလာဒ်တေ ပြန်သဘန်း အီဟာန်းကူဘင်းအတွာတ်ထှာမှာ” ညယ် မိန့်တော်မူသမှာ။
ယုတ်ပင်းပွဲတုံန်းဥပမာ
(ရှာန်မဿဲ ၂၂:၁-၁၀)
15ကိုယ်တော် အန်နိမ်မိန့်သဘင်းတေ သက်ပူမှါခ့်ခါ နန်တာတ်နောင်းဟက် ဟော်ဝါကား ကိုယ်တော်ဒေ “ဘုရားရှာန်ဘင်းသာသနာတော်နောင်းဘင်း ယုတ်ပင်းအူဘင်းပွဲဘေ ယုတ်လားလူဘင်းဆိတ်ကား မန်းအီလားခံသထှာဘင်းဆိတ် ထှာမှာ” ညယ်လျှောက်သမှာ။
16အန်၌မှါခ့်ခါ ကိုယ်တော်ကား “သမီဆာဟော်ဝါကား ယုတ်ပင်းအူဘင်းပွဲတုံန်းတေ ပြာန်ဆာန်သနင်းဘန်း နန်ကလောင်းတုံန်းတေရီးဒါး ဖိတ်သပဲမှာ။ 17ယုတ်ပင်းအူဘင်းပွဲတုံန်း အဆာန်တာန့်ထှာမှါခ့်ခါ ဟိန်ကား ဟိန်အစေတေ ဖိတ်သပဲဘင်းနန်တာတ်ပါ တာတ်ပန်း ‘အရာတ်အကုန်လုံး အဆာန်တာန့် ထှာနင်းဘန်းဘင်းအတွာတ် ယုတ်ပင်းအူဘင်းပွဲတုံန်းပါ ဒီကြီး’ ညယ် ငှေါစိန်းမှာ။
18အန်နိမ်စါန်းငှေါဒီ အန်တာတ်ဆွန်ကွန်းကား အကြောင်းအမျိုးမျိုးကာဘန်း ဟမာန်တွာတ် အဒီရန်နားငှေါဘင်းတေ ငှေါကြီးမှာ။ ပထမဟော်ဝါကား ‘ငါကား လပါးတစ်ကွာပ်မှီးပဲဘင်းအတွာတ် အန်ဘင်းလပါးတေ လာန်ဘန်း ယူဝါထှာယုတ်ကူ။ ငါတေ အတင်းဟော့ပ်ဆာနော့’ ညယ်ငှေါမှာ။
19အနားဟော်ဝါရီးဒါး ‘ငါကားမုတ်ရှစ်နူမီးပဲဘင်းအတွာတ် အန်တာတ်ယောက်အတူတူ အလုပ်အွန်ရန်ကူသမာငှေါဘင်းနာဒေ ယူဒင် လာန်ငါန်ယုတ်ကူ။ ငါတေ အတင်းဟော့ပ်ဆာနော့’ ညယ်ငှေါမှာ။
20အနားဟော်ဝါရီးဒါး ‘ငါကား အရာတ်အိတ်လာရာန်ဘင်းအတွာတ် အဒီရန်နား’ ညယ်ငှေါမှာ။
21အစေခံရီးဒါး ဒီဟာန်းဘန်း အန်ဘင်းအကြောင်းတေဒေ ဟိန်ကျေမ်းဆိတ်တေ ပြန်သဘန်းငှေါကာဟာန်းမှာ။ အန်၌မှါခ့်ခါ အဆိတ်ရီးဒါး အကြီးကျယ်ဒေါသပူဘန်း ဟိန်အစေခံတေ ‘မြို့နောင်းဘင်း လမ်းမတေယောက် လမ်းကြိုလမ်းကြားတေပါ ခပ်မြန်မြန်လာန်ဘန်း ဆာန်းရဲဆားတာတ်၊ အသန်စွမ်းသဘင်းဆိတ်တာတ်၊ လေဖြတ်သနင်းဘင်းဆိတ်တာတ်၊ မိတ်တူရှီအကတုံန်ဘင်း ဆိတ်တာတ်တေဒေ ကော်ရီ’ ညယ် စိန်းယုတ်အာန်မှာ။
22အန်ဘင်းအစေခံရီးဒါး ထုတ်ခါန်းရီမှါခ့်ခါ ‘အိုးဆကြီး၊ အိုးဆကြီးငှေါဘင်းအတိုင်း ငါအွန်နီစီးဘန်း။ အန်နိမ်စါန်းငှေါဒီ သမီဆာကလောင်းတုံန်းအတွာတ် နေရာလွောပ်သလားတေ ငှါနင်းယုတ်မှာ’ ညယ် ငှေါမှာ။
23အန်၌မှါခ့်ခါ ကျေမ်းဆိတ်ကား ‘အန်နိမ်ငှေါဘန်းကား မြို့ပြာန်ဘင်းလမ်းတေယောက် ပုတ်ခါးဘင်းလမ်းတေပါလာန်ဘန်း သမီဆတာတ်တေ သေသေချာချာငှေါဘန်း ကော်ရီ။ အန်နိမ်မားဆာ ငါကျေမ်းဖိန်းနာန်ကလားထှာမှာ။ 24နာန်တေ ငါငှေါကူ။ ငါအရာန်ဖိတ်သပဲဘင်း ဆိတ်တာတ်ကား ငါယုတ်ပင်းအူဘင်းပွဲဟက် ဟာဘင်းယုတ်တင်တေဒေစဲ မြည်းသကြီးလူကလားအချီရား’ ညယ် ဟိန်အစေခံတေ ငှေါမှာ” ညယ် မိန့်တော်မူသမှာ။
တပယ့်တော်ငှေါဘင်းကား
(ရှာန်မဿဲ ၁၀:၃၇-၃၈)
25မာန်းရာတ်ရအာမှါခ့်ခါ သမီဆာကလောင်းတုံန်းတာတ်ကား ကိုယ်တော်ယောက်အတူတူ ဂျေရုဆလင်မြို့ပါလာန်နင်းစာတ် ကိုယ်တော်ကား အန်ဘင်းဆိတ်တာတ်ပါ လှည့်သဘန်း အန်တာတ်တေ 26“ဟနိမ်ကား ငါတပယ့်ထှာကာတ်ပန်းကား ဟနိမ်အမယ် အဝါ၊ ဟနိမ်ဘင်း အိတ်၊ ဟနိမ်ဘင်း ဆာဆအိတ်တာတ်ယောက် ဟနိမ်ဘင်းအမူးနှရှီတာတ်တေ ဟနိမ်မစ်လားဆာအချီ ဟနိမ်ကောက်ဟနိမ်မစ်လားထာတ် ငါတေ ပိုသောမစ်သင့်သမှာ။ အန်နိမ်အချီဘန်းကား ဟနိမ်ကား ငါတပယ့်အထှာရန်နား။ 27ဟာဟမဲစါန်းငှေါဒီ ကိုယ်ဘင်းတာပ်ပါးကပ်ပင်းတိုင်ဒေ ကိုယ်တိုင်ဖဲဘန်းနာ ငါဟလိန်းဘေ အဒီယာတ်ရန်ဘန်းကား ငါတပယ့်အထှာရန်နား။#14:27 အဓိပ္ပာယ်ကား ကိုယ်တော်ယေရှုခေတ်ပေ တာပ်ပါးကပ်ပင်းတိုင်ဘေ ဆိန်ကလာတ်သာန်းဘန်း သာန်းရှီးခံသထှာကူဘင်းဆိတ်ကား သာန်းရှီးခံသထှာကူဘင်းနေရာထုတ်ကွန်း တာပ်ပါးကပ်ပင်းတိုင်တေဖဲဘန်း လာန်ထှာမှာ။ အန်ဘင်းဘေ ကိုယ်တော်ယေရှုကား ဟိန်ဟလိန်းဘင်းတပယ့် ထှာကာတ်ပင်းဆိတ်တေ ဒုက္ခဆာန်းရဲယောက် ရှီးဒင်အတွာတ် အဆာန်တာန့်ထှာနင်းထှာကူညယ် ငှေါလားထှာမှာ။
28ဟနိမ်နောင်းဟက် ဟော်ဝါကား မျှော်စါန်ဟုတ်အာတေ စာကာတ်မှာညယ်ပဲရာန်။ ဟိန်ကား အန်ဘင်းမျှော်စါန်စီးကွန်းစာဒင်အတွာတ် ဟိန်ဘေ ဖူးကွန်းလည်း အကွန်းလည်းငှေါဘင်းတေ မိန်းရှာတ်ခါကွန်း အရာန်ထုံန်းဘန်း ဆွန်ကူဘင်းဖူးဒေ အတွာတ်သညယ် နင်းကလဲ။ 29အန်နိမ်အတွာတ်သပဲဘန်းကား ဟိန်ကား အုတ်မြစ်ဆ၌ချသရန်ဘန်း မျှော်စါန်တေ စီးကွန်းထုတ် စာရန်ကလားအချီရား။ အန်ဘင်းဒေ ကတုံန်ဘင်းဆိတ်တာတ်ရီးဒါး ဟိန်ဒေ နီးဘန်း 30‘အဘင်းဆိတ်ကား မျှော်စါန်တေ စသဘန်းစာရန်ဒီဒါး စီးကွန်းကားအစာရန်နား’ ညယ်ငှေါကြီးကူ။
31အန်ဘင်းအတိုင်း ရှာန်းပလာန်ဟော်ဝါကား ဟိန်ဒေ တိုက်သဒင်ဒီဘင်း စစ်ဆားအင်အား နှစ်သောင်းငှါဘင်းရှာန်းပလာန်တေ ဟိန်ဘင်း စစ်ဆားအင်အား တစ်သောင်းယောက် တိုက်သထှာကူငှေါဘန်းကား ဟိန်ကား နားရန်လည်း အနားရန်နားရဲငှေါဘင်းနာတေ အရာန်ဆုံး ထုံးဘန်း အစဉ်းစား အဆုံးဖြတ်သညယ်နင်းကလဲ။ 32ဟိန်ကား နားကွန်းအတိုက်သရန်နားငှေါဘန်းကား ဟိန်ဒေဒီဘန်းတိုက်သည်ဘင်း ရှာန်းပလာန်ကား လမ်းစာဘေငှါနင်းမှါခ့်ခါ ဟိန်ဘင်း စေတမန်တေဒေတာတ်ပန်း စစ်ပြေငြိမ်းသဘင်းတူးတေ ငှေါစိန်းထှာကူ။ 33အာနိမ်ညယ် ဟနိမ်ရီးဒါး ဟနိမ်ပိုင်သဘင်းနာဆွန်ကွန်းတေ အစွန့်သရန်ဘန်းကား ငါတပယ့်အထှာရန်နား” ညယ်မိန့်တော်မူသမှာ။
တန်ဖိုးအဘိုဘင်းစွန်
(ရှာန်မဿဲ ၅:၁၃။ ရှာန်မာကု ၉:၅၀)
34ပန်းနူ ကိုယ်တော်ကား “စွန်ကား မဲမှာ။ အန်နိမ်စါန်းငှေါဒီ စွန်ကား ဟိန်ဘင်းဆွန်းဟာဘင်း အရသာကယာရာန်ဘန်းကား ပြန်သဘန်း ဆွန်းဟာန်းရီကွန်း ဟာနိမ်အွန်ဟာန်းကူတေ။ 35အန်ဘင်းစွန်ကား ကာအတွာတ်ထှာထှာ၊ ဪအတွာတ်ထှာထှာ အသုံးအဆာန်ဘန်းဘင်းအတွာတ် ပြာန်ပါဘေ တက်လားခံသထှာကူ။ ကနားငှါဘန်း သက်ခါဘင်းသမီဆတာတ်၊ အာရုံစိုက်သဘန်း သက်ကြီး” ညယ် မိန့်တော်မူသမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.