ရှာန်လုကာ 12
12
အခန်း (၁၂)
တပယ့်တော်တာတ်တေဆတီးအီဘင်း
(ရှာန်မဿဲ ၁၀:၂၆-၂၇)
1အန်ကားအချိန်ဘေ တစ်ထောင်အကသဘင်း သမီဆာကလောင်းတုံန်းတာတ်ကား စုရုံးသကြီးရီဘင်းအတွာတ် ဟော်ဝါယောက်ဟော်ဝါ ကောင်ပတ်ကူနိမ်စဲ ငှါနင်းကြီးမှာ။ ကိုယ်တော်ယေရှုကား တပယ့်တော်တာတ်တေ အရာန်ဦးဆုံး စသဘန်းနာ “ဖာရိရှဲတာတ်တဆေး#12:1 တဆေး - တဆေးကား မုန့်အွန်မှါခ့်ခါ မုန့်ဒေ ရွဒီကွန်း စါန်းထှာဘင်းရှီစားနူထှာမှာ။ထှာဘင်း သမီဆာမလဲနိမ် အယောင်ဆောင်သဘင်းတေ ဆတီးပဲကြီး။ 2သန်လားအထှာဟာကွန်း ကဆွန်းပဲလားလူဘင်းနာညယ် အဘိုဝါး။ ကဆွန်းဘန်းပဲဘင်းနာတေကား မန်းပါငှေါဘန်းကား ပေါ်သဆွန်နီကူ။ 3အမှာတွာတ် ဟနိမ် နာတ်ကြယ်ဘေ ယူရှီရှီငှေါဘန်းပဲဘင်းနာတေဒေ နခူမှါခ့်ခါ သမီဆ၌တိုင်းကား မိန်းရှာတ်ခါကြီးကူ။ ဟနိမ်ကား ပတူးအွတ်ပန်းပဲဘင်း ကျေမ်းနောင်းဘေ ယူရှီရှီငှေါဘန်းပဲဘင်းနာတေရီးဒါး သမီဆ၌တိုင်း သက်ပူကွန်း ကျေမ်းခေါင်မိုးစောက်ဟက် ဟာတ်ပန်းငှေါနိမ် ထှာကြီးရီကူ” ညယ် မိန့်တော်မူသမှာ။
စါတ်ထှာကူဘင်းဆိတ်
(ရှာန်မဿဲ ၁၀:၂၈-၃၁)
4စီးမှါခ့်ခါ ကိုယ်တော်ကား “မိတ်ဆွေတာတ်၊ ဟနိမ်တေ ငါငှေါကာတ်ပင်းကား ဟနိမ်လာန်ဒေဆာ သာန်းရှီးရန်ဘင်းဆိတ်တာတ်တေ အစာတ်ကြီးဆာ။ အန်တာတ်ကား ဟနိမ်တေ အန်နိမ် အွန်စီးမှါခ့်ခါ အနားပန်းနူ ဟမာန်ဒေစဲအအွန်ရန်ဘန်း။ 5အန်နိမ်စါန်းငှေါဒီ ဟနိမ်စါတ်ထှာကူဘင်းဆိတ်ကား ဘုရားရှာန်တစ်ပါး၌ဆာထှာမှာ။ ဘုရားရှာန်ကား သမီဆတာတ်အဆာတ်တေ လာရန်ဘင်းတန်ခိုးငှါလားဆာအချီ၊ ငရဲပါရီဒါး ဆာတ်ရန်ဘင်း အာဏာရီးငှါမှာ။ အမှာတွာတ် ဟနိမ်တေ ငါငှေါကူဘင်းကား ဘုရားရှာန်တစ်ပါးတည်းတေ၌ဆာ စါတ်ကြီး။ 6အူစိတ်ဆာ ဟာနူတေ အဿရိဒင်္ဂါး#12:6 ဖူးနှစ်ပဲနီ - ရအာအွန်ဘင်းလုပ်အားခယောက် ညီသဘင်း ဒေနာရီဒင်္ဂါးဘင်း ရှစ်နူဘန်းဟုတ်ကာတ်ပေ ပုံငှါယောက် တန်ဖိုးညီသဘင်း ရောမကြေးဒင်္ဂါး။ ကလိန်းပါတ်ယောက် မာမှာအချီနော်။ အန်နိမ်စါန်းငှေါဒီ ဘုရားရှာန်ကား အန်ဘင်းအူစိတ်ဆာနူဝါစီတိုင်းတေ ဂရုစိုက်သဒင် ဆတီးလူမှာ။ 7ဘုရားရှာန်ကား ဟနိမ်ဟလာန်းဘင်း ဟလာန်းဟူးဟာ၌တားငှါမှာ ငှေါဘင်းနာတေစဲ မိန်းရှာတ်ခါမှာ။ အမှာတွာတ် အစာတ်ကြီးဆာ။ ဟမာန်တွာတ်ငှေါဘန်းတာတ်ငှေါ ဟနိမ်ကား အူစိတ်ဆာကလောင်းတုံန်းတာတ်ထား ပိုသော အဖိုးတန်သသဘင်းအတွာတ်ထှာမှာ” ညယ်မိန့်တော်မူသမှာ။
မေရှိယတေ ဝန်ခံသဘင်း
(ရှာန်မဿဲ ၁၀:၃၂-၃၃၊ ၁၂:၃၂၊ ၁၀:၁၉-၂၀)
8ကိုယ်တော်ကား ဆာတ်သဘန်း “ဟနိမ်တေ ငါငှေါကာကူ၊ ဟာဟမဲစါန်းငှေါဒီ သမီဆတာတ်မန်းဘေ ငါတပယ့်ထှာဘင်းအကြောင်းတေ ဝန်ခံသဘန်းကား သမီဆာဆားတော်ရီးဒါး ဘုရားရှာန်ဘင်း မဲဘင်းဟမန်းတာတ်မန်းဘေ အန်ဘင်းဆိတ်တေ ဟိန်ဘင်းတပယ့်တော် ထှာဘင်းတေ ဝန်ခံသကူ။ 9အန်နိမ်စါန်းငှေါဒီ ဟာဟမဲစါန်းထှာထှာ ငါတေ သမီဆာတာတ်မန်းဘေ ငြာမ်းပယ်သဘန်းကား သမီဆာဆားတော်ရီးဒါး ဘုရားရှာန်ယောက် မဲဘင်းဟမန်းတာတ်မန်းဘေ အန်ဘင်းဆိတ်တေ ငြာမ်းပယ်သကူထှာမှာ။ 10သမီဆာဆားတော်တေ စော်ကားသဘန်းငှေါဘင်းဆိတ်၌တိုင်းကား ခွာမ်းလွှတ်သလား ခံသထှာကူထှာဒီဒါး ဉာဏ်အလင်းတော်ဒေ စော်ကားသဘန်းငှေါဘင်းဆိတ်တိုင်းကား ခွာမ်းလွှတ်သလား ခံသထှာကလားအချီရား။
11သမီဆတာတ်ကား ဟနိမ်တေ ဓမ္မာရုံတေ၊ အုပ်ချုပ်သဘင်းဆိတ်တာတ်ယောက် အာဏာပိုင်တာတ်မန်းပါ တရားစီရာန်သဒင် ကော်လာန်ဘဲမှါခ့်ခါ ဟနိမ်ကောက်ဟနိမ်ကာ ဟာနိမ်ကာကွယ်သထှာကူ အန်နိမ်အချီ ဟနိမ် ဟာနိမ်ပြန်သဘန်း ငှေါဟာန်းထှာကူဘင်းတေ အကားကြီးဆာ။ 12ဟမာန်တွာတ်ငှေါဘန်းတာတ်ငှေါ အန်ကားအချိန်မှါခ့်ခါ ဟနိမ် ဟာနိမ်ပြန်သဘန်း ငှေါထှာကူငှေါဘင်းနာတေ ဉာဏ်အလင်းတော်ကား ဆွောန်သကာအီကူ” ညယ် မိန့်တော်မူသမှာ။
အမဲဘင်းသူဌေးဥပမာ
13စီးမှါခ့်ခါ သမီဆာကလောင်းတုံန်းဟက် ဟော်ဝါကား ကိုယ်တော်ဒေ “အိုးဆကြီး၊ အဝါကား အလေအတွာတ် အီပဘဲဘင်း အမွေတေဒေ ငါတေရီးဒါးခွဲသအီဒင်အတွာတ် ငါအမူးဒေ မိန့်တော်မူသအီယုတ်” ညယ် ကိုယ်တော်ဒေ လျှောက်တာန်သမှာ။
14ကိုယ်တော်ကား အန်ဘင်းဆိတ်တေ “ပဟာန်း၊ နာန်ယောက် နာန်အမူးကြားဘင်း ပစ္စည်းဥစ္စာတေဒေ ခွဲသအီရန်ဘင်းအခွာမ့် အန်နိမ်အချီ တရားစီရာန်သအီရန်ဘင်း အခွာမ်းတေ ဟာဟမဲကား ငါတေ အီပဲတေ” ညယ် ပြန်သဘန်းမိန့်တော်မူသမှာ။ 15စီးမှါခ့်ခါ ကိုယ်တော်ကား သမီဆာတာတ်တေ “ဟနိမ်ကောက်ဟနိမ် လောဘတုံန်းဘင်းနာတေဟက် ဆတီးပဲဘန်း ရှောင်သကြီး။ ဟမာန်တွာတ်ငှေါဘန်းတာတ်ငှေါ ဟနိမ်ဘင်း ဘဝအဓိပ္ပာယ်တေ ဟနိမ်ပိုင်သဘင်း ပစ္စည်းဥစ္စာတေနောင်းဘေ သန်လားအလူဝါး” ညယ် မိန့်တော်မူသမှာ။
16စီးမှါခ့်ခါ ကိုယ်တော်ယေရှုကား သမီဆာတာတ်တေဒေ ဥပမာစားနူယောက် မိန့်သမှာ။ ကိုယ်တော်ကား “ပန်းနူမှါခ့်ခါ ရှရှီတေကလောင်းတုံန်း ပူဘင်း ကလာန်ဒေပိုင်သဘင်း သူဌေးဟော်ဝါငှါမှာ။ 17ဟိန်ကား ‘ငါဘင်း ရှရှီတေဒေ ပဲဒင်နေရာ အဘိုဘင်းအတွာတ် ငါဟာနိမ်အွန်ထှာကူတေ’ ညယ် စဉ်းစားသဘန်းနင်းမှာ။
18စီးမှါခ့်ခါ ဟိန်ကား ‘ငါ ဟာနိမ်အွန်ထှာကူငှေါဘင်းနာတေ မိန်းရှာတ်ခါဘန်း။ ငါဘင်းဘုတ်ခူးတေဒေ ဖြာတ်သဘန်း ပိုသောတုံန်းဘင်းဘုတ်ခူးနယားတေဒေ ဝါရာန်ကူ။ အန်ဘင်းဘုတ်ခူးတေနောင်းဘင်း ငါဘင်းရှရှီဆွန်ကွန်းယောက် တခြားငါပိုင်သဘင်းနာတေဒေ စါန်းဘန်းပဲကူ။ 19စီးမှါခ့်ခါ ငါကား ပလီးတေကလောင်းတုံန်းအတွာတ် မဲဘင်းပစ္စည်းတေဒေရီးဒါး စုသပဲစီးဘန်းထှာမှာ။ ငါကား ပြန်သဘန်းအလုပ်အွန်တင်အလိုသဘန်း။ ငါကား ယုတ်အာန် အူရာန်ယောက် ပျော်ပျော်တုံန်းနင်းကဘန်းညယ် ငါကောက်ငါကာငှေါရန်ဘန်း’ ညယ်ငှေါနင်းမှာ။
20အန်နိမ်စါန်းငှေါဒီ ဘုရားရှာန်ကား အန်ဘင်းဆိတ်တေ ‘ကန်းဘင်းသမီဆာ၊ အရာတ်နာတ်ကြယ်ဘေ နာန်ရှီးထှာကဘန်းထှာမှာ။ အမှာတွာတ် နာန်အတွာတ် နာန်စုသပဲဘင်း ဆွန်ကွန်းကား တခြားဘင်းဟော်ဝါ ပိုင်တာန်ကဘန်းလားထှာမှာ’ ညယ် မိန့်သမှာ။
21အန်ဘင်းကား ကိုယ်အတွာတ် ဥစ္စာပစ္စည်းတေ စုသပဲဒီဒါး တန်ဖိုးငှါမှာညယ် ဘုရားရှာန်လာယုတ်ပဲဘင်းနာတေဒေ အအွန်ဘင်းဆိတ်တာတ် ကြုံသကြီးထှာကူဘင်းနာထှာမှာ” ညယ် မိန့်သမှာ။
အကားကြီးဆာ
(ရှာန်မဿဲ ၆:၂၅-၃၄)
22စီးမှါခ့်ခါ ကိုယ်တော်ယေရှုကား တပယ့်တော်တာတ်တေ “အမှာတွာတ် ဟနိမ်တေ ငါငှေါကာတ်ပင်းနာကား ဟနိမ်ဘင်းဘဝဘေ ဟာဘင်းတေယုတ်ထှာကူ၊ ဟနိမ်လာန်အတွာတ် ဟာဘင်းတေ တော်ထှာကူငှေါဘင်းနာတေ အကာကြီးဆာ။ 23ဟမာန်တွာတ်ငှေါဘန်းတာတ်ငှေါ ဘဝကား ယုတ်တင်၊ အူတင်တေထာတ် ပိုသော အရေးတုံန်းဘန်း၊ လာန်ရီးဒါး နိတ်တင်တော်ဒင်တေထာတ် ပိုသောအရေးတုံန်းမှာ။ 24အူဟားတာတ်တေ ယူကြီးရာန်။ အန်တာတ်ကား ကလွုန်တေရီး အစုတ်ကြီးဘန်းနာ ရှရှီတေဒေယာတ်ပင်းနာရီး အအွန်ကြီးရား။ အန်တာတ်ပေ ရှရှီတေဒေစါန်းဘန်းပဲဒင် နေရာရီးအဘိုနိမ် ဘုတ်ခူးတေရီး အဘိုကြီးရား။ အန်နိမ်စါန်းငှေါဒီ ဘုရားရှာန်ကား အန်တာတ်တေ ယုတ်တင်အူဒင်တေဒေ အီဘန်းပဲမှာ။ ဟနိမ်ကား အန်ဘင်းအူစိတ်ဆာတာတ်ထား ပိုသောတန်ဖိုးငှါမှာ။ 25ဟနိမ်နောင်းဟက် ဟာဟမဲကား အဆေင်ကားဘန်းနင်းဘင်းနာယောက် အဆာတ်တေ တစ်နာရီပိုသော စောက်စိန်းရန်တေ။ 26ဟနိမ်ကား အန်နိမ်စစ်ပင်း အမှုကိစ္စတေဆဲ အအွန်ရန်ဘန်းကား ဟမာန်တွာတ် တခြားဘင်းနာတေအတွာတ် ကားဘန်းနင်းကြီးဒေ။
27ပုတ်ခါးဘင်းပပါးတေ ဟာနိမ်တုံန်းရီမှာငှေါဘင်းနာတေ ယူကြီး။ အန်တာတ်ကား အလုပ်ရီးအအွန်၊ နိတ်တင်တော်ဒင်တေရီး အဆွန်းကြီးရား။ အန်နိမ်စါန်းငှေါဒီ ဟနိမ်တေ ငါငှေါကာတ်ပင်းနာကား မာအယ်မှါခ့်ခါ အကြီးကျယ်ဆွာမ်းရီဘင်း ရှောလမုန်ရှာန်းပလာန်တုံန်းဘင်း နိတ်တင်တော်ဒင်တေစဲ အန်ဘင်းပပါးတေနယ် အကတန်ရီရား။ 28အို ယုံကြည်သလားစစ်ပင်းဆိတ်တာတ်၊ အရာတ်မှါတ်ပါးဘန်း နောက်မာန်းရာတ် ဝါမ်နောင်းဘေ တက်လားခံသထှာကူဘင်း လပါးနောင်းဘေငှါဘင်း ပုတ်ခါးပပါးတေဒေစဲ ဘုရားရှာန်ကား ကတန်စိန်းဘန်းကား ဟနိမ်တေ ဘုရားရှာန်ကား ဟာနယ်ထုတ်ကတန်ကွန်း ပြာန်ဆာန်သအီကူသမား။ 29အမှာတွာတ် ဟနိမ်ကား ဟာဘင်းတေယုတ်ထှာကူ၊ ဟာဘင်းတေအူထှာကူငှေါဘင်းတေ အမြဲတမ်း အစဉ်းစားသနင်းဆာ။ အန်ဘင်းနာယောက် ပတ်သက်သဘန်း ကားဘန်းအနင်းကြီးဆာ။ 30ဟမာန်တွာတ်ငှေါဘန်းတာတ်ငှေါ ဘုရားရှာန်ဒေ အမိန်းရှာတ်ခါဘင်းဆိတ်တာတ်၌ဆာ အန်ဘင်းနာတေဒေ ကားနင်းကြီးလားထှာမှာ။ အန်နိမ်စါန်းငှေါဒီ ဟနိမ်ဘင်းအဝါဘုရားရှာန်ကား ဟနိမ်လိုသဘင်းတေဒေ မိန်းရှာတ်ခါမှာ။ 31အမှာတွာတ် ဟနိမ်အွန်သင့်သဘင်းနာကား ဘုရားရှာန်ဘင်းသာသနာတော်အတွာတ် အာရုံစိုက်သထှာကူထှာမှာ။ အန်နိမ်အွန်ဘန်းကား ဘုရားရှာန်ကား ဟနိမ်လိုသဘင်းနာတေဒေ အီကူထှာမှာ” ညယ်မိန့်တော်မူသမှာ။
ရွှေမြို့တော်ဘေငှါဘင်းဘဏ္ဍာတိုက်
(ရှာန်မဿဲ ၆:၁၉-၂၁)
32စီးမှါခ့်ခါ ကိုယ်တော်ကား “သိုးရှရှာတေ#12:32 သိုးရှရှာ - တပည့်တော်တာတ်တေ ရည်ရွယ်သလားထှာမှာ။၊ အစါတ်ကြီးဆာ။ ဟမာန်တွာတ်ငှေါဘန်းတာတ်ငှေါ ရွှေမြို့တော်ဘေငှါဘင်း ဟနိမ်အဝါဘုရားရှာန်ကား ဟနိမ်တေ ဟိန်ဘင်းသာသနာတော်တေ ဝမ်းမြောက်ဝမ်းသာဒီကူဘင်းအတွာတ်ထှာမှာ။ 33နာန်ပိုင်သဘင်း ပစ္စည်းဥစ္စာတေဒေမာဘန်းနာ အဘိုဘင်းဆာန်းရဲဆားတာတ်နင်း ဖူးဒေလှူသကြီး။ ဟနိမ်အတွာတ် အကာန်သလားဟာဘင်း ဖူးရှီထောင်းတေဒေအွန်ဘန်း ဟနိမ်ဘင်းဥစ္စာရတနာတေဒေ သူခိုးတာတ်အထုတ်ရန်ဘန်းနာ နနူတေ အဖြတ်ဆီးသရန်ဘင်း ရွှေမြို့တော်ဘဏ္ဍာတိုက်နောင်းဘေ ပဲကြီး။ 34ဟမာန်တွာတ်ငှေါဘန်းတာတ်ငှေါ ဟနိမ်ပစ္စည်းဥစ္စာငှါလားပါ ဟနိမ်အဆေင်ကား ထုတ်ပန်းနင်းဟာဟွန်ထှာမှာ” မိန့်တော်မူသမှာ။
ဆတီးငှါဘင်းအစေခံတေ
35ကိုယ်တော်ကား ဆာတ်သဘန်း “ဟနိမ်ကား ဟိုင်းစွပ်တေ ဟာအိုင်ဘေ သေသေချာချာဟွတ်ပန်း#12:35 ဟိုင်းစွပ် - ဟိုင်းစွပ်တေ သေသေချာချာဟွတ်မှာငှေါဘင်းနာကား အန်ဘင်းခေတ်ပေ ဂျူးသမီဆာတာတ်ကား တာမိတ်တူထုတ်ကွန်းစောက်ပင်း ဆာန်ဆုန်စောက်ဆလောက်တုံန်းတေ တော်ကြီးဟာမှာ။ ဆာန်ဆုန်တွန်ဘင်းအစတေ ဟာအိုင်ထုတ်ကွန်း တာန်သဘန်း ပဲရန်ကွန်း ဟိုင်းစွပ်တေ နပ်နာန်လားကား လွတ်လွတ်လပ်လပ် အွန်ရန်ဟာရန်ကွန်းထှာမှာ။ ဝါမ်ပလုတ်တေတပ်ပန်းနာ ကျေမ်းဆိတ်ဒီဟာန်းကူဘင်းအချိန်တေ ဒဲနင်းဘင်း အစေခံတေနိမ် အဆာန်တာန့် ပြာန်ဆာန်သဘန်းပဲကြီး။ 36အန်နိမ်မားဆာ ကျေမ်းဆိတ်ကား မာန်းဂလာပွဲဟက် ဒီဟာန်းဘန်း ပတူးခေါက်သမှါခ့်ခါ အစေခံတေကားချတ်ချန်းငှေါနိမ် တံခါးဖွာမ်းသအီရန်ကူထှာမှာ။ 37ကျေမ်းဆိတ်ကား ဟိန်ဒီဟာန်းကူဘင်းအချိန်တေ ဒဲနင်းဘင်းအစေခံတေဒေ ဆုတော်လာဘ်တော်တေ အီကူ။ ဟနိမ်တေ ငါသေသေချာချာငှေါထှာဘန်းကား၊ ကျေမ်းဆိတ်ကား ဟိန်ဟာအိုင်ဘေ ဟိုင်းစွပ်တေ သေသေချာချာဟွတ်ပန်း အန်ဘင်းအစေခံတေဒေ စားပွဲဘေထုံးစိန်းဘန်း ယုတ်တင်အူဒင်တေယောက် ဧည့်ခံသကူ။ 38ကျေမ်းဆိတ်ကား နာတ်ကြယ် အန်နိမ်အချီ အတိုင်စောင်းရှီတုံန်းဒေ ဒီဟာန်းမှါခ့်ခါ အဆာန်တာန့်ဒဲနင်းကြီးဘင်း အစေခံတေဒေ ကတုံန်လူဘန်းကား ဟိန်ကား အန်ဘင်းအစေခံတေဒေ မန်းအီကူထှာမှာ။ 39အန်နိမ်စါန်းငှေါဒီ ကျေမ်းဆိတ်ကား ကူပင်းဆိတ် ဟာကားအချိန်ဒီကူငှေါဘင်းနာတေ မိန်းရှာတ်ခါဘန်းကား ဟိန်ကား ဟိန်ကျေမ်းတေ ကူစိန်းကလားအချီရားငှေါဘင်းတေ မိန်းရှာတ်ခါပဲကြီး။ 40အန်ဘင်းအတိုင်း သမီဆာဆားတော်ကား ဟနိမ်အမျှော်လင့်သမှားအချိန်ဘေ ပြန်သဘန်း ကြွဒီကူဘင်းအတွာတ် ဟနိမ်ကား အမြဲတမ်း အဆာန်တာန့် ထှာနင်းကြီးထှာကူ” ညယ် မိန့်သမှာ။
41အန်၌မှါခ့်ခါ ပေတရုကား ကိုယ်တော်ဒေ “အရှာန်၊ အရှာန်ကား အဘင်းဥပမာဒေ အလေအတွာတ်မိန့်သလားရဲ အန်နိမ်အချီ သမီဆ၌တိုင်းအတွာတ် မိန့်သလားရဲ” ညယ် လျှောက်တာန်သမှာ။
42အရှာန်ကား “ကျေမ်းဘေငှါဘင်း တခြားဘင်းအစေခံတေဒေ အချိန်တန်သမှါခ့်ခါ ယုတ်တင်အူဒင်တေအီဒင် ကျေမ်းဆိတ်ကော်ဘန်းပဲဘင်း ပညာငှါဘန်း ယုံကြည်သထှာဘင်း အစေခံကား ဟာဟမဲကား။ 43ကျေမ်းဆိတ် ဒီဟာန်းမှါခ့်ခါ အန်ဘင်းအစေခံကား အလုပ်တေဒေ မလဲကလဲအွန်ဘန်းပဲဘင်းနာတေ ကတုံန်မှါခ့်ခါ အန်ဘင်းအစေခံကား မန်းအီလားခံသထှာကူ။ 44ဟနိမ်တေ ငါချီလားတေငှေါကူ။ ကျေမ်းဆိတ်ကား အန်ဘင်း အစေခံဒေ ဟိန်ပိုင်သဘင်းပစ္စည်းဥစ္စာအားလုံးတေအတွာတ် စီစါန်သထှာဘင်းတာဝန်တေ အန်ဘင်းအစေခံနင်းအီကူ။ 45အန်နိမ်စါန်းငှေါဒီ အန်ဘင်းအစေခံကား ‘ငါကျေမ်းဆိတ်ကား ဒီဟာန်းဒင် မှါတ်ယုတ်ကလား’ ညယ် တွေးသဘန်း တခြားဘင်း အစေခံအီးရှီဟလောဝါတေဒေ သာန်းဘန်း တွတ်ပန်း ယုတ်အာန် အူရာန်မူးသနင်းဘန်းကား 46အန်ဘင်းအစေခံဘင်း ကျေမ်းဆိတ်ကား ဟိန်အမာန်တာတ်ပင်း အချိန်ဘေ ဒီဟာန်းမှါခ့်ခါ ဟိန်ဒေ အကြီးကျယ်တုံန်းဘင်းအပြစ်အီဘန်း တခြားအယုံကြည်သလူဘင်း အစေခံတေယောက် အတူတူပဲကူ။
47ကျေမ်းဆိတ်အလိုက်တေ မိန်းရှာတ်ခါစါတ် အဆာန်တာန့် ပြာန်ဆာန်သပဲလားရီးအဘို အန်နိမ်အချီ ကျေမ်းဆိတ် ငှါစိန်းကာတ်နိမ် အအွန်ဘင်းအစေခံကား တုံန်းဘင်းအပြစ်ဒဏ်တေ အီလားခံသထှာကူ။ 48အန်နိမ်စါန်းငှေါဒီ ကျေမ်းဆိတ်ပင်းအလိုက်တေ အမိန်းရှာတ်ခါဟွန် အပြစ်အီခံသထှာကူဘင်းနာတေဒေ အွန်ပတ်ပင်းအစေခံကား အပြစ်အစစ်ဆာ၌အီလားတေ ခံသထှာကလား။ ကလောင်းတုံန်း အီခံသထှာဘင်းဆိတ်ကား ကလောင်းတုံန်း စိန်လားခံသထှာဘန်းနာ ကလောင်းတုံန်းယုံကြည်သလား ခံသထှာဘင်းဆိတ်ရီးဒါး ကလောင်းတုံန်း မျှော်လင့်သလားခံသထှာကူ” ညယ် မိန့်တော်မူသမှာ။
ပိုက်ကွန်းအွန်ဘင်း
(ရှာန်မဿဲ ၁၀:၃၄-၃၆)
49ပန်းနူ ကိုယ်တော်ကား “ငါကား သမီဆတာတ်ပင်း အပြစ်တေဒေ တရားစီရာန်သဒင်ယောက် သမီဆတာတ်တေ ခွဲသဒင်အတွာတ် အဘင်းကမ္ဘာစေါက်ပါ ဒီရီလားထှာမှာ။ ငါကား အန်ဘင်းတရားစီရာန်သလား စသနင်းဘန်းထှာဘင်းနာတေစဲ အလိုငှါမှာ။ 50အန်နိမ်စါန်းငှေါဒီ အန်ဘင်းတေ အထှာကြီ ငါကား အကြီးကျယ်တုံန်းဘင်း ဒုက္ခတုံန်းယောက် ဝဲငွတ်ပင်းမာန်းဂလာတေ ခံသထှာယုတ်ကူ။ အန်ဘင်းတေအစီးကြီထုတ်ကွန်း ငါကား အဆေင်ဒုက္ခတေဒေ အကြီးကျယ် ခံသနင်းထှာယုတ်ကူ။ 51ငါကား အဘင်းကမ္ဘာအတွာတ် ငြိမ်းချမ်းသဘင်းတေ လာရီမှာညယ် ထာန်သနင်းလဲ။ အချီရား။ ငါဒီထှာဘင်းအကြောင်းကား သမီဆာတာတ်တေ ပိုက်စိန်းတင်အတွာတ် ဒီလားထှာမှာ။ 52ဟမာန်တွာတ်ငှေါဘန်းတာတ်ငှေါ အရာတ်ဟက်စသဘန်း မိသားစုတစ်စုဘေ သမီဆာဟာဟူးငှါဘန်းကား ကလိန်းဟူးကား ဆွန်းဟူးတေဆန့်ကျင်သဘန်း ဆွန်းဟူးကား ကလိန်းဟူးတေ ဆန့်ကျင်သဘန်း ပိုက်ကြီးဆွန်နာန်ကူ။ 53အမယ်ယောက်ဆအိတ်၊ အဝါယောက်ဆာ၊ အထောင်ယောက်နန်းတာတ်ကြားဘေ အချန်းချန်းဆန့်ကျင်သဘန်း အန်တာတ်ကား ပိုက်ကြီးဆွန်နာန်ကူထှာမှာ” ညယ် မိန့်သမှာ။
အချိန်အခါတေ မိန်းရှာတ်ခါဘင်း
(ရှာန်မဿဲ ၁၆:၂-၃)
54စီးမှါခ့်ခါ ကိုယ်တော်ကား သမီဆာတာတ်တေ “ဟနိမ်ကား ဟလိန်းဘင်းအရပ်ဟက် ဟာန်းချီဟယ်ရီဘင်းတေ ကတုံန်ဘန်းကား ‘ဟလာန်းဝဲကဘန်း’ ညယ် ချတ်ချန်းငှေါကြီးဟာဘန်း ဟနိမ်ငှေါဘင်းအတိုင်းရီး ထှာရီမှာ။ 55တောင်အရပ်ပါဟက် ဟလာန်းမွန်နီဘန်းရီးဒါး ဟနိမ်ကား ‘ကားဘင်းရာသီ ထုတ်ရီကဘန်း’ ညယ် ငှေါကြီးဟာဘန်း ဟနိမ်ငှေါကြီးဘင်းအတိုင်းရီး ထှာရီမှာ။ 56သမီဆာမလဲနိမ် အယောင်ဆောင်သနင်းဘင်းဆိတ်တာတ် ဟနိမ်ကား ဟမုခ်ယောက် ကာတေယူပန်း ဟလာန်းအခြေအနေတေ ခန့်မှန်းသရန်ကြီးဒီဒါး အရာတ်ထှာနင်းဘင်း အကြောင်းရာတေဘင်း အဓိပ္ပာယ်ဒေ ဟနိမ် ဟမာန်တွာတ် အနားလည်သကြီးရန်တေ။
57ဟနိမ်ကား ချီဘင်းနာတေဒေအွန်ဒင် ဟမာန်တွာတ် ကိုယ်ကောက်ကိုယ် အဆုံးဖြတ်သရန်ကြီးတေ။ 58ဟော်ဝါဟော်ဝါကား ဟနိမ်တေ တရားစွဲသဘန်း တရားရုံးပါကော်လာန်ဘဲမှါခ့်ခါ တရားရုံးပါအထုတ်ကြီ ပြဿနာတေဒေ ကျေအေးသရာတ် ဆွေးနွေးသကြီး။ အန်နိမ်အချီဘန်းကာ တရားသူကြီးကား ဟနိမ်တေအပြစ်ငှါမှာညယ် ဆုံးဖြတ်သဘန်းနာ ထောင်မှူးသဟူးနောင်းဘေအပ်သဘန်း ထောင်မှူးရီးဒါး ဟနိမ်တေ ထောင်ချတာန်ကူထှာမှာ။ 59ဟနိမ်တေငါငှေါကူ။ ဟနိမ်အီထှာကူဘင်း အကြွေးတေ ဆွန်ကွန်းအအီမချန်း ထောင်နောင်းဟက် ပူလူကလားအချီရား” ညယ် မိန့်တော်မူသမှာ။
Currently Selected:
ရှာန်လုကာ 12: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 12
12
အခန်း (၁၂)
တပယ့်တော်တာတ်တေဆတီးအီဘင်း
(ရှာန်မဿဲ ၁၀:၂၆-၂၇)
1အန်ကားအချိန်ဘေ တစ်ထောင်အကသဘင်း သမီဆာကလောင်းတုံန်းတာတ်ကား စုရုံးသကြီးရီဘင်းအတွာတ် ဟော်ဝါယောက်ဟော်ဝါ ကောင်ပတ်ကူနိမ်စဲ ငှါနင်းကြီးမှာ။ ကိုယ်တော်ယေရှုကား တပယ့်တော်တာတ်တေ အရာန်ဦးဆုံး စသဘန်းနာ “ဖာရိရှဲတာတ်တဆေး#12:1 တဆေး - တဆေးကား မုန့်အွန်မှါခ့်ခါ မုန့်ဒေ ရွဒီကွန်း စါန်းထှာဘင်းရှီစားနူထှာမှာ။ထှာဘင်း သမီဆာမလဲနိမ် အယောင်ဆောင်သဘင်းတေ ဆတီးပဲကြီး။ 2သန်လားအထှာဟာကွန်း ကဆွန်းပဲလားလူဘင်းနာညယ် အဘိုဝါး။ ကဆွန်းဘန်းပဲဘင်းနာတေကား မန်းပါငှေါဘန်းကား ပေါ်သဆွန်နီကူ။ 3အမှာတွာတ် ဟနိမ် နာတ်ကြယ်ဘေ ယူရှီရှီငှေါဘန်းပဲဘင်းနာတေဒေ နခူမှါခ့်ခါ သမီဆ၌တိုင်းကား မိန်းရှာတ်ခါကြီးကူ။ ဟနိမ်ကား ပတူးအွတ်ပန်းပဲဘင်း ကျေမ်းနောင်းဘေ ယူရှီရှီငှေါဘန်းပဲဘင်းနာတေရီးဒါး သမီဆ၌တိုင်း သက်ပူကွန်း ကျေမ်းခေါင်မိုးစောက်ဟက် ဟာတ်ပန်းငှေါနိမ် ထှာကြီးရီကူ” ညယ် မိန့်တော်မူသမှာ။
စါတ်ထှာကူဘင်းဆိတ်
(ရှာန်မဿဲ ၁၀:၂၈-၃၁)
4စီးမှါခ့်ခါ ကိုယ်တော်ကား “မိတ်ဆွေတာတ်၊ ဟနိမ်တေ ငါငှေါကာတ်ပင်းကား ဟနိမ်လာန်ဒေဆာ သာန်းရှီးရန်ဘင်းဆိတ်တာတ်တေ အစာတ်ကြီးဆာ။ အန်တာတ်ကား ဟနိမ်တေ အန်နိမ် အွန်စီးမှါခ့်ခါ အနားပန်းနူ ဟမာန်ဒေစဲအအွန်ရန်ဘန်း။ 5အန်နိမ်စါန်းငှေါဒီ ဟနိမ်စါတ်ထှာကူဘင်းဆိတ်ကား ဘုရားရှာန်တစ်ပါး၌ဆာထှာမှာ။ ဘုရားရှာန်ကား သမီဆတာတ်အဆာတ်တေ လာရန်ဘင်းတန်ခိုးငှါလားဆာအချီ၊ ငရဲပါရီဒါး ဆာတ်ရန်ဘင်း အာဏာရီးငှါမှာ။ အမှာတွာတ် ဟနိမ်တေ ငါငှေါကူဘင်းကား ဘုရားရှာန်တစ်ပါးတည်းတေ၌ဆာ စါတ်ကြီး။ 6အူစိတ်ဆာ ဟာနူတေ အဿရိဒင်္ဂါး#12:6 ဖူးနှစ်ပဲနီ - ရအာအွန်ဘင်းလုပ်အားခယောက် ညီသဘင်း ဒေနာရီဒင်္ဂါးဘင်း ရှစ်နူဘန်းဟုတ်ကာတ်ပေ ပုံငှါယောက် တန်ဖိုးညီသဘင်း ရောမကြေးဒင်္ဂါး။ ကလိန်းပါတ်ယောက် မာမှာအချီနော်။ အန်နိမ်စါန်းငှေါဒီ ဘုရားရှာန်ကား အန်ဘင်းအူစိတ်ဆာနူဝါစီတိုင်းတေ ဂရုစိုက်သဒင် ဆတီးလူမှာ။ 7ဘုရားရှာန်ကား ဟနိမ်ဟလာန်းဘင်း ဟလာန်းဟူးဟာ၌တားငှါမှာ ငှေါဘင်းနာတေစဲ မိန်းရှာတ်ခါမှာ။ အမှာတွာတ် အစာတ်ကြီးဆာ။ ဟမာန်တွာတ်ငှေါဘန်းတာတ်ငှေါ ဟနိမ်ကား အူစိတ်ဆာကလောင်းတုံန်းတာတ်ထား ပိုသော အဖိုးတန်သသဘင်းအတွာတ်ထှာမှာ” ညယ်မိန့်တော်မူသမှာ။
မေရှိယတေ ဝန်ခံသဘင်း
(ရှာန်မဿဲ ၁၀:၃၂-၃၃၊ ၁၂:၃၂၊ ၁၀:၁၉-၂၀)
8ကိုယ်တော်ကား ဆာတ်သဘန်း “ဟနိမ်တေ ငါငှေါကာကူ၊ ဟာဟမဲစါန်းငှေါဒီ သမီဆတာတ်မန်းဘေ ငါတပယ့်ထှာဘင်းအကြောင်းတေ ဝန်ခံသဘန်းကား သမီဆာဆားတော်ရီးဒါး ဘုရားရှာန်ဘင်း မဲဘင်းဟမန်းတာတ်မန်းဘေ အန်ဘင်းဆိတ်တေ ဟိန်ဘင်းတပယ့်တော် ထှာဘင်းတေ ဝန်ခံသကူ။ 9အန်နိမ်စါန်းငှေါဒီ ဟာဟမဲစါန်းထှာထှာ ငါတေ သမီဆာတာတ်မန်းဘေ ငြာမ်းပယ်သဘန်းကား သမီဆာဆားတော်ရီးဒါး ဘုရားရှာန်ယောက် မဲဘင်းဟမန်းတာတ်မန်းဘေ အန်ဘင်းဆိတ်တေ ငြာမ်းပယ်သကူထှာမှာ။ 10သမီဆာဆားတော်တေ စော်ကားသဘန်းငှေါဘင်းဆိတ်၌တိုင်းကား ခွာမ်းလွှတ်သလား ခံသထှာကူထှာဒီဒါး ဉာဏ်အလင်းတော်ဒေ စော်ကားသဘန်းငှေါဘင်းဆိတ်တိုင်းကား ခွာမ်းလွှတ်သလား ခံသထှာကလားအချီရား။
11သမီဆတာတ်ကား ဟနိမ်တေ ဓမ္မာရုံတေ၊ အုပ်ချုပ်သဘင်းဆိတ်တာတ်ယောက် အာဏာပိုင်တာတ်မန်းပါ တရားစီရာန်သဒင် ကော်လာန်ဘဲမှါခ့်ခါ ဟနိမ်ကောက်ဟနိမ်ကာ ဟာနိမ်ကာကွယ်သထှာကူ အန်နိမ်အချီ ဟနိမ် ဟာနိမ်ပြန်သဘန်း ငှေါဟာန်းထှာကူဘင်းတေ အကားကြီးဆာ။ 12ဟမာန်တွာတ်ငှေါဘန်းတာတ်ငှေါ အန်ကားအချိန်မှါခ့်ခါ ဟနိမ် ဟာနိမ်ပြန်သဘန်း ငှေါထှာကူငှေါဘင်းနာတေ ဉာဏ်အလင်းတော်ကား ဆွောန်သကာအီကူ” ညယ် မိန့်တော်မူသမှာ။
အမဲဘင်းသူဌေးဥပမာ
13စီးမှါခ့်ခါ သမီဆာကလောင်းတုံန်းဟက် ဟော်ဝါကား ကိုယ်တော်ဒေ “အိုးဆကြီး၊ အဝါကား အလေအတွာတ် အီပဘဲဘင်း အမွေတေဒေ ငါတေရီးဒါးခွဲသအီဒင်အတွာတ် ငါအမူးဒေ မိန့်တော်မူသအီယုတ်” ညယ် ကိုယ်တော်ဒေ လျှောက်တာန်သမှာ။
14ကိုယ်တော်ကား အန်ဘင်းဆိတ်တေ “ပဟာန်း၊ နာန်ယောက် နာန်အမူးကြားဘင်း ပစ္စည်းဥစ္စာတေဒေ ခွဲသအီရန်ဘင်းအခွာမ့် အန်နိမ်အချီ တရားစီရာန်သအီရန်ဘင်း အခွာမ်းတေ ဟာဟမဲကား ငါတေ အီပဲတေ” ညယ် ပြန်သဘန်းမိန့်တော်မူသမှာ။ 15စီးမှါခ့်ခါ ကိုယ်တော်ကား သမီဆာတာတ်တေ “ဟနိမ်ကောက်ဟနိမ် လောဘတုံန်းဘင်းနာတေဟက် ဆတီးပဲဘန်း ရှောင်သကြီး။ ဟမာန်တွာတ်ငှေါဘန်းတာတ်ငှေါ ဟနိမ်ဘင်း ဘဝအဓိပ္ပာယ်တေ ဟနိမ်ပိုင်သဘင်း ပစ္စည်းဥစ္စာတေနောင်းဘေ သန်လားအလူဝါး” ညယ် မိန့်တော်မူသမှာ။
16စီးမှါခ့်ခါ ကိုယ်တော်ယေရှုကား သမီဆာတာတ်တေဒေ ဥပမာစားနူယောက် မိန့်သမှာ။ ကိုယ်တော်ကား “ပန်းနူမှါခ့်ခါ ရှရှီတေကလောင်းတုံန်း ပူဘင်း ကလာန်ဒေပိုင်သဘင်း သူဌေးဟော်ဝါငှါမှာ။ 17ဟိန်ကား ‘ငါဘင်း ရှရှီတေဒေ ပဲဒင်နေရာ အဘိုဘင်းအတွာတ် ငါဟာနိမ်အွန်ထှာကူတေ’ ညယ် စဉ်းစားသဘန်းနင်းမှာ။
18စီးမှါခ့်ခါ ဟိန်ကား ‘ငါ ဟာနိမ်အွန်ထှာကူငှေါဘင်းနာတေ မိန်းရှာတ်ခါဘန်း။ ငါဘင်းဘုတ်ခူးတေဒေ ဖြာတ်သဘန်း ပိုသောတုံန်းဘင်းဘုတ်ခူးနယားတေဒေ ဝါရာန်ကူ။ အန်ဘင်းဘုတ်ခူးတေနောင်းဘင်း ငါဘင်းရှရှီဆွန်ကွန်းယောက် တခြားငါပိုင်သဘင်းနာတေဒေ စါန်းဘန်းပဲကူ။ 19စီးမှါခ့်ခါ ငါကား ပလီးတေကလောင်းတုံန်းအတွာတ် မဲဘင်းပစ္စည်းတေဒေရီးဒါး စုသပဲစီးဘန်းထှာမှာ။ ငါကား ပြန်သဘန်းအလုပ်အွန်တင်အလိုသဘန်း။ ငါကား ယုတ်အာန် အူရာန်ယောက် ပျော်ပျော်တုံန်းနင်းကဘန်းညယ် ငါကောက်ငါကာငှေါရန်ဘန်း’ ညယ်ငှေါနင်းမှာ။
20အန်နိမ်စါန်းငှေါဒီ ဘုရားရှာန်ကား အန်ဘင်းဆိတ်တေ ‘ကန်းဘင်းသမီဆာ၊ အရာတ်နာတ်ကြယ်ဘေ နာန်ရှီးထှာကဘန်းထှာမှာ။ အမှာတွာတ် နာန်အတွာတ် နာန်စုသပဲဘင်း ဆွန်ကွန်းကား တခြားဘင်းဟော်ဝါ ပိုင်တာန်ကဘန်းလားထှာမှာ’ ညယ် မိန့်သမှာ။
21အန်ဘင်းကား ကိုယ်အတွာတ် ဥစ္စာပစ္စည်းတေ စုသပဲဒီဒါး တန်ဖိုးငှါမှာညယ် ဘုရားရှာန်လာယုတ်ပဲဘင်းနာတေဒေ အအွန်ဘင်းဆိတ်တာတ် ကြုံသကြီးထှာကူဘင်းနာထှာမှာ” ညယ် မိန့်သမှာ။
အကားကြီးဆာ
(ရှာန်မဿဲ ၆:၂၅-၃၄)
22စီးမှါခ့်ခါ ကိုယ်တော်ယေရှုကား တပယ့်တော်တာတ်တေ “အမှာတွာတ် ဟနိမ်တေ ငါငှေါကာတ်ပင်းနာကား ဟနိမ်ဘင်းဘဝဘေ ဟာဘင်းတေယုတ်ထှာကူ၊ ဟနိမ်လာန်အတွာတ် ဟာဘင်းတေ တော်ထှာကူငှေါဘင်းနာတေ အကာကြီးဆာ။ 23ဟမာန်တွာတ်ငှေါဘန်းတာတ်ငှေါ ဘဝကား ယုတ်တင်၊ အူတင်တေထာတ် ပိုသော အရေးတုံန်းဘန်း၊ လာန်ရီးဒါး နိတ်တင်တော်ဒင်တေထာတ် ပိုသောအရေးတုံန်းမှာ။ 24အူဟားတာတ်တေ ယူကြီးရာန်။ အန်တာတ်ကား ကလွုန်တေရီး အစုတ်ကြီးဘန်းနာ ရှရှီတေဒေယာတ်ပင်းနာရီး အအွန်ကြီးရား။ အန်တာတ်ပေ ရှရှီတေဒေစါန်းဘန်းပဲဒင် နေရာရီးအဘိုနိမ် ဘုတ်ခူးတေရီး အဘိုကြီးရား။ အန်နိမ်စါန်းငှေါဒီ ဘုရားရှာန်ကား အန်တာတ်တေ ယုတ်တင်အူဒင်တေဒေ အီဘန်းပဲမှာ။ ဟနိမ်ကား အန်ဘင်းအူစိတ်ဆာတာတ်ထား ပိုသောတန်ဖိုးငှါမှာ။ 25ဟနိမ်နောင်းဟက် ဟာဟမဲကား အဆေင်ကားဘန်းနင်းဘင်းနာယောက် အဆာတ်တေ တစ်နာရီပိုသော စောက်စိန်းရန်တေ။ 26ဟနိမ်ကား အန်နိမ်စစ်ပင်း အမှုကိစ္စတေဆဲ အအွန်ရန်ဘန်းကား ဟမာန်တွာတ် တခြားဘင်းနာတေအတွာတ် ကားဘန်းနင်းကြီးဒေ။
27ပုတ်ခါးဘင်းပပါးတေ ဟာနိမ်တုံန်းရီမှာငှေါဘင်းနာတေ ယူကြီး။ အန်တာတ်ကား အလုပ်ရီးအအွန်၊ နိတ်တင်တော်ဒင်တေရီး အဆွန်းကြီးရား။ အန်နိမ်စါန်းငှေါဒီ ဟနိမ်တေ ငါငှေါကာတ်ပင်းနာကား မာအယ်မှါခ့်ခါ အကြီးကျယ်ဆွာမ်းရီဘင်း ရှောလမုန်ရှာန်းပလာန်တုံန်းဘင်း နိတ်တင်တော်ဒင်တေစဲ အန်ဘင်းပပါးတေနယ် အကတန်ရီရား။ 28အို ယုံကြည်သလားစစ်ပင်းဆိတ်တာတ်၊ အရာတ်မှါတ်ပါးဘန်း နောက်မာန်းရာတ် ဝါမ်နောင်းဘေ တက်လားခံသထှာကူဘင်း လပါးနောင်းဘေငှါဘင်း ပုတ်ခါးပပါးတေဒေစဲ ဘုရားရှာန်ကား ကတန်စိန်းဘန်းကား ဟနိမ်တေ ဘုရားရှာန်ကား ဟာနယ်ထုတ်ကတန်ကွန်း ပြာန်ဆာန်သအီကူသမား။ 29အမှာတွာတ် ဟနိမ်ကား ဟာဘင်းတေယုတ်ထှာကူ၊ ဟာဘင်းတေအူထှာကူငှေါဘင်းတေ အမြဲတမ်း အစဉ်းစားသနင်းဆာ။ အန်ဘင်းနာယောက် ပတ်သက်သဘန်း ကားဘန်းအနင်းကြီးဆာ။ 30ဟမာန်တွာတ်ငှေါဘန်းတာတ်ငှေါ ဘုရားရှာန်ဒေ အမိန်းရှာတ်ခါဘင်းဆိတ်တာတ်၌ဆာ အန်ဘင်းနာတေဒေ ကားနင်းကြီးလားထှာမှာ။ အန်နိမ်စါန်းငှေါဒီ ဟနိမ်ဘင်းအဝါဘုရားရှာန်ကား ဟနိမ်လိုသဘင်းတေဒေ မိန်းရှာတ်ခါမှာ။ 31အမှာတွာတ် ဟနိမ်အွန်သင့်သဘင်းနာကား ဘုရားရှာန်ဘင်းသာသနာတော်အတွာတ် အာရုံစိုက်သထှာကူထှာမှာ။ အန်နိမ်အွန်ဘန်းကား ဘုရားရှာန်ကား ဟနိမ်လိုသဘင်းနာတေဒေ အီကူထှာမှာ” ညယ်မိန့်တော်မူသမှာ။
ရွှေမြို့တော်ဘေငှါဘင်းဘဏ္ဍာတိုက်
(ရှာန်မဿဲ ၆:၁၉-၂၁)
32စီးမှါခ့်ခါ ကိုယ်တော်ကား “သိုးရှရှာတေ#12:32 သိုးရှရှာ - တပည့်တော်တာတ်တေ ရည်ရွယ်သလားထှာမှာ။၊ အစါတ်ကြီးဆာ။ ဟမာန်တွာတ်ငှေါဘန်းတာတ်ငှေါ ရွှေမြို့တော်ဘေငှါဘင်း ဟနိမ်အဝါဘုရားရှာန်ကား ဟနိမ်တေ ဟိန်ဘင်းသာသနာတော်တေ ဝမ်းမြောက်ဝမ်းသာဒီကူဘင်းအတွာတ်ထှာမှာ။ 33နာန်ပိုင်သဘင်း ပစ္စည်းဥစ္စာတေဒေမာဘန်းနာ အဘိုဘင်းဆာန်းရဲဆားတာတ်နင်း ဖူးဒေလှူသကြီး။ ဟနိမ်အတွာတ် အကာန်သလားဟာဘင်း ဖူးရှီထောင်းတေဒေအွန်ဘန်း ဟနိမ်ဘင်းဥစ္စာရတနာတေဒေ သူခိုးတာတ်အထုတ်ရန်ဘန်းနာ နနူတေ အဖြတ်ဆီးသရန်ဘင်း ရွှေမြို့တော်ဘဏ္ဍာတိုက်နောင်းဘေ ပဲကြီး။ 34ဟမာန်တွာတ်ငှေါဘန်းတာတ်ငှေါ ဟနိမ်ပစ္စည်းဥစ္စာငှါလားပါ ဟနိမ်အဆေင်ကား ထုတ်ပန်းနင်းဟာဟွန်ထှာမှာ” မိန့်တော်မူသမှာ။
ဆတီးငှါဘင်းအစေခံတေ
35ကိုယ်တော်ကား ဆာတ်သဘန်း “ဟနိမ်ကား ဟိုင်းစွပ်တေ ဟာအိုင်ဘေ သေသေချာချာဟွတ်ပန်း#12:35 ဟိုင်းစွပ် - ဟိုင်းစွပ်တေ သေသေချာချာဟွတ်မှာငှေါဘင်းနာကား အန်ဘင်းခေတ်ပေ ဂျူးသမီဆာတာတ်ကား တာမိတ်တူထုတ်ကွန်းစောက်ပင်း ဆာန်ဆုန်စောက်ဆလောက်တုံန်းတေ တော်ကြီးဟာမှာ။ ဆာန်ဆုန်တွန်ဘင်းအစတေ ဟာအိုင်ထုတ်ကွန်း တာန်သဘန်း ပဲရန်ကွန်း ဟိုင်းစွပ်တေ နပ်နာန်လားကား လွတ်လွတ်လပ်လပ် အွန်ရန်ဟာရန်ကွန်းထှာမှာ။ ဝါမ်ပလုတ်တေတပ်ပန်းနာ ကျေမ်းဆိတ်ဒီဟာန်းကူဘင်းအချိန်တေ ဒဲနင်းဘင်း အစေခံတေနိမ် အဆာန်တာန့် ပြာန်ဆာန်သဘန်းပဲကြီး။ 36အန်နိမ်မားဆာ ကျေမ်းဆိတ်ကား မာန်းဂလာပွဲဟက် ဒီဟာန်းဘန်း ပတူးခေါက်သမှါခ့်ခါ အစေခံတေကားချတ်ချန်းငှေါနိမ် တံခါးဖွာမ်းသအီရန်ကူထှာမှာ။ 37ကျေမ်းဆိတ်ကား ဟိန်ဒီဟာန်းကူဘင်းအချိန်တေ ဒဲနင်းဘင်းအစေခံတေဒေ ဆုတော်လာဘ်တော်တေ အီကူ။ ဟနိမ်တေ ငါသေသေချာချာငှေါထှာဘန်းကား၊ ကျေမ်းဆိတ်ကား ဟိန်ဟာအိုင်ဘေ ဟိုင်းစွပ်တေ သေသေချာချာဟွတ်ပန်း အန်ဘင်းအစေခံတေဒေ စားပွဲဘေထုံးစိန်းဘန်း ယုတ်တင်အူဒင်တေယောက် ဧည့်ခံသကူ။ 38ကျေမ်းဆိတ်ကား နာတ်ကြယ် အန်နိမ်အချီ အတိုင်စောင်းရှီတုံန်းဒေ ဒီဟာန်းမှါခ့်ခါ အဆာန်တာန့်ဒဲနင်းကြီးဘင်း အစေခံတေဒေ ကတုံန်လူဘန်းကား ဟိန်ကား အန်ဘင်းအစေခံတေဒေ မန်းအီကူထှာမှာ။ 39အန်နိမ်စါန်းငှေါဒီ ကျေမ်းဆိတ်ကား ကူပင်းဆိတ် ဟာကားအချိန်ဒီကူငှေါဘင်းနာတေ မိန်းရှာတ်ခါဘန်းကား ဟိန်ကား ဟိန်ကျေမ်းတေ ကူစိန်းကလားအချီရားငှေါဘင်းတေ မိန်းရှာတ်ခါပဲကြီး။ 40အန်ဘင်းအတိုင်း သမီဆာဆားတော်ကား ဟနိမ်အမျှော်လင့်သမှားအချိန်ဘေ ပြန်သဘန်း ကြွဒီကူဘင်းအတွာတ် ဟနိမ်ကား အမြဲတမ်း အဆာန်တာန့် ထှာနင်းကြီးထှာကူ” ညယ် မိန့်သမှာ။
41အန်၌မှါခ့်ခါ ပေတရုကား ကိုယ်တော်ဒေ “အရှာန်၊ အရှာန်ကား အဘင်းဥပမာဒေ အလေအတွာတ်မိန့်သလားရဲ အန်နိမ်အချီ သမီဆ၌တိုင်းအတွာတ် မိန့်သလားရဲ” ညယ် လျှောက်တာန်သမှာ။
42အရှာန်ကား “ကျေမ်းဘေငှါဘင်း တခြားဘင်းအစေခံတေဒေ အချိန်တန်သမှါခ့်ခါ ယုတ်တင်အူဒင်တေအီဒင် ကျေမ်းဆိတ်ကော်ဘန်းပဲဘင်း ပညာငှါဘန်း ယုံကြည်သထှာဘင်း အစေခံကား ဟာဟမဲကား။ 43ကျေမ်းဆိတ် ဒီဟာန်းမှါခ့်ခါ အန်ဘင်းအစေခံကား အလုပ်တေဒေ မလဲကလဲအွန်ဘန်းပဲဘင်းနာတေ ကတုံန်မှါခ့်ခါ အန်ဘင်းအစေခံကား မန်းအီလားခံသထှာကူ။ 44ဟနိမ်တေ ငါချီလားတေငှေါကူ။ ကျေမ်းဆိတ်ကား အန်ဘင်း အစေခံဒေ ဟိန်ပိုင်သဘင်းပစ္စည်းဥစ္စာအားလုံးတေအတွာတ် စီစါန်သထှာဘင်းတာဝန်တေ အန်ဘင်းအစေခံနင်းအီကူ။ 45အန်နိမ်စါန်းငှေါဒီ အန်ဘင်းအစေခံကား ‘ငါကျေမ်းဆိတ်ကား ဒီဟာန်းဒင် မှါတ်ယုတ်ကလား’ ညယ် တွေးသဘန်း တခြားဘင်း အစေခံအီးရှီဟလောဝါတေဒေ သာန်းဘန်း တွတ်ပန်း ယုတ်အာန် အူရာန်မူးသနင်းဘန်းကား 46အန်ဘင်းအစေခံဘင်း ကျေမ်းဆိတ်ကား ဟိန်အမာန်တာတ်ပင်း အချိန်ဘေ ဒီဟာန်းမှါခ့်ခါ ဟိန်ဒေ အကြီးကျယ်တုံန်းဘင်းအပြစ်အီဘန်း တခြားအယုံကြည်သလူဘင်း အစေခံတေယောက် အတူတူပဲကူ။
47ကျေမ်းဆိတ်အလိုက်တေ မိန်းရှာတ်ခါစါတ် အဆာန်တာန့် ပြာန်ဆာန်သပဲလားရီးအဘို အန်နိမ်အချီ ကျေမ်းဆိတ် ငှါစိန်းကာတ်နိမ် အအွန်ဘင်းအစေခံကား တုံန်းဘင်းအပြစ်ဒဏ်တေ အီလားခံသထှာကူ။ 48အန်နိမ်စါန်းငှေါဒီ ကျေမ်းဆိတ်ပင်းအလိုက်တေ အမိန်းရှာတ်ခါဟွန် အပြစ်အီခံသထှာကူဘင်းနာတေဒေ အွန်ပတ်ပင်းအစေခံကား အပြစ်အစစ်ဆာ၌အီလားတေ ခံသထှာကလား။ ကလောင်းတုံန်း အီခံသထှာဘင်းဆိတ်ကား ကလောင်းတုံန်း စိန်လားခံသထှာဘန်းနာ ကလောင်းတုံန်းယုံကြည်သလား ခံသထှာဘင်းဆိတ်ရီးဒါး ကလောင်းတုံန်း မျှော်လင့်သလားခံသထှာကူ” ညယ် မိန့်တော်မူသမှာ။
ပိုက်ကွန်းအွန်ဘင်း
(ရှာန်မဿဲ ၁၀:၃၄-၃၆)
49ပန်းနူ ကိုယ်တော်ကား “ငါကား သမီဆတာတ်ပင်း အပြစ်တေဒေ တရားစီရာန်သဒင်ယောက် သမီဆတာတ်တေ ခွဲသဒင်အတွာတ် အဘင်းကမ္ဘာစေါက်ပါ ဒီရီလားထှာမှာ။ ငါကား အန်ဘင်းတရားစီရာန်သလား စသနင်းဘန်းထှာဘင်းနာတေစဲ အလိုငှါမှာ။ 50အန်နိမ်စါန်းငှေါဒီ အန်ဘင်းတေ အထှာကြီ ငါကား အကြီးကျယ်တုံန်းဘင်း ဒုက္ခတုံန်းယောက် ဝဲငွတ်ပင်းမာန်းဂလာတေ ခံသထှာယုတ်ကူ။ အန်ဘင်းတေအစီးကြီထုတ်ကွန်း ငါကား အဆေင်ဒုက္ခတေဒေ အကြီးကျယ် ခံသနင်းထှာယုတ်ကူ။ 51ငါကား အဘင်းကမ္ဘာအတွာတ် ငြိမ်းချမ်းသဘင်းတေ လာရီမှာညယ် ထာန်သနင်းလဲ။ အချီရား။ ငါဒီထှာဘင်းအကြောင်းကား သမီဆာတာတ်တေ ပိုက်စိန်းတင်အတွာတ် ဒီလားထှာမှာ။ 52ဟမာန်တွာတ်ငှေါဘန်းတာတ်ငှေါ အရာတ်ဟက်စသဘန်း မိသားစုတစ်စုဘေ သမီဆာဟာဟူးငှါဘန်းကား ကလိန်းဟူးကား ဆွန်းဟူးတေဆန့်ကျင်သဘန်း ဆွန်းဟူးကား ကလိန်းဟူးတေ ဆန့်ကျင်သဘန်း ပိုက်ကြီးဆွန်နာန်ကူ။ 53အမယ်ယောက်ဆအိတ်၊ အဝါယောက်ဆာ၊ အထောင်ယောက်နန်းတာတ်ကြားဘေ အချန်းချန်းဆန့်ကျင်သဘန်း အန်တာတ်ကား ပိုက်ကြီးဆွန်နာန်ကူထှာမှာ” ညယ် မိန့်သမှာ။
အချိန်အခါတေ မိန်းရှာတ်ခါဘင်း
(ရှာန်မဿဲ ၁၆:၂-၃)
54စီးမှါခ့်ခါ ကိုယ်တော်ကား သမီဆာတာတ်တေ “ဟနိမ်ကား ဟလိန်းဘင်းအရပ်ဟက် ဟာန်းချီဟယ်ရီဘင်းတေ ကတုံန်ဘန်းကား ‘ဟလာန်းဝဲကဘန်း’ ညယ် ချတ်ချန်းငှေါကြီးဟာဘန်း ဟနိမ်ငှေါဘင်းအတိုင်းရီး ထှာရီမှာ။ 55တောင်အရပ်ပါဟက် ဟလာန်းမွန်နီဘန်းရီးဒါး ဟနိမ်ကား ‘ကားဘင်းရာသီ ထုတ်ရီကဘန်း’ ညယ် ငှေါကြီးဟာဘန်း ဟနိမ်ငှေါကြီးဘင်းအတိုင်းရီး ထှာရီမှာ။ 56သမီဆာမလဲနိမ် အယောင်ဆောင်သနင်းဘင်းဆိတ်တာတ် ဟနိမ်ကား ဟမုခ်ယောက် ကာတေယူပန်း ဟလာန်းအခြေအနေတေ ခန့်မှန်းသရန်ကြီးဒီဒါး အရာတ်ထှာနင်းဘင်း အကြောင်းရာတေဘင်း အဓိပ္ပာယ်ဒေ ဟနိမ် ဟမာန်တွာတ် အနားလည်သကြီးရန်တေ။
57ဟနိမ်ကား ချီဘင်းနာတေဒေအွန်ဒင် ဟမာန်တွာတ် ကိုယ်ကောက်ကိုယ် အဆုံးဖြတ်သရန်ကြီးတေ။ 58ဟော်ဝါဟော်ဝါကား ဟနိမ်တေ တရားစွဲသဘန်း တရားရုံးပါကော်လာန်ဘဲမှါခ့်ခါ တရားရုံးပါအထုတ်ကြီ ပြဿနာတေဒေ ကျေအေးသရာတ် ဆွေးနွေးသကြီး။ အန်နိမ်အချီဘန်းကာ တရားသူကြီးကား ဟနိမ်တေအပြစ်ငှါမှာညယ် ဆုံးဖြတ်သဘန်းနာ ထောင်မှူးသဟူးနောင်းဘေအပ်သဘန်း ထောင်မှူးရီးဒါး ဟနိမ်တေ ထောင်ချတာန်ကူထှာမှာ။ 59ဟနိမ်တေငါငှေါကူ။ ဟနိမ်အီထှာကူဘင်း အကြွေးတေ ဆွန်ကွန်းအအီမချန်း ထောင်နောင်းဟက် ပူလူကလားအချီရား” ညယ် မိန့်တော်မူသမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.