လုကာ 24
24
အခန်း (၂၄)
ကိုယ်တော်ယေရှု ဆိန်းကဘင်း အဆက်ပြန်ကို့ဆိမ်းဟေကား
(မဿဲ ၂၈:၁-၁၀။ မာကု ၁၆:၁-၈။ ယောဟန် ၂၀:၁-၁၀)
1တနင်္ဂါနွေနေ့အပင့်ဟာမတ်စောစောဝါ တာဆာလောင်ရက်နာ ပြင်ဆင်ပီကား အမွေးနံ့သာရည်ရက်အင်လာဂိုး ကိုယ်တော်ယေရူက အလောင်ငင်ပီဟေကားသင်္ချိုင်းဂူယာ လင်လင်ကဟေ။ 2အမာရက်နာ အိမ်မှနေရာယာထုန်ဟေကရပ် သင်္ချိင်းဂူအဟုန်းငင်ပိတ်ပီဟေကား တဗျင်းပြောင်ကို့အနိမ်ဟေကား တလုံးဗြောင်ငင် လူးဟူးဝါပါဆာနာ အကြိတ်ပီကတလေ လင်းစန်ဗြောင်ငါ ထုန်တုန်းဟေကား ပိုလင်ကဟေ။ 3မှအကြောင့် အမာရက်နာ သင်္ချိုင်းဂူတာဟုန်းငါ ဆင်ဟေကရပ် ကိုယ်တော်ယေရူက အလောင်းငင် ဆုံးကယေ့ ကိုယ်တော်က အလောင်းနာ အိမ်မှနေရာနား အငါနန်း။ 4အမှာရက်နာ ကိုယ်တော်ယေရူက အလောင်းအိမ်ပတ်သက်ကို့ အဆာမီဖြစ်ကလင်ကယားငါ့ဟေကင့် ဇဝေဇဝါဖြစ်တုန်းစမ်း တဗျင်းတောက်ပတုန်းကား အဝတ်စားရက်အင် တူပီဟေကားလူးနိန်ဟူးနာ ရုတ်တရက်ဖော်ဗာ(ဖ်)ကို့ အမာရက်ကဘေးယား ဗန်ကို့စက်တုန်းလင်ကဟေ။ 5မှအကြောင့် တာဆာလောင်ရက်နာ တဗျင်းအစက်ကို့ ကဇက်အာ အမာရက်ကအာဟူးရက်အိမ်တိုးကို့ အိမ်မှနိန်ဟူးငင် ဆာဗား(ဖ်)လင်ကဟေ။ အိမ်မှနိန်ဟူးနာ အမာရက်အင် "ဆိန်းကလူးရက်အင်မယ် ပီဟေကားသင်္ချိုင်းဂူဝါ အဆက်ဆိမ်းတုန်းကလူးယင် အဇာရိကဆုံးတုန်းကယား။ 6ကိုယ်တော်နာ မှသင်္ချိုင်းဂူယာ အငါနန်း။ ကိုယ်တော်နာ ဆိန်းကမှဘင်း အဆက်ဆိမ်းကလင်နန်းဖြစ်ဟေ။ ကိုယ်တော်နာ နနိန်ရက်အိမ်မက်တာ ဂါလိလဲပြည်ယာတုန်းဒက်ကရပ် ငါ့ဆနပ်တက်ကရက်အင် သတိလှူဝင်းဂီး။ 7"ငါလူ့သားတော်နာ အပြစ်ဒုစရိုက်သမားရက်ကမား အက်ကဟင်းလင်ပိုကား။ ငင် လက်ဝါးကပ်တိုင်ဖုံးငါတင်ကို့ အိမ်မှလူးရက်က ကတိုက်ဟေကား ဟင်းလင်ပိုကား။ ငါနာ သုံးရက်မြောက်ကရယက်အာ ဆိန်းကမှဘင်း အဆက်ပြန်ကို့ဆိမ်းလင်ကားငါ့ကို ငါ့ပီဒက်ဟေ အရိလဲ"ငါ့ကို ငါ့လင်ကဟေ။ 8မှနောက်အာ တာဆာလောင်ရက်နာ ကိုယ်တော်ယေရှု ငါ့ပီဒက်ဟေကားရက်အင် သတိလှုလင်ကဟေ။ 9မှအကြောင့် သင်္ချိုင်းဂူဝါဘင်း ပြန်ငန်ကို့ မြို့ဝါထုန်ဟေကရပ် အိမ်မှအဖြစ်ပျက်စုတ်ရက်အင် သာဝကတပည့်တော်တစ်ဆယ့်နှစ်ယောက်အိမ် တစ်ခြားတပည့်တော်ရက်ဇိစ်အ(လ်) ငါ့ဆနပ်လင်ကဟေ။ 10မှအဖြစ်ပျက် အကြောင်းအရာရက်အင် ငါ့ဆနပ်တက်ကား တာဆာလောင်ရက်နာ မာဂဒလရွာသူ မာရိ၊ ယောဟန္နအိမ် ယာကုပ်ကအနူ(ဖ်) မာရိရက်ဖြစ်ကို့ တစ်ခြားတာဆလာလောင်ရက်အ(လ်) အမာရက်အိမ်မက်တာ ငါလင်ကဟေ။ 11ညီးငါ့ဒင်ယေ့ သာဝကရက်နာ အိမ်မတာဆာလောင်ရက်က ငါ့ဆနပ်ဟေကတူးရက်နာ အဓိပ္ပာယ်အငါပါ(လ်)ငါ့ကို့ ထင်ဟေကအကြောင့် အမာရက်စာ အယုံကြည်ပါ(လ်)။ 12ညီးငါ့ဒင်ယေ ပေတရုနာ ရိကို့ သင်္ချိုင်းဂူယာ မလားကပ်ကို့လင်လင်ကဟေ။ အမာနာ သင်္ချိုင်းဂူဝါထုန်ဟေကရပ် အတောင်ဟုန်းငါယူနက်ကရပ် ကိုယ်တော်က အလောင်းငင် ပတ်ကို့ပီဟေကား အဝတ်ချာမယ်ပိုလင်ကဟေ။ မှအကြောင့် အမာနာ အိမ်မှအဖြစ်ပျက်ရက်အင် အံ့ဩကို့ ကိန်းငါပြန့်ငန်လင်ကဟေ။
ကိုယ်တော်ယေရူနာ ဧမောက်ထိန်လင်ကလင်းငါ တပည့်တော်နိမ့်ဟူးဇိစ် ကိုယ်ထင်ဆနပ်ကား
(မာကု ၁၆:၁၂-၁၃)
13အိမ်မရယက်အာဒင့် ကိုယ်တော်ယေရူက တစ်ခြားတပည့်တော်နိန်ဟူးနာ ဂျေရုဆလင်မြို့အိမ် ခုနှစ်မိုင်ခန့်စမ်ဟေကား ဧမောက်ထိန်ငါ ခရီးပြုလင်ကဟေ။ 14အမှာရက်နာ လမ်းခရီးအာ ကိုယ်တော်ယေရူအိမ်ပတ်သက်ဟေကား ဟုန်းမလန်းအာက ဖြစ်ပျက်ဒက်ကား အကြောင်းအရာရက်အင် အချင်းချင်းဆွေးနွေးစမ်း လင်တုန်းကဟေ။ 15အိမ်မဒေလေ ဟူးဝါအိမ်ဟူးဝါ အပြန်အလှန်ဆွေးနွေးဂို့ လင်တုန်းဇမ်း ကိုယ်တော်ယေရှုနာ အမာရက်က အနားကပ်ဗန်(ဖ်)ကို့ အမာရက်အိမ်မက်တာ လမ်းလျှောက်ဂို့ ကြွလင်ကဟေ။ 16ညီးငါ့ဒင့်ယေ ဘုရားရှင်နာ အမာရက်အင် ကိုယ်တော်ယေရူယင် မှတ်ကိုအလှုမား ကာစီးပီကတောင်း အမာရက်စာ ကိုယ်တော်ယင်ပိုကယေ့ မှတ်ကိုအလှုပါ(လ်)။ 17မဒေဖြစ်ကို့ ကိုယ်တော်ယေရူနာ "နနိန်ရက်နာ လမ်းခရီးအာ အဆာမီကအကြောင်းအရာရက်အင် ဆွေးနွေးတုန်းကယား"ငါ့ကို ကတာကရပ် အိမ်မှနိန်ဟူးယေ ဝမ်းနည်းတုန်းကတောင်း အမန်းထင့်မုတ်မုတ်ဆာအိမ် အိမ်မှနေရာယာ စက်တုန်းလင်ကဟေ။ 18မှနောက်အာ အိမ်မှနိန်ဟူးထဲယာက ကလောဖငါ့ကို့အော်ဟေကလူးနာ ကိုယ်တော်ဝင် "ဂျေရုဆလင်မြို့ဝါ တုန်းဟေကလူးရက်ကအထဲယာ ဟုန်းမှားလန်းနိုက်ကရပ် ဖြစ်ပျက်တက်ကရက်အင် အချေးကလူးနာ နင်ဟူးဝါမယ်ငါဟေ"ငါ့ကို ငါ့လင်ကဟေ။ 19မှအကြောင့် ကိုယ်တော်နာ "အဇာရက်ဖြစ်ပျက်တက်ကယား"ငါ့ကို ကတာဟေကရပ် အမာရက်နာ ကိုယ်တော်ဝင် "နာဇရက်မြို့သား ကိုယ်တော်ယေရူအိမ် ပတ်သက်ဟေကား အဖြစ်ပျက်ရက်မယ်ဖြစ်ဟေ။ အမာနာ ပရောဖက်တစ်ပါးဖြစ်ကို့ ဘုရားရှင်နာ အမင် လူးရက်အင် သွန်သင်ဆုံးမအီကအိမ် ပြောင်ဟေကားအံ့ဖွယ်အမူရက်အင် လိစ်လှူမနီးအတွက် တန်ခိုးအိမ် အခွင့်အာဏာရက်အင် အီကို့ပီဟေ"ငါ့ကို ပြန်ကို့ဖြေလင်ကဟေ။ ဘုရားရှင်နာ အမင် အတည်ပြုဒက်ကို့ လူးရက်နာ လက်ခံလင်ကဟေ။ 20ညီးင့ဒင့်ယေ့ ဂျူးပုရောဟိတ်အကြီးအကဲရက်အိမ် ဂျူးလူမျိုးခေါင်းဆောင်ရက်နာ ကိုယ်တော်ဝင် သေဒဏ်အီကို့ စီရင်ကဇိစ်အတွက် ရောမအာဏာပိုင်ရက်ကမား အက်တက်ကို့ အိမ်မှအာဏာပိုင်ရက်အ(လ်) ကိုယ်တော်ဝင် လက်ဝါးကပ်တိုင်ဖုံးငါ ဇေ့အိမ်နက်ကို့ ကတိုက်လင်ကဟေ။ 21ကိုယ်တော်ယေရူနာ ငါရက်ကရန်သူဖြစ်ဟေကား ရောမရက်ကတာဟူးဝါဘင်း ကယ်တင်အီယန်ကား မေရှိယဖြစ်အန်ကားငါကို မျှော်လင့်ပီဒက်ဟေ။ ညီးငါ့ဒင့်ယေ မှအူဇာရက်နာ ဖြစ်အန်ကားငါ့ကို အထင်နန်း။ အဇာရိကို့အငါနဲ့ ကိုယ်တော်အိမ်ပတ်သက်ဟေကား အဖြစ်ပျက်ရက် ဖြစ်ပျက်တက်ကနာ သုံးရက်တိုင်တိုင်ငါဒက်နန်းဖြစ်ဟေ။ 22ညီးင့ဒင့်ယေ့ ငါရက်ကအထဲယာက တာဆာလောင်အချို့နာ ယက်အပင့်ဟမတ်စောစောဝါ ကိုယ်တော်ယေရူက အလောင်းငင်ပီဟေကား သင်္ချိုင်းဂူဝါလင်ကယေ့ 23ကိုယ်တော်ယေရူက အလောင်းငင် အပိုဒက်ပါ(လ်)။ မှနောက်အာ ဟမန်းဒေဝါရက်နာ အမာရက်ဇိစ် ကိုယ်ထင်ဆနပ်ကို့ ကိုယ်တော်ယေရူ အဆက်ပြန်ကို့ဆိမ်းငင်နန်းငါ့ကို ငါ့ဆနပ်တက်ကား အမာရက်နာ ငါရက်ဇိစ် ပြန်ကို့ငါ့ဆနပ်တက်ဟေ။ 24အိမ်မအကြောင့် ငါ့ရက်ကအထဲယာက လူးအချို့ယေ့ သင်္ချိုင်းဂူယာ လင်ကိုယူဝါကရပ် အိမ်မတာဆလောင်ရက် ငါ့ဒက်ကဒေဖြစ်ကို ကိုယ်တော်ယေရှုက အလောင်းငင် အပိုဒက်ပါ(လ်)"ငါ့ဂို ငါ့ဆနပ်လင်ကဟေ။ 25မှနောက်အာ ကိုယ်တော်ယေရူနာ အိမ်မှတပည့်နိန်ဟူးငင် "နနိန်ရက်နာ အဇာရိကို့ မိုက်မဲတုန်းကယား။ ပရောဖက်ရက် ကျမ်းစာယာရေးပီဒက်ကား မေရှိယအိမ် ပတ်သက်ဟေကား အကြောင်းအရာရက်အင် အဇာရိကား အယုံကြည်ကယား။ 26ဘုရားရှင်နာ အမင်ချီးမွမ်းဂုဏ်အပြုမိ ဆင်းရဲဒုက္ခယင် ခံစားပိုကို့ ဆိန်းပိုကားငါ့ကို ပရောဖက်ရက် ရေးပီဟေကား ကျမ်းစာယာ ရှင်းရှင်းလင်းလင်းအိမ် ငါ့ဆနပ်တက်ကား နနိန်ရက်အချေးကလဲ"ငါ့ကို ငါ့လင်ကဟေ။ 27မှနောက်အာ ကိုယ်တော်ယေရူနာ မောရှေအိမ် ပရောဖက်အပေါင်းရက်က ရေးပီဒက်ကား ကျမ်းရက်အာ အမာကအကြောင့်ငင် အဆာမီရေးကို့ပီဒက်ကယားငါ့ဟေကအကြောင်းငင် တပည့်တော်ရက်ဇိစ် ရှင်းပြဆနပ်လင်ကဟေ။ 28အိမ်မဒလေရိကို့ ကိုယ်တော်ယေရူအိမ် တပည့်တော်ရက်အ(လ်) ဧမောက်ထိန်အနားဆာ ထုန်ဗာ(ဖ်)ကို့ တပည့်တော်ရက်နာ အိမ်မှထိန်ငါဆင်လင်ကရပ် ကိုယ်တော်နာ ခရီးဆက်ကို့လင်ကဇိစ်ရိတုန်းကတောင်း 29အမာရက်နာ ကိုယ်တော်ဝင် "နာရာရိနဲ့က(လ်) စမိတ်ဆင်ကို့ ဟင်းနက်အန်ကဟေ့ဖြစ်ကတောင်း ငါရက်အိမ်မက်တာ ဗန်ကို့တည့်ဗာ(ဖ်)"ငါ့ကို ကိုယ်တော်ဝင် ဖိတ်လင်ကဟေ။ မှအကြောင့် ကိုယ်တော်ယေရူယေ့ အမာရက်အိမ်မက်တာ ကိန်းတာဟုန်းငါ ယောလင်ကဟေ။ 30မှနောက်အာ ကိုယ်တော်ယေရူနာ အမာရက်အိမ်မက်တာ ပုတ်ဆာကဇိစ် တုန်းဟေကရပ် ကိုယ်တော်နာ တဗန်းအချို့ဝင်လာကို့ ဘုရားရှင်က ဂုဏ်ကျေးဇူးယင် ချီးမွမ်းကို့ တဗန်းငင်အဆိုက်ကို့ တပည့်တော်ရက်ဇိစ် အီလင်ကဟေ။ 31ရုတ်တရက် ဘုရားရှင်နာ အမာရက်ကအမြင်အာရုံငင် ဖွင့်အီနက်ကတောင်း အမာရက်နာ ကိုယ်တော်ယေရူဝင် မှတ်ကို့လှုလင်ကဟေ။ ညီးငါ့ဒင့်ယေ အချိန်နာရာဆာအိမ်ဒင့် ကိုယ်တော်နာ အမာရက်ကရှေ့ယာဘင်း ပျောက်ကလင်ကဟေ။ 32မှနောက်အာ အမာရက်နာ "မှအကြောင့် လမ်းခရီးအာ ကိုယ်တော်နာ ငါရက်အင် တူးပြိစ်ကို့ ကျမ်းစားရက်ကအဓိပ္ပာယ်ယင် ရှင်းပြတုန်းစမ်း ငါရက်နာ ဝမ်းမြောက်ပျော်ရွှင်စွာအိမ် စိတ်လှူပ်ရှားဒက်ဟေကားဖြစ်ဟေ"ငါ့ကို အမာရက်ကအချင်းချင်း ငါ့တုန်းလင်ကဟေ။ 33မှနောက်အာ အမာရက်စာ ချက်ချင်းရိကို ဂျေရုဆလင်မြို့ဝါ ပြန့်လင်ကဟေ။ အမာရက် အိမ်မှအရပ်အာထုန်ဟေကရပ် သာဝကတပည့်တော် တစ်ဆယ့်နိန်ဟူးနာ တစ်ခြားကိုယ်တော်က နောက်လိုက်ရက်အိမ်မက်တာ စုကို့တုန်းတုန်းဟေကင့် ပိုလင်ကဟေ။ 34စုဝေးကို့တုန်းတုန်းဟေကလူးရက်နာ အိမ်မှနိန်ဟူးဇိစ် "ငါရက်တတ်တက်ပိုကား အဖြစ်ပျက်ရက်နာ မှန်းဟေ။ ကိုယ်တော်နာ ဆိန်းကမှဘင်း အဆက်ပြန်ကို့ဆိမ်းဟေကနာ အမှန်တကယ်ဖြစ်ကို့ ရှိမုန်ဇိစ် ကိုယ်ထင်ဆနပ်တက်ဟေ"ငါ့ကို ငါ့လင်ကဟေ။ 35မှနောက်အာ ဧမောက်ထိန်ငါဘင်း ပြန့်ကိုထုန်ဗာ(ဖ်)ဟေကား တပည့်တော်နိန်ဟူးနာ လမ်းခရီးအာ ကိုယ်တော်ယေရူနာ အမာရက်ကရှေ့ယာဖော်ဗာ(ဖ်)ကို့ လင်းတစ်လျှောက် တူးပြိစ်ဗန်(ဖ်)ကားအကြောင်းအိမ် ကိုယ်တော်နာ တဗန်းငင်အဆိုက်ကို့ အီဟေကရပ်မယ် ကိုယ်တော်ဝင် မှတ်ကို့လူဟေကအကြောင်းငင် အမာရက်ကြုံတွေ့ဒက်ပိုကား အဖြစ်ပျက်ရက်အင် လူတိုင်းဇိစ် ငါ့ဆနပ်လင်ကဟေ။
ကိုယ်တော်ယေရူနာ တပည့်တော်ရက်အင် ကိုယ်ထင်ဆနပ်ဟေကား
(မဿဲ ၂၈:၁၆-၂၀။ မာကု ၁၆:၁၄-၁၈။ ယောဟန် ၂၀:၁၉-၂၃)
36တပည့်တော်ရက်နာ အတတ်ကဒေလေက အဖြစ်ပျက်ရက်အင် လူးတိုင်းဇိစ်ငါ့ဆနပ်တုန်းကရပ် ရုတ်တရက် ကိုယ်တော်ယေရူနာ အိမ်မှလူးစုတ်ရက်က အလယ်ယာ စက်ကို့ "နနိန်ရက်အိမ်မက်တာ ဘုရားရှင်က ငြိမ်းချမ်းမူငါ့လင်ပါဟေ"ငါ့ကို ငါ့လင်ကဟေ။ 37ညီးင့ဒင့်ယေ့ တပည့်တော်ရက်နာ ကိုယ်တော်ဝင် ပိုဟေကရပ် ဟမန်းကဒက်ဟေငါ့ကို ထင်ကို့ တဗျင်းအစက်လင်ကဟေ။ 38မှအကြောင့် ကိုယ်တော်ယေရူနာ အမာရက်အင် "နနိန်ရက် အဇာရိကား အစက်တုန်းကယား။ ငါအဆက်ဆိမ်းတုန်းဟေငါ့ဟေကင့် သံသယဆင်တုန်းကလဲ။ 39မှနေရာယာ ငါကိုယ်တော်ကိုယ်တိုင်ငါတုန်းဟေ။ ငါကတာဟူးအိမ်အတာရက်အင် ယူဝင်း။ ငါအမှန်တကယ်ဖြစ်ဟေကား နနိန်ရက်ချေးမနီး ငင်တိုးကို့ယူဝင်း။ သရဲရက်ကား အမှာရာအိမ်အဆန်ရက် အငါပါ(လ်)။ ညီးငါ့ဒင့်ယေ ငါကက(လ်) အမာရာအိမ်အဆန်ရက်ငါ့ဟေကား နနိန်ရက်ပိုလင်ကား"ငါ့ကို ငါ့လင်ကဟေ။ 40အိမ်မှဒေလေငါ့ကိုကျီးဟေကရပ် ကိုယ်တော်နာ အမာက အတာအိမ်တာဟူးရက်အာက ဒဏ်ရာရက်အင် တပည့်တော်ရက်ဇိစ် ဆနပ်လင်ကဟေ။ 41တပည့်တော်ရက်နာ ကိုယ်တော် အဆက်ပြန်ကို့ဆိမ်းဟေကား အကျုံလှုနိမ့်ကယေ့ ကိုယ်တော်ဝင် ပိုဟေကတောင်း တဗျင်းအံ့ဩကို့ ဝမ်းသာလင်ကဟေ။ မှနောက်အာ ကိုယ်တော်ယေရူနာ အမာရက်အင် "ငါဇိစ် ဆာကဇမ်းဆူးဝါပါဆာ အီယန်ဂီး"ငါ့ကို ငါ့လင်ကဟေ။ 42မှအကြောင့် အမာရက်နာ ကိုယ်တော်ဇိစ် တနာအကင်တစ်ပိုင်းငင် အီလင်ကဟေ။ 43ကိုယ်တော်ယေ လာကို့ အမှာရက်ကရှေ့ယာ ဆာနက်လင်ကဟေ။
ကိုယ်တော်ယေရူနာ အမာကနောက်လိုက်ရက်အင် နောက်ဆုံး ညွန်ကြားချက်အီဟေကား
44မှနောက်အာ ကိုယ်တော်နာ အမာရက်အင် "ငါနာ နနိန်ရက်အိမ်မက်တာ တုန်ဒက်ကရပ် ငါ့ပီဒက်ကားအတိုင်း မောရှေကပညတ်ကျမ်း၊ ပရောဖက်ရက်ရေးပီဟေကားကျမ်းရက်အိမ် ဆာလံကျမ်းရက်အာ ငါကအကြောင်းအိမ်ပတ်သက်ကို့ ငါ့ဆနပ်ပီဟေကား အကြောင်းအရာစုတ်ရက်နာ အမှန်တကယ်ဖြစ်အန်ကားငါ့ကို ငါငါ့ဆနပ်ပီဒက်ကားအတိုင်း အတတ် အမှန်တကယ်ဒင့် ဖြစ်အန်နန်းဖြစ်ဟေ"ငါ့ကို ငါ့လင်ကဟေ။ 45မှနောက်အာ ကျမ်းစာယင် နားလည်ကဇိစ်ကအတွက် တပည့်တော်ရက်က အသိညဏ်ယင် ဖွင့်ကို့အီလင်ကဟေ။ 46ကိုယ်တော်နာ တပည့်တော်ရက်အင် "ကျမ်းစာရက်အာ ရေးပီဟေကာနာ ကယ်တင်ရှင်မေရှိယစာ ဒုက္ခဝေဒနာရက်အင် ခံစားကို့ကျီးကရပ် ဆိန်းပိုကဖြစ်ကယေ့ သုံးရက်မြောက်ဟေကရယက်အာ ဆိန်းကမှဘင်း အဆက်ပြန်ကို့ဆိမ်းငန်လင်ကားဖြစ်ဟေ။ 47မေရှိယကတပည့်တော်ရက်နာ အပြစ်ဒုစရိုက်ရက်အင် နောင်တလှူကို့ ဘုရားရှင်ကဟိုက်နီးယာ ပြန်ကို့ဗန်(ဖ်)ဟေကလူးစုတ်ရက်နာ ကယ်တင်ဟေကဟင်းငန်ပိုကငါ့ဟေကား မင်္ဂလာသတင်းကောင်းငင် ဂျေရုဆလင်မြို့ဝါဘင်းစကို့ ကမ္ဘာပေါ်ဝါက လူမျိုးပေါင်းစုံရက်ကမားလင်ကို့ ဟောဆနပ်လင်ကားငါ့ကို ကျမ်းစာယာ ရေးကို့ပီဒက်ဟေ။ 48မှအကြောင့် နနိန်ရက်နာ ငါကြုံဒက်ပိုကား အဖြစ်ပျက်ရက်နာ အမှန်တကယ်ဖြစ်ဟေကင့် ပိုဒက်ပိုကားလူးရက်ဖြစ်ကို့ မှအကြောင်းအရာရက်အင် လူးရက်ဇိစ် သက်သေခံကို့ ဟောဆနပ်ပိုကားဖြစ်ဟေ။ 49ငါနာ ငါကအဗာ(ဖ်)ဘုရားရှင် အီပီးဒက်ဟေကားကတိအတိုင်း ဉာဏ်အလင်းတော်ယင် နနိန်ရက်ကမား ဖြောက်နက်အန်ကား။ ညီးငါ့ဒင့်ယေ နနိန်ရက်နာ ဘုရားရှင်ထနဲ့က တန်ခိုးဝင် အလှုနိမ့်က အချိန်ထိ ဂျေရုဆလင်မြို့ဝါမယ် စောင်တုန်းငင်" ငါးဂို ငါ့လင်ကဟေ။
ကိုယ်တော်ယေရူ ရွှေမြို့တော်ဝါ ကြွလင်ဂါ
(မာကု ၁၆:၁၉-၂၀)
50မှနောက်အာ ကိုယ်တော်ယေရှုနာ အမာကတပည့်တော်ရက်အင် မြို့အပြင်းငါက ဗေသနိထိန်အနားဆာ အော်လားကလင်ကို့ကျီးဟေကရပ် ကိုယ်တော်နာ တာဟူးဝင်မြှောက်ကိုး တပည့်တော်ရက်ဇိစ် ဆုစိန်အီလင်ကဟေ။ 51ကိုယ်တော်နာ အိမ်မှဒေလေဆုစိန်တုန်းစမ်းဒင့် အမာရက်ကမှဘင်းပြုကို့ ရွှေမြို့တော်ဝါ အော်ခေါ်ကို့လာကဟင်းလင်ပိုကဟေ။ 52တပည့်တော်ရက်အ(လ်) ကိုယ်တော်ယေရှုယင် ဒူးထောက်ဆာဗား(ဖ်)ကျီးကရပ် ဝမ်းမြောက်ဝမ်းသာအိမ် ဂျေရုဆလင်မြို့ဝါ ပြန်းလင်ကဟေ။ 53အမာရက်စာ ဂျေရုဆလင်မြို့ဝါ ထုန်ဟေကအခါ ဗိမာန်တော်အတောင်ဟုန်းငါ လင်ကို့ ဘုရားရှင်ကဂုဏ်ကျေးဇူးငင် ရယက်တုပ် ချီးမွမ်းဂိုတုန်းလင်ကဟေ။
Currently Selected:
လုကာ 24: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 24
24
အခန်း (၂၄)
ကိုယ်တော်ယေရှု ဆိန်းကဘင်း အဆက်ပြန်ကို့ဆိမ်းဟေကား
(မဿဲ ၂၈:၁-၁၀။ မာကု ၁၆:၁-၈။ ယောဟန် ၂၀:၁-၁၀)
1တနင်္ဂါနွေနေ့အပင့်ဟာမတ်စောစောဝါ တာဆာလောင်ရက်နာ ပြင်ဆင်ပီကား အမွေးနံ့သာရည်ရက်အင်လာဂိုး ကိုယ်တော်ယေရူက အလောင်ငင်ပီဟေကားသင်္ချိုင်းဂူယာ လင်လင်ကဟေ။ 2အမာရက်နာ အိမ်မှနေရာယာထုန်ဟေကရပ် သင်္ချိင်းဂူအဟုန်းငင်ပိတ်ပီဟေကား တဗျင်းပြောင်ကို့အနိမ်ဟေကား တလုံးဗြောင်ငင် လူးဟူးဝါပါဆာနာ အကြိတ်ပီကတလေ လင်းစန်ဗြောင်ငါ ထုန်တုန်းဟေကား ပိုလင်ကဟေ။ 3မှအကြောင့် အမာရက်နာ သင်္ချိုင်းဂူတာဟုန်းငါ ဆင်ဟေကရပ် ကိုယ်တော်ယေရူက အလောင်းငင် ဆုံးကယေ့ ကိုယ်တော်က အလောင်းနာ အိမ်မှနေရာနား အငါနန်း။ 4အမှာရက်နာ ကိုယ်တော်ယေရူက အလောင်းအိမ်ပတ်သက်ကို့ အဆာမီဖြစ်ကလင်ကယားငါ့ဟေကင့် ဇဝေဇဝါဖြစ်တုန်းစမ်း တဗျင်းတောက်ပတုန်းကား အဝတ်စားရက်အင် တူပီဟေကားလူးနိန်ဟူးနာ ရုတ်တရက်ဖော်ဗာ(ဖ်)ကို့ အမာရက်ကဘေးယား ဗန်ကို့စက်တုန်းလင်ကဟေ။ 5မှအကြောင့် တာဆာလောင်ရက်နာ တဗျင်းအစက်ကို့ ကဇက်အာ အမာရက်ကအာဟူးရက်အိမ်တိုးကို့ အိမ်မှနိန်ဟူးငင် ဆာဗား(ဖ်)လင်ကဟေ။ အိမ်မှနိန်ဟူးနာ အမာရက်အင် "ဆိန်းကလူးရက်အင်မယ် ပီဟေကားသင်္ချိုင်းဂူဝါ အဆက်ဆိမ်းတုန်းကလူးယင် အဇာရိကဆုံးတုန်းကယား။ 6ကိုယ်တော်နာ မှသင်္ချိုင်းဂူယာ အငါနန်း။ ကိုယ်တော်နာ ဆိန်းကမှဘင်း အဆက်ဆိမ်းကလင်နန်းဖြစ်ဟေ။ ကိုယ်တော်နာ နနိန်ရက်အိမ်မက်တာ ဂါလိလဲပြည်ယာတုန်းဒက်ကရပ် ငါ့ဆနပ်တက်ကရက်အင် သတိလှူဝင်းဂီး။ 7"ငါလူ့သားတော်နာ အပြစ်ဒုစရိုက်သမားရက်ကမား အက်ကဟင်းလင်ပိုကား။ ငင် လက်ဝါးကပ်တိုင်ဖုံးငါတင်ကို့ အိမ်မှလူးရက်က ကတိုက်ဟေကား ဟင်းလင်ပိုကား။ ငါနာ သုံးရက်မြောက်ကရယက်အာ ဆိန်းကမှဘင်း အဆက်ပြန်ကို့ဆိမ်းလင်ကားငါ့ကို ငါ့ပီဒက်ဟေ အရိလဲ"ငါ့ကို ငါ့လင်ကဟေ။ 8မှနောက်အာ တာဆာလောင်ရက်နာ ကိုယ်တော်ယေရှု ငါ့ပီဒက်ဟေကားရက်အင် သတိလှုလင်ကဟေ။ 9မှအကြောင့် သင်္ချိုင်းဂူဝါဘင်း ပြန်ငန်ကို့ မြို့ဝါထုန်ဟေကရပ် အိမ်မှအဖြစ်ပျက်စုတ်ရက်အင် သာဝကတပည့်တော်တစ်ဆယ့်နှစ်ယောက်အိမ် တစ်ခြားတပည့်တော်ရက်ဇိစ်အ(လ်) ငါ့ဆနပ်လင်ကဟေ။ 10မှအဖြစ်ပျက် အကြောင်းအရာရက်အင် ငါ့ဆနပ်တက်ကား တာဆာလောင်ရက်နာ မာဂဒလရွာသူ မာရိ၊ ယောဟန္နအိမ် ယာကုပ်ကအနူ(ဖ်) မာရိရက်ဖြစ်ကို့ တစ်ခြားတာဆလာလောင်ရက်အ(လ်) အမာရက်အိမ်မက်တာ ငါလင်ကဟေ။ 11ညီးငါ့ဒင်ယေ့ သာဝကရက်နာ အိမ်မတာဆာလောင်ရက်က ငါ့ဆနပ်ဟေကတူးရက်နာ အဓိပ္ပာယ်အငါပါ(လ်)ငါ့ကို့ ထင်ဟေကအကြောင့် အမာရက်စာ အယုံကြည်ပါ(လ်)။ 12ညီးငါ့ဒင်ယေ ပေတရုနာ ရိကို့ သင်္ချိုင်းဂူယာ မလားကပ်ကို့လင်လင်ကဟေ။ အမာနာ သင်္ချိုင်းဂူဝါထုန်ဟေကရပ် အတောင်ဟုန်းငါယူနက်ကရပ် ကိုယ်တော်က အလောင်းငင် ပတ်ကို့ပီဟေကား အဝတ်ချာမယ်ပိုလင်ကဟေ။ မှအကြောင့် အမာနာ အိမ်မှအဖြစ်ပျက်ရက်အင် အံ့ဩကို့ ကိန်းငါပြန့်ငန်လင်ကဟေ။
ကိုယ်တော်ယေရူနာ ဧမောက်ထိန်လင်ကလင်းငါ တပည့်တော်နိမ့်ဟူးဇိစ် ကိုယ်ထင်ဆနပ်ကား
(မာကု ၁၆:၁၂-၁၃)
13အိမ်မရယက်အာဒင့် ကိုယ်တော်ယေရူက တစ်ခြားတပည့်တော်နိန်ဟူးနာ ဂျေရုဆလင်မြို့အိမ် ခုနှစ်မိုင်ခန့်စမ်ဟေကား ဧမောက်ထိန်ငါ ခရီးပြုလင်ကဟေ။ 14အမှာရက်နာ လမ်းခရီးအာ ကိုယ်တော်ယေရူအိမ်ပတ်သက်ဟေကား ဟုန်းမလန်းအာက ဖြစ်ပျက်ဒက်ကား အကြောင်းအရာရက်အင် အချင်းချင်းဆွေးနွေးစမ်း လင်တုန်းကဟေ။ 15အိမ်မဒေလေ ဟူးဝါအိမ်ဟူးဝါ အပြန်အလှန်ဆွေးနွေးဂို့ လင်တုန်းဇမ်း ကိုယ်တော်ယေရှုနာ အမာရက်က အနားကပ်ဗန်(ဖ်)ကို့ အမာရက်အိမ်မက်တာ လမ်းလျှောက်ဂို့ ကြွလင်ကဟေ။ 16ညီးငါ့ဒင့်ယေ ဘုရားရှင်နာ အမာရက်အင် ကိုယ်တော်ယေရူယင် မှတ်ကိုအလှုမား ကာစီးပီကတောင်း အမာရက်စာ ကိုယ်တော်ယင်ပိုကယေ့ မှတ်ကိုအလှုပါ(လ်)။ 17မဒေဖြစ်ကို့ ကိုယ်တော်ယေရူနာ "နနိန်ရက်နာ လမ်းခရီးအာ အဆာမီကအကြောင်းအရာရက်အင် ဆွေးနွေးတုန်းကယား"ငါ့ကို ကတာကရပ် အိမ်မှနိန်ဟူးယေ ဝမ်းနည်းတုန်းကတောင်း အမန်းထင့်မုတ်မုတ်ဆာအိမ် အိမ်မှနေရာယာ စက်တုန်းလင်ကဟေ။ 18မှနောက်အာ အိမ်မှနိန်ဟူးထဲယာက ကလောဖငါ့ကို့အော်ဟေကလူးနာ ကိုယ်တော်ဝင် "ဂျေရုဆလင်မြို့ဝါ တုန်းဟေကလူးရက်ကအထဲယာ ဟုန်းမှားလန်းနိုက်ကရပ် ဖြစ်ပျက်တက်ကရက်အင် အချေးကလူးနာ နင်ဟူးဝါမယ်ငါဟေ"ငါ့ကို ငါ့လင်ကဟေ။ 19မှအကြောင့် ကိုယ်တော်နာ "အဇာရက်ဖြစ်ပျက်တက်ကယား"ငါ့ကို ကတာဟေကရပ် အမာရက်နာ ကိုယ်တော်ဝင် "နာဇရက်မြို့သား ကိုယ်တော်ယေရူအိမ် ပတ်သက်ဟေကား အဖြစ်ပျက်ရက်မယ်ဖြစ်ဟေ။ အမာနာ ပရောဖက်တစ်ပါးဖြစ်ကို့ ဘုရားရှင်နာ အမင် လူးရက်အင် သွန်သင်ဆုံးမအီကအိမ် ပြောင်ဟေကားအံ့ဖွယ်အမူရက်အင် လိစ်လှူမနီးအတွက် တန်ခိုးအိမ် အခွင့်အာဏာရက်အင် အီကို့ပီဟေ"ငါ့ကို ပြန်ကို့ဖြေလင်ကဟေ။ ဘုရားရှင်နာ အမင် အတည်ပြုဒက်ကို့ လူးရက်နာ လက်ခံလင်ကဟေ။ 20ညီးင့ဒင့်ယေ့ ဂျူးပုရောဟိတ်အကြီးအကဲရက်အိမ် ဂျူးလူမျိုးခေါင်းဆောင်ရက်နာ ကိုယ်တော်ဝင် သေဒဏ်အီကို့ စီရင်ကဇိစ်အတွက် ရောမအာဏာပိုင်ရက်ကမား အက်တက်ကို့ အိမ်မှအာဏာပိုင်ရက်အ(လ်) ကိုယ်တော်ဝင် လက်ဝါးကပ်တိုင်ဖုံးငါ ဇေ့အိမ်နက်ကို့ ကတိုက်လင်ကဟေ။ 21ကိုယ်တော်ယေရူနာ ငါရက်ကရန်သူဖြစ်ဟေကား ရောမရက်ကတာဟူးဝါဘင်း ကယ်တင်အီယန်ကား မေရှိယဖြစ်အန်ကားငါကို မျှော်လင့်ပီဒက်ဟေ။ ညီးငါ့ဒင့်ယေ မှအူဇာရက်နာ ဖြစ်အန်ကားငါ့ကို အထင်နန်း။ အဇာရိကို့အငါနဲ့ ကိုယ်တော်အိမ်ပတ်သက်ဟေကား အဖြစ်ပျက်ရက် ဖြစ်ပျက်တက်ကနာ သုံးရက်တိုင်တိုင်ငါဒက်နန်းဖြစ်ဟေ။ 22ညီးင့ဒင့်ယေ့ ငါရက်ကအထဲယာက တာဆာလောင်အချို့နာ ယက်အပင့်ဟမတ်စောစောဝါ ကိုယ်တော်ယေရူက အလောင်းငင်ပီဟေကား သင်္ချိုင်းဂူဝါလင်ကယေ့ 23ကိုယ်တော်ယေရူက အလောင်းငင် အပိုဒက်ပါ(လ်)။ မှနောက်အာ ဟမန်းဒေဝါရက်နာ အမာရက်ဇိစ် ကိုယ်ထင်ဆနပ်ကို့ ကိုယ်တော်ယေရူ အဆက်ပြန်ကို့ဆိမ်းငင်နန်းငါ့ကို ငါ့ဆနပ်တက်ကား အမာရက်နာ ငါရက်ဇိစ် ပြန်ကို့ငါ့ဆနပ်တက်ဟေ။ 24အိမ်မအကြောင့် ငါ့ရက်ကအထဲယာက လူးအချို့ယေ့ သင်္ချိုင်းဂူယာ လင်ကိုယူဝါကရပ် အိမ်မတာဆလောင်ရက် ငါ့ဒက်ကဒေဖြစ်ကို ကိုယ်တော်ယေရှုက အလောင်းငင် အပိုဒက်ပါ(လ်)"ငါ့ဂို ငါ့ဆနပ်လင်ကဟေ။ 25မှနောက်အာ ကိုယ်တော်ယေရူနာ အိမ်မှတပည့်နိန်ဟူးငင် "နနိန်ရက်နာ အဇာရိကို့ မိုက်မဲတုန်းကယား။ ပရောဖက်ရက် ကျမ်းစာယာရေးပီဒက်ကား မေရှိယအိမ် ပတ်သက်ဟေကား အကြောင်းအရာရက်အင် အဇာရိကား အယုံကြည်ကယား။ 26ဘုရားရှင်နာ အမင်ချီးမွမ်းဂုဏ်အပြုမိ ဆင်းရဲဒုက္ခယင် ခံစားပိုကို့ ဆိန်းပိုကားငါ့ကို ပရောဖက်ရက် ရေးပီဟေကား ကျမ်းစာယာ ရှင်းရှင်းလင်းလင်းအိမ် ငါ့ဆနပ်တက်ကား နနိန်ရက်အချေးကလဲ"ငါ့ကို ငါ့လင်ကဟေ။ 27မှနောက်အာ ကိုယ်တော်ယေရူနာ မောရှေအိမ် ပရောဖက်အပေါင်းရက်က ရေးပီဒက်ကား ကျမ်းရက်အာ အမာကအကြောင့်ငင် အဆာမီရေးကို့ပီဒက်ကယားငါ့ဟေကအကြောင်းငင် တပည့်တော်ရက်ဇိစ် ရှင်းပြဆနပ်လင်ကဟေ။ 28အိမ်မဒလေရိကို့ ကိုယ်တော်ယေရူအိမ် တပည့်တော်ရက်အ(လ်) ဧမောက်ထိန်အနားဆာ ထုန်ဗာ(ဖ်)ကို့ တပည့်တော်ရက်နာ အိမ်မှထိန်ငါဆင်လင်ကရပ် ကိုယ်တော်နာ ခရီးဆက်ကို့လင်ကဇိစ်ရိတုန်းကတောင်း 29အမာရက်နာ ကိုယ်တော်ဝင် "နာရာရိနဲ့က(လ်) စမိတ်ဆင်ကို့ ဟင်းနက်အန်ကဟေ့ဖြစ်ကတောင်း ငါရက်အိမ်မက်တာ ဗန်ကို့တည့်ဗာ(ဖ်)"ငါ့ကို ကိုယ်တော်ဝင် ဖိတ်လင်ကဟေ။ မှအကြောင့် ကိုယ်တော်ယေရူယေ့ အမာရက်အိမ်မက်တာ ကိန်းတာဟုန်းငါ ယောလင်ကဟေ။ 30မှနောက်အာ ကိုယ်တော်ယေရူနာ အမာရက်အိမ်မက်တာ ပုတ်ဆာကဇိစ် တုန်းဟေကရပ် ကိုယ်တော်နာ တဗန်းအချို့ဝင်လာကို့ ဘုရားရှင်က ဂုဏ်ကျေးဇူးယင် ချီးမွမ်းကို့ တဗန်းငင်အဆိုက်ကို့ တပည့်တော်ရက်ဇိစ် အီလင်ကဟေ။ 31ရုတ်တရက် ဘုရားရှင်နာ အမာရက်ကအမြင်အာရုံငင် ဖွင့်အီနက်ကတောင်း အမာရက်နာ ကိုယ်တော်ယေရူဝင် မှတ်ကို့လှုလင်ကဟေ။ ညီးငါ့ဒင့်ယေ အချိန်နာရာဆာအိမ်ဒင့် ကိုယ်တော်နာ အမာရက်ကရှေ့ယာဘင်း ပျောက်ကလင်ကဟေ။ 32မှနောက်အာ အမာရက်နာ "မှအကြောင့် လမ်းခရီးအာ ကိုယ်တော်နာ ငါရက်အင် တူးပြိစ်ကို့ ကျမ်းစားရက်ကအဓိပ္ပာယ်ယင် ရှင်းပြတုန်းစမ်း ငါရက်နာ ဝမ်းမြောက်ပျော်ရွှင်စွာအိမ် စိတ်လှူပ်ရှားဒက်ဟေကားဖြစ်ဟေ"ငါ့ကို အမာရက်ကအချင်းချင်း ငါ့တုန်းလင်ကဟေ။ 33မှနောက်အာ အမာရက်စာ ချက်ချင်းရိကို ဂျေရုဆလင်မြို့ဝါ ပြန့်လင်ကဟေ။ အမာရက် အိမ်မှအရပ်အာထုန်ဟေကရပ် သာဝကတပည့်တော် တစ်ဆယ့်နိန်ဟူးနာ တစ်ခြားကိုယ်တော်က နောက်လိုက်ရက်အိမ်မက်တာ စုကို့တုန်းတုန်းဟေကင့် ပိုလင်ကဟေ။ 34စုဝေးကို့တုန်းတုန်းဟေကလူးရက်နာ အိမ်မှနိန်ဟူးဇိစ် "ငါရက်တတ်တက်ပိုကား အဖြစ်ပျက်ရက်နာ မှန်းဟေ။ ကိုယ်တော်နာ ဆိန်းကမှဘင်း အဆက်ပြန်ကို့ဆိမ်းဟေကနာ အမှန်တကယ်ဖြစ်ကို့ ရှိမုန်ဇိစ် ကိုယ်ထင်ဆနပ်တက်ဟေ"ငါ့ကို ငါ့လင်ကဟေ။ 35မှနောက်အာ ဧမောက်ထိန်ငါဘင်း ပြန့်ကိုထုန်ဗာ(ဖ်)ဟေကား တပည့်တော်နိန်ဟူးနာ လမ်းခရီးအာ ကိုယ်တော်ယေရူနာ အမာရက်ကရှေ့ယာဖော်ဗာ(ဖ်)ကို့ လင်းတစ်လျှောက် တူးပြိစ်ဗန်(ဖ်)ကားအကြောင်းအိမ် ကိုယ်တော်နာ တဗန်းငင်အဆိုက်ကို့ အီဟေကရပ်မယ် ကိုယ်တော်ဝင် မှတ်ကို့လူဟေကအကြောင်းငင် အမာရက်ကြုံတွေ့ဒက်ပိုကား အဖြစ်ပျက်ရက်အင် လူတိုင်းဇိစ် ငါ့ဆနပ်လင်ကဟေ။
ကိုယ်တော်ယေရူနာ တပည့်တော်ရက်အင် ကိုယ်ထင်ဆနပ်ဟေကား
(မဿဲ ၂၈:၁၆-၂၀။ မာကု ၁၆:၁၄-၁၈။ ယောဟန် ၂၀:၁၉-၂၃)
36တပည့်တော်ရက်နာ အတတ်ကဒေလေက အဖြစ်ပျက်ရက်အင် လူးတိုင်းဇိစ်ငါ့ဆနပ်တုန်းကရပ် ရုတ်တရက် ကိုယ်တော်ယေရူနာ အိမ်မှလူးစုတ်ရက်က အလယ်ယာ စက်ကို့ "နနိန်ရက်အိမ်မက်တာ ဘုရားရှင်က ငြိမ်းချမ်းမူငါ့လင်ပါဟေ"ငါ့ကို ငါ့လင်ကဟေ။ 37ညီးင့ဒင့်ယေ့ တပည့်တော်ရက်နာ ကိုယ်တော်ဝင် ပိုဟေကရပ် ဟမန်းကဒက်ဟေငါ့ကို ထင်ကို့ တဗျင်းအစက်လင်ကဟေ။ 38မှအကြောင့် ကိုယ်တော်ယေရူနာ အမာရက်အင် "နနိန်ရက် အဇာရိကား အစက်တုန်းကယား။ ငါအဆက်ဆိမ်းတုန်းဟေငါ့ဟေကင့် သံသယဆင်တုန်းကလဲ။ 39မှနေရာယာ ငါကိုယ်တော်ကိုယ်တိုင်ငါတုန်းဟေ။ ငါကတာဟူးအိမ်အတာရက်အင် ယူဝင်း။ ငါအမှန်တကယ်ဖြစ်ဟေကား နနိန်ရက်ချေးမနီး ငင်တိုးကို့ယူဝင်း။ သရဲရက်ကား အမှာရာအိမ်အဆန်ရက် အငါပါ(လ်)။ ညီးငါ့ဒင့်ယေ ငါကက(လ်) အမာရာအိမ်အဆန်ရက်ငါ့ဟေကား နနိန်ရက်ပိုလင်ကား"ငါ့ကို ငါ့လင်ကဟေ။ 40အိမ်မှဒေလေငါ့ကိုကျီးဟေကရပ် ကိုယ်တော်နာ အမာက အတာအိမ်တာဟူးရက်အာက ဒဏ်ရာရက်အင် တပည့်တော်ရက်ဇိစ် ဆနပ်လင်ကဟေ။ 41တပည့်တော်ရက်နာ ကိုယ်တော် အဆက်ပြန်ကို့ဆိမ်းဟေကား အကျုံလှုနိမ့်ကယေ့ ကိုယ်တော်ဝင် ပိုဟေကတောင်း တဗျင်းအံ့ဩကို့ ဝမ်းသာလင်ကဟေ။ မှနောက်အာ ကိုယ်တော်ယေရူနာ အမာရက်အင် "ငါဇိစ် ဆာကဇမ်းဆူးဝါပါဆာ အီယန်ဂီး"ငါ့ကို ငါ့လင်ကဟေ။ 42မှအကြောင့် အမာရက်နာ ကိုယ်တော်ဇိစ် တနာအကင်တစ်ပိုင်းငင် အီလင်ကဟေ။ 43ကိုယ်တော်ယေ လာကို့ အမှာရက်ကရှေ့ယာ ဆာနက်လင်ကဟေ။
ကိုယ်တော်ယေရူနာ အမာကနောက်လိုက်ရက်အင် နောက်ဆုံး ညွန်ကြားချက်အီဟေကား
44မှနောက်အာ ကိုယ်တော်နာ အမာရက်အင် "ငါနာ နနိန်ရက်အိမ်မက်တာ တုန်ဒက်ကရပ် ငါ့ပီဒက်ကားအတိုင်း မောရှေကပညတ်ကျမ်း၊ ပရောဖက်ရက်ရေးပီဟေကားကျမ်းရက်အိမ် ဆာလံကျမ်းရက်အာ ငါကအကြောင်းအိမ်ပတ်သက်ကို့ ငါ့ဆနပ်ပီဟေကား အကြောင်းအရာစုတ်ရက်နာ အမှန်တကယ်ဖြစ်အန်ကားငါ့ကို ငါငါ့ဆနပ်ပီဒက်ကားအတိုင်း အတတ် အမှန်တကယ်ဒင့် ဖြစ်အန်နန်းဖြစ်ဟေ"ငါ့ကို ငါ့လင်ကဟေ။ 45မှနောက်အာ ကျမ်းစာယင် နားလည်ကဇိစ်ကအတွက် တပည့်တော်ရက်က အသိညဏ်ယင် ဖွင့်ကို့အီလင်ကဟေ။ 46ကိုယ်တော်နာ တပည့်တော်ရက်အင် "ကျမ်းစာရက်အာ ရေးပီဟေကာနာ ကယ်တင်ရှင်မေရှိယစာ ဒုက္ခဝေဒနာရက်အင် ခံစားကို့ကျီးကရပ် ဆိန်းပိုကဖြစ်ကယေ့ သုံးရက်မြောက်ဟေကရယက်အာ ဆိန်းကမှဘင်း အဆက်ပြန်ကို့ဆိမ်းငန်လင်ကားဖြစ်ဟေ။ 47မေရှိယကတပည့်တော်ရက်နာ အပြစ်ဒုစရိုက်ရက်အင် နောင်တလှူကို့ ဘုရားရှင်ကဟိုက်နီးယာ ပြန်ကို့ဗန်(ဖ်)ဟေကလူးစုတ်ရက်နာ ကယ်တင်ဟေကဟင်းငန်ပိုကငါ့ဟေကား မင်္ဂလာသတင်းကောင်းငင် ဂျေရုဆလင်မြို့ဝါဘင်းစကို့ ကမ္ဘာပေါ်ဝါက လူမျိုးပေါင်းစုံရက်ကမားလင်ကို့ ဟောဆနပ်လင်ကားငါ့ကို ကျမ်းစာယာ ရေးကို့ပီဒက်ဟေ။ 48မှအကြောင့် နနိန်ရက်နာ ငါကြုံဒက်ပိုကား အဖြစ်ပျက်ရက်နာ အမှန်တကယ်ဖြစ်ဟေကင့် ပိုဒက်ပိုကားလူးရက်ဖြစ်ကို့ မှအကြောင်းအရာရက်အင် လူးရက်ဇိစ် သက်သေခံကို့ ဟောဆနပ်ပိုကားဖြစ်ဟေ။ 49ငါနာ ငါကအဗာ(ဖ်)ဘုရားရှင် အီပီးဒက်ဟေကားကတိအတိုင်း ဉာဏ်အလင်းတော်ယင် နနိန်ရက်ကမား ဖြောက်နက်အန်ကား။ ညီးငါ့ဒင့်ယေ နနိန်ရက်နာ ဘုရားရှင်ထနဲ့က တန်ခိုးဝင် အလှုနိမ့်က အချိန်ထိ ဂျေရုဆလင်မြို့ဝါမယ် စောင်တုန်းငင်" ငါးဂို ငါ့လင်ကဟေ။
ကိုယ်တော်ယေရူ ရွှေမြို့တော်ဝါ ကြွလင်ဂါ
(မာကု ၁၆:၁၉-၂၀)
50မှနောက်အာ ကိုယ်တော်ယေရှုနာ အမာကတပည့်တော်ရက်အင် မြို့အပြင်းငါက ဗေသနိထိန်အနားဆာ အော်လားကလင်ကို့ကျီးဟေကရပ် ကိုယ်တော်နာ တာဟူးဝင်မြှောက်ကိုး တပည့်တော်ရက်ဇိစ် ဆုစိန်အီလင်ကဟေ။ 51ကိုယ်တော်နာ အိမ်မှဒေလေဆုစိန်တုန်းစမ်းဒင့် အမာရက်ကမှဘင်းပြုကို့ ရွှေမြို့တော်ဝါ အော်ခေါ်ကို့လာကဟင်းလင်ပိုကဟေ။ 52တပည့်တော်ရက်အ(လ်) ကိုယ်တော်ယေရှုယင် ဒူးထောက်ဆာဗား(ဖ်)ကျီးကရပ် ဝမ်းမြောက်ဝမ်းသာအိမ် ဂျေရုဆလင်မြို့ဝါ ပြန်းလင်ကဟေ။ 53အမာရက်စာ ဂျေရုဆလင်မြို့ဝါ ထုန်ဟေကအခါ ဗိမာန်တော်အတောင်ဟုန်းငါ လင်ကို့ ဘုရားရှင်ကဂုဏ်ကျေးဇူးငင် ရယက်တုပ် ချီးမွမ်းဂိုတုန်းလင်ကဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.