လုကာ 20
20
အခန်း (၂၀)
ကိုယ်တော်ယေရှုက အခွင့်အာဏာယင် မေးခွန်းဆပြုက
1ယက်တာဂါရပ် ကိုယ်တော်ယေရှုနာ ဗိမာန်တော်ဝင်းထဲယာ လူထုပရိသတ်အင် ဘုရားရှင်က သာသနာတော်အကြောင်း မင်္ဂလာသတင်းကောင်းငင် ငါ့ဆနပ်တုန်းကရပ် ပုရောဟိတ်အကြီးအကဲရက်၊ ကျမ်းတတ်ဆရာရက်အိမ် ဂျူးလူမျိူးအကြီးအကဲရက်နာ ကိုယ်တော်ဝင် လက်ကဇိစ် ထုန်ဗာ(ဖ်)ကို့ 2အမာရက်နာ ကိုယ်တော်ဝင် "မှအူဇာရက်အင် လိစ်ကဇိစ် နင်ထနဲ့ အဆာမီကအခွင့်အာဏာငါဟေယား။ မှအခွင့်အာဏာရက်အင် နင်ဇိစ် အယူက(လ်) အီပီဟေကယား။ ငါရက်ဇိစ် ငါ့ဆနပ်အန်"ငါ့ကို တကာကို့တောင်းဆိုလင်ကဟေ။ 3မှအကြောင့် ကိုယ်တော်နာ အမာရက်အင် "ငါယေ့ နနိန်ရက်အင် တူး(ဖ်)အက်တာ ကတာဂါး။ ဖြေယန်ဂီး။ 4ယောဟန်နာ လူးရက်အင် အိန်းမြှုပ်မင်္ဂလာလိစ်အီကဇိစ် အမာကအခွင့်အာဏာနာ ဘုရားရှင်ထနဲ့ကလူဒက်ကလဲ အရိနဲ့ လူးရက်ထနဲ့က လှူဒက်ဟေကလဲ"ငါ့ကို ကတာလင်ကဟေ။ 5အိမ်မှကရပ် အမာရက်နာ အချင်းချင်းဆွေးနွေးကို "တကယ်လို့ ငါရက်နာ ဘုရားရှင်ထနဲ့က လှူဒက်ကငါ့ကိုဖြေနဲ့က(လ်) အမာနာ ငါရက်အင် "အိမ်မဒေလေငါနဲ့ နနိန်ရက်နာ အဇာရိကား ယောဟန်က သတင်းတူး(ဖ်)ရက်အင် အယုံကြည်ကယား"ငါ့ကို ပြန်ကို့ကတာကား။ 6"လူးရက်ထနဲ့က လှူဒက်ကားငါ့ကို ငါရက်ဖြေနဲ့က(လ်)အ(လ်) လူးစုတ်ရက်နာ ယောဟန်ငင် ပရောဖက်ဟူးဝါငါ့ကို လက်ခံယုံကြည်ပီးကတောင်း အမာရက်နာ ငါရက်အင် တာလုံရက်အိမ် ကတူ(ဖ်)ဝန်လင်ကား"ငါ့ကို ငါ့တုန်းလင်ကဟေ။ 7မှကြောင့် အမာရက်စာ ကိုယ်တော်ဝင် "လူးရက်အင် အိန်းမြုပ်မင်္ဂလာလိစ်အီကအတွက် ယောဟန်ဇိစ် အယူက(လ်)အခွင့်အာဏာ အီဒက်ကယားငါ့ဟေကင့် ငါရက်အချေးနက်ပါ(လ်)"ငါ့ကို ပြန်ကို့ဖြေလင်ကဟေ။ 8အိမ်မှအခါ ကိုယ်တော်ယေရူနာ "ငါကမေးခွန်းရက်အင် နနိန်ရက်အဖြေလှုကတောင်း မှအူဇာရက်အင် လိစ်ကဇိစ်အတွက် ငါဇိစ်အယူက(လ်) အခွင့်အာဏာအီဒက်ကယားငါ့ဟေကင့်ယေ နနိန်ရက်ဇိစ် ငါ ငါ့ဆနပ်အန်ကားအရိပါ(လ်)"ငါ့ကို ငါ့လင်ကဟေ။
ဆိုးဟေကခြံအငှားသမားရက်ကအကြောင်းငင် ကိုယ်တော်ယေရူငါ့ဆနပ်ဟေကား
9ကျီးကအိမ် ကိုယ်တော်ယေရှုနာ လူထုပရိသတ်ရက်အင် ပုံဥပမာဆူဝါအိမ် ငှားဆနပ်ကနာ "လူးဟူးဝါနာ စပျစ်ခင်းတစ်ခင်းငင် စိုက်ပျိူးလင်ကဟေ။ မှနောက်အာ အမာနာ အခင်းငင် ဘက်ကစားလိစ်ဟေကား#20:9 ဘက်းကစားအလိစ်ငါ့ဟေကနာ သီးစားလုပ်ကိုင်သည် ခြံအလုပ်သမားရက်အင် အငှားအဟြတ်ကို့ကျီးကရပ် တစ်ခြားတိုင်းပြည်ယာ ခရီးပြုကလင်ကို့ အိမ်မှနေရာယာ အချိန်ကြားစာရောက်မှ တုန်းလင်ကဟေ။ 10စပျစ်ဆီးဖော်ဗာ(ဖ်)ကအချိန်ငါ အခင်းပိုင်ရှင်နာ ဘက်ကစားလိစ်ဟေကား အလုပ်သမားရက်ထနဲ့ အငှားဆာဟူးဝင်ဖြောက်ကို့ အမာလူသင့်လူထိုက်ဟေကား ဝေစုယင် လာကဖန်းနက်ကဟေ။ ညီးငါ့ဒင့်ယေ ဘက်ကစားလိစ်ဟေကား အလုပ်သမားရက်နာ အိမ်မှအငှားဆာယင်ပေါက်ကို့ ဆူးဝါယေ့အအီထမ်း အခင်းပိုင်ရှင်ပိုင်ကမား ပြန်ကို့ဖြောက်နက်လင်ကဟေ။ 11မှအကြောင့် အခင်းပိုင်ရှင်နာ အမာလူသင့်လူထိုက်ဟေကား ဝေစုယင်လာကဇိစ် အယောက်ကအငှားဆာဟူးဝင် ဖြောက်လင်ပီကဟေ။ ညီးငါ့ဒင့်ယေ ဘက်ကစားလိစ်ဟေကား အခင်းအလုပ်သမားရက်နာ အိမ်မှအငှားဆာယေ့ ပေါက်ကို့ အန္ဒြာရ်ဟြတ်မှလိစ်ကို့ ပြန့်ဖြောက်လင်ကဟေ။ 12အယောက်ဟက်တာ အခင်းပိုင်ရှင်နာ တတိယအငှားဆာယင် အယောက်ဟက်တာဖြောက်လင်ပီကဟေ။ ညီးငါဒင့်ယေ အမာရက်နာ အိမ်မှအငှားဆာယေ တဗျင်းကနာမှပေါက်ကို့ စပျစ်ခင်းငါဘင်း ကတောက်ဓူ(ဖ်)လင်ကဟေ။ 13မှအကြောင့် အခင်းပိုင်ရှင်နာ "အတတ် ငါအဆာမီလိစ်ပေါ်ကယား။ ငါတဗျင်းချစ်ပိုဟေက ငါကအဆာ ဖြောက်တောင်မယ် ဖြစ်ကဟေ။ အမာရက်နာ ငါကအဆာက(လ်) ရိုသေလေ့စားလင်ကားဖြစ်ကို့ ငါလှုသင့်လှုထိုက်ဟေကား ဝေစုငင်ယေ့ အီယန်လင်ကားဖြစ်ဟေ"ငါ့ကို အမာကအဆာ ဖြောက်လင်ကဟေ။ 14ညီးငါ့ဒင့်ယေ့ ဘက်ကစားလိစ်ဟေကား အခင်းအလုပ်သမားရက်နာ အခင်းပိုင်ရှင်ကအဆာ ဗန်တုန်းကပိုဟေကအခါ "မှလူးနာ တစ်ချိန်ချိန်ငါ မှအခင်းငင် အမွေလှုကလူးဖြစ်ဟေ။ ငါရက်နာ အမာကတိုက်နက်နဲ့က(လ်) အမာအမွေလှူကား ပစ္စည်းဥစ္စာရက်နာ ငါရက်ကအပိုင်ဖြစ်အန်ကား"ငါ့ကို အချင်းချင်း တိုင်ပင်ဆွေးနွေးလင်ကဟေ။ 15မှအကြောင့် အခင်းပိုင်ရှင်ကအဆာ ထုန်ဗာ(ဖ်)ဟေကရပ် အမာရက်နာ စပျစ်ခင်းငါဘင်း အပြင်းငါအော်လားကန်ကို့ အမင် ကတိုက်ဓူ(ဖ်)လင်ကဟေ။ မဒေဖြစ်နဲ့က(လ်) အခင်းပိုင်ရှင်နာ အိမ်မှလူးရက်အင် အဇာလိစ်အန်ကယားငါ့ဟေကင့် နနိန်ရက်ချေးဟေလဲ။ 16အခင်းပိုင်ရှင်နာ စပျစ်ခင်းငါ အမာကိုယ်တိုင် ဗန်(ဖ်)ကို့ ဘက်ကစားလိစ်ဟေကား အလုပ်သမားရက်အင် ကတိုက်ဓူ(ဖ်)လင်ကားဖြစ်ဟေ။ မှနောက်အာ အမာနာ အမာကစပျစ်ခင်းငင် ပြုစုစောင့်ရှောက်ကဇိစ် တစ်ခြားဘက်ကစားလိစ်ဟေကား အခင်းအလုပ်သမားရက်အင် ရွေးချယ်လင်ကားဖြစ်ဟေ"ငါ့ကို ငါ့လင်ကဟေ။ ကိုယ်တော်ယေရူ အိမ်မဒေငါ့ဆနပ်ဟေကား တတ်ဟေကလူတိုင်းနာ "မှအူဇာနာ ယက်တာယေ့ အဖြစ်အန်နက်နိမ့်ယေ့"ငါ့ကို ငါ့လင်ကဟေ။
17ကိုယ်တော်ယေရူနာ အမှာရက်အင် စေ့(လ်)ယူကို "ကယ်တင်ရှင် မေရှိယအိမ်ပတ်သက်ကို့ ပရောဖက်ဟေရှာယကကျမ်းငါ#20:17 ဆာလံကျမ်း ၁၁၈း၂၂ ရေးပီးဟေကား
"ကိန်းပြုဟေကလူးရက် မလောက်ပီဟေကား တလုံငင် ဘုရားရှင်နာ လက်ခံဟေကရပ်
အိမ်မှတလုံငင် ကိန်းငါက အရေးပါဟေကား တလုံဖြစ်မနီး လိစ်ကို့အီလင်ကားငါဟေကင့်နာ အဇာငါ့ဟေကယား နနိန်ရက်အချေးကလဲ။
18မေရှိယယင် ငြင်းပယ်ကလူး ရိကက်ကလူးရိယင့် အိမ်မှတလုံးဖုံးငါ#20:18 အိမ်မှတာလုံးငါ့ဟေကနာ ကိုယ်တော်ယေရူယင်ဆိုလိုဟေ။ ကတိ(လ်)ဟေကားလူးအိမ်တူကို့ အိမ်မှလူးရက်နာ အအူဆာဖြစ်လင်ကား။ အရိနဲ့ အိမ်မှတလုံနာ အိမ်မှလူးရက်ကားအဖုံးငါ ကတိ(လ်)နဲ့က(လ်)အ(လ်) အမာရက်နာ လုံးဝအအူဆာဖြစ်ကလင်လင်ကား" ငါ့ကို ငါ့လင်ကဟေ။
19ဂျူးပုရောဟိတ်အကြီးအကဲရက်အိမ် ကျမ်းတတ်ဆရာရက်နာ ကိုယ်တော်ယေရူစာ မှပုံဥပမာယင် အမာရက်အင် ရည်ညွန့်ကို့ပြိစ်တုန်းဟေကား ချေးတုန်းဟေကတောင်း အမာရက်နာ ကိုယ်တော်ဝင် ချက်ချင်းဒင့် ရိန်လင်ကက်ကဟေ။ ညီးငါ့ဒင့်ယေ လူးရက်စာ အမာရက်အင် အရန်းဆုံးငန်ကား အစက်ကို့ ကိုယ်တော်ဝင် အရိန်ဒက်ပါ(လ်)။
ဂျုးလူမျိူးအကြီးအကဲရက်နာ အခွန်အိမ်ပတ်သက်ဟေကား မေးခွန်းအိမ် ကိုယ်တော်ယေရူယင် ထောင်ချောက်ဆင်ကဇိစ် ကြိုးစားဟေက
20မှနောက်အာ ပုရောဟိတ်အကြီးကဲရက်အိမ် ကျမ်းတတ်ဆရာရက်နာ ကိုယ်တော်ယေရူယင် အနီးကပ်စောင်ယူကို့ လူတစ်ချို့ယင် တင်္ဂါအီကို့ ရိုးသားဟေကလူးဒေလေဟန်ဆောင်ဇိစ်ကို့ ကိုယ်တော်ဝင် ဝိုက်ကဇိစ် ဖြောက်နက်ကဟေ။ အမာရက်နာ ကိုယ်တော်ယေရူယင် ရောမအုပ်ချုပ်ကလူးရက်အိမ် အာဏာပိုင်ရက်ကမား အက်ကို့အပြစ်အီကဟင်းပိုမား ကိုယ်တော်ဝင် ကမင်ဟေကား အကြောင်းအရာ ဆူးဝါငန်းမနီး ထောင်ချောက်ဆင်ဟေက မေးခွန်းရက်အင် ကတာလင်ကဟေ။ 21မှအကြောင့် အိမ်မှလူးရက်နာ ကိုယ်တော်ဝင် "ကိုယ်တော်၊ ကိုယ်တော်နာ အမှန်တရားယင် ငါ့ဆနပ်တုန်းကို့ လူတိုင်းငင်ယေ့ ဘက်လိုက်ဟေကအငါထမ်း တန်တူညီမျှဆက်ဆံဟေကား ငါရက်ချေးနက်ဟေ။ ဘုရားရှင်နာ လူးရက်အင် လိုက်နာဇိစ်ကက်ဟေကား အကြောင်းအရာရက်အိမ်ပတ်သက်ဟေကား အမှန်တရားယင် ကိုယ်တော်နာ ရက်ပိုက်ဆနိန်ကို့အီနက်ဟေ။ 22မှအကြောင့်အိမ် ရောမဧကရာဇ်ဇိစ် အခွန်အီဟေကနာ တရားတော်အိမ်ညီဟေလဲ။ မဒေအရိနဲ့ အညီလဲငါဟေက ငါ့ရက်ဇိစ် ငါ့ဆနပ်အန်"ငါ့ကို့ လျှောက်တင်လင်ကဟေ။ 23ညီးငါ့ဒင့်ယေ ကိုယ်တော်ယေရူနာ အိမ်မှလူးရက်နာ အမင် ထောက်ချောက်ဆင်ကို့ ကတာတုန်းကအကြောင်းငင် ချေးတုန်းလင်ကဟေ။ 24မှအကြောင့် ကိုယ်တော်နာ အမာရက်အင် "အခွန်အီပိုဟေကရပ် အသုံးပြုဟေက ဒေနာရီဒင်္ဂါးတစ်ပြားယင် ဆနပ်အန်။ အိမ်မှတင်္ဂါပြားအဖုံးငါ အယူကအရုပ်အိမ် အမိန်းငင် ရေးကို့ပီဟေယား"ငါ့ကို ကတာလင်ကဟေ။ 25အိမ်မှလူးရက်အ(လ်) "ရောမဧကရာဇ်က အရုပ်အိမ်အမိန်းဖြစ်နက်ဟေ"ငါ့ကို ပြန်ကိုဖြေလင်ကဟေ။ မှအကြောင့် ကိုယ်တော်နာ အမာရက်အင် "ရောမဧကရာဇ်ဇိစ် အမာအိမ်သက်ဆိုင်ဟေကားအူဇာရက်အင် အမာဇိစ်အီကို့ ဘုရားရှင်အိမ် သက်ဆိုင်ဟေကအူဇာရက်အင်ယေ့ ဘုရားရှင်ဇိစ် အီယင့်"ငါ့ကို ငါ့လင်ကဟေ။ 26အိမ်မှလူးရက်နာ လူထုပရိသတ်ရက်ကရှေ့ယာ ထောက်ချောက်ဆင်ကို့ အကာတာ ဒက်လှုပါ(လ်)။ အိမ်မှတောင်မာဒင့် ကိုယ်တော်နာ အမာရက်အင် အယောက်ဟက်တာ မေးခွန်ရက်အကာတာလှူမနီး ဖြေဒက်ဟေကတောင်း အမာရက်နာ အံ့ဩကို့ တိတ်ကို့ဖြစ်ကလင်ကဟေ။
ဆိန်းကမှဘင်း အဆက်ပြန်ကို့ဆိမ်းကအကြောင်းငင် မေးခွန်းဆပြုကား
(မဿဲ ၂၂:၂၃-၃၃။ မာကု ၁၂:၁၈-၂၇)
27မှနောက်အာ ဇဒ္ဒုကဲတစ်ချို့နာ#20:27 ဇဒ္ဒုကဲငါ့ဟေကနာ နောင်ဘဝငါ့ကို ငါ့ဟေကား လက်အခံပါ(လ်)၊ ဆိန်းနဲ့က(လ်) ဝိညာဉ်ပါပျောက်ကွယ်သွားသည်ဟု ယုံကြည်ကြသော ဂျူးဘာသာရေးအဖွဲ့အစည်းဆူးဝါဖြစ်ဟေ။ ကိုယ်တော်ယေရူထနဲ့ ထုန်ဗာ(ဖ်)လင်ကဟေ။ အိမ်မှလူးရက်နာ လူရက်ဆိန်းကလင်နဲ့ အဆက်ပြန်ကို့အဆိမ်းငန်ပါ(လ်)ကားငါ့ကို ယုံကြည်ပီကလူးရက်မယ်ဖြစ်ဟေ။ 28အိမ်မှဇဒ္ဒုကဲရက်နာ ကိုယ်တော်ယေရူယင် "ကိုယ်တော်၊ မောရှေကပညတ်ကျမ်းငါ#20:28 တရားဟောရာကျမ်း ၂၅း၅-၆ အအိပ်တာငါဟေကလူးဟူးဝါနာ အဆာ၊ဆအိပ်အလှုထမ်း ဆိန်းကလင်နဲ့ အနည်းဆီဖြစ်ကလူးနာ အိမ်မှတာဆာလောင်ငင် လက်ထပ်ကို့ အိမ်မှနိမ့်ဟူးဝါဘင်း ကေယန်ကား အဆာဦးဝင် အပါးပြောင်ကမျိူးဆက်ငါ့ကို သတ်မှတ်ပိုကား"ငါ့ကို ရေးပီနက်ဟေ။ 29မဒေလေငါနဲ့ ဟက်တာကရပ် မိသားစုတစ်စုဝါ နည်းဆီဖုန်နားခုနှစ်ယောက် ငါဒက်ဟေ။ ပြာဇိုးကလူးနာ အအိပ်တာလာကို့ကျီးဟေကရပ် အဆာ၊ဆာအိပ်အလှုထမ်း ဆိန်းလင်ကဟေ။ 30ဒုတိယပြာဇိုးနာ အမာကအပါးကအအိပ်တာ ဖြစ်ဟေကား ကျန်ငါ့ဒက်က မုဆိုးမအင် လက်ထပ်လင်ကဟေ။ ညီးငါဒင့်ယေ အမာယေ အဆာ၊ဆာအိ အလှုထမ်း ဆိန်းလင်ပီးကဟေ။ 31မှနောက်အာ တတိယအနည်းဆီယေ အိမ်မှတာဆာလောင်အိမ် လက်ထပ်ကို့ အဆာ၊ဆာအိပ်အလှုထမ်းဆိန်းလင်ကဟေ။ အိမ်မှအတိုင်း နည်းဆီဖုန်နားခုနှစ်ယောက်စလုံးနာ အိမ်မှတာဆာလောင်အိမ် လက်ထပ်ကို့ အဆာ၊ဆာအိပ်အလှူထမ်း ဆိန်းလင်ကဟေ။ 32နောက်ဆုံးငါ အိမ်မှတဆာလောင်င(လ်) ဆိန်းလင်ကဟေ။ 33မှအကြောင့် ဘုရားရှင်နာ လူးရက်အင် ဆိန်းကမှဘင်း အဆက်ပြန်ကို့ဆိမ်းဇိစ်ဟေကရပ် အိမ်မှတာဆာလောင်နာ အိမ်မှနည်းဆီဖုန်နားခုနှစ်ယောက်ထဲယာက အယူကအအိပ်တာဖြစ်အန်ကယား။ အဇာရိကို့အငါနဲ့ မှတာဆာလောင်နာ အိမ်မှလူးစုတ်ရက်အိမ် လက်ထပ်တက်ကအကြောင့်ဖြစ်ဟေ"ငါ့ကို ကတာလင်ကဟေ။ 34ကိုယ်တော်ယေရူနာ အမာရက်အင် "အတတ် မှကမ္ဘာလောကယာ အဆက်ဆိမ်းကို့တုန်းဟေကလူးရက်မယ် လက်ထပ်ဟေကရက်အိမ် မောင်းနှစ်လိစ်ဟေကရက်အင် လိစ်တုန်းဂီးဟေ။ 35ညီးင့ဒင့်ယေ့ အနာဂတ်ကာလယာ ဆိန်းကမှဘင်း အဆက်ပြန်ကို့ဆိမ်းကဇိစ် ခံစားထိုက်ဟေကား လူးရက်နာ လက်ထပ်ဟေကရက်၊ မောင်းနှင်းလိစ်ကို့ အီဟေကရက်အင် လိစ်လင်ကားအရိနန်း။ 36အဇာရိကို့အငါနဲ့ အမာရက်နာ ဟမန်းဒေဝါရက်တလေ ဟက်တာယေ့ဆိန်းလင်ကရိပါ(လ်)၊ လက်ထပ်ဟေကရက်အ(လ်) အငါလင်နန်းကားနာ အမှန်တကယ်ဖြစ်ဟေ။ ဆိန်းကမှဘင်း အဆက်ပြန်ကို့ဆိမ်းကဇိစ် ခံစားထိုက်ကားလူးရက်ဖြစ်ကတောင်း အမာရက်နာ ဘုရားရှင်က အဆာ၊ဆာအိပ်ရက်ဖြစ်ယောဝန်လင်ကား။ 37အိမ်မှတောင်မာဒင့် ဆိန်းကန်နန်းကားလူးရက် အဆက်ပြန်ကို့အဆိမ်းငန်ပါ(လ်)ကားငါ့ကို နနိန်ရက်ထင်တုန်းကနာ ကမင်တုန်းနန်း။ အဇာရိကိုအငါနဲ့ မောရှေကကျမ်းယာ ဗန်ဟြုရ်တုန်းကခြုံပုတ်ငါ့ဟေကား ကျမ်းပိုဒ်အိမ်#20:37 ထွက်မြောက်ရာကျမ်း ၃း၆ သက်သေဆနပ်ကို့ "ဘုရားရှင်နာ အာဗြဟံ၊ဣဇာက်အိမ် ယာကုပ်ရက်က ဘုရားဖြစ်ဟေ"ငါ့ဟေကနာ ဆိန်းကလင်ကားလူးရက် အဆက်ပြန်ကို့ဆိမ်းဟေကအကြောင့်ငင် ရှင်းရှင်းလင်းလင်းအိမ် ရေးပီဟေကဖြစ်ဟေ။ 38အိမ်မှလူးရက်နာ ဘုရားရှင်ကရှေ့ယာ ထာဝရကာလပတ်လုံး အဆက်ဆိမ်းတုန်းကလူးရက်ဖြစ်ကို့ ဘုရားရှင်နာ ဆိန်းကလင်ကားလူးရက်ကား ဘုရားအရိထမ်း အဆက်ဆိမ်းတုန်းကလူးရက်ကား ဘုရားမယ်ဖြစ်ဟေ"ငါ့ကို ငါ့လင်ကဟေ။ 39ထိုအခါ ကျမ်းတတ်ဆရားအချို့နာ "ကိုယ်တော်ကအဖြေနာ တဗျင်းမီဟေ" ငါးဂို့ လျှောက်တင်လင်ကဟေ။ 40အိမ်မအချိန်ငါဘင်းစဂို ဟူးဝါယေ့ ကိုယ်တော်ယင် အိမ်မဒေလေကား ထောင်ချောက်ဆင်ဟေက မေးခွန်းရက် အကတာဗင်(ဖ်)လင်နန်း။
ဒါဝိဒ်ဂါအဆာ
(မဿဲ ၂၂:၄၁-၄၆။ မာကု ၁၂:၃၅-၃၇)
41မှနောက်အာ ကိုယ်တော်နာ အမာရက်အင် "ကယ်တင်ရှင်မေရှိယနာ ဘုရင်ဒါဝိဒ်က အဆာဖြစ်ဟေငါ့ကို ငါ့တုန်းဟေကင့်နာ နနိန်ရက် အဆာမီနားလည်ပီဟေယား။ 42ဘုရင်ဒါဝိဒ်ကိုယ်တိုင် ဆာလံကျမ်းငါ#20:42 ဆာလံကျမ်း ၁၁၀း၁ မေရှိယကအကြောင်းငင် ရေးကိုပီဒက်ကနာ
"ဘုရားရှင်နာ ငါကအရှင်မေရှိယယင် 'ငါဂုဏ်ပြုကနေရာဖြစ်ဟေကား ငါကပုတ်ဆာလက်ဘက်အာ တုန်းဗာ(ဖ်)။
43ငါနာ နင်ကရန်သူရက်အင် နင်ကအတာတင်ကားခုံဖြစ်ဇိစ်လင်ကား"ငါ့ကို ငါလင်ဟေ"ငါကိုဖြစ်ဟေ။
44မှအကြောင့် ဒါဝိဒ်မင်နာ မေရှိယယင် 'အရှင်'ငါ့ကို အော်နဲ့က(လ်) မေရှိယစာ အဆာမီ ဒါဝိဒ်မင်ကအဆာ ဖြစ်အန်လှုကယား"ငါ့ကို ငါ့လင်ကဟေ။
ကျမ်းတတ်ဆရာရက်အင် ကိုယ်တော်ယေရူ သတိအီဟေကား
(မဿဲ ၂၃:၁-၃၆။ မာကု ၁၂:၃၈-၄၀)
45ကိုယ်တော်ယေရူ ငါ့ဆနပ်တုန်းဟေက လူထုပရိသတ်ရက် အတေးတုန်းကရပ် ကိုယ်တော်နာ တပည့်တော်ရက်အင် 46ကျမ်းတတ်ဆရာရက်က လိစ်တုန်းဟေကဒေလေ အလိစ်တိ(လ်)မှ သတိပီယင့်ဂီး။ အမာရက်နာ တန်ဖိုးငါဟေကား ပါဇူအကြိရ်ဆုံးရက်အင် တူကို့ ပတ်လင်တုန်းကို့ ဈီးရက်အာယေ့ လူရက်ကား လေးလေးစားစားအိမ် နူတ်ဆက်ဟေကင့်ယေ့ ဟင်းကက်ဟေ။ ဓမ္မာရုံရက်အာယေ့ ရှေ့ဆုံးငါကတုန်းဟြာင့်(ရ်)ငါလည်းကောင်း ပုတ်ဆာကရပ်အ(လ်) မီဟေကားနေရာရက်အင်လည်းကောင်း တုန်းကက်ဟေ။ 47အမာရက်နာ မုဆိုးမရက်ထနဲ့က အူဇာရက်အင် အတင်းအဓမ္မသိမ်းလာကို့ လူးရက်နာ ဖြောင့်မှတ်ဟေငါ့ကို ထင်ငန်မနီး အချိန်ကြားမနီး ဆုစိန်ကထောင်းဟေ။ မှအကြောင့် အမာရက်နာ ပြင်းထန်ဟေကား အပြစ်အီဟေကား ဟင်းလင်ပိုကားဖြစ်ဟေ" ငါကို လင်ကားဟေ။
Currently Selected:
လုကာ 20: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 20
20
အခန်း (၂၀)
ကိုယ်တော်ယေရှုက အခွင့်အာဏာယင် မေးခွန်းဆပြုက
1ယက်တာဂါရပ် ကိုယ်တော်ယေရှုနာ ဗိမာန်တော်ဝင်းထဲယာ လူထုပရိသတ်အင် ဘုရားရှင်က သာသနာတော်အကြောင်း မင်္ဂလာသတင်းကောင်းငင် ငါ့ဆနပ်တုန်းကရပ် ပုရောဟိတ်အကြီးအကဲရက်၊ ကျမ်းတတ်ဆရာရက်အိမ် ဂျူးလူမျိူးအကြီးအကဲရက်နာ ကိုယ်တော်ဝင် လက်ကဇိစ် ထုန်ဗာ(ဖ်)ကို့ 2အမာရက်နာ ကိုယ်တော်ဝင် "မှအူဇာရက်အင် လိစ်ကဇိစ် နင်ထနဲ့ အဆာမီကအခွင့်အာဏာငါဟေယား။ မှအခွင့်အာဏာရက်အင် နင်ဇိစ် အယူက(လ်) အီပီဟေကယား။ ငါရက်ဇိစ် ငါ့ဆနပ်အန်"ငါ့ကို တကာကို့တောင်းဆိုလင်ကဟေ။ 3မှအကြောင့် ကိုယ်တော်နာ အမာရက်အင် "ငါယေ့ နနိန်ရက်အင် တူး(ဖ်)အက်တာ ကတာဂါး။ ဖြေယန်ဂီး။ 4ယောဟန်နာ လူးရက်အင် အိန်းမြှုပ်မင်္ဂလာလိစ်အီကဇိစ် အမာကအခွင့်အာဏာနာ ဘုရားရှင်ထနဲ့ကလူဒက်ကလဲ အရိနဲ့ လူးရက်ထနဲ့က လှူဒက်ဟေကလဲ"ငါ့ကို ကတာလင်ကဟေ။ 5အိမ်မှကရပ် အမာရက်နာ အချင်းချင်းဆွေးနွေးကို "တကယ်လို့ ငါရက်နာ ဘုရားရှင်ထနဲ့က လှူဒက်ကငါ့ကိုဖြေနဲ့က(လ်) အမာနာ ငါရက်အင် "အိမ်မဒေလေငါနဲ့ နနိန်ရက်နာ အဇာရိကား ယောဟန်က သတင်းတူး(ဖ်)ရက်အင် အယုံကြည်ကယား"ငါ့ကို ပြန်ကို့ကတာကား။ 6"လူးရက်ထနဲ့က လှူဒက်ကားငါ့ကို ငါရက်ဖြေနဲ့က(လ်)အ(လ်) လူးစုတ်ရက်နာ ယောဟန်ငင် ပရောဖက်ဟူးဝါငါ့ကို လက်ခံယုံကြည်ပီးကတောင်း အမာရက်နာ ငါရက်အင် တာလုံရက်အိမ် ကတူ(ဖ်)ဝန်လင်ကား"ငါ့ကို ငါ့တုန်းလင်ကဟေ။ 7မှကြောင့် အမာရက်စာ ကိုယ်တော်ဝင် "လူးရက်အင် အိန်းမြုပ်မင်္ဂလာလိစ်အီကအတွက် ယောဟန်ဇိစ် အယူက(လ်)အခွင့်အာဏာ အီဒက်ကယားငါ့ဟေကင့် ငါရက်အချေးနက်ပါ(လ်)"ငါ့ကို ပြန်ကို့ဖြေလင်ကဟေ။ 8အိမ်မှအခါ ကိုယ်တော်ယေရူနာ "ငါကမေးခွန်းရက်အင် နနိန်ရက်အဖြေလှုကတောင်း မှအူဇာရက်အင် လိစ်ကဇိစ်အတွက် ငါဇိစ်အယူက(လ်) အခွင့်အာဏာအီဒက်ကယားငါ့ဟေကင့်ယေ နနိန်ရက်ဇိစ် ငါ ငါ့ဆနပ်အန်ကားအရိပါ(လ်)"ငါ့ကို ငါ့လင်ကဟေ။
ဆိုးဟေကခြံအငှားသမားရက်ကအကြောင်းငင် ကိုယ်တော်ယေရူငါ့ဆနပ်ဟေကား
9ကျီးကအိမ် ကိုယ်တော်ယေရှုနာ လူထုပရိသတ်ရက်အင် ပုံဥပမာဆူဝါအိမ် ငှားဆနပ်ကနာ "လူးဟူးဝါနာ စပျစ်ခင်းတစ်ခင်းငင် စိုက်ပျိူးလင်ကဟေ။ မှနောက်အာ အမာနာ အခင်းငင် ဘက်ကစားလိစ်ဟေကား#20:9 ဘက်းကစားအလိစ်ငါ့ဟေကနာ သီးစားလုပ်ကိုင်သည် ခြံအလုပ်သမားရက်အင် အငှားအဟြတ်ကို့ကျီးကရပ် တစ်ခြားတိုင်းပြည်ယာ ခရီးပြုကလင်ကို့ အိမ်မှနေရာယာ အချိန်ကြားစာရောက်မှ တုန်းလင်ကဟေ။ 10စပျစ်ဆီးဖော်ဗာ(ဖ်)ကအချိန်ငါ အခင်းပိုင်ရှင်နာ ဘက်ကစားလိစ်ဟေကား အလုပ်သမားရက်ထနဲ့ အငှားဆာဟူးဝင်ဖြောက်ကို့ အမာလူသင့်လူထိုက်ဟေကား ဝေစုယင် လာကဖန်းနက်ကဟေ။ ညီးငါ့ဒင့်ယေ ဘက်ကစားလိစ်ဟေကား အလုပ်သမားရက်နာ အိမ်မှအငှားဆာယင်ပေါက်ကို့ ဆူးဝါယေ့အအီထမ်း အခင်းပိုင်ရှင်ပိုင်ကမား ပြန်ကို့ဖြောက်နက်လင်ကဟေ။ 11မှအကြောင့် အခင်းပိုင်ရှင်နာ အမာလူသင့်လူထိုက်ဟေကား ဝေစုယင်လာကဇိစ် အယောက်ကအငှားဆာဟူးဝင် ဖြောက်လင်ပီကဟေ။ ညီးငါ့ဒင့်ယေ ဘက်ကစားလိစ်ဟေကား အခင်းအလုပ်သမားရက်နာ အိမ်မှအငှားဆာယေ့ ပေါက်ကို့ အန္ဒြာရ်ဟြတ်မှလိစ်ကို့ ပြန့်ဖြောက်လင်ကဟေ။ 12အယောက်ဟက်တာ အခင်းပိုင်ရှင်နာ တတိယအငှားဆာယင် အယောက်ဟက်တာဖြောက်လင်ပီကဟေ။ ညီးငါဒင့်ယေ အမာရက်နာ အိမ်မှအငှားဆာယေ တဗျင်းကနာမှပေါက်ကို့ စပျစ်ခင်းငါဘင်း ကတောက်ဓူ(ဖ်)လင်ကဟေ။ 13မှအကြောင့် အခင်းပိုင်ရှင်နာ "အတတ် ငါအဆာမီလိစ်ပေါ်ကယား။ ငါတဗျင်းချစ်ပိုဟေက ငါကအဆာ ဖြောက်တောင်မယ် ဖြစ်ကဟေ။ အမာရက်နာ ငါကအဆာက(လ်) ရိုသေလေ့စားလင်ကားဖြစ်ကို့ ငါလှုသင့်လှုထိုက်ဟေကား ဝေစုငင်ယေ့ အီယန်လင်ကားဖြစ်ဟေ"ငါ့ကို အမာကအဆာ ဖြောက်လင်ကဟေ။ 14ညီးငါ့ဒင့်ယေ့ ဘက်ကစားလိစ်ဟေကား အခင်းအလုပ်သမားရက်နာ အခင်းပိုင်ရှင်ကအဆာ ဗန်တုန်းကပိုဟေကအခါ "မှလူးနာ တစ်ချိန်ချိန်ငါ မှအခင်းငင် အမွေလှုကလူးဖြစ်ဟေ။ ငါရက်နာ အမာကတိုက်နက်နဲ့က(လ်) အမာအမွေလှူကား ပစ္စည်းဥစ္စာရက်နာ ငါရက်ကအပိုင်ဖြစ်အန်ကား"ငါ့ကို အချင်းချင်း တိုင်ပင်ဆွေးနွေးလင်ကဟေ။ 15မှအကြောင့် အခင်းပိုင်ရှင်ကအဆာ ထုန်ဗာ(ဖ်)ဟေကရပ် အမာရက်နာ စပျစ်ခင်းငါဘင်း အပြင်းငါအော်လားကန်ကို့ အမင် ကတိုက်ဓူ(ဖ်)လင်ကဟေ။ မဒေဖြစ်နဲ့က(လ်) အခင်းပိုင်ရှင်နာ အိမ်မှလူးရက်အင် အဇာလိစ်အန်ကယားငါ့ဟေကင့် နနိန်ရက်ချေးဟေလဲ။ 16အခင်းပိုင်ရှင်နာ စပျစ်ခင်းငါ အမာကိုယ်တိုင် ဗန်(ဖ်)ကို့ ဘက်ကစားလိစ်ဟေကား အလုပ်သမားရက်အင် ကတိုက်ဓူ(ဖ်)လင်ကားဖြစ်ဟေ။ မှနောက်အာ အမာနာ အမာကစပျစ်ခင်းငင် ပြုစုစောင့်ရှောက်ကဇိစ် တစ်ခြားဘက်ကစားလိစ်ဟေကား အခင်းအလုပ်သမားရက်အင် ရွေးချယ်လင်ကားဖြစ်ဟေ"ငါ့ကို ငါ့လင်ကဟေ။ ကိုယ်တော်ယေရူ အိမ်မဒေငါ့ဆနပ်ဟေကား တတ်ဟေကလူတိုင်းနာ "မှအူဇာနာ ယက်တာယေ့ အဖြစ်အန်နက်နိမ့်ယေ့"ငါ့ကို ငါ့လင်ကဟေ။
17ကိုယ်တော်ယေရူနာ အမှာရက်အင် စေ့(လ်)ယူကို "ကယ်တင်ရှင် မေရှိယအိမ်ပတ်သက်ကို့ ပရောဖက်ဟေရှာယကကျမ်းငါ#20:17 ဆာလံကျမ်း ၁၁၈း၂၂ ရေးပီးဟေကား
"ကိန်းပြုဟေကလူးရက် မလောက်ပီဟေကား တလုံငင် ဘုရားရှင်နာ လက်ခံဟေကရပ်
အိမ်မှတလုံငင် ကိန်းငါက အရေးပါဟေကား တလုံဖြစ်မနီး လိစ်ကို့အီလင်ကားငါဟေကင့်နာ အဇာငါ့ဟေကယား နနိန်ရက်အချေးကလဲ။
18မေရှိယယင် ငြင်းပယ်ကလူး ရိကက်ကလူးရိယင့် အိမ်မှတလုံးဖုံးငါ#20:18 အိမ်မှတာလုံးငါ့ဟေကနာ ကိုယ်တော်ယေရူယင်ဆိုလိုဟေ။ ကတိ(လ်)ဟေကားလူးအိမ်တူကို့ အိမ်မှလူးရက်နာ အအူဆာဖြစ်လင်ကား။ အရိနဲ့ အိမ်မှတလုံနာ အိမ်မှလူးရက်ကားအဖုံးငါ ကတိ(လ်)နဲ့က(လ်)အ(လ်) အမာရက်နာ လုံးဝအအူဆာဖြစ်ကလင်လင်ကား" ငါ့ကို ငါ့လင်ကဟေ။
19ဂျူးပုရောဟိတ်အကြီးအကဲရက်အိမ် ကျမ်းတတ်ဆရာရက်နာ ကိုယ်တော်ယေရူစာ မှပုံဥပမာယင် အမာရက်အင် ရည်ညွန့်ကို့ပြိစ်တုန်းဟေကား ချေးတုန်းဟေကတောင်း အမာရက်နာ ကိုယ်တော်ဝင် ချက်ချင်းဒင့် ရိန်လင်ကက်ကဟေ။ ညီးငါ့ဒင့်ယေ လူးရက်စာ အမာရက်အင် အရန်းဆုံးငန်ကား အစက်ကို့ ကိုယ်တော်ဝင် အရိန်ဒက်ပါ(လ်)။
ဂျုးလူမျိူးအကြီးအကဲရက်နာ အခွန်အိမ်ပတ်သက်ဟေကား မေးခွန်းအိမ် ကိုယ်တော်ယေရူယင် ထောင်ချောက်ဆင်ကဇိစ် ကြိုးစားဟေက
20မှနောက်အာ ပုရောဟိတ်အကြီးကဲရက်အိမ် ကျမ်းတတ်ဆရာရက်နာ ကိုယ်တော်ယေရူယင် အနီးကပ်စောင်ယူကို့ လူတစ်ချို့ယင် တင်္ဂါအီကို့ ရိုးသားဟေကလူးဒေလေဟန်ဆောင်ဇိစ်ကို့ ကိုယ်တော်ဝင် ဝိုက်ကဇိစ် ဖြောက်နက်ကဟေ။ အမာရက်နာ ကိုယ်တော်ယေရူယင် ရောမအုပ်ချုပ်ကလူးရက်အိမ် အာဏာပိုင်ရက်ကမား အက်ကို့အပြစ်အီကဟင်းပိုမား ကိုယ်တော်ဝင် ကမင်ဟေကား အကြောင်းအရာ ဆူးဝါငန်းမနီး ထောင်ချောက်ဆင်ဟေက မေးခွန်းရက်အင် ကတာလင်ကဟေ။ 21မှအကြောင့် အိမ်မှလူးရက်နာ ကိုယ်တော်ဝင် "ကိုယ်တော်၊ ကိုယ်တော်နာ အမှန်တရားယင် ငါ့ဆနပ်တုန်းကို့ လူတိုင်းငင်ယေ့ ဘက်လိုက်ဟေကအငါထမ်း တန်တူညီမျှဆက်ဆံဟေကား ငါရက်ချေးနက်ဟေ။ ဘုရားရှင်နာ လူးရက်အင် လိုက်နာဇိစ်ကက်ဟေကား အကြောင်းအရာရက်အိမ်ပတ်သက်ဟေကား အမှန်တရားယင် ကိုယ်တော်နာ ရက်ပိုက်ဆနိန်ကို့အီနက်ဟေ။ 22မှအကြောင့်အိမ် ရောမဧကရာဇ်ဇိစ် အခွန်အီဟေကနာ တရားတော်အိမ်ညီဟေလဲ။ မဒေအရိနဲ့ အညီလဲငါဟေက ငါ့ရက်ဇိစ် ငါ့ဆနပ်အန်"ငါ့ကို့ လျှောက်တင်လင်ကဟေ။ 23ညီးငါ့ဒင့်ယေ ကိုယ်တော်ယေရူနာ အိမ်မှလူးရက်နာ အမင် ထောက်ချောက်ဆင်ကို့ ကတာတုန်းကအကြောင်းငင် ချေးတုန်းလင်ကဟေ။ 24မှအကြောင့် ကိုယ်တော်နာ အမာရက်အင် "အခွန်အီပိုဟေကရပ် အသုံးပြုဟေက ဒေနာရီဒင်္ဂါးတစ်ပြားယင် ဆနပ်အန်။ အိမ်မှတင်္ဂါပြားအဖုံးငါ အယူကအရုပ်အိမ် အမိန်းငင် ရေးကို့ပီဟေယား"ငါ့ကို ကတာလင်ကဟေ။ 25အိမ်မှလူးရက်အ(လ်) "ရောမဧကရာဇ်က အရုပ်အိမ်အမိန်းဖြစ်နက်ဟေ"ငါ့ကို ပြန်ကိုဖြေလင်ကဟေ။ မှအကြောင့် ကိုယ်တော်နာ အမာရက်အင် "ရောမဧကရာဇ်ဇိစ် အမာအိမ်သက်ဆိုင်ဟေကားအူဇာရက်အင် အမာဇိစ်အီကို့ ဘုရားရှင်အိမ် သက်ဆိုင်ဟေကအူဇာရက်အင်ယေ့ ဘုရားရှင်ဇိစ် အီယင့်"ငါ့ကို ငါ့လင်ကဟေ။ 26အိမ်မှလူးရက်နာ လူထုပရိသတ်ရက်ကရှေ့ယာ ထောက်ချောက်ဆင်ကို့ အကာတာ ဒက်လှုပါ(လ်)။ အိမ်မှတောင်မာဒင့် ကိုယ်တော်နာ အမာရက်အင် အယောက်ဟက်တာ မေးခွန်ရက်အကာတာလှူမနီး ဖြေဒက်ဟေကတောင်း အမာရက်နာ အံ့ဩကို့ တိတ်ကို့ဖြစ်ကလင်ကဟေ။
ဆိန်းကမှဘင်း အဆက်ပြန်ကို့ဆိမ်းကအကြောင်းငင် မေးခွန်းဆပြုကား
(မဿဲ ၂၂:၂၃-၃၃။ မာကု ၁၂:၁၈-၂၇)
27မှနောက်အာ ဇဒ္ဒုကဲတစ်ချို့နာ#20:27 ဇဒ္ဒုကဲငါ့ဟေကနာ နောင်ဘဝငါ့ကို ငါ့ဟေကား လက်အခံပါ(လ်)၊ ဆိန်းနဲ့က(လ်) ဝိညာဉ်ပါပျောက်ကွယ်သွားသည်ဟု ယုံကြည်ကြသော ဂျူးဘာသာရေးအဖွဲ့အစည်းဆူးဝါဖြစ်ဟေ။ ကိုယ်တော်ယေရူထနဲ့ ထုန်ဗာ(ဖ်)လင်ကဟေ။ အိမ်မှလူးရက်နာ လူရက်ဆိန်းကလင်နဲ့ အဆက်ပြန်ကို့အဆိမ်းငန်ပါ(လ်)ကားငါ့ကို ယုံကြည်ပီကလူးရက်မယ်ဖြစ်ဟေ။ 28အိမ်မှဇဒ္ဒုကဲရက်နာ ကိုယ်တော်ယေရူယင် "ကိုယ်တော်၊ မောရှေကပညတ်ကျမ်းငါ#20:28 တရားဟောရာကျမ်း ၂၅း၅-၆ အအိပ်တာငါဟေကလူးဟူးဝါနာ အဆာ၊ဆအိပ်အလှုထမ်း ဆိန်းကလင်နဲ့ အနည်းဆီဖြစ်ကလူးနာ အိမ်မှတာဆာလောင်ငင် လက်ထပ်ကို့ အိမ်မှနိမ့်ဟူးဝါဘင်း ကေယန်ကား အဆာဦးဝင် အပါးပြောင်ကမျိူးဆက်ငါ့ကို သတ်မှတ်ပိုကား"ငါ့ကို ရေးပီနက်ဟေ။ 29မဒေလေငါနဲ့ ဟက်တာကရပ် မိသားစုတစ်စုဝါ နည်းဆီဖုန်နားခုနှစ်ယောက် ငါဒက်ဟေ။ ပြာဇိုးကလူးနာ အအိပ်တာလာကို့ကျီးဟေကရပ် အဆာ၊ဆာအိပ်အလှုထမ်း ဆိန်းလင်ကဟေ။ 30ဒုတိယပြာဇိုးနာ အမာကအပါးကအအိပ်တာ ဖြစ်ဟေကား ကျန်ငါ့ဒက်က မုဆိုးမအင် လက်ထပ်လင်ကဟေ။ ညီးငါဒင့်ယေ အမာယေ အဆာ၊ဆာအိ အလှုထမ်း ဆိန်းလင်ပီးကဟေ။ 31မှနောက်အာ တတိယအနည်းဆီယေ အိမ်မှတာဆာလောင်အိမ် လက်ထပ်ကို့ အဆာ၊ဆာအိပ်အလှုထမ်းဆိန်းလင်ကဟေ။ အိမ်မှအတိုင်း နည်းဆီဖုန်နားခုနှစ်ယောက်စလုံးနာ အိမ်မှတာဆာလောင်အိမ် လက်ထပ်ကို့ အဆာ၊ဆာအိပ်အလှူထမ်း ဆိန်းလင်ကဟေ။ 32နောက်ဆုံးငါ အိမ်မှတဆာလောင်င(လ်) ဆိန်းလင်ကဟေ။ 33မှအကြောင့် ဘုရားရှင်နာ လူးရက်အင် ဆိန်းကမှဘင်း အဆက်ပြန်ကို့ဆိမ်းဇိစ်ဟေကရပ် အိမ်မှတာဆာလောင်နာ အိမ်မှနည်းဆီဖုန်နားခုနှစ်ယောက်ထဲယာက အယူကအအိပ်တာဖြစ်အန်ကယား။ အဇာရိကို့အငါနဲ့ မှတာဆာလောင်နာ အိမ်မှလူးစုတ်ရက်အိမ် လက်ထပ်တက်ကအကြောင့်ဖြစ်ဟေ"ငါ့ကို ကတာလင်ကဟေ။ 34ကိုယ်တော်ယေရူနာ အမာရက်အင် "အတတ် မှကမ္ဘာလောကယာ အဆက်ဆိမ်းကို့တုန်းဟေကလူးရက်မယ် လက်ထပ်ဟေကရက်အိမ် မောင်းနှစ်လိစ်ဟေကရက်အင် လိစ်တုန်းဂီးဟေ။ 35ညီးင့ဒင့်ယေ့ အနာဂတ်ကာလယာ ဆိန်းကမှဘင်း အဆက်ပြန်ကို့ဆိမ်းကဇိစ် ခံစားထိုက်ဟေကား လူးရက်နာ လက်ထပ်ဟေကရက်၊ မောင်းနှင်းလိစ်ကို့ အီဟေကရက်အင် လိစ်လင်ကားအရိနန်း။ 36အဇာရိကို့အငါနဲ့ အမာရက်နာ ဟမန်းဒေဝါရက်တလေ ဟက်တာယေ့ဆိန်းလင်ကရိပါ(လ်)၊ လက်ထပ်ဟေကရက်အ(လ်) အငါလင်နန်းကားနာ အမှန်တကယ်ဖြစ်ဟေ။ ဆိန်းကမှဘင်း အဆက်ပြန်ကို့ဆိမ်းကဇိစ် ခံစားထိုက်ကားလူးရက်ဖြစ်ကတောင်း အမာရက်နာ ဘုရားရှင်က အဆာ၊ဆာအိပ်ရက်ဖြစ်ယောဝန်လင်ကား။ 37အိမ်မှတောင်မာဒင့် ဆိန်းကန်နန်းကားလူးရက် အဆက်ပြန်ကို့အဆိမ်းငန်ပါ(လ်)ကားငါ့ကို နနိန်ရက်ထင်တုန်းကနာ ကမင်တုန်းနန်း။ အဇာရိကိုအငါနဲ့ မောရှေကကျမ်းယာ ဗန်ဟြုရ်တုန်းကခြုံပုတ်ငါ့ဟေကား ကျမ်းပိုဒ်အိမ်#20:37 ထွက်မြောက်ရာကျမ်း ၃း၆ သက်သေဆနပ်ကို့ "ဘုရားရှင်နာ အာဗြဟံ၊ဣဇာက်အိမ် ယာကုပ်ရက်က ဘုရားဖြစ်ဟေ"ငါ့ဟေကနာ ဆိန်းကလင်ကားလူးရက် အဆက်ပြန်ကို့ဆိမ်းဟေကအကြောင့်ငင် ရှင်းရှင်းလင်းလင်းအိမ် ရေးပီဟေကဖြစ်ဟေ။ 38အိမ်မှလူးရက်နာ ဘုရားရှင်ကရှေ့ယာ ထာဝရကာလပတ်လုံး အဆက်ဆိမ်းတုန်းကလူးရက်ဖြစ်ကို့ ဘုရားရှင်နာ ဆိန်းကလင်ကားလူးရက်ကား ဘုရားအရိထမ်း အဆက်ဆိမ်းတုန်းကလူးရက်ကား ဘုရားမယ်ဖြစ်ဟေ"ငါ့ကို ငါ့လင်ကဟေ။ 39ထိုအခါ ကျမ်းတတ်ဆရားအချို့နာ "ကိုယ်တော်ကအဖြေနာ တဗျင်းမီဟေ" ငါးဂို့ လျှောက်တင်လင်ကဟေ။ 40အိမ်မအချိန်ငါဘင်းစဂို ဟူးဝါယေ့ ကိုယ်တော်ယင် အိမ်မဒေလေကား ထောင်ချောက်ဆင်ဟေက မေးခွန်းရက် အကတာဗင်(ဖ်)လင်နန်း။
ဒါဝိဒ်ဂါအဆာ
(မဿဲ ၂၂:၄၁-၄၆။ မာကု ၁၂:၃၅-၃၇)
41မှနောက်အာ ကိုယ်တော်နာ အမာရက်အင် "ကယ်တင်ရှင်မေရှိယနာ ဘုရင်ဒါဝိဒ်က အဆာဖြစ်ဟေငါ့ကို ငါ့တုန်းဟေကင့်နာ နနိန်ရက် အဆာမီနားလည်ပီဟေယား။ 42ဘုရင်ဒါဝိဒ်ကိုယ်တိုင် ဆာလံကျမ်းငါ#20:42 ဆာလံကျမ်း ၁၁၀း၁ မေရှိယကအကြောင်းငင် ရေးကိုပီဒက်ကနာ
"ဘုရားရှင်နာ ငါကအရှင်မေရှိယယင် 'ငါဂုဏ်ပြုကနေရာဖြစ်ဟေကား ငါကပုတ်ဆာလက်ဘက်အာ တုန်းဗာ(ဖ်)။
43ငါနာ နင်ကရန်သူရက်အင် နင်ကအတာတင်ကားခုံဖြစ်ဇိစ်လင်ကား"ငါ့ကို ငါလင်ဟေ"ငါကိုဖြစ်ဟေ။
44မှအကြောင့် ဒါဝိဒ်မင်နာ မေရှိယယင် 'အရှင်'ငါ့ကို အော်နဲ့က(လ်) မေရှိယစာ အဆာမီ ဒါဝိဒ်မင်ကအဆာ ဖြစ်အန်လှုကယား"ငါ့ကို ငါ့လင်ကဟေ။
ကျမ်းတတ်ဆရာရက်အင် ကိုယ်တော်ယေရူ သတိအီဟေကား
(မဿဲ ၂၃:၁-၃၆။ မာကု ၁၂:၃၈-၄၀)
45ကိုယ်တော်ယေရူ ငါ့ဆနပ်တုန်းဟေက လူထုပရိသတ်ရက် အတေးတုန်းကရပ် ကိုယ်တော်နာ တပည့်တော်ရက်အင် 46ကျမ်းတတ်ဆရာရက်က လိစ်တုန်းဟေကဒေလေ အလိစ်တိ(လ်)မှ သတိပီယင့်ဂီး။ အမာရက်နာ တန်ဖိုးငါဟေကား ပါဇူအကြိရ်ဆုံးရက်အင် တူကို့ ပတ်လင်တုန်းကို့ ဈီးရက်အာယေ့ လူရက်ကား လေးလေးစားစားအိမ် နူတ်ဆက်ဟေကင့်ယေ့ ဟင်းကက်ဟေ။ ဓမ္မာရုံရက်အာယေ့ ရှေ့ဆုံးငါကတုန်းဟြာင့်(ရ်)ငါလည်းကောင်း ပုတ်ဆာကရပ်အ(လ်) မီဟေကားနေရာရက်အင်လည်းကောင်း တုန်းကက်ဟေ။ 47အမာရက်နာ မုဆိုးမရက်ထနဲ့က အူဇာရက်အင် အတင်းအဓမ္မသိမ်းလာကို့ လူးရက်နာ ဖြောင့်မှတ်ဟေငါ့ကို ထင်ငန်မနီး အချိန်ကြားမနီး ဆုစိန်ကထောင်းဟေ။ မှအကြောင့် အမာရက်နာ ပြင်းထန်ဟေကား အပြစ်အီဟေကား ဟင်းလင်ပိုကားဖြစ်ဟေ" ငါကို လင်ကားဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.