လုကာ 16
16
အခန်း (၁၆)
ရိုးသားမူးအငါကား ဘဏ္ဍာထိန်း
1ကျီးကအိမ် ကိုယ်တော်ယေရူနာ တပည့်တော်ရက်အင် ဆက်လက်ကို ပုံဥပမာဆူးဝါအိမ်ငါ့ဆနပ်ကနာ "ဟက်တာကရပ် သူဌေးဟူးဝါနာ အမာကပစ္စည်းဥစ္စာရက်အင် စီမံခန့်ခွဲကဇိစ် ဘဏ္ဍာထိန်းဟူးဝင် ခန့်အပ်ပီလင်ကဟေ။ အိမ်မားဘဏ္ဍာထိန်းနာ သူဌေးကတင်္ဂါးရက်အင် အလွဲသုံးစားလိစ်တုန်းကား လူးဟူးဝါနာတိုင်ဗာ(ဖ်)ကို့ သူဌေးနာ ချေးလင်ကဟေ။ 2မှအကြောင့် သူဌေးနာ ဘဏ္ဍာထိန်းငင် အော်ကို "နင်ကအကြောင်းငင် ငါတတ်တုန်းပိုကရက်နာ အဆာမီယား။ ငါကပစ္စည်းဥစ္စာရက်အိမ် နင်ကလိစ်ပီက စာရင်းဇယားရက်အင် ငါဇိစ်ဆနပ်ဗာ(ဖ်)။ နင်ငင်ယေ့ ဘဏ္ဍာထိန်းနေရာယာ ဆက်ကိုအပီလှုနန်းကား"ငါ့ကို ငါနက်ကဟေ။ 3အိမ်မားအခါ အမာယေ့ "ငါအဆာမီလိစ်ပိုကယား။ သူဌေးနာ ငင်အလိစ်အားဘင်း ဆပြုနက်အန်နန်း။ ငါနာ ကဇက်ထူဟေကား အလိစ်ကြမ်းငင်လိစ်ကယေ့ အားအငါပါ(လ်)။ စိန်ဆာကယေ့ အစမ်းကမီးဟေ။ 4မှအလိစ်နာ ဆပြုကဟင်းပိုနဲ့က(လ်) လူးရက်နာ ငင်ယင် အမာရက်ကကိန်းငါ လက်ခံကြိုဆိုကို့ တုန်းကနေရာအီယန်မနီး အဆာမီလိစ်ပိုကယားငါဟေကား ငါချေးယင်နန်း"ငါ့ကို စဉ်းစားတုန်းလင်ကဟေ။ 5မှနောက်အာ အမာနာ သူဌေးထနဲ့ အကြွေးအီကငါဟေကား လူးရက်အင် ဟူးဝါးကျီနဲ့ဟူးဝါးအော်ဂို့ ပထမဟူးဝင်နာ "နင်နာ ငါကသူဌေးထနဲ့ အကြွေးအဆတတ်ငါဟေယာ" ငါးဂို့ ကတာလင်ကဟေ။ 6အိမ်မားလူးယေ့ "သံလွင်ဆားစည်တစ်ရာ အီဂါဇီငါဟေ"ငါ့ကို ပြန့်ဖြေလင်ကဟေ#16:6 သံလွင်ဆီစည်တစ်ရာငါ့ဟေကနာ သံလွင်ဆီ ၃၀၀၀ လီတာခန့်ဖြစ်ဟေ။။ ဘဏ္ဍာထိန်းယေ့ "စာရင်းစာရွက်အင် မလားလာဂို့ ငါးဆယ်ငါ့ကို ရေးယင်း" ငါးဂို့ ငှားလင်ကဟေ။ 7အယောက်ကဟူးဝါယင်ယေ့ "နင်က အကြွေး အဆတတ်ငါ့ဟေယား"ငါ့ကို ကတာနက်ကရပ် အမာနာ "ဂျုံ ၊အင် အိတ်တစ်ရာ"ငါ့ကို ဖြေကအတွက် ဘဏ္ဍာထိန်းယေ "စာရင်းစာရွက်အာ အိတ်ရှစ်ဆယ်ငါ့ကို ရေးနက်အင့်"ငါ့ကို ငါ့နက်ကဟေ။ 8အိမ်မအခါ သူဌေးနာ အရိုးသားက ဘဏ္ဍာထိန်းကား အမာကကိုယ်ကျိူးအတွက် လိမ်မာပါးနပ်စွာလိစ်ဟေကား ချီးမွမ်းလင်ကဟေ။ အဇာရိကို့အငါ့နဲ့က(လ်) ဘုရားရှင်ငင် နာခံလူးရက်တောင်မာဒင့် ဘုရားရှငင် အနာခံကလူးရက်နာ အမာရက်တလေကအယောက်ကလူးရက်အိမ် ဆက်ဆံကရပ် ပိုကို့လိမ့်မာပါးနပ်ဟေ"ငါ့ကို ငါ့လင်ကဟေ။ 9အယိုကဟက်တာ ကိုယ်တော်ယေရှုနာ တပည့်ရက်အင် ငှားဟေကားနာ "နနိန်ရက်အင် ငါငါ့ဆနပ်အန်ကား စိည်းစိမ်ချမ်းသာရက်အိမ် လူးရက်အင် ကူညီအီနဲ့က(လ်) အိမ်မှလူးရက်နာ နနိန်ရက်ကမိတ်ဆွေဖြစ်ယောဝန်ကား။ နင်ဆိန်းကလင်ကရပ် အိမ်မှစည်းစိမ်ဥစ္စာရက်အင် နနိန်ရက်အိမ်မက်တာ အလာလင်လှူကရပ် အိမ်မှမိတ်ဆွေရက်နာ နင်ရက်ပိုက်တုန်းပိုကား ရွှေမြို့တော်ဝါ နင်ငင် ကြိုဆိုလင်ကား။ 10အသေးမွှားကိစ္စရက်အင်ဒင့် သစ္စာရှိရှိ စီမံခန့်ခွဲကလူးရက်နာ အရေးကြီးဟေကားကိစ္စရက်အင်ယေ့ သစ္စာရှိရှိ စီမံခန့်ခွဲကလူးရက်ဖြစ်ဟေ။ အသေးမွှားကိစ္စရက်အင် လိစ်ဟေကရပ်တင့် အရိုးသားကလူးရက်နာ အရေးကြီးဟေကား ကိစ္စရက်အင် လိစ်ဟေကရပ်အ(လ်) အရိုးသားကလူးရက်ဖြစ်လင်ကား။ 11မှအကြောင့် နနိန်ရက်နာ မှလောကကား နင်ပိုင်ဆိုင်ဟေကား စည်းစိမ်ဥစ္စာရက်အင် စီမံခန့်ခွဲကဇိစ် ယုံကြည်စိတ်ချမူအငါနဲ့က(လ်) ရွှေမြို့တော်ဝါက စစ်မှန်ဟေကား စည်းစိမ်ချမ်းသာရက်ကအတွက် ဘုရားရှင်နာ နင်ငင် ယုံကြည်လင်ကားအရိပါ(လ်)။ 12နနိန်ရက်နာ အယောက်ကလူးရက်ပိုင်ဆိုင်ဟေကား အူဇာရက်အင် စီမံခန့်ခွဲကဇိစ်အတွက် အရိုးသားကလူးရက် ဖြစ်တုန်းနဲ့က(လ်) ဘုရားရှင်နာ နနိန်ရက်အိမ်သက်ဆိုင်ဟေက ဆူးဝါက အူဇာယေ့ စီမံခန့်ခွဲကဇိစ် အီလင်ကားအရိပါ(လ်)။ 13အဆီအငှားဆာယေ့ သခင်နှစ်ဟူးငင် တစ်ပြိုင်းတည်းသစ္စာအငါလှုပါ(လ်)။ အဇာရိကို့အငါနဲ့ အမာနာ ဟူးဝါမုန်းကို အယောက်ကဟူးဝါမေတ္တာလင်ကား။ ဟူးဝါ သစ္စာငါနဲ့က(လ်) အယောက်ကဟူးဝါက(လ်) အလေ့စားလင်ပါ(လ်)ကား။ အိမ်မဒေလေဟုန်း နနိန်ရက်နာ ဘုရားရှင်အိမ် လောကီစည်းစိမ်ယင် တစ်ပြိုင်းတည်း အငှားဆာဟင်းကိုလှုလင်ကားအရိ(လ်) ပါ(လ်)"ငါ့ကို ငါ့လင်ကဟေ။
ကိုယ်တော်ယေရူကတူးအချို့
(မဿဲ ၁၁:၁၂-၁၃၊ ၅:၃၁-၃၂)
14အိမ်မအခါ တင်္ဂါမက်မောက ဖာရိရှဲရက်စာ ကိုယ်တော်ယေရူငါ့ဆနပ်ဟေကား တူးဝင်တတ်ကရပ် ကိုယ်တော်ယင် ဆာရိုကို့အနေးတုန်းလင်ကဟေ။ 15ညီးငါ့ဒင့်ယေ ကိုယ်တော်ယေရှုနာ အမာရက်အင် "နနိန်ရက်နာ လူးရက်ကရှေ့ယာ အပါနာကအပါနာ ဖြောင့်မတ်ကလူးရက်ဒေလေ ဟန်ဆောင်ကထောင်းဟေ။ ညီးငဒင့်ယေ ဘုရားရှင်နာ နနိန်ရက်က အမီကားအကြံစည်ရက်အင် ချေးတုန်းဟေ။ လူးရက် အမြတ်တနိုးတန်ဖိုးပီဟေက လောကီစည်းစိမ်ရက်နာ ဘုရားရှင်ကအတွက်က(လ်) အဆေကမီဟေကအူဇာရက်မယ်ဖြစ်ဟေ။ 16မောရှကပညတ်ကျမ်းအိမ် ပရောဖက်ရက်ရေးဒက်ကား ကျမ်းရက်နာ အိန်းမြုပ်မင်္ဂလာဆရာယောဟန်ဖော်ဗာ(ဖ်)ကို့ မင်္ဂလာသတင်းကောင်းငင်အငါ့နိမ့်ကအချိန်ထိ နနိန်ရက်ကအတွက် လိုက်နာပိုကား လမ်းစဉ်ရက် ငါဒက်ဟေ။ ညီးငါ့ဒင်ယေ အတတ်က(လ်) ငါနာ ဘုရားရှင်ကသာသနာတော်အကြောင်း မင်္ဂလာသတင်းကောင်းငင် ငါ့ဆနပ်တုန်းနန်းဖြစ်ဟေ။ မှအကြောင့် လူးရက်နာ ဘုရားရှင်က သာသနာတော်ဝါ ဆင်ပိုမနီးကအတွက် စိတ်အားထက်သန်စွာအိမ် ကြိုးစားအားထုတ်တုန်းနန်းဖြစ်ဟေ။ 17ညီးငါ့ဒင့်ယေ ဘုရားရှင်က ပညတ်ကျမ်းငါ ရေးပီးဟေကား စကားလုံးတိုင်းနာ အမှန်တကယ်ဒင့် ဖြစ်ပျက်ဗန်(ဖ်)လင်ကားဖြစ်ဟေ။ ပညတ်ကျမ်းငါကား စကားလုံးတစ်လုံးငင် ပြောင်းလဲဓူ(ဖ်)ကတောင်မာဒင့် ကောင်းဂါလက်အိမ် ကမ္ဘာမြေကြီး ပျက်စီးကဇိစ်နာ ပိုကို့လွယ်ကူလင်ကား#16:17 မူကျင်းကျမ်းငါ ပညတ်ကျမ်းငါကား အပီဆာ ဗိန္ဓုတစ်လုံးပျက်စီးလွယ်ကတောင်မာဒင့် ကောင်းကလက်အိမ် ကဇက်နာ ပျက်စီးကားလွယ်လင်ကား"ငါ့ကို ရေးပီးဟေ။။ 18အပါနာဂါ အအီတာကွာရှင်းဂို့ အခြားတဆလောင်ဟူးဝါ လက်ထပ်ဟေက လူးနာ အိမ်ထောင်ရေးဖောက်ပြန်မူ ကျူးလွန်ဟေကားလူးဖြစ်ဟေ။ အဟြိုဗာ(ဖ်)နာ ကွာရှင်းပီဟေကား တဆာလောင်ငင် လက်ထပ်ဟေကယေ့ အိမ်ထောင်ရေးဖောက်ပြန်မူငင် ကျူးလွန်ဟေကားလူးဖြစ်ဟေ" ငါ့ကို ငါလင်ကဟေ။
လာဇရုအိမ်ဆဌေး
19မှနောက်အာ ကိုယ်တော်ယေရူနာ "ဟက်တာကရပ် တန်ဖိုးပြောင်ဟေက ပါဇူရက်အင်တူကို ရယက်တုန် စားပွဲသောက်ပွဲ ကျင်းပတုန်းဟေကား သူဌေးဟူးဝါငါ့လင်ကဟေ။ 20လူးရက်နာ လာဇရုငါ့ကိုအော်ဟေကား တစ်ကိုယ်လုံးငါ အမန်ရက်ဖြစ်တုန်းဟေကား သူတောင်းစားဟူးဝါယင် အော်လားကန်ကို့ အမာကကိန်းဝင်း လင်းဟာနင်းငါ ဗန်ကို့ပီဗာ(ဖ်)ကလင်ဟေ။ 21အမာနာ သူဌေးက ပုတ်ဆာခုံငါဘင်း ဟြရ်ဟေကား ဆာကာထင့်ငင် ဆာမက်ဆီဆာပိုတုန်းလင်ကဟေ။ အိမ်မှတောင်မာဒင့် ကူ(ဖ်)ရက်အ(လ်) အမာကခန္တာကအမန်ရက်အင် အဆာလိပ်အိမ့်အတက်တုန်းလင်ကဟေ။ 22နောက်ဆုံးငါ လာဇရုနာ ဆိန်းကလင်ကို့ ဟမန်းဒေဝါရက်နာ အမင် အမာက ဘိုးဘေးဖြစ်ဟေကား အာဗြဟံအိမ်မက်တာပီကဇိစ် အော်ကို့လာလင်ကဟေ။ သူဌေးယေ့ ဆိန်းကလင်ကို့ သင်္ဂြိုဟ်ဟေကား ဟင်းလင်ပိုကဟေ။ 23အမာနာ ဆိန်းကလူးရက်တုန်းဟေကား အရပ်ဖြစ်ဟေကား မရဏနိုင်ငံငါ ဆိုးဆိုးရွားရွား ဒုက္ခခံစားတုန်းလင်ပိုကဟေ။ မှနောက်အာ အမာနာ အဖုံးငါမောကို့ယူနက်ကရပ် အာဗြဟံအိမ်မက်တာ တုန်းတုန်းဟေကား လာဇရုအင် ပိုလင်ကဟေ။ 24မှကြောင့် သူဌေးနာ ဟော်ဟြာရ်ကို့ "အဗား(ဖ်)အာဗြဟံ ငါနာ မှဗန်(ဖ်)ဘုံငါ ဒုက္ခပြောင်ငင် ခံစားတုန်းပိုကတောင်း ငင် သနားငန်နက်နိမ့်။ ငါကအဆာလိပ်အင် ဆိမ်ကဇိစ် လာဇရုက တက်ချီးယင် အိန်း(လ်)တိုးကို့ အမင် ငါထနဲ့ဖြောက်အီယန်"ငါ့ကို ငါ့လင်ကဟေ။ 25ညီးငါ့ဒင့်ယေ အာဗြဟံနာ"ငါကအဆာ၊ နင်အဆက်ဆိန်းတုန်းကရပ် အကောင်းဆုံးရက်အင်လှုဒက်နန်း လာဇရုက(လ်) အမီကအူဇာရက်အင် လှုဒက်ကသတိလှုယင့်။ အတတ်က(လ်) လာဇရုနာ မှနေရာယာ အေးအေးချမ်းချမ်းတုန်းတုန်းပိုကို နင်က(လ်) ဒုက္ခဝေဒနာယင် ခံစားတုန်းပိုဟေ။ 26အိမ်မှတောင်မာဒင့် နင်အိမ်ငါရက်ကကြားယာ တဗျင်းအိန်းစိပ့်ဟေကား ပါ(လ်)ဆီပြောင်ဆူးဝါခြားပီးဟေ။ မှအကြောင့် မှနေရာဘင်း နင်ထနဲ့ ဟူးဝါယေ့ ရက်ကို့အဗန်(ဖ်)လှုကဒေလေ နင်ငါ့ဟေကားအိမ်မှအရပ်အာဘင်းယေ့ ငါရက်ထနဲ့ ဟူးဝါယေ့ ရက်ကို့အဗန်(ဖ်)လင်လှုပါ(လ်)ကား။ 27ဆဌေးယေ့ "အဗား(ဖ်)အာဗြဟံ၊ မဒေလေဖြစ်နဲ့ လာဇရုအင် ငါကအဗား(ဖ်)ဂါကိန်းငါ ဖြောက်ကို့အီယန်နက်နိမ့်။ 28အဇာရိကို့အငါနဲ့ ငါက အနည်းဆီငါးယောက်ငါနက်ဟေ။ မှအကြောင့် လာဇရုနာ အမာရက်ထနဲ့လင်ကို့ နောက်တသံဝေဂလှုဝန်မနီး သတိအီဇိစ်တောင်းမယ် အမာရက်အ(လ်) ဒုက္ခဝေဒနာ ခံစားပိုဟေကား မှအရပ်အာ ထုန်ဗာ(ဖ်)လင်ကားအရိပါ(လ်)။ 29ညီးငါ့ဒင်ယေ အာဗြဟံနာ "နင်က အနည်းဆီရက်ကမား မောရှေ့အိမ် ပရောဖက်ရက် ရေးပီဒက်ကား ကျမ်းစာရက်ငါဟေ။ အမာရက်နာ အိမ်မှကျမ်းရက်အင် ဖတ်ကို့ နောင်တသံဝေဂ လှုလင်ကား။ 30ညီးငါ့ဒင့်ယေ သူဌေးနာ "အဗား(ဖ်)အာဗြဟံ ၊ အမာအိမ် အလုံလောက်နိမ့်ပါ(လ်)။ ဆိန်းကလင်ကလူးရက်ကအထဲယာကား ဟူးဝါနာ အမာရက်ကမား လင်ကို သတိအီတောင်မယ် အမာရက်က အပြစ်တရားရက်အာဘင်း နောင်တသံဝေဂလှုလင်ငန်ကားဖြစ်ဟေ"ငါ့ကို ငါ့လင်ကဟေ။ 31အာဗြဟံယေ "အမာရက်နာ မောရှေအိမ် ပရောဖက်ရက် ရေးပီဟေကားကျမ်းရက်အင်ဒင့် အလိုက်နာနဲ့က(လ်) ဆိန်းကမဘင်း ပြန်ကို ဆိမ်းငန်ကလူးက တူးဝင်ယေ့ လက်ခံယုံကြည်ကို့ နောင်တသံဝေဂလှုကားအရိ(လ်)ပါ(လ်)'ငါ့ကို ပြန်ကိုပြိစ်နက်ဟေ"ငါ့ကို ငါ့လင်ကဟေ။
Currently Selected:
လုကာ 16: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 16
16
အခန်း (၁၆)
ရိုးသားမူးအငါကား ဘဏ္ဍာထိန်း
1ကျီးကအိမ် ကိုယ်တော်ယေရူနာ တပည့်တော်ရက်အင် ဆက်လက်ကို ပုံဥပမာဆူးဝါအိမ်ငါ့ဆနပ်ကနာ "ဟက်တာကရပ် သူဌေးဟူးဝါနာ အမာကပစ္စည်းဥစ္စာရက်အင် စီမံခန့်ခွဲကဇိစ် ဘဏ္ဍာထိန်းဟူးဝင် ခန့်အပ်ပီလင်ကဟေ။ အိမ်မားဘဏ္ဍာထိန်းနာ သူဌေးကတင်္ဂါးရက်အင် အလွဲသုံးစားလိစ်တုန်းကား လူးဟူးဝါနာတိုင်ဗာ(ဖ်)ကို့ သူဌေးနာ ချေးလင်ကဟေ။ 2မှအကြောင့် သူဌေးနာ ဘဏ္ဍာထိန်းငင် အော်ကို "နင်ကအကြောင်းငင် ငါတတ်တုန်းပိုကရက်နာ အဆာမီယား။ ငါကပစ္စည်းဥစ္စာရက်အိမ် နင်ကလိစ်ပီက စာရင်းဇယားရက်အင် ငါဇိစ်ဆနပ်ဗာ(ဖ်)။ နင်ငင်ယေ့ ဘဏ္ဍာထိန်းနေရာယာ ဆက်ကိုအပီလှုနန်းကား"ငါ့ကို ငါနက်ကဟေ။ 3အိမ်မားအခါ အမာယေ့ "ငါအဆာမီလိစ်ပိုကယား။ သူဌေးနာ ငင်အလိစ်အားဘင်း ဆပြုနက်အန်နန်း။ ငါနာ ကဇက်ထူဟေကား အလိစ်ကြမ်းငင်လိစ်ကယေ့ အားအငါပါ(လ်)။ စိန်ဆာကယေ့ အစမ်းကမီးဟေ။ 4မှအလိစ်နာ ဆပြုကဟင်းပိုနဲ့က(လ်) လူးရက်နာ ငင်ယင် အမာရက်ကကိန်းငါ လက်ခံကြိုဆိုကို့ တုန်းကနေရာအီယန်မနီး အဆာမီလိစ်ပိုကယားငါဟေကား ငါချေးယင်နန်း"ငါ့ကို စဉ်းစားတုန်းလင်ကဟေ။ 5မှနောက်အာ အမာနာ သူဌေးထနဲ့ အကြွေးအီကငါဟေကား လူးရက်အင် ဟူးဝါးကျီနဲ့ဟူးဝါးအော်ဂို့ ပထမဟူးဝင်နာ "နင်နာ ငါကသူဌေးထနဲ့ အကြွေးအဆတတ်ငါဟေယာ" ငါးဂို့ ကတာလင်ကဟေ။ 6အိမ်မားလူးယေ့ "သံလွင်ဆားစည်တစ်ရာ အီဂါဇီငါဟေ"ငါ့ကို ပြန့်ဖြေလင်ကဟေ#16:6 သံလွင်ဆီစည်တစ်ရာငါ့ဟေကနာ သံလွင်ဆီ ၃၀၀၀ လီတာခန့်ဖြစ်ဟေ။။ ဘဏ္ဍာထိန်းယေ့ "စာရင်းစာရွက်အင် မလားလာဂို့ ငါးဆယ်ငါ့ကို ရေးယင်း" ငါးဂို့ ငှားလင်ကဟေ။ 7အယောက်ကဟူးဝါယင်ယေ့ "နင်က အကြွေး အဆတတ်ငါ့ဟေယား"ငါ့ကို ကတာနက်ကရပ် အမာနာ "ဂျုံ ၊အင် အိတ်တစ်ရာ"ငါ့ကို ဖြေကအတွက် ဘဏ္ဍာထိန်းယေ "စာရင်းစာရွက်အာ အိတ်ရှစ်ဆယ်ငါ့ကို ရေးနက်အင့်"ငါ့ကို ငါ့နက်ကဟေ။ 8အိမ်မအခါ သူဌေးနာ အရိုးသားက ဘဏ္ဍာထိန်းကား အမာကကိုယ်ကျိူးအတွက် လိမ်မာပါးနပ်စွာလိစ်ဟေကား ချီးမွမ်းလင်ကဟေ။ အဇာရိကို့အငါ့နဲ့က(လ်) ဘုရားရှင်ငင် နာခံလူးရက်တောင်မာဒင့် ဘုရားရှငင် အနာခံကလူးရက်နာ အမာရက်တလေကအယောက်ကလူးရက်အိမ် ဆက်ဆံကရပ် ပိုကို့လိမ့်မာပါးနပ်ဟေ"ငါ့ကို ငါ့လင်ကဟေ။ 9အယိုကဟက်တာ ကိုယ်တော်ယေရှုနာ တပည့်ရက်အင် ငှားဟေကားနာ "နနိန်ရက်အင် ငါငါ့ဆနပ်အန်ကား စိည်းစိမ်ချမ်းသာရက်အိမ် လူးရက်အင် ကူညီအီနဲ့က(လ်) အိမ်မှလူးရက်နာ နနိန်ရက်ကမိတ်ဆွေဖြစ်ယောဝန်ကား။ နင်ဆိန်းကလင်ကရပ် အိမ်မှစည်းစိမ်ဥစ္စာရက်အင် နနိန်ရက်အိမ်မက်တာ အလာလင်လှူကရပ် အိမ်မှမိတ်ဆွေရက်နာ နင်ရက်ပိုက်တုန်းပိုကား ရွှေမြို့တော်ဝါ နင်ငင် ကြိုဆိုလင်ကား။ 10အသေးမွှားကိစ္စရက်အင်ဒင့် သစ္စာရှိရှိ စီမံခန့်ခွဲကလူးရက်နာ အရေးကြီးဟေကားကိစ္စရက်အင်ယေ့ သစ္စာရှိရှိ စီမံခန့်ခွဲကလူးရက်ဖြစ်ဟေ။ အသေးမွှားကိစ္စရက်အင် လိစ်ဟေကရပ်တင့် အရိုးသားကလူးရက်နာ အရေးကြီးဟေကား ကိစ္စရက်အင် လိစ်ဟေကရပ်အ(လ်) အရိုးသားကလူးရက်ဖြစ်လင်ကား။ 11မှအကြောင့် နနိန်ရက်နာ မှလောကကား နင်ပိုင်ဆိုင်ဟေကား စည်းစိမ်ဥစ္စာရက်အင် စီမံခန့်ခွဲကဇိစ် ယုံကြည်စိတ်ချမူအငါနဲ့က(လ်) ရွှေမြို့တော်ဝါက စစ်မှန်ဟေကား စည်းစိမ်ချမ်းသာရက်ကအတွက် ဘုရားရှင်နာ နင်ငင် ယုံကြည်လင်ကားအရိပါ(လ်)။ 12နနိန်ရက်နာ အယောက်ကလူးရက်ပိုင်ဆိုင်ဟေကား အူဇာရက်အင် စီမံခန့်ခွဲကဇိစ်အတွက် အရိုးသားကလူးရက် ဖြစ်တုန်းနဲ့က(လ်) ဘုရားရှင်နာ နနိန်ရက်အိမ်သက်ဆိုင်ဟေက ဆူးဝါက အူဇာယေ့ စီမံခန့်ခွဲကဇိစ် အီလင်ကားအရိပါ(လ်)။ 13အဆီအငှားဆာယေ့ သခင်နှစ်ဟူးငင် တစ်ပြိုင်းတည်းသစ္စာအငါလှုပါ(လ်)။ အဇာရိကို့အငါနဲ့ အမာနာ ဟူးဝါမုန်းကို အယောက်ကဟူးဝါမေတ္တာလင်ကား။ ဟူးဝါ သစ္စာငါနဲ့က(လ်) အယောက်ကဟူးဝါက(လ်) အလေ့စားလင်ပါ(လ်)ကား။ အိမ်မဒေလေဟုန်း နနိန်ရက်နာ ဘုရားရှင်အိမ် လောကီစည်းစိမ်ယင် တစ်ပြိုင်းတည်း အငှားဆာဟင်းကိုလှုလင်ကားအရိ(လ်) ပါ(လ်)"ငါ့ကို ငါ့လင်ကဟေ။
ကိုယ်တော်ယေရူကတူးအချို့
(မဿဲ ၁၁:၁၂-၁၃၊ ၅:၃၁-၃၂)
14အိမ်မအခါ တင်္ဂါမက်မောက ဖာရိရှဲရက်စာ ကိုယ်တော်ယေရူငါ့ဆနပ်ဟေကား တူးဝင်တတ်ကရပ် ကိုယ်တော်ယင် ဆာရိုကို့အနေးတုန်းလင်ကဟေ။ 15ညီးငါ့ဒင့်ယေ ကိုယ်တော်ယေရှုနာ အမာရက်အင် "နနိန်ရက်နာ လူးရက်ကရှေ့ယာ အပါနာကအပါနာ ဖြောင့်မတ်ကလူးရက်ဒေလေ ဟန်ဆောင်ကထောင်းဟေ။ ညီးငဒင့်ယေ ဘုရားရှင်နာ နနိန်ရက်က အမီကားအကြံစည်ရက်အင် ချေးတုန်းဟေ။ လူးရက် အမြတ်တနိုးတန်ဖိုးပီဟေက လောကီစည်းစိမ်ရက်နာ ဘုရားရှင်ကအတွက်က(လ်) အဆေကမီဟေကအူဇာရက်မယ်ဖြစ်ဟေ။ 16မောရှကပညတ်ကျမ်းအိမ် ပရောဖက်ရက်ရေးဒက်ကား ကျမ်းရက်နာ အိန်းမြုပ်မင်္ဂလာဆရာယောဟန်ဖော်ဗာ(ဖ်)ကို့ မင်္ဂလာသတင်းကောင်းငင်အငါ့နိမ့်ကအချိန်ထိ နနိန်ရက်ကအတွက် လိုက်နာပိုကား လမ်းစဉ်ရက် ငါဒက်ဟေ။ ညီးငါ့ဒင်ယေ အတတ်က(လ်) ငါနာ ဘုရားရှင်ကသာသနာတော်အကြောင်း မင်္ဂလာသတင်းကောင်းငင် ငါ့ဆနပ်တုန်းနန်းဖြစ်ဟေ။ မှအကြောင့် လူးရက်နာ ဘုရားရှင်က သာသနာတော်ဝါ ဆင်ပိုမနီးကအတွက် စိတ်အားထက်သန်စွာအိမ် ကြိုးစားအားထုတ်တုန်းနန်းဖြစ်ဟေ။ 17ညီးငါ့ဒင့်ယေ ဘုရားရှင်က ပညတ်ကျမ်းငါ ရေးပီးဟေကား စကားလုံးတိုင်းနာ အမှန်တကယ်ဒင့် ဖြစ်ပျက်ဗန်(ဖ်)လင်ကားဖြစ်ဟေ။ ပညတ်ကျမ်းငါကား စကားလုံးတစ်လုံးငင် ပြောင်းလဲဓူ(ဖ်)ကတောင်မာဒင့် ကောင်းဂါလက်အိမ် ကမ္ဘာမြေကြီး ပျက်စီးကဇိစ်နာ ပိုကို့လွယ်ကူလင်ကား#16:17 မူကျင်းကျမ်းငါ ပညတ်ကျမ်းငါကား အပီဆာ ဗိန္ဓုတစ်လုံးပျက်စီးလွယ်ကတောင်မာဒင့် ကောင်းကလက်အိမ် ကဇက်နာ ပျက်စီးကားလွယ်လင်ကား"ငါ့ကို ရေးပီးဟေ။။ 18အပါနာဂါ အအီတာကွာရှင်းဂို့ အခြားတဆလောင်ဟူးဝါ လက်ထပ်ဟေက လူးနာ အိမ်ထောင်ရေးဖောက်ပြန်မူ ကျူးလွန်ဟေကားလူးဖြစ်ဟေ။ အဟြိုဗာ(ဖ်)နာ ကွာရှင်းပီဟေကား တဆာလောင်ငင် လက်ထပ်ဟေကယေ့ အိမ်ထောင်ရေးဖောက်ပြန်မူငင် ကျူးလွန်ဟေကားလူးဖြစ်ဟေ" ငါ့ကို ငါလင်ကဟေ။
လာဇရုအိမ်ဆဌေး
19မှနောက်အာ ကိုယ်တော်ယေရူနာ "ဟက်တာကရပ် တန်ဖိုးပြောင်ဟေက ပါဇူရက်အင်တူကို ရယက်တုန် စားပွဲသောက်ပွဲ ကျင်းပတုန်းဟေကား သူဌေးဟူးဝါငါ့လင်ကဟေ။ 20လူးရက်နာ လာဇရုငါ့ကိုအော်ဟေကား တစ်ကိုယ်လုံးငါ အမန်ရက်ဖြစ်တုန်းဟေကား သူတောင်းစားဟူးဝါယင် အော်လားကန်ကို့ အမာကကိန်းဝင်း လင်းဟာနင်းငါ ဗန်ကို့ပီဗာ(ဖ်)ကလင်ဟေ။ 21အမာနာ သူဌေးက ပုတ်ဆာခုံငါဘင်း ဟြရ်ဟေကား ဆာကာထင့်ငင် ဆာမက်ဆီဆာပိုတုန်းလင်ကဟေ။ အိမ်မှတောင်မာဒင့် ကူ(ဖ်)ရက်အ(လ်) အမာကခန္တာကအမန်ရက်အင် အဆာလိပ်အိမ့်အတက်တုန်းလင်ကဟေ။ 22နောက်ဆုံးငါ လာဇရုနာ ဆိန်းကလင်ကို့ ဟမန်းဒေဝါရက်နာ အမင် အမာက ဘိုးဘေးဖြစ်ဟေကား အာဗြဟံအိမ်မက်တာပီကဇိစ် အော်ကို့လာလင်ကဟေ။ သူဌေးယေ့ ဆိန်းကလင်ကို့ သင်္ဂြိုဟ်ဟေကား ဟင်းလင်ပိုကဟေ။ 23အမာနာ ဆိန်းကလူးရက်တုန်းဟေကား အရပ်ဖြစ်ဟေကား မရဏနိုင်ငံငါ ဆိုးဆိုးရွားရွား ဒုက္ခခံစားတုန်းလင်ပိုကဟေ။ မှနောက်အာ အမာနာ အဖုံးငါမောကို့ယူနက်ကရပ် အာဗြဟံအိမ်မက်တာ တုန်းတုန်းဟေကား လာဇရုအင် ပိုလင်ကဟေ။ 24မှကြောင့် သူဌေးနာ ဟော်ဟြာရ်ကို့ "အဗား(ဖ်)အာဗြဟံ ငါနာ မှဗန်(ဖ်)ဘုံငါ ဒုက္ခပြောင်ငင် ခံစားတုန်းပိုကတောင်း ငင် သနားငန်နက်နိမ့်။ ငါကအဆာလိပ်အင် ဆိမ်ကဇိစ် လာဇရုက တက်ချီးယင် အိန်း(လ်)တိုးကို့ အမင် ငါထနဲ့ဖြောက်အီယန်"ငါ့ကို ငါ့လင်ကဟေ။ 25ညီးငါ့ဒင့်ယေ အာဗြဟံနာ"ငါကအဆာ၊ နင်အဆက်ဆိန်းတုန်းကရပ် အကောင်းဆုံးရက်အင်လှုဒက်နန်း လာဇရုက(လ်) အမီကအူဇာရက်အင် လှုဒက်ကသတိလှုယင့်။ အတတ်က(လ်) လာဇရုနာ မှနေရာယာ အေးအေးချမ်းချမ်းတုန်းတုန်းပိုကို နင်က(လ်) ဒုက္ခဝေဒနာယင် ခံစားတုန်းပိုဟေ။ 26အိမ်မှတောင်မာဒင့် နင်အိမ်ငါရက်ကကြားယာ တဗျင်းအိန်းစိပ့်ဟေကား ပါ(လ်)ဆီပြောင်ဆူးဝါခြားပီးဟေ။ မှအကြောင့် မှနေရာဘင်း နင်ထနဲ့ ဟူးဝါယေ့ ရက်ကို့အဗန်(ဖ်)လှုကဒေလေ နင်ငါ့ဟေကားအိမ်မှအရပ်အာဘင်းယေ့ ငါရက်ထနဲ့ ဟူးဝါယေ့ ရက်ကို့အဗန်(ဖ်)လင်လှုပါ(လ်)ကား။ 27ဆဌေးယေ့ "အဗား(ဖ်)အာဗြဟံ၊ မဒေလေဖြစ်နဲ့ လာဇရုအင် ငါကအဗား(ဖ်)ဂါကိန်းငါ ဖြောက်ကို့အီယန်နက်နိမ့်။ 28အဇာရိကို့အငါနဲ့ ငါက အနည်းဆီငါးယောက်ငါနက်ဟေ။ မှအကြောင့် လာဇရုနာ အမာရက်ထနဲ့လင်ကို့ နောက်တသံဝေဂလှုဝန်မနီး သတိအီဇိစ်တောင်းမယ် အမာရက်အ(လ်) ဒုက္ခဝေဒနာ ခံစားပိုဟေကား မှအရပ်အာ ထုန်ဗာ(ဖ်)လင်ကားအရိပါ(လ်)။ 29ညီးငါ့ဒင်ယေ အာဗြဟံနာ "နင်က အနည်းဆီရက်ကမား မောရှေ့အိမ် ပရောဖက်ရက် ရေးပီဒက်ကား ကျမ်းစာရက်ငါဟေ။ အမာရက်နာ အိမ်မှကျမ်းရက်အင် ဖတ်ကို့ နောင်တသံဝေဂ လှုလင်ကား။ 30ညီးငါ့ဒင့်ယေ သူဌေးနာ "အဗား(ဖ်)အာဗြဟံ ၊ အမာအိမ် အလုံလောက်နိမ့်ပါ(လ်)။ ဆိန်းကလင်ကလူးရက်ကအထဲယာကား ဟူးဝါနာ အမာရက်ကမား လင်ကို သတိအီတောင်မယ် အမာရက်က အပြစ်တရားရက်အာဘင်း နောင်တသံဝေဂလှုလင်ငန်ကားဖြစ်ဟေ"ငါ့ကို ငါ့လင်ကဟေ။ 31အာဗြဟံယေ "အမာရက်နာ မောရှေအိမ် ပရောဖက်ရက် ရေးပီဟေကားကျမ်းရက်အင်ဒင့် အလိုက်နာနဲ့က(လ်) ဆိန်းကမဘင်း ပြန်ကို ဆိမ်းငန်ကလူးက တူးဝင်ယေ့ လက်ခံယုံကြည်ကို့ နောင်တသံဝေဂလှုကားအရိ(လ်)ပါ(လ်)'ငါ့ကို ပြန်ကိုပြိစ်နက်ဟေ"ငါ့ကို ငါ့လင်ကဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.