လုကာ 23
23
အခန်း (၂၃)
ပိလတ်ကရှေ့ယာ ကိုယ်တော်ယေရူယင် စစ်ဆေးဟေကား
(မဿဲ ၂၇:၁-၂၊ ၁၁-၁၄။ မာကု ၁၅:၁-၅။ ယောဟန် ၁၈:၂၈-၃၈)
1မှနောက်အာ တရားရုံးငါက တရားစီရင်ရေးအဖွဲ့ဝင် လူးစုတ်ရက်နာ ရိကို့ ကိုယ်တော်ယေရူယင် အုပ်ချုပ်သူပိလတ်ထနဲ့ အော်ကို့လာလင်ကဟေ။ 2အိမ်မှလူးရက်နာ "မှလူးနာ ပြည်သူလူထုရက်အင် ပြသာနာဖြစ်ဇိစ်ကို့ ဧကရာဇ်မင်ကမားအခွန်ကအဆက်မနီး တားမြစ်တုန်းကလည်းကောင်း အပါနာကအပါနာ မေရှိယငါ့ဟေကား ဂျူးလူမျိုးရက်က ရှင်ဘုရင်တစ်ပါးဖြစ်ကြောင်းငင် ပြိစ်တုန်းကလည်းကောင်း ပိုတုန်းနက်ပိုဟေ"ငါ့ကို ပိလတ်ကရှေ့ယာ စကို့ စွပ်စွဲကို့ပြိစ်လင်ကဟေ။ 3မှအကြောင့် ပိလတ်မင်နာ ကိုယ်တော်ယေရူယင် "နင်နာ ဂျူးလူမျိူးရက်က ဘုရင်ငါ့ဟေကနာ မှန်းဟေလဲ"ငါ့ကို ကတာလင်ကဟေ။ ကိုယ်တော်ယေရူယေ "နင်ငါ့ဟေကအတိုင်းမယ် ဖြစ်ဟေ"ငါ့ကို ပြန်ကိုဖြေလင်ကဟေ။ 4မှနောက်အာ ပိလတ်မင်နာ ပုရောဟိတ်အကြီးအကဲရက်အိမ် လူထုပရိသတ်ရက်အင် "မှလူးထနဲ့ အပြစ်ဆူးဝါယေ ငါအပိုပါ(လ်)"ငါ့ကို ငါ့လင်ကဟေ။ 5ညီးငါ့ဒင့်ယေ အိမ်မှလူးရက်နာ ကိုယ်တော်ယေရူယင် ဆက်လက်ကို့ ပြစ်တင်စွပ်စွဲလင်ကဟေ။ အမာရက်နာ မှလူးနာ ဂါလိလဲပြည်ယာဘင်းစကို့ ဂျေရုရှလင်မြို့အထိ ယုဒပြည်တစ်ခွင်လုံးငင် ရောမအစိုးရယင် ပုန်ကန်ကဇိစ် လူးရက်အင် အမာကသွန်သင်ချက်ရက်အိမ် တိုက်တွန်းနိူးဆော်ဒက်ဟေ"ငါ့ကို ဖိအားအီကတူးရက်အင်ပြိစ်လင်ကဟေ။
ပိလတ်မင်းစာ ကိုယ်တော်ယေရှုငင် ဟေရုဒ်ထနဲ့ ပါ(လ်)နက်ဟေကား
6အိမ်မှတူဝင် ပိလတ်တတ်ဟေကရပ် "မှလူးနာ ဂါလိလဲပြည်သား ဖြစ်ဟေနိမ့်လဲ"ငါကို့ ကတာလင်ကဟေ။ 7မှနောက်အာ ပိလတ်နာ ကိုယ်တော်ယေရူနာ ဟေရုဒ်(အန္တိပ)အုပ်ချုပ်ဟေကား ဂါလိလဲနယ်ယာက ဖြစ်ဟေကအကြောင်းငင် တတ်ဟေကရပ် ကိုယ်တော်ယေရူယင် ဟေရုဒ်ကမား ပါ(လ်)လင်ကဟေ။ အိမ်မှအချိန်ငါ ဟေရုဒ်နာ ဂျေရုရှလင်မြို့ဝါ ထုန်တုန်းလင်ကဟေ။ 8အုပ်ချုပ်သူဟေရုဒ်နာ ကိုယ်တော်ယေရူယင် ပိုဟေကရပ် တဗျင်းဝမ်းသာလင်ကဟေ။ အဇာရိကို့အငါနဲ့ အမာနာ ကိုယ်တော်ယေရူက အကြောင်းငင် တတ်ကို့ ကိုယ်တော်အိမ် လက်ကက်ကနာ အချိန်ကြားဒက်နန်းဖြစ်ဟေ။ အမာနာ ကိုယ်တော်လိစ်ဟေကား အံ့ဖွယ်အမူ ဆူးဝါပါဆာယင် ပိုပိုကဇိစ် မျှော်လင့်တုန်းလင်ကဟေ။ 9မှအကြောင့် ဟေရုဒ်နာ ကိုယ်တော်ယေရူငင် မေးခွန်းဘောင်းကိုကတာလင်ကဟေ။ ညီးငါ့ဒင့်ယေ ကိုယ်တော်ယေရူနာ ဆူးဝါးယေ့ ပြန်ကို့ဖြေဟေကားအငါပါ(လ်)။ 10မှနောက်အာ ဂျူးပုရောဟိတ်အကြီးအကဲရက်အိမ် ကျမ်းတတ်ဆရာရက်နာ ကိုယ်တော်ယေရူက အနားဆာစက်ကို့ ပြင်းပြင်းထန်ထန် ပြစ်တင်စွပ်စွဲလင်ကဟေ။ 11ဟေရုဒ်အိမ် အမာကစစ်ဆားရက်အ(လ်) ကိုယ်တော်ယင် မရိုမသေလိစ်ကို့ ကဲ့ရဲ့လှောင်ပြောင်လင်ကဟေ။ မှနောက်အာ ဟေရုဒ်နာ ကိုယ်တော်ဝင် ရှင်ဘုရင်အဖြစ် ဟန်ဆောင်ကဖန်းကဇိစ်အတွက် ရှင်ဘုရင်ဝတ်စုံငင် တူဇိစ်ကို့ ပိလတ်မင်ထနဲ့ ပြန်ကို့ပါ(လ်)ကဟေ။ 12မလားကရပ် ပိလတ်မင်အိမ် ဟေရုဒ်ရက်နာ အချင်းချင်း ရန်ငြိုးရန်စရက်ငါဒက်ကယေ့ အိမ်မှယက်တတ်တင့်င(လ်) အဖက်ရက်ဖြစ်ကလင်ကဟေ။
ကိုယ်တော်ယေရူယင် သေဒဏ်အဟိုက်ကား
(မဿဲ ၂၇:၁၅-၂၆။ မာကု ၁၅:၆-၁၅။ ယောဟန် ၁၈:၃၉-၁၉:၁၆)
13မှနောက်အာ အုပ်ချူပ်သူပိလတ်နာ ပုရောဟိတ်အကြီးအကဲရက်၊ ဂျူးလူမျိူးအကြီးကဲရက်အိမ် ကျန်ဟေကလူးရက်အင် စုကို့အော်လင်ကဟေ။ 14မှနောက်အာ ပိလတ်မင်နာ အမာရက်အင် "နနိန်ရက်နာ မှလူးဝင် လူထုယင် တော်လှန်ပုန်ကန်မနီး လှုံ့ဆော်ဒက်ဟေငါ့ကို ငါထနဲ့ နနိန်ရက်အော်လားကန်ကို့ စွပ်စွဲဒက်ဟေ။ ညီးငါ့ဒင့်ယေ ငါနာ နနိန်ရက်ကရှေ့ယာဒင့် အမင် စစ်ဆေးဒက်ကယေ့ မှလူးထနဲ့ နနိန်ရက်စွပ်စွဲဟေကား အပြစ်ဆူးဝါယင့် ငါအပိုပါ(လ်)။ 15ဟေရုဒ်ယေ အမာထနဲ့ အပြစ်အပိုကို့ အပြစ်ဒဏ်အအီထမ်း ငါထနဲ့ပြန့်ကို ပါ(လ်)နက်အန်ဟေ။ အမာနာ သေဒဏ်ဟြတ်သင့်ဟေကား အပြစ်ဆူးဝါယေ့ အလိစ်တက်ပါ(လ်)။ 16မှကြောင့် အမင် ကြိမ်ဒဏ်အီဂို့ ပြန်ကိုဖြောက်နက်ကဟေ"ငါ့ကို ငါ့လင်ကဟေ။ 17ပိလတ်နာ အိမ်မှဒေလေပြိစ်ပိုကအကြောင်းနာ ပသခါပွဲတော်ကာလယာ လူးရက်ကအတွက် ဂျူးလူမျိးအကျဉ်းသားဟူးဝါယင် #23:17 လုကာရေးပီဟေကား မူရင်းကျမ်းငါ ၂၃း၁၇အင် အပိုပါ(လ်)ငါ့ကို ကျမ်းစာပညာရှင်အများစုနာ ယူဆဟေ။ ၄◌င်းကို နောက်ခံအချက်အလက်အဖြစ် နောက်ပိုင်းငါ ထည့်သွင်းနိုင်ဖွယ်ငါ့ဟေ။လွတ်ငြိမ်းချမ်းသာခွင့်အီပိုဟေကား ထုံးစံကြောင့်ဖြစ်ဟေ။ 18ညီးငါဒင့်ယေ အိမ်မှလူးစုတ်ရက်နာ "အမင် ကတိုက်နက်အင့်။ ငါရက်ကအတွက် ဗာရဗ္ဗယင်မယ် လွတ်အီယန်"ငါ့ကို တစ်ပြိုင်တည်းဟော်လင်ကဟေ။ 19ဗာရဗ္ဗနာ ဂျေရုဆလင်မြို့ထဲယာ ဖြစ်တက်ဟေကား ရောမအစိုးရယင် တော်လှန်ပုန်ကန်မူအာ ပါဝင်ပတ်သက်မူအိမ် လူသတ်မူအတွက် ထောင်ထဲယာထည့်ဟေကင့် ဟင်းပိုကလူးဖြစ်ဟေ။ 20မှအကြောင့် ပိလတ်မင်နာ ကိုယ်တော်ယေရှုယင် လွှတ်အီကက်ကတောင်း အိမ်မှလူထုယင် အယောက်ဟက်တာ မေတ္တာရပ်ခံလင်ပီကဟေ။ 21ညီးငါ့ဒင့်ယေ အိမ်မှလူးရက်နာ "အမင် လက်ဝါးကပ်တိုင်ဖုံးငါတင်ကို့ ကတိုက်နက်အင် လက်ဝါးကပ်တိုင်ဖုံးငါတင်ကို့ ကတိုက်နက်အင့်" ငါးဂို့ ဟော်ကို့လင်ဂါဟေ။ 22ပိလတ်မင်င(လ်) "အမှာနာ အဆာမီကအပြစ်အင် ကျူးလွန်ဒက်ကိုယား။ အမင် သေဒဏ်အီပေါဇရိုးမှက အပြစ်အင်လိစ်ပီကား ငါအပိုပါ(လ်)။ အမင် အပြစ်အီဆုံးမကို လွတ်အီနက်ကား"ငါ့ကို တတိယအကြိမ်ထပ်မံကို ငါ့လင်ကဟေ။ 23ညီးငါ့ဒင့်ယေ အိမ်မှလူးရက်နာ ကိုယ်တော်ယေရူယင် လက်ဝါးကပ်တိုင်ဖုံးငါတင်ကို့ ကတိုက်ကဇိစ်မယ် ဟော်ကို့ ဆက်လက်ကြွေးကြော်ကို့ တောင်းဆိုတုန်းကတောင်း နောက်ဆုံးငါ အမာရက်က တောင်းဆိုဟေကနာ အောင်မြင်ကို့ အနိုင်လှုလင်ကဟေ။ 24မှအကြောင့် နောက်ဆုံးငါ ပိလတ်မင်နာ အိမ်မှလူးရက်က ဟော်ကို့တောင်းဆိုကအတိုင်း သဘောတူကဇိစ် ဆုံးဖြတ်ကျီးဟေကရပ် 25တော်လှန်ပုန်ကန်မူအိမ် လူသတ်မူအိမ် ထောင်ထဲယာ အကျဉ်းဟြတ်တုန်းက ဗာရဗ္ဗယင် လွတ်အီနက်ကို့ ကိုယ်တော်ယေရူယင်က(လ်) အမာရက်ကဆန္ဒအတိုင်းလိစ်ကဇိစ် အက်အီလင်ကဟေ။
ကိုယ်တောယေရှုငင် လက်ဝါးကပ်တိုင်ဖုန်ငါတင်ကို့ ကတိုက်ဟေကား
(မဿဲ ၂၇:၃၂-၄၄။ မာကု ၁၅:၂၁-၃၂။ ယောဟန် ၁၉:၁၇-၂၇)
26မှအကြောင့် စစ်ဆာရက်နာ ကိုယ်တော်ယေရူယင် အော်ကို့လာလင်စမ်း ကျေးလက်ဒေသဘင်း ဂျေရုဆလင်မြို့ဝါ ဗန်တုန်းဟေကား ကုရေနေမြို့သားရှိမုန်ငင် ကိ(လ်)အော်လားလင်ကို့ လက်ဝါးကပ်တိုင်ငင် အတင်းအကြပ် ဖေးကဖန်းကို့ ကိုယ်တော်ယေရူကအလိုဝါ ယောကဖန်းလင်ကဟေ။ 27လူးရက်အ(လ်) ကိုယ်တော်ယေရူကအလိုဝါ ယောဝန်လင်ကဟေ။ အိမ်မှလူးရက်ကအထဲယာ ကိုယ်တော်ယေရူ ကတိုက်စာဟင်းငန်ပိုကဟေ့ကတောင်း ဝမ်းနည်းကို့ ရင်ဘက်ရက်အင်ထုကို့ ဟော်ကိုဟြတ်ရ်တုန်းဟေကား တာဆာလောင်ရက်အ(လ်) ကိုယ်တော်က အလိုဝါယောဝန်လင်ကဟေ။ 28မှအကြောင့် ကိုယ်တော်နာ အိမ်မားတာဆာလောင်ရက်က ဟိုက်နီးယာလှည့်ကို "ဂျေရုဆလင်မြို့ဝါက တာဆာလောင်ရက်၊ ငါက အတွက်အဟြရ်အဲ့။ အိမ်မှအစား နနိန်ရက်အိမ် နနိန်ရက်ကအဆာ၊ဆာအိပ်ရက်ကအပေါ်ဝါ ဖြစ်ပျက်အန်ကဟေ့ကားအူဇာရက်ကအတွက်မယ် ဟြရ်အင့်ဂီး။ 29အဇာရိကို့အငါနဲ့ "ဘင်းစားမက်တာဆာလောင်ရက်၊ ကိုယ်ဝန်အဆောင်ဟြာနိမ့်ကား တာဆာလောင်ရက်အိမ် မန်ဆာရက်ဇိစ် အစုတ်အတိ(လ်)ဟြာရ်နိမ့်က တာဆာလောင်ရက်နာ ကံမီဟေ"ငါ့ကို လူးရက် ငါ့ပိုကအချိန်နာ မကြာခင်ငါထုန်ဗာ(ဖ်)ကဟေ့ဖြစ်ဟေ။ 30မှနောက်အာ
လူးရက်နာ တာဂိုးရက်အင် 'ငါရက်ကအဖုံးငါ ကတိ(လ်)ငန်'ငါ့ကိုလည်းကောင်း
တောင်ကုန်းရက်အင် 'ငါရက်အင် ဖုံးအုပ်အန်'ငါ့ကိုလည်းကောင်း ငါ့လင်ကဖြစ်ဟေ။
31စိမ်းလန်းဟေကား အဖင်းတလေဖြစ်ဟေကား ဖြောင့်မတ်ဟေကင့်ငင်ဒင့် အမာရက်နာ အတတ်ကဒေလေလိစ်တက်ဟေငါနဲ့က(လ်) ရာကူး(ဖ်)ဟေကား အဖင်းတလေဖြစ်ဟေကား အပြစ်အီကဟင်းပိုကား နနိန်ရက်အင် ပိုကို့ ဆိုးဆိုးရွားရွားလိစ်လင်ကားနာ အမှန်တကယ်ဖြစ်ဟေ"ငါ့ကို ငါ့လင်ကဟေ။ 32စစ်ဆာရက်နာ တစ်ခြားရာဇဝတ်သားနိန်ဟူးဝင်င(လ်) သေဒဏ်အီကဇိစ်အတွက် ကိုယ်တော်ယေရူအိမ်မက်တာ အော်ကို့လာလင်ကဟေ။ 33"အဟူးအခွံ"ငါ့ကိုအော်ဟေကအရပ်အာ ထုန်ဟေကရပ် အမာရက်နာ ကိုယ်တော်ယေရူယင် လက်ဝါးကပ်တိုင်ဖုံးငါ တင်ကို့ ဇေ့အိမ်နက်ကို့ပီလင်ကဟေ။ ရာဇဝတ်သားနိမ့်ဟူးငင်ယေ့ ကိုယ်တော်က ပုတ်ဆလက်ဖက်အာဟူးဝါ၊ ပေလက်ဖက်အာဟူးဝါ လက်ဝါးကပ်တိုင်းဖုံးငါတင်ဂို့ ဇေ့နက်လင်ကဟေ။ 34အိမ်မှအခါ ကိုယ်တော်ယေရူနာ အမင် လက်ဝါးကပ်တိုင်ဖုံးငါ တင်ဟေကလူးရက်ကအတွက် "အို အဗား(ဖ်)ဘုရားရှင် အမာရက်နာ အဇာရက်အင်လိစ်တုန်းကယားငါ့ဟေကင့် အချေးကတောင်း အမာရက်အင် ခွင့်လွတ်အီယန်နက်နိမ့်"ငါ့ကို ဆုစိန်လင်ကဟေ။ မှနောက်အာ စစ်ဆာရက်နာ ကိုယ်တော်က အဝတ်စားရက်အင် မဲနှိုက်ကို့ မန်လာလင်ကဟေ။ 35လူးရက်အ(လ်) အိမ်မှနေရာနား စက်ကို့ စောင်ယူတုန်းလင်ကဟေ။ မှနောက်အာ ဂျူးလူမျိုးအကြီးကဲရက်နာ ကိုယ်တော်ယေရူယင် ဆာရိုကို့ "မှလူးနာ တစ်ခြားလူးရက်အင် ကယ်တင်ဒက်ဟေ။ အမာနာ ဘုရားရှင်ရွေးချယ်ပီးဟေကား ကယ်တင်ရှင်မေရှိယမှန်နဲ့က(လ်) အမာကအမာ ကယ်တင်လင်နူး(ဖ်)"ငါ့ကို ငါ့လင်ကဟေ။ 36စစ်ဆာရက်အ(လ်) ကိုယ်တော်ယေရူငင် ဆာရိုဂိုး ကိုယ်တော်ကအနားဆာ ဗန်(ဖ်)ကို့ ဈီးဆန်းဟေကားဝိုင်ချဉ်ငင်#23:36 ဝိုင်ချဉ်ငါ့ဟေကားနာ အချဉ်ကအိန်းတစ်မျိူးဖြစ်ဟေ။ နာကျင်မူရက်အင် ဆက်ဆာကဇိစ်အတွက် အသုံးပြုဟေ။ယုဒသန် ကျမ်းငါ ပုံးရည်ငါ့ကို ငါ့ပီးဟေ။ တိမ်ဂို့ 37"နင်နာ ဂျူးလူမျိူးရက်က ရှင်ဘုရင်ဖြစ်ဟေကား မှန်းဟေငါ့နဲ့က(လ်) နင်ကနင် ကယ်တင်ငင်" ငါးဂို ငှားလင်ကဟေ။ 38ကိုယ်တော်ယေရူကအဟူးဖုံးငါယေ့ "မှလူးစာ ဂျူးလူမျိူးရက်ကဘုရင်ဖြစ်ဟေ'ငါ့ကို ကမ္ပည်းရေးပီဟေကား ဆိုင်းဘုတ်အင် ချိတ်ပီလင်ကဟေ။ 39မှနောက်အာ လက်ဝါးကပ်တိုင်ဖုံးငါ ဇေ့နက်စာဟင်းပိုဟေကား ရာဇဝတ်သားနိမ့်ဟူးထဲယာက#23:39 ရာဇဝတ်သားငါ့ဟေကားနာ အပြစ်လိစ်ဟေကလူးဝင်ဆိုလိုဟေ။ ဟူးဝါယေ့ ကိုယ်တော်ငင် "နင်နာ ကယ်တင်ရှင်မေရှိယမှန်နဲ့က(လ်) နင်ကနင် ကယ်တင်ငင့်။ ငါရက်အင်ယေ့ ကယ်တင်ငန်" ငါးဂို စော်ကားကို့ငါ့လင်ကဟေ။ 40ညီးငါ့ဒင့်ယေ အယောက်ကဟူးဝါက(လ်) အိမ်မှလူးဝင် "နင်နာ အဇာရိကား အတတ်ကဒေအမီကားတူရက်အင် ပြိစ်တုန်းဟေကယား။ နင်နာ ဘုရားရှင်ငင် အစက်သင့်ဟေ။ အဇာရိကို့အငါနဲ့ နင်င(လ်) မှလူးတလေ လက်ဝါးကပ်တိုင်ဖုံးငါ ကတိုက်စာဟင်းငန်ပိုကဟေ့တောင်းဖြစ်ဟေ။ 41ငါရက်နိန်ဟူးနာ ကျူးလွန်ဒက်ဟေကား အပြစ်ဒုစရိုက်ရက်အိမ် ထိုက်တန်ဟေကား အပြစ်ဒဏ်ငင် ဟင်းပိုကတောင်း မှနည်းလမ်းအိမ် အပြစ်အီကဟင်းပိုကနာ မှန်ကန်ဟေ။ ညီးငါ့ဒင်ယေ့ မှလူးက(လ်) ဆူးဝါယင့် ကျူးလွန်ဒက်ဟေကားအငါပါ(လ်)"ငါ့ကို ဆုံးမကို့ငါ့လင်ကဟေ။ 42မှနောက်အာ အမာနာ ကိုယ်တော်ယေရူငင် "ကိုယ်တော်၊ ကိုယ်တော်နာ ရှင်ဘုရင်အဖြစ် အုပ်ချူပ်ကဇိစ် ကြွဗန်(ဖ်)ဟေကရပ် ငင် သတိလှုဝန်နက်နိမ့်"ငါ့ကို လျှောက်တင်လင်ကဟေ။ 43အိမ်မအခါ ကိုယ်တော်ယေရှုနာ အမင် "နင်ငင် ငါအမှန်ငန်းဂါ နင်နာ ယက်တင့် ငါအိမ်မက်တာ ပရဒိသုဘုံဝါ#23:43 ပရဒိသုဘုံ(သုခဘုံ)ငါ့ဟေကနာ ဖြောင့်မတ်ကလူးရက်က အဆက်ပြန်ကို့ဆိမ်းဟေကအိမ် နောက်ဆုံးတရားစီရင်ဟေကား စောင်တုန်းဟေကား ငြိမ်းချမ်းဟေက နေရာဖြစ်ဟေ။ ငန်ကား" ငါးဂို ငှားလင်ကဟေ။
ကိုယ်တော်ယေရူ ဆိန်းဟေကား
(မဿဲ ၂၇:၄၅-၅၆။ မာကု ၁၅:၃၃-၄၁။ ယောဟန် ၁၉:၂၈-၃၀)
44အိမ်မှအချိန်နာ စမိတ်မွန်းတည့်ချိန်ဖြစ်ဟေ။ အိမ်မှအချိန်ငါဘင်းစကို့ နက်တိုက်ဘက် သုံးနာရီထိ ကမ္ဘာမြေဆူးဝါလုံးနာ ထင့်မုတ်မုတ်ဖြစ်တုန်းလင်ကဟေ။ 45အဇာရိကို့အငါနဲ့ စမိတ်ကအလင်းရောင်နာ ပျောက်ကလင်ကတောင်းဖြစ်ဟေ။ အိမ်မှအချိန်ငါ ဗိမာန်တော်အတာဟုန်းငါက ကန့်လန့်ကာယေ့ နိမ့်စိပ်စိပ်ကလင်ကဟေ။ 46မှနောက်အာ ကိုယ်တော်ယေရူယေ ဟော်ကို "အို အဗား(ဖ်)ဘုရား ငါကဝိညာဉ်ယင် အဗား(ဖ်)ဘုရားကတာဟူးဝါ အက်အန်နက်မက်"ငါ့ကို ငါ့ကျီးကရပ် အဆက်မုန်ဖြောက်လင်ကဟေ။ 47မှအဖြစ်အင်ပိုဟေကား ရောမတပ်မှူနာ ဘုရားရှင်ဂါဘုန်းတန်ခိုးငင် ချီးမွမ်းဂို့ "မှလူးနာ အမှန်တကယ်ဒင့် ဖြောင့်မတ်ကလူးဖြစ်ဟေ" ငါးဂို့ ငှားလင်ကဟေ။ 48အိမ်မှအဖြစ်ပျက်ရက်အင် ယူကဇိစ် စုဝေးကို့ထုန်ဗာ(ဖ်)ဟေကား လူထုပရိသတ်ရက်အ(လ်) ကိုယ်တော်ယေရူကအဖြစ်အင် ပိုဟေကရပ် အမာရက်က ရင်ဘက်ရက်အင်ပေါက်ကို့ ဝမ်းနည်းကြောင်းငင် ဆနပ်ကို့ အမာရက်က ကိန်းရက်အာ ပြန့်ငန်လင်ကဟေ။။ 49ကိုယ်တော်ယေရူက အသိမိတ်ဆွေအပေါင်းငါဘင်းစကို့ ဂါလိလဲနယ်ယာဘင်း ကိုယ်တော်ကအလိုဝါ ယောဝန်လင်ကား တာဆာလောင်ရက်အ(လ်) မလှမ်းမကမ်းငါစက်ကို့ အိမ်မှအဖြစ်ပျက်ရက်အင် ယူတုန်းလင်ကဟေ။
ကိုယ်တော်ယေရူယင် သင်္ဂြိုလ်ဟေကား
(မဿဲ ၂၇:၅၇-၆၁။ မာကု ၁၅:၄၂-၄၇။ ယောဟန် ၁၉:၃၈-၄၂)
50အိမ်မှအချိန်ငါ ဖြောင့်မတ်ကို့ သူတော်ကောင်းဖြစ်ဟေကား ယုဒပြည် အရိမဿဲမြို့သား ယောသပ်ငါ့ကို အော်ဟေကလူးဟူးဝါ ငါ့လင်ကဟေ။ အမာစာ တရားလွတ်တော်အဖွဲ့ဝင်ဟူးဝါဖြစ်ဟေ။ 51အမာနာ ကိုယ်တော်ယေရူအိမ်ပတ်သက်ကို့ တရားစီးရင်ရေးအဖွဲ့က စီရင်ဆုံးဖြတ်ချက်အိမ် လုပ်ဆောင်ချက်ရက်အင် လက်အခံကလူးဖြစ်ကို့ ဘုရားရှင်ကသာသနာတော်ဖော်ဗာ(ဖ်)ကအချိန်ငင် စော်တုန်းကလူးယေ့ဖြစ်ဟေ။ 52အမာနာ အုပ်ချူပ်သူပိလတ်ထနဲ့လင်ကို့ ကိုယ်တော်ယေရူကအလောင်းငင် လာကို့ သင်္ဂြိုဟ်ခွင့်ပြုကဇိစ် စိန်လင်ကရပ် ပိလတ်အ(လ်) ခွင့်ပြုလင်ကဟေ။ 53မှနောက်အာ ယောသပ်စာ တစ်ခြားလူးရက်က အကူညီအိမ် ကိုယ်တော်က အလောင်းငင် လက်ဝါးကပ်တိုင်ငါဘင်း အမုတ်အာအဟြတ်ကို့ ကြိလ်ကို့ကင်နင်းဟေကား ပိတ်စအိမ် အလောင်းငင် ပတ်ကို့ တာလုံရက်ထူဟေကား တာဂိုးဝင်ဖောက်ပီးဟေကား လိုဏ်ဂူထဲယာ ကနင်းဖူးဆာပီလင်ကဟေ။ အိမ်မှလှိုဏ်ဂူနာ သင်္ချိုင်းနေရာအဖြစ် ဟူးဝါယေ့ အသုံးအပြုနိမ့်ကား သင်္ချိုင်းဂူအနန်းဖြစ်လင်ကဟေ။ 54ကိုယ်တော်ယေရူဆိန်းဟေက ရယက်နာ အဖိတ်နေ့ဖြစ်ဟေကား သောကြာနေ့ဖြစ်ကို့ ဥပုသ်နေ့ထုန်ဗာ(ဖ်)ကဟေ့ဖြစ်ကတောင်း ဂျူးလူမျိုးရက်က ထုံစံအရယေ့ အိမ်မှရယက်မွန်းလွဲပိုင်းငါ အလိစ်အလိစ်ကဇိစ် တားမြစ်ပီလင်ကဟေ။ 55ကိုယ်တော်ယေရူအိမ်မက်တာ မြို့ထဲယာယောဝန်ဟေကား ဂါလိလဲနယ်ယာက တာဆာလောင်ရက်နာ ယောသပ်အိမ်မက်တာ ယောလင်ကဟေ။ အမာရက်နာ သင်္ချုင်းယင် ပိုဒက်ကို့ ကိုယ်တော်ယေရူက အလောင်းငင် အိမ်မှသင်္ချုင်တာဟုန်းငါ အဆာမီပီဟေ့ယားငါ့ဟေကင့်အိမ် ဂူသင်္ချိူင်းအဟုန်းငင်ယေ လူးရက်နာ တာလုံပြောင်တစ်တုံးငင်လှိမ်းကို့ ပိတ်ပီးဟေကင့် ပိုလင်ကဟေ။ 56မှနောက်အာ အိမ်မှတာဆာလောင်ရက်နာ အမာရက်ကကိန်းငါဟေကား မြို့ရက်အာပြန့်လင်ကဟေ။ အိမ်မှရယက်နက်တိုက်ဖက်အာ အမာရက်နာ ကိုယ်တော်ယေရူကအလောင်းငင် လိမ်းအီကဇိစ်အတွက် မွေးကြိုင်ဟေကား ဆီမွှေးရက်အင် ပြင်ဆင်ကို့ကျီးဟေကရပ် ဘုရားရှင်က ပညတ်တော်ရက်အင် လိုက်နာကို့ ဥပုသ်နေ့ယာ အနားလာလင်ကဟေ။
Currently Selected:
လုကာ 23: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 23
23
အခန်း (၂၃)
ပိလတ်ကရှေ့ယာ ကိုယ်တော်ယေရူယင် စစ်ဆေးဟေကား
(မဿဲ ၂၇:၁-၂၊ ၁၁-၁၄။ မာကု ၁၅:၁-၅။ ယောဟန် ၁၈:၂၈-၃၈)
1မှနောက်အာ တရားရုံးငါက တရားစီရင်ရေးအဖွဲ့ဝင် လူးစုတ်ရက်နာ ရိကို့ ကိုယ်တော်ယေရူယင် အုပ်ချုပ်သူပိလတ်ထနဲ့ အော်ကို့လာလင်ကဟေ။ 2အိမ်မှလူးရက်နာ "မှလူးနာ ပြည်သူလူထုရက်အင် ပြသာနာဖြစ်ဇိစ်ကို့ ဧကရာဇ်မင်ကမားအခွန်ကအဆက်မနီး တားမြစ်တုန်းကလည်းကောင်း အပါနာကအပါနာ မေရှိယငါ့ဟေကား ဂျူးလူမျိုးရက်က ရှင်ဘုရင်တစ်ပါးဖြစ်ကြောင်းငင် ပြိစ်တုန်းကလည်းကောင်း ပိုတုန်းနက်ပိုဟေ"ငါ့ကို ပိလတ်ကရှေ့ယာ စကို့ စွပ်စွဲကို့ပြိစ်လင်ကဟေ။ 3မှအကြောင့် ပိလတ်မင်နာ ကိုယ်တော်ယေရူယင် "နင်နာ ဂျူးလူမျိူးရက်က ဘုရင်ငါ့ဟေကနာ မှန်းဟေလဲ"ငါ့ကို ကတာလင်ကဟေ။ ကိုယ်တော်ယေရူယေ "နင်ငါ့ဟေကအတိုင်းမယ် ဖြစ်ဟေ"ငါ့ကို ပြန်ကိုဖြေလင်ကဟေ။ 4မှနောက်အာ ပိလတ်မင်နာ ပုရောဟိတ်အကြီးအကဲရက်အိမ် လူထုပရိသတ်ရက်အင် "မှလူးထနဲ့ အပြစ်ဆူးဝါယေ ငါအပိုပါ(လ်)"ငါ့ကို ငါ့လင်ကဟေ။ 5ညီးငါ့ဒင့်ယေ အိမ်မှလူးရက်နာ ကိုယ်တော်ယေရူယင် ဆက်လက်ကို့ ပြစ်တင်စွပ်စွဲလင်ကဟေ။ အမာရက်နာ မှလူးနာ ဂါလိလဲပြည်ယာဘင်းစကို့ ဂျေရုရှလင်မြို့အထိ ယုဒပြည်တစ်ခွင်လုံးငင် ရောမအစိုးရယင် ပုန်ကန်ကဇိစ် လူးရက်အင် အမာကသွန်သင်ချက်ရက်အိမ် တိုက်တွန်းနိူးဆော်ဒက်ဟေ"ငါ့ကို ဖိအားအီကတူးရက်အင်ပြိစ်လင်ကဟေ။
ပိလတ်မင်းစာ ကိုယ်တော်ယေရှုငင် ဟေရုဒ်ထနဲ့ ပါ(လ်)နက်ဟေကား
6အိမ်မှတူဝင် ပိလတ်တတ်ဟေကရပ် "မှလူးနာ ဂါလိလဲပြည်သား ဖြစ်ဟေနိမ့်လဲ"ငါကို့ ကတာလင်ကဟေ။ 7မှနောက်အာ ပိလတ်နာ ကိုယ်တော်ယေရူနာ ဟေရုဒ်(အန္တိပ)အုပ်ချုပ်ဟေကား ဂါလိလဲနယ်ယာက ဖြစ်ဟေကအကြောင်းငင် တတ်ဟေကရပ် ကိုယ်တော်ယေရူယင် ဟေရုဒ်ကမား ပါ(လ်)လင်ကဟေ။ အိမ်မှအချိန်ငါ ဟေရုဒ်နာ ဂျေရုရှလင်မြို့ဝါ ထုန်တုန်းလင်ကဟေ။ 8အုပ်ချုပ်သူဟေရုဒ်နာ ကိုယ်တော်ယေရူယင် ပိုဟေကရပ် တဗျင်းဝမ်းသာလင်ကဟေ။ အဇာရိကို့အငါနဲ့ အမာနာ ကိုယ်တော်ယေရူက အကြောင်းငင် တတ်ကို့ ကိုယ်တော်အိမ် လက်ကက်ကနာ အချိန်ကြားဒက်နန်းဖြစ်ဟေ။ အမာနာ ကိုယ်တော်လိစ်ဟေကား အံ့ဖွယ်အမူ ဆူးဝါပါဆာယင် ပိုပိုကဇိစ် မျှော်လင့်တုန်းလင်ကဟေ။ 9မှအကြောင့် ဟေရုဒ်နာ ကိုယ်တော်ယေရူငင် မေးခွန်းဘောင်းကိုကတာလင်ကဟေ။ ညီးငါ့ဒင့်ယေ ကိုယ်တော်ယေရူနာ ဆူးဝါးယေ့ ပြန်ကို့ဖြေဟေကားအငါပါ(လ်)။ 10မှနောက်အာ ဂျူးပုရောဟိတ်အကြီးအကဲရက်အိမ် ကျမ်းတတ်ဆရာရက်နာ ကိုယ်တော်ယေရူက အနားဆာစက်ကို့ ပြင်းပြင်းထန်ထန် ပြစ်တင်စွပ်စွဲလင်ကဟေ။ 11ဟေရုဒ်အိမ် အမာကစစ်ဆားရက်အ(လ်) ကိုယ်တော်ယင် မရိုမသေလိစ်ကို့ ကဲ့ရဲ့လှောင်ပြောင်လင်ကဟေ။ မှနောက်အာ ဟေရုဒ်နာ ကိုယ်တော်ဝင် ရှင်ဘုရင်အဖြစ် ဟန်ဆောင်ကဖန်းကဇိစ်အတွက် ရှင်ဘုရင်ဝတ်စုံငင် တူဇိစ်ကို့ ပိလတ်မင်ထနဲ့ ပြန်ကို့ပါ(လ်)ကဟေ။ 12မလားကရပ် ပိလတ်မင်အိမ် ဟေရုဒ်ရက်နာ အချင်းချင်း ရန်ငြိုးရန်စရက်ငါဒက်ကယေ့ အိမ်မှယက်တတ်တင့်င(လ်) အဖက်ရက်ဖြစ်ကလင်ကဟေ။
ကိုယ်တော်ယေရူယင် သေဒဏ်အဟိုက်ကား
(မဿဲ ၂၇:၁၅-၂၆။ မာကု ၁၅:၆-၁၅။ ယောဟန် ၁၈:၃၉-၁၉:၁၆)
13မှနောက်အာ အုပ်ချူပ်သူပိလတ်နာ ပုရောဟိတ်အကြီးအကဲရက်၊ ဂျူးလူမျိူးအကြီးကဲရက်အိမ် ကျန်ဟေကလူးရက်အင် စုကို့အော်လင်ကဟေ။ 14မှနောက်အာ ပိလတ်မင်နာ အမာရက်အင် "နနိန်ရက်နာ မှလူးဝင် လူထုယင် တော်လှန်ပုန်ကန်မနီး လှုံ့ဆော်ဒက်ဟေငါ့ကို ငါထနဲ့ နနိန်ရက်အော်လားကန်ကို့ စွပ်စွဲဒက်ဟေ။ ညီးငါ့ဒင့်ယေ ငါနာ နနိန်ရက်ကရှေ့ယာဒင့် အမင် စစ်ဆေးဒက်ကယေ့ မှလူးထနဲ့ နနိန်ရက်စွပ်စွဲဟေကား အပြစ်ဆူးဝါယင့် ငါအပိုပါ(လ်)။ 15ဟေရုဒ်ယေ အမာထနဲ့ အပြစ်အပိုကို့ အပြစ်ဒဏ်အအီထမ်း ငါထနဲ့ပြန့်ကို ပါ(လ်)နက်အန်ဟေ။ အမာနာ သေဒဏ်ဟြတ်သင့်ဟေကား အပြစ်ဆူးဝါယေ့ အလိစ်တက်ပါ(လ်)။ 16မှကြောင့် အမင် ကြိမ်ဒဏ်အီဂို့ ပြန်ကိုဖြောက်နက်ကဟေ"ငါ့ကို ငါ့လင်ကဟေ။ 17ပိလတ်နာ အိမ်မှဒေလေပြိစ်ပိုကအကြောင်းနာ ပသခါပွဲတော်ကာလယာ လူးရက်ကအတွက် ဂျူးလူမျိးအကျဉ်းသားဟူးဝါယင် #23:17 လုကာရေးပီဟေကား မူရင်းကျမ်းငါ ၂၃း၁၇အင် အပိုပါ(လ်)ငါ့ကို ကျမ်းစာပညာရှင်အများစုနာ ယူဆဟေ။ ၄◌င်းကို နောက်ခံအချက်အလက်အဖြစ် နောက်ပိုင်းငါ ထည့်သွင်းနိုင်ဖွယ်ငါ့ဟေ။လွတ်ငြိမ်းချမ်းသာခွင့်အီပိုဟေကား ထုံးစံကြောင့်ဖြစ်ဟေ။ 18ညီးငါဒင့်ယေ အိမ်မှလူးစုတ်ရက်နာ "အမင် ကတိုက်နက်အင့်။ ငါရက်ကအတွက် ဗာရဗ္ဗယင်မယ် လွတ်အီယန်"ငါ့ကို တစ်ပြိုင်တည်းဟော်လင်ကဟေ။ 19ဗာရဗ္ဗနာ ဂျေရုဆလင်မြို့ထဲယာ ဖြစ်တက်ဟေကား ရောမအစိုးရယင် တော်လှန်ပုန်ကန်မူအာ ပါဝင်ပတ်သက်မူအိမ် လူသတ်မူအတွက် ထောင်ထဲယာထည့်ဟေကင့် ဟင်းပိုကလူးဖြစ်ဟေ။ 20မှအကြောင့် ပိလတ်မင်နာ ကိုယ်တော်ယေရှုယင် လွှတ်အီကက်ကတောင်း အိမ်မှလူထုယင် အယောက်ဟက်တာ မေတ္တာရပ်ခံလင်ပီကဟေ။ 21ညီးငါ့ဒင့်ယေ အိမ်မှလူးရက်နာ "အမင် လက်ဝါးကပ်တိုင်ဖုံးငါတင်ကို့ ကတိုက်နက်အင် လက်ဝါးကပ်တိုင်ဖုံးငါတင်ကို့ ကတိုက်နက်အင့်" ငါးဂို့ ဟော်ကို့လင်ဂါဟေ။ 22ပိလတ်မင်င(လ်) "အမှာနာ အဆာမီကအပြစ်အင် ကျူးလွန်ဒက်ကိုယား။ အမင် သေဒဏ်အီပေါဇရိုးမှက အပြစ်အင်လိစ်ပီကား ငါအပိုပါ(လ်)။ အမင် အပြစ်အီဆုံးမကို လွတ်အီနက်ကား"ငါ့ကို တတိယအကြိမ်ထပ်မံကို ငါ့လင်ကဟေ။ 23ညီးငါ့ဒင့်ယေ အိမ်မှလူးရက်နာ ကိုယ်တော်ယေရူယင် လက်ဝါးကပ်တိုင်ဖုံးငါတင်ကို့ ကတိုက်ကဇိစ်မယ် ဟော်ကို့ ဆက်လက်ကြွေးကြော်ကို့ တောင်းဆိုတုန်းကတောင်း နောက်ဆုံးငါ အမာရက်က တောင်းဆိုဟေကနာ အောင်မြင်ကို့ အနိုင်လှုလင်ကဟေ။ 24မှအကြောင့် နောက်ဆုံးငါ ပိလတ်မင်နာ အိမ်မှလူးရက်က ဟော်ကို့တောင်းဆိုကအတိုင်း သဘောတူကဇိစ် ဆုံးဖြတ်ကျီးဟေကရပ် 25တော်လှန်ပုန်ကန်မူအိမ် လူသတ်မူအိမ် ထောင်ထဲယာ အကျဉ်းဟြတ်တုန်းက ဗာရဗ္ဗယင် လွတ်အီနက်ကို့ ကိုယ်တော်ယေရူယင်က(လ်) အမာရက်ကဆန္ဒအတိုင်းလိစ်ကဇိစ် အက်အီလင်ကဟေ။
ကိုယ်တောယေရှုငင် လက်ဝါးကပ်တိုင်ဖုန်ငါတင်ကို့ ကတိုက်ဟေကား
(မဿဲ ၂၇:၃၂-၄၄။ မာကု ၁၅:၂၁-၃၂။ ယောဟန် ၁၉:၁၇-၂၇)
26မှအကြောင့် စစ်ဆာရက်နာ ကိုယ်တော်ယေရူယင် အော်ကို့လာလင်စမ်း ကျေးလက်ဒေသဘင်း ဂျေရုဆလင်မြို့ဝါ ဗန်တုန်းဟေကား ကုရေနေမြို့သားရှိမုန်ငင် ကိ(လ်)အော်လားလင်ကို့ လက်ဝါးကပ်တိုင်ငင် အတင်းအကြပ် ဖေးကဖန်းကို့ ကိုယ်တော်ယေရူကအလိုဝါ ယောကဖန်းလင်ကဟေ။ 27လူးရက်အ(လ်) ကိုယ်တော်ယေရူကအလိုဝါ ယောဝန်လင်ကဟေ။ အိမ်မှလူးရက်ကအထဲယာ ကိုယ်တော်ယေရူ ကတိုက်စာဟင်းငန်ပိုကဟေ့ကတောင်း ဝမ်းနည်းကို့ ရင်ဘက်ရက်အင်ထုကို့ ဟော်ကိုဟြတ်ရ်တုန်းဟေကား တာဆာလောင်ရက်အ(လ်) ကိုယ်တော်က အလိုဝါယောဝန်လင်ကဟေ။ 28မှအကြောင့် ကိုယ်တော်နာ အိမ်မားတာဆာလောင်ရက်က ဟိုက်နီးယာလှည့်ကို "ဂျေရုဆလင်မြို့ဝါက တာဆာလောင်ရက်၊ ငါက အတွက်အဟြရ်အဲ့။ အိမ်မှအစား နနိန်ရက်အိမ် နနိန်ရက်ကအဆာ၊ဆာအိပ်ရက်ကအပေါ်ဝါ ဖြစ်ပျက်အန်ကဟေ့ကားအူဇာရက်ကအတွက်မယ် ဟြရ်အင့်ဂီး။ 29အဇာရိကို့အငါနဲ့ "ဘင်းစားမက်တာဆာလောင်ရက်၊ ကိုယ်ဝန်အဆောင်ဟြာနိမ့်ကား တာဆာလောင်ရက်အိမ် မန်ဆာရက်ဇိစ် အစုတ်အတိ(လ်)ဟြာရ်နိမ့်က တာဆာလောင်ရက်နာ ကံမီဟေ"ငါ့ကို လူးရက် ငါ့ပိုကအချိန်နာ မကြာခင်ငါထုန်ဗာ(ဖ်)ကဟေ့ဖြစ်ဟေ။ 30မှနောက်အာ
လူးရက်နာ တာဂိုးရက်အင် 'ငါရက်ကအဖုံးငါ ကတိ(လ်)ငန်'ငါ့ကိုလည်းကောင်း
တောင်ကုန်းရက်အင် 'ငါရက်အင် ဖုံးအုပ်အန်'ငါ့ကိုလည်းကောင်း ငါ့လင်ကဖြစ်ဟေ။
31စိမ်းလန်းဟေကား အဖင်းတလေဖြစ်ဟေကား ဖြောင့်မတ်ဟေကင့်ငင်ဒင့် အမာရက်နာ အတတ်ကဒေလေလိစ်တက်ဟေငါနဲ့က(လ်) ရာကူး(ဖ်)ဟေကား အဖင်းတလေဖြစ်ဟေကား အပြစ်အီကဟင်းပိုကား နနိန်ရက်အင် ပိုကို့ ဆိုးဆိုးရွားရွားလိစ်လင်ကားနာ အမှန်တကယ်ဖြစ်ဟေ"ငါ့ကို ငါ့လင်ကဟေ။ 32စစ်ဆာရက်နာ တစ်ခြားရာဇဝတ်သားနိန်ဟူးဝင်င(လ်) သေဒဏ်အီကဇိစ်အတွက် ကိုယ်တော်ယေရူအိမ်မက်တာ အော်ကို့လာလင်ကဟေ။ 33"အဟူးအခွံ"ငါ့ကိုအော်ဟေကအရပ်အာ ထုန်ဟေကရပ် အမာရက်နာ ကိုယ်တော်ယေရူယင် လက်ဝါးကပ်တိုင်ဖုံးငါ တင်ကို့ ဇေ့အိမ်နက်ကို့ပီလင်ကဟေ။ ရာဇဝတ်သားနိမ့်ဟူးငင်ယေ့ ကိုယ်တော်က ပုတ်ဆလက်ဖက်အာဟူးဝါ၊ ပေလက်ဖက်အာဟူးဝါ လက်ဝါးကပ်တိုင်းဖုံးငါတင်ဂို့ ဇေ့နက်လင်ကဟေ။ 34အိမ်မှအခါ ကိုယ်တော်ယေရူနာ အမင် လက်ဝါးကပ်တိုင်ဖုံးငါ တင်ဟေကလူးရက်ကအတွက် "အို အဗား(ဖ်)ဘုရားရှင် အမာရက်နာ အဇာရက်အင်လိစ်တုန်းကယားငါ့ဟေကင့် အချေးကတောင်း အမာရက်အင် ခွင့်လွတ်အီယန်နက်နိမ့်"ငါ့ကို ဆုစိန်လင်ကဟေ။ မှနောက်အာ စစ်ဆာရက်နာ ကိုယ်တော်က အဝတ်စားရက်အင် မဲနှိုက်ကို့ မန်လာလင်ကဟေ။ 35လူးရက်အ(လ်) အိမ်မှနေရာနား စက်ကို့ စောင်ယူတုန်းလင်ကဟေ။ မှနောက်အာ ဂျူးလူမျိုးအကြီးကဲရက်နာ ကိုယ်တော်ယေရူယင် ဆာရိုကို့ "မှလူးနာ တစ်ခြားလူးရက်အင် ကယ်တင်ဒက်ဟေ။ အမာနာ ဘုရားရှင်ရွေးချယ်ပီးဟေကား ကယ်တင်ရှင်မေရှိယမှန်နဲ့က(လ်) အမာကအမာ ကယ်တင်လင်နူး(ဖ်)"ငါ့ကို ငါ့လင်ကဟေ။ 36စစ်ဆာရက်အ(လ်) ကိုယ်တော်ယေရူငင် ဆာရိုဂိုး ကိုယ်တော်ကအနားဆာ ဗန်(ဖ်)ကို့ ဈီးဆန်းဟေကားဝိုင်ချဉ်ငင်#23:36 ဝိုင်ချဉ်ငါ့ဟေကားနာ အချဉ်ကအိန်းတစ်မျိူးဖြစ်ဟေ။ နာကျင်မူရက်အင် ဆက်ဆာကဇိစ်အတွက် အသုံးပြုဟေ။ယုဒသန် ကျမ်းငါ ပုံးရည်ငါ့ကို ငါ့ပီးဟေ။ တိမ်ဂို့ 37"နင်နာ ဂျူးလူမျိူးရက်က ရှင်ဘုရင်ဖြစ်ဟေကား မှန်းဟေငါ့နဲ့က(လ်) နင်ကနင် ကယ်တင်ငင်" ငါးဂို ငှားလင်ကဟေ။ 38ကိုယ်တော်ယေရူကအဟူးဖုံးငါယေ့ "မှလူးစာ ဂျူးလူမျိူးရက်ကဘုရင်ဖြစ်ဟေ'ငါ့ကို ကမ္ပည်းရေးပီဟေကား ဆိုင်းဘုတ်အင် ချိတ်ပီလင်ကဟေ။ 39မှနောက်အာ လက်ဝါးကပ်တိုင်ဖုံးငါ ဇေ့နက်စာဟင်းပိုဟေကား ရာဇဝတ်သားနိမ့်ဟူးထဲယာက#23:39 ရာဇဝတ်သားငါ့ဟေကားနာ အပြစ်လိစ်ဟေကလူးဝင်ဆိုလိုဟေ။ ဟူးဝါယေ့ ကိုယ်တော်ငင် "နင်နာ ကယ်တင်ရှင်မေရှိယမှန်နဲ့က(လ်) နင်ကနင် ကယ်တင်ငင့်။ ငါရက်အင်ယေ့ ကယ်တင်ငန်" ငါးဂို စော်ကားကို့ငါ့လင်ကဟေ။ 40ညီးငါ့ဒင့်ယေ အယောက်ကဟူးဝါက(လ်) အိမ်မှလူးဝင် "နင်နာ အဇာရိကား အတတ်ကဒေအမီကားတူရက်အင် ပြိစ်တုန်းဟေကယား။ နင်နာ ဘုရားရှင်ငင် အစက်သင့်ဟေ။ အဇာရိကို့အငါနဲ့ နင်င(လ်) မှလူးတလေ လက်ဝါးကပ်တိုင်ဖုံးငါ ကတိုက်စာဟင်းငန်ပိုကဟေ့တောင်းဖြစ်ဟေ။ 41ငါရက်နိန်ဟူးနာ ကျူးလွန်ဒက်ဟေကား အပြစ်ဒုစရိုက်ရက်အိမ် ထိုက်တန်ဟေကား အပြစ်ဒဏ်ငင် ဟင်းပိုကတောင်း မှနည်းလမ်းအိမ် အပြစ်အီကဟင်းပိုကနာ မှန်ကန်ဟေ။ ညီးငါ့ဒင်ယေ့ မှလူးက(လ်) ဆူးဝါယင့် ကျူးလွန်ဒက်ဟေကားအငါပါ(လ်)"ငါ့ကို ဆုံးမကို့ငါ့လင်ကဟေ။ 42မှနောက်အာ အမာနာ ကိုယ်တော်ယေရူငင် "ကိုယ်တော်၊ ကိုယ်တော်နာ ရှင်ဘုရင်အဖြစ် အုပ်ချူပ်ကဇိစ် ကြွဗန်(ဖ်)ဟေကရပ် ငင် သတိလှုဝန်နက်နိမ့်"ငါ့ကို လျှောက်တင်လင်ကဟေ။ 43အိမ်မအခါ ကိုယ်တော်ယေရှုနာ အမင် "နင်ငင် ငါအမှန်ငန်းဂါ နင်နာ ယက်တင့် ငါအိမ်မက်တာ ပရဒိသုဘုံဝါ#23:43 ပရဒိသုဘုံ(သုခဘုံ)ငါ့ဟေကနာ ဖြောင့်မတ်ကလူးရက်က အဆက်ပြန်ကို့ဆိမ်းဟေကအိမ် နောက်ဆုံးတရားစီရင်ဟေကား စောင်တုန်းဟေကား ငြိမ်းချမ်းဟေက နေရာဖြစ်ဟေ။ ငန်ကား" ငါးဂို ငှားလင်ကဟေ။
ကိုယ်တော်ယေရူ ဆိန်းဟေကား
(မဿဲ ၂၇:၄၅-၅၆။ မာကု ၁၅:၃၃-၄၁။ ယောဟန် ၁၉:၂၈-၃၀)
44အိမ်မှအချိန်နာ စမိတ်မွန်းတည့်ချိန်ဖြစ်ဟေ။ အိမ်မှအချိန်ငါဘင်းစကို့ နက်တိုက်ဘက် သုံးနာရီထိ ကမ္ဘာမြေဆူးဝါလုံးနာ ထင့်မုတ်မုတ်ဖြစ်တုန်းလင်ကဟေ။ 45အဇာရိကို့အငါနဲ့ စမိတ်ကအလင်းရောင်နာ ပျောက်ကလင်ကတောင်းဖြစ်ဟေ။ အိမ်မှအချိန်ငါ ဗိမာန်တော်အတာဟုန်းငါက ကန့်လန့်ကာယေ့ နိမ့်စိပ်စိပ်ကလင်ကဟေ။ 46မှနောက်အာ ကိုယ်တော်ယေရူယေ ဟော်ကို "အို အဗား(ဖ်)ဘုရား ငါကဝိညာဉ်ယင် အဗား(ဖ်)ဘုရားကတာဟူးဝါ အက်အန်နက်မက်"ငါ့ကို ငါ့ကျီးကရပ် အဆက်မုန်ဖြောက်လင်ကဟေ။ 47မှအဖြစ်အင်ပိုဟေကား ရောမတပ်မှူနာ ဘုရားရှင်ဂါဘုန်းတန်ခိုးငင် ချီးမွမ်းဂို့ "မှလူးနာ အမှန်တကယ်ဒင့် ဖြောင့်မတ်ကလူးဖြစ်ဟေ" ငါးဂို့ ငှားလင်ကဟေ။ 48အိမ်မှအဖြစ်ပျက်ရက်အင် ယူကဇိစ် စုဝေးကို့ထုန်ဗာ(ဖ်)ဟေကား လူထုပရိသတ်ရက်အ(လ်) ကိုယ်တော်ယေရူကအဖြစ်အင် ပိုဟေကရပ် အမာရက်က ရင်ဘက်ရက်အင်ပေါက်ကို့ ဝမ်းနည်းကြောင်းငင် ဆနပ်ကို့ အမာရက်က ကိန်းရက်အာ ပြန့်ငန်လင်ကဟေ။။ 49ကိုယ်တော်ယေရူက အသိမိတ်ဆွေအပေါင်းငါဘင်းစကို့ ဂါလိလဲနယ်ယာဘင်း ကိုယ်တော်ကအလိုဝါ ယောဝန်လင်ကား တာဆာလောင်ရက်အ(လ်) မလှမ်းမကမ်းငါစက်ကို့ အိမ်မှအဖြစ်ပျက်ရက်အင် ယူတုန်းလင်ကဟေ။
ကိုယ်တော်ယေရူယင် သင်္ဂြိုလ်ဟေကား
(မဿဲ ၂၇:၅၇-၆၁။ မာကု ၁၅:၄၂-၄၇။ ယောဟန် ၁၉:၃၈-၄၂)
50အိမ်မှအချိန်ငါ ဖြောင့်မတ်ကို့ သူတော်ကောင်းဖြစ်ဟေကား ယုဒပြည် အရိမဿဲမြို့သား ယောသပ်ငါ့ကို အော်ဟေကလူးဟူးဝါ ငါ့လင်ကဟေ။ အမာစာ တရားလွတ်တော်အဖွဲ့ဝင်ဟူးဝါဖြစ်ဟေ။ 51အမာနာ ကိုယ်တော်ယေရူအိမ်ပတ်သက်ကို့ တရားစီးရင်ရေးအဖွဲ့က စီရင်ဆုံးဖြတ်ချက်အိမ် လုပ်ဆောင်ချက်ရက်အင် လက်အခံကလူးဖြစ်ကို့ ဘုရားရှင်ကသာသနာတော်ဖော်ဗာ(ဖ်)ကအချိန်ငင် စော်တုန်းကလူးယေ့ဖြစ်ဟေ။ 52အမာနာ အုပ်ချူပ်သူပိလတ်ထနဲ့လင်ကို့ ကိုယ်တော်ယေရူကအလောင်းငင် လာကို့ သင်္ဂြိုဟ်ခွင့်ပြုကဇိစ် စိန်လင်ကရပ် ပိလတ်အ(လ်) ခွင့်ပြုလင်ကဟေ။ 53မှနောက်အာ ယောသပ်စာ တစ်ခြားလူးရက်က အကူညီအိမ် ကိုယ်တော်က အလောင်းငင် လက်ဝါးကပ်တိုင်ငါဘင်း အမုတ်အာအဟြတ်ကို့ ကြိလ်ကို့ကင်နင်းဟေကား ပိတ်စအိမ် အလောင်းငင် ပတ်ကို့ တာလုံရက်ထူဟေကား တာဂိုးဝင်ဖောက်ပီးဟေကား လိုဏ်ဂူထဲယာ ကနင်းဖူးဆာပီလင်ကဟေ။ အိမ်မှလှိုဏ်ဂူနာ သင်္ချိုင်းနေရာအဖြစ် ဟူးဝါယေ့ အသုံးအပြုနိမ့်ကား သင်္ချိုင်းဂူအနန်းဖြစ်လင်ကဟေ။ 54ကိုယ်တော်ယေရူဆိန်းဟေက ရယက်နာ အဖိတ်နေ့ဖြစ်ဟေကား သောကြာနေ့ဖြစ်ကို့ ဥပုသ်နေ့ထုန်ဗာ(ဖ်)ကဟေ့ဖြစ်ကတောင်း ဂျူးလူမျိုးရက်က ထုံစံအရယေ့ အိမ်မှရယက်မွန်းလွဲပိုင်းငါ အလိစ်အလိစ်ကဇိစ် တားမြစ်ပီလင်ကဟေ။ 55ကိုယ်တော်ယေရူအိမ်မက်တာ မြို့ထဲယာယောဝန်ဟေကား ဂါလိလဲနယ်ယာက တာဆာလောင်ရက်နာ ယောသပ်အိမ်မက်တာ ယောလင်ကဟေ။ အမာရက်နာ သင်္ချုင်းယင် ပိုဒက်ကို့ ကိုယ်တော်ယေရူက အလောင်းငင် အိမ်မှသင်္ချုင်တာဟုန်းငါ အဆာမီပီဟေ့ယားငါ့ဟေကင့်အိမ် ဂူသင်္ချိူင်းအဟုန်းငင်ယေ လူးရက်နာ တာလုံပြောင်တစ်တုံးငင်လှိမ်းကို့ ပိတ်ပီးဟေကင့် ပိုလင်ကဟေ။ 56မှနောက်အာ အိမ်မှတာဆာလောင်ရက်နာ အမာရက်ကကိန်းငါဟေကား မြို့ရက်အာပြန့်လင်ကဟေ။ အိမ်မှရယက်နက်တိုက်ဖက်အာ အမာရက်နာ ကိုယ်တော်ယေရူကအလောင်းငင် လိမ်းအီကဇိစ်အတွက် မွေးကြိုင်ဟေကား ဆီမွှေးရက်အင် ပြင်ဆင်ကို့ကျီးဟေကရပ် ဘုရားရှင်က ပညတ်တော်ရက်အင် လိုက်နာကို့ ဥပုသ်နေ့ယာ အနားလာလင်ကဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.