ရှာန်လုကာ 11
11
အခန်း (၁၁)
ကိုယ်တော်ယေရှုဆုစိန်ဘင်းနာ
(ရှာန်မဿဲ ၆:၉-၁၃၊ ၇:၇-၁၁)
1ရအာမှါခ့်ခါ ကိုယ်တော်ယေရှုကား တစ်နေရာဘေ ဆုစိန်ဘန်းနင်းမှာ။ ဆုစိန်စီးမှါခ့်ခါ တပယ့်တော်တေနောင်းဟက်ဟော်ဝါကား ကိုယ်တော်ပါဒီဘန်း “ကိုယ်တော်၊ ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်ကား ဟိန်တပယ့်တာတ်တေ ဆုစိန်ဘင်းနည်းတေ ဆွောန်သကာအီနိမ် အလေတေရီးဒါး ဆွောန်သကာအီယုတ်” ညယ် လျှောက်တာန်သမှာ။ 2အန်၌မှါခ့်ခါ ကိုယ်တော်ကား အန်တာတ်တေ “ဟနိမ်ဆုစိန်မှါခ့်ခါ
‘ရွှေမြို့တော်ဘေငှါဘင်း အဝါဘုရားရှာန်၊ အဝါဘုရားရှာန်ဘင်း နာမယ်ကား ရိုသေလေးမြတ်သလားခံသထှာစိန်းကိုင်ယုတ်၊
အဝါဘုရားရှာန်ဘင်းသာသနာတော်ရီးဒါး ပေါ်ထွန်းသစိန်းကိုင်ယုတ်။
3အလေအတွာတ် မာန်းရာတ်ရအာ၌တိုင်း လိုသဘင်း ယုတ်တင်အူဒင်တေဒေ အီယုတ်ဘုရား။
4အလေစောက်ပေ အပြစ်အွန်ဘင်းဆိတ်အကုန်လုံးတေ အလေကား ခွာမ်းလွှတ်သအီနိမ်၊
အလေဘင်းအပြစ်တေဒေရီးဒါး ခွာမ်းလွှတ်သအီယုတ်။
အလေ အပြစ်အွန်ပတ်ကွန်း ဖြားယောင်းသွေးဆောင်သလား ခံသထှာဘင်းနာဟက်ရီးဒါး ကာကွယ်သအီယုတ်’ ညယ် ဆုစိန်ကြီး” ညယ်မိန့်တော်မူသမှာ။
စိန်ကြီး၊ သန်ကြီး၊ ပတူးတေခေါက်သကြီး
5ပန်းနူ ကိုယ်တော်ယေရှုကား ဥပမာစားနူတေ ပြန်သဘန်းငှေါကာဟာန်းမှာ။ ကိုယ်တော်ကား “ဟနိမ်နောင်းဟက် ဟော်ဝါဟော်ဝါကား ပဟာန်းဟော်ဝါကျေမ်းပါ နာတ်ကြယ်ဆာန်းခေါင်လာန်ဘန်း ‘ပဟာန်း၊ 6ငါပဟာန်းဟော်ဝါ ခရီးလာန်နင်းစါတ် ငါပါထုတ်အီဟွန် ဟိန်နင်းနောပ့်တင် ငါဘေကား ဟမာန်ကစဲ အဘိုဘန်းဘင်းအတွာတ် မုန့်ဆွန်းဟုပ် ဟယ်အီယုတ်’ ညယ် ငှေါဘန်းကား 7ကျေမ်းနောင်းဘေငှါဘင်း ဟိန်ပဟာန်းကား ‘ငါတေအနှောက်ယှက်သဆိတ်၊ ပတူးတေဒေရီးဒါး အွတ်စီပဲဆွန်ဘန်း၊ ငါယောက် ငါဆာဆအိတ်တာတ်ရီးဒါး အေ့ပ်နင်းဆွန်ဘန်း။ ငါရဲဘန်း နာန်တေဟမာန်ကစဲ အအီရန်ဘန်း’ ညယ် ပြန်သဘန်းငှေါဟာန်းကူ။ 8ဟနိမ်တေ ငါငှေါကာတ်ပင်းနာကား အန်ဘင်းဆိတ်ကား ဟိန်ပဟာန်းဟော်ဝါထှာမှာငှေါဘန်း ဟာဘင်းနာတေစဲ ရဲဘန်းအီကလားအချီဒီဒါး ဆာတ်သဘန်းစိန်နင်းဘန်းကား ဟိန်ကား ဟိန်သိက္ခာတေထိန်းသဒင်အတွာတ် ရဲဘန်း နာန်လိုသနယ်အီကူ။
9အမှာတွာတ် ဟနိမ်တေ ငါငှေါကာတ်ပင်းနာကား စိန်ကြီး လူကြီးကူ။ သန်ဘန်းကား ကတုံန်ကြီးကူ။ ပတူးခေါက်သပန်းကား ဖွာမ်းသအီကူ။ 10ဟမာန်တွာတ်ငှေါဘန်းတာတ်ငှေါ စိန်ဘင်းဆိတ်တာတ် လူကြီးကူ။ သန်ဘင်းဆိတ်တာတ် ကတုံန်ကြီးကူ။ ပတူးခေါက်သဘင်းဆိတ်တာတ်တေရီးဒါး ပတူးဖွါမ်းသအီကူ။
11ဆာကား တာန်းငှါစိန်မှါခ့်ခါ ဟနိမ်နောင်းဟက် ဟာဘင်းအဝါကား တာန်းငှါအစား ကဖူးတေအီကူတေ။ 12အန်နိမ်အချီ ဟိန်ကား အူတီဒေစိန်ဘန်းကား ကာန်းမီးကောက်တေ အီကလဲ။ ဟာဟမဲစဲအအီရား။ 13အမှာတွာတ် ဟနိမ်ကား ကန်းဘင်းသမီဆာတေ ထှာနင်းဒီဒါး ဟနိမ် ဆာ၊ ဆအိတ်တာတ်နင်း မဲဘင်းတေဒေ၌ဆာ အီထှာကူဘင်းတေ မိန်းရှာတ်ခါဘန်းကား ရွှေမြို့တော်ဘင်း အဝါဘုရားရှာန်ရီးဒါး ဟိန်ဟက် စိန်ဘင်းဟာဟမဲစါန်းငှေါဒီ ပိုသောစဲ ဉာဏ်အလင်းတော်ဒေ အီကူအချီနော်” ညယ် မိန့်တော်မူသမှာ။
ကိုယ်တော်ယေရှုယောက်ဗေလဇေဗုလ
(ရှာန်မဿဲ ၁၂:၂၂-၃၀။ ရှာန်မာကု ၃:၂၀-၂၇)
14မာန်းရာတ်ရအာမှါခ့်ခါ ကိုယ်တော်ယေရှုကား သမီဆာဟော်ဝါတေ တူးအသပေါက်ခါကွန်း အွန်ပဲဘင်း အမဲဘင်းနနူဒေ ငါတ်ပူမှာ။ အမဲဘင်းနနူ ပူလာန်ဘဲမှါခ့်ခါ တူးအသပေါက်ခါဘင်းသမီဆာကား တူးသပေါက်ခါန်းဟာရီဘင်းအတွာတ် သမီဆာတာတ်ကား အံ့ဩသကြီးမှာ။ 15အန်နိမ်စါန်းငှေါဒီ သမီဆာစယ်ယာကား “အဘင်းဆိတ်ကား အမဲဘင်းနနူတာတ် ဟလာန်းစါတ် ဗေလဇေဗုလတန်ခိုးယောက်#11:15 အန်ဘင်းခေတ်မှါခ့်ခါ အာဗြဟံဘင်းဘုရားရှာန်ဒေ အကိုးကွယ်သဘင်းဆိတ်တာတ် ကိုးကွယ်သကြီးဘင်း ဟမန်းတေကလောင်းတုံန်းနောင်းဟက် ဟော်ဝါဘင်းနာမယ်ထှာဘန်း အန်တာတ်ကား အန်ဘင်းနာမယ်တေ မာရ်နတ်တေ ရည်ရွယ်သမှါခ့်ခါရီးဒါး နပ်ကြီးမှာ။ မ ၉:၃၄၊ ၁၀:25 အဘင်းအမဲဘင်းနနူတေဒေ ငါတ်ပူလားထှာမှာ” ညယ် ငှေါကြီးမှာ။ 16တခြားဘင်းသမီဆာတာတ်ရီဒါး ကိုယ်တော်ဒေ စမ်းသပ်သကြီးကာတ်ပင်းအတွာတ် ကိုယ်တော်ဘင်း တန်ခိုးတေကား ဘုရားရှာန်ဟက်ဒီမှာငှေါဘင်းတေ ကာဒင် အံ့ဩသထာတ်မဲဘင်း နိမိတ်လက္ခဏာစားနူတေ အွန်ကာတင် စိန်ကြီးမှာ။
17အန်နိမ်စါန်းငှေါဒီ ကိုယ်တော်ယေရှုကား အန်ဘင်းဆိတ်တာတ် အဆေင်ဒေ မိန်းရှာတ်ခါဘင်းအတွာတ် အန်တာတ်တေ “နိုင်ငံတစ်နိုင်ငံဘေ သမီဆာတာတ် အချန်းချန်း တိုက်ခိုက်သနင်းဘန်းကား အန်ဘင်းနိုင်ငံကား အမှါတ်ကြီ ပြတ်စီးတာန်ကလားထှာမှာ။ အန်နိမ်သဒါး မိသားစုတစ်စုဘေရီး အချန်းချန်း တိုက်ခိုက်သနင်းကြီးဘန်းကား အန်ဘင်းမိသားစုကား ပိုက်ကြီးဆွန်နာန်ကလားထှာမှာ။ 18အန်နိမ် မာရ်နတ်ကား ဟိန်နိုင်ငံဘေငှါဘင်း အမဲဘင်းနနူတာတ်ယောက် အချန်းချန်း တိုက်ခိုက်သနင်းဘန်းကား အန်တာတ်နိုင်ငံကား ပြာတ်စီးတာန်ကူထှာမှာ။ ငါအန်နိမ်ငှေါထှာဘင်းကား ဗေလဇေဗုလကား အမဲဘင်းနနူတာတ်တေ ငါတ်ပူရာန်ဘင်း တန်ခိုးတေ ငါနင်းအီပဲမှာညယ် ဟနိမ် ငှေါဘင်းအတွာတ်ထှာမှာ။ 19အဟုတ်မလပ် ငါကား ဗေလဇေဗုလတန်ခိုးယောက် အမဲဘင်းနနူတေဒေ ငါတ်ပူနင်းမှာငှေါဘန်းကား ဟနိမ်ဘင်း တပယ့်တာတ်ရီးဒါး ဟာဟမဲဘင်းတန်ခိုးယောက် အမဲဘင်းနနူတေဒေ ငါတ်ပူနင်းကြီးတေ။ အမှာတွာတ်ဟွန် ဟနိမ်စွပ်စွဲသဘင်းကား မှားသနင်းမှာငှေါဘင်းနာတေ ဟနိမ်တပယ့်တာတ်ကား သက်သေကာဘန်းနင်းမှာ။ 20အန်နိမ်စါန်းငှေါဒီ ငါကား ဘုရားရှာန်ဘင်း ဘုန်းတန်ခိုးတော်ယောက် အမဲဘင်းနနူတေဒေ ငါတ်ပူနင်းဘင်းအတွာတ် ဘုရားရှာန်ဘင်းသာသနာတော်ကား ဟနိမ်ဘေ ထုတ်နင်းဘန်းငှေါဘင်းနာတေ ကာနင်းမှာ” ညယ်မိန့်တော်မူသမှာ။
21စီးမှါခ့်ခါ ကိုယ်တော်ကား ဥပမာစားနူတေ ငှေါကာဟာန်းမှာ။ ကိုယ်တော်ကား “အားတုံန်းဘင်းသမီဆာဟော်ဝါကား လာတ်နာတ်တေဒေငါတ်ပန်း ဟိန်ကျေမ်းတေစောင့်သမှါခ့်ခါ ဟိန်ပိုင်သဘင်းပစ္စည်းတေကား လုံခြုံသနင်းကူ။ 22အန်နိမ်စါန်းငှေါဒီ ဟိန်ထာတ် အားတုံန်းဘင်းဆိတ်ဟော်ဝါကား ဟိန်ဒေတိုက်ခိုက်သဘန်း နားရီမှါခ့်ခါ ဟိန်အားကိုးသထှာဘင်း လာတ်နာတ်တေဒေလာလာန်ဘဲဘန်း လူပဲဘင်းပစ္စည်းတေဒေရီးဒါး သမီတေဒေ မံအီကူ။
23ငါပါဘေ အနင်းဘင်း ဟာဟမဲစါန်းငှေါဒီ ငါတေ ဆန့်ကျင်သဘင်းဆိတ်ထှာမှာ။ ဘုရားရှာန်အတွာတ် သမီဆတာတ်တေ စုသစိန်းဒင် ငါတေ အကူညီသဘင်းဆိတ်ကား အန်ဘင်းသမီဆတာတ်တေ ဘုရားရှာန်ဟက် လမ်းစာပါ ထုတ်စိန်းကွန်းအွန်ဘင်းဆိတ်ထှာမှာ” ညယ်ထှာမှာ။
အမဲဘင်းနနူဒီဟာန်းဘင်း
24ကိုယ်တော်ကား ဆာတ်သဘန်း “အမဲဘင်းနနူကား ဟိန်ဆာန်ပန်းနင်းပင်းဆိတ်ဟက် ပူဘန်း သဲန္တာရပါလာန်ဘန်း နားသဒင်နေရာတေသန်မှာ။ အန်နိမ်စါန်းငှေါဒီ တစ်နေရာဆဲ သန်လားအထှာဟာဘင်းအတွာတ် အန်ဘင်းအမဲဘင်းနနူကား ‘ငါပူရီဘင်းသမီဆာပါ လာန်ဟာန်းမ၌’ ညယ် ငှေါဘန်း လာန်ဟာန်းဘဲမှာ။ 25အမဲဘင်းနနူထုတ်ခါန်းရီမှါခ့်ခါ အစမှာဟိန်ဆာန်ရီဘင်း သမီဆာလာန်ကား သပ်သပ်ရပ်ရပ် ဆောပဲဘင်းကျေမ်းဟူအာနိမ် ငှါနင်းဘင်းတေ ကတုံန်ရာန်မှာ။ 26အန်၌မှါခ့်ခါ အမဲဘင်းနနူကား ဟိန်ထာတ်ဆိုးသဘင်း အမဲဘင်းနနူ စစ်နူတေ လာန်ဘန်းကော်ရီမှာ။ အန်တာတ်အားလုံးကား အန်ဘင်းဆိတ်ပေ ဆာန်ကြီးမှါခ့်ခါ အန်ဘင်းဆိတ်အခြေနေကား နာတ်ခါးထာတ်ပိုဆိုးသလာန်ဘဲမှာ” ညယ် မိန့်သမှာ။
အဟုတ်မလပ်မွန်းထာတ်မဲဘင်း
27ကိုယ်တော်ယေရှုကား အန်နိမ်မိန့်သနင်းမှါခ့်ခါ သမီဆတာတ်နောင်းဟက် အီးရှီဟော်ဝါကား “ကိုယ်တော်ဒေ ပန်အီဘန်း စုတ်ရှီတိုက်သအီရီဘင်းအီးရှီကား အဟုတ်မလပ် ဘုရားရှာန်မန်းအီလားခံသထှာဘင်းဆိတ်ထှာမှာ” ညယ် ဆကလားဝါတ်ဆလာတ်တုံန်းယောက် လျှောက်တာန်သမှာ။
28အန်၌မှါခ့်ခါ ကိုယ်တော်ကား “ချီမှာ။ အန်နိမ်စါန်းငှေါဒီ ဘုရားရှာန်ဘင်းနှုတ်ကပါတ်တော်တေဒေ သက်လူဘန်း လိုက်နာသကြီးဘင်းဆိတ်တာတ်ကား ပိုသော ဘုရားရှာန်မန်းအီလား ခံသထှာဘင်းဆိတ်တေ ထှာကြီးမှာ” ညယ် ပြန်သဘန်း မိန့်တော်မူသမှာ။
ယောနဘင်းနိမိတ်လက္ခဏာ
(ရှာန်မဿဲ ၁၂:၃၈-၄၂)
29သမီဆတာတ်ပိုသောလွောန်နီမှါခ့်ခါ ကိုယ်တော်ကား “အရာတ်ခေတ် သမီဆာတာတ်ကား အကြီးကျယ်အမဲဘင်း သမီဆာတေထှာကြီးမှာ။ ဟမာန်တွာတ်ငှေါဘန်းတာတ်ငှေါ အန်တာတ်ကား ဘုရားရှာန် ငါတေတာတ်နီဘင်း သက်သေအနေယောက် အံ့ဩသထာတ်မဲဘင်း နိမိတ်လက္ခဏာတေ အွန်ကာတင် ငါဘေ စိန်ကြီးဘင်းအတွာတ်ထှာမှာ။ အန်နိမ်စါန်းငှေါ အန်တာတ် ကတုံန်လူကူဘင်း နိမိတ်လက္ခာကား မာအယ်ဘင်း ပရောဖက်ယောနဘေ#11:29 ယောန - ယောနငှေါဘင်းကား မာအယ်မှါခ့်ခါငှါရီဘင်း ပရောဖက်ဟော်ဝါထှာမှာ။ အကြီးကျယ်တုံန်းဘင်း တာန်းငှါတုံန်းကား ဟိန်ဒေ အယွန်းအက်နာန်ဘန်း ဆွန်းရာတ်မှါတ်မှါခ့်ခါ ဘုရားရှာန်ကား အန်ဘင်းတာန်းငှါဒေ ကုန်းစောက်ပေပြန်သဘန်း ယောနဒေ အကျဲဟာန်းစိန်းရီမှာ။ ထှာရီဘင်း အန်နိမ်နိမိတ်လက္ခဏာတေ၌ ကတုံန်ကြီးကလားထှာမှာ။ 30ယောနကား နိနေဝေမြို့ဆားတာတ်အတွာတ် နိမိတ်လက္ခဏာစားနူထှာနိမ် သမီဆာဆားတော်ရီးဒါး အရာတ်ခေတ် သမီဆာတာတ်အတွာတ် နိမိတ်လက္ခဏာထှာကူ။ 31တရားစီရာန်သဘင်းမာန်းရာတ်မှါခ့်ခါ ရှေဘပြေအီးရှီရှာန်းပလာန်#11:31 ရှေဘပြေအီးရှီရှာန်းပလာန် - ရှေဘပြေအီးရှီရှာန်းပလာန်ငှေါဘင်းကား တောင်ပိုင်း အီးရှီရှာန်းပလာန်ထှာမှာ။ အစ္စရေးပြေတောင်ပိုင်းကား ဟိန်တိုင်းပြေထှာမှာ။ ၁ရာ ၁၀:၁-၁၃ ရီးဒါး အရာတ်ခေတ်ပင်း သမီဆတာတ်ယောက်အတူတူ အဆာတ်စားဟာန်းရီဘန်း အရာတ်ခေတ်ပင်းသမီဆတာတ် မှားသနင်းဘင်းနာတေ အပြစ်တာန်သဘန်း စွဲချက်တာန်သကူ။ ဟမာန်တွာတ်ငှေါဘန်းတာတ်ငှေါ ဟိန်ကား ဉာဏ်ပညာတုံန်းဘင်း ရှောလမုန်ရှာန်းပလာန်ဟောသကာ ဆွောန်သကာဘင်းတေဒေ သက်တင်အတွာတ် အကြီးကျယ်လမ်းစာဘင်း တိုင်းပြေဟက်ဒီထှာမှာ။ ဟနိမ်တေ ငါငှေါကာတ်ပင်းကား အရာတ်အန်ဘင်းနေရာဘေ ရှောလမုန်ရှာန်းပလာန်တုံန်းထာတ် ကြီးကျယ်မြင့်မြတ်သဘင်းဆိတ်ဟော်ဝါကား ဟနိမ်ယောက်အတူတူ ငှါနင်းဘန်း။ အန်နိမ်စါန်းငှေါဒီ ဟနိမ်ကား ဟိန်ဟောသကာ ဆွောန်သကာဘင်းတေဒေ အလက်ခံသကြီးရား။ 32တရားစီရာန်သဘင်းမာန်းရာတ်မှါခ့်ခါ နိနေဝေမြို့ဆားတာတ်ရီးဒါး အရာတ်ခေတ်ပင်းသမီဆတာတ်ယောက်အတူတူ အဆာတ်စားဟာန်းရီဘန်း အန်တာတ်တေ အပြစ်စီရာန်သကူ။ ဟမာန်တွာတ်ငှေါဘန်းတာတ်ငှေါ နိနေဝေမြို့ဆားတာတ်ကား ယောနဟောသကာ ဆွောန်သကာဘင်းတေဒေ သက်လူမှါခ့်ခါ အန်တာတ်အပြစ်တေဟက် နောင်တလူကြီးရီဘင်းအတွာတ်ထှာမှာ။ ဟနိမ်တေ ငါငှေါကာတ်ပင်းကား အရာတ် အန်ဘင်းဘေ ယောနထာတ်ပိုသော ကြီးကျယ်မြင့်မြတ်သဘင်းဆိတ်ကား ဟနိမ်ယောက်အတူတူငှါနင်းမှာ။ အန်နိမ်စါန်းငှေါဒီ ဟနိမ်ကား ဟိန်ဟောသကာ ဆွောန်သကာဘင်းတေဒေ သက်ပူကြီးလူဒီဒါး နောင်တအလူကြီးရား” ညယ်မိန့်တော်မူသမှာ။
လာန်ဝါမ်ပလုတ်
(ရှာန်မဿဲ ၅:၁၅၊ ၆:၂၂-၂၃)
33စီးမှါခ့်ခါ ကိုယ်တော်ကား “ဝါမ်သပ်ပဲဘင်း ဝါမ်ပလုတ်တေ ဟာဟမဲဆဲ ကဆွန်းဘန်းအပဲရား၊ ကုန်ဟာန်းဟမုတ်ပေရီးဒါး အအွတ်ပဲရား။ အန်ဘင်းအစား ကျေမ်းနောင်းဘေ ဆာန်ရီဘင်းဆိတ်တာတ် ဝါမ်ယားလူကွန်း ဝါမ်ပလုတ်တေ တိုင်ဘေဝယ်ပဲကြီးဟာမှာ။ 34ဟနိမ်မိတ်တူရှီတေကား ဟနိမ်လာန်ဒေ ယားစိန်းဘင်း ဝါမ်ပလုတ်နိမ်ထှာမှာ။ နာန်မိတ်တူရှီမဲနင်းဘန်းကား နာန်လာန်ရီးဒါး ယားဘန်းနင်းကူ။ အန်နိမ်စါန်းငှေါဒီ နာန်မိတ်တူရှီအမဲဘန်းကား နာန်လာန်ရီးဒါး ထာန်းဘန်းနင်းကူ။ 35အမှာတွာတ် ဟနိမ်ဘေငှါဘင်း ဝါမ်ယားတေ အထာန်းကွန်း ဂရုစိုက်သကြီး။ 36အမှာတွာတ် ဟနိမ်လာန်တစ်ကိုယ်လုံးကား ယားဘင်းနာတေယောက် ဖိန်းနင်းဘန်းကား ဟာဘင်းနေရာစဲ ထာန်းဘန်းအနင်းညယ် ဝါမ်ပလုတ်အရောင်ကား နာန်စောက်ပေ ယားနိမ် နာန်လာန်တစ်ကိုယ်လုံး ယားဘန်းနင်းကူ” ညယ်မိန့်သမှာ။
သမီဆမလဲနိမ်အယောင်ဆောင်သဘင်းဆိတ်တာတ်တေ အပြစ်တာန်သဘင်း
(ရှာန်မဿဲ ၂၃:၁-၃၆။ ရှာန်မာကု ၁၂:၃၈-၄၀)
37အန်နိမ်မိန့်သစီးမှါခ့်ခါ ဖာရိရှဲဟော်ဝါကား ကိုယ်တော်ယေရှုတေ ယုတ်တင်တေယောက် ဧည့်ခံသကူညယ် ဟိန်ကျေမ်းပါ ပါမ်းသမှာ။ အမှာတွာတ် ကိုယ်တော်ကား လာန်ဘန်း စားပွဲဘေထုံးငါန်မှာ။ 38အန်နိမ်စါန်းငှေါဒီ ကိုယ်တော်ယေရှုကား ဂျူးသမီဆာတာတ် ဓလေ့အတိုင်း ယုတ်တင်အူဒင်တေအယုတ်ကြီ အရာန်သဟူးဆင်ဘင်းအအွန်ညယ် ဖာရိရှဲကား ကတုံန်ငါန်မှါခ့်ခါ အံ့ဩသနင်းနာန်မှာ။
39အန်၌မှါခ့်ခါ အရှာန်ကား အန်ဘင်းဆိတ်တေ “ဟနိမ်ဖာရိရှဲတာတ်ကား ကကန်းတေခွာပ်တေနောင်းဘင်း ညစ်ပတ်သနင်းဘင်းနာတေဒေ အဖောညယ် ပြာန်ပါဘင်းနာတေ၌ ဖောဘန်းနင်းကြီးဘင်း ဆိတ်တာတ်ယောက်တူသမှာ။ ဟနိမ်ကား ဟနိမ်သဟူးတေဒေ ဖောဒီဒါး ဟနိမ်အဆေင်နောင်းဘေကား လောဘတေ၊ အမဲဘင်းနာတေယောက် အဟုတ်မလပ်ဖိန်ဘန်းနင်းမှာ။ 40ကန်းဘင်းသမီဆာတာတ်၊ ဘုရားရှာန်ကား ဟနိမ်ပြာန်ဘင်းလာန်တေဆာအချီညယ် နောင်းဘင်း အဆေင်တေရီးဒါး ဖန်ဆင်းသအီပဲမှာအချီနော်။ 41အမှာတွာတ် အမဲဘင်းအဆေင်ယောက် လောဖားတုံန်းဘင်းတေ အဘိုညယ် ဟနိမ်ဘေငှါဘင်းနာတေဒေ ဆာန်းရဲဆားတာတ်နင်း အီကြီး။ အန်နိမ်အွန်ဘန်းကား အဟုတ်မလပ်ဟနိမ်ကား ဘုရားရှာန်မန်းဘေ စလယ်ဘင်းဆိတ်တေထှာကြီးမှာ။
42ဖာရိရှဲတာတ်၊ ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား နာမ်းနား၊ စမုန်စပါးယောက် ဥယျာဉ်ဟက်ပူဘင်း#11:42 နာမ်းနားယောက် စမုန်စပါးတာတ်ကား ကလွုန်အစစ်ပန်း အကြီကျယ်တန်ဖိုးစစ်ပင်း ကလွုန်တေထှာမှာ။ တခြားဘင်းရှရှီသလာပ်တေဒေ ရှစ်နူပုံဘန်း ပုံငှါတေ ဘုရားရှာန်နင်း လှူသကြီးဒီဒါး ဟနိမ်ကား သမီစောက်ပေ တရားနည်းလမ်းတကျ အအွန်ကြီးဘန်းနာ ဘုရားရှာန်ဒေရီး အမစ်ကြီးရား။ ဟနိမ်ကား ဘုရားရှာန်ဒေ ရှစ်နူပုံဘန်း ပုံငှါတေ လှူသဘင်းအပြာန်၊ တခြားဘင်းသမီဆာတေဒေရီးဒါး တရားနည်းလမ်းတကျ အွန်အီကြီးဘန်း ဘုရားရှာန်ဒေရီးဒါး မစ်ကြီးထှာကူ။
43ဖာရိရှဲတာတ်၊ ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား ဓမ္မာရုံဘေရီဒါး#11:43 ဓမ္မာရုံ - ဓမ္မာရုံငှေါဘင်းနာကား ဂျူးသမီဆာတာတ် စုသဘန်း ဆုစိန်တင်၊ ကျမ်းကျိန်းကျယ်တင်၊ အန်တာတ်ယုံကြည်သဘင်းတေဒေ ဆွောန်သကာဒင်ယောက် ဘုရားရှာန်ဒေ ဝိုင်သဒင်အတွာတ် အဆောက်အအုံတုံန်းထှာမှာ။ မဲမှာငှေါဘင်းနေရာဘေ ထုံးကြီးကာတ်မှာ။ ဈေးနောင်းဘေရီး သမီဆာတာတ် မလဲကလဲနှုတ်ဆက်သဘင်းနာတေရီဒါး လာကာတ်ကြီးယုတ်မှာ။
44ဖာရိရှဲတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား သမီဆာနွပ်ပဲဘင်း အမှတ်သားအဘိုဘင်း ကာပလုန်တေယောက် တူသမှာ။ သမီဆာတာတ်ကား အန်ဘင်းစောက်ပေ အမိန်းရှာတ်ခါဘန်း ဒီကြီး လာန်ကြီးမှါခ့်ခါ အန်ဘင်းဆိတ်တာတ်ရီးဒါး အသန့်ရှင်းသညယ်ထှာဟာမှာ”#11:44 ဂျူးသမီဆတာတ်ဓလေ့ဘေကား သမီဆာဟော်ဝါကား အုတ်ဂူစေါက်ပေ ကောင်ဘန်းဖြတ်သလာန်ပတ်ပန်းကား အန်ဘင်းဆိတ်ကား အစလယ်ဘင်းသမီဆာ ထှာရာန်မှာ။ ညယ် မိန့်တော်မူသမှာ။
45အန်၌မှါခ့်ခါ ကျမ်းကျိန်းပေါ့ပင်း အိုးဆကြီးဟော်ဝါကား ကိုယ်တော်ယေရှုတေ “အိုးဆကြီး၊ အန်နိမ်ငှေါဘင်းနာကား အလေတေရီဒါး အပြစ်ငှေါနိမ်ထှာမှာ” ညယ် ပြန်သဘန်းလျှောက်တာန်သမှာ။ 46အန်၌မှါခ့်ခါ ကိုယ်တော်ရီးဒါး “ကျမ်းကျိန်းပေါ့ပင်း အိုးဆကြီးတာတ် ဟနိမ်ရီဒါး ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား သမီဆာတာတ်တေ လိုက်နာသဒင် စည်းမျည်းစည်းကမ်းကလောင်းတုံန်းတေ ပဲကြီးဘင်းနာကား သမီဆတာတ်အဖဲရန်ဘင်း ဒလေ့ပ်တေဒေ ဖဲစိန်းယုတ်ပဲနိမ်ထှာမှာ။ အန်နိမ်စါန်းငှေါဒီ ဟနိမ်ကား အန်ဘင်းဆိတ်တာတ်တေ ကူညီသဒင် သဟူးပိုင်းဆစဲအအွန်ကြီးရား။
47ကျမ်းကျိန်းပေါ့ပင်း အိုးဆကြီးတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟလိန်းပါမှါခ့်ခါ ဟနိမ် အုတ်တာတ် အတော်တာတ် သာန်းရှီးရီဘင်း ပရောဖက်တာတ် ဆာန်းကျိုင်းဂူတေဒေ ကတန်ရှီးရှီးအွန်အီကြီးမှာ။ 48အန်နိမ်အွန်ဘင်းနာကား ဟနိမ်အုတ်တာတ်အတော်တာတ် အွန်နီဘင်းနာတေဒေ သဘောတူသဘင်းတေ ထောက်ခံသဘင်းအတွာတ်ထှာမှာ။ ဟနိမ်အထောက်ခံဒီဘန်းကား ဟနိမ်အုတ်တာတ်အတော်တာတ် သာန်းရှီးရီဘင်း ပရောဖက်တာတ်အတွာတ် အန်နိမ် ဆာန်းကျိုင်းဂူတေဒေ ကတန်ရှီးရှီး အွန်အီကြီးကလားအချီရား။ 49အမှာတေအတွာတ် ဘုရားရှာန်ကား ဉာဏ်ပညာယောက် ‘ပရောဖက်တာတ်ယောက် သာဝကတာတ်တေ ဟနိမ်ပါတာတ်ကူ။ အန်နိမ်စါန်းငှေါဒီ ဟနိမ်ကား အန်ဘင်းဆိတ်တာတ်နောင်းဟက် စယ်ယာတေ သာန်းရှီးဘန်း စယ်ယာတေ နှိပ်စါတ်သကြီးကူ’ ညယ် မိန့်သည်လားထှာမှာ။ 50အမှာတွာတ် အရာတ်ခေတ်ပင်း သမီဆာတာတ်ကား ကမ္ဘာအစမှာဟက် အန်တာတ် အုတ်တာတ်အတော်တာတ် သာန်းရှီးရီဘင်း ပရောဖက်တာတ်ရှီးရီဘင်းအတွာတ် ဘုရားရှာန်အပြစ်အီလားတေ ခံသကြီးထှာကူ။ 51ဟနိမ်တေ ငါချီလားတေငှေါထှာဘန်းကား အရာန်ဦးဆုံး သာန်းရှီးခံဒီထှာဘင်း အာဗေလဟက်စသဘန်း#11:51 အာဗေလ - အာဗေလငှေါဘင်းနာကား ကာဣနဘင်းနှရှီထှာမှာ။ အန်တာတ်ကလိန်းဟူစလုံးကား အာဒံဘင်း ဆာတေထှာကြီးမှာ။ ဟိန်ကား ဓမ္မဟောင်းကျမ်းဘေ အရာန်ဦးဆုံး သာန်းရှီးခံဒီထှာဘင်းဆိတ်ထှာမှာ။ က ၄:၈ ပူဇော်သဘင်းပလာန်ယောက် ဗိမာန်တော်နောင်းကြားဘေ နောက်ဆုံးသာန်းရှီးခံဒီထှာဘင်း ဇာခရိထုတ်ကွန်း#11:51 ဇာခရိ - ဇာခရိငှေါဘင်းနာကား မာအယ်ဘင်းပုရောဟိတ်ဟော်ဝါထှာဘန်း ဘုရားရှာန်နှုတ်ကပါတ်တော်တေဒေ ဟောသဘင်းအတွာတ် သာန်းရှီးခံသထှာလားထှာမှာ။ ဟိန်ကား ဓမ္မဟောင်းကျမ်းဘေ နောက်ဆုံးသာန်းရှီးခံဒီထှာဘင်း ပရောဖက်ထှာမှာ။ ရာဇဝင်ချုပ်ဒုတိယစာစောင် ၂၄:၂၀-၂၂ ဟနိမ်အုတ်တာတ်အတော်တာတ် သာန်းရှီးရီးဘင်းနာတေအတွာတ် ဟနိမ်တေ ဘုရားရှာန် အပြစ်အီကူ။
52ကျမ်းကျိန်းပေါ့ပင်း အိုးဆကြီးတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား ဘုရားရှာန်တေ မိန်းရှာတ်ခါရန်ဘင်း အသိဉာဏ်ပတူးသော့တေ လာပဲကြီးမှာ။ အန်နိမ်စါန်းငှေါဒီ ဟနိမ်ကိုယ်တိုင်ရီးဒါးအဆာန်၊ ဆာန်ကူဘင်းဆိတ်တာတ်တေရီးဒါး တားဆီးသကြီးမှာ” ညယ် မိန့်တော်မူလေသည်။
53စီးမှါခ့်ခါ ကိုယ်တော်ကား အန်ဘင်းအရပ်ဟက် ပူရီမှါခ့်ခါ ကျမ်းကျိန်းပေါ့ပင်း အိုးဆကြီးတာတ်ယောက် ဖာရိရှဲတာတ်ကား ကိုယ်တော်စောက်ပေ အကြီးကျယ်ဒေါသပူဘန်း ကိုယ်တော်ဒေ အကြောင်းအရာ ကလောင်းတုံန်းယောက် ပတ်သက်သဘန်း မေးခွန်းကလောင်းတုံန်းတေ စိန်ယူကြီးမှာ။ 54အန်ဘင်းဆိတ်တာတ် အန်နိမ်စိန်ယူထှာဘင်းကား ကိုယ်တော်ကား အချီဘင်းတူးငှေါရီဘန်းကား အပြစ်တာန်သဒင်အတွာတ် ဒဲဘန်းယူနင်းကြီးမှာ။
Currently Selected:
ရှာန်လုကာ 11: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 11
11
အခန်း (၁၁)
ကိုယ်တော်ယေရှုဆုစိန်ဘင်းနာ
(ရှာန်မဿဲ ၆:၉-၁၃၊ ၇:၇-၁၁)
1ရအာမှါခ့်ခါ ကိုယ်တော်ယေရှုကား တစ်နေရာဘေ ဆုစိန်ဘန်းနင်းမှာ။ ဆုစိန်စီးမှါခ့်ခါ တပယ့်တော်တေနောင်းဟက်ဟော်ဝါကား ကိုယ်တော်ပါဒီဘန်း “ကိုယ်တော်၊ ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်ကား ဟိန်တပယ့်တာတ်တေ ဆုစိန်ဘင်းနည်းတေ ဆွောန်သကာအီနိမ် အလေတေရီးဒါး ဆွောန်သကာအီယုတ်” ညယ် လျှောက်တာန်သမှာ။ 2အန်၌မှါခ့်ခါ ကိုယ်တော်ကား အန်တာတ်တေ “ဟနိမ်ဆုစိန်မှါခ့်ခါ
‘ရွှေမြို့တော်ဘေငှါဘင်း အဝါဘုရားရှာန်၊ အဝါဘုရားရှာန်ဘင်း နာမယ်ကား ရိုသေလေးမြတ်သလားခံသထှာစိန်းကိုင်ယုတ်၊
အဝါဘုရားရှာန်ဘင်းသာသနာတော်ရီးဒါး ပေါ်ထွန်းသစိန်းကိုင်ယုတ်။
3အလေအတွာတ် မာန်းရာတ်ရအာ၌တိုင်း လိုသဘင်း ယုတ်တင်အူဒင်တေဒေ အီယုတ်ဘုရား။
4အလေစောက်ပေ အပြစ်အွန်ဘင်းဆိတ်အကုန်လုံးတေ အလေကား ခွာမ်းလွှတ်သအီနိမ်၊
အလေဘင်းအပြစ်တေဒေရီးဒါး ခွာမ်းလွှတ်သအီယုတ်။
အလေ အပြစ်အွန်ပတ်ကွန်း ဖြားယောင်းသွေးဆောင်သလား ခံသထှာဘင်းနာဟက်ရီးဒါး ကာကွယ်သအီယုတ်’ ညယ် ဆုစိန်ကြီး” ညယ်မိန့်တော်မူသမှာ။
စိန်ကြီး၊ သန်ကြီး၊ ပတူးတေခေါက်သကြီး
5ပန်းနူ ကိုယ်တော်ယေရှုကား ဥပမာစားနူတေ ပြန်သဘန်းငှေါကာဟာန်းမှာ။ ကိုယ်တော်ကား “ဟနိမ်နောင်းဟက် ဟော်ဝါဟော်ဝါကား ပဟာန်းဟော်ဝါကျေမ်းပါ နာတ်ကြယ်ဆာန်းခေါင်လာန်ဘန်း ‘ပဟာန်း၊ 6ငါပဟာန်းဟော်ဝါ ခရီးလာန်နင်းစါတ် ငါပါထုတ်အီဟွန် ဟိန်နင်းနောပ့်တင် ငါဘေကား ဟမာန်ကစဲ အဘိုဘန်းဘင်းအတွာတ် မုန့်ဆွန်းဟုပ် ဟယ်အီယုတ်’ ညယ် ငှေါဘန်းကား 7ကျေမ်းနောင်းဘေငှါဘင်း ဟိန်ပဟာန်းကား ‘ငါတေအနှောက်ယှက်သဆိတ်၊ ပတူးတေဒေရီးဒါး အွတ်စီပဲဆွန်ဘန်း၊ ငါယောက် ငါဆာဆအိတ်တာတ်ရီးဒါး အေ့ပ်နင်းဆွန်ဘန်း။ ငါရဲဘန်း နာန်တေဟမာန်ကစဲ အအီရန်ဘန်း’ ညယ် ပြန်သဘန်းငှေါဟာန်းကူ။ 8ဟနိမ်တေ ငါငှေါကာတ်ပင်းနာကား အန်ဘင်းဆိတ်ကား ဟိန်ပဟာန်းဟော်ဝါထှာမှာငှေါဘန်း ဟာဘင်းနာတေစဲ ရဲဘန်းအီကလားအချီဒီဒါး ဆာတ်သဘန်းစိန်နင်းဘန်းကား ဟိန်ကား ဟိန်သိက္ခာတေထိန်းသဒင်အတွာတ် ရဲဘန်း နာန်လိုသနယ်အီကူ။
9အမှာတွာတ် ဟနိမ်တေ ငါငှေါကာတ်ပင်းနာကား စိန်ကြီး လူကြီးကူ။ သန်ဘန်းကား ကတုံန်ကြီးကူ။ ပတူးခေါက်သပန်းကား ဖွာမ်းသအီကူ။ 10ဟမာန်တွာတ်ငှေါဘန်းတာတ်ငှေါ စိန်ဘင်းဆိတ်တာတ် လူကြီးကူ။ သန်ဘင်းဆိတ်တာတ် ကတုံန်ကြီးကူ။ ပတူးခေါက်သဘင်းဆိတ်တာတ်တေရီးဒါး ပတူးဖွါမ်းသအီကူ။
11ဆာကား တာန်းငှါစိန်မှါခ့်ခါ ဟနိမ်နောင်းဟက် ဟာဘင်းအဝါကား တာန်းငှါအစား ကဖူးတေအီကူတေ။ 12အန်နိမ်အချီ ဟိန်ကား အူတီဒေစိန်ဘန်းကား ကာန်းမီးကောက်တေ အီကလဲ။ ဟာဟမဲစဲအအီရား။ 13အမှာတွာတ် ဟနိမ်ကား ကန်းဘင်းသမီဆာတေ ထှာနင်းဒီဒါး ဟနိမ် ဆာ၊ ဆအိတ်တာတ်နင်း မဲဘင်းတေဒေ၌ဆာ အီထှာကူဘင်းတေ မိန်းရှာတ်ခါဘန်းကား ရွှေမြို့တော်ဘင်း အဝါဘုရားရှာန်ရီးဒါး ဟိန်ဟက် စိန်ဘင်းဟာဟမဲစါန်းငှေါဒီ ပိုသောစဲ ဉာဏ်အလင်းတော်ဒေ အီကူအချီနော်” ညယ် မိန့်တော်မူသမှာ။
ကိုယ်တော်ယေရှုယောက်ဗေလဇေဗုလ
(ရှာန်မဿဲ ၁၂:၂၂-၃၀။ ရှာန်မာကု ၃:၂၀-၂၇)
14မာန်းရာတ်ရအာမှါခ့်ခါ ကိုယ်တော်ယေရှုကား သမီဆာဟော်ဝါတေ တူးအသပေါက်ခါကွန်း အွန်ပဲဘင်း အမဲဘင်းနနူဒေ ငါတ်ပူမှာ။ အမဲဘင်းနနူ ပူလာန်ဘဲမှါခ့်ခါ တူးအသပေါက်ခါဘင်းသမီဆာကား တူးသပေါက်ခါန်းဟာရီဘင်းအတွာတ် သမီဆာတာတ်ကား အံ့ဩသကြီးမှာ။ 15အန်နိမ်စါန်းငှေါဒီ သမီဆာစယ်ယာကား “အဘင်းဆိတ်ကား အမဲဘင်းနနူတာတ် ဟလာန်းစါတ် ဗေလဇေဗုလတန်ခိုးယောက်#11:15 အန်ဘင်းခေတ်မှါခ့်ခါ အာဗြဟံဘင်းဘုရားရှာန်ဒေ အကိုးကွယ်သဘင်းဆိတ်တာတ် ကိုးကွယ်သကြီးဘင်း ဟမန်းတေကလောင်းတုံန်းနောင်းဟက် ဟော်ဝါဘင်းနာမယ်ထှာဘန်း အန်တာတ်ကား အန်ဘင်းနာမယ်တေ မာရ်နတ်တေ ရည်ရွယ်သမှါခ့်ခါရီးဒါး နပ်ကြီးမှာ။ မ ၉:၃၄၊ ၁၀:25 အဘင်းအမဲဘင်းနနူတေဒေ ငါတ်ပူလားထှာမှာ” ညယ် ငှေါကြီးမှာ။ 16တခြားဘင်းသမီဆာတာတ်ရီဒါး ကိုယ်တော်ဒေ စမ်းသပ်သကြီးကာတ်ပင်းအတွာတ် ကိုယ်တော်ဘင်း တန်ခိုးတေကား ဘုရားရှာန်ဟက်ဒီမှာငှေါဘင်းတေ ကာဒင် အံ့ဩသထာတ်မဲဘင်း နိမိတ်လက္ခဏာစားနူတေ အွန်ကာတင် စိန်ကြီးမှာ။
17အန်နိမ်စါန်းငှေါဒီ ကိုယ်တော်ယေရှုကား အန်ဘင်းဆိတ်တာတ် အဆေင်ဒေ မိန်းရှာတ်ခါဘင်းအတွာတ် အန်တာတ်တေ “နိုင်ငံတစ်နိုင်ငံဘေ သမီဆာတာတ် အချန်းချန်း တိုက်ခိုက်သနင်းဘန်းကား အန်ဘင်းနိုင်ငံကား အမှါတ်ကြီ ပြတ်စီးတာန်ကလားထှာမှာ။ အန်နိမ်သဒါး မိသားစုတစ်စုဘေရီး အချန်းချန်း တိုက်ခိုက်သနင်းကြီးဘန်းကား အန်ဘင်းမိသားစုကား ပိုက်ကြီးဆွန်နာန်ကလားထှာမှာ။ 18အန်နိမ် မာရ်နတ်ကား ဟိန်နိုင်ငံဘေငှါဘင်း အမဲဘင်းနနူတာတ်ယောက် အချန်းချန်း တိုက်ခိုက်သနင်းဘန်းကား အန်တာတ်နိုင်ငံကား ပြာတ်စီးတာန်ကူထှာမှာ။ ငါအန်နိမ်ငှေါထှာဘင်းကား ဗေလဇေဗုလကား အမဲဘင်းနနူတာတ်တေ ငါတ်ပူရာန်ဘင်း တန်ခိုးတေ ငါနင်းအီပဲမှာညယ် ဟနိမ် ငှေါဘင်းအတွာတ်ထှာမှာ။ 19အဟုတ်မလပ် ငါကား ဗေလဇေဗုလတန်ခိုးယောက် အမဲဘင်းနနူတေဒေ ငါတ်ပူနင်းမှာငှေါဘန်းကား ဟနိမ်ဘင်း တပယ့်တာတ်ရီးဒါး ဟာဟမဲဘင်းတန်ခိုးယောက် အမဲဘင်းနနူတေဒေ ငါတ်ပူနင်းကြီးတေ။ အမှာတွာတ်ဟွန် ဟနိမ်စွပ်စွဲသဘင်းကား မှားသနင်းမှာငှေါဘင်းနာတေ ဟနိမ်တပယ့်တာတ်ကား သက်သေကာဘန်းနင်းမှာ။ 20အန်နိမ်စါန်းငှေါဒီ ငါကား ဘုရားရှာန်ဘင်း ဘုန်းတန်ခိုးတော်ယောက် အမဲဘင်းနနူတေဒေ ငါတ်ပူနင်းဘင်းအတွာတ် ဘုရားရှာန်ဘင်းသာသနာတော်ကား ဟနိမ်ဘေ ထုတ်နင်းဘန်းငှေါဘင်းနာတေ ကာနင်းမှာ” ညယ်မိန့်တော်မူသမှာ။
21စီးမှါခ့်ခါ ကိုယ်တော်ကား ဥပမာစားနူတေ ငှေါကာဟာန်းမှာ။ ကိုယ်တော်ကား “အားတုံန်းဘင်းသမီဆာဟော်ဝါကား လာတ်နာတ်တေဒေငါတ်ပန်း ဟိန်ကျေမ်းတေစောင့်သမှါခ့်ခါ ဟိန်ပိုင်သဘင်းပစ္စည်းတေကား လုံခြုံသနင်းကူ။ 22အန်နိမ်စါန်းငှေါဒီ ဟိန်ထာတ် အားတုံန်းဘင်းဆိတ်ဟော်ဝါကား ဟိန်ဒေတိုက်ခိုက်သဘန်း နားရီမှါခ့်ခါ ဟိန်အားကိုးသထှာဘင်း လာတ်နာတ်တေဒေလာလာန်ဘဲဘန်း လူပဲဘင်းပစ္စည်းတေဒေရီးဒါး သမီတေဒေ မံအီကူ။
23ငါပါဘေ အနင်းဘင်း ဟာဟမဲစါန်းငှေါဒီ ငါတေ ဆန့်ကျင်သဘင်းဆိတ်ထှာမှာ။ ဘုရားရှာန်အတွာတ် သမီဆတာတ်တေ စုသစိန်းဒင် ငါတေ အကူညီသဘင်းဆိတ်ကား အန်ဘင်းသမီဆတာတ်တေ ဘုရားရှာန်ဟက် လမ်းစာပါ ထုတ်စိန်းကွန်းအွန်ဘင်းဆိတ်ထှာမှာ” ညယ်ထှာမှာ။
အမဲဘင်းနနူဒီဟာန်းဘင်း
24ကိုယ်တော်ကား ဆာတ်သဘန်း “အမဲဘင်းနနူကား ဟိန်ဆာန်ပန်းနင်းပင်းဆိတ်ဟက် ပူဘန်း သဲန္တာရပါလာန်ဘန်း နားသဒင်နေရာတေသန်မှာ။ အန်နိမ်စါန်းငှေါဒီ တစ်နေရာဆဲ သန်လားအထှာဟာဘင်းအတွာတ် အန်ဘင်းအမဲဘင်းနနူကား ‘ငါပူရီဘင်းသမီဆာပါ လာန်ဟာန်းမ၌’ ညယ် ငှေါဘန်း လာန်ဟာန်းဘဲမှာ။ 25အမဲဘင်းနနူထုတ်ခါန်းရီမှါခ့်ခါ အစမှာဟိန်ဆာန်ရီဘင်း သမီဆာလာန်ကား သပ်သပ်ရပ်ရပ် ဆောပဲဘင်းကျေမ်းဟူအာနိမ် ငှါနင်းဘင်းတေ ကတုံန်ရာန်မှာ။ 26အန်၌မှါခ့်ခါ အမဲဘင်းနနူကား ဟိန်ထာတ်ဆိုးသဘင်း အမဲဘင်းနနူ စစ်နူတေ လာန်ဘန်းကော်ရီမှာ။ အန်တာတ်အားလုံးကား အန်ဘင်းဆိတ်ပေ ဆာန်ကြီးမှါခ့်ခါ အန်ဘင်းဆိတ်အခြေနေကား နာတ်ခါးထာတ်ပိုဆိုးသလာန်ဘဲမှာ” ညယ် မိန့်သမှာ။
အဟုတ်မလပ်မွန်းထာတ်မဲဘင်း
27ကိုယ်တော်ယေရှုကား အန်နိမ်မိန့်သနင်းမှါခ့်ခါ သမီဆတာတ်နောင်းဟက် အီးရှီဟော်ဝါကား “ကိုယ်တော်ဒေ ပန်အီဘန်း စုတ်ရှီတိုက်သအီရီဘင်းအီးရှီကား အဟုတ်မလပ် ဘုရားရှာန်မန်းအီလားခံသထှာဘင်းဆိတ်ထှာမှာ” ညယ် ဆကလားဝါတ်ဆလာတ်တုံန်းယောက် လျှောက်တာန်သမှာ။
28အန်၌မှါခ့်ခါ ကိုယ်တော်ကား “ချီမှာ။ အန်နိမ်စါန်းငှေါဒီ ဘုရားရှာန်ဘင်းနှုတ်ကပါတ်တော်တေဒေ သက်လူဘန်း လိုက်နာသကြီးဘင်းဆိတ်တာတ်ကား ပိုသော ဘုရားရှာန်မန်းအီလား ခံသထှာဘင်းဆိတ်တေ ထှာကြီးမှာ” ညယ် ပြန်သဘန်း မိန့်တော်မူသမှာ။
ယောနဘင်းနိမိတ်လက္ခဏာ
(ရှာန်မဿဲ ၁၂:၃၈-၄၂)
29သမီဆတာတ်ပိုသောလွောန်နီမှါခ့်ခါ ကိုယ်တော်ကား “အရာတ်ခေတ် သမီဆာတာတ်ကား အကြီးကျယ်အမဲဘင်း သမီဆာတေထှာကြီးမှာ။ ဟမာန်တွာတ်ငှေါဘန်းတာတ်ငှေါ အန်တာတ်ကား ဘုရားရှာန် ငါတေတာတ်နီဘင်း သက်သေအနေယောက် အံ့ဩသထာတ်မဲဘင်း နိမိတ်လက္ခဏာတေ အွန်ကာတင် ငါဘေ စိန်ကြီးဘင်းအတွာတ်ထှာမှာ။ အန်နိမ်စါန်းငှေါ အန်တာတ် ကတုံန်လူကူဘင်း နိမိတ်လက္ခာကား မာအယ်ဘင်း ပရောဖက်ယောနဘေ#11:29 ယောန - ယောနငှေါဘင်းကား မာအယ်မှါခ့်ခါငှါရီဘင်း ပရောဖက်ဟော်ဝါထှာမှာ။ အကြီးကျယ်တုံန်းဘင်း တာန်းငှါတုံန်းကား ဟိန်ဒေ အယွန်းအက်နာန်ဘန်း ဆွန်းရာတ်မှါတ်မှါခ့်ခါ ဘုရားရှာန်ကား အန်ဘင်းတာန်းငှါဒေ ကုန်းစောက်ပေပြန်သဘန်း ယောနဒေ အကျဲဟာန်းစိန်းရီမှာ။ ထှာရီဘင်း အန်နိမ်နိမိတ်လက္ခဏာတေ၌ ကတုံန်ကြီးကလားထှာမှာ။ 30ယောနကား နိနေဝေမြို့ဆားတာတ်အတွာတ် နိမိတ်လက္ခဏာစားနူထှာနိမ် သမီဆာဆားတော်ရီးဒါး အရာတ်ခေတ် သမီဆာတာတ်အတွာတ် နိမိတ်လက္ခဏာထှာကူ။ 31တရားစီရာန်သဘင်းမာန်းရာတ်မှါခ့်ခါ ရှေဘပြေအီးရှီရှာန်းပလာန်#11:31 ရှေဘပြေအီးရှီရှာန်းပလာန် - ရှေဘပြေအီးရှီရှာန်းပလာန်ငှေါဘင်းကား တောင်ပိုင်း အီးရှီရှာန်းပလာန်ထှာမှာ။ အစ္စရေးပြေတောင်ပိုင်းကား ဟိန်တိုင်းပြေထှာမှာ။ ၁ရာ ၁၀:၁-၁၃ ရီးဒါး အရာတ်ခေတ်ပင်း သမီဆတာတ်ယောက်အတူတူ အဆာတ်စားဟာန်းရီဘန်း အရာတ်ခေတ်ပင်းသမီဆတာတ် မှားသနင်းဘင်းနာတေ အပြစ်တာန်သဘန်း စွဲချက်တာန်သကူ။ ဟမာန်တွာတ်ငှေါဘန်းတာတ်ငှေါ ဟိန်ကား ဉာဏ်ပညာတုံန်းဘင်း ရှောလမုန်ရှာန်းပလာန်ဟောသကာ ဆွောန်သကာဘင်းတေဒေ သက်တင်အတွာတ် အကြီးကျယ်လမ်းစာဘင်း တိုင်းပြေဟက်ဒီထှာမှာ။ ဟနိမ်တေ ငါငှေါကာတ်ပင်းကား အရာတ်အန်ဘင်းနေရာဘေ ရှောလမုန်ရှာန်းပလာန်တုံန်းထာတ် ကြီးကျယ်မြင့်မြတ်သဘင်းဆိတ်ဟော်ဝါကား ဟနိမ်ယောက်အတူတူ ငှါနင်းဘန်း။ အန်နိမ်စါန်းငှေါဒီ ဟနိမ်ကား ဟိန်ဟောသကာ ဆွောန်သကာဘင်းတေဒေ အလက်ခံသကြီးရား။ 32တရားစီရာန်သဘင်းမာန်းရာတ်မှါခ့်ခါ နိနေဝေမြို့ဆားတာတ်ရီးဒါး အရာတ်ခေတ်ပင်းသမီဆတာတ်ယောက်အတူတူ အဆာတ်စားဟာန်းရီဘန်း အန်တာတ်တေ အပြစ်စီရာန်သကူ။ ဟမာန်တွာတ်ငှေါဘန်းတာတ်ငှေါ နိနေဝေမြို့ဆားတာတ်ကား ယောနဟောသကာ ဆွောန်သကာဘင်းတေဒေ သက်လူမှါခ့်ခါ အန်တာတ်အပြစ်တေဟက် နောင်တလူကြီးရီဘင်းအတွာတ်ထှာမှာ။ ဟနိမ်တေ ငါငှေါကာတ်ပင်းကား အရာတ် အန်ဘင်းဘေ ယောနထာတ်ပိုသော ကြီးကျယ်မြင့်မြတ်သဘင်းဆိတ်ကား ဟနိမ်ယောက်အတူတူငှါနင်းမှာ။ အန်နိမ်စါန်းငှေါဒီ ဟနိမ်ကား ဟိန်ဟောသကာ ဆွောန်သကာဘင်းတေဒေ သက်ပူကြီးလူဒီဒါး နောင်တအလူကြီးရား” ညယ်မိန့်တော်မူသမှာ။
လာန်ဝါမ်ပလုတ်
(ရှာန်မဿဲ ၅:၁၅၊ ၆:၂၂-၂၃)
33စီးမှါခ့်ခါ ကိုယ်တော်ကား “ဝါမ်သပ်ပဲဘင်း ဝါမ်ပလုတ်တေ ဟာဟမဲဆဲ ကဆွန်းဘန်းအပဲရား၊ ကုန်ဟာန်းဟမုတ်ပေရီးဒါး အအွတ်ပဲရား။ အန်ဘင်းအစား ကျေမ်းနောင်းဘေ ဆာန်ရီဘင်းဆိတ်တာတ် ဝါမ်ယားလူကွန်း ဝါမ်ပလုတ်တေ တိုင်ဘေဝယ်ပဲကြီးဟာမှာ။ 34ဟနိမ်မိတ်တူရှီတေကား ဟနိမ်လာန်ဒေ ယားစိန်းဘင်း ဝါမ်ပလုတ်နိမ်ထှာမှာ။ နာန်မိတ်တူရှီမဲနင်းဘန်းကား နာန်လာန်ရီးဒါး ယားဘန်းနင်းကူ။ အန်နိမ်စါန်းငှေါဒီ နာန်မိတ်တူရှီအမဲဘန်းကား နာန်လာန်ရီးဒါး ထာန်းဘန်းနင်းကူ။ 35အမှာတွာတ် ဟနိမ်ဘေငှါဘင်း ဝါမ်ယားတေ အထာန်းကွန်း ဂရုစိုက်သကြီး။ 36အမှာတွာတ် ဟနိမ်လာန်တစ်ကိုယ်လုံးကား ယားဘင်းနာတေယောက် ဖိန်းနင်းဘန်းကား ဟာဘင်းနေရာစဲ ထာန်းဘန်းအနင်းညယ် ဝါမ်ပလုတ်အရောင်ကား နာန်စောက်ပေ ယားနိမ် နာန်လာန်တစ်ကိုယ်လုံး ယားဘန်းနင်းကူ” ညယ်မိန့်သမှာ။
သမီဆမလဲနိမ်အယောင်ဆောင်သဘင်းဆိတ်တာတ်တေ အပြစ်တာန်သဘင်း
(ရှာန်မဿဲ ၂၃:၁-၃၆။ ရှာန်မာကု ၁၂:၃၈-၄၀)
37အန်နိမ်မိန့်သစီးမှါခ့်ခါ ဖာရိရှဲဟော်ဝါကား ကိုယ်တော်ယေရှုတေ ယုတ်တင်တေယောက် ဧည့်ခံသကူညယ် ဟိန်ကျေမ်းပါ ပါမ်းသမှာ။ အမှာတွာတ် ကိုယ်တော်ကား လာန်ဘန်း စားပွဲဘေထုံးငါန်မှာ။ 38အန်နိမ်စါန်းငှေါဒီ ကိုယ်တော်ယေရှုကား ဂျူးသမီဆာတာတ် ဓလေ့အတိုင်း ယုတ်တင်အူဒင်တေအယုတ်ကြီ အရာန်သဟူးဆင်ဘင်းအအွန်ညယ် ဖာရိရှဲကား ကတုံန်ငါန်မှါခ့်ခါ အံ့ဩသနင်းနာန်မှာ။
39အန်၌မှါခ့်ခါ အရှာန်ကား အန်ဘင်းဆိတ်တေ “ဟနိမ်ဖာရိရှဲတာတ်ကား ကကန်းတေခွာပ်တေနောင်းဘင်း ညစ်ပတ်သနင်းဘင်းနာတေဒေ အဖောညယ် ပြာန်ပါဘင်းနာတေ၌ ဖောဘန်းနင်းကြီးဘင်း ဆိတ်တာတ်ယောက်တူသမှာ။ ဟနိမ်ကား ဟနိမ်သဟူးတေဒေ ဖောဒီဒါး ဟနိမ်အဆေင်နောင်းဘေကား လောဘတေ၊ အမဲဘင်းနာတေယောက် အဟုတ်မလပ်ဖိန်ဘန်းနင်းမှာ။ 40ကန်းဘင်းသမီဆာတာတ်၊ ဘုရားရှာန်ကား ဟနိမ်ပြာန်ဘင်းလာန်တေဆာအချီညယ် နောင်းဘင်း အဆေင်တေရီးဒါး ဖန်ဆင်းသအီပဲမှာအချီနော်။ 41အမှာတွာတ် အမဲဘင်းအဆေင်ယောက် လောဖားတုံန်းဘင်းတေ အဘိုညယ် ဟနိမ်ဘေငှါဘင်းနာတေဒေ ဆာန်းရဲဆားတာတ်နင်း အီကြီး။ အန်နိမ်အွန်ဘန်းကား အဟုတ်မလပ်ဟနိမ်ကား ဘုရားရှာန်မန်းဘေ စလယ်ဘင်းဆိတ်တေထှာကြီးမှာ။
42ဖာရိရှဲတာတ်၊ ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား နာမ်းနား၊ စမုန်စပါးယောက် ဥယျာဉ်ဟက်ပူဘင်း#11:42 နာမ်းနားယောက် စမုန်စပါးတာတ်ကား ကလွုန်အစစ်ပန်း အကြီကျယ်တန်ဖိုးစစ်ပင်း ကလွုန်တေထှာမှာ။ တခြားဘင်းရှရှီသလာပ်တေဒေ ရှစ်နူပုံဘန်း ပုံငှါတေ ဘုရားရှာန်နင်း လှူသကြီးဒီဒါး ဟနိမ်ကား သမီစောက်ပေ တရားနည်းလမ်းတကျ အအွန်ကြီးဘန်းနာ ဘုရားရှာန်ဒေရီး အမစ်ကြီးရား။ ဟနိမ်ကား ဘုရားရှာန်ဒေ ရှစ်နူပုံဘန်း ပုံငှါတေ လှူသဘင်းအပြာန်၊ တခြားဘင်းသမီဆာတေဒေရီးဒါး တရားနည်းလမ်းတကျ အွန်အီကြီးဘန်း ဘုရားရှာန်ဒေရီးဒါး မစ်ကြီးထှာကူ။
43ဖာရိရှဲတာတ်၊ ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား ဓမ္မာရုံဘေရီဒါး#11:43 ဓမ္မာရုံ - ဓမ္မာရုံငှေါဘင်းနာကား ဂျူးသမီဆာတာတ် စုသဘန်း ဆုစိန်တင်၊ ကျမ်းကျိန်းကျယ်တင်၊ အန်တာတ်ယုံကြည်သဘင်းတေဒေ ဆွောန်သကာဒင်ယောက် ဘုရားရှာန်ဒေ ဝိုင်သဒင်အတွာတ် အဆောက်အအုံတုံန်းထှာမှာ။ မဲမှာငှေါဘင်းနေရာဘေ ထုံးကြီးကာတ်မှာ။ ဈေးနောင်းဘေရီး သမီဆာတာတ် မလဲကလဲနှုတ်ဆက်သဘင်းနာတေရီဒါး လာကာတ်ကြီးယုတ်မှာ။
44ဖာရိရှဲတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား သမီဆာနွပ်ပဲဘင်း အမှတ်သားအဘိုဘင်း ကာပလုန်တေယောက် တူသမှာ။ သမီဆာတာတ်ကား အန်ဘင်းစောက်ပေ အမိန်းရှာတ်ခါဘန်း ဒီကြီး လာန်ကြီးမှါခ့်ခါ အန်ဘင်းဆိတ်တာတ်ရီးဒါး အသန့်ရှင်းသညယ်ထှာဟာမှာ”#11:44 ဂျူးသမီဆတာတ်ဓလေ့ဘေကား သမီဆာဟော်ဝါကား အုတ်ဂူစေါက်ပေ ကောင်ဘန်းဖြတ်သလာန်ပတ်ပန်းကား အန်ဘင်းဆိတ်ကား အစလယ်ဘင်းသမီဆာ ထှာရာန်မှာ။ ညယ် မိန့်တော်မူသမှာ။
45အန်၌မှါခ့်ခါ ကျမ်းကျိန်းပေါ့ပင်း အိုးဆကြီးဟော်ဝါကား ကိုယ်တော်ယေရှုတေ “အိုးဆကြီး၊ အန်နိမ်ငှေါဘင်းနာကား အလေတေရီဒါး အပြစ်ငှေါနိမ်ထှာမှာ” ညယ် ပြန်သဘန်းလျှောက်တာန်သမှာ။ 46အန်၌မှါခ့်ခါ ကိုယ်တော်ရီးဒါး “ကျမ်းကျိန်းပေါ့ပင်း အိုးဆကြီးတာတ် ဟနိမ်ရီဒါး ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား သမီဆာတာတ်တေ လိုက်နာသဒင် စည်းမျည်းစည်းကမ်းကလောင်းတုံန်းတေ ပဲကြီးဘင်းနာကား သမီဆတာတ်အဖဲရန်ဘင်း ဒလေ့ပ်တေဒေ ဖဲစိန်းယုတ်ပဲနိမ်ထှာမှာ။ အန်နိမ်စါန်းငှေါဒီ ဟနိမ်ကား အန်ဘင်းဆိတ်တာတ်တေ ကူညီသဒင် သဟူးပိုင်းဆစဲအအွန်ကြီးရား။
47ကျမ်းကျိန်းပေါ့ပင်း အိုးဆကြီးတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟလိန်းပါမှါခ့်ခါ ဟနိမ် အုတ်တာတ် အတော်တာတ် သာန်းရှီးရီဘင်း ပရောဖက်တာတ် ဆာန်းကျိုင်းဂူတေဒေ ကတန်ရှီးရှီးအွန်အီကြီးမှာ။ 48အန်နိမ်အွန်ဘင်းနာကား ဟနိမ်အုတ်တာတ်အတော်တာတ် အွန်နီဘင်းနာတေဒေ သဘောတူသဘင်းတေ ထောက်ခံသဘင်းအတွာတ်ထှာမှာ။ ဟနိမ်အထောက်ခံဒီဘန်းကား ဟနိမ်အုတ်တာတ်အတော်တာတ် သာန်းရှီးရီဘင်း ပရောဖက်တာတ်အတွာတ် အန်နိမ် ဆာန်းကျိုင်းဂူတေဒေ ကတန်ရှီးရှီး အွန်အီကြီးကလားအချီရား။ 49အမှာတေအတွာတ် ဘုရားရှာန်ကား ဉာဏ်ပညာယောက် ‘ပရောဖက်တာတ်ယောက် သာဝကတာတ်တေ ဟနိမ်ပါတာတ်ကူ။ အန်နိမ်စါန်းငှေါဒီ ဟနိမ်ကား အန်ဘင်းဆိတ်တာတ်နောင်းဟက် စယ်ယာတေ သာန်းရှီးဘန်း စယ်ယာတေ နှိပ်စါတ်သကြီးကူ’ ညယ် မိန့်သည်လားထှာမှာ။ 50အမှာတွာတ် အရာတ်ခေတ်ပင်း သမီဆာတာတ်ကား ကမ္ဘာအစမှာဟက် အန်တာတ် အုတ်တာတ်အတော်တာတ် သာန်းရှီးရီဘင်း ပရောဖက်တာတ်ရှီးရီဘင်းအတွာတ် ဘုရားရှာန်အပြစ်အီလားတေ ခံသကြီးထှာကူ။ 51ဟနိမ်တေ ငါချီလားတေငှေါထှာဘန်းကား အရာန်ဦးဆုံး သာန်းရှီးခံဒီထှာဘင်း အာဗေလဟက်စသဘန်း#11:51 အာဗေလ - အာဗေလငှေါဘင်းနာကား ကာဣနဘင်းနှရှီထှာမှာ။ အန်တာတ်ကလိန်းဟူစလုံးကား အာဒံဘင်း ဆာတေထှာကြီးမှာ။ ဟိန်ကား ဓမ္မဟောင်းကျမ်းဘေ အရာန်ဦးဆုံး သာန်းရှီးခံဒီထှာဘင်းဆိတ်ထှာမှာ။ က ၄:၈ ပူဇော်သဘင်းပလာန်ယောက် ဗိမာန်တော်နောင်းကြားဘေ နောက်ဆုံးသာန်းရှီးခံဒီထှာဘင်း ဇာခရိထုတ်ကွန်း#11:51 ဇာခရိ - ဇာခရိငှေါဘင်းနာကား မာအယ်ဘင်းပုရောဟိတ်ဟော်ဝါထှာဘန်း ဘုရားရှာန်နှုတ်ကပါတ်တော်တေဒေ ဟောသဘင်းအတွာတ် သာန်းရှီးခံသထှာလားထှာမှာ။ ဟိန်ကား ဓမ္မဟောင်းကျမ်းဘေ နောက်ဆုံးသာန်းရှီးခံဒီထှာဘင်း ပရောဖက်ထှာမှာ။ ရာဇဝင်ချုပ်ဒုတိယစာစောင် ၂၄:၂၀-၂၂ ဟနိမ်အုတ်တာတ်အတော်တာတ် သာန်းရှီးရီးဘင်းနာတေအတွာတ် ဟနိမ်တေ ဘုရားရှာန် အပြစ်အီကူ။
52ကျမ်းကျိန်းပေါ့ပင်း အိုးဆကြီးတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်ကား ဘုရားရှာန်တေ မိန်းရှာတ်ခါရန်ဘင်း အသိဉာဏ်ပတူးသော့တေ လာပဲကြီးမှာ။ အန်နိမ်စါန်းငှေါဒီ ဟနိမ်ကိုယ်တိုင်ရီးဒါးအဆာန်၊ ဆာန်ကူဘင်းဆိတ်တာတ်တေရီးဒါး တားဆီးသကြီးမှာ” ညယ် မိန့်တော်မူလေသည်။
53စီးမှါခ့်ခါ ကိုယ်တော်ကား အန်ဘင်းအရပ်ဟက် ပူရီမှါခ့်ခါ ကျမ်းကျိန်းပေါ့ပင်း အိုးဆကြီးတာတ်ယောက် ဖာရိရှဲတာတ်ကား ကိုယ်တော်စောက်ပေ အကြီးကျယ်ဒေါသပူဘန်း ကိုယ်တော်ဒေ အကြောင်းအရာ ကလောင်းတုံန်းယောက် ပတ်သက်သဘန်း မေးခွန်းကလောင်းတုံန်းတေ စိန်ယူကြီးမှာ။ 54အန်ဘင်းဆိတ်တာတ် အန်နိမ်စိန်ယူထှာဘင်းကား ကိုယ်တော်ကား အချီဘင်းတူးငှေါရီဘန်းကား အပြစ်တာန်သဒင်အတွာတ် ဒဲဘန်းယူနင်းကြီးမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.