လုကာ 19
19
အခန်း (၁၉)
ကိုယ်တော်ယေရူနာ အခွန်ကလိစ်ဟေကဇက္ခဲယင် လက်ဗာ(ဖ်)ဟေကား
1ကျီးကအိမ် ကိုယ်တော်ယေရှုနာ တပည့်တော်ရက်အိမ်မက်တာ ဂျေရိခေါမြို့ဝါဆင်ကို့ကျီးကရပ် ဖြတ်ဂို ကြွလင်ကဟေ။ 2အိမ်မှမြို့ငါ ဇက္ခဲငါးဟေကလူးဟူးဝါနာ တုန်းလင်ကဟေ။ အမှာနာ အခွန်ကုန်ဟေကပြောင်ကဟူးဝါဖြစ်ကို့ တဗျင်းချမ်းသာကြွယ်ဝကလူးဟူးဝါဖြစ်ဟေ။ 3အမာနာ ကိုယ်တော်ယေရူ အယူဝါးဟေကင့်ပိုကက်ကို့ ယူကဇိစ်ကြိုးစားလင်ကဟေ။ ညီးငါဒင့်ယေ အမာကအဟောင်နာ တုံတုန်းကို လူးရက်အ(လ်) ကိုယ်တော်ကအနားဆာ ဝန်းကို့ပီးဟေကတောင်း လူထုပရိသတ်ရက်အင် ကျော်ကို့ ကိုယ်တော်ဝင် အပိုထမ်းဖြစ်လင်ကဟေ။ 4မှအကြောင့် အမာနာ ကိုယ်တော်ယေရူယင် ကဒိန်းကအတွက် လူထုပရိသတ်ရက်ရှေ့ယာ ကြိုတင်လင်ဂို့ ကိုယ်တော်ဗန်(ဖ်)ကား လင်းငါငါ့ဟေက သဖန်းဖင်းဖုံးငါ ချေတုန်းလင်ကဟေ။ 5ကိုယ်တော်ယေရူနာ အိမ်မာနေရာထုန်ဟေကားအခါ သဖန်းဖင်းအဖုံးငါ မော်ယူကို့ "ဇက္ခဲ၊ ယက်ထင့်နိုက် ငါ နင်ကကိန်းငါ တည်းကားဖြစ်ကို့ မလားဆပ်အန်ဒက်"ငါ့ကို ငါ့လင်ကဟေ။ 6မှအကြောင့် ဇက္ခဲယေ သဖန်းဖင်းဖုံးငါဘင်း မလားဆိုက်ယိုးဂို့ ကိုယ်တော်ယေရှုငင် အမာကကိန်းငါအော်လားလင်ကို့ ဝမ်းမြောက်ဝမ်းသာ ကြိုဆိုလင်ကဟေ။ 7ညီးငါ့ဒင့်ယေ အိမ်မှအဖြစ်အပျက်အင် ပိုနက်ဟေကားလူးရက်နာ " ကိုယ်တော်ယေရူနာ အပြစ်ဒုစရိုက်သမားရက်က ကိန်းငါတည်ကဇိစ် ယောကလင်နန်း"ငါ့ကို ပြစ်တင်ဝေဖန်လင်ကဟေ။ 8မှနောက်အာ ဇက္ခဲနာ စက်ဂို့ ကိုယ်တော်ငင် "အတေးယန်နက်နိမ့် ကိုယ်တော်၊ ငါပိုင်ဆိုင်ဟေကား ပစ္စည်းဥစ္စာရက်က ထက်ဗက်အင် ဆင်းရဲဆားရက်ဇိစ် လှူဒါန်းငန်ကားဖြစ်ဟေ။ အိမ်မှတောင်မာဒင့် လူးရက်ထနဲ့က မတရားသဖြင့် ကလိစ်ပီးဟေကား အခွန်တင်္ဂါရက်အင်ယေ့ အမာရက်ထနဲ့က လာပီဟေကား ပမာဏတောင်မာဒင့် လေးဆပြန့်ကိုအီနက်အန်ကား"ငါ့ကို လျှောက်တင်လင်ကဟေ။ 9မှနောက်အာ ကိုယ်တော်ယေရူနာ ဇက္ခဲယင် "နင်ယေ အာဗြဟံက မျိူးဆက်ဖြစ်ကတောင်း ယက်ပင့်စကို့ နင်အိမ်နင်ကမိသားစုတစ်စုလုံးနာ ဘုရားရှင်က ကယ်တင်ဟေကား ဟင်းငင်ပိုနန်းဖြစ်ဟေ။ 10လူ့သားတော်ဖြစ်ဟေကငါယေ ဘုရားရှင်အိမ် လင်းစံတုန်းဟေကလူးရက်အင် ဆုံးကို့ အပြစ်ဒဏ်အီးကဟင်းပိုကမှဘင်း ကယ်တင်ကဇိစ်အတွက် မှလောကယာ ကြွဗန်(ဖ်)ဟေကဖြစ်ဟေ"ငါ့ကို ငါ့လင်ကဟေ။
အစေခံ ဆယ်ယောက် ပုံဥပမာ
11လူထုပရိသတ်ရက်နာ ကိုယ်တော်ယေရူ ငါ့ဆနပ်ဟေကားတူး(ဖ်)ရက်အင် အတေးတုန်းလင်ကဟေ။ ကိုယ်တော်နာ ဂျေရုဆလင်မြို့ဝါ ထုန်ကရိတုန်းနန်းဖြစ်ကတောင်း လူးရက်နာ ဘုရားရှင်ကသာသနာတော်နာ ချက်ချင်းဒင့် ဖော်ဗာ(ဖ်)ကဟေ့ငါ့ကို ထင်တုန်းကတောင်း ကိုယ်တော်နာ ပုံဥပမာဆူးဝါယင် ထပ်မံကိုငါ့ဆနပ်လင်ကဟေ။ 12ကိုယ်တော်နာ "မျိူးရိုးကောင်းမိသားစုယာက လူးဟူးဝါနာ လင်းစံဟေကတစ်ခြားတိုင်းပြည်ယာလင်ကဇိစ် ပြင်ဆင်လင်ကဟေ။ အမာနာ ဘုရင်ရင်ထုယင်လာကဇိစ် အိမ်မနေရာယာ လင်ကို့ကျီးဟေကရပ် အမာကတိုင်းပြည်ယင် အုပ်ချူပ်ကဇိစ် ပြန့်ငန်လင်ကဟေ။ 13အိမ်မှလူးနာ ခရီးအပြုမိ အမာက အငှားဆာဆယ်ယောက်အင် အော်နက်ကို ဟူးဝါဇီယင် တင်္ဂါတစ်မိနာ့ဇိစ်အီကို#19:13 တင်္ဂါတစ်မိနာ့စာ အလုပ်သမားဟူးဝါက ရက်တစ်ရာလုပ်အားခအိမ် ညီမျှဟေ။ ၊ ငါအပြန့်ငန်းနိမ့်ကအချိန်ထိ မှတင်္ဂါအိမ် စီးပွားရေးလိစ်အင်း"ငါ့ကို ငါ့ပီဒက်လင်ကဟေ။ 14ညီးငါ့ဒင့်ယေ အမာကလူမျိုးအချို့ရက်နာ အမင် အပိုကက်ကတောင်း ဧကရာဇ်ကမား သံတမန်ရက်အင်ဖြောက်ကို့ မှလူးဝင် ငါရက်ကဘုရင်အဖြစ် အစိုးကက်ပါ(လ်)"ငါ့ကို လျှောက်ဇိစ်လင်ကဟေ။ 15ညီးငါ့ဒင့်ယေ ဧကရာဇ်မင်နာ အမင် ရှင်ဘုရင်ရာထုယင်အီကို့ အမာယေ အမာကတိုင်းပြည်ယာ ပြန်ငန်လင်ကဟေ။ မှနောက်အာ အမာတင်္ဂါအီပီဒက်ဟေကား အငှားဆာရက်အင် စီးပွားရေးလိစ်ကို့ တင်္ဂါအမြတ်အဆတတ်ငင်နန်းယားငါ့ဟေကင့် ချေးကက်ကတောင်း အိမ်မှလူးရက်အင် အော်ကဇိစ်ဖန်းလင်ကဟေ။ 16ပထမအငှားဆာနာ အမာထနဲ့ဗန်(ဖ်)ကို့ "အရှင်မင်းကြီးအီဒက်ဟေက တင်္ဂါတစ်မိနာ့ယင် ငါ ဆယ်ဆတိုးပွားမှ လိစ်ပီဟေ" ငါးဂို လျှောက်တင်လင်ကဟေ။ 17ဘုရင်ယေ အိမ်မှအငှားဆာယင် "တဗျင်းမီဟေ။ နင်နာ မီဟေကားအငှာဆာဖြစ်ကို့ မဒေလေကအမူကိစ္စဒင့်င(လ်) သစ္စာငါဟေကတောင်း နင်နာမြို့ဆယ်မြို့ယင် အုပ်ချုပ်အင်း"ငါ့ကို ငါ့လင်ကဟေ။ 18ဒုတိယအငှားဆာယေ ဗန်(ဖ်)ကို့ "အရှင်မင်းကြီးအီဒက်ဟေက တင်္ဂါတစ်မိနာ့ယင် ငါ ငါးဆစီတိုးပွားမှ လိစ်ပီဟေ" ငါးဂို လျှောက်တင်လင်ကရပ် 19ဘုရင်ယေ အိမ်မှအငှားဆာယင် "တဗျင်းမီလင်ဟေ။ နင်စာ မြို့ငါးမြို့ငင် အုပ်ချုပ်အင်း"ငါ့ကို ငါ့လင်ကဟေ။ 20မှနောက်အာ အယောက်က အငှားဆာဟူးဝါနာ ဗန်(ဖ်)ကို့ " အရှင်မင်းကြီး အီဒက်ဟေကား တင်္ဂါတစ်မိနာ့ယင် ပိုးဟာအိမ်တိပ်ဂို့ လုံလုံခြုံခြုံသိမ်းပီးနက်ဟေ။ မှနား ယူယင့်။ 21အရှင်မင်းကြီးနာ စည်းကမ်းပြောင်ဟေကလူး ဖြစ်ကတောင်မာဒင့် အပါနာကအပိုင်းကအူဇာရက်အင်ယေ့ သိမ်းလာကို့ အပါနာစုပ်ကို့အပီးကား အူဇာရက်အင်ယေ့ ဟန်ကလူးဖြစ်ကတောင်း ငါနာ အစက်နက်ဟေ။ မှအကြောင့် ငါနာ အတတ်ကဒေလေလိစ်ပိုကားဖြစ်ဟေ"ငါ့ကို လျှောက်တင်လင်ကဟေ။ 22အိမ်မအခါ ဘုရင်နာ အငှားဆာယင် "ဆိုးဟေကအငှားဆာ နင်ကတူ(ဖ်)အတိုင်း နင်ငင် ငါအပြစ်အီယန်ကားဖြစ်ဟေ။ ငါနာ စည်းကမ်းပြောင်ကို့ တိကျကလူးဖြစ်ကို့ အယောက်ကလူးရက်ထနဲ့အ(လ်) ငါအိမ်အသက်ဆိုင်ကား ပစ္စည်းဥစ္စာရက်အင် သိမ်းလာကို့ ငါစုပ်ကို့အပီကား အဆီပါနှံ့ရက်အင် ကလိစ်ဟေကလူးဖြစ်ဟေကင့် နင်အမှန်တကယ်ချေးနဲ့က(လ်) 23အဇာရိကို့ ငါကတင်္ဂါရက်အင် ဘဏ်ငါအက်ကို့အပီကယား။ အိမ်မဒေလိစ်တက်နဲ့ ငါပြန့်ငန်ကရပ် ငါကတင်္ဂါရင်အင် အတိုးအိမ်မက်တာ ငါလှူလင်ကား"ငါ့ကို ငါ့လင်ကဟေ။ 24မှနောက်အာ ဘုရင်နာ အယောက်ကအငှားဆာရက် "အိမ်မှလူးထနဲ့က တင်္ဂါလာကို့ တင်္ဂါရက်အင် ဆယ်ဆပွားမနီး လိစ်တက်ဟေကား အငှားဆာဇိစ် အီနက်အင့်"ငါ့ကို အမိန့်အီလင်ကဟေ။ 25ညီးငါ့ဒင့်ယေ အမာရက်နာ "အရှင်မင်းကြီး အိမ်မှအငှားဆာထနဲ့ တင်္ဂါဆယ်မိနာ့ငါ့တုန်းနန်း" ငါးဂို လျှောက်တင်လင်ကဟေ။ 26ဘုရင်ယေ့ "နနိန်ရက်အင် ငါငါပိုနဲ့က(လ်) အပါနာထနဲ့ငါဟေကင့် အူဇာရက်အင် ကနင်းဖူး(ဖ်)ဆာအသုံးချကို့ တိုးပွားမနီး လိစ်လှူဟေကလူးရက်နာ ပိုကို့အီဟေက ဟင်းငန်ပိုကဖြစ်ကယေ့ အပါနာထနဲ့ငါဟေကင့် အူဇာရက်အင် ကနင်းဖူး(ဖ်)ဆာ အသုံးအချထမ်း တိုးပွားမနီး အလိစ်လှူကလူးရက်နာ အမာရက်ထနဲ့ငါ့ဟေကား အူဇာရက်အင်ဒင့် သိမ်းလာစာ ဟင်းလင်ပိုကားဖြစ်ဟေ။ 27မှနောက်အာ အမာနာ " ငါဘုရင်အဖြစ် အုပ်ချူပ်ဟေကားအစိုးကက်က ရန်သူရက်အင် မှနေရာယာ အော်လားကန်ကို့ ငါကရှေ့ယာ ကတိုက်နက်အင်" ငါ့ကို အမိန့်အီနက်ဟေ"ငါ့ကို ငါလင်ကဟေ။
ဂျေရုဆလင်မြို့ဝါ ထုန်လင်ဟေကား
28အိမ်မှအကြောင်းအရာရက်အင် ငါ့ဆနပ်ကို့ကျီးဟေကရပ် ကိုယ်တော်ယေရူနာ တပည့်တော်ရက်က ရှေ့ယာကြွလင်ကို့ ဂျေရုဆလင်မြို့ဝါ ခရီးဆက်လင်ကဟေ။ 29သံလွင်တာဂိုးအနားငါ့ဟေကား ဗက်ဖာဂေထိန်အိမ် ဗေသနိထိန်အနားဆာ ထုန်ဟေကအခါ ကိုယ်တော်ယေရူနာ တပည့်တော်နှစ်ဟူးငင် ရှေ့ယာကြိုတင်ဂိုး လင်ကဇိစ် ဖြောက်နက်ကဟေ။ 30အမာရက်အင် အဖြောက်မိ ကိုယ်တော်နာ "နနိန်ရက်ကရှေ့ယာငါဟေကား ထိန်ငါလင်ဂီး။ အိမ်မှနေရာယာ ဟူးဝါယေ့အတိ(လ်)နိမ့်ကား မြည်းငယ်တစ်ကောင်ငင်#19:30 အိမ်မြည်းနာ လူ၊ ကုန်းနှီးရက်အိမ် ယှဉ်မနီး အလေ့ကျင့်ပိုနိန့်ကား မြည်းရိုင်းဖြစ်ဟေ။ ညီးငါ့ဒင့်ယေ ကိုယ်တော်ယေရူယင် ဂျေရုဆလင်မြို့ဝါ ကြည်ကြည်ဖြူဖြူအိမ် တိ(လ်)ဇိစ်ကို့လာလင်ကဟေ။ ရဖူ(ဖ်)အိမ်တန်ပီဟေက ပိုလင်ကား။ အိမ်မှမြည်းယင် ရဖူ(ဖ်)ဖြုတ်ကို့ ငါထနဲ့အော်လားကန်။ 31လူးဟူးဟူးဝါနာ " အဇာရိက မြည်းယင် ရဖူ(ဖ်)ဖြုတ်တုန်းကယား"ငါ့ကို နနိန်ရက်အင်ကတာနဲ့က(လ်) "ကိုယ်တော်နာ အိမ်မှမြည်းယင် အသုံးပြုကဇိစ် လိုအပ်တုန်းဟေ"ငါ့ကို ပြန့်ဖြေယင့်"ငါ့ကို ငါ့လင်ကဟေ။ 32မှအကြောင့် တပည့်တော်နိမ့်ဟူးယေ အိမ်မှထိန်ငါလင်ဟေကရပ် ကိုယ်တော်ငါ့ဟေကအတိုင်း မြည်းငယ်ယင် ပိုလင်ကဟေ။ 33အမှာရက်နာ မြည်းငယ်ယင်ရာဖူဖြုတ်တုန်းကရပ် အိမ်မှမြည်းငယ်ကပိုင်ရှင်ရက်နာ "အဇာရိကား မြည်းငယ်ယင် ရဖူ(ဖ်)ဖြုတ်တုန်းကယား"ငါ့ကို ကတာလင်ကဟေ။ 34အမှာရက်အ(လ်) "ကိုယ်တော်နာ မှမြည်းငယ်ယင် အသုံးပြုကဇိစ် လိုအပ်တုန်းကတောင်းဖြစ်ဟေ" ငါးဂို့ ဖြေလင်ကဟေ။ 35ကျီးကအိမ် အမာရက်နာ မြည်းငယ်ယင် ကိုယ်တော်ယေရူကမား အော်လားကန်ကို မြည်းကအကာဆင့်ဖုံးငါ အမာရက်ကပါဇူရက်အင် အကြင်းအီကျီးကရပ် ကိုယ်တော်ဝင် တုန်းဇိစ်လင်ကဟေ။ 36မှနောက်အာ ကိုယ်တော်ယေရူနာ အိမ်မှမြည်းငယ်ယင်တိ(လ်)ကို့ ဂျေရုဆလင်မြို့ဝါ ကြွလင်ကား လင်းခရီးအာ လူးရက်နာ ကိုယ်တော်ဝင် ဂုဏ်ပြုကဇိစ် အမာရက်ကအဖုံးထက်ပါဇူရက်အင် လင်းဖုံးငါ အကြင်းပီလင်ကဟေ။ 37ကိုယ်တော်ယေရူနာ ဂျေရုဆလင်မြို့အနားဆာက သံလွင်တာဂိုးဝါဘင်း ဆပ်ဟေကား လင်းငါထုန်ဟေကရပ် ကိုယ်တော်က တပည့်အပေါင်းရက်နာ ကိုယ်တော်ယေရူ လိစ်တက်ကား အံ့ဖွယ်အမူစုတ်ရက်ကအတွက် ဟော်ကို့ ဝမ်းမြောက်ဝမ်းသာအိမ်ကြွေကြော်ကို့ ဘုရားရှင်က ဂုဏ်ကျေးဇူးယင် ချီးမွမ်းလင်ကဟေ။ 38"ဘုရားရှင်ကအခွင့်အာဏာအိမ် ဘုရင်အဖြစ် ကြွဗန်(ဖ်)ဟေကား ကိုယ်တော်နာ ကောင်းကျိုးချမ်းသာအဖြာဖြာယင်လှူလင်နက်နိမ့်။ ရွှေမြို့တော်ဝါငါ့ဟေကား ဘုရားရှင်အိမ်မက်တာ ငြိမ်းချမ်းလင်ပါစေ။ ရွှေမြို့တော်ဝါငါဟေကား ဘုရားရှင်င(လ်) ဘုန်းတန်ခိုး ထွန်းလင်ပါစေ"ငါ့ကို ကြွေကြော်လင်ကဟေ။ 39အိမ်မအခါ လူထုပရိသတ်ထဲယာက ဖာရိရှဲအချို့ရက်နာ ကိုယ်တော်ဝင် "ကိုယ်တော်၊ ကိုယ်တော်ကတပည့်ရက်အင် တိတ်ကို့တုန်းကဇိစ် ဆုံးမအီယန်"ငါ့ကို လျှောက်တင်လင်ကဟေ။ 40ကိုယ်တော်ယေရူနာ အမာရက်အင် "နနိန်ရက်အင် ငါငါပိုနဲ့က(လ်) ငါကတပည့်ရက်နာ ငါကအတွက်အချီးမွမ်းနဲ့က(လ်)တင့်င(လ်) တာလုံရက်နာ ချီးမွမ်းကြွေကြော်လင်ကားဖြစ်ဟေ"ငါ့ကို ငါ့လင်ကဟေ။
ဂျေရုဆလင်မြို့အတွက် ဟြရ်ဟေကား
41မှနောက်အာ ကိုယ်တော်ယေရှုနာ ဂျေရုဆလင်မြို့အနားဆာ ထုန်ဗာ(ဖ်)ကို့ မြို့ဝင်ယူကို့ အိမ်မှမြို့ဝါ တုန်းဟေကလူးရက်ကအတွက် ဝမ်းနည်းကို ဟြာရ်လင်ကဟေ။ 42ကိုယ်တော်နာ "အို ဂျေရုဆလင်မြိုဝါ တုန်းဟေကလူးရက်၊ ဘုရားရှင်အိမ်မက်တာ ငြိမ်းချမ်းခြင်း လှူဇိစ်ဟေကနည်းလမ်းငင် နနိန်ရက်နားလည် သဘောပေါက်ကဇိစ် ငါတဗျင်းဆန္ဒငါဒင်ကယေ့ အတတ်က(လ်) နနိန်ရက် ပိုလင်ကားအရိနန်း။ 43အဇာရိကို့အငါနဲ့ ဘေးဒုက္ခခံစားပိုကား အချိန်ကာလနာ နနိန်ရက်ထနဲ့ ထုန်ဗာ(ဖ်)ကဟေ့ဖြစ်ဟေ။ အိမ်မှအချိန်ငါ နနိန်ရက်က ရန်သူရက်နာ နနိန်ရက်ကပတ်လည်ယာ မြိုးရိုးဆူးဝါပြုပီကို့ နနိန်ရက်အင် ဝန်းကို့ပီလင်ကား။ မှနောက်အာ နနိန်ရက်အင် ပတ်ပတ်လည်ယာဘင်း ပိတ်ကို့ တိုက်ခိုက်လင်ကားဖြစ်ဟေ။ 44နနိန်ရက်က မြို့တစ်မြို့လုံးနာ မြေပြင်အိမ်တစ်ညီတည်း ဖြစ်စာရောက်မှ နနိန်ရက်က အဆောက်အအုံရက်အိမ် ဟန်ဒါရက် ဆုံကလင်မနီး အမာရက်နာ ဖျက်စီးလင်ကားဖြစ်ကို့ နနိန်ရက်ကမြို့ဝါက လူးစုတ်ရက်အင်ယေ့ ကတိုက်ဓူ(ဖ်)လင်ကားဖြစ်ဟေ။ အဇာရိကိုအငါနဲ့က(လ်) နနိန်ရက်အင်ကယ်တင်ကဇိစ်အတွက် ဘုရားရှင်နာ ကယ်တင်ရှင်မေရှိယယင် ဖြောက်နက်အန်ကားအချိန်ငင် နနိန်ရက်သတိအပီတိ(လ်)ကအကြောင့်ဖြစ်ဟေ။
ဗိမာန်တော်တာဟုန်းငါ သန့်စင်ဟေကား
45ကျီးကအိမ် ကိုယ်တော်ယေရှုနာ ဂျေရုဆလင်မြို့ဝါဆင်ကို့ ဗိမာန်တော်အထဲယာကြွလင်ကရပ် ပူဇော်ကဇိစ်အတွက် တိရစ္ဆာန်ရက်အိမ် အယောက်ကအူဇာရက်အင် အချေတုန်းဟေကား လူးရက်အင် ကတောက်လင်ကဟေ။ 46ကိုယ်တော်ယေရူနာ အိမ်မှလူးရက်အင် "ကျမ်းစာထဲယာ 'ဘုရားရှင်က ကိန်းနာ ဆုစိန်ဟေကအရပ်ဖြစ်လင်ကား'ငါ့ကို ငါ့ပီးကယေ့ နနိန်ရက်က(လ်) သူခိုးဓားပြရက် တုန်းဟေကားအရပ်တလေ ဖြစ်ဇိစ်တုန်းနန်း"ငါ့ကို ငါ့လင်ကဟေ။ 47မှနောက်အာ ကိုယ်တော်ယေရူနာ ဗိမာန်တော်ဝင်းထဲယာ လူးရက်အင် ယက်တာကရ တရားဟောဆနပ်လင်ကဟေ။ ပုရောဟိတ်အကြီးအကဲရက်၊ ကျမ်းတတ်ဆရာရက်အိမ် ဂျူးလူမျိူးအကြီးကဲရက်နာ ကိုယ်တော်ဝင် ကတိုက်ကဇိစ် ကြံစည်တုန်းကယေ့ 48လူထုပရိသတ်ရက်နာ ကိုယ်တော် တရားဟောဟေကရက်အင် အာရုံစိုက်ကို့ အတေးတုန်းကတောင်း အမာရက်နာ အိမ်မှဒေလေလိစ်ကဇိစ်အတွက် နည်းလမ်းဆုံးကိုအလှုလင်နန်း။
Currently Selected:
လုကာ 19: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 19
19
အခန်း (၁၉)
ကိုယ်တော်ယေရူနာ အခွန်ကလိစ်ဟေကဇက္ခဲယင် လက်ဗာ(ဖ်)ဟေကား
1ကျီးကအိမ် ကိုယ်တော်ယေရှုနာ တပည့်တော်ရက်အိမ်မက်တာ ဂျေရိခေါမြို့ဝါဆင်ကို့ကျီးကရပ် ဖြတ်ဂို ကြွလင်ကဟေ။ 2အိမ်မှမြို့ငါ ဇက္ခဲငါးဟေကလူးဟူးဝါနာ တုန်းလင်ကဟေ။ အမှာနာ အခွန်ကုန်ဟေကပြောင်ကဟူးဝါဖြစ်ကို့ တဗျင်းချမ်းသာကြွယ်ဝကလူးဟူးဝါဖြစ်ဟေ။ 3အမာနာ ကိုယ်တော်ယေရူ အယူဝါးဟေကင့်ပိုကက်ကို့ ယူကဇိစ်ကြိုးစားလင်ကဟေ။ ညီးငါဒင့်ယေ အမာကအဟောင်နာ တုံတုန်းကို လူးရက်အ(လ်) ကိုယ်တော်ကအနားဆာ ဝန်းကို့ပီးဟေကတောင်း လူထုပရိသတ်ရက်အင် ကျော်ကို့ ကိုယ်တော်ဝင် အပိုထမ်းဖြစ်လင်ကဟေ။ 4မှအကြောင့် အမာနာ ကိုယ်တော်ယေရူယင် ကဒိန်းကအတွက် လူထုပရိသတ်ရက်ရှေ့ယာ ကြိုတင်လင်ဂို့ ကိုယ်တော်ဗန်(ဖ်)ကား လင်းငါငါ့ဟေက သဖန်းဖင်းဖုံးငါ ချေတုန်းလင်ကဟေ။ 5ကိုယ်တော်ယေရူနာ အိမ်မာနေရာထုန်ဟေကားအခါ သဖန်းဖင်းအဖုံးငါ မော်ယူကို့ "ဇက္ခဲ၊ ယက်ထင့်နိုက် ငါ နင်ကကိန်းငါ တည်းကားဖြစ်ကို့ မလားဆပ်အန်ဒက်"ငါ့ကို ငါ့လင်ကဟေ။ 6မှအကြောင့် ဇက္ခဲယေ သဖန်းဖင်းဖုံးငါဘင်း မလားဆိုက်ယိုးဂို့ ကိုယ်တော်ယေရှုငင် အမာကကိန်းငါအော်လားလင်ကို့ ဝမ်းမြောက်ဝမ်းသာ ကြိုဆိုလင်ကဟေ။ 7ညီးငါ့ဒင့်ယေ အိမ်မှအဖြစ်အပျက်အင် ပိုနက်ဟေကားလူးရက်နာ " ကိုယ်တော်ယေရူနာ အပြစ်ဒုစရိုက်သမားရက်က ကိန်းငါတည်ကဇိစ် ယောကလင်နန်း"ငါ့ကို ပြစ်တင်ဝေဖန်လင်ကဟေ။ 8မှနောက်အာ ဇက္ခဲနာ စက်ဂို့ ကိုယ်တော်ငင် "အတေးယန်နက်နိမ့် ကိုယ်တော်၊ ငါပိုင်ဆိုင်ဟေကား ပစ္စည်းဥစ္စာရက်က ထက်ဗက်အင် ဆင်းရဲဆားရက်ဇိစ် လှူဒါန်းငန်ကားဖြစ်ဟေ။ အိမ်မှတောင်မာဒင့် လူးရက်ထနဲ့က မတရားသဖြင့် ကလိစ်ပီးဟေကား အခွန်တင်္ဂါရက်အင်ယေ့ အမာရက်ထနဲ့က လာပီဟေကား ပမာဏတောင်မာဒင့် လေးဆပြန့်ကိုအီနက်အန်ကား"ငါ့ကို လျှောက်တင်လင်ကဟေ။ 9မှနောက်အာ ကိုယ်တော်ယေရူနာ ဇက္ခဲယင် "နင်ယေ အာဗြဟံက မျိူးဆက်ဖြစ်ကတောင်း ယက်ပင့်စကို့ နင်အိမ်နင်ကမိသားစုတစ်စုလုံးနာ ဘုရားရှင်က ကယ်တင်ဟေကား ဟင်းငင်ပိုနန်းဖြစ်ဟေ။ 10လူ့သားတော်ဖြစ်ဟေကငါယေ ဘုရားရှင်အိမ် လင်းစံတုန်းဟေကလူးရက်အင် ဆုံးကို့ အပြစ်ဒဏ်အီးကဟင်းပိုကမှဘင်း ကယ်တင်ကဇိစ်အတွက် မှလောကယာ ကြွဗန်(ဖ်)ဟေကဖြစ်ဟေ"ငါ့ကို ငါ့လင်ကဟေ။
အစေခံ ဆယ်ယောက် ပုံဥပမာ
11လူထုပရိသတ်ရက်နာ ကိုယ်တော်ယေရူ ငါ့ဆနပ်ဟေကားတူး(ဖ်)ရက်အင် အတေးတုန်းလင်ကဟေ။ ကိုယ်တော်နာ ဂျေရုဆလင်မြို့ဝါ ထုန်ကရိတုန်းနန်းဖြစ်ကတောင်း လူးရက်နာ ဘုရားရှင်ကသာသနာတော်နာ ချက်ချင်းဒင့် ဖော်ဗာ(ဖ်)ကဟေ့ငါ့ကို ထင်တုန်းကတောင်း ကိုယ်တော်နာ ပုံဥပမာဆူးဝါယင် ထပ်မံကိုငါ့ဆနပ်လင်ကဟေ။ 12ကိုယ်တော်နာ "မျိူးရိုးကောင်းမိသားစုယာက လူးဟူးဝါနာ လင်းစံဟေကတစ်ခြားတိုင်းပြည်ယာလင်ကဇိစ် ပြင်ဆင်လင်ကဟေ။ အမာနာ ဘုရင်ရင်ထုယင်လာကဇိစ် အိမ်မနေရာယာ လင်ကို့ကျီးဟေကရပ် အမာကတိုင်းပြည်ယင် အုပ်ချူပ်ကဇိစ် ပြန့်ငန်လင်ကဟေ။ 13အိမ်မှလူးနာ ခရီးအပြုမိ အမာက အငှားဆာဆယ်ယောက်အင် အော်နက်ကို ဟူးဝါဇီယင် တင်္ဂါတစ်မိနာ့ဇိစ်အီကို#19:13 တင်္ဂါတစ်မိနာ့စာ အလုပ်သမားဟူးဝါက ရက်တစ်ရာလုပ်အားခအိမ် ညီမျှဟေ။ ၊ ငါအပြန့်ငန်းနိမ့်ကအချိန်ထိ မှတင်္ဂါအိမ် စီးပွားရေးလိစ်အင်း"ငါ့ကို ငါ့ပီဒက်လင်ကဟေ။ 14ညီးငါ့ဒင့်ယေ အမာကလူမျိုးအချို့ရက်နာ အမင် အပိုကက်ကတောင်း ဧကရာဇ်ကမား သံတမန်ရက်အင်ဖြောက်ကို့ မှလူးဝင် ငါရက်ကဘုရင်အဖြစ် အစိုးကက်ပါ(လ်)"ငါ့ကို လျှောက်ဇိစ်လင်ကဟေ။ 15ညီးငါ့ဒင့်ယေ ဧကရာဇ်မင်နာ အမင် ရှင်ဘုရင်ရာထုယင်အီကို့ အမာယေ အမာကတိုင်းပြည်ယာ ပြန်ငန်လင်ကဟေ။ မှနောက်အာ အမာတင်္ဂါအီပီဒက်ဟေကား အငှားဆာရက်အင် စီးပွားရေးလိစ်ကို့ တင်္ဂါအမြတ်အဆတတ်ငင်နန်းယားငါ့ဟေကင့် ချေးကက်ကတောင်း အိမ်မှလူးရက်အင် အော်ကဇိစ်ဖန်းလင်ကဟေ။ 16ပထမအငှားဆာနာ အမာထနဲ့ဗန်(ဖ်)ကို့ "အရှင်မင်းကြီးအီဒက်ဟေက တင်္ဂါတစ်မိနာ့ယင် ငါ ဆယ်ဆတိုးပွားမှ လိစ်ပီဟေ" ငါးဂို လျှောက်တင်လင်ကဟေ။ 17ဘုရင်ယေ အိမ်မှအငှားဆာယင် "တဗျင်းမီဟေ။ နင်နာ မီဟေကားအငှာဆာဖြစ်ကို့ မဒေလေကအမူကိစ္စဒင့်င(လ်) သစ္စာငါဟေကတောင်း နင်နာမြို့ဆယ်မြို့ယင် အုပ်ချုပ်အင်း"ငါ့ကို ငါ့လင်ကဟေ။ 18ဒုတိယအငှားဆာယေ ဗန်(ဖ်)ကို့ "အရှင်မင်းကြီးအီဒက်ဟေက တင်္ဂါတစ်မိနာ့ယင် ငါ ငါးဆစီတိုးပွားမှ လိစ်ပီဟေ" ငါးဂို လျှောက်တင်လင်ကရပ် 19ဘုရင်ယေ အိမ်မှအငှားဆာယင် "တဗျင်းမီလင်ဟေ။ နင်စာ မြို့ငါးမြို့ငင် အုပ်ချုပ်အင်း"ငါ့ကို ငါ့လင်ကဟေ။ 20မှနောက်အာ အယောက်က အငှားဆာဟူးဝါနာ ဗန်(ဖ်)ကို့ " အရှင်မင်းကြီး အီဒက်ဟေကား တင်္ဂါတစ်မိနာ့ယင် ပိုးဟာအိမ်တိပ်ဂို့ လုံလုံခြုံခြုံသိမ်းပီးနက်ဟေ။ မှနား ယူယင့်။ 21အရှင်မင်းကြီးနာ စည်းကမ်းပြောင်ဟေကလူး ဖြစ်ကတောင်မာဒင့် အပါနာကအပိုင်းကအူဇာရက်အင်ယေ့ သိမ်းလာကို့ အပါနာစုပ်ကို့အပီးကား အူဇာရက်အင်ယေ့ ဟန်ကလူးဖြစ်ကတောင်း ငါနာ အစက်နက်ဟေ။ မှအကြောင့် ငါနာ အတတ်ကဒေလေလိစ်ပိုကားဖြစ်ဟေ"ငါ့ကို လျှောက်တင်လင်ကဟေ။ 22အိမ်မအခါ ဘုရင်နာ အငှားဆာယင် "ဆိုးဟေကအငှားဆာ နင်ကတူ(ဖ်)အတိုင်း နင်ငင် ငါအပြစ်အီယန်ကားဖြစ်ဟေ။ ငါနာ စည်းကမ်းပြောင်ကို့ တိကျကလူးဖြစ်ကို့ အယောက်ကလူးရက်ထနဲ့အ(လ်) ငါအိမ်အသက်ဆိုင်ကား ပစ္စည်းဥစ္စာရက်အင် သိမ်းလာကို့ ငါစုပ်ကို့အပီကား အဆီပါနှံ့ရက်အင် ကလိစ်ဟေကလူးဖြစ်ဟေကင့် နင်အမှန်တကယ်ချေးနဲ့က(လ်) 23အဇာရိကို့ ငါကတင်္ဂါရက်အင် ဘဏ်ငါအက်ကို့အပီကယား။ အိမ်မဒေလိစ်တက်နဲ့ ငါပြန့်ငန်ကရပ် ငါကတင်္ဂါရင်အင် အတိုးအိမ်မက်တာ ငါလှူလင်ကား"ငါ့ကို ငါ့လင်ကဟေ။ 24မှနောက်အာ ဘုရင်နာ အယောက်ကအငှားဆာရက် "အိမ်မှလူးထနဲ့က တင်္ဂါလာကို့ တင်္ဂါရက်အင် ဆယ်ဆပွားမနီး လိစ်တက်ဟေကား အငှားဆာဇိစ် အီနက်အင့်"ငါ့ကို အမိန့်အီလင်ကဟေ။ 25ညီးငါ့ဒင့်ယေ အမာရက်နာ "အရှင်မင်းကြီး အိမ်မှအငှားဆာထနဲ့ တင်္ဂါဆယ်မိနာ့ငါ့တုန်းနန်း" ငါးဂို လျှောက်တင်လင်ကဟေ။ 26ဘုရင်ယေ့ "နနိန်ရက်အင် ငါငါပိုနဲ့က(လ်) အပါနာထနဲ့ငါဟေကင့် အူဇာရက်အင် ကနင်းဖူး(ဖ်)ဆာအသုံးချကို့ တိုးပွားမနီး လိစ်လှူဟေကလူးရက်နာ ပိုကို့အီဟေက ဟင်းငန်ပိုကဖြစ်ကယေ့ အပါနာထနဲ့ငါဟေကင့် အူဇာရက်အင် ကနင်းဖူး(ဖ်)ဆာ အသုံးအချထမ်း တိုးပွားမနီး အလိစ်လှူကလူးရက်နာ အမာရက်ထနဲ့ငါ့ဟေကား အူဇာရက်အင်ဒင့် သိမ်းလာစာ ဟင်းလင်ပိုကားဖြစ်ဟေ။ 27မှနောက်အာ အမာနာ " ငါဘုရင်အဖြစ် အုပ်ချူပ်ဟေကားအစိုးကက်က ရန်သူရက်အင် မှနေရာယာ အော်လားကန်ကို့ ငါကရှေ့ယာ ကတိုက်နက်အင်" ငါ့ကို အမိန့်အီနက်ဟေ"ငါ့ကို ငါလင်ကဟေ။
ဂျေရုဆလင်မြို့ဝါ ထုန်လင်ဟေကား
28အိမ်မှအကြောင်းအရာရက်အင် ငါ့ဆနပ်ကို့ကျီးဟေကရပ် ကိုယ်တော်ယေရူနာ တပည့်တော်ရက်က ရှေ့ယာကြွလင်ကို့ ဂျေရုဆလင်မြို့ဝါ ခရီးဆက်လင်ကဟေ။ 29သံလွင်တာဂိုးအနားငါ့ဟေကား ဗက်ဖာဂေထိန်အိမ် ဗေသနိထိန်အနားဆာ ထုန်ဟေကအခါ ကိုယ်တော်ယေရူနာ တပည့်တော်နှစ်ဟူးငင် ရှေ့ယာကြိုတင်ဂိုး လင်ကဇိစ် ဖြောက်နက်ကဟေ။ 30အမာရက်အင် အဖြောက်မိ ကိုယ်တော်နာ "နနိန်ရက်ကရှေ့ယာငါဟေကား ထိန်ငါလင်ဂီး။ အိမ်မှနေရာယာ ဟူးဝါယေ့အတိ(လ်)နိမ့်ကား မြည်းငယ်တစ်ကောင်ငင်#19:30 အိမ်မြည်းနာ လူ၊ ကုန်းနှီးရက်အိမ် ယှဉ်မနီး အလေ့ကျင့်ပိုနိန့်ကား မြည်းရိုင်းဖြစ်ဟေ။ ညီးငါ့ဒင့်ယေ ကိုယ်တော်ယေရူယင် ဂျေရုဆလင်မြို့ဝါ ကြည်ကြည်ဖြူဖြူအိမ် တိ(လ်)ဇိစ်ကို့လာလင်ကဟေ။ ရဖူ(ဖ်)အိမ်တန်ပီဟေက ပိုလင်ကား။ အိမ်မှမြည်းယင် ရဖူ(ဖ်)ဖြုတ်ကို့ ငါထနဲ့အော်လားကန်။ 31လူးဟူးဟူးဝါနာ " အဇာရိက မြည်းယင် ရဖူ(ဖ်)ဖြုတ်တုန်းကယား"ငါ့ကို နနိန်ရက်အင်ကတာနဲ့က(လ်) "ကိုယ်တော်နာ အိမ်မှမြည်းယင် အသုံးပြုကဇိစ် လိုအပ်တုန်းဟေ"ငါ့ကို ပြန့်ဖြေယင့်"ငါ့ကို ငါ့လင်ကဟေ။ 32မှအကြောင့် တပည့်တော်နိမ့်ဟူးယေ အိမ်မှထိန်ငါလင်ဟေကရပ် ကိုယ်တော်ငါ့ဟေကအတိုင်း မြည်းငယ်ယင် ပိုလင်ကဟေ။ 33အမှာရက်နာ မြည်းငယ်ယင်ရာဖူဖြုတ်တုန်းကရပ် အိမ်မှမြည်းငယ်ကပိုင်ရှင်ရက်နာ "အဇာရိကား မြည်းငယ်ယင် ရဖူ(ဖ်)ဖြုတ်တုန်းကယား"ငါ့ကို ကတာလင်ကဟေ။ 34အမှာရက်အ(လ်) "ကိုယ်တော်နာ မှမြည်းငယ်ယင် အသုံးပြုကဇိစ် လိုအပ်တုန်းကတောင်းဖြစ်ဟေ" ငါးဂို့ ဖြေလင်ကဟေ။ 35ကျီးကအိမ် အမာရက်နာ မြည်းငယ်ယင် ကိုယ်တော်ယေရူကမား အော်လားကန်ကို မြည်းကအကာဆင့်ဖုံးငါ အမာရက်ကပါဇူရက်အင် အကြင်းအီကျီးကရပ် ကိုယ်တော်ဝင် တုန်းဇိစ်လင်ကဟေ။ 36မှနောက်အာ ကိုယ်တော်ယေရူနာ အိမ်မှမြည်းငယ်ယင်တိ(လ်)ကို့ ဂျေရုဆလင်မြို့ဝါ ကြွလင်ကား လင်းခရီးအာ လူးရက်နာ ကိုယ်တော်ဝင် ဂုဏ်ပြုကဇိစ် အမာရက်ကအဖုံးထက်ပါဇူရက်အင် လင်းဖုံးငါ အကြင်းပီလင်ကဟေ။ 37ကိုယ်တော်ယေရူနာ ဂျေရုဆလင်မြို့အနားဆာက သံလွင်တာဂိုးဝါဘင်း ဆပ်ဟေကား လင်းငါထုန်ဟေကရပ် ကိုယ်တော်က တပည့်အပေါင်းရက်နာ ကိုယ်တော်ယေရူ လိစ်တက်ကား အံ့ဖွယ်အမူစုတ်ရက်ကအတွက် ဟော်ကို့ ဝမ်းမြောက်ဝမ်းသာအိမ်ကြွေကြော်ကို့ ဘုရားရှင်က ဂုဏ်ကျေးဇူးယင် ချီးမွမ်းလင်ကဟေ။ 38"ဘုရားရှင်ကအခွင့်အာဏာအိမ် ဘုရင်အဖြစ် ကြွဗန်(ဖ်)ဟေကား ကိုယ်တော်နာ ကောင်းကျိုးချမ်းသာအဖြာဖြာယင်လှူလင်နက်နိမ့်။ ရွှေမြို့တော်ဝါငါ့ဟေကား ဘုရားရှင်အိမ်မက်တာ ငြိမ်းချမ်းလင်ပါစေ။ ရွှေမြို့တော်ဝါငါဟေကား ဘုရားရှင်င(လ်) ဘုန်းတန်ခိုး ထွန်းလင်ပါစေ"ငါ့ကို ကြွေကြော်လင်ကဟေ။ 39အိမ်မအခါ လူထုပရိသတ်ထဲယာက ဖာရိရှဲအချို့ရက်နာ ကိုယ်တော်ဝင် "ကိုယ်တော်၊ ကိုယ်တော်ကတပည့်ရက်အင် တိတ်ကို့တုန်းကဇိစ် ဆုံးမအီယန်"ငါ့ကို လျှောက်တင်လင်ကဟေ။ 40ကိုယ်တော်ယေရူနာ အမာရက်အင် "နနိန်ရက်အင် ငါငါပိုနဲ့က(လ်) ငါကတပည့်ရက်နာ ငါကအတွက်အချီးမွမ်းနဲ့က(လ်)တင့်င(လ်) တာလုံရက်နာ ချီးမွမ်းကြွေကြော်လင်ကားဖြစ်ဟေ"ငါ့ကို ငါ့လင်ကဟေ။
ဂျေရုဆလင်မြို့အတွက် ဟြရ်ဟေကား
41မှနောက်အာ ကိုယ်တော်ယေရှုနာ ဂျေရုဆလင်မြို့အနားဆာ ထုန်ဗာ(ဖ်)ကို့ မြို့ဝင်ယူကို့ အိမ်မှမြို့ဝါ တုန်းဟေကလူးရက်ကအတွက် ဝမ်းနည်းကို ဟြာရ်လင်ကဟေ။ 42ကိုယ်တော်နာ "အို ဂျေရုဆလင်မြိုဝါ တုန်းဟေကလူးရက်၊ ဘုရားရှင်အိမ်မက်တာ ငြိမ်းချမ်းခြင်း လှူဇိစ်ဟေကနည်းလမ်းငင် နနိန်ရက်နားလည် သဘောပေါက်ကဇိစ် ငါတဗျင်းဆန္ဒငါဒင်ကယေ့ အတတ်က(လ်) နနိန်ရက် ပိုလင်ကားအရိနန်း။ 43အဇာရိကို့အငါနဲ့ ဘေးဒုက္ခခံစားပိုကား အချိန်ကာလနာ နနိန်ရက်ထနဲ့ ထုန်ဗာ(ဖ်)ကဟေ့ဖြစ်ဟေ။ အိမ်မှအချိန်ငါ နနိန်ရက်က ရန်သူရက်နာ နနိန်ရက်ကပတ်လည်ယာ မြိုးရိုးဆူးဝါပြုပီကို့ နနိန်ရက်အင် ဝန်းကို့ပီလင်ကား။ မှနောက်အာ နနိန်ရက်အင် ပတ်ပတ်လည်ယာဘင်း ပိတ်ကို့ တိုက်ခိုက်လင်ကားဖြစ်ဟေ။ 44နနိန်ရက်က မြို့တစ်မြို့လုံးနာ မြေပြင်အိမ်တစ်ညီတည်း ဖြစ်စာရောက်မှ နနိန်ရက်က အဆောက်အအုံရက်အိမ် ဟန်ဒါရက် ဆုံကလင်မနီး အမာရက်နာ ဖျက်စီးလင်ကားဖြစ်ကို့ နနိန်ရက်ကမြို့ဝါက လူးစုတ်ရက်အင်ယေ့ ကတိုက်ဓူ(ဖ်)လင်ကားဖြစ်ဟေ။ အဇာရိကိုအငါနဲ့က(လ်) နနိန်ရက်အင်ကယ်တင်ကဇိစ်အတွက် ဘုရားရှင်နာ ကယ်တင်ရှင်မေရှိယယင် ဖြောက်နက်အန်ကားအချိန်ငင် နနိန်ရက်သတိအပီတိ(လ်)ကအကြောင့်ဖြစ်ဟေ။
ဗိမာန်တော်တာဟုန်းငါ သန့်စင်ဟေကား
45ကျီးကအိမ် ကိုယ်တော်ယေရှုနာ ဂျေရုဆလင်မြို့ဝါဆင်ကို့ ဗိမာန်တော်အထဲယာကြွလင်ကရပ် ပူဇော်ကဇိစ်အတွက် တိရစ္ဆာန်ရက်အိမ် အယောက်ကအူဇာရက်အင် အချေတုန်းဟေကား လူးရက်အင် ကတောက်လင်ကဟေ။ 46ကိုယ်တော်ယေရူနာ အိမ်မှလူးရက်အင် "ကျမ်းစာထဲယာ 'ဘုရားရှင်က ကိန်းနာ ဆုစိန်ဟေကအရပ်ဖြစ်လင်ကား'ငါ့ကို ငါ့ပီးကယေ့ နနိန်ရက်က(လ်) သူခိုးဓားပြရက် တုန်းဟေကားအရပ်တလေ ဖြစ်ဇိစ်တုန်းနန်း"ငါ့ကို ငါ့လင်ကဟေ။ 47မှနောက်အာ ကိုယ်တော်ယေရူနာ ဗိမာန်တော်ဝင်းထဲယာ လူးရက်အင် ယက်တာကရ တရားဟောဆနပ်လင်ကဟေ။ ပုရောဟိတ်အကြီးအကဲရက်၊ ကျမ်းတတ်ဆရာရက်အိမ် ဂျူးလူမျိူးအကြီးကဲရက်နာ ကိုယ်တော်ဝင် ကတိုက်ကဇိစ် ကြံစည်တုန်းကယေ့ 48လူထုပရိသတ်ရက်နာ ကိုယ်တော် တရားဟောဟေကရက်အင် အာရုံစိုက်ကို့ အတေးတုန်းကတောင်း အမာရက်နာ အိမ်မှဒေလေလိစ်ကဇိစ်အတွက် နည်းလမ်းဆုံးကိုအလှုလင်နန်း။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.