ရှာန်လုကာ 10
10
အခန်း (၁၀)
တပယ့်တော်ခုနှစ်ဆယ်ဦးတေတာတ်ပင်း
1စီးမှါခ့်ခါ ကိုယ်တော်ယေရှုကား တခြားတပယ့်တော် ခုနှစ်ဆယ်#10:1 ခုနှစ်ဆယ် - စယ်ယာဘင်းကျမ်းဘေကား ခုနှစ်ဆယ်နှစ်ဦးညယ်ငှေါကြီးမှာ။ တေမယ်ဘန်း ကလိန်းဟူး တစ်တွဲစီအွန်ဘန်း ဟိန်လာန်ကူဘင်းမြို့တေ၊ ထိန်တေပါ ကြိုတာန်သဘန်း တာတ်နာန်မှာ။ 2ကိုယ်တော်ကား အန်တာတ်တေ အတာတ်ကျီ “သမီဆာကလောင်းတုံန်းတာတ်ကား ငါတေယုံကြည်သဒင် အဆင်သင့်ထှာနင်းကြီးဒီဒါး အန်တာတ်တေ မဲဘင်းဆတာန်းငှေါကူဘင်းဆိတ်ကား စစ်ဆာ၌ငှါမှာ။ အန်တာတ်ကား ယပ်လားလူနင်းဘင်း လပါးကွာမ်းတုံန်းယောက် တူသဘန်း အန်ဘင်းဒေ ယပ်ကူဘင်းသမီဆာတေကား အကွန်းနား။ အမှာတွာတ် ဘုရားရှာန်တေ ဟိန်ဘင်းလပါးကွာမ်းဘေ ယပ်ကူဘင်းဆိတ်ကလောင်းတုံန်းတေ ပိုသောတာတ်အီဒင်အတွာတ် ဆုစိန်ကြီး။ 3အရာတ်လာန်ကြီး။ အန်နိမ်စါန်းငှေါဒီ သက်ကြီး။ ဟနိမ်တေ ငါတာတ်စီးမှါခ့်ခါ ဟနိမ်ကား အန္တရာယ်ငှါဘင်း ဝံပုလွေအုပ်နောင်းဘေငှါဘင်း သိုးနနူရှာတေနိမ် အန္တရာယ်တေဒေ ကြုံသကြီးထှာကူ။ 4ဖူးရှီထောင်း အန်နိမ်အချီ ထောင်းပိုးကြီးယောက် ဟက်တင်းအပိုတေဒေရီး အလာကြီးရာန်ဆာ။ လမ်းဘေရီးဒါး သမီဆတာတ်ယောက် တူးသပေါက်ပန်း စပ်ပန်းအချိန်အဖြုန်းသကြီးဆာ။
5ဟနိမ် ကျေမ်းကျေမ်းနာဘေ ဆာန်မှါခ့်ခါ ‘အဘင်းကျေမ်းကား အေးချမ်းသဘင်း ငှါစိန်းကိုင်ယုတ်’ ညယ် အရာန်ဆုစိန်အီကြီး။ 6အန်ဘင်းကျေမ်းဘေငှါဘင်း သမီဆာတာတ်ကား ငြိမ်းချမ်းသဘင်းတေ လာကာတ်ပန်းကား ဟနိမ်ဆုစိန်အီဘင်း ငြိမ်းချမ်းသဘင်းတေ အန်တာတ်လူကြီးကူ။ အန်နိမ်စါန်းငှေါဒီ အန်တာတ်အလာကာတ်ပန်းကား ဟနိမ်ဆုစိန်အီဘင်း အေးချမ်သဘင်းနာတေ အန်တာတ်လူကြီးကလား အချီးရား။ 7ကျေမ်းကျေမ်းမှာဟက် အနားကျေမ်းမှာပါ အပြောင်းသကြီးဆာ။ ကျေမ်းမာ၌နင်းဘန်း အန်ဘင်းကျေမ်းဆိတ်နော့ပ်ပင်းနာတေ ယုတ်ကြီး။ ဟမာန်တွာတ်ငှေါဘန်းတာတ်ငှေါ အလုပ်အွန်ဘင်းဆိတ်ဟော်ဝါကား ဟိန်အွန်ဘင်းအားခတေ လူထိုက်သဘင်းအတွာတ်ထှာမှာ။
8ဟနိမ်ကား မြို့တစ်မြို့ဘေ ဆာန်မှါခ့်ခါ အန်ဘင်းမြို့ဟက် သမီဆတာတ်ကား ဟနိမ်တေ ကြိုဆိုသဘန်းကား အန်တာတ်နောပ့်လားတေ ယုတ်ကြီး။ 9အန်ဘင်းမြို့ဘေငှါဘင်း ကနာနင်းဘင်းဆိတ်တာတ်တေ မဲကွန်းကုသအီဘန်း ‘ဘုရားရှာန်ဘင်းသာသနာတော် ဟနိမ်ပါထုတ်အီကူဘင်းအချိန်ကား ထံပိန်’ ညယ် အန်တာတ်တေငှေါကြီး။ 10အန်နိမ်စါန်းငှေါဒီ မြို့တစ်မြို့ဘေဆာန်မှါခ့်ခါ အန်မြို့ဟက်သမီဆာတာတ်ကား ဟနိမ်တေ အကြိုဆိုသဘန်းကား လမ်းစောက်ပေတေပူဘန်း 11‘ဘုရားရှာန်ကား ဟနိမ်တေ စီရာန်သကူဘင်းတေ ဆတီးအီဘင်းအနေယောက် အလေတာဘေ ကပ်နင်းဘင်း ဟနိမ်မြို့ဘင်းကာမှုန့်တေဒေ နွန်အက်ပဘဲကူ’ ညယ်ငှေါဘန်း ‘ဘုရားရှာန်ဘင်းသာသနာတော် ဟနိမ်ပါ ထုတ်အီကူဘင်းအချိန်ကား ထံပိန်ငှေါဘင်းနာတေ ဆတီးလူကြီး’ ညယ်ငှေါကြီး။ 12ဟနိမ်တေ ငါငှေါကူဘင်းကား တရားစီရာန်သမား မာန်းရာတ်ထုတ်မှါခ့်ခါ အန်ဘင်းမြို့ဘင်း သမီဆာတာတ်ကား သောဒုံမြို့ဘင်း#10:12 သောဒုံ - သောဒုံမြို့ယောက် ဂေါမောရမြို့ဘင်းသမီဆာတာတ်ကား အကြီးကျယ်ဆိုးသဘင်းအပြစ်တေဒေ အွန်နီဘင်းအတွာတ် ဘုရားရှာန်ဖြတ်ဆီးဒီဘင်း မြို့ကလိန်းမြို့ထှာမှာ။ က ၁၉:၁-၂၈ သမီဆာတေထာတ် ပိုသောဆိုးသဘင်း အပြစ်စီရာန်သလားတေ ခံသထှာကူ” ညယ် မိန့်တော်မူသမှာ။
နောင်တအလူဘင်းမြို့တေ
(ရှာန်မဿဲ ၁၁:၂၀-၂၄)
13ပန်းနူ ကိုယ်တော်ကား “ခေါရာဇိန်မြို့ယောက် ဗက်ဇဲဒမြို့ဘင်း သမီဆာတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်မြို့ဘေ ငါအွန်နီဘင်း အံ့ဩသထာတ်မဲဘင်းနာတေဒေ ဂျူးသမီဆာအချီဘင်းဆိတ်တာတ် မြို့ထှာဘင်း တုရုယောက် ဇိဒုန်မြို့ဘေ ငါ အွန်နီဘန်းကား အန်ဘင်းမြို့ဘင်း သမီဆတာတ်ကား နောင်တလူကြီးကူထှာဘန်း အန်တာတ်ပင်း အမဲဘင်းအပြစ်တေအတွာတ် အဆေင်အမဲထှာဘင်းတေ ကာဒင် လျှော်ကြမ်းဆာန်ဆုန်တေဒေ တော်ဘန်း#10:13 လျှော်ကြမ်းဆာန်ဆုန် - အန်ဘင်းခေတ်ပင်းသမီဆတာတ်ကား အန်တာတ်အပြစ်တေအတွာတ် နောင်တလူဘင်း အန်နိမ်အချီ အဆေင်အမဲဘင်းတေ ကာဘင်းအနေယောက် ဆလော်ဘန်း အဆင်အပြေသဘင်းဆာန်ဆုန်တေဒေ တော်ဘန်း အန်တာတ်ဟလာန်း၊ ယပါးစောက်ပေတေ ကပွတ်တေလုပ်ပန်း ထုံးထှာဘင်းဓလေ့စားနူထှာမှာ။ ကပွပ်စောက်ပေထုံးကြီးကူထှာမှာ။ 14အမှာတွာတ် တရားစီရာန်သဘင်း မာန်းရာတ်မှါခ့်ခါ ဘုရားရှာန်ကား ဟနိမ်တေ တုရုယောက် ဇိဒုန်မြို့ဘင်းသမီတာတ်ထာတ် ပိုဆိုးသဘင်းအပြစ်အီကူ။ 15ကပေရနောင်မြို့ဆားတာတ်၊ ဘုရားရှာန်ကား ဟနိမ်တေ ရွှေမြို့တော်ဘေ မြောက်စားသကူညယ် မာန်တာတ်အနင်းကြီးလဲ။ အချီရား။ အန်ဘင်းအစား ဟနိမ်ကား ငရဲပါတက်အက်လားခံသထှာကူ” ညယ် မိန့်သမှာ။
16စီးမှါခ့်ခါ ကိုယ်တော်ကား တပယ့်တာတ်တေ “ဟနိမ်တူးဒေ လက်ခံသဘင်းဆိတ်ကား ငါတေ လက်ခံသဘင်းဆိတ်ထှာဘန်း ဟနိမ်တေ အလက်ခံသဘင်းဆိတ်ကား ငါတေ အလက်ခံသဘင်းဆိတ်တေ ထှာမှာ။ ငါတေလက်အခံသဘင်းဆိတ်ကား ငါတေ တာတ်နီဘင်း ဘုရားရှာန်ဒေရီးဒါး အလက်ခံသဘင်းဆိတ်ထှာမှာ” ညယ် မိန့်တော်မူသမှာ။
တပယ့်ခုနှစ်ဆယ်ဒီဟာန်းဘင်းနာ
17အချိန်အစစ်ဆာမှါတ်မှါခ့်ခါ တပယ့်တော် ခုနှစ်ဆယ်တာတ် မွန်းဘန်းဒီဟာန်းကြီးမှါခ့်ခါ အန်တာတ်ကား ကိုယ်တော်ဒေ “အရှာန်၊ အလေကား အမဲဘင်းနနူတေဒေ အရှာန်ဘင်း နာမယ်တေနပ်ပန်း သမီဆတာတ်ဟက်ပူလာန်ဘဲကွန်း အမိန့်အီမှါခ့်ခါ အန်တာတ်ကား သက်ကြီးမှာ” ညယ် လျှောက်တာန်သကြီးမှာ။
18ကိုယ်တော်ရီးဒါး အန်တာတ်တေ “မာရ်နတ်ကား ရှုံးသဘန်း ဟမုခ်စောက်ဟက် လျှပ်စီးလက်သနိမ် ကျေဉ်အက်နီဘင်းတေ ငါကတုံန်ရီမှာ။ 19သက်ကြီး၊ ငါကား ဟနိမ်တေ အဆိတ်ငှါဘင်းကဖူးကန်းတေယောက် ကာန်းမြှီးကောက်တေနိမ်ဘင်း အမဲဘင်းနနူတေဒေ ကောင်ဘူဘန်း အလေရန်သူထှာဘင်း မာရ်နတ်ပင်းတန်ခိုးတေဒေ အောင်သရန်ဘင်း တန်ခိုးအာဏာတေဒေ အီပဲစီးဘန်းထှာဘင်းအတွာတ် ဟာဘင်းနာစဲ ဟနိမ်တေ ကနာကွန်းအွန်ရန်ကလားအချီရား။ 20အန်နိမ်စါန်းငှေါဒီ အမဲဘင်းနနူတေကား ဟနိမ်ငှေါဘင်းတေဒေ သက်ကြီးမှာငှေါဆယောက် မွန်းဘန်းအနင်းကြီးဆာ။ ဟနိမ်ဘင်း နာမည်တေဒေ ရွှေမြို့တော်ဘေ ရေးသပဲလားခံသထှာဘင်းအတွာတ်၌ဆာ မွန်းကြီး” ညယ် မိန့်သမှာ။
ကိုယ်တော်ယေရှု အကြီးကျယ်မွန်းဘင်း
(ရှာန်မဿဲ ၁၁:၂၅-၂၇၊ ၁၃:၁၆-၁၇)
21အန်၌မှါခ့်ခါ ကိုယ်တော်ယေရှုကား ဉာဏ်အလင်းတော်အနေယောက် အကြီးကျယ်မွန်းဘန်း “အဝါဘုရားရှာန်၊ အရှာန်ကား အဘင်းကမ္ဘာလောကယောက် ရွှေမြို့တော်ဘေ ငှါဘင်းနာတေဒေ ပိုင်သဘင်းအရှာန်ထှာမှာ။ အရှာန်ကား အဘင်းအမှန်တရားဒေ အန်တာတ်ကားအန်တာတ် ပညာငှါဘန်း ဉာဏ်ပညာတုံန်းမှာညယ် ထာန်သနင်းကြီးဘင်းဆိတ်တာတ်ဟက် ကဆွန်းပဲဘန်း ရှရှာတေနိမ် ကိုယ်ကောက်ကိုယ် နိမ်ချသဘင်းဆိတ်တာတ်တေ၌ဆာ အဘင်းအမှန်တရားဒေ မိန်းရှာတ်ခါစိန်းဘင်းအတွာတ် အဝါဘုရားရှာန်ဘင်း ကျေးဇူးတေ ချီးမွမ်းသမှာ။ အဝါဘုရားရှာန်၊ အရှာန်အလိုတော်ငှါဘင်းအတွာတ် အန်ဘင်းနာတေဒေ အွန်နီမှာငှေါဘင်းနာတေ ငါမိန်းရှာတ်ခါမှာ။
22ငါဘင်းအဝါဘုရားရှာန်ကား ငါတေ အလုံးစုံတေ အီဘန်းပဲမှာ။ ဆားတော် ဟာဟမဲထှာမှာငှေါဘင်းတေ အဝါဘုရားရှာန်တစ်ပါးဆာ၌ မိန်းရှာတ်ခါလား။ အဝါဘုရားရှာန်ကား ဟာဟမဲထှာမှာငှေါဘင်းတေရီးဒါး ဆားတော်ယောက် အဝါဘုရားရှာန်ဒေ မိန်းရှာတ်ခါစိန်းဒင် ဆားတော်မယ်ပဲဘင်း ဆိတ်တာတ်ဟက်လွှဲသဘန်း ဟာဟမဲစဲ အမိန်းရှာတ်ခါး” ညယ် မိန့်တော်မူသမှာ။
23စီးမှါခ့်ခါ ကိုယ်တော်ယေရှုကား ဟိန်တပယ့်တာတ်ပါလှည့်သဘန်း “ဟနိမ် ကတုံန်ရီဘင်းနာတေဒေ ကတုံန်လူဘင်းဆိတ်တာတ်ကား ဘုရားရှာန်မန်းအီလားခံသထှာဆိတ်တေ ထှာကြီးမှာ။ 24ဟနိမ်တေ ငါချီလားတေငှေါထှာဘန်းကား ဟလိန်းပါမှါခ့်ခါ ငှါရီဘင်း ပရောဖက်တာတ်ယောက် ရှာန်းပလာန်တေစဲ ဟနိမ်ကတုံန်ကြီးရီဘင်းနာယောက် သက်ပူကြီးဘင်းနာတေဒေ ကတုံန်ကြီးကာတ် သက်ပူကြီးကာတ်ဒီဒါး အန်တာတ်ကား အန်ဘင်းတေဒေ အကတုံန်ကြီးရီလူ အသက်ပူကြီးရီလူဝါး” ညယ် မိန့်တော်မူသမှာ။
ရှမာရိသမီဆာမလဲဥပမာ
25ရအာမှါခ့်ခါ ကိုယ်တော်ကား သမီဆတာတ်တေ ဟောသကာ ဆွောန်သကာနင်းမှါခ့်ခါ ကျမ်းကျိန်းပေါ့ပင်း အိုးဆကြီးဟော်ဝါကား ကိုယ်တော်ယေရှုတေ စမ်းသပ်သဒင် ရဲဘန်း “အိုးဆကြီး၊ ဟာ၌မှါခ့်ခါစဲအရှီးဘင်းအဆာတ်တေ#10:25 ဟာ၌မှါခ့်ခါစဲအရှီးဘင်းအဆာတ် - အဆာန်ပြန်သဘန်းစားဟာန်းစီးမှါခ့်ခါ ဟာ၌မှါခ့်ခါစဲ အရှီးဘန်းဘင်းအဆာတ်တေ ငှေါလားထှာမှာ။ လူကွန်းငှေါဘန်းကား ငါဟမာန်တေအွန်ထှာကူတေ” ညယ် စိန်ယူကြီးမှာ။
26အန်၌မှါခ့်ခါ ကိုယ်တော်ယေရှုကား “ပညတ်ကျမ်းဘေ ဟာနိမ်ရေးသကာပဲဒေ။ အန်ဘင်းနာတေဒေ နာန်ဟာနိမ် သဘောပေါက်သောဒေ” ညယ် ပြန်သဘန်း စိန်ယူမှာ။ 27အန်ဘင်းဆိတ်ကား “ကျမ်းကျိန်းနောင်းဘေ ‘နာန်အရှာန်ထှာဘင်း ဘုရားရှာန်ဒေ လာန်၊ အဆင်၊ နှလုံးပါ ဆွန်းမျိုးစလုံးယောက် ကြည်ညိုသကြီးထှာကူ’ ယောက် ‘ကိုယ်ကျေမ်းပိုက်တာတ်တေရီးဒါး ကိုယ်ကောက်ကိုယ် မစ်နိမ် မစ်ကြီး’ ညယ် ရေးသပဲမှာ” ညယ် ပြန်သဘန်း လျှောက်တာန်သကြီးမှာ။
28ကိုယ်တော်ရီးဒါး “နာန် ချီမှာ။ အန်နိမ်အွန်ဘန်းကား နာန်ကား ဟာ၌မှါခ့်ခါစဲ အရှီးဘင်းအဆာတ်တေ လူကူ” ညယ် မိန့်သမှာ။
29အန်နိမ်စါန်းငှေါဒီ ကျမ်းကျိန်းပေါ့ပင်း အိုးဆကြီးကား ဟိန်ကောက်ဟိန် ချီမှာငှေါဘင်းနာဒေ ကာကာတ်ခွန် ကိုယ်တော်ယေရှုတေ “အန်နိမ်ငှေါဘန်းကား အလေကျေမ်းထန်ကစက် ငှေါဘင်းကား ဟာဟမဲတေကား” ညယ် စိန်ယူမှာ။ 30အန်၌မှါခ့်ခါ ကိုယ်တော်ကား ဥပမာပုတ်အာတေ ငှေါကာမှာ။ ကိုယ်တော်ကား “မာန်းရာတ်ရအာမှါခ့်ခါ သမီဆာဟော်ဝါကား ဂျေရုဆလင်မြို့ဟက် ဂျေရိခေါမြို့ပါ လာန်မှာ။ ဟိန်ကား လမ်းဘေ ဓါးပြတိုက်သဘင်းနာတေ ခံသထှာမှာ။ အန်ဘင်းဓါးပြတေကား ဟိန်ဘင်း ဆာန်ဆုန်တေယောက် ငှါဘင်းနာတေဒေလာဘန်း ဟိန်ဒေ ရှီးထန်ကွန်း သာန်းဘန်း ပဘဲကြီးမှာ။ 31ဂျူးပုရောဟိတ်ဟော်ဝါကား အန်ဘင်းလမ်းအတိုင်း ဒီမှါခ့်ခါ ဒဏ်ရာတေယောက် ပေါ်နင်းဘင်း အန်ဘင်းသမီဆာဒေ ကတုံန်ဒီဒါး လမ်းပယ်အာပါဟက် ကွာမ်းသဘန်းလာန်ဘဲမှာ။ 32စီးမှါခ့်ခါ လေဝိအမျိုးနွယ်#10:32 လေဝိအမျိုးနွယ် - ဂျူးသမီဆာအမျိုး ရှစ်နူဘန်းကလိန်းမျိုးနောင်းဟက် ဆပ်နီဘင်းဆိတ်တေထှာမှာ။ အန်ဘင်းဆိတ်တာတ်ကား တဲတော်ဘေ အလုပ်အွန်ကြီးဘန်း၊ ပရိဘောဂတေဒေ ထိန်းသဘင်းနာယောက် မြင့်မြတ်သဘင်းနေရာတိုင်းဘေ ပြုပြင်သဘင်းတာဝန်အမျိုးမျိုးငှါကြီးမှာ။ထှာဘင်း ဗိမာန်တော်စောင့်သဘင်းဆိတ်ဟော်ဝါရီးဒါး အန်ဘင်းဘေထုတ်ရီမှါခ့်ခါ အန်ဘင်းဆိတ် ပေါ်ဘန်းနင်းဘင်းနာတေ ကတုံန်ဒီဒါး လမ်းပယ်အာပါဟက် ကွာမ်းသဘန်း လာန်ဘဲဟာန်းမှာ။ 33အန်နိမ်စါန်းငှေါဒီ ရှမာရိထိန်ဘင်း ဟလောဝါဟော်ဝါကား အန်ဘင်းလမ်းဟက် ခရီးပူရီဘန်း အန်ဘင်းဆိတ်ပေါ်နင်းလားပိုက်ပေ ထုတ်အီမှါခ့်ခါ ဟိန်ကား ဒဏ်ရာတေယောက်ငှါနင်းဘင်းဆိတ်တေ ကတုံန်ဘန်း အကြီးကျယ်အစန်နင်းနာန်မှာ။ 34အမှာတွာတ် ဟိန်ကား အန်ဘင်းဆိတ်ပိုက်ပါလာန်ဘန်း ကနာလူဘင်းနာတေဒေ စပျစ်ဝိုင်ယောက်ဖောဘန်းနာ သံလွင်ဆလောယောက်ဘောအီဘန်း#10:34 သံလွင်ဆလော - အန်ဘင်းခေတ်ပင်းသမီဆတာတ်ကား စပျစ်ဝိုင်ဒေ ပိုးအဆာန်စိန်းဒင် နပ်ကြီးဘန်း ကနာဘင်းဒေ ဆာတ်ဆာသစိန်းဒင်အတွာတ် သံလွင်ဆလောဒေ နပ်ကြီးမှာ။ အဝတ်ယောက် ပတ်သအီရာန်မှာ။ စီးမှါခ့်ခါ ဟိန်မြည်းစောက်ပေ#10:34 မြည်း - မြည်းငှေါဘင်းနာကား ပုံစံကား မြင်းကျားယောက်တူသမှာ။ အန်နိမ်စါန်းငှေါဒီ လာန်စောက်ပေ အကြလောင်းတေ အပါသဝါး။ ဆဘူထာတ် လာန်စစ်ပန်း၊ မွဲမွဲတဲတဲအရောင်ငှါမှာ။ မြည်းတေဘေ စောက်ပန်း ထောင်သနင်းဘင်း ကနားတေငှါဘန်း ဆဘူထာတ် လည်ဆံတွန်မှာ။ အရာတ်ထုတ်ကွန်း ပစ္စည်းတေတာန်သဒင် နပ်ပန်းနင်းကြီးယုတ်မှာ။ တာန်သဘန်း တည်းသလားလူဘင်း ကျေမ်းပါကော်လာန်ဘဲမှာ။ အန်ဘင်းကျေမ်းဘေထုတ်မှါခ့်ခါ ဒဏ်ရာတေငှါနင်းဘင်းဆိတ်တေ ပြုစုစောင့်ရှောက်သအီမှာ။ 35နောက်မာန်းရာတ်မှါခ့်ခါ ဟိန်ကား တည်းသဘင်းကျေမ်းအဆိတ်တေ ဒေနာရီဖူးကလိန်းပါတ်တေအီဘန်း ‘အဘင်းဒဏ်ရာတေယောက်ငှါနင်းဘင်းဆိတ်တေ ပြုစုစောင့်လျှောက်သအီယုတ်။ ဟိန်ဒေပြုစုသဘန်း အဘင်းထာတ်ဆွန်ဘန်းရီးဒါး ငါဒီဟာန်းမှါခ့်ခါ အီဟာန်းကူ’ ညယ် ငှေါပဘဲမှာ” ညယ်မိန့်တော်မူသမှာ။
36စီးမှါခ့်ခါ ကိုယ်တော်ကား ကျမ်းကျိန်းပေါ့ပင်း အိုးဆကြီးတာတ်တေ “အန်ဘင်းသမီဆာဆွန်းဟူးဘေ ဓါးပြတိုက်သလားတေ ခံသထှာဘင်းဆိတ်ပင်း ကျေမ်းထန်ကစက်ကား ဟာဟမဲကားညယ် နာန်ထာန်သောတေ” ညယ် မိန့်သမှာ။
37အန်၌မှါခ့်ခါ အန်ဘင်းကျမ်းကျိန်းပေါ့ပ်ပင်း အိုးဆကြီးကား “ဒဏ်ရာတေယောက်ငှါနင်းဘင်းဆိတ်တေ အစန်ဘင်းသမီဆာထှာမှာ” ညယ် ငှေါမှါခ့်ခါ ကိုယ်တော်ကား “နာန်ရီးဒါး အန်ဘင်းအတိုင်းအွန်” ညယ် မိန့်တော်မူသမှာ။
မာရိယောက်မာသ
38စီးမှါခ့်ခါ ကိုယ်တော်ကား တပယ့်တာတ်ယောက်အတူတူ ဆာတ်သဘန်း ဂျေရုဆလင်မြို့ပါ ခရီးပူရီမှာ။ အန်တာတ်ကား ထိန်ထိန်းနူဘေထုတ်မှါခ့်ခါ အန်ဘင်းထိန်ဘေငှါဘင်း မာသညယ်ကော်ဘင်း အီးရှီဟော်ဝါကား ကိုယ်တော်ယောက် ဟိန်တပယ့်တော်တာတ်တေဒေ ဟိန်ကျေမ်းပါ ပါမ့်တာန်မှာ။ 39အန်အီးရှီဘေ မာရိညယ်ကော်ဘင်း နရှီဟော်ဝါငှါမှာ။ မာရိကား အရှာန်တာတွန်ဘေ ထုံးဘန်း ကိုယ်တော်ဟောသကာဆွောန်သကာဘင်းတေဒေ သက်ပန်းနင်းမှာ။ 40အန်နိမ်စါန်းငှေါဒီ မာသကား နန်တေအတွာတ် ဧည့်ခံသဒင် အကြီးကျယ်အလုပ်ရှုပ်သပန်းနင်းမှာ။ စီမှါခ့်ခါ မာသကား ကိုယ်တော်ပါလာန်ဘန်း “အရှာန်၊ ငါနရှီကား အလုပ်ဆွန်ကွန်းတေ ငါဟော်ဝါဆာအွန်စိန်းယုတ်လားကား အမှန်ကန်သဝါး။ အမှာတွာတ် ငါတေအွန်ဘုတ်တင် ဟိန်ဒေငှေါအီယုတ်” ညယ် လျှောက်တာန်သမှာ။
41အန်၌မှါခ့်ခါ ကိုယ်တော်ကား ဟိန်ဒေ “မာသ၊ မာသ နာန်ကား အကုန်လုံးတေ အဆေင်ကားဘန်းနင်းမှာ။ 42အန်နိမ်စါန်းငှေါဒီ နာန်အဆေင်ကားထှာကူဘင်းနာကား စားနူ၌ငှါလား။ မာရိကား မှန်သဘင်းစားနူတေ မယ်စီးဘန်းဘင်းအတွာတ် အန်ဘင်းဒေ ဟိန်ဟက် ဟာဟမဲစဲ လာရာန်လားအလူဘန်း” ညယ် မိန့်တော်မူသမှာ။
Currently Selected:
ရှာန်လုကာ 10: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 10
10
အခန်း (၁၀)
တပယ့်တော်ခုနှစ်ဆယ်ဦးတေတာတ်ပင်း
1စီးမှါခ့်ခါ ကိုယ်တော်ယေရှုကား တခြားတပယ့်တော် ခုနှစ်ဆယ်#10:1 ခုနှစ်ဆယ် - စယ်ယာဘင်းကျမ်းဘေကား ခုနှစ်ဆယ်နှစ်ဦးညယ်ငှေါကြီးမှာ။ တေမယ်ဘန်း ကလိန်းဟူး တစ်တွဲစီအွန်ဘန်း ဟိန်လာန်ကူဘင်းမြို့တေ၊ ထိန်တေပါ ကြိုတာန်သဘန်း တာတ်နာန်မှာ။ 2ကိုယ်တော်ကား အန်တာတ်တေ အတာတ်ကျီ “သမီဆာကလောင်းတုံန်းတာတ်ကား ငါတေယုံကြည်သဒင် အဆင်သင့်ထှာနင်းကြီးဒီဒါး အန်တာတ်တေ မဲဘင်းဆတာန်းငှေါကူဘင်းဆိတ်ကား စစ်ဆာ၌ငှါမှာ။ အန်တာတ်ကား ယပ်လားလူနင်းဘင်း လပါးကွာမ်းတုံန်းယောက် တူသဘန်း အန်ဘင်းဒေ ယပ်ကူဘင်းသမီဆာတေကား အကွန်းနား။ အမှာတွာတ် ဘုရားရှာန်တေ ဟိန်ဘင်းလပါးကွာမ်းဘေ ယပ်ကူဘင်းဆိတ်ကလောင်းတုံန်းတေ ပိုသောတာတ်အီဒင်အတွာတ် ဆုစိန်ကြီး။ 3အရာတ်လာန်ကြီး။ အန်နိမ်စါန်းငှေါဒီ သက်ကြီး။ ဟနိမ်တေ ငါတာတ်စီးမှါခ့်ခါ ဟနိမ်ကား အန္တရာယ်ငှါဘင်း ဝံပုလွေအုပ်နောင်းဘေငှါဘင်း သိုးနနူရှာတေနိမ် အန္တရာယ်တေဒေ ကြုံသကြီးထှာကူ။ 4ဖူးရှီထောင်း အန်နိမ်အချီ ထောင်းပိုးကြီးယောက် ဟက်တင်းအပိုတေဒေရီး အလာကြီးရာန်ဆာ။ လမ်းဘေရီးဒါး သမီဆတာတ်ယောက် တူးသပေါက်ပန်း စပ်ပန်းအချိန်အဖြုန်းသကြီးဆာ။
5ဟနိမ် ကျေမ်းကျေမ်းနာဘေ ဆာန်မှါခ့်ခါ ‘အဘင်းကျေမ်းကား အေးချမ်းသဘင်း ငှါစိန်းကိုင်ယုတ်’ ညယ် အရာန်ဆုစိန်အီကြီး။ 6အန်ဘင်းကျေမ်းဘေငှါဘင်း သမီဆာတာတ်ကား ငြိမ်းချမ်းသဘင်းတေ လာကာတ်ပန်းကား ဟနိမ်ဆုစိန်အီဘင်း ငြိမ်းချမ်းသဘင်းတေ အန်တာတ်လူကြီးကူ။ အန်နိမ်စါန်းငှေါဒီ အန်တာတ်အလာကာတ်ပန်းကား ဟနိမ်ဆုစိန်အီဘင်း အေးချမ်သဘင်းနာတေ အန်တာတ်လူကြီးကလား အချီးရား။ 7ကျေမ်းကျေမ်းမှာဟက် အနားကျေမ်းမှာပါ အပြောင်းသကြီးဆာ။ ကျေမ်းမာ၌နင်းဘန်း အန်ဘင်းကျေမ်းဆိတ်နော့ပ်ပင်းနာတေ ယုတ်ကြီး။ ဟမာန်တွာတ်ငှေါဘန်းတာတ်ငှေါ အလုပ်အွန်ဘင်းဆိတ်ဟော်ဝါကား ဟိန်အွန်ဘင်းအားခတေ လူထိုက်သဘင်းအတွာတ်ထှာမှာ။
8ဟနိမ်ကား မြို့တစ်မြို့ဘေ ဆာန်မှါခ့်ခါ အန်ဘင်းမြို့ဟက် သမီဆတာတ်ကား ဟနိမ်တေ ကြိုဆိုသဘန်းကား အန်တာတ်နောပ့်လားတေ ယုတ်ကြီး။ 9အန်ဘင်းမြို့ဘေငှါဘင်း ကနာနင်းဘင်းဆိတ်တာတ်တေ မဲကွန်းကုသအီဘန်း ‘ဘုရားရှာန်ဘင်းသာသနာတော် ဟနိမ်ပါထုတ်အီကူဘင်းအချိန်ကား ထံပိန်’ ညယ် အန်တာတ်တေငှေါကြီး။ 10အန်နိမ်စါန်းငှေါဒီ မြို့တစ်မြို့ဘေဆာန်မှါခ့်ခါ အန်မြို့ဟက်သမီဆာတာတ်ကား ဟနိမ်တေ အကြိုဆိုသဘန်းကား လမ်းစောက်ပေတေပူဘန်း 11‘ဘုရားရှာန်ကား ဟနိမ်တေ စီရာန်သကူဘင်းတေ ဆတီးအီဘင်းအနေယောက် အလေတာဘေ ကပ်နင်းဘင်း ဟနိမ်မြို့ဘင်းကာမှုန့်တေဒေ နွန်အက်ပဘဲကူ’ ညယ်ငှေါဘန်း ‘ဘုရားရှာန်ဘင်းသာသနာတော် ဟနိမ်ပါ ထုတ်အီကူဘင်းအချိန်ကား ထံပိန်ငှေါဘင်းနာတေ ဆတီးလူကြီး’ ညယ်ငှေါကြီး။ 12ဟနိမ်တေ ငါငှေါကူဘင်းကား တရားစီရာန်သမား မာန်းရာတ်ထုတ်မှါခ့်ခါ အန်ဘင်းမြို့ဘင်း သမီဆာတာတ်ကား သောဒုံမြို့ဘင်း#10:12 သောဒုံ - သောဒုံမြို့ယောက် ဂေါမောရမြို့ဘင်းသမီဆာတာတ်ကား အကြီးကျယ်ဆိုးသဘင်းအပြစ်တေဒေ အွန်နီဘင်းအတွာတ် ဘုရားရှာန်ဖြတ်ဆီးဒီဘင်း မြို့ကလိန်းမြို့ထှာမှာ။ က ၁၉:၁-၂၈ သမီဆာတေထာတ် ပိုသောဆိုးသဘင်း အပြစ်စီရာန်သလားတေ ခံသထှာကူ” ညယ် မိန့်တော်မူသမှာ။
နောင်တအလူဘင်းမြို့တေ
(ရှာန်မဿဲ ၁၁:၂၀-၂၄)
13ပန်းနူ ကိုယ်တော်ကား “ခေါရာဇိန်မြို့ယောက် ဗက်ဇဲဒမြို့ဘင်း သမီဆာတာတ် ဟနိမ်ကား ဒုက္ခထုတ်ကြီးကဘန်း။ ဟမာန်တွာတ်ငှေါဘန်းတာတ်ငှေါ ဟနိမ်မြို့ဘေ ငါအွန်နီဘင်း အံ့ဩသထာတ်မဲဘင်းနာတေဒေ ဂျူးသမီဆာအချီဘင်းဆိတ်တာတ် မြို့ထှာဘင်း တုရုယောက် ဇိဒုန်မြို့ဘေ ငါ အွန်နီဘန်းကား အန်ဘင်းမြို့ဘင်း သမီဆတာတ်ကား နောင်တလူကြီးကူထှာဘန်း အန်တာတ်ပင်း အမဲဘင်းအပြစ်တေအတွာတ် အဆေင်အမဲထှာဘင်းတေ ကာဒင် လျှော်ကြမ်းဆာန်ဆုန်တေဒေ တော်ဘန်း#10:13 လျှော်ကြမ်းဆာန်ဆုန် - အန်ဘင်းခေတ်ပင်းသမီဆတာတ်ကား အန်တာတ်အပြစ်တေအတွာတ် နောင်တလူဘင်း အန်နိမ်အချီ အဆေင်အမဲဘင်းတေ ကာဘင်းအနေယောက် ဆလော်ဘန်း အဆင်အပြေသဘင်းဆာန်ဆုန်တေဒေ တော်ဘန်း အန်တာတ်ဟလာန်း၊ ယပါးစောက်ပေတေ ကပွတ်တေလုပ်ပန်း ထုံးထှာဘင်းဓလေ့စားနူထှာမှာ။ ကပွပ်စောက်ပေထုံးကြီးကူထှာမှာ။ 14အမှာတွာတ် တရားစီရာန်သဘင်း မာန်းရာတ်မှါခ့်ခါ ဘုရားရှာန်ကား ဟနိမ်တေ တုရုယောက် ဇိဒုန်မြို့ဘင်းသမီတာတ်ထာတ် ပိုဆိုးသဘင်းအပြစ်အီကူ။ 15ကပေရနောင်မြို့ဆားတာတ်၊ ဘုရားရှာန်ကား ဟနိမ်တေ ရွှေမြို့တော်ဘေ မြောက်စားသကူညယ် မာန်တာတ်အနင်းကြီးလဲ။ အချီရား။ အန်ဘင်းအစား ဟနိမ်ကား ငရဲပါတက်အက်လားခံသထှာကူ” ညယ် မိန့်သမှာ။
16စီးမှါခ့်ခါ ကိုယ်တော်ကား တပယ့်တာတ်တေ “ဟနိမ်တူးဒေ လက်ခံသဘင်းဆိတ်ကား ငါတေ လက်ခံသဘင်းဆိတ်ထှာဘန်း ဟနိမ်တေ အလက်ခံသဘင်းဆိတ်ကား ငါတေ အလက်ခံသဘင်းဆိတ်တေ ထှာမှာ။ ငါတေလက်အခံသဘင်းဆိတ်ကား ငါတေ တာတ်နီဘင်း ဘုရားရှာန်ဒေရီးဒါး အလက်ခံသဘင်းဆိတ်ထှာမှာ” ညယ် မိန့်တော်မူသမှာ။
တပယ့်ခုနှစ်ဆယ်ဒီဟာန်းဘင်းနာ
17အချိန်အစစ်ဆာမှါတ်မှါခ့်ခါ တပယ့်တော် ခုနှစ်ဆယ်တာတ် မွန်းဘန်းဒီဟာန်းကြီးမှါခ့်ခါ အန်တာတ်ကား ကိုယ်တော်ဒေ “အရှာန်၊ အလေကား အမဲဘင်းနနူတေဒေ အရှာန်ဘင်း နာမယ်တေနပ်ပန်း သမီဆတာတ်ဟက်ပူလာန်ဘဲကွန်း အမိန့်အီမှါခ့်ခါ အန်တာတ်ကား သက်ကြီးမှာ” ညယ် လျှောက်တာန်သကြီးမှာ။
18ကိုယ်တော်ရီးဒါး အန်တာတ်တေ “မာရ်နတ်ကား ရှုံးသဘန်း ဟမုခ်စောက်ဟက် လျှပ်စီးလက်သနိမ် ကျေဉ်အက်နီဘင်းတေ ငါကတုံန်ရီမှာ။ 19သက်ကြီး၊ ငါကား ဟနိမ်တေ အဆိတ်ငှါဘင်းကဖူးကန်းတေယောက် ကာန်းမြှီးကောက်တေနိမ်ဘင်း အမဲဘင်းနနူတေဒေ ကောင်ဘူဘန်း အလေရန်သူထှာဘင်း မာရ်နတ်ပင်းတန်ခိုးတေဒေ အောင်သရန်ဘင်း တန်ခိုးအာဏာတေဒေ အီပဲစီးဘန်းထှာဘင်းအတွာတ် ဟာဘင်းနာစဲ ဟနိမ်တေ ကနာကွန်းအွန်ရန်ကလားအချီရား။ 20အန်နိမ်စါန်းငှေါဒီ အမဲဘင်းနနူတေကား ဟနိမ်ငှေါဘင်းတေဒေ သက်ကြီးမှာငှေါဆယောက် မွန်းဘန်းအနင်းကြီးဆာ။ ဟနိမ်ဘင်း နာမည်တေဒေ ရွှေမြို့တော်ဘေ ရေးသပဲလားခံသထှာဘင်းအတွာတ်၌ဆာ မွန်းကြီး” ညယ် မိန့်သမှာ။
ကိုယ်တော်ယေရှု အကြီးကျယ်မွန်းဘင်း
(ရှာန်မဿဲ ၁၁:၂၅-၂၇၊ ၁၃:၁၆-၁၇)
21အန်၌မှါခ့်ခါ ကိုယ်တော်ယေရှုကား ဉာဏ်အလင်းတော်အနေယောက် အကြီးကျယ်မွန်းဘန်း “အဝါဘုရားရှာန်၊ အရှာန်ကား အဘင်းကမ္ဘာလောကယောက် ရွှေမြို့တော်ဘေ ငှါဘင်းနာတေဒေ ပိုင်သဘင်းအရှာန်ထှာမှာ။ အရှာန်ကား အဘင်းအမှန်တရားဒေ အန်တာတ်ကားအန်တာတ် ပညာငှါဘန်း ဉာဏ်ပညာတုံန်းမှာညယ် ထာန်သနင်းကြီးဘင်းဆိတ်တာတ်ဟက် ကဆွန်းပဲဘန်း ရှရှာတေနိမ် ကိုယ်ကောက်ကိုယ် နိမ်ချသဘင်းဆိတ်တာတ်တေ၌ဆာ အဘင်းအမှန်တရားဒေ မိန်းရှာတ်ခါစိန်းဘင်းအတွာတ် အဝါဘုရားရှာန်ဘင်း ကျေးဇူးတေ ချီးမွမ်းသမှာ။ အဝါဘုရားရှာန်၊ အရှာန်အလိုတော်ငှါဘင်းအတွာတ် အန်ဘင်းနာတေဒေ အွန်နီမှာငှေါဘင်းနာတေ ငါမိန်းရှာတ်ခါမှာ။
22ငါဘင်းအဝါဘုရားရှာန်ကား ငါတေ အလုံးစုံတေ အီဘန်းပဲမှာ။ ဆားတော် ဟာဟမဲထှာမှာငှေါဘင်းတေ အဝါဘုရားရှာန်တစ်ပါးဆာ၌ မိန်းရှာတ်ခါလား။ အဝါဘုရားရှာန်ကား ဟာဟမဲထှာမှာငှေါဘင်းတေရီးဒါး ဆားတော်ယောက် အဝါဘုရားရှာန်ဒေ မိန်းရှာတ်ခါစိန်းဒင် ဆားတော်မယ်ပဲဘင်း ဆိတ်တာတ်ဟက်လွှဲသဘန်း ဟာဟမဲစဲ အမိန်းရှာတ်ခါး” ညယ် မိန့်တော်မူသမှာ။
23စီးမှါခ့်ခါ ကိုယ်တော်ယေရှုကား ဟိန်တပယ့်တာတ်ပါလှည့်သဘန်း “ဟနိမ် ကတုံန်ရီဘင်းနာတေဒေ ကတုံန်လူဘင်းဆိတ်တာတ်ကား ဘုရားရှာန်မန်းအီလားခံသထှာဆိတ်တေ ထှာကြီးမှာ။ 24ဟနိမ်တေ ငါချီလားတေငှေါထှာဘန်းကား ဟလိန်းပါမှါခ့်ခါ ငှါရီဘင်း ပရောဖက်တာတ်ယောက် ရှာန်းပလာန်တေစဲ ဟနိမ်ကတုံန်ကြီးရီဘင်းနာယောက် သက်ပူကြီးဘင်းနာတေဒေ ကတုံန်ကြီးကာတ် သက်ပူကြီးကာတ်ဒီဒါး အန်တာတ်ကား အန်ဘင်းတေဒေ အကတုံန်ကြီးရီလူ အသက်ပူကြီးရီလူဝါး” ညယ် မိန့်တော်မူသမှာ။
ရှမာရိသမီဆာမလဲဥပမာ
25ရအာမှါခ့်ခါ ကိုယ်တော်ကား သမီဆတာတ်တေ ဟောသကာ ဆွောန်သကာနင်းမှါခ့်ခါ ကျမ်းကျိန်းပေါ့ပင်း အိုးဆကြီးဟော်ဝါကား ကိုယ်တော်ယေရှုတေ စမ်းသပ်သဒင် ရဲဘန်း “အိုးဆကြီး၊ ဟာ၌မှါခ့်ခါစဲအရှီးဘင်းအဆာတ်တေ#10:25 ဟာ၌မှါခ့်ခါစဲအရှီးဘင်းအဆာတ် - အဆာန်ပြန်သဘန်းစားဟာန်းစီးမှါခ့်ခါ ဟာ၌မှါခ့်ခါစဲ အရှီးဘန်းဘင်းအဆာတ်တေ ငှေါလားထှာမှာ။ လူကွန်းငှေါဘန်းကား ငါဟမာန်တေအွန်ထှာကူတေ” ညယ် စိန်ယူကြီးမှာ။
26အန်၌မှါခ့်ခါ ကိုယ်တော်ယေရှုကား “ပညတ်ကျမ်းဘေ ဟာနိမ်ရေးသကာပဲဒေ။ အန်ဘင်းနာတေဒေ နာန်ဟာနိမ် သဘောပေါက်သောဒေ” ညယ် ပြန်သဘန်း စိန်ယူမှာ။ 27အန်ဘင်းဆိတ်ကား “ကျမ်းကျိန်းနောင်းဘေ ‘နာန်အရှာန်ထှာဘင်း ဘုရားရှာန်ဒေ လာန်၊ အဆင်၊ နှလုံးပါ ဆွန်းမျိုးစလုံးယောက် ကြည်ညိုသကြီးထှာကူ’ ယောက် ‘ကိုယ်ကျေမ်းပိုက်တာတ်တေရီးဒါး ကိုယ်ကောက်ကိုယ် မစ်နိမ် မစ်ကြီး’ ညယ် ရေးသပဲမှာ” ညယ် ပြန်သဘန်း လျှောက်တာန်သကြီးမှာ။
28ကိုယ်တော်ရီးဒါး “နာန် ချီမှာ။ အန်နိမ်အွန်ဘန်းကား နာန်ကား ဟာ၌မှါခ့်ခါစဲ အရှီးဘင်းအဆာတ်တေ လူကူ” ညယ် မိန့်သမှာ။
29အန်နိမ်စါန်းငှေါဒီ ကျမ်းကျိန်းပေါ့ပင်း အိုးဆကြီးကား ဟိန်ကောက်ဟိန် ချီမှာငှေါဘင်းနာဒေ ကာကာတ်ခွန် ကိုယ်တော်ယေရှုတေ “အန်နိမ်ငှေါဘန်းကား အလေကျေမ်းထန်ကစက် ငှေါဘင်းကား ဟာဟမဲတေကား” ညယ် စိန်ယူမှာ။ 30အန်၌မှါခ့်ခါ ကိုယ်တော်ကား ဥပမာပုတ်အာတေ ငှေါကာမှာ။ ကိုယ်တော်ကား “မာန်းရာတ်ရအာမှါခ့်ခါ သမီဆာဟော်ဝါကား ဂျေရုဆလင်မြို့ဟက် ဂျေရိခေါမြို့ပါ လာန်မှာ။ ဟိန်ကား လမ်းဘေ ဓါးပြတိုက်သဘင်းနာတေ ခံသထှာမှာ။ အန်ဘင်းဓါးပြတေကား ဟိန်ဘင်း ဆာန်ဆုန်တေယောက် ငှါဘင်းနာတေဒေလာဘန်း ဟိန်ဒေ ရှီးထန်ကွန်း သာန်းဘန်း ပဘဲကြီးမှာ။ 31ဂျူးပုရောဟိတ်ဟော်ဝါကား အန်ဘင်းလမ်းအတိုင်း ဒီမှါခ့်ခါ ဒဏ်ရာတေယောက် ပေါ်နင်းဘင်း အန်ဘင်းသမီဆာဒေ ကတုံန်ဒီဒါး လမ်းပယ်အာပါဟက် ကွာမ်းသဘန်းလာန်ဘဲမှာ။ 32စီးမှါခ့်ခါ လေဝိအမျိုးနွယ်#10:32 လေဝိအမျိုးနွယ် - ဂျူးသမီဆာအမျိုး ရှစ်နူဘန်းကလိန်းမျိုးနောင်းဟက် ဆပ်နီဘင်းဆိတ်တေထှာမှာ။ အန်ဘင်းဆိတ်တာတ်ကား တဲတော်ဘေ အလုပ်အွန်ကြီးဘန်း၊ ပရိဘောဂတေဒေ ထိန်းသဘင်းနာယောက် မြင့်မြတ်သဘင်းနေရာတိုင်းဘေ ပြုပြင်သဘင်းတာဝန်အမျိုးမျိုးငှါကြီးမှာ။ထှာဘင်း ဗိမာန်တော်စောင့်သဘင်းဆိတ်ဟော်ဝါရီးဒါး အန်ဘင်းဘေထုတ်ရီမှါခ့်ခါ အန်ဘင်းဆိတ် ပေါ်ဘန်းနင်းဘင်းနာတေ ကတုံန်ဒီဒါး လမ်းပယ်အာပါဟက် ကွာမ်းသဘန်း လာန်ဘဲဟာန်းမှာ။ 33အန်နိမ်စါန်းငှေါဒီ ရှမာရိထိန်ဘင်း ဟလောဝါဟော်ဝါကား အန်ဘင်းလမ်းဟက် ခရီးပူရီဘန်း အန်ဘင်းဆိတ်ပေါ်နင်းလားပိုက်ပေ ထုတ်အီမှါခ့်ခါ ဟိန်ကား ဒဏ်ရာတေယောက်ငှါနင်းဘင်းဆိတ်တေ ကတုံန်ဘန်း အကြီးကျယ်အစန်နင်းနာန်မှာ။ 34အမှာတွာတ် ဟိန်ကား အန်ဘင်းဆိတ်ပိုက်ပါလာန်ဘန်း ကနာလူဘင်းနာတေဒေ စပျစ်ဝိုင်ယောက်ဖောဘန်းနာ သံလွင်ဆလောယောက်ဘောအီဘန်း#10:34 သံလွင်ဆလော - အန်ဘင်းခေတ်ပင်းသမီဆတာတ်ကား စပျစ်ဝိုင်ဒေ ပိုးအဆာန်စိန်းဒင် နပ်ကြီးဘန်း ကနာဘင်းဒေ ဆာတ်ဆာသစိန်းဒင်အတွာတ် သံလွင်ဆလောဒေ နပ်ကြီးမှာ။ အဝတ်ယောက် ပတ်သအီရာန်မှာ။ စီးမှါခ့်ခါ ဟိန်မြည်းစောက်ပေ#10:34 မြည်း - မြည်းငှေါဘင်းနာကား ပုံစံကား မြင်းကျားယောက်တူသမှာ။ အန်နိမ်စါန်းငှေါဒီ လာန်စောက်ပေ အကြလောင်းတေ အပါသဝါး။ ဆဘူထာတ် လာန်စစ်ပန်း၊ မွဲမွဲတဲတဲအရောင်ငှါမှာ။ မြည်းတေဘေ စောက်ပန်း ထောင်သနင်းဘင်း ကနားတေငှါဘန်း ဆဘူထာတ် လည်ဆံတွန်မှာ။ အရာတ်ထုတ်ကွန်း ပစ္စည်းတေတာန်သဒင် နပ်ပန်းနင်းကြီးယုတ်မှာ။ တာန်သဘန်း တည်းသလားလူဘင်း ကျေမ်းပါကော်လာန်ဘဲမှာ။ အန်ဘင်းကျေမ်းဘေထုတ်မှါခ့်ခါ ဒဏ်ရာတေငှါနင်းဘင်းဆိတ်တေ ပြုစုစောင့်ရှောက်သအီမှာ။ 35နောက်မာန်းရာတ်မှါခ့်ခါ ဟိန်ကား တည်းသဘင်းကျေမ်းအဆိတ်တေ ဒေနာရီဖူးကလိန်းပါတ်တေအီဘန်း ‘အဘင်းဒဏ်ရာတေယောက်ငှါနင်းဘင်းဆိတ်တေ ပြုစုစောင့်လျှောက်သအီယုတ်။ ဟိန်ဒေပြုစုသဘန်း အဘင်းထာတ်ဆွန်ဘန်းရီးဒါး ငါဒီဟာန်းမှါခ့်ခါ အီဟာန်းကူ’ ညယ် ငှေါပဘဲမှာ” ညယ်မိန့်တော်မူသမှာ။
36စီးမှါခ့်ခါ ကိုယ်တော်ကား ကျမ်းကျိန်းပေါ့ပင်း အိုးဆကြီးတာတ်တေ “အန်ဘင်းသမီဆာဆွန်းဟူးဘေ ဓါးပြတိုက်သလားတေ ခံသထှာဘင်းဆိတ်ပင်း ကျေမ်းထန်ကစက်ကား ဟာဟမဲကားညယ် နာန်ထာန်သောတေ” ညယ် မိန့်သမှာ။
37အန်၌မှါခ့်ခါ အန်ဘင်းကျမ်းကျိန်းပေါ့ပ်ပင်း အိုးဆကြီးကား “ဒဏ်ရာတေယောက်ငှါနင်းဘင်းဆိတ်တေ အစန်ဘင်းသမီဆာထှာမှာ” ညယ် ငှေါမှါခ့်ခါ ကိုယ်တော်ကား “နာန်ရီးဒါး အန်ဘင်းအတိုင်းအွန်” ညယ် မိန့်တော်မူသမှာ။
မာရိယောက်မာသ
38စီးမှါခ့်ခါ ကိုယ်တော်ကား တပယ့်တာတ်ယောက်အတူတူ ဆာတ်သဘန်း ဂျေရုဆလင်မြို့ပါ ခရီးပူရီမှာ။ အန်တာတ်ကား ထိန်ထိန်းနူဘေထုတ်မှါခ့်ခါ အန်ဘင်းထိန်ဘေငှါဘင်း မာသညယ်ကော်ဘင်း အီးရှီဟော်ဝါကား ကိုယ်တော်ယောက် ဟိန်တပယ့်တော်တာတ်တေဒေ ဟိန်ကျေမ်းပါ ပါမ့်တာန်မှာ။ 39အန်အီးရှီဘေ မာရိညယ်ကော်ဘင်း နရှီဟော်ဝါငှါမှာ။ မာရိကား အရှာန်တာတွန်ဘေ ထုံးဘန်း ကိုယ်တော်ဟောသကာဆွောန်သကာဘင်းတေဒေ သက်ပန်းနင်းမှာ။ 40အန်နိမ်စါန်းငှေါဒီ မာသကား နန်တေအတွာတ် ဧည့်ခံသဒင် အကြီးကျယ်အလုပ်ရှုပ်သပန်းနင်းမှာ။ စီမှါခ့်ခါ မာသကား ကိုယ်တော်ပါလာန်ဘန်း “အရှာန်၊ ငါနရှီကား အလုပ်ဆွန်ကွန်းတေ ငါဟော်ဝါဆာအွန်စိန်းယုတ်လားကား အမှန်ကန်သဝါး။ အမှာတွာတ် ငါတေအွန်ဘုတ်တင် ဟိန်ဒေငှေါအီယုတ်” ညယ် လျှောက်တာန်သမှာ။
41အန်၌မှါခ့်ခါ ကိုယ်တော်ကား ဟိန်ဒေ “မာသ၊ မာသ နာန်ကား အကုန်လုံးတေ အဆေင်ကားဘန်းနင်းမှာ။ 42အန်နိမ်စါန်းငှေါဒီ နာန်အဆေင်ကားထှာကူဘင်းနာကား စားနူ၌ငှါလား။ မာရိကား မှန်သဘင်းစားနူတေ မယ်စီးဘန်းဘင်းအတွာတ် အန်ဘင်းဒေ ဟိန်ဟက် ဟာဟမဲစဲ လာရာန်လားအလူဘန်း” ညယ် မိန့်တော်မူသမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.