လုကာ 18
18
အခန်း (၁၈)
တရားသူကြီးအိမ်မုဆိုးမပုံဥပမာ
1မှနောက်အာ ကိုယ်တော်ယေရှုနာ တပည့်တော်ရက်အင် ဟက်တာယေ့ စိတ်ဓာတ်အဟြာရ်ထမ်း ရက်ပိုက် ယုံယုံကြည်ကြည်အိမ် ဆုစိန်ပိုကားအကြောင်းငင် ပုံဥပမာဆူးဝါအိမ် ငါ့ဆနပ်လင်ကဟေ။ 2ကိုယ်တော်နာ အမာရက်အင် "ဟက်တာကရပ် မြို့တစ်မြို့ဝါ ဘုရားရှင်ငင် အစက်ပါ(လ်)၊ လူးရက်အင်ယေ့ လေးစားမူအငါကား တရားသူကြီးဟူးဝါ ငါ့လင်ကဟေ။ 3အိမ်မှမြို့ဝါငါဟေကား မုဆိုးမဟူးဝါနာ တရားသူကြီးထနဲ့ အဟက်ဟက်လင်ကို့ အမင် ဝိုက်ဟေကားကြိုးစားတုန်းကလူးအိမ် ပတ်သက်ကို့ တရားမျှတမနီး ဖြေရှင်းအီကဇိစ် တောင်းပန်လင်ကဟေ။ 4အချိန်မွတ်မွတ်ကြားမနီး တရားသူကြီးနာ အိမ်မှတာဆာလောင်ငင် ကူညီအီကဇိစ် ဆန္ဒအငါပါ(လ်)။ ညီးငါ့ဒင့်ယေ နောက်ဆုံးငါ တရားသူကြီးနာ "ငါနာ ဘုရားရှင်ငင်ယေ့ အစက်ပါ(လ်)၊ လူးဟူးဝါယေ့ အလေးစားကနာ အမှန်တကယ်ဖြစ်ဟေ။ 5မှမုဆိုးမနာ ငင် တဗျင်းစိတ်ဒုက္ခအီးတုန်းကတောင်း အမင် တရားမျှတမနီးဖြေရှင်းအီပိုကဖြစ်ဟေ။ အိမ်မဒေလေမယ်အရိနဲ့ အိမ်မှမုဆိုးမနာ ငါထနဲ့ အဟက်ဟက်ဗန်(ဖ်)ကို့ တောင်းဆိုတုန်းဗာ(ဖ်)နိမ့်ကားဖြစ်ကို့ ငင် စိတ်ဒုက္ခအီတုန်းငန်နိမ့်ကားဖြစ်ဟေ"ငါ့ကို စဉ်းစားတုန်းလင်ကဟေ။ 6မှနောက်အာ ကိုယ်တော်ယေရှုနာ "အရိုးသားကား အိမ်မှတရားသူကြီးက ပြိစ်ဒက်ဟေကား တူးရက်အင် စဉ်းစားဆင်ခြင်ယူဝင်ဂီး။ 7အတတ်ကဒေလေ အရိုးသားကတရားသူ ကြီးဒင့်င(လ်) အမင် အဟက်ဟက်တောင်းဆိုတုန်းကလူးယင် တရားမျှတမူအင် လှုမနီးလိစ်အီးဒက်နဲ့က(လ်) ဘုရားရှင်နာ အမာထနဲ့ အဆက်မပြတ် ဆုစိန်တုန်းဟေကား အမာရက်အင် တရားမျှတမူလှူမနီး အချိန်ဆွဲတုန်းလင်ကားငါကို နနိန်ရက်ထင်တုန်းကလဲ။ 8နနိန်ရက်အင် ငါ ငါ့ကက်ကနာ ဘုရားရှင်နာ အမာကလူးရက်ဇိစ် မှန်ကန်ကအမူအင် အချိန်အဆွဲထမ်း လိစ်အီယန်ကငါ့ဟေကနာ အမှန်တကယ်ဖြစ်ဟေက ငါအာမခံလှူဟေ။ ညီးငါ့ဒင့်ယေ ငါလူ့သားတော် ပြန်ကို့ကြွဗန်(ဖ်)ကအချိန်ငါ မှလောကယာ အမင်ယုံကြည်ဟေကားလူးရက်အင် ပိုပိုကလဲ"ငါ့ကို ငါ့လင်ကဟေ။
ဖာရိရှဲအိမ်အခွန်ကုန်ဟေကားလူးပုံဥပမာ
9မှနောက်အာ ကိုယ်တော်ယေရူနာ အမာကတူးရက်အင် အတေးတုန်းဟေကား လူအုပ်ထဲယာက အပါနာကအပါနာ ဖြောင့်မတ်ဟေငါ့ထင်ကို့ အယောက်ကလူးရက်အင် နှိမ့်ချတုန်းဟေကလူးရက်ဇိစ် ပုံဥပမာဆူးဝါအိမ် ငါ့ဆနပ်လင်ကဟေ။ 10ကိုယ်တော်ယေရူနာ "ဟက်တာကရပ် ဖာရိရှဲဟူးဝါအိမ် အခွန်ကုန်ဟေကလူးဟူးဝါနာ ဘုရားရှင်ထနဲ့ ဝတ်ပြုဆုစိန်ကအတွက် ဂျေရုဆလင်မြို့ဝါက ဗိမာန်တော်ဝါ လင်လင်ကဟေ။ 11မှနောက်အာ ဖာရိရှဲနာ ဟူးဝါတည်းစက်ကို "အို ဘုရားရှင်၊ ငါနာ အယောက်လူးရက်ဒေလေ အပြစ်ဒုစရိုက်ကျူးလွန်ဒက်ကလူးယေအရိပါ(လ်)။ ငါနာ သူခိုးဓားပြ အရိနဲ့ အရိုးသားကလူးယေ အရိပါ(လ်)။ ငါနာ အိမ်ထောင်ရေးယေ အဖောက်ပြန်ကအပြင် ဟုန်းမနားက အခွန်ကုန်ဟေက လူးဒေလေအရိကအတွက် ဘုရားရှင်ယင် ကျေးဇူတင်နက်ဟေ။ 12ငါနာ တစ်ပတ်အာ နိန်ယက်အစာရှောင်ဥပုသ်စောင်ဂို့#18:12 ဝတ်ပြုရာကျမ်း၁၆း၂၉ ဆုစိန်ကို ငါလှုဟေက ဝင်ငွေစုတ်ရက်က ဆယ်ပုံတစ်ပုံငင် ယေ့#18:12 ဝတ်ပြုရာကျမ်း ၁၄း၂၂ ဘုရားရှင်ဇိစ် လှုဒါန်းဒက်ဟေ"ငါ့ကို ဆုစိန်လင်ကဟေ။ 13ညီးငါ့ဒင့်ယေ အခွန်ကုန်ဟေကလူးနာ ရွှေမြို့တော်ဝါငါဟေကား ဘုရားရှင်ငင် မော်ကို့ယူကဇိစ်ဒင့်င(လ်) အထိုက်တန်ပါ(လ်)ငါ့ကို ခံစားပိုကို့ အယောက်ကလူးရက်အိမ် လင်းစံဟေကနေရာယာ နှိမ့်ချစက်တုန်းကို့ အမာကရင်ဘက်အင် တာဟူးအိမ် ထုကို့ ဝမ်းနည်းမူအင် ဆနပ်လင်ကဟေ။ မှနောက်အာ အမာနာ "ဘုရားရှင်၊ ငါနာ အပြစ်သားဖြစ်နက်ဟေ။ ငင် ကရုဏာပီးကို့ ခွင့်လွတ်အီယန်နက်နိမ့်"ငါ့ကို ဆုစိန်လင်ကဟေ။ 14ကိုယ်တော်ယေရူနာ "နနိန်ရက်အင် ငါငန်းကား ဘုရားရှင်ထနဲ့ကား ခွင့်လွတ်မူအင်လှုကို့ ကိန်းငါပြန့်လင်ပိုကားလူးနာ မှအခွန်ကုန်ဟေကား လူးဖြစ်ကို့ ဖာရိရှဲအရိပါ(လ်)။ အဇာရိကို့အငါနဲ့ အပါနာကအပါနာ ချီးမြောက်ဂုဏ်ပြုကလူတိုင်းနာ နှိမ့်ချဟေကဟင်းပိုကို့ အပါနာကအပါနာ နှိမ့်ချကလူးတိုင်းနာ ချီးမြှောက်ဂုဏ်ပြုဟေကား ဟင်းလင်ပိုကားဖြစ်ဟေ"ငါ့ကို ငါ့လင်ကဟေ။
မာန်ဆာရက်အင်ကောင်းချီးအီဟေကား
15ယက်တာကရပ် လူထုပရိတ်သတ်ရက်နာ ကိုယ်တော်ယေရူထနဲ့ ထုန်ဗာ(ဖ်)ကို့ အိမ်မှလူးရက်ကအထဲယာက တစ်ချို့နာ အမာရက်က မန်ဆာရက်အင်ပါ အော်ကို့လာကန်းလင်ကဟေ။ အဇာရိကိုအငါနဲ့ အိမ်မှမန်ဆာရက်အင် ကိုယ်တော်က တာဟူးအိမ်တိုးကို့ ကောင်းချီးမင်္ဂလာအီဇိစ်ကက်ကို့ ဖြစ်ဟေ။ ညီးငါ့ဒင့်ယေ ကိုယ်တော်က တပည့်တော်ရက်နာ အိမ်မှအဖြစ်ပျက်ရက်အင် ပိုဟေကရပ် အနူ(ဖ်)ဗား(ဖ်)ရက်အင် ဆူပူကြိမ်းမောင်းလင်ကဟေ။ 16ညီးငါ့ဒင့်ယေ ကိုယ်တော်ယေရူနာ မန်ဆာရက်အင် အော်လားကန်ကို့ကျီးဟေကရပ် တပည့်တော်ရက်အင် " မန်ဆာရက် ငါထနဲ့ ထုန်ဗာ(ဖ်)ဟေကင့် အတားဂီးယေ့။ အဇာရိကို့အငါနဲ့ ဘုရားရှင်ကသာသနာတော်နာ မှမန်ဆာဒေလေကား လူးရက်ကအတွက်မယ်ဖြစ်ဟေ။ 17နနိန်ရက်အင် ငါအမှန်ငါ့ပိုနဲ့က(လ်) ရိကက်ကလူးရိယင့် ဘုရားရှင်ကသာသနာတော်ဝင် မှမန်ဆာရက်တလေ နှိမ့်ချကို့ လက်ခံခြင်းအငါနဲ့က(လ်) အိမ်မှလူးရက်နာ ဘုရားရှင်ကသာသနာတော်ဝါ အဆင်လင်လှူပါ(လ်)ကားနာ အဒင့်ဖြစ်ဟေ"ငါကို့ ငါ့လင်ကဟေ။
ကြွယ်ဝချမ်းသာဟေကား ပြောင်ဟေကလူးဟူးဝါ
18ဟက်တာကရပ် ဂျူးလူးမျိူးပြောင်ဟေကလူးဟူးဝါနာ ကိုယ်တော်ယေရှုယင် "မှီးဟေကဆရာ၊ နိစ္စထာဝရအဆက်အင်လှုဂါဇီ ငါအဆမိလိစ်ပေါ်ဂါယာ" ငါးဂို့ ကတာလင်ကဟေ။ 19အိမ်မှကရပ် ကိုယ်တော်ယေရှုနာ အိမ်မှလူးဝင် "ငင် အဇာရိဂို့ မှီးဟေကလူး ငါဂို့အော်ဂါယာ။ ဘုရားရှင်ငင်လွှဲဂို့ ဟူးဝါးယေ့ မှီးဟေကလူး အငါပါ(လ်)။ 20မောရှေမှတဆင့် ဘုရားရှင်အီဒက်ဟေကား ပညတ်တော်တရားရက်အင် #18:20 ထွက်မြောက်ရာကျမ်း ၂၀.၁၂-၁၆နင်ချေးပြီးသားဖြစ်ဟေ။ အိမ်ထောင်ရေး အဖောက်ပြန်ပိုပါ(လ်)ကား၊ လူးအကတိုက်ပိုပါ(လ်)က၊ ကူ(ဖ်)ကို့အလာပိုပါ(လ်)ကား၊ အဝှိက်ပိုပါ(လ်)ကား၊ အနူ(ဖ်)ဗား(ဖ်)ရက်အင် ရိုးသေလေးစားပိုကား"ငါ့ကို ငါ့လင်ကဟေ။ 21အိမ်မလူးယေ ကိုယ်တော်ယေရူယင် "ငါနာ မာန်ဆာတတ်ဟိုက်ပင် မှပညတ်တော်ဆန်စူရက်အင် လိုက်နာကျင့်ကြံဒက်ဟေ" ငါးဂို့ လျှောက်တင်လင်ကဟေ။ 22အိမ်မဒေလေ လျှောက်တင်ဟေကတတ်ဟေကရပ် ကိုယ်တော်နာ "နင်လိစ်ပိုက ဆူးဝါကျန်တုန်းနိမ့်မက်။ နင်ပိုင်ဆိုင် ဟေကအူဇာစုတ်ရက်အင် အချေကို ဆင်းရဲဟေက လူးရက်အင် လှုဒါန်းယင်။ မဒေလေလိစ်နဲ့က(လ်) ဘုရားရှင်နာ နင်ဇိစ် ရွှေမြို့တော်ဝါက ရတနာရက်အင် ဆုလာဘ်အဖြစ် အီလင်ကား။ အိမ်မာနောက်အာ ငါကတပည့်အဖြစ် ငါကအလိုဝါ ယောဝန်"ငါ့ကို ငါ့လင်ကဟေ။ 23အိမ်မား ဂျူးလူမျိူးအကြီးကဲစာ တဗျင်းချမ်းသာကလူးဖြစ်ကို့ အမာကပစ္စည်းဥစ္စာရက်အင် အစွန့်လွတ်ကက်ကတောင်း ကိုယ်တော်ယေရူငါ့ဆနပ်ဟေကတူး(ဖ်)ရက်အင် တတ်ဟေကရပ် တဗျင်းစိတ်ပျက်ဝမ်းနည်းလင်ကဟေ။
24ကိုယ်တော်ယေရူနာ အိမ်မလူးက စိတ်ပျက်ဝမ်းနည်းတုန်းဟေကပေါ်ကရပ် "ချမ်းသာကြွယ်ဝဟေကား လူးရက်နာ ဘုရားရှင်ကသာသနာတော်ဝါ ဆင်ဂါဇီ တဗျင်ခက်ခဲဟေ။ 25ချမ်းသာကြွယ်ဝကလူးဟူးဝါနာ ဘုရားရှင်ကသာသနာတော်ဝါ ဆင်လှုကဇိစ်တောင်မဒင့် ကုလားအုတ်တစ်ကောင်နာ အပ်နဖားပေါက်ထဲယာဆင်ကဇိစ် ပိုကိုလွယ်ကူလင်ကား"ငါ့ကို ငါ့လင်ကဟေ။ 26အိမ်မတူးယင် တတ်ဟေက လူထုပရိသတ်ရက်အ(လ်) ကိုယ်တော်ယင် "မဒေလေငါနဲ့ အဆာမီကလူးရက်နာ ကယ်တင်ကဟင်းငန်ပိုကယား"ငါ့ကို ကတာလင်ကဟေ။ 27ကိုယ်တော်ယေရှုနာ အမာရက်အင် "လူးရက် အလိစ်လှုကအူဇာရက်ငါကယေ့ ဘုရားရှင်ကအတွက်က(လ်) အဖြစ်လှူကား အူဇာငါ့ကို့အငါပါ(လ်)"ငါ့ကို ပြန်ကိုဖြေလင်ကဟေ။ 28အိမ်မအခါ ပေတရုနာ ကိုယ်တော်ယေရူယင် "ယူဝန်နက်နိမ့် ငါရက်နာ ကိုယ်တော်က တပည့်တော်ရက်ဖြစ်မနီး ပိုင်ဆိုင်ဟေကားစုတ်ရက်အင် မလောက်ကို့ ကိုယ်တော်ကအလိုဝါယောဝန်နက်နန်း"ငါ့ကို လျှောက်တင်လင်ကဟေ။ မှအကြောင့် ဘုရားရှင်နာ ငါရက်အင် ကယ်တင်ငန်ကလဲ။ 29ကိုယ်တော်ယေရှုနာ "နနိန်ရက်အင် ငါ အမှန်ငါပိုနဲ့က(လ်) ရိကက်ကလူးရိယင့် ဘုရားရှင်ဂါးသာသနာတော်အတွက် အပါနာကကိန်း၊ အအိတာ၊ နည်းဆီဖုံနားရက်၊ အနူဗား(ဖ်) ၊ အဆာဆာအိရက်အင် စွန့်လွှတ်ဂါးလူးနာ 30အတတ်ကကာလယာ အဆပေါင်းများစွာက ကောင်းကျိူးချမ်းသာရက်အင် လှုဝန်ကားဖြစ်ကို့ နောင်ကာလယာယေ့ ဘုရားရှင်နာ အမာရက်ဇိစ် နိစ္စထာဝရအဆက်အင် အီလင်ကားဖြစ်ဟေ"ငါ့ကို ငါ့လင်ကဟေ။
ဆိန်းပိုကားအကြောင်းငင် တတိယအကြိမ်ကြိုတင်ငါ့ဆနပ်ကား
31ကျီးကအိမ် ကိုယ်တော်ယေရူနာ သာဝကတစ်ဆယ့်နှစ်ဦးယင် အနားဆာအော်ကို့ "ကနင်းဖူး(ဖ်)အတေးယင့်ဂီး။ အတတ်ငါရက်နာ ဂျေရုဆလင်မြို့ဝါ လင်တုန်းနန်းဖြစ်ဟေ။ ငါလူ့သားတော်က အကြောင့်အိမ်မပတ်သတ်ကို့ အယင်ဟိုက်ကရပ်ကား ပရောဖက်ရက် ရေးပီးဒက်ဟေကား စုတ်ရက်နာ အိမ်မှအရပ်အာ အမှန်တကယ်ဖြစ်ပျက်အန်ကဟေ့ဖြစ်ဟေ။ 32ငါလူ့သားတော်နာ လူမျိုးခြားရက်က တာဟူးဝါအက်ကဟင်းပိုကို့ အိမ်မှလူးရက်က ဆာရိုဟေကား ၊စော်ကားပြိစ်ဟေကား၊ ဟာအိန်းထောက်ဟေကရက်အင် ဟင်းငန်ပိုကားဖြစ်ဟေ။ 33အိမ်မှနောက်အာ အိမ်မှလူးရက်နာ ငါလူ့သားတော်ယင် ကြိမ်လုံးအိမ်ပေါက်ကို့ကျီးနဲ့ ငင် ဆိန်းမနီးကတိုက်လင်ကား ဖြစ်ဟေ။ ညီးငါ့ဒင့်ယေ သုံးရက်မြောက်ဟေကားရယက်အာ ငါလူ့သားတော်နာ အဆက်ပြန်ကို့ ဆိမ်းလင်ကားဖြစ်ဟေ"ငါ့ကို ငါ့လင်ကဟေ။ 34ညီးငါ့ဒင့်ယေ တပည့်တော်ရက်နာ ကိုယ်တော်ယေရူ ငါ့ဆနပ်ဟေကားတူး(ဖ်)ရက်အင် နားအလည်ဒက်ပါ(လ်)။ အဇာရိကို့အငါနဲ့ ကိုယ်တော် ငါ့ဆနပ်ဟေကား တူး(ဖ်)ရက်ကအဓိပ္ပာယ်နာ အမာရက်ကမှဘင်း အဆေးပီကဟင်းပိုကတောင်း ကိုယ်တော်နာ အဇာက(လ်)ဆိုလိုဟေကင့် အမာရက်နာ နားလည်သဘောအပေါက်ပါ(လ်)။
မိတ်ကြည်ယင် အလင်းလှုဇိစ်ကား
35မှနောက်အာ ကိုယ်တော်ယေရှုအိမ် တပည့်တော်ရက်နာ ဂျေရိခေါမြို့အနီးယာ ထုန်ဗာ(ဖ်)လင်ကဟေ။ အိမ်မနေရာက လင်းဘေးတစ်နေရာယာ မိတ်ကြည်ဟူးဝါနာ တုန်းကို စိန်တုန်းလင်ကဟေ။ 36အိမ်မှမိတ်ကြည်နာ လူအုပ်ကြီးရက် ဖြတ်လင်ကားအကြာတတ်ဟေကရပ် အနားဆာကလူးရက်အင် အဇာရက်ဖြစ်တုန်းကယားငါ့ကို ကတာလင်ကဟေ။ 37လူတစ်ချို့နာ အမင် "နာဇရက်မြို့ဝါက ကိုယ်တော်ယေရူ မှလမ်းအတိုင်း ကြွဗန်ကားဖြစ်ဟေ"ငါ့ကို ပြန်ကို့ငါ့လင်ကဟေ။ 38မှအကြောင့် မိတ်ကြည်နာ "ဘုရင်ဒါဝိဒ်ကအဆာ ကိုယ်တော်ယေရူ ၊ ငင် သနားငန်နက်နိမ့်"ငါ့ကို ဟော်ကို့ ငါ့လင်ကဟေ။ 39ကိုယ်တော်ယေရူအိမ်မက်တာ လင်တုန်းဟေကလူးရက်နာ အမင်တိတ်ကို့တုန်းကဇိစ် ဆူပူကြိမ်းမောင်းကယေ့ အမာနာ တဗျင်းဟော်ကို့ "ဒါဝိဒ်ကအဆာ ကိုယ်တော်ယေရူ၊ ငင် သနားငန်နက်နိမ့်"ငါ့ကို ဆက်ကို့ဟော်လင်ကဟေ။ 40အိမ်တူး(ဖ်)ဝင် ကိုယ်တော်ယေရူတတ်ဟေကရပ် ရပ်တန့်ဇိစ်နက်ကို့ အိမ်မှမိတ်ကြည်ယင် အမာထနဲ့အော်လားကန်ကဇိစ် အမိန့်အီလင်ကဟေ။ အိမ်မှလူး ကိုယ်တော်က အနားဆာထုန်ဗာ(ဖ်)ကရပ် ကိုယ်တော်နာ 41"နင်ဂါအတွက် ငါအဇာလိစ်အီးပိုကယား" ငါးဂို့ ကတာလင်ကရပ် အိမ်မလူးနာ "ကိုယ်တော်၊ ငါအမိတ်ပြန့်ကို့ပိုနက် ကက်ဟေ"ငါးဂို့ လျှောက်တင်လင်ဟေ။ 42အိမ်မှကရပ် ကိုယ်တော်ယေရူနာ "နင်နာ အတတ်အမိတ်ပြန်ကို့ပိုဝင်နန်းဖြစ်ဟေ။ နင်နာ ငင်ယုံကြည်ကတောင်း နင်ကအမိတ်အင် ပြန်ကို့ပိုဇိစ်ဒက်နန်းဖြစ်ဟေ"ငါ့ကို ငါ့လင်ကဟေ။ 43အိမ်မှလူးနာ ချက်ချင်းဒင့် အမိတ်ပြန်းပိုကို ဘုရားရှင်ဂါး ဂုဏ်ကျေးဇူးငင် ချီးမွမ်းကို ကိုယ်တော်ယေရူက အလိုဝါယောလင်ကဟေ။ အိမ်မှအဖြစ်ပျက်အင်ပိုဟေက လူထုပရိသတ်ရက်အ(လ်) ဘုရားရှင်ဂါးဂုဏ်ကျေးဇူးငင် ချီးမွမ်းလင်ကဟေ။
Currently Selected:
လုကာ 18: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 18
18
အခန်း (၁၈)
တရားသူကြီးအိမ်မုဆိုးမပုံဥပမာ
1မှနောက်အာ ကိုယ်တော်ယေရှုနာ တပည့်တော်ရက်အင် ဟက်တာယေ့ စိတ်ဓာတ်အဟြာရ်ထမ်း ရက်ပိုက် ယုံယုံကြည်ကြည်အိမ် ဆုစိန်ပိုကားအကြောင်းငင် ပုံဥပမာဆူးဝါအိမ် ငါ့ဆနပ်လင်ကဟေ။ 2ကိုယ်တော်နာ အမာရက်အင် "ဟက်တာကရပ် မြို့တစ်မြို့ဝါ ဘုရားရှင်ငင် အစက်ပါ(လ်)၊ လူးရက်အင်ယေ့ လေးစားမူအငါကား တရားသူကြီးဟူးဝါ ငါ့လင်ကဟေ။ 3အိမ်မှမြို့ဝါငါဟေကား မုဆိုးမဟူးဝါနာ တရားသူကြီးထနဲ့ အဟက်ဟက်လင်ကို့ အမင် ဝိုက်ဟေကားကြိုးစားတုန်းကလူးအိမ် ပတ်သက်ကို့ တရားမျှတမနီး ဖြေရှင်းအီကဇိစ် တောင်းပန်လင်ကဟေ။ 4အချိန်မွတ်မွတ်ကြားမနီး တရားသူကြီးနာ အိမ်မှတာဆာလောင်ငင် ကူညီအီကဇိစ် ဆန္ဒအငါပါ(လ်)။ ညီးငါ့ဒင့်ယေ နောက်ဆုံးငါ တရားသူကြီးနာ "ငါနာ ဘုရားရှင်ငင်ယေ့ အစက်ပါ(လ်)၊ လူးဟူးဝါယေ့ အလေးစားကနာ အမှန်တကယ်ဖြစ်ဟေ။ 5မှမုဆိုးမနာ ငင် တဗျင်းစိတ်ဒုက္ခအီးတုန်းကတောင်း အမင် တရားမျှတမနီးဖြေရှင်းအီပိုကဖြစ်ဟေ။ အိမ်မဒေလေမယ်အရိနဲ့ အိမ်မှမုဆိုးမနာ ငါထနဲ့ အဟက်ဟက်ဗန်(ဖ်)ကို့ တောင်းဆိုတုန်းဗာ(ဖ်)နိမ့်ကားဖြစ်ကို့ ငင် စိတ်ဒုက္ခအီတုန်းငန်နိမ့်ကားဖြစ်ဟေ"ငါ့ကို စဉ်းစားတုန်းလင်ကဟေ။ 6မှနောက်အာ ကိုယ်တော်ယေရှုနာ "အရိုးသားကား အိမ်မှတရားသူကြီးက ပြိစ်ဒက်ဟေကား တူးရက်အင် စဉ်းစားဆင်ခြင်ယူဝင်ဂီး။ 7အတတ်ကဒေလေ အရိုးသားကတရားသူ ကြီးဒင့်င(လ်) အမင် အဟက်ဟက်တောင်းဆိုတုန်းကလူးယင် တရားမျှတမူအင် လှုမနီးလိစ်အီးဒက်နဲ့က(လ်) ဘုရားရှင်နာ အမာထနဲ့ အဆက်မပြတ် ဆုစိန်တုန်းဟေကား အမာရက်အင် တရားမျှတမူလှူမနီး အချိန်ဆွဲတုန်းလင်ကားငါကို နနိန်ရက်ထင်တုန်းကလဲ။ 8နနိန်ရက်အင် ငါ ငါ့ကက်ကနာ ဘုရားရှင်နာ အမာကလူးရက်ဇိစ် မှန်ကန်ကအမူအင် အချိန်အဆွဲထမ်း လိစ်အီယန်ကငါ့ဟေကနာ အမှန်တကယ်ဖြစ်ဟေက ငါအာမခံလှူဟေ။ ညီးငါ့ဒင့်ယေ ငါလူ့သားတော် ပြန်ကို့ကြွဗန်(ဖ်)ကအချိန်ငါ မှလောကယာ အမင်ယုံကြည်ဟေကားလူးရက်အင် ပိုပိုကလဲ"ငါ့ကို ငါ့လင်ကဟေ။
ဖာရိရှဲအိမ်အခွန်ကုန်ဟေကားလူးပုံဥပမာ
9မှနောက်အာ ကိုယ်တော်ယေရူနာ အမာကတူးရက်အင် အတေးတုန်းဟေကား လူအုပ်ထဲယာက အပါနာကအပါနာ ဖြောင့်မတ်ဟေငါ့ထင်ကို့ အယောက်ကလူးရက်အင် နှိမ့်ချတုန်းဟေကလူးရက်ဇိစ် ပုံဥပမာဆူးဝါအိမ် ငါ့ဆနပ်လင်ကဟေ။ 10ကိုယ်တော်ယေရူနာ "ဟက်တာကရပ် ဖာရိရှဲဟူးဝါအိမ် အခွန်ကုန်ဟေကလူးဟူးဝါနာ ဘုရားရှင်ထနဲ့ ဝတ်ပြုဆုစိန်ကအတွက် ဂျေရုဆလင်မြို့ဝါက ဗိမာန်တော်ဝါ လင်လင်ကဟေ။ 11မှနောက်အာ ဖာရိရှဲနာ ဟူးဝါတည်းစက်ကို "အို ဘုရားရှင်၊ ငါနာ အယောက်လူးရက်ဒေလေ အပြစ်ဒုစရိုက်ကျူးလွန်ဒက်ကလူးယေအရိပါ(လ်)။ ငါနာ သူခိုးဓားပြ အရိနဲ့ အရိုးသားကလူးယေ အရိပါ(လ်)။ ငါနာ အိမ်ထောင်ရေးယေ အဖောက်ပြန်ကအပြင် ဟုန်းမနားက အခွန်ကုန်ဟေက လူးဒေလေအရိကအတွက် ဘုရားရှင်ယင် ကျေးဇူတင်နက်ဟေ။ 12ငါနာ တစ်ပတ်အာ နိန်ယက်အစာရှောင်ဥပုသ်စောင်ဂို့#18:12 ဝတ်ပြုရာကျမ်း၁၆း၂၉ ဆုစိန်ကို ငါလှုဟေက ဝင်ငွေစုတ်ရက်က ဆယ်ပုံတစ်ပုံငင် ယေ့#18:12 ဝတ်ပြုရာကျမ်း ၁၄း၂၂ ဘုရားရှင်ဇိစ် လှုဒါန်းဒက်ဟေ"ငါ့ကို ဆုစိန်လင်ကဟေ။ 13ညီးငါ့ဒင့်ယေ အခွန်ကုန်ဟေကလူးနာ ရွှေမြို့တော်ဝါငါဟေကား ဘုရားရှင်ငင် မော်ကို့ယူကဇိစ်ဒင့်င(လ်) အထိုက်တန်ပါ(လ်)ငါ့ကို ခံစားပိုကို့ အယောက်ကလူးရက်အိမ် လင်းစံဟေကနေရာယာ နှိမ့်ချစက်တုန်းကို့ အမာကရင်ဘက်အင် တာဟူးအိမ် ထုကို့ ဝမ်းနည်းမူအင် ဆနပ်လင်ကဟေ။ မှနောက်အာ အမာနာ "ဘုရားရှင်၊ ငါနာ အပြစ်သားဖြစ်နက်ဟေ။ ငင် ကရုဏာပီးကို့ ခွင့်လွတ်အီယန်နက်နိမ့်"ငါ့ကို ဆုစိန်လင်ကဟေ။ 14ကိုယ်တော်ယေရူနာ "နနိန်ရက်အင် ငါငန်းကား ဘုရားရှင်ထနဲ့ကား ခွင့်လွတ်မူအင်လှုကို့ ကိန်းငါပြန့်လင်ပိုကားလူးနာ မှအခွန်ကုန်ဟေကား လူးဖြစ်ကို့ ဖာရိရှဲအရိပါ(လ်)။ အဇာရိကို့အငါနဲ့ အပါနာကအပါနာ ချီးမြောက်ဂုဏ်ပြုကလူတိုင်းနာ နှိမ့်ချဟေကဟင်းပိုကို့ အပါနာကအပါနာ နှိမ့်ချကလူးတိုင်းနာ ချီးမြှောက်ဂုဏ်ပြုဟေကား ဟင်းလင်ပိုကားဖြစ်ဟေ"ငါ့ကို ငါ့လင်ကဟေ။
မာန်ဆာရက်အင်ကောင်းချီးအီဟေကား
15ယက်တာကရပ် လူထုပရိတ်သတ်ရက်နာ ကိုယ်တော်ယေရူထနဲ့ ထုန်ဗာ(ဖ်)ကို့ အိမ်မှလူးရက်ကအထဲယာက တစ်ချို့နာ အမာရက်က မန်ဆာရက်အင်ပါ အော်ကို့လာကန်းလင်ကဟေ။ အဇာရိကိုအငါနဲ့ အိမ်မှမန်ဆာရက်အင် ကိုယ်တော်က တာဟူးအိမ်တိုးကို့ ကောင်းချီးမင်္ဂလာအီဇိစ်ကက်ကို့ ဖြစ်ဟေ။ ညီးငါ့ဒင့်ယေ ကိုယ်တော်က တပည့်တော်ရက်နာ အိမ်မှအဖြစ်ပျက်ရက်အင် ပိုဟေကရပ် အနူ(ဖ်)ဗား(ဖ်)ရက်အင် ဆူပူကြိမ်းမောင်းလင်ကဟေ။ 16ညီးငါ့ဒင့်ယေ ကိုယ်တော်ယေရူနာ မန်ဆာရက်အင် အော်လားကန်ကို့ကျီးဟေကရပ် တပည့်တော်ရက်အင် " မန်ဆာရက် ငါထနဲ့ ထုန်ဗာ(ဖ်)ဟေကင့် အတားဂီးယေ့။ အဇာရိကို့အငါနဲ့ ဘုရားရှင်ကသာသနာတော်နာ မှမန်ဆာဒေလေကား လူးရက်ကအတွက်မယ်ဖြစ်ဟေ။ 17နနိန်ရက်အင် ငါအမှန်ငါ့ပိုနဲ့က(လ်) ရိကက်ကလူးရိယင့် ဘုရားရှင်ကသာသနာတော်ဝင် မှမန်ဆာရက်တလေ နှိမ့်ချကို့ လက်ခံခြင်းအငါနဲ့က(လ်) အိမ်မှလူးရက်နာ ဘုရားရှင်ကသာသနာတော်ဝါ အဆင်လင်လှူပါ(လ်)ကားနာ အဒင့်ဖြစ်ဟေ"ငါကို့ ငါ့လင်ကဟေ။
ကြွယ်ဝချမ်းသာဟေကား ပြောင်ဟေကလူးဟူးဝါ
18ဟက်တာကရပ် ဂျူးလူးမျိူးပြောင်ဟေကလူးဟူးဝါနာ ကိုယ်တော်ယေရှုယင် "မှီးဟေကဆရာ၊ နိစ္စထာဝရအဆက်အင်လှုဂါဇီ ငါအဆမိလိစ်ပေါ်ဂါယာ" ငါးဂို့ ကတာလင်ကဟေ။ 19အိမ်မှကရပ် ကိုယ်တော်ယေရှုနာ အိမ်မှလူးဝင် "ငင် အဇာရိဂို့ မှီးဟေကလူး ငါဂို့အော်ဂါယာ။ ဘုရားရှင်ငင်လွှဲဂို့ ဟူးဝါးယေ့ မှီးဟေကလူး အငါပါ(လ်)။ 20မောရှေမှတဆင့် ဘုရားရှင်အီဒက်ဟေကား ပညတ်တော်တရားရက်အင် #18:20 ထွက်မြောက်ရာကျမ်း ၂၀.၁၂-၁၆နင်ချေးပြီးသားဖြစ်ဟေ။ အိမ်ထောင်ရေး အဖောက်ပြန်ပိုပါ(လ်)ကား၊ လူးအကတိုက်ပိုပါ(လ်)က၊ ကူ(ဖ်)ကို့အလာပိုပါ(လ်)ကား၊ အဝှိက်ပိုပါ(လ်)ကား၊ အနူ(ဖ်)ဗား(ဖ်)ရက်အင် ရိုးသေလေးစားပိုကား"ငါ့ကို ငါ့လင်ကဟေ။ 21အိမ်မလူးယေ ကိုယ်တော်ယေရူယင် "ငါနာ မာန်ဆာတတ်ဟိုက်ပင် မှပညတ်တော်ဆန်စူရက်အင် လိုက်နာကျင့်ကြံဒက်ဟေ" ငါးဂို့ လျှောက်တင်လင်ကဟေ။ 22အိမ်မဒေလေ လျှောက်တင်ဟေကတတ်ဟေကရပ် ကိုယ်တော်နာ "နင်လိစ်ပိုက ဆူးဝါကျန်တုန်းနိမ့်မက်။ နင်ပိုင်ဆိုင် ဟေကအူဇာစုတ်ရက်အင် အချေကို ဆင်းရဲဟေက လူးရက်အင် လှုဒါန်းယင်။ မဒေလေလိစ်နဲ့က(လ်) ဘုရားရှင်နာ နင်ဇိစ် ရွှေမြို့တော်ဝါက ရတနာရက်အင် ဆုလာဘ်အဖြစ် အီလင်ကား။ အိမ်မာနောက်အာ ငါကတပည့်အဖြစ် ငါကအလိုဝါ ယောဝန်"ငါ့ကို ငါ့လင်ကဟေ။ 23အိမ်မား ဂျူးလူမျိူးအကြီးကဲစာ တဗျင်းချမ်းသာကလူးဖြစ်ကို့ အမာကပစ္စည်းဥစ္စာရက်အင် အစွန့်လွတ်ကက်ကတောင်း ကိုယ်တော်ယေရူငါ့ဆနပ်ဟေကတူး(ဖ်)ရက်အင် တတ်ဟေကရပ် တဗျင်းစိတ်ပျက်ဝမ်းနည်းလင်ကဟေ။
24ကိုယ်တော်ယေရူနာ အိမ်မလူးက စိတ်ပျက်ဝမ်းနည်းတုန်းဟေကပေါ်ကရပ် "ချမ်းသာကြွယ်ဝဟေကား လူးရက်နာ ဘုရားရှင်ကသာသနာတော်ဝါ ဆင်ဂါဇီ တဗျင်ခက်ခဲဟေ။ 25ချမ်းသာကြွယ်ဝကလူးဟူးဝါနာ ဘုရားရှင်ကသာသနာတော်ဝါ ဆင်လှုကဇိစ်တောင်မဒင့် ကုလားအုတ်တစ်ကောင်နာ အပ်နဖားပေါက်ထဲယာဆင်ကဇိစ် ပိုကိုလွယ်ကူလင်ကား"ငါ့ကို ငါ့လင်ကဟေ။ 26အိမ်မတူးယင် တတ်ဟေက လူထုပရိသတ်ရက်အ(လ်) ကိုယ်တော်ယင် "မဒေလေငါနဲ့ အဆာမီကလူးရက်နာ ကယ်တင်ကဟင်းငန်ပိုကယား"ငါ့ကို ကတာလင်ကဟေ။ 27ကိုယ်တော်ယေရှုနာ အမာရက်အင် "လူးရက် အလိစ်လှုကအူဇာရက်ငါကယေ့ ဘုရားရှင်ကအတွက်က(လ်) အဖြစ်လှူကား အူဇာငါ့ကို့အငါပါ(လ်)"ငါ့ကို ပြန်ကိုဖြေလင်ကဟေ။ 28အိမ်မအခါ ပေတရုနာ ကိုယ်တော်ယေရူယင် "ယူဝန်နက်နိမ့် ငါရက်နာ ကိုယ်တော်က တပည့်တော်ရက်ဖြစ်မနီး ပိုင်ဆိုင်ဟေကားစုတ်ရက်အင် မလောက်ကို့ ကိုယ်တော်ကအလိုဝါယောဝန်နက်နန်း"ငါ့ကို လျှောက်တင်လင်ကဟေ။ မှအကြောင့် ဘုရားရှင်နာ ငါရက်အင် ကယ်တင်ငန်ကလဲ။ 29ကိုယ်တော်ယေရှုနာ "နနိန်ရက်အင် ငါ အမှန်ငါပိုနဲ့က(လ်) ရိကက်ကလူးရိယင့် ဘုရားရှင်ဂါးသာသနာတော်အတွက် အပါနာကကိန်း၊ အအိတာ၊ နည်းဆီဖုံနားရက်၊ အနူဗား(ဖ်) ၊ အဆာဆာအိရက်အင် စွန့်လွှတ်ဂါးလူးနာ 30အတတ်ကကာလယာ အဆပေါင်းများစွာက ကောင်းကျိူးချမ်းသာရက်အင် လှုဝန်ကားဖြစ်ကို့ နောင်ကာလယာယေ့ ဘုရားရှင်နာ အမာရက်ဇိစ် နိစ္စထာဝရအဆက်အင် အီလင်ကားဖြစ်ဟေ"ငါ့ကို ငါ့လင်ကဟေ။
ဆိန်းပိုကားအကြောင်းငင် တတိယအကြိမ်ကြိုတင်ငါ့ဆနပ်ကား
31ကျီးကအိမ် ကိုယ်တော်ယေရူနာ သာဝကတစ်ဆယ့်နှစ်ဦးယင် အနားဆာအော်ကို့ "ကနင်းဖူး(ဖ်)အတေးယင့်ဂီး။ အတတ်ငါရက်နာ ဂျေရုဆလင်မြို့ဝါ လင်တုန်းနန်းဖြစ်ဟေ။ ငါလူ့သားတော်က အကြောင့်အိမ်မပတ်သတ်ကို့ အယင်ဟိုက်ကရပ်ကား ပရောဖက်ရက် ရေးပီးဒက်ဟေကား စုတ်ရက်နာ အိမ်မှအရပ်အာ အမှန်တကယ်ဖြစ်ပျက်အန်ကဟေ့ဖြစ်ဟေ။ 32ငါလူ့သားတော်နာ လူမျိုးခြားရက်က တာဟူးဝါအက်ကဟင်းပိုကို့ အိမ်မှလူးရက်က ဆာရိုဟေကား ၊စော်ကားပြိစ်ဟေကား၊ ဟာအိန်းထောက်ဟေကရက်အင် ဟင်းငန်ပိုကားဖြစ်ဟေ။ 33အိမ်မှနောက်အာ အိမ်မှလူးရက်နာ ငါလူ့သားတော်ယင် ကြိမ်လုံးအိမ်ပေါက်ကို့ကျီးနဲ့ ငင် ဆိန်းမနီးကတိုက်လင်ကား ဖြစ်ဟေ။ ညီးငါ့ဒင့်ယေ သုံးရက်မြောက်ဟေကားရယက်အာ ငါလူ့သားတော်နာ အဆက်ပြန်ကို့ ဆိမ်းလင်ကားဖြစ်ဟေ"ငါ့ကို ငါ့လင်ကဟေ။ 34ညီးငါ့ဒင့်ယေ တပည့်တော်ရက်နာ ကိုယ်တော်ယေရူ ငါ့ဆနပ်ဟေကားတူး(ဖ်)ရက်အင် နားအလည်ဒက်ပါ(လ်)။ အဇာရိကို့အငါနဲ့ ကိုယ်တော် ငါ့ဆနပ်ဟေကား တူး(ဖ်)ရက်ကအဓိပ္ပာယ်နာ အမာရက်ကမှဘင်း အဆေးပီကဟင်းပိုကတောင်း ကိုယ်တော်နာ အဇာက(လ်)ဆိုလိုဟေကင့် အမာရက်နာ နားလည်သဘောအပေါက်ပါ(လ်)။
မိတ်ကြည်ယင် အလင်းလှုဇိစ်ကား
35မှနောက်အာ ကိုယ်တော်ယေရှုအိမ် တပည့်တော်ရက်နာ ဂျေရိခေါမြို့အနီးယာ ထုန်ဗာ(ဖ်)လင်ကဟေ။ အိမ်မနေရာက လင်းဘေးတစ်နေရာယာ မိတ်ကြည်ဟူးဝါနာ တုန်းကို စိန်တုန်းလင်ကဟေ။ 36အိမ်မှမိတ်ကြည်နာ လူအုပ်ကြီးရက် ဖြတ်လင်ကားအကြာတတ်ဟေကရပ် အနားဆာကလူးရက်အင် အဇာရက်ဖြစ်တုန်းကယားငါ့ကို ကတာလင်ကဟေ။ 37လူတစ်ချို့နာ အမင် "နာဇရက်မြို့ဝါက ကိုယ်တော်ယေရူ မှလမ်းအတိုင်း ကြွဗန်ကားဖြစ်ဟေ"ငါ့ကို ပြန်ကို့ငါ့လင်ကဟေ။ 38မှအကြောင့် မိတ်ကြည်နာ "ဘုရင်ဒါဝိဒ်ကအဆာ ကိုယ်တော်ယေရူ ၊ ငင် သနားငန်နက်နိမ့်"ငါ့ကို ဟော်ကို့ ငါ့လင်ကဟေ။ 39ကိုယ်တော်ယေရူအိမ်မက်တာ လင်တုန်းဟေကလူးရက်နာ အမင်တိတ်ကို့တုန်းကဇိစ် ဆူပူကြိမ်းမောင်းကယေ့ အမာနာ တဗျင်းဟော်ကို့ "ဒါဝိဒ်ကအဆာ ကိုယ်တော်ယေရူ၊ ငင် သနားငန်နက်နိမ့်"ငါ့ကို ဆက်ကို့ဟော်လင်ကဟေ။ 40အိမ်တူး(ဖ်)ဝင် ကိုယ်တော်ယေရူတတ်ဟေကရပ် ရပ်တန့်ဇိစ်နက်ကို့ အိမ်မှမိတ်ကြည်ယင် အမာထနဲ့အော်လားကန်ကဇိစ် အမိန့်အီလင်ကဟေ။ အိမ်မှလူး ကိုယ်တော်က အနားဆာထုန်ဗာ(ဖ်)ကရပ် ကိုယ်တော်နာ 41"နင်ဂါအတွက် ငါအဇာလိစ်အီးပိုကယား" ငါးဂို့ ကတာလင်ကရပ် အိမ်မလူးနာ "ကိုယ်တော်၊ ငါအမိတ်ပြန့်ကို့ပိုနက် ကက်ဟေ"ငါးဂို့ လျှောက်တင်လင်ဟေ။ 42အိမ်မှကရပ် ကိုယ်တော်ယေရူနာ "နင်နာ အတတ်အမိတ်ပြန်ကို့ပိုဝင်နန်းဖြစ်ဟေ။ နင်နာ ငင်ယုံကြည်ကတောင်း နင်ကအမိတ်အင် ပြန်ကို့ပိုဇိစ်ဒက်နန်းဖြစ်ဟေ"ငါ့ကို ငါ့လင်ကဟေ။ 43အိမ်မှလူးနာ ချက်ချင်းဒင့် အမိတ်ပြန်းပိုကို ဘုရားရှင်ဂါး ဂုဏ်ကျေးဇူးငင် ချီးမွမ်းကို ကိုယ်တော်ယေရူက အလိုဝါယောလင်ကဟေ။ အိမ်မှအဖြစ်ပျက်အင်ပိုဟေက လူထုပရိသတ်ရက်အ(လ်) ဘုရားရှင်ဂါးဂုဏ်ကျေးဇူးငင် ချီးမွမ်းလင်ကဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.