လုကာ 21
21
အခန်း (၂၁)
ဆင်းရဲဟေက မုဆိုးမကအလှူ
(မာကု ၁၂:၄၁-၄၄)
1ကိုယ်တော်ယေရူအိမ် တပည့်တော်ရက်နာ ဗိမာန်တော်ဝင်းအတာဟုန်းငါ ငါတုန်းကရပ် ကိုယ်တော်နာ စက်ကို့ ဘေးပတ်ဝန်းကျင်ငင် ယူနက်ဟေကရပ် ချမ်းသာဟေကလူးရက်နာ အလှူခံပုံရက်အာ အလှုငွေထည်တုန်းဟေကား ပိုလင်ကဟေ။ 2မှနောက်အာ ဆင်းရဲသားမုဆိုးမဟူးဝါယေ ထုန်ဗာ(ဖ်)ကို့ လတ္တာဒင်္ဂါးနှစ်ပြားယင်#21:2 လတ္တာဒင်္ဂါး ၁၈ပြားက ဒေနာရီတစ်ပြားအိမ်ညီဟေ။ တန်ဖိုးအငါက အလှူဖြစ်ဟေကဆိုလိုဟေ။ အလှုငွေထည်တုန်းဟေကယေ့ ကိုယ်တော်နာ ပိုလင်ကဟေ။ 3အိမ်မှကရပ် ကိုယ်တော်ယေရူနာ အမာကတပည့်တော်ရက်အင် "နနိန်ရက်အင် ငါအမှန်ငါ့ဆနပ်ပိုနဲ့က(လ်) ဘုရားရှင်ဇိစ် မှမုဆိုးမကအလှူနာ အယောက်ကလူးရက်ကအလှူတောင်မှာဒင့် ပိုကို့တန်ဖိုးငါဟေ။ 4အဇာရိကို့အငါနဲ့ အိမ်မှချမ်းသာကလူးစုတ်ရက်နာ အမာရက်က ပါ(လ်)တုန်းဟေကတင်္ဂါရက်အင်မယ် လှုဒါန်းဒက်ဟေ။ ညီးငါ့ဒင့်ယေ မှမုဆိုးမနာ တဗျင်းဆင်းရဲကယေ့ အမာကဝမ်းစာအတွက် ဖြစ်ဟေကား ငါ့ဟေကတင်္ဂါစုတ်ရက်အင် လှုဒါန်းဒက်ကတောင်းဖြစ်ဟေ"ငါ့ကို ငါ့လင်ကဟေ။
ဗိမ္မာန်တော်ဖျက်စီးဂါကြောင်းအိမ် နောက်ဆုံးအချိန်က နိမိတ်အင် ကြိုတင်ငါ့ဟေကား
(မဿဲ ၂၄:၁-၂။ မာကု ၁၃:၁-၂)
5မှနောက်အာ ကိုယ်တော်ယေရူက တပည့်တော်အချို့ရက်နာ ဗိမာန်တော်နာ ကနင်းဟေကတာလုံရက်၊ ပူဇော်ဆက်ကပ်ပီဟေကား ဝတ္ထုပစ္စည်းရက်အိမ် အလှဆင်ပီကတောင်း တဗျင်းကနင်းဟေက အကြောင်းငင် ငါ့တုန်းလင်ကဟေ။ 6ညီးငါ့ဒင့်ယေ ကိုယ်တော်ယေရူနာ "နနိန်ရက် ပိုတုန်းဟေကား မှအူဇာစုတ်ရက်အင် ဖြိုချဖျက်စီးဓူ(ဖ်)ကားအချိန်နာ ထုန်ဗာ(ဖ်)လင်ကဟေ့ ဖြစ်ဟေ။ တလုံဆာတစ်လုံးဒင့်င(လ်) မှမူလနေရာယာ အငါဒက်မှ ဖြိုချဖျက်ဆီးဟေကား ဟင်းလင်ပိုကားဖြစ်ဟေ"ငါ့ကို ငါ့လင်ကဟေ။
တွေ့ကြုံပိုကား အခက်ခဲ့ဗြောင်ရက်
(မဿဲ ၂၄:၃-၁၄။ မာကု ၁၃:၃-၁၃)
7အိမ်မှအခါ လူးရက်နာ ကိုယ်တော်ယင် "ကိုယ်တော် မှအဖြစ်ပျက်ရက်နာ အဆီအချိန်ငါ ဖြစ်ပျက်အန်ကယား။ မှအူဇာရက်ဖြစ်ပျက်ကရပ် အဆာမီကား နိမိတ်လက္ခဏာရက် ဖော်ဗာ(ဖ်)ကယား"ငါ့ကို ကတာလင်ကဟေ။ 8အိမ်မှအခါ ကိုယ်တော်ယေရူနာ အမာရက်အင် "အိမ်မှအချိန်ကာလယာ ထုန်ဗာ(ဖ်)နဲ့က(လ်) နနိန်ရက်အင် ဟူးဝါယေ့အဝိုက်လှူမား သတိပီယင့်ဂီး။ အဇာရိကို့အငါနဲ့ လူးရက်နာ အမာရက်ထနဲ့ ငါကအခွင့်အာဏာငါဟေငါ့ကို ဝိုက်ဟေကတူး(ဖ်)ရက်အင်ပြိစ်ကို့ အမာရက်နာ မေရှိယဖြစ်ဟေငါ့ကိုယေ ငါ့လင်ကား။ အိမ်မှတောင်မာဒင့် အမာရက်နာ "ဘုရားရှင်နာ မှကမ္ဘာကြီးယင် အုပ်ချူပ်ကအချိန်နာ ထုန်ဗာ(ဖ်)နန်းဖြစ်ဟေ"ငါ့ကိုယေ ငါ့လင်ကား။ ညီးငါ့ဒင့်ယေ နနိန်ရက်နာ အိမ်မှလူးရက်ကအလိုဝါအယိုလင်းငဲ။ 9စစ်ပွဲရက်အိမ် တော်လှန်ပုံကန်က အကြောင်းရက်အိမ်ပတ်သက်ဟေကား သတင်းရက်အင် နနိန်ရက်တတ်ဟေကရပ်အ(လ်) အစက်ဂီးယဲ။ အဇာရိကို့အငါနဲ့ အတတ်ကဒေလေကား အဖြစ်ပျက်ရက်နာ မလားကင့်မှားဖြစ်ဗာ(ဖ်)က မှန်းကယေ့ ကမ္ဘာကြီးအဆုံးသတ်ကအချိန်နာ ချက်ချင်းဒင့်ထုန်(ဖ်)လင်ကားအရိနိမ့်ပါ(လ်)"ငါ့ကို ငါ့လင်ကဟေ။ 10ဆက်လက်ကို့ ကိုယ်တော်ယေရူနာ "လူမျိုးတစ်မျိုးအိမ်တစ်မျိုး ၊တိုင်းပြည်ဆူးဝါအိမ် ဆူးဝါ စစ်ဖြစ်လင်ကား။ 11ကမ္ဘာ့နေရာအနှံ့ငါယေ့ ပြင်းထန်းဟေကာငလျှင်လိစ်ကရက်၊ ငတ်မွတ်ခေါင်းပါးကရက်အိမ် ကပ်ရောဂါဆိုက်ဟေကရက် ဖြစ်ဗာ(ဖ်)လင်ကား။ ကောင်းဂါလက်အာယေ့ အစက်ကမီဟေကား အူဇာရက်အိမ် ထူးခြားဟေကား နိမိတ်လက္ခဏာရက်ဖော်ဗာ(ဖ်)လင်ကား။ 12ညီးငါ့ဒင့်ယေ အိမ်မှအဖြစ်ပျက်စုတ်ရက် အဖြစ်ပျက်မီ နနိန်ရက်ကရန်သူရက်နာ နနိန်ရက်အင် ရိန်ကို့နှိပ်စက်ကို့ ဓမ္မာရုံခေါင်းဆောင်ရက်ကရှေ့ယာ ရန်ကို့နှိပ်စက်ကို့ နနိန်ရက်အင် ထောင်ငါအဟြတ်ရ်လင်ကား။ နနိန်ရက်နာ ငါကတပည့်ရက်ဖြစ်ကတောင်း ရှင်ဘုရင်ရက်အိမ် အာဏာပိုင်ရက်ကရှေ့ယာ တရားစီရင်ကဇိစ် နနိန်ရက်အင် အော်လားလင်ငန်ကား။ 13အိမ်မှဒေလေဖြစ်ယောဝန်နဲ့က(လ်) နနိန်ရက်နာ ငါကအကြောင်းငင် သက်သေခံကို အမာရက်ဇိစ်ငါ့ဆနပ်ကား အခွင့်ရေးလှုလင်ကားဖြစ်ဟေ။ 14မှအကြောင့် နနိန်ရက်နာ အပါနာကအပါနာ ကာကွယ်ကဇိစ်အတွက် အဆာမီငါ့နက်ပိုကယားငါဟေကင့် အစိုးရိမ်မနီး အခိုင်အမာ ဆုံးဖြတ်ပီယင့်။ 15အဇာကြောင့်ယားငါ့နဲ့ နနိန်ရက်ကရန်သူရက်နာ နနိန်ရက်အင် ဆန့်ကျင်ကို့ အငြင်းလှူမနီး ပြိစ်ပိုကား ဉာဏ်ပညာယင် နနိန်ရက်ဇိစ် ငါအီယန်ကားဖြစ်ဟေ။ 16နနိန်ရက်ကားအနူ(ဖ်)ဗား(ဖ်)၊ နည်းဆီဖုံနား ၊အဆံပန်း၊ အဖက်ရက်ကိုယ်တိုင်ဒင့် နနိန်ရက်အင် သစ္စာဖောက်ကို့ အာဏာပိုင်ရက်ကမားအက်ကဇိစ် နနိန်ရက်ကရန်သူရက်အင် အကူညီအီလင်ကားဖြစ်ဟေ။ အာဏာပိုင်ရက်နာ နနိန်ရက်ကအထဲယာက တစ်ချို့ယင် ကတိုက်ဓူ(ဖ်)လင်ကား။ 17ငါကအကြောင့်အိမ်လူတိုင်းနာ နနိန်ရက်အင် အပေါ်လင်ကက်ပါ(လ်)ကား။ 18ညီးငါ့ဒင့်ယေ နနိန်ရက်အင် ဟူးဝါယေ့ ရပိုက် ဒုက္ခအီလှုဝန်ကားအရိကတောင်း#21:18 မူရင်းကျမ်းတွင် “သို့သော် သင်တို့၏ ဦးခေါင်းထက်မှ ဆံခြည်တစ်မျှင်မျှပင် ပျက်စီးရလိမ့်မည်မဟုတ်ပေ။” ဟုရေးသားထားပါသည်။ အစိုးရိမ်ဂီးယေ့။ 19မှအူဇာစုတ်ရက်အင် ခံနိုင်ရည်ငါကို့ ငင် ဆက်လက်ကို့ယုံကြည်ပီးနဲ့က(လ်) နနိန်ရက်နာ နိစ္စထာဝရအဆက်အင် လှုလင်ကားဖြစ်ဟေ။
ကိုယ်တော်ယေရူ ဂျေရုဆလင်ငင် ဖျက်စီးဂါအကြောင်းငှားဟေကား
(မဿဲ ၂၄:၁၅-၂၁။ မာကု ၁၃:၁၄-၁၉)
20မှနောက်အာ ကိုယ်တော်ယေရူနာ "ဂျေရုဆလင်မြို့ဝင် ရန်သူ့စစ်ဆာရက် ဝိုင်းပီးဟေကား နနိန်ရက်ပိုဟေကရပ် အိမ်မှစစ်ဆာရက်နာ မကြာခင်ငါ မြို့ဝင် ဖျက်စီးဓူ(ဖ်)ဝန်ကဟေ့ကင့် နနိန်ရက်နာ ကနင်းဖူး(ဖ်)ချေးလင်ကဖြစ်ဟေ။ 21အိမ်မှကရပ် ယုဒပြည်ယာ ငါတုန်းဟေကလူးရက်နာ တာဂိုးဖုံးငါ ကပ်ကို့ချေးလင်ပိုကား။ ဂျေရုဆလင်မြို့ထဲယာ ငါတုန်းဟေကလူးရက်အ(လ်) မြို့ဝင်မလောက်ကို့ မြို့အပြင်းငါ ကပ်လင်ပိုကား။ ထိန်ရက်အာ တုန်းဟေကလူးရက်အ(လ်) မြို့ထဲယာ ဆင်လင်လှုကားအရိပါ(လ်)။ 22အဇာကြောင့်ယားငါ့နဲ့ ဘုရားရှင်နာ ဂျေရုဆလင်မြို့ဆားရက်အင် ပြင်းပြင်းထန်ထန် အပြစ်အီယန်ကတောင်းဖြစ်ဟေ။ အိမ်မှဒေ အပြစ်အီဟေကနာ ကျမ်းစာယာ ရေးပီးဟေကားအကြောင်းအရာရက် အမှန်တကယ်ဖြစ်ယောဝန်မနီးကအတွက် ဖြစ်ဟေ။ 23အိမ်မှဒေဖြစ်ပျက်ကား ရယက်ရက်အာ ကိုယ်ဝန်ငါဟေကားတဆာလောင်ရက်အိမ် နိုစို့ဆာရက်အင် ပြုစုတုန်းပိုဟေကအနူ(ဖ်)ရက်နာ ကပ်ကဇိစ်အဆင်အပြေကတောင်း တဗျင်းဒုက္ခထုန်လင်ကား။ အဇာရိကို့အငါနဲ့ အစ္စရေးလူမျိုးရက်ကအပေါ်ဝါ ဘုရားရှင်ကမန်ချေးကရက်နာ ထုန်ဗာ(ဖ်)လင်ကဖြစ်ကတောင်း ဆင်းရဲဒုက္ခဗြောင်လှူလင်ကားဖြစ်ဟေ။ 24လူမျိုးခြားရက်စာ ဂျေရုရှလင်မြို့ဝင်သိမ်းကို့ ဘုရားရှင် စီစဉ်သတ်မှတ်ပီးဟေကား အချိန်ထိ ဂျေရုရှလင်မြို့ဝင် အုပ်ချူပ်ကို့ ဖိနှိပ်ချူပ်ခြယ်လင်ကား။
လူ့သားတော် ပြန်ကြွဗန်(ဖ်)ကရယက်
(မဿဲ ၂၄:၂၉-၃၁။ မာကု ၁၃:၂၄-၂၇)
25မှနောက်အာ ကိုယ်တော်ယေရူနာ "မှကမ္ဘာကြီးယင် အဆုံးသတ်ကအချိန် ထုန်ဗာ(ဖ်)ဟေကရပ် နနိန်ရက်နာ စမိတ်၊ ဆဓား၊ ကြယ်တာရာရက်အာ ထူးဆန်းဟေကနိမိတ်လက္ခဏာရက် ဖြစ်ယောဝန်ကား ပိုလင်ပိုကားဖြစ်ဟေ။ ကမ္ဘာ့တစ်ဝှမ်းအာက နိုင်ငံရက်အာက လူးရက်အ(လ်) ပင်လယ်ကမရိန်းဟေကားအကြာရက်အိမ် လှိုင်းလုံးဗြောင်ရက်က ရိုက်ခတ်သံရက်ကအကြောင်းအိမ် စိုးရိမ်ကို့ အစက်လင်ပိုကားဖြစ်ဟေ။ 26လူးရက်နာ ကမ္ဘာပေါ်ဝါဖြစ်ပျက်ဗာ(ဖ်)ကား အစက်ကားမီဟေကား ဘေးအန္တရာယ်ရက်အင် ကြိုတင်စဉ်းစားတုန်းကို့ တဗျင်းအစက်ယောဝန်ကို့ သတိလစ်ကားဖြစ်ဟေ။ အဇာရိကို့အငါနဲ့ ဘုရားရှင်နာ စကိုင်းဆီးရက်၊ ဂြိုဟ်ရက်အိမ်မက်တာ ကောင်းဂါလက်အာက အူဇာစုတ်ရက်အင် ရမို(ဖ်)ဇိစ်ကတောင်းဖြစ်ဟေ။ 27အိမ်မှအချိန်ငါ ကြီးမြတ်ဟေကား တန်ခိုးအိမ်မက်တာ ဘုန်းတန်ခိုးယင် ဆနပ်ဟေကား ဟင်းဂြရ်ရက်ဝန်းရံကို ကမ္ဘာမြေပေါ်ဝါ ကြွဗန်ကား ငါလူ့သားတော်ယင် ပိုလင်ပိုကားဖြစ်ဟေ။ 28အိမ်မှဒေအစက်ကမီဟေကား အဖြစ်ပျက်ရက် စကို့ဖြစ်ပျက်ယောဝန်ကရပ် နနိန်ရက်နာ သတ္တိရှိရှိအိမ် စက်ကို့ ယုံကြည်မူအပြည့်အိမ် နနိန်ရက်ကအဟူးဝင် မော့ကို့ပီယင့်ဂီး။ အဇာရိကို့အငါနဲ့ မကြာခင်ငါ ဘုရားရှင်နာ နနိန်ရက်အင် ဒုက္ခဆင်းရဲယာဘင်း ကယ်တင်ငန်ကဟေ့ကတောင်းဖြစ်ဟေ"ငါ့ကို ငါ့လင်ကဟေ။
သဖန်းဖင်း သင်ခန်းစာ
(မဿဲ ၂၄:၃၂-၃၅။ မာကု ၁၃:၂၈-၃၁)
29မှနောက်အာ ကိုယ်တော်ယေရူနာ အမာကတပည့်တော်ရက်အင် ပုံဥပမာဆူးဝါအိမ် ငါ့ဆနပ်လင်ကဟေ။ ကိုယ်တော်နာ အမာရက်အင် "သဖန်းဖင်း အရိနဲ့ တစ်ခြားအဖင်းရက်အင်ယူကို့ သင်ခန်းစာလင်ဂီး။ 30အိမ်မှအဖင်းရက်အာ အတက်အနူးနူးဆာရက် စကို့ပြုယောဝန်ဂါပိုဟေကားခါ မာလင်းဟိုက်ထုန်အန်ကဟေ့ ငှားဟေကင်း နနိန်ရက်နာ ချေးဟေ။ 31အိမ်မှဒေလေဟုန်း အတတ်နနိန်ရက်ဇိစ် ငါငါ့ဆနပ်တက်ကား အစက်ကမီဟေကား အဖြစ်ပျက်ရက် စကို့ဖြစ်ယောဝန်ကား နနိန်ရက်ပိုဟေကရပ် ဘုရားရှင်ကသာသနာတော်နာ မကြာခင်ငါ စကို့ဖော်ဗာ(ဖ်)ကဟေ့ကင့်အကြောင်းငင် နနိန်ရက် ကနင်းဖူ(ဖ်)ဆာ ချေးလင်ကားဖြစ်ဟေ။ 32ငါအမှန်ငါ့ဆနပ်အန်ကား။ အတတ်ကအချိန်ကာလယာငါ့ဟေက တစ်ချိူ့လူးရက်နာ မှအူဇာစုတ်ရက် ဖြစ်ပျက်ဗန်(ဖ်)ကအချိန်ငါ အမှန်တကယ် အဆက်ဆိမ်းတုန်းလင်ကဖြစ်ဟေ။ 33ကောင်းဂါလက်အိမ် ကဇက်နာ ယက်တာက(လ်) အစီးကဟင်းလင်ပိုကား။ ညီးငါ့ဒင့်ယေ ငါငါ့ဆနပ်ကတူး(ဖ်)ရက်နာ သေချာပေါက်ဖြစ်ယောဝန်လင်ကား။
သတိပီယင်းဂီ
34ညီးငါဒင့်ယေ နနိန်ရက် အဆာမီလိစ်ကို့တုန်းပိုကယားငါ့ဟေကင့် သတိပီယင့်ဂီး။ နနိန်ရက်နာ အပျော်မက်ကို့ အရက်အူဆားတုန်းကား၊ နနိန်ရက်ကဘဝပြသာနာရက်အင် စိုးရိမ်းပူပန်းကို့ နနိန်ရက်ကအချိန်ရက်အင် ဖြုန်းကို့အတုန်းငဲ။ အိမ်မဒေလိစ်တုန်းနဲ့ နနိန်ရက်နာ ငါပြန့်ကို့ကြွဗန်(ဖ်)ကရပ် အဆင်သင့်ဖြစ်တုန်းလင်ကားအရိပါ(လ်)။ အဇာရိကို့အငါနဲ့ တိရစ္ဆာန်တစ်ကောင် ကန်းဟြတ်ရ်တုန်းကဒေလေ ငါယေ့ နနိန်ရက်မျှော်ကို့ အပီကအချိန်ငါ ရုတ်တရက် ပြန့်ကို့ကြွဗန်(ဖ်)ကတောင်းဖြစ်ဟေ။ 35အိမ်မာရယက်အာ ဖြစ်ပျက်ယောဝန်ကအူဇာရက်နာ ကမ္ဘာတစ်ဝှမ်းလုံးငါက လူးစုတ်ရက်ကအပေါ်ဝါ သက်ရောက်ဇိစ်ကို့ ဘေးဒုက္ခအိမ် ကြုံဇိစ်လင်ကားဖြစ်ဟေ။ 36မှအကြောင့် အချိန်တိုင်းအတွက် သတိငင်ဂီး။ ဖြစ်ပျက်ဗာ(ဖ်)ကဟေ့ကား ဘေးဒုက္ခရက်အင် ခံနိုင်ရည်ငါပိုကားအိမ် ငါလူ့သားတော်ကရှေ့ယာ ယုံကြည်မူရှိရှိအိမ် စက်ကို့တုန်းလှူမနီး ဘုရားရှင်ထနဲ့ ဆုစိန်ငင့်ဂီး"ငါ့ကို ငါ့လင်ကဟေ။ 37မှနောက်အာ ကိုယ်တော်ယေရူနာ အိမ်မှရယက်ရက်အာ မီနက်ဖက်အာ ဂျေရုဆလင်မြို့ဝါက ဗိမာန်တော်ဝင်းအတာဟုန်းငါ တရားဟောဆနပ်ကို့ နက်တိုက်ဖက်အာက(လ်) အပြင်းငါပြုကို့ သံလွင်တာဂိုးဖုံးငါလင်ကို့ အချိန်ရက်အင် ဆုံဇိစ်လင်ကဟေ။ 38လူးအပေါင်းရက်အ(လ်) ကိုယ်တော်ယေရူကတရားတော်ရက်အင် အတေးကဇိစ် အပင်းဟာမတ်စောစော ရိကို့ ကိုယ်တော်ငါဟေကား ဗိမာန်တော်ဝင်းငါ ထုန်ဗာ(ဖ်)လင်ကဟေ။
Currently Selected:
လုကာ 21: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 21
21
အခန်း (၂၁)
ဆင်းရဲဟေက မုဆိုးမကအလှူ
(မာကု ၁၂:၄၁-၄၄)
1ကိုယ်တော်ယေရူအိမ် တပည့်တော်ရက်နာ ဗိမာန်တော်ဝင်းအတာဟုန်းငါ ငါတုန်းကရပ် ကိုယ်တော်နာ စက်ကို့ ဘေးပတ်ဝန်းကျင်ငင် ယူနက်ဟေကရပ် ချမ်းသာဟေကလူးရက်နာ အလှူခံပုံရက်အာ အလှုငွေထည်တုန်းဟေကား ပိုလင်ကဟေ။ 2မှနောက်အာ ဆင်းရဲသားမုဆိုးမဟူးဝါယေ ထုန်ဗာ(ဖ်)ကို့ လတ္တာဒင်္ဂါးနှစ်ပြားယင်#21:2 လတ္တာဒင်္ဂါး ၁၈ပြားက ဒေနာရီတစ်ပြားအိမ်ညီဟေ။ တန်ဖိုးအငါက အလှူဖြစ်ဟေကဆိုလိုဟေ။ အလှုငွေထည်တုန်းဟေကယေ့ ကိုယ်တော်နာ ပိုလင်ကဟေ။ 3အိမ်မှကရပ် ကိုယ်တော်ယေရူနာ အမာကတပည့်တော်ရက်အင် "နနိန်ရက်အင် ငါအမှန်ငါ့ဆနပ်ပိုနဲ့က(လ်) ဘုရားရှင်ဇိစ် မှမုဆိုးမကအလှူနာ အယောက်ကလူးရက်ကအလှူတောင်မှာဒင့် ပိုကို့တန်ဖိုးငါဟေ။ 4အဇာရိကို့အငါနဲ့ အိမ်မှချမ်းသာကလူးစုတ်ရက်နာ အမာရက်က ပါ(လ်)တုန်းဟေကတင်္ဂါရက်အင်မယ် လှုဒါန်းဒက်ဟေ။ ညီးငါ့ဒင့်ယေ မှမုဆိုးမနာ တဗျင်းဆင်းရဲကယေ့ အမာကဝမ်းစာအတွက် ဖြစ်ဟေကား ငါ့ဟေကတင်္ဂါစုတ်ရက်အင် လှုဒါန်းဒက်ကတောင်းဖြစ်ဟေ"ငါ့ကို ငါ့လင်ကဟေ။
ဗိမ္မာန်တော်ဖျက်စီးဂါကြောင်းအိမ် နောက်ဆုံးအချိန်က နိမိတ်အင် ကြိုတင်ငါ့ဟေကား
(မဿဲ ၂၄:၁-၂။ မာကု ၁၃:၁-၂)
5မှနောက်အာ ကိုယ်တော်ယေရူက တပည့်တော်အချို့ရက်နာ ဗိမာန်တော်နာ ကနင်းဟေကတာလုံရက်၊ ပူဇော်ဆက်ကပ်ပီဟေကား ဝတ္ထုပစ္စည်းရက်အိမ် အလှဆင်ပီကတောင်း တဗျင်းကနင်းဟေက အကြောင်းငင် ငါ့တုန်းလင်ကဟေ။ 6ညီးငါ့ဒင့်ယေ ကိုယ်တော်ယေရူနာ "နနိန်ရက် ပိုတုန်းဟေကား မှအူဇာစုတ်ရက်အင် ဖြိုချဖျက်စီးဓူ(ဖ်)ကားအချိန်နာ ထုန်ဗာ(ဖ်)လင်ကဟေ့ ဖြစ်ဟေ။ တလုံဆာတစ်လုံးဒင့်င(လ်) မှမူလနေရာယာ အငါဒက်မှ ဖြိုချဖျက်ဆီးဟေကား ဟင်းလင်ပိုကားဖြစ်ဟေ"ငါ့ကို ငါ့လင်ကဟေ။
တွေ့ကြုံပိုကား အခက်ခဲ့ဗြောင်ရက်
(မဿဲ ၂၄:၃-၁၄။ မာကု ၁၃:၃-၁၃)
7အိမ်မှအခါ လူးရက်နာ ကိုယ်တော်ယင် "ကိုယ်တော် မှအဖြစ်ပျက်ရက်နာ အဆီအချိန်ငါ ဖြစ်ပျက်အန်ကယား။ မှအူဇာရက်ဖြစ်ပျက်ကရပ် အဆာမီကား နိမိတ်လက္ခဏာရက် ဖော်ဗာ(ဖ်)ကယား"ငါ့ကို ကတာလင်ကဟေ။ 8အိမ်မှအခါ ကိုယ်တော်ယေရူနာ အမာရက်အင် "အိမ်မှအချိန်ကာလယာ ထုန်ဗာ(ဖ်)နဲ့က(လ်) နနိန်ရက်အင် ဟူးဝါယေ့အဝိုက်လှူမား သတိပီယင့်ဂီး။ အဇာရိကို့အငါနဲ့ လူးရက်နာ အမာရက်ထနဲ့ ငါကအခွင့်အာဏာငါဟေငါ့ကို ဝိုက်ဟေကတူး(ဖ်)ရက်အင်ပြိစ်ကို့ အမာရက်နာ မေရှိယဖြစ်ဟေငါ့ကိုယေ ငါ့လင်ကား။ အိမ်မှတောင်မာဒင့် အမာရက်နာ "ဘုရားရှင်နာ မှကမ္ဘာကြီးယင် အုပ်ချူပ်ကအချိန်နာ ထုန်ဗာ(ဖ်)နန်းဖြစ်ဟေ"ငါ့ကိုယေ ငါ့လင်ကား။ ညီးငါ့ဒင့်ယေ နနိန်ရက်နာ အိမ်မှလူးရက်ကအလိုဝါအယိုလင်းငဲ။ 9စစ်ပွဲရက်အိမ် တော်လှန်ပုံကန်က အကြောင်းရက်အိမ်ပတ်သက်ဟေကား သတင်းရက်အင် နနိန်ရက်တတ်ဟေကရပ်အ(လ်) အစက်ဂီးယဲ။ အဇာရိကို့အငါနဲ့ အတတ်ကဒေလေကား အဖြစ်ပျက်ရက်နာ မလားကင့်မှားဖြစ်ဗာ(ဖ်)က မှန်းကယေ့ ကမ္ဘာကြီးအဆုံးသတ်ကအချိန်နာ ချက်ချင်းဒင့်ထုန်(ဖ်)လင်ကားအရိနိမ့်ပါ(လ်)"ငါ့ကို ငါ့လင်ကဟေ။ 10ဆက်လက်ကို့ ကိုယ်တော်ယေရူနာ "လူမျိုးတစ်မျိုးအိမ်တစ်မျိုး ၊တိုင်းပြည်ဆူးဝါအိမ် ဆူးဝါ စစ်ဖြစ်လင်ကား။ 11ကမ္ဘာ့နေရာအနှံ့ငါယေ့ ပြင်းထန်းဟေကာငလျှင်လိစ်ကရက်၊ ငတ်မွတ်ခေါင်းပါးကရက်အိမ် ကပ်ရောဂါဆိုက်ဟေကရက် ဖြစ်ဗာ(ဖ်)လင်ကား။ ကောင်းဂါလက်အာယေ့ အစက်ကမီဟေကား အူဇာရက်အိမ် ထူးခြားဟေကား နိမိတ်လက္ခဏာရက်ဖော်ဗာ(ဖ်)လင်ကား။ 12ညီးငါ့ဒင့်ယေ အိမ်မှအဖြစ်ပျက်စုတ်ရက် အဖြစ်ပျက်မီ နနိန်ရက်ကရန်သူရက်နာ နနိန်ရက်အင် ရိန်ကို့နှိပ်စက်ကို့ ဓမ္မာရုံခေါင်းဆောင်ရက်ကရှေ့ယာ ရန်ကို့နှိပ်စက်ကို့ နနိန်ရက်အင် ထောင်ငါအဟြတ်ရ်လင်ကား။ နနိန်ရက်နာ ငါကတပည့်ရက်ဖြစ်ကတောင်း ရှင်ဘုရင်ရက်အိမ် အာဏာပိုင်ရက်ကရှေ့ယာ တရားစီရင်ကဇိစ် နနိန်ရက်အင် အော်လားလင်ငန်ကား။ 13အိမ်မှဒေလေဖြစ်ယောဝန်နဲ့က(လ်) နနိန်ရက်နာ ငါကအကြောင်းငင် သက်သေခံကို အမာရက်ဇိစ်ငါ့ဆနပ်ကား အခွင့်ရေးလှုလင်ကားဖြစ်ဟေ။ 14မှအကြောင့် နနိန်ရက်နာ အပါနာကအပါနာ ကာကွယ်ကဇိစ်အတွက် အဆာမီငါ့နက်ပိုကယားငါဟေကင့် အစိုးရိမ်မနီး အခိုင်အမာ ဆုံးဖြတ်ပီယင့်။ 15အဇာကြောင့်ယားငါ့နဲ့ နနိန်ရက်ကရန်သူရက်နာ နနိန်ရက်အင် ဆန့်ကျင်ကို့ အငြင်းလှူမနီး ပြိစ်ပိုကား ဉာဏ်ပညာယင် နနိန်ရက်ဇိစ် ငါအီယန်ကားဖြစ်ဟေ။ 16နနိန်ရက်ကားအနူ(ဖ်)ဗား(ဖ်)၊ နည်းဆီဖုံနား ၊အဆံပန်း၊ အဖက်ရက်ကိုယ်တိုင်ဒင့် နနိန်ရက်အင် သစ္စာဖောက်ကို့ အာဏာပိုင်ရက်ကမားအက်ကဇိစ် နနိန်ရက်ကရန်သူရက်အင် အကူညီအီလင်ကားဖြစ်ဟေ။ အာဏာပိုင်ရက်နာ နနိန်ရက်ကအထဲယာက တစ်ချို့ယင် ကတိုက်ဓူ(ဖ်)လင်ကား။ 17ငါကအကြောင့်အိမ်လူတိုင်းနာ နနိန်ရက်အင် အပေါ်လင်ကက်ပါ(လ်)ကား။ 18ညီးငါ့ဒင့်ယေ နနိန်ရက်အင် ဟူးဝါယေ့ ရပိုက် ဒုက္ခအီလှုဝန်ကားအရိကတောင်း#21:18 မူရင်းကျမ်းတွင် “သို့သော် သင်တို့၏ ဦးခေါင်းထက်မှ ဆံခြည်တစ်မျှင်မျှပင် ပျက်စီးရလိမ့်မည်မဟုတ်ပေ။” ဟုရေးသားထားပါသည်။ အစိုးရိမ်ဂီးယေ့။ 19မှအူဇာစုတ်ရက်အင် ခံနိုင်ရည်ငါကို့ ငင် ဆက်လက်ကို့ယုံကြည်ပီးနဲ့က(လ်) နနိန်ရက်နာ နိစ္စထာဝရအဆက်အင် လှုလင်ကားဖြစ်ဟေ။
ကိုယ်တော်ယေရူ ဂျေရုဆလင်ငင် ဖျက်စီးဂါအကြောင်းငှားဟေကား
(မဿဲ ၂၄:၁၅-၂၁။ မာကု ၁၃:၁၄-၁၉)
20မှနောက်အာ ကိုယ်တော်ယေရူနာ "ဂျေရုဆလင်မြို့ဝင် ရန်သူ့စစ်ဆာရက် ဝိုင်းပီးဟေကား နနိန်ရက်ပိုဟေကရပ် အိမ်မှစစ်ဆာရက်နာ မကြာခင်ငါ မြို့ဝင် ဖျက်စီးဓူ(ဖ်)ဝန်ကဟေ့ကင့် နနိန်ရက်နာ ကနင်းဖူး(ဖ်)ချေးလင်ကဖြစ်ဟေ။ 21အိမ်မှကရပ် ယုဒပြည်ယာ ငါတုန်းဟေကလူးရက်နာ တာဂိုးဖုံးငါ ကပ်ကို့ချေးလင်ပိုကား။ ဂျေရုဆလင်မြို့ထဲယာ ငါတုန်းဟေကလူးရက်အ(လ်) မြို့ဝင်မလောက်ကို့ မြို့အပြင်းငါ ကပ်လင်ပိုကား။ ထိန်ရက်အာ တုန်းဟေကလူးရက်အ(လ်) မြို့ထဲယာ ဆင်လင်လှုကားအရိပါ(လ်)။ 22အဇာကြောင့်ယားငါ့နဲ့ ဘုရားရှင်နာ ဂျေရုဆလင်မြို့ဆားရက်အင် ပြင်းပြင်းထန်ထန် အပြစ်အီယန်ကတောင်းဖြစ်ဟေ။ အိမ်မှဒေ အပြစ်အီဟေကနာ ကျမ်းစာယာ ရေးပီးဟေကားအကြောင်းအရာရက် အမှန်တကယ်ဖြစ်ယောဝန်မနီးကအတွက် ဖြစ်ဟေ။ 23အိမ်မှဒေဖြစ်ပျက်ကား ရယက်ရက်အာ ကိုယ်ဝန်ငါဟေကားတဆာလောင်ရက်အိမ် နိုစို့ဆာရက်အင် ပြုစုတုန်းပိုဟေကအနူ(ဖ်)ရက်နာ ကပ်ကဇိစ်အဆင်အပြေကတောင်း တဗျင်းဒုက္ခထုန်လင်ကား။ အဇာရိကို့အငါနဲ့ အစ္စရေးလူမျိုးရက်ကအပေါ်ဝါ ဘုရားရှင်ကမန်ချေးကရက်နာ ထုန်ဗာ(ဖ်)လင်ကဖြစ်ကတောင်း ဆင်းရဲဒုက္ခဗြောင်လှူလင်ကားဖြစ်ဟေ။ 24လူမျိုးခြားရက်စာ ဂျေရုရှလင်မြို့ဝင်သိမ်းကို့ ဘုရားရှင် စီစဉ်သတ်မှတ်ပီးဟေကား အချိန်ထိ ဂျေရုရှလင်မြို့ဝင် အုပ်ချူပ်ကို့ ဖိနှိပ်ချူပ်ခြယ်လင်ကား။
လူ့သားတော် ပြန်ကြွဗန်(ဖ်)ကရယက်
(မဿဲ ၂၄:၂၉-၃၁။ မာကု ၁၃:၂၄-၂၇)
25မှနောက်အာ ကိုယ်တော်ယေရူနာ "မှကမ္ဘာကြီးယင် အဆုံးသတ်ကအချိန် ထုန်ဗာ(ဖ်)ဟေကရပ် နနိန်ရက်နာ စမိတ်၊ ဆဓား၊ ကြယ်တာရာရက်အာ ထူးဆန်းဟေကနိမိတ်လက္ခဏာရက် ဖြစ်ယောဝန်ကား ပိုလင်ပိုကားဖြစ်ဟေ။ ကမ္ဘာ့တစ်ဝှမ်းအာက နိုင်ငံရက်အာက လူးရက်အ(လ်) ပင်လယ်ကမရိန်းဟေကားအကြာရက်အိမ် လှိုင်းလုံးဗြောင်ရက်က ရိုက်ခတ်သံရက်ကအကြောင်းအိမ် စိုးရိမ်ကို့ အစက်လင်ပိုကားဖြစ်ဟေ။ 26လူးရက်နာ ကမ္ဘာပေါ်ဝါဖြစ်ပျက်ဗာ(ဖ်)ကား အစက်ကားမီဟေကား ဘေးအန္တရာယ်ရက်အင် ကြိုတင်စဉ်းစားတုန်းကို့ တဗျင်းအစက်ယောဝန်ကို့ သတိလစ်ကားဖြစ်ဟေ။ အဇာရိကို့အငါနဲ့ ဘုရားရှင်နာ စကိုင်းဆီးရက်၊ ဂြိုဟ်ရက်အိမ်မက်တာ ကောင်းဂါလက်အာက အူဇာစုတ်ရက်အင် ရမို(ဖ်)ဇိစ်ကတောင်းဖြစ်ဟေ။ 27အိမ်မှအချိန်ငါ ကြီးမြတ်ဟေကား တန်ခိုးအိမ်မက်တာ ဘုန်းတန်ခိုးယင် ဆနပ်ဟေကား ဟင်းဂြရ်ရက်ဝန်းရံကို ကမ္ဘာမြေပေါ်ဝါ ကြွဗန်ကား ငါလူ့သားတော်ယင် ပိုလင်ပိုကားဖြစ်ဟေ။ 28အိမ်မှဒေအစက်ကမီဟေကား အဖြစ်ပျက်ရက် စကို့ဖြစ်ပျက်ယောဝန်ကရပ် နနိန်ရက်နာ သတ္တိရှိရှိအိမ် စက်ကို့ ယုံကြည်မူအပြည့်အိမ် နနိန်ရက်ကအဟူးဝင် မော့ကို့ပီယင့်ဂီး။ အဇာရိကို့အငါနဲ့ မကြာခင်ငါ ဘုရားရှင်နာ နနိန်ရက်အင် ဒုက္ခဆင်းရဲယာဘင်း ကယ်တင်ငန်ကဟေ့ကတောင်းဖြစ်ဟေ"ငါ့ကို ငါ့လင်ကဟေ။
သဖန်းဖင်း သင်ခန်းစာ
(မဿဲ ၂၄:၃၂-၃၅။ မာကု ၁၃:၂၈-၃၁)
29မှနောက်အာ ကိုယ်တော်ယေရူနာ အမာကတပည့်တော်ရက်အင် ပုံဥပမာဆူးဝါအိမ် ငါ့ဆနပ်လင်ကဟေ။ ကိုယ်တော်နာ အမာရက်အင် "သဖန်းဖင်း အရိနဲ့ တစ်ခြားအဖင်းရက်အင်ယူကို့ သင်ခန်းစာလင်ဂီး။ 30အိမ်မှအဖင်းရက်အာ အတက်အနူးနူးဆာရက် စကို့ပြုယောဝန်ဂါပိုဟေကားခါ မာလင်းဟိုက်ထုန်အန်ကဟေ့ ငှားဟေကင်း နနိန်ရက်နာ ချေးဟေ။ 31အိမ်မှဒေလေဟုန်း အတတ်နနိန်ရက်ဇိစ် ငါငါ့ဆနပ်တက်ကား အစက်ကမီဟေကား အဖြစ်ပျက်ရက် စကို့ဖြစ်ယောဝန်ကား နနိန်ရက်ပိုဟေကရပ် ဘုရားရှင်ကသာသနာတော်နာ မကြာခင်ငါ စကို့ဖော်ဗာ(ဖ်)ကဟေ့ကင့်အကြောင်းငင် နနိန်ရက် ကနင်းဖူ(ဖ်)ဆာ ချေးလင်ကားဖြစ်ဟေ။ 32ငါအမှန်ငါ့ဆနပ်အန်ကား။ အတတ်ကအချိန်ကာလယာငါ့ဟေက တစ်ချိူ့လူးရက်နာ မှအူဇာစုတ်ရက် ဖြစ်ပျက်ဗန်(ဖ်)ကအချိန်ငါ အမှန်တကယ် အဆက်ဆိမ်းတုန်းလင်ကဖြစ်ဟေ။ 33ကောင်းဂါလက်အိမ် ကဇက်နာ ယက်တာက(လ်) အစီးကဟင်းလင်ပိုကား။ ညီးငါ့ဒင့်ယေ ငါငါ့ဆနပ်ကတူး(ဖ်)ရက်နာ သေချာပေါက်ဖြစ်ယောဝန်လင်ကား။
သတိပီယင်းဂီ
34ညီးငါဒင့်ယေ နနိန်ရက် အဆာမီလိစ်ကို့တုန်းပိုကယားငါ့ဟေကင့် သတိပီယင့်ဂီး။ နနိန်ရက်နာ အပျော်မက်ကို့ အရက်အူဆားတုန်းကား၊ နနိန်ရက်ကဘဝပြသာနာရက်အင် စိုးရိမ်းပူပန်းကို့ နနိန်ရက်ကအချိန်ရက်အင် ဖြုန်းကို့အတုန်းငဲ။ အိမ်မဒေလိစ်တုန်းနဲ့ နနိန်ရက်နာ ငါပြန့်ကို့ကြွဗန်(ဖ်)ကရပ် အဆင်သင့်ဖြစ်တုန်းလင်ကားအရိပါ(လ်)။ အဇာရိကို့အငါနဲ့ တိရစ္ဆာန်တစ်ကောင် ကန်းဟြတ်ရ်တုန်းကဒေလေ ငါယေ့ နနိန်ရက်မျှော်ကို့ အပီကအချိန်ငါ ရုတ်တရက် ပြန့်ကို့ကြွဗန်(ဖ်)ကတောင်းဖြစ်ဟေ။ 35အိမ်မာရယက်အာ ဖြစ်ပျက်ယောဝန်ကအူဇာရက်နာ ကမ္ဘာတစ်ဝှမ်းလုံးငါက လူးစုတ်ရက်ကအပေါ်ဝါ သက်ရောက်ဇိစ်ကို့ ဘေးဒုက္ခအိမ် ကြုံဇိစ်လင်ကားဖြစ်ဟေ။ 36မှအကြောင့် အချိန်တိုင်းအတွက် သတိငင်ဂီး။ ဖြစ်ပျက်ဗာ(ဖ်)ကဟေ့ကား ဘေးဒုက္ခရက်အင် ခံနိုင်ရည်ငါပိုကားအိမ် ငါလူ့သားတော်ကရှေ့ယာ ယုံကြည်မူရှိရှိအိမ် စက်ကို့တုန်းလှူမနီး ဘုရားရှင်ထနဲ့ ဆုစိန်ငင့်ဂီး"ငါ့ကို ငါ့လင်ကဟေ။ 37မှနောက်အာ ကိုယ်တော်ယေရူနာ အိမ်မှရယက်ရက်အာ မီနက်ဖက်အာ ဂျေရုဆလင်မြို့ဝါက ဗိမာန်တော်ဝင်းအတာဟုန်းငါ တရားဟောဆနပ်ကို့ နက်တိုက်ဖက်အာက(လ်) အပြင်းငါပြုကို့ သံလွင်တာဂိုးဖုံးငါလင်ကို့ အချိန်ရက်အင် ဆုံဇိစ်လင်ကဟေ။ 38လူးအပေါင်းရက်အ(လ်) ကိုယ်တော်ယေရူကတရားတော်ရက်အင် အတေးကဇိစ် အပင်းဟာမတ်စောစော ရိကို့ ကိုယ်တော်ငါဟေကား ဗိမာန်တော်ဝင်းငါ ထုန်ဗာ(ဖ်)လင်ကဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.