Lukasi 5

Bayekoli ba yambo ba Yezu

(Mt. 4:18-22; Mk. 1:16-20)

1Mokolo moko Yezu atelemeke o mbongo ya ebale(mbu) ya: ebale ya genezarete#5:1 Ebale ya genezarete Ebale(mbu) ya galileya. Nampino bato batondaka o mpembeni yande mpo 'te baoka liloba dza Nyaamolo. 2Yesu aèneke mato mabale o mbongo ya ebale (lac). Baengi ba nsuu, baolowaka o mana mato mpo bawola madzanga maba. 3Yesu aiyelaka o bwato bu boko bu bwaba bwa Simona, mpe alobi na Simona 'te akusa bwato wakèke o ntei ya ebale. Adzalaka o bwato mpe abandi boteidza bato o ntei ya bwato. 4Ntango' eya'elidzaka yo boteidza bato, a'ebisi Simona 'te: kusa bwato o ntei ya mai ma madzindo mpe bwaka madzanga mao o mai mpo maingama na nsuu. 5Simona amoololedza 'te: "Nkolo, tobwaki madzanga butu mobimba, kasi todziiko ata iyoma iyoko te; kasi dza'olobi we 'te nabwaka liyu bodzanga, leme nabwaka dza'olobi we." 6Ntango'eya bwaka ba madzanga dza waba'ebisaka yesu, babendi boike bwa nsuu, mpe madzanga mawaka 'te makakeya. 7Nampino babelengaka banà bababa na mato mamoko 'te baya basunga. Bayei mpe na bwato, mèeme matondi na nsuu mpe bawaka 'te badzinda. 8Ntango' eyaène Simona Petelo makambo ma masalemaka, akpei na mabongo o makolo ma Yezu mpe alobi nande'te: nkolo naebondedzi; umowa upe nanga mpo nalo moto wa masumu. 9Mpamba te, Simona, yo na banà bande bakamwaka waike na dzamu dza nsuu iyadziyaka ba. 10Yakobo na modzimi wande Yoane, bana babale ba Zebedéo bababa bakasala na Simona bakamwaka koto. Kasi Yezu alobi na Simona#5:10 Simona Nkombo yande eyoko petelo 'te: we nakobanga te; banda lelo okomi mowai wa bato mpo yanga." 11Ntango' eyakoma ba o mbongo, baiki mato mpe toma taba tu tèete mpe bakei na yesu eika yawi mpo baba bayekoli bande.

YESU ABIKISI MOTO WA BWALE BWA MABA

(Mt. 8:1-14; Mk. 1:40-45)

12Ntango'eyaba Yezu o mboka yoko ya etuka ya galileya, moto moko'owaba na bwale bwa maba abaaka omoo. Ntango'eyaène yo Yesu, agumbami na mabongo o yambo ya Yesu mpe amobondedzi 'te: "Nkolo, olokadziki o mpetola na bika". 13Yesu aembolaka eboko yande amolendzi, mpe alobi nande 'te: nakadzi 'te obika!" Bè na mbala maba mande maidzi. 14Nampino Yesu alobi nande 'te, nakoebisa moto moko te ndenge ebiki we. Kasi landa o kamikedza na nganga wa Nyaamolo, mpe oinya libondza na ndenge'eya lobaka Moize mpo ya bato ba maba 'te bainya, mbeka dza okomi we peto mpo 'te eikala ekanyi mpo yaba. 15Nsango ya Yezu ya palanganaka waike, mpe bato baike baba bakaangana mpo bamooka na mateya mande mpe mpo babika na male maba. 16Kasi Yesu amitangola na bato mpo aikala yo mpendza o esobe mpo akasambela Nyaamolo.

YESU ABIKISAKA MOTO OWANYELA NA EBAMBO

(Mt. 9:1-9; Mk. 2:1-12)

17Mokolo moko, Yesu akateya, lisanga dza losambo la bafalizeyo mpe batei ba mibeko mya Moize baboko badzalaka owaba yo; mpe bautaka oba mboka ya galileya, ya yudea, mpe yelusaleme; mpe o ntango'enena, ngwiya ya Nyaamolo yaba nande mpo ya bobikisi bato ba male. 18Ntango'enena, bampele boko bayaka; batoi moto moko na litoko owanyela na ebambo. Banà bato bawaka mayele 'te bamoingidza o ntei ya ndako, o eika eyaba Yesu, bamolangeya o yambo Yande mpo amobikisa. 19Kasi bakodziyaka ndzela ya bomoingidza o ndako te, mpo bato baabaka boike, mpe babai nande o motondo mwa ndako, bakaki motondo mwa ndako mpe baolidza ebosônô o yambo ya Yezu, o ntanda ya bato. 20Ntango'eyaène Yesu 'te; makanisi ma bato malo 'te: amobikisa, alembi ndzoto, nsima alobaka moto owanyela ebambo yawi 'te: teleme, o landa mpo na limbisi masumu mao. 21Nampino bato ba mayele, balakisi ba mibeko ma Moize mpe bafalizeyo, baba bakatiola, mpoyaee moto obo alo na molende mwa bolobi makambo ndenge dzabo! Akatiola Nyaamolo lokumu lande? Biyo toebi 'te moto'olo na bolimbisi bwa masumu elo bè Nyaamolo. 22Yezu aebaka makanisi maba mpe ntina'enena abatunaka; "enena bolo'ena makanisi baa?" 23Elo na makambo mabale makoki nga bolobi na moto obo: "odzii bolimbisi bwa masumu mao" mpe naloba nande mpe 'te: teleme o landa. "Etubi walamu éye?" 24Nde naeteidza 'te nga mwana wa moto nalo na makoki ma bolimbisi masumu o mokili mubo!" Nde nsima alobi na ebosônô 'te: "teleme, kowa litoko dzao mpe olodza o ndako yao. 25Bato babèebe baeka, lele onona amimedzi, akoi litoko dzande mpe alodza o ndako yande nabokumisi Nyaamolo. 26Bato babèebe ba babaaka o maana, bakamwaka mpe babandi bolobi: kembo na lokumu toela bè na Nyaamolo. Makambo ma maèneke ba mabakamwisaka, mpe balobi 'te: toeni makamwisi lelo.

Bobiangami bwa lewi (Matai)

(Mt. 9:9-13; Mk. 2:13-17)

27O nsima ya makambo mamatubaka manana, Yesu aumowaka o ndako enena. Ntango eyaba yo akalanda, aèneke mokongodzi wa ntako moko owadzalaka o elele yande ya mosala; nkombo yande 'te: Lewi, nkombo yande eyoko 'te Matai, Yesu alobi nande'te: yaka, o mbenga upe nanga mpe oba moyekoli wanga. 28Waoka Lewi dzabona, alèi mosala mwande mwa bopwidza ntanko, atelemi mpe amobengi mpo akoma moyekoli mwande. 29O nsima Lewi aalaka enyanga o ndako yande mpo 'te akumisa Yesu. Bakongodzi ba ntako baike mpe bapaya baboko badzaaka naba eika yawi o enyanga. 30Kasi bafalizeyo mpe balakisi ba mibeko bamitungisa mpe balobi na bayekoli ba Yesu 'te: mpo yaée? Bokodza toma mpe bokomwa mesa mawi na bakongodzi ba ntako mpe bato ba masumu baboko babo? 31Yezu aololedzaka ba Falizeo na biyèle 'te: Bato baalo na ndzoto indamu bakoengela na monganga mpo 'te abasalisa te, kasi nde bato balo na male balo na mposa ya monganga. 32Nakoyaka mpo ya bato ba balamu te, kasi mpo ya bato ba masumu mpo babongola mitema.

Lisolo mpo ya botuki ntingo

(Mt. 9:14-17; Mk. 2:18-22)

33Nsima, Bato baboko batuni Yesu 'te: ''Bayekoli ba Yoane mobatisi, mpe bayekoli ba bafalizeyo Bakatukaka ntingo mpe bakasambelaka ntango iyèye. Kasi Bayekoli ba o bakadza mpe bakamwa?" 34Yezu abaololedza 'te: Bokoki bwaadzi 'te bapaya o enyanga ya libala, ba nakodza toma te, ntango'elo nkolo wa libala eika yawi naba? Eko walamu te! 35Asi mokolo moko, baumola nkolo libala o ntei yaba, nampino o ntango'enena, batuka ntingo mpo ya bobondedzi. 36Nsima, Yesu abainyi lisolo libo:" moto moko akota 'te akowa epaso ya etobo ya sika mpo abamba na etobo ya kala te. 37Moto moko akota 'te aala vinyo ya sika o ebuma ya kala te. Mpo aadziko dzabona, vinyo ya sika yaabola bibuma mpe yaweeya o nsobi. 38Kasi bato bakoki boadzi maanga bè o mompu mwa sika mpo maanga maba walamu 39wakokala bomwei maanga ma nswaa te, nsima ya bomwei mompiko mpo bokanisi 'te mompiko molo molamu.

Currently Selected:

Lukasi 5: LIZ

Highlight

Copy