ရှာန်လုကာ 13
13
အခန်း (၁၃)
နောင်တလူကြီး
1အန်ကားအချိန်ဘေ သမီဆာစယ်ယာကား ကိုယ်တော်ယေရှုပါဒီဘန်း ဘုရားရှာန်ဒေ ပူဇော်သနင်းဘင်း ဂါလိလဲပြေဆားစယ်ယာတေ ရောမရှာန်းပလာန်ရှာပိလတ်ကား ဟိန်ဘင်းစစ်ဆားတာတ်တေ တာတ်ပန်း သာန်းရှီးစိန်းယုတ်အီမှာ ငှေါဘင်းအကြောင်းတေ လျှောက်တာန်သကြီးမှာ။ 2အန်၌မှါခ့်ခါ ကိုယ်တော်ကား “အန်ဘင်းသမီဆာတာတ်ကား ဂါလိလဲပြေဘင်း တခြားဘင်းသမီဆာတေထာတ် အပြစ်တေပိုသောကန်ဟွန် အန်နိမ်သာန်းရှီးခံသထှာမှာညယ် ဟနိမ်ထာန်သနင်းကြီးလဲ။ 3အန်နိမ်အချီရား။ ဟနိမ်တေငါငှေါကူ၊ ဟနိမ်ရီဒါး ဟနိမ်ဘင်းအမဲဘင်းအပြစ်တေဒေ နောင်တအလူဘန်းကား အန်ဘင်းအတိုင်း ရှီးကြီးထှာကူ။ 4ရှိလောင်ဝဲအာမ်းပိုင်းပေငှါဘင်း မျှော်စါန်ပြိုသအက်မှါခ့်ခါ သမီဆာရှစ်နူဘန်းပက်ကာတ်ကား ထေင်ခံသထှာဘန်း ရှီးရီထှာမှာ။ အန်ဘင်းဆိတ်တာက်ကား ဂျေရုဆလင်မြို့ဘေနင်းဘင်း တခြားဘင်းသမီဆာတာတ်ထာတ် အန်ဘင်းဆိတ်တာတ်ကား အပြစ်တေပိုသော လွောန်မှာညယ် ဟနိမ်ထာန်သနင်းကြီးလဲ။ 5အန်နိမ်အချီရား။ ဟနိမ်တေငါငှေါကူ။ ဟနိမ်ကား ဟနိမ်ဘင်းအပြစ်တေဟက် နောင်တအလူဘန်းကား အန်ဘင်းအတိုင်း ရှီးကြီးထှာကူ” ညယ် မိန့်သမှာ။
ရှရှီအရှီဟာဘင်းဆာန်းညက်ကလွုန်ဥပမာ
6စီးမှါခ့်ခါ ကိုယ်တော်ကား ဥပမာစားနူတေ ငှေါကာမှာ။ ကိုယ်တော်ကား “သမီဆာဟော်ဝါကား ဟိန်ဘင်းစပျစ်ကလာန်နောင်းဘေ ဆာန်းညက်ကလွုန် ကွုန်မှာစုတ်ပန်းပဲမှာ။ ဟိန်ကား ဆာန်းညက်ရှီ ရှီဘင်းအချိန်ထုတ်မှါခ့်ခါ ဆာန်းညက်ကလွုန်ပါဒီဘန်း ဆာန်းညက်ရှီဒေ သန်နီဒီဒါး ဟာဘင်းရှရှီစဲ အကတုံန်ငှါး။ 7အမှာတွာတ် ဟိန်ကား ကလာန်စောင့်သဘင်းဆိတ်တေ ‘ငါကား ဆွန်းပီးလုံးလုံး အဘင်းဆာန်းညက်ကလွုန်ဟက် ရှရှီဒေ ဒီဘန်းသန်ဒီဒါး ဟုတ်အာစဲအကတုံန်ငှါး။ အန်ဘင်းဆာန်ညက်ကွုန်တေ ဝါမ်းပေါ်ရာန်စိတ်။ ဟမာန်တွာတ်ငှေါဘန်းတာတ်ငှေါ အန်ဘင်းကလွုန်ကား အကျိုးအဘို ကာနေရာလာနင်းဘင်းအတွာတ်ထှာမှာ’ ညယ် ငှေါမှာ။
8အန်နိမ်စါန်းငှေါဒီ ကလာန်စောင့်သဘင်းဆိတ်ရီးဒါး ‘အိုးဆကြီး၊ အန်ဘင်းကလွုန်တေ အနားပီးနူကား ပဲရာန်ယုတ်။ ငါကား အဘင်းကလွုန်ပတ်လည်ဘေ ကာတေဆွသဘန်းနာ ငါအော်တေစါန်းငါန်ယုတ်ကူ။ 9အန်နိမ်ငှေါဘန်းကား နှပ်နိမ်ပီးကား ရှရှီ ရှီရန်ယုတ်ကူ။ အန်နိမ်အွန်ဘန်းဆဲ ရှရှီအရှီဘန်းကား ဝါမ်းပေါ်ရန်နာ’ ညယ် ငှေါမှာ” ညယ် မိန့်သမှာ။
ဥပုသ်မာန်းရာတ်ပေ အီးရှီဟော်ဝါတေရှီကုသအီဘင်းနာ
10ဥပုသ်မာန်းရာတ်ရအာဘေ ကိုယ်တော်ကား ဓမ္မာရုံဘေ ဟောသကာဆွောန်သကာနင်းမှာ။ 11အန်ဘင်းနေရာဘေ ရှစ်နူဘန်းပက်ပလီးမှါတ်ကွန်း အမဲဘင်းနနူ အွန်ခံဒီထှာဘန်း အနင်းမဲငှါနင်းဘင်း အီးရှီဟော်ဝါငှါမှာ။ ဟိန်ကား ဟာအိုင်ကိုင်းသဘန်း ဟိန်ဟာအိုင်တေ အဆန့်သရန်နား။ 12အန်ဘင်းအီရှီဒေ ကိုယ်တော်ကတုံန်မှါခ့်ခါ ဟိန်ဒေကော်ဘန်း “အီးရှီ၊ နာန်အရာတ် အနင်းမဲငှါဘင်းဟက် လွောပ်သဘန်း” ညယ် မိန့်သစီးဘန်း 13စီးမှါခ့်ခါ ကိုယ်တော်ကား ဟိန်ဘင်းသဟူးတေ အီးရှီစောက်ပေ တာန်ဒါန်မှါခ့်ခါ ချတ်ချန်းငှေါနိမ် ဟိန်ကား ဟာအိုင်ဆန့်တာန်ရာန်ဘန်း ဘုရားရှာန်ဒေ ချီးမွမ်းသမှာ။
14အန်နိမ်စါန်းငှေါဒီ ဥပုသ်မာန်းရာတ်ပေ ကိုယ်တော်ယေရှုကား ကမာရောဂါတေ ကယာစိန်းဘင်းအတွာတ် ဓမ္မာရုံတာဝန်ခံကား ဒေါသပူဘန်း သမီဆာတာတ်တေ “တစ်ပတ်ပေ ဟုတ်ရာတ်အလုပ်အွန်ဒင် ပညတ်တရားကား ခွာမ်းအီဘန်းပဲမှာ။ အန်ဘင်းမာန်းရာတ်ပေ၌ဆာ ကမာရောဂါ ကယာဒင် ဒီကြီး။ ဥပုသ်မာန်းရာတ်ပေ အဒီကြီးဆာ” ညယ် ငှေါမှာ။
15အန်၌မှါခ့်ခါ ကိုယ်တော်ကား “သမီဆာမလဲနိမ် အယောင်ဆောင်သနင်းဘင်းဆိတ်တာတ်။ ဥပုသ်မာန်းရာတ်ပေ ဟနိမ်ဘေငှါဘင်းမုတ်တေ၊ မြည်းတေဒေ တင်းကုတ်ဟက် ဆိုင်းဟပ်ပန်း ဝဲတိုက်သကြီးဒင် ကော်ကြီးရာန်မှာ အချီနော်။ 16အန်နိမ်ငှေါဘန်းကား ရှစ်နူဘန်းကောင်ပီးစလုံး မာရ်နတ်အွန်ပဲလားခံဒီထှာဘင်း အာဗြဟံဘင်းဆအိတ် အဘင်းအီးရှီရှာဒေရီး ဥပုသ်မာန်းရာတ်ပေ လွောပ်သအီသင့်သမှာအချီနော်” ညယ် မိန့်သမှာ။
17အန်နိမ်ကိုယ်တော်မိန့်သစီးမှါခ့်ခါ ကိုယ်တော်ဒေ ရန်အွန်နင်းကြီးဘင်းဆိတ်တာတ်ကား မန်းကတန်ကြီးရာန်ထှာဒီဒါး တခြားဘင်းဆိတ်တာတ်ကား ကိုယ်တော်အွန်နီဘင်း ထူးဆန်းအံ့ဩသထာတ်မဲဘင်းနာတေဒေ ကတုံန်လူဘင်းအတွာတ် အကြီးကျယ်မွန်းဘန်းနင်းကြီးမှာ။
ကန်စူသတူယောက်တဆေး
(ရှာန်မဿဲ ၁၃:၃၁-၃၂။ ရှာန်မာကု ၄:၃၀-၃၂)
18စီးမှါခ့်ခါ ကိုယ်တော်ကား “ဘုရားရှာန်သာသနာတော်ကား ဟမာန်ယောက်တူသောဒေ။ အန်ဘင်းဒေ ငါ ဟမာန်ယောက် ယှဉ်သကာထှာကူတေ။ 19အန်ဘင်းကား ကန်စူသတူယောက် တူသမာ#13:19 ဂျူးသမီဆာတာတ်အတွာတ် ကန်စူတူငှေါဘင်းနာကား အကြီးကျယ်စစ်ပင်းတေ ရည်ညွှန်းသလားထှာမှာ။ အန်နိမ်စါန်းငှေါဒီ ဂျူးသမီဆာတာတ် တိုင်းပြေဘေငှါဘင်း ကန်စူသတူ ကလွုန်ကား ကိုးပေနယ်တုံန်းမြာန့်သမှာ။။ သမီဆာဟော်ဝါကား အန်ဘင်းကန်စူတူဒေလာဘန်း ကလာန်နောင်းဘေ စုတ်မှာ။ အန်ဘင်းသတူဟက် ကလွုန်တုံန်းထှာရီဘန်းနာ အူစိတ်ဆာတာတ်ရီဒါး အန်ဘင်းကလွုန်ဘင်း ကလိုင်းဘေတေ အအုံတေစာဘန်းနင်းကြီးမှာ” ညယ် မိန့်သမှာ။
20ပန်းနူကိုယ်တော်ကား “ဘုရားရှာန်ဘင်းသာသနာတော်တေ ငါ ဟမာန်ယောက် ယှဉ်သကာထှာကူတေ။ 21အန်ဘင်းကား တဆေးယောက်တူသမှာ။ အီးရှီဟော်ဝါကား တဆေးစစ်ဆာတေလာဘန်း ဂျုံမုန့်ကလောင်းတုံန်းယောက် နယ်တာန်မှါခ့်ခါ နယ်သပဲဘင်းမုန့်တေကား ပွသဆွန်နီမှာ” ညယ် မိန့်သမှာ။
ကျဉ်းသဘင်းတံခါး
(ရှာန်မဿဲ ၇:၁၃-၁၄၊ ၂၁-၂၃)
22စီးမှါခ့်ခါ ကိုယ်တော်ယေရှုကား ခရီးလာန်နင်းဘင်းလမ်းဘင်းမြို့တေ၊ ထိန်တေဘေငှါဘင်း သမီဆတာတ်တေ ဟောသကာဘန်း ဂျေရုဆလင်မြို့ပါ ကြွသမှာ။ 23သမီဆာဟော်ဝါကား ကိုယ်တော်ဒေ “အရှာန်၊ သမီဆာအစစ်ဆာ၌ ကယ်တာန်သလား ခံသထှာကလဲ” ညယ် စိန်ယူမှာ။
24ကိုယ်တော်ကား “ဟနိမ်ကား ကျဉ်းသဘင်းတံခါးပေါက်ဟက် ကျေမ်းနောင်းပါဆာန်နိမ် ဘုရားရှာန်သာသနာတော်နောင်းပါ ဆာန်လားလူကွန်း အွန်ဟာနယ်အွန်ကြီး။ ဟနိမ်တေ ငါငှေါထှာဘန်းကား သမီဆာကလောင်းတုံန်းကား အန်ဘင်းတံခါးပေါက်ဟက် ဆာန်လားလူကွန်း အွန်ကြီးဒီဒါး အန်တာတ်ကား အဆာန်ကြီးရန်နား။
25ကျေမ်းဆိတ်ကား ရဲရီဘန်း ပတူးတေ အွပ်နာန်ဘန်းကား ဟနိမ်ကား ပြာန်ဘေစပ်ပန်း တံခါးဒေခေါက်သဘန်း ‘အိုးဆကြီး၊ အလေတေပတူးဖွာမ်းသအီယုတ်’ ညယ် တောင်းပါန်သကြီးထှာကူ။ အန်နိမ်စါန်းငှေါဒီ ကျေမ်းဆိတ်ကား ‘ဟနိမ်တေ ငါအမိန်းရှာတ်ခါနိမ် ဟနိမ် ဟာဟက်ဒီမှာငှေါဘင်းနာတေရီး ငါအမိန်းရှာတ်ခါး’ ညယ် ပြန်သဘန်းငှေါကူ။
26အန်၌မှါခ့်ခါ ဟနိမ်ကား ‘အလေကား နာန်ယောက်အတူတူ ယုတ်ကြီးရီပတ်မှာ။ နာန်ရီးဒါး အလေနင်းရီဘင်း မြို့ဘင်းလမ်းစောက်ပေတေ ဟောသကာ ဆွောန်သကာပတ်နီမှာ’ ညယ် ပြန်သဘန်း ငှေါဟာန်းကြီးကူ။
27အန်၌မှါခ့်ခါ ဟိန်ကား ‘ဟနိမ်တေ ငါအမိန်းရှာတ်ခါနိမ် ဟနိမ်ဟာဟက် ဒီကြီးမှာငှေါဘင်းနာတေရီးဒါး ငါအမိန်းရှာတ်ခါး။ အမဲဘင်းသမီဆာတာတ်၊ ငါဟက်ပူလာန်ဘဲကြီး’ ညယ် ငှေါကူ။
28ဟနိမ်ကား ဘုရားရှာန်ဘင်းသာသနာတော်နောင်းဘေ အာဗြဟံ၊#13:28 အာဗြဟံ - အာဗြဟံနာမယ်ကား အာဗြံထှာဘန်း သမီဆာတာတ်အုတ်တုံန်းထှာမှာ။ ဣဇက်၊ ယာကုပ်ယောက် ပရောဖက်တာတ်အားလုံးတေ ကတုံန်ကြီးလူဒီဒါး ဟနိမ်ကား ငါတ်ပူလားခံသထှာဘင်းအတွာတ် ဆွားကျစ်ပန်း ဟပ်ကြီးထှာကူ။ 29ဂျူးသမီဆာအချီဘင်းဆိတ်တာတ်ရီးဒါး အရှေ့၊ အနောက်၊ တောင်ယောက်မြောက်တေဟက် ဒီကြီးဘန်း ဘုရားရှာန်ဘင်းသာသနာတော်နောင်းဘေငှါဘင်း တခြားဘင်းသမီဆာတာတ်ယောက် ယုတ်ပင်းအူဘင်းပွဲဘေအတူတူ ထုံးဘန်းယုတ်ကြီးလူကူ။ 30အရာတ် အရေးအပါသဘင်းဆိတ်တာတ်ကား အနားမန်းပါ အရေးပါသဘင်းဆိတ်တေ ထှာကြီးရီကူထှာဘန်း၊ အရာတ် အရေးပါသနင်းဘင်းဆိတ်တာတ်ကား အနားမန်းပါ အရေးအပါသဘင်းဆိတ်တေ ထှာကြီးရီကူ” ညယ် မိန့်သမှာ။
ဂျေရုဆလင်မြို့စောက်ပေ ကိုယ်တော်ပဲဘင်းမေတ္တာ
(ရှာန်မဿဲ ၁၂:၃၇-၃၉)
31အန်ကားအချိန်ဘေ ကိုယ်တော်ယေရှုပါ ဖာရိရှဲစယ်ယာတာတ်ကား ထုတ်အီဘန်း “အုပ်ချုပ်သဘင်းဆိတ်ဟေရုဒ်ကား နာန်တေသာန်းရှီးကာတ်နင်းပင်းအတွာတ် အဘင်းဟက် လမ်းစာလားပါပူလာန်ဘဲ” ညယ် လျှောက်သကြီးမှာ။
32အန်နိမ်စါန်းငှေါဒီ ကိုယ်တော်ကား အန်ဘင်းဆိတ်တာတ်တေ “ပက်သဟာဘန်း မြေခွေးယောက်တူသဘင်း အန်ဘင်းဟေရုဒ်တေ ‘ငါကား အရာတ်ယောက် ဖါတ်မှါတ်တေဘေ ဆာတ်သဘန်း အမဲဘင်းနနူတေဒေ ငါတ်ပူဘန်း သမီဆတာတ်တေရီးဒါး ကမာရောဂါတေ ကယာစိန်းကူထှာဘန်း ဆွန်းယာတ်ထုတ်ပင်းမာန်းရာတ်ပေ ငါဘင်းအလုပ်တေ စီးကူ။ 33အန်နိမ်စါန်းငှေါဒီ ဂျေရုဆလင်မြို့ဟက် လွှဲသဘန်း တခြားအရပ်ပေ ရှီးဘင်း ပရောဖက်ညယ် အဘိုဘင်းအတွာတ် ငါကား အရာတ်မှါတ်၊ ဖါတ်မှါတ်ယောက် ရှီးနှပ်ထုတ်ကွန်း ငါဆာတ်သောဘန်း ခရီးလာန်နင်းထှာယုတ်ကူ’ ညယ် လာန်ဘန်းငှေါကြီး” ညယ်မိန့်သမှာ။
34ကိုယ်တော်ကား ဆာတ်သဘန်း “အို ဂျေရုဆလင်မြို့ဆားတာတ်၊ ဟနိမ်အတွာတ် ငါကား အကြီးကျယ် အဆေင်အမဲငှါထှာမှာ။ ဟနိမ်ကား ပရောဖက်တာတ်တေ ပလန်းပလန်းသာန်းရှီးကြီးရီမှာ။ ဟနိမ်ပါ ဘုရားရှာန်တာတ်နာန်ဘင်း တခြားဘင်းဆိတ်တာတ်တေဒေရီးဒါး လုံးကရှီတေယောက် တက်ရှီးကြီးဆွုန်နီမှာ။ အူပါးတုံန်းကား ဟိန်ရှရှာတာတ်တေဒေ ဟိန်ဒင်ကူးနောင်းဘေအွပ်ပန်း ကာကွယ်သအီနိမ် ငါရီးဒါး ဟနိမ်တေ ပလန်းပလန်း ကာကွယ်သအီရီကာတ်မှာ။ အန်နိမ်စါန်းငှေါဒီ ဟနိမ်ကား ငါတေ အလက်ခံသကြီးရီရား။ 35ယူကြီး။ ဟနိမ်ဘင်းဗိမာန်တော်ကား တက်ပဲလားခံသထှာကူ။ ဟနိမ်တေ ငါငှေါကူဘင်းနာကား ဟနိမ်ကား ‘အရှာန်ဘင်း အခွာမ်းအာဏာယောက် ကြွဒီဘင်းဆိတ်တေ အလေတေချီးမွမ်းသဘင်းအခွာမ်းအီယုတ်’ ညယ် ဟနိမ်ငှေါဘင်းအချိန် အထုတ်ကျီ ဟနိမ်ငါဒေ အနားပန်းနူ အကတုံန်ကြီးကဘန်းလားအချီရား” ညယ်မိန့်သမှာ။
Currently Selected:
ရှာန်လုကာ 13: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 13
13
အခန်း (၁၃)
နောင်တလူကြီး
1အန်ကားအချိန်ဘေ သမီဆာစယ်ယာကား ကိုယ်တော်ယေရှုပါဒီဘန်း ဘုရားရှာန်ဒေ ပူဇော်သနင်းဘင်း ဂါလိလဲပြေဆားစယ်ယာတေ ရောမရှာန်းပလာန်ရှာပိလတ်ကား ဟိန်ဘင်းစစ်ဆားတာတ်တေ တာတ်ပန်း သာန်းရှီးစိန်းယုတ်အီမှာ ငှေါဘင်းအကြောင်းတေ လျှောက်တာန်သကြီးမှာ။ 2အန်၌မှါခ့်ခါ ကိုယ်တော်ကား “အန်ဘင်းသမီဆာတာတ်ကား ဂါလိလဲပြေဘင်း တခြားဘင်းသမီဆာတေထာတ် အပြစ်တေပိုသောကန်ဟွန် အန်နိမ်သာန်းရှီးခံသထှာမှာညယ် ဟနိမ်ထာန်သနင်းကြီးလဲ။ 3အန်နိမ်အချီရား။ ဟနိမ်တေငါငှေါကူ၊ ဟနိမ်ရီဒါး ဟနိမ်ဘင်းအမဲဘင်းအပြစ်တေဒေ နောင်တအလူဘန်းကား အန်ဘင်းအတိုင်း ရှီးကြီးထှာကူ။ 4ရှိလောင်ဝဲအာမ်းပိုင်းပေငှါဘင်း မျှော်စါန်ပြိုသအက်မှါခ့်ခါ သမီဆာရှစ်နူဘန်းပက်ကာတ်ကား ထေင်ခံသထှာဘန်း ရှီးရီထှာမှာ။ အန်ဘင်းဆိတ်တာက်ကား ဂျေရုဆလင်မြို့ဘေနင်းဘင်း တခြားဘင်းသမီဆာတာတ်ထာတ် အန်ဘင်းဆိတ်တာတ်ကား အပြစ်တေပိုသော လွောန်မှာညယ် ဟနိမ်ထာန်သနင်းကြီးလဲ။ 5အန်နိမ်အချီရား။ ဟနိမ်တေငါငှေါကူ။ ဟနိမ်ကား ဟနိမ်ဘင်းအပြစ်တေဟက် နောင်တအလူဘန်းကား အန်ဘင်းအတိုင်း ရှီးကြီးထှာကူ” ညယ် မိန့်သမှာ။
ရှရှီအရှီဟာဘင်းဆာန်းညက်ကလွုန်ဥပမာ
6စီးမှါခ့်ခါ ကိုယ်တော်ကား ဥပမာစားနူတေ ငှေါကာမှာ။ ကိုယ်တော်ကား “သမီဆာဟော်ဝါကား ဟိန်ဘင်းစပျစ်ကလာန်နောင်းဘေ ဆာန်းညက်ကလွုန် ကွုန်မှာစုတ်ပန်းပဲမှာ။ ဟိန်ကား ဆာန်းညက်ရှီ ရှီဘင်းအချိန်ထုတ်မှါခ့်ခါ ဆာန်းညက်ကလွုန်ပါဒီဘန်း ဆာန်းညက်ရှီဒေ သန်နီဒီဒါး ဟာဘင်းရှရှီစဲ အကတုံန်ငှါး။ 7အမှာတွာတ် ဟိန်ကား ကလာန်စောင့်သဘင်းဆိတ်တေ ‘ငါကား ဆွန်းပီးလုံးလုံး အဘင်းဆာန်းညက်ကလွုန်ဟက် ရှရှီဒေ ဒီဘန်းသန်ဒီဒါး ဟုတ်အာစဲအကတုံန်ငှါး။ အန်ဘင်းဆာန်ညက်ကွုန်တေ ဝါမ်းပေါ်ရာန်စိတ်။ ဟမာန်တွာတ်ငှေါဘန်းတာတ်ငှေါ အန်ဘင်းကလွုန်ကား အကျိုးအဘို ကာနေရာလာနင်းဘင်းအတွာတ်ထှာမှာ’ ညယ် ငှေါမှာ။
8အန်နိမ်စါန်းငှေါဒီ ကလာန်စောင့်သဘင်းဆိတ်ရီးဒါး ‘အိုးဆကြီး၊ အန်ဘင်းကလွုန်တေ အနားပီးနူကား ပဲရာန်ယုတ်။ ငါကား အဘင်းကလွုန်ပတ်လည်ဘေ ကာတေဆွသဘန်းနာ ငါအော်တေစါန်းငါန်ယုတ်ကူ။ 9အန်နိမ်ငှေါဘန်းကား နှပ်နိမ်ပီးကား ရှရှီ ရှီရန်ယုတ်ကူ။ အန်နိမ်အွန်ဘန်းဆဲ ရှရှီအရှီဘန်းကား ဝါမ်းပေါ်ရန်နာ’ ညယ် ငှေါမှာ” ညယ် မိန့်သမှာ။
ဥပုသ်မာန်းရာတ်ပေ အီးရှီဟော်ဝါတေရှီကုသအီဘင်းနာ
10ဥပုသ်မာန်းရာတ်ရအာဘေ ကိုယ်တော်ကား ဓမ္မာရုံဘေ ဟောသကာဆွောန်သကာနင်းမှာ။ 11အန်ဘင်းနေရာဘေ ရှစ်နူဘန်းပက်ပလီးမှါတ်ကွန်း အမဲဘင်းနနူ အွန်ခံဒီထှာဘန်း အနင်းမဲငှါနင်းဘင်း အီးရှီဟော်ဝါငှါမှာ။ ဟိန်ကား ဟာအိုင်ကိုင်းသဘန်း ဟိန်ဟာအိုင်တေ အဆန့်သရန်နား။ 12အန်ဘင်းအီရှီဒေ ကိုယ်တော်ကတုံန်မှါခ့်ခါ ဟိန်ဒေကော်ဘန်း “အီးရှီ၊ နာန်အရာတ် အနင်းမဲငှါဘင်းဟက် လွောပ်သဘန်း” ညယ် မိန့်သစီးဘန်း 13စီးမှါခ့်ခါ ကိုယ်တော်ကား ဟိန်ဘင်းသဟူးတေ အီးရှီစောက်ပေ တာန်ဒါန်မှါခ့်ခါ ချတ်ချန်းငှေါနိမ် ဟိန်ကား ဟာအိုင်ဆန့်တာန်ရာန်ဘန်း ဘုရားရှာန်ဒေ ချီးမွမ်းသမှာ။
14အန်နိမ်စါန်းငှေါဒီ ဥပုသ်မာန်းရာတ်ပေ ကိုယ်တော်ယေရှုကား ကမာရောဂါတေ ကယာစိန်းဘင်းအတွာတ် ဓမ္မာရုံတာဝန်ခံကား ဒေါသပူဘန်း သမီဆာတာတ်တေ “တစ်ပတ်ပေ ဟုတ်ရာတ်အလုပ်အွန်ဒင် ပညတ်တရားကား ခွာမ်းအီဘန်းပဲမှာ။ အန်ဘင်းမာန်းရာတ်ပေ၌ဆာ ကမာရောဂါ ကယာဒင် ဒီကြီး။ ဥပုသ်မာန်းရာတ်ပေ အဒီကြီးဆာ” ညယ် ငှေါမှာ။
15အန်၌မှါခ့်ခါ ကိုယ်တော်ကား “သမီဆာမလဲနိမ် အယောင်ဆောင်သနင်းဘင်းဆိတ်တာတ်။ ဥပုသ်မာန်းရာတ်ပေ ဟနိမ်ဘေငှါဘင်းမုတ်တေ၊ မြည်းတေဒေ တင်းကုတ်ဟက် ဆိုင်းဟပ်ပန်း ဝဲတိုက်သကြီးဒင် ကော်ကြီးရာန်မှာ အချီနော်။ 16အန်နိမ်ငှေါဘန်းကား ရှစ်နူဘန်းကောင်ပီးစလုံး မာရ်နတ်အွန်ပဲလားခံဒီထှာဘင်း အာဗြဟံဘင်းဆအိတ် အဘင်းအီးရှီရှာဒေရီး ဥပုသ်မာန်းရာတ်ပေ လွောပ်သအီသင့်သမှာအချီနော်” ညယ် မိန့်သမှာ။
17အန်နိမ်ကိုယ်တော်မိန့်သစီးမှါခ့်ခါ ကိုယ်တော်ဒေ ရန်အွန်နင်းကြီးဘင်းဆိတ်တာတ်ကား မန်းကတန်ကြီးရာန်ထှာဒီဒါး တခြားဘင်းဆိတ်တာတ်ကား ကိုယ်တော်အွန်နီဘင်း ထူးဆန်းအံ့ဩသထာတ်မဲဘင်းနာတေဒေ ကတုံန်လူဘင်းအတွာတ် အကြီးကျယ်မွန်းဘန်းနင်းကြီးမှာ။
ကန်စူသတူယောက်တဆေး
(ရှာန်မဿဲ ၁၃:၃၁-၃၂။ ရှာန်မာကု ၄:၃၀-၃၂)
18စီးမှါခ့်ခါ ကိုယ်တော်ကား “ဘုရားရှာန်သာသနာတော်ကား ဟမာန်ယောက်တူသောဒေ။ အန်ဘင်းဒေ ငါ ဟမာန်ယောက် ယှဉ်သကာထှာကူတေ။ 19အန်ဘင်းကား ကန်စူသတူယောက် တူသမာ#13:19 ဂျူးသမီဆာတာတ်အတွာတ် ကန်စူတူငှေါဘင်းနာကား အကြီးကျယ်စစ်ပင်းတေ ရည်ညွှန်းသလားထှာမှာ။ အန်နိမ်စါန်းငှေါဒီ ဂျူးသမီဆာတာတ် တိုင်းပြေဘေငှါဘင်း ကန်စူသတူ ကလွုန်ကား ကိုးပေနယ်တုံန်းမြာန့်သမှာ။။ သမီဆာဟော်ဝါကား အန်ဘင်းကန်စူတူဒေလာဘန်း ကလာန်နောင်းဘေ စုတ်မှာ။ အန်ဘင်းသတူဟက် ကလွုန်တုံန်းထှာရီဘန်းနာ အူစိတ်ဆာတာတ်ရီဒါး အန်ဘင်းကလွုန်ဘင်း ကလိုင်းဘေတေ အအုံတေစာဘန်းနင်းကြီးမှာ” ညယ် မိန့်သမှာ။
20ပန်းနူကိုယ်တော်ကား “ဘုရားရှာန်ဘင်းသာသနာတော်တေ ငါ ဟမာန်ယောက် ယှဉ်သကာထှာကူတေ။ 21အန်ဘင်းကား တဆေးယောက်တူသမှာ။ အီးရှီဟော်ဝါကား တဆေးစစ်ဆာတေလာဘန်း ဂျုံမုန့်ကလောင်းတုံန်းယောက် နယ်တာန်မှါခ့်ခါ နယ်သပဲဘင်းမုန့်တေကား ပွသဆွန်နီမှာ” ညယ် မိန့်သမှာ။
ကျဉ်းသဘင်းတံခါး
(ရှာန်မဿဲ ၇:၁၃-၁၄၊ ၂၁-၂၃)
22စီးမှါခ့်ခါ ကိုယ်တော်ယေရှုကား ခရီးလာန်နင်းဘင်းလမ်းဘင်းမြို့တေ၊ ထိန်တေဘေငှါဘင်း သမီဆတာတ်တေ ဟောသကာဘန်း ဂျေရုဆလင်မြို့ပါ ကြွသမှာ။ 23သမီဆာဟော်ဝါကား ကိုယ်တော်ဒေ “အရှာန်၊ သမီဆာအစစ်ဆာ၌ ကယ်တာန်သလား ခံသထှာကလဲ” ညယ် စိန်ယူမှာ။
24ကိုယ်တော်ကား “ဟနိမ်ကား ကျဉ်းသဘင်းတံခါးပေါက်ဟက် ကျေမ်းနောင်းပါဆာန်နိမ် ဘုရားရှာန်သာသနာတော်နောင်းပါ ဆာန်လားလူကွန်း အွန်ဟာနယ်အွန်ကြီး။ ဟနိမ်တေ ငါငှေါထှာဘန်းကား သမီဆာကလောင်းတုံန်းကား အန်ဘင်းတံခါးပေါက်ဟက် ဆာန်လားလူကွန်း အွန်ကြီးဒီဒါး အန်တာတ်ကား အဆာန်ကြီးရန်နား။
25ကျေမ်းဆိတ်ကား ရဲရီဘန်း ပတူးတေ အွပ်နာန်ဘန်းကား ဟနိမ်ကား ပြာန်ဘေစပ်ပန်း တံခါးဒေခေါက်သဘန်း ‘အိုးဆကြီး၊ အလေတေပတူးဖွာမ်းသအီယုတ်’ ညယ် တောင်းပါန်သကြီးထှာကူ။ အန်နိမ်စါန်းငှေါဒီ ကျေမ်းဆိတ်ကား ‘ဟနိမ်တေ ငါအမိန်းရှာတ်ခါနိမ် ဟနိမ် ဟာဟက်ဒီမှာငှေါဘင်းနာတေရီး ငါအမိန်းရှာတ်ခါး’ ညယ် ပြန်သဘန်းငှေါကူ။
26အန်၌မှါခ့်ခါ ဟနိမ်ကား ‘အလေကား နာန်ယောက်အတူတူ ယုတ်ကြီးရီပတ်မှာ။ နာန်ရီးဒါး အလေနင်းရီဘင်း မြို့ဘင်းလမ်းစောက်ပေတေ ဟောသကာ ဆွောန်သကာပတ်နီမှာ’ ညယ် ပြန်သဘန်း ငှေါဟာန်းကြီးကူ။
27အန်၌မှါခ့်ခါ ဟိန်ကား ‘ဟနိမ်တေ ငါအမိန်းရှာတ်ခါနိမ် ဟနိမ်ဟာဟက် ဒီကြီးမှာငှေါဘင်းနာတေရီးဒါး ငါအမိန်းရှာတ်ခါး။ အမဲဘင်းသမီဆာတာတ်၊ ငါဟက်ပူလာန်ဘဲကြီး’ ညယ် ငှေါကူ။
28ဟနိမ်ကား ဘုရားရှာန်ဘင်းသာသနာတော်နောင်းဘေ အာဗြဟံ၊#13:28 အာဗြဟံ - အာဗြဟံနာမယ်ကား အာဗြံထှာဘန်း သမီဆာတာတ်အုတ်တုံန်းထှာမှာ။ ဣဇက်၊ ယာကုပ်ယောက် ပရောဖက်တာတ်အားလုံးတေ ကတုံန်ကြီးလူဒီဒါး ဟနိမ်ကား ငါတ်ပူလားခံသထှာဘင်းအတွာတ် ဆွားကျစ်ပန်း ဟပ်ကြီးထှာကူ။ 29ဂျူးသမီဆာအချီဘင်းဆိတ်တာတ်ရီးဒါး အရှေ့၊ အနောက်၊ တောင်ယောက်မြောက်တေဟက် ဒီကြီးဘန်း ဘုရားရှာန်ဘင်းသာသနာတော်နောင်းဘေငှါဘင်း တခြားဘင်းသမီဆာတာတ်ယောက် ယုတ်ပင်းအူဘင်းပွဲဘေအတူတူ ထုံးဘန်းယုတ်ကြီးလူကူ။ 30အရာတ် အရေးအပါသဘင်းဆိတ်တာတ်ကား အနားမန်းပါ အရေးပါသဘင်းဆိတ်တေ ထှာကြီးရီကူထှာဘန်း၊ အရာတ် အရေးပါသနင်းဘင်းဆိတ်တာတ်ကား အနားမန်းပါ အရေးအပါသဘင်းဆိတ်တေ ထှာကြီးရီကူ” ညယ် မိန့်သမှာ။
ဂျေရုဆလင်မြို့စောက်ပေ ကိုယ်တော်ပဲဘင်းမေတ္တာ
(ရှာန်မဿဲ ၁၂:၃၇-၃၉)
31အန်ကားအချိန်ဘေ ကိုယ်တော်ယေရှုပါ ဖာရိရှဲစယ်ယာတာတ်ကား ထုတ်အီဘန်း “အုပ်ချုပ်သဘင်းဆိတ်ဟေရုဒ်ကား နာန်တေသာန်းရှီးကာတ်နင်းပင်းအတွာတ် အဘင်းဟက် လမ်းစာလားပါပူလာန်ဘဲ” ညယ် လျှောက်သကြီးမှာ။
32အန်နိမ်စါန်းငှေါဒီ ကိုယ်တော်ကား အန်ဘင်းဆိတ်တာတ်တေ “ပက်သဟာဘန်း မြေခွေးယောက်တူသဘင်း အန်ဘင်းဟေရုဒ်တေ ‘ငါကား အရာတ်ယောက် ဖါတ်မှါတ်တေဘေ ဆာတ်သဘန်း အမဲဘင်းနနူတေဒေ ငါတ်ပူဘန်း သမီဆတာတ်တေရီးဒါး ကမာရောဂါတေ ကယာစိန်းကူထှာဘန်း ဆွန်းယာတ်ထုတ်ပင်းမာန်းရာတ်ပေ ငါဘင်းအလုပ်တေ စီးကူ။ 33အန်နိမ်စါန်းငှေါဒီ ဂျေရုဆလင်မြို့ဟက် လွှဲသဘန်း တခြားအရပ်ပေ ရှီးဘင်း ပရောဖက်ညယ် အဘိုဘင်းအတွာတ် ငါကား အရာတ်မှါတ်၊ ဖါတ်မှါတ်ယောက် ရှီးနှပ်ထုတ်ကွန်း ငါဆာတ်သောဘန်း ခရီးလာန်နင်းထှာယုတ်ကူ’ ညယ် လာန်ဘန်းငှေါကြီး” ညယ်မိန့်သမှာ။
34ကိုယ်တော်ကား ဆာတ်သဘန်း “အို ဂျေရုဆလင်မြို့ဆားတာတ်၊ ဟနိမ်အတွာတ် ငါကား အကြီးကျယ် အဆေင်အမဲငှါထှာမှာ။ ဟနိမ်ကား ပရောဖက်တာတ်တေ ပလန်းပလန်းသာန်းရှီးကြီးရီမှာ။ ဟနိမ်ပါ ဘုရားရှာန်တာတ်နာန်ဘင်း တခြားဘင်းဆိတ်တာတ်တေဒေရီးဒါး လုံးကရှီတေယောက် တက်ရှီးကြီးဆွုန်နီမှာ။ အူပါးတုံန်းကား ဟိန်ရှရှာတာတ်တေဒေ ဟိန်ဒင်ကူးနောင်းဘေအွပ်ပန်း ကာကွယ်သအီနိမ် ငါရီးဒါး ဟနိမ်တေ ပလန်းပလန်း ကာကွယ်သအီရီကာတ်မှာ။ အန်နိမ်စါန်းငှေါဒီ ဟနိမ်ကား ငါတေ အလက်ခံသကြီးရီရား။ 35ယူကြီး။ ဟနိမ်ဘင်းဗိမာန်တော်ကား တက်ပဲလားခံသထှာကူ။ ဟနိမ်တေ ငါငှေါကူဘင်းနာကား ဟနိမ်ကား ‘အရှာန်ဘင်း အခွာမ်းအာဏာယောက် ကြွဒီဘင်းဆိတ်တေ အလေတေချီးမွမ်းသဘင်းအခွာမ်းအီယုတ်’ ညယ် ဟနိမ်ငှေါဘင်းအချိန် အထုတ်ကျီ ဟနိမ်ငါဒေ အနားပန်းနူ အကတုံန်ကြီးကဘန်းလားအချီရား” ညယ်မိန့်သမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.