လုကာ 15
15
အခန်း (၁၅)
ပျောက်ကလင်ဟေကားသိုး
(မဿဲ ၁၈:၁၂-၁၄)
1ဟက်တာကရပ် အခွန်ကုန်ဟေကားလူးအိမ် အပြစ်ဒုစရိုက်သမားရက်နာ ကိုယ်တော်ယေရှုဂါ တရားတော်အင် အတေးကဇီ ထုန်ဗာ(ဖ်)ကဟေ။ 2အိမ်မှကရပ် ဖာရိရှဲရက်အိမ် ကျမ်းတတ်ဆရာရက်နာ "မှလူးနာ ဒုစရိုက်အပြစ်ဆားရက်အိမ် ခင်မင်အရောနှောတုန်းကတောင်မဒင့် အမှာရက်အိမ်မက်တာ ဆားဂို့တုန်းဟေကျော့" ငါ့ဂို့ ဝေဖန်တုန်းကဟေ။ 3မှအကြောင်း ကိုယ်တော်ယေရှုနာ အမှာရက်အင် ပုံဥပမာဆူးဝါအိမ် ငှားဆနပ်ကနာ 4"နနိန်ရက်ကမား သိုးအကောင်တစ်ရာငါ့ကို အိမ်မာသိုးအုပ်ထဲယာက တစ်ကောင်ပျောက်ကလင်နဲ့ နင်နာ သိုးကိုးဆယ့်ကိုးကောင်ငင် လုံခြုံကအကြိုးဆာဟင်းငါ ပီဒက်ဂို့ ပျောက်ကလင်ဂါး သိုးတစ်ကောင်ငင် အပိုမချင်းဆုံးလင်ကအရိလဲ။ 5ပြန်ဂို့ပေါ်ကရပ်အ(လ်) အိမ်မသိုးယင် ပက်ခုံးဖုံးငါတင်ကို ဝမ်းမြောက်ဝမ်းသာအိမ် ကိန်းငါပြန့်ငန်ကို့ 6ကိန်းတောင်ဘင်းရက်အင်ယေ့ အော်ကို့"ငါ့က ပျောက်ကလင်ကားသိုးယင် ပြန်ကိုပိုငင်နန်းဖြစ်ကို ငါအိမ်မက်တာ ဝမ်းသာယင့်ဂီး"ငါ့ကို ငါ့လင်ကား။ 7အိမ်မဒေလေ နနိန်ရက်ဇိစ် ငါငါ့ဆနပ်အန်ကား ဖြောင့်မတ်မှန်ကန်ငါ့ကို ထင်တုန်းဟေကလူး ကိုးဆယ်ကိုးယောက်တောင်မဒင့် အပြစ်ဒုစရိုက်ရက်အင် နောင်တသံဝေဂလူကို ဘုရားရှင်ဘက်အာ ပြန်ကို့ဗန်(ဖ်)ကလူးဟူးဝါအတွက် ရွှေမြို့တော်ဝါငါဟေကား ဘုရားရှင်အိမ် အမာကဟမန်းဒေဝါရက်နာ တဗျင်း ဝမ်းမြောက်ဝမ်းသာငါ့လင်ကား"ငါ့ကို ငါ့လင်ကဟေ။
ငွေဒင်္ဂါးတစ်ပြား
8ကျီးကအိမ် ကိုယ်တော်ယေရှုနာ လူးပရိတ်သတ်ရက်အင် အယိုကာပုံဥပမာတစ်ပုဒ် ငါးဆနပ်ကနာ " တင်္ဂါးဆယ်ပြားငါဟေက တဆလောင်ဟူးဝါဂါး တစ်ပြားပျောက်ကလင်နဲ့ အမှာနာ မီးအိမ်ငင်ထွန်းဂို ကိန်းငင် ဆဖြတ်ဖြတ်ဂို့ အပိုမချင်းဆုံးဟေအရိလဲ။ 9ပြန်ကိုပိုဟေကရပ်အ(လ်) အမာနာ မိတ်ဆွေရက်အိမ် ကိန်းတောင်ဘင်ရက်အင်အော်ကို "ပျောက်ကလင်ကားတင်္ဂါငင် ပြန်ကိုပိုဝင်နန်းဖြစ်ကို ဝမ်းသာယင့်ဂီး"ငါ့ကို ငါ့လင်ကား။ 10နနိန်ရက်အင် ငါငန်းကား။ အိမ်မားဒေလေဟုန်း နောင်တသံဝေဂလှုကို ဘုရားရှင်ကဘက်အာ ပြန့်ဗန်(ဖ်)ကလူးဟူးဝါကအတွက်အင်ဒင့် ဘုရားရှင်အိမ် အမာက ဟမန်းဒေဝါရက်ကရှေ့ယာ ဝမ်းမြောက်ဝမ်းသာဖြစ်ဟေ"ငါ့ကို ငါ့လင်ကဟေ။
ပျောက်ကလင်ဟေကားအဆာ
11ဆက်ကို့ ကိုယ်တော်နာ အယောက်ကတန်ဓူတစ်ပုဒ်အိမ် ငါ့ဆနပ်ကနာ " ဟက်တာကရပ်နာ လူးဟူးဝါကနာ အဆာနိန်ဟူးငါ့လင်ကဟေ။ 12ယက်တာကရပ် အဆာမန်ဆာနာ အမာကအဗာ(ဖ်)ဖြစ်ကလူးယင် "အဗာ(ဖ်)၊ အဗား(ဖ်)အဆိန်းမိ ငါကလူသင့်လူထိုက်ကား အမွေရက်အင် အတတ်တင့် မန်အီယန်" ငါ့ကို တောင်းဆိုလင်ကတောင်း အဗာ(ဖ်)ယေ သဘောတူနက်ကို့ အဆာနိန်ဟူးဝါဇိစ် အမာကပိုင်ဆိုင်မူရက်အင် အမွေခွဲအီလင်ကဟေ။ 13နှိမ့်ယက်ဆုံးယက် ကြားဟေကရပ် အဆာမာန်ဆာနာ အမာကလူဟေကား အမွေရက်အင်အချေးကို့ ငါဟေကားတင်္ဂါရက်အင် လာကို လင်းစံဟေကားတိုင်းပြည်ယာ လင်လင်ကဟေ။ အိမ်မှတိုင်းပြည်ယာထုန်ဟေကရပ် ဘဝယင်လွယ်လွယ်ကူကူအိမ်ဖြတ်သန်းကို့ အရက်အူဆားကို့ ငါဟေကားတင်္ဂါရက်အင် ဖြုန်းဓူ(ဖ်)လင်ကဟေ။ 14အိမ်မားနောက်အာ အမာကတင်္ဂါရက်အင် ဆုံမနီးသုံးကိုကျီးဟေကရပ် အိမ်မားတိုင်ပြည်အနှံ့ယာ အစာရေစာရုံဟေကား ကပ်ဆိုက်ကအတွက် အမာယေ့ ဆင်းရဲငမ်းမွတ်ကဘဝယာထုန်လင်ကဟေ။ 15မှအကြောင့် အမာနာ အိမ်မားတိုင်းပြည်က လယ်သမားဟူးဝါကမားလင်ကို အလိစ်အီကဇိစ် တောင်းပန်ကရပ် အိမ်မာလူးနာ အဆာမန်ဆာယာ အမာကခြံထဲယာကဗက်(ဖ်)အင် ထိန်းကျောင်းကဇိစ် ဖြောက်နက်ကဟေ။ 16အိမ်မှတိုင်းပြည်ယာငါ့ဟေက လူးရက်နာ အမာဇိစ် ဆူးယေ့ကဆာကဇမ်း အအီကတောင်း အမာနာ တဗျင်းပုတ်ရုံတုန်းကို့ ဗက်ရက်ဆာတုန်းက အကြိုဝင်ဒင့် ဆာကက်တုန်းလင်ကဟေ။ 17နောက်ဆုံးငါက(လ်) အမာနာ အသိတရားပြန့်ဆင်ကို "အဗာ(ဖ်)ကကိန်းငါ အလိစ်သမားရက် ဘောင်းကိုငါ့ကယေ့ အမာရက်နာ ဆာကဇမ်းရက်ဘောင်းကိုဆာပေါ်ဟေ။ ငါကက(လ်) မှနေရာယာ ဆာကဇမ်းအငါထမ်း ရုံကို့ ဆိန်းပေါ်ကဟေ။ 18ငါနာ အတတ်တင့်ရိကို့ မှနေရာဘင်းပြုကို့ အဗာ(ဖ်)ထနဲ့ပြန့်လင်ကို့ "အဗား(ဖ်)၊ ငါနာ ဘုရားရှင်ငင်ယေ့ပါ၊ အဗား(ဖ်)ယေ့ပါ ပြစ်မှားတိန်ဒက်နန်း။ 19ငင် အဆာဟူးဝါငါ့ကို အသတ်မှတ်အန်ဒေဟဲ။ မှအကြောင့် အဗား(ဖ်) တင်္ဂါအီကို့ဖန်းဟေကား အငှားဆာထဲယာက ဟူးဝါးတလည်မေ ဆက်ဆံအန်ဒက်" ငါးဂို့ ပြိစ်ကငါ့ကို စဉ်းစားတုန်းလင်ကဟေ။ 20မှနောက်အာ အဆာမာန်ဆာနာ ရိပ်ကို အမာကအဗာ(ဖ်)ကကိန်းငါ ပြန့်ဗန်(ဖ်)လင်ကဟေ။ အမာနာ ကိန်းအိမ်းလင်းစံဗြောင်ဆာနားထုန်ဟေကအချိန်ငါ အဗာ(ဖ်)နာ အမာကအဆာဗန်တုန်းက ပိုနက်ဟေကရပ် သနားလင်ကဟေ။ အဆာမန်ဆာ ကတ်ကိုကြိုးဆိုကို ကဘယ်ကို အတိ(လ်) လင်ကဟေ။ 21အဆာမန်ဆာယေ့ "အဗာ(ဖ်) ၊ ငါနာ ဘုရားရှင်ငင်ပါ ၊ အဗာ(ဖ်)ယေပါ အပြစ်လိစ်ဒက်တိနန်း။ ငင် အဗား(ဖ်)က အဆာငါ့ကိုအသတ်မှတ်အန်ဒေဟေ့#15:21 တစ်ချို့ကျမ်းစာယာ ငင် အငှားဆာဟူးဝါမယ် သတ်မှတ်အန်ဒက်ငါ့ကို ငါ့ပီဟေ။ "ငါ့ကို ငါနက်ကဟေ။ 22ညီးင့ဒင့်ယေ့ အဗား(ဖ်)ဖြစ်ကလူးနာ အငှားဆာရက်အင် ဟော်အော်ကို့ "အဝတ်မှီရက် မလားလာလင်ဂို့ အမင်တူအီယင့်။ တာဟူးဝါယေ့ နစောက်စောက်အီကို၊ ဖိနပ်စောက်အီနာအင်။ 23ဆူဖြိုးဟေကဆမုတ်တစ်ကောင်ငင် ကတိုက်ကို့ ကံဟြုံယင့်ဂီး။ ငါရက် ပျော်ပွဲရွှင်ပွဲ ကျင်းပကို့ ဆာအူကဟေ့မက်။ 24အဇာရိကို့အငါနဲ့ ငါဂါးအဆာနာ ဆိန်းကန်နန်းငါ့ကို ထင်ပီဒက်ကယေ့ အတတ်အဆက်ဆိမ်းကို့ ငါထနဲ့ပြန့်ဗန်နန်းဖြစ်ဟေ။ ပျောက်ကလင်နန်းငါကို ထင်ပီဒက်ကယေ့ အတတ်အမာထုန်ဗာ(ဖ်)နန်းဖြစ်ဟေ" ငါးဂို့ အမာရက်နာ မက်တာပျော်ပွဲရွှင်ပွဲ လိစ်လင်ကဟေ။ 25အိမ်မာအချိန်ငါ လယ်ဒါ အလိစ်လိစ်တုန်းကား အဆာပြာနာ အလိစ်သိမ်းချိန်ထုန်ကို့ ကိန်းငါပြန့်ငန်ကအချိန်ငါ ကိန်းအနားဆာထုန်ကရပ် အတေးဟြင်းအကြာရက်အိမ် ဇာတ်အဆားတုန်းကအကြာရက်အင် တတ်လင်ကဟေ။ 26အိမ်မှကရပ် အမှာနာ အငှားဆာဟူးဝါးယင် အော်ကို "အဇာရက်ဖြစ်တုန်းဟေကယာ" ငါးဂို့ ကတာလင်ကဟေ။ 27အငှားဆာယေ့ "နင်ကအဗာ(ဖ်)နာ ဆူဖြိုးဟေကဆာမုတ်အင် ကတိုက်ကဖမ်းကို့ ကံဟြုရ်ကို့ ပျော်ပွဲရွှင်ပွဲ ကျင့်ပတုန်းကဖြစ်ဟေ"ငါ့ကို ဖြေလင်ကဟေ။ အဇာရိကို့အငါနဲ့ နင်ကအနည်းဆီနာ ဘေးကင်းကင်းအိမ် ပြန့်ကိုထုန်ဗာ(ဖ်)ကတောင်းဖြစ်ဟေ။ 28အိမ်မားအခါ အဆာပြာနာ တဗျင်းမာန်ချေဂို ကိန်းအတာဟုန်းငါအဆင်ထမ်း တုန်းလင်ကဟေ။ အဗား(ဖ်)နာ အပြင်ငါပြုယောဝန်ကို ဖျောင်းဖျလင်ကဟေ။ 29ညီးငါ့ဒင့်ယေ အဆာပြာနာ အဗား(ဖ်)အတေးယန်ဟနိမ့် "ငါနာ အဗာ(ဖ်)ဖန်းဟေကစုတ်ရက်အင် တသွေမတိန်းလိုက်နာကို နှစ်ပေါင်းများစွာ အငှားဆာဒေလေ အလိစ်လိစ်ကို ပြုစုဒက်ကယဲ့ အဗာ(ဖ်)နာ ငါကအဖက်ရက်အိမ်မက်တာ ပျော်ပွဲရွှင်ပွဲလိစ်ကဇိစ် ကာပိတရာအိမ်ဒင့် ပါ(လ်)လိစ်ကို အအီဒက်ပါ(လ်)။ 30ညီးင့ဒင့်ယေ့ မှအဆာမန်ဆာနာ အဗာ(ဖ်)ကပစ္စည်းဥစ္စာရက်အင် ပြည့်တန်ဆာရက်အိမ် ဖြုန်းတီးကိုပြန့်ငန်ကရပ် အဗာ(ဖ်)နာ ဆူဖြိုးဟေကဆမုတ်ဆာကတိုက်ကို ပျော်ပွဲရွှင်ပွဲကျင်းပအီဟေ"ငါ့ကို ငါ့နက်ကဟေ။ 31အဗား(ဖ်)ယေ့ "ငါကအဆာ၊ နင်နာ ငါအိမ်မက်တာ ရက်ပိုက်ငါ့တုန်းကဖြစ်ကို ငါပိုင်ဆိုင်ဟေက ပစ္စည်းဥစ္စာရက်နာ နင်ဂါအတွက်မယ်ဖြစ်ဟေ။ 32ညီးင့ဒင့်ယေ့ "နင်ကအနေးဆီနာ ဆိန်းယင်နန်းငါ့ကိုထင်ပီကယေ့ အတတ်အဆက်ဆိမ်းကို့ ပြန့်ဗန်(ဖ်)နန်း။ ပျောက်ကလင်နန်းကိုထင်ပီဒက်ကယေ့ အတတ်ပြန်ကိုပိုဝင်နန်း ဖြစ်ကို ငါရက်ဝမ်းမြောက်ပျော်ရွှင်သင့်ဟေ'ငါကို ငါ့ဆနပ်လင်ကဟေ"ငါ့ကို ဖြစ်ဟေ။
Currently Selected:
လုကာ 15: CKH
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 15
15
အခန်း (၁၅)
ပျောက်ကလင်ဟေကားသိုး
(မဿဲ ၁၈:၁၂-၁၄)
1ဟက်တာကရပ် အခွန်ကုန်ဟေကားလူးအိမ် အပြစ်ဒုစရိုက်သမားရက်နာ ကိုယ်တော်ယေရှုဂါ တရားတော်အင် အတေးကဇီ ထုန်ဗာ(ဖ်)ကဟေ။ 2အိမ်မှကရပ် ဖာရိရှဲရက်အိမ် ကျမ်းတတ်ဆရာရက်နာ "မှလူးနာ ဒုစရိုက်အပြစ်ဆားရက်အိမ် ခင်မင်အရောနှောတုန်းကတောင်မဒင့် အမှာရက်အိမ်မက်တာ ဆားဂို့တုန်းဟေကျော့" ငါ့ဂို့ ဝေဖန်တုန်းကဟေ။ 3မှအကြောင်း ကိုယ်တော်ယေရှုနာ အမှာရက်အင် ပုံဥပမာဆူးဝါအိမ် ငှားဆနပ်ကနာ 4"နနိန်ရက်ကမား သိုးအကောင်တစ်ရာငါ့ကို အိမ်မာသိုးအုပ်ထဲယာက တစ်ကောင်ပျောက်ကလင်နဲ့ နင်နာ သိုးကိုးဆယ့်ကိုးကောင်ငင် လုံခြုံကအကြိုးဆာဟင်းငါ ပီဒက်ဂို့ ပျောက်ကလင်ဂါး သိုးတစ်ကောင်ငင် အပိုမချင်းဆုံးလင်ကအရိလဲ။ 5ပြန်ဂို့ပေါ်ကရပ်အ(လ်) အိမ်မသိုးယင် ပက်ခုံးဖုံးငါတင်ကို ဝမ်းမြောက်ဝမ်းသာအိမ် ကိန်းငါပြန့်ငန်ကို့ 6ကိန်းတောင်ဘင်းရက်အင်ယေ့ အော်ကို့"ငါ့က ပျောက်ကလင်ကားသိုးယင် ပြန်ကိုပိုငင်နန်းဖြစ်ကို ငါအိမ်မက်တာ ဝမ်းသာယင့်ဂီး"ငါ့ကို ငါ့လင်ကား။ 7အိမ်မဒေလေ နနိန်ရက်ဇိစ် ငါငါ့ဆနပ်အန်ကား ဖြောင့်မတ်မှန်ကန်ငါ့ကို ထင်တုန်းဟေကလူး ကိုးဆယ်ကိုးယောက်တောင်မဒင့် အပြစ်ဒုစရိုက်ရက်အင် နောင်တသံဝေဂလူကို ဘုရားရှင်ဘက်အာ ပြန်ကို့ဗန်(ဖ်)ကလူးဟူးဝါအတွက် ရွှေမြို့တော်ဝါငါဟေကား ဘုရားရှင်အိမ် အမာကဟမန်းဒေဝါရက်နာ တဗျင်း ဝမ်းမြောက်ဝမ်းသာငါ့လင်ကား"ငါ့ကို ငါ့လင်ကဟေ။
ငွေဒင်္ဂါးတစ်ပြား
8ကျီးကအိမ် ကိုယ်တော်ယေရှုနာ လူးပရိတ်သတ်ရက်အင် အယိုကာပုံဥပမာတစ်ပုဒ် ငါးဆနပ်ကနာ " တင်္ဂါးဆယ်ပြားငါဟေက တဆလောင်ဟူးဝါဂါး တစ်ပြားပျောက်ကလင်နဲ့ အမှာနာ မီးအိမ်ငင်ထွန်းဂို ကိန်းငင် ဆဖြတ်ဖြတ်ဂို့ အပိုမချင်းဆုံးဟေအရိလဲ။ 9ပြန်ကိုပိုဟေကရပ်အ(လ်) အမာနာ မိတ်ဆွေရက်အိမ် ကိန်းတောင်ဘင်ရက်အင်အော်ကို "ပျောက်ကလင်ကားတင်္ဂါငင် ပြန်ကိုပိုဝင်နန်းဖြစ်ကို ဝမ်းသာယင့်ဂီး"ငါ့ကို ငါ့လင်ကား။ 10နနိန်ရက်အင် ငါငန်းကား။ အိမ်မားဒေလေဟုန်း နောင်တသံဝေဂလှုကို ဘုရားရှင်ကဘက်အာ ပြန့်ဗန်(ဖ်)ကလူးဟူးဝါကအတွက်အင်ဒင့် ဘုရားရှင်အိမ် အမာက ဟမန်းဒေဝါရက်ကရှေ့ယာ ဝမ်းမြောက်ဝမ်းသာဖြစ်ဟေ"ငါ့ကို ငါ့လင်ကဟေ။
ပျောက်ကလင်ဟေကားအဆာ
11ဆက်ကို့ ကိုယ်တော်နာ အယောက်ကတန်ဓူတစ်ပုဒ်အိမ် ငါ့ဆနပ်ကနာ " ဟက်တာကရပ်နာ လူးဟူးဝါကနာ အဆာနိန်ဟူးငါ့လင်ကဟေ။ 12ယက်တာကရပ် အဆာမန်ဆာနာ အမာကအဗာ(ဖ်)ဖြစ်ကလူးယင် "အဗာ(ဖ်)၊ အဗား(ဖ်)အဆိန်းမိ ငါကလူသင့်လူထိုက်ကား အမွေရက်အင် အတတ်တင့် မန်အီယန်" ငါ့ကို တောင်းဆိုလင်ကတောင်း အဗာ(ဖ်)ယေ သဘောတူနက်ကို့ အဆာနိန်ဟူးဝါဇိစ် အမာကပိုင်ဆိုင်မူရက်အင် အမွေခွဲအီလင်ကဟေ။ 13နှိမ့်ယက်ဆုံးယက် ကြားဟေကရပ် အဆာမာန်ဆာနာ အမာကလူဟေကား အမွေရက်အင်အချေးကို့ ငါဟေကားတင်္ဂါရက်အင် လာကို လင်းစံဟေကားတိုင်းပြည်ယာ လင်လင်ကဟေ။ အိမ်မှတိုင်းပြည်ယာထုန်ဟေကရပ် ဘဝယင်လွယ်လွယ်ကူကူအိမ်ဖြတ်သန်းကို့ အရက်အူဆားကို့ ငါဟေကားတင်္ဂါရက်အင် ဖြုန်းဓူ(ဖ်)လင်ကဟေ။ 14အိမ်မားနောက်အာ အမာကတင်္ဂါရက်အင် ဆုံမနီးသုံးကိုကျီးဟေကရပ် အိမ်မားတိုင်ပြည်အနှံ့ယာ အစာရေစာရုံဟေကား ကပ်ဆိုက်ကအတွက် အမာယေ့ ဆင်းရဲငမ်းမွတ်ကဘဝယာထုန်လင်ကဟေ။ 15မှအကြောင့် အမာနာ အိမ်မားတိုင်းပြည်က လယ်သမားဟူးဝါကမားလင်ကို အလိစ်အီကဇိစ် တောင်းပန်ကရပ် အိမ်မာလူးနာ အဆာမန်ဆာယာ အမာကခြံထဲယာကဗက်(ဖ်)အင် ထိန်းကျောင်းကဇိစ် ဖြောက်နက်ကဟေ။ 16အိမ်မှတိုင်းပြည်ယာငါ့ဟေက လူးရက်နာ အမာဇိစ် ဆူးယေ့ကဆာကဇမ်း အအီကတောင်း အမာနာ တဗျင်းပုတ်ရုံတုန်းကို့ ဗက်ရက်ဆာတုန်းက အကြိုဝင်ဒင့် ဆာကက်တုန်းလင်ကဟေ။ 17နောက်ဆုံးငါက(လ်) အမာနာ အသိတရားပြန့်ဆင်ကို "အဗာ(ဖ်)ကကိန်းငါ အလိစ်သမားရက် ဘောင်းကိုငါ့ကယေ့ အမာရက်နာ ဆာကဇမ်းရက်ဘောင်းကိုဆာပေါ်ဟေ။ ငါကက(လ်) မှနေရာယာ ဆာကဇမ်းအငါထမ်း ရုံကို့ ဆိန်းပေါ်ကဟေ။ 18ငါနာ အတတ်တင့်ရိကို့ မှနေရာဘင်းပြုကို့ အဗာ(ဖ်)ထနဲ့ပြန့်လင်ကို့ "အဗား(ဖ်)၊ ငါနာ ဘုရားရှင်ငင်ယေ့ပါ၊ အဗား(ဖ်)ယေ့ပါ ပြစ်မှားတိန်ဒက်နန်း။ 19ငင် အဆာဟူးဝါငါ့ကို အသတ်မှတ်အန်ဒေဟဲ။ မှအကြောင့် အဗား(ဖ်) တင်္ဂါအီကို့ဖန်းဟေကား အငှားဆာထဲယာက ဟူးဝါးတလည်မေ ဆက်ဆံအန်ဒက်" ငါးဂို့ ပြိစ်ကငါ့ကို စဉ်းစားတုန်းလင်ကဟေ။ 20မှနောက်အာ အဆာမာန်ဆာနာ ရိပ်ကို အမာကအဗာ(ဖ်)ကကိန်းငါ ပြန့်ဗန်(ဖ်)လင်ကဟေ။ အမာနာ ကိန်းအိမ်းလင်းစံဗြောင်ဆာနားထုန်ဟေကအချိန်ငါ အဗာ(ဖ်)နာ အမာကအဆာဗန်တုန်းက ပိုနက်ဟေကရပ် သနားလင်ကဟေ။ အဆာမန်ဆာ ကတ်ကိုကြိုးဆိုကို ကဘယ်ကို အတိ(လ်) လင်ကဟေ။ 21အဆာမန်ဆာယေ့ "အဗာ(ဖ်) ၊ ငါနာ ဘုရားရှင်ငင်ပါ ၊ အဗာ(ဖ်)ယေပါ အပြစ်လိစ်ဒက်တိနန်း။ ငင် အဗား(ဖ်)က အဆာငါ့ကိုအသတ်မှတ်အန်ဒေဟေ့#15:21 တစ်ချို့ကျမ်းစာယာ ငင် အငှားဆာဟူးဝါမယ် သတ်မှတ်အန်ဒက်ငါ့ကို ငါ့ပီဟေ။ "ငါ့ကို ငါနက်ကဟေ။ 22ညီးင့ဒင့်ယေ့ အဗား(ဖ်)ဖြစ်ကလူးနာ အငှားဆာရက်အင် ဟော်အော်ကို့ "အဝတ်မှီရက် မလားလာလင်ဂို့ အမင်တူအီယင့်။ တာဟူးဝါယေ့ နစောက်စောက်အီကို၊ ဖိနပ်စောက်အီနာအင်။ 23ဆူဖြိုးဟေကဆမုတ်တစ်ကောင်ငင် ကတိုက်ကို့ ကံဟြုံယင့်ဂီး။ ငါရက် ပျော်ပွဲရွှင်ပွဲ ကျင်းပကို့ ဆာအူကဟေ့မက်။ 24အဇာရိကို့အငါနဲ့ ငါဂါးအဆာနာ ဆိန်းကန်နန်းငါ့ကို ထင်ပီဒက်ကယေ့ အတတ်အဆက်ဆိမ်းကို့ ငါထနဲ့ပြန့်ဗန်နန်းဖြစ်ဟေ။ ပျောက်ကလင်နန်းငါကို ထင်ပီဒက်ကယေ့ အတတ်အမာထုန်ဗာ(ဖ်)နန်းဖြစ်ဟေ" ငါးဂို့ အမာရက်နာ မက်တာပျော်ပွဲရွှင်ပွဲ လိစ်လင်ကဟေ။ 25အိမ်မာအချိန်ငါ လယ်ဒါ အလိစ်လိစ်တုန်းကား အဆာပြာနာ အလိစ်သိမ်းချိန်ထုန်ကို့ ကိန်းငါပြန့်ငန်ကအချိန်ငါ ကိန်းအနားဆာထုန်ကရပ် အတေးဟြင်းအကြာရက်အိမ် ဇာတ်အဆားတုန်းကအကြာရက်အင် တတ်လင်ကဟေ။ 26အိမ်မှကရပ် အမှာနာ အငှားဆာဟူးဝါးယင် အော်ကို "အဇာရက်ဖြစ်တုန်းဟေကယာ" ငါးဂို့ ကတာလင်ကဟေ။ 27အငှားဆာယေ့ "နင်ကအဗာ(ဖ်)နာ ဆူဖြိုးဟေကဆာမုတ်အင် ကတိုက်ကဖမ်းကို့ ကံဟြုရ်ကို့ ပျော်ပွဲရွှင်ပွဲ ကျင့်ပတုန်းကဖြစ်ဟေ"ငါ့ကို ဖြေလင်ကဟေ။ အဇာရိကို့အငါနဲ့ နင်ကအနည်းဆီနာ ဘေးကင်းကင်းအိမ် ပြန့်ကိုထုန်ဗာ(ဖ်)ကတောင်းဖြစ်ဟေ။ 28အိမ်မားအခါ အဆာပြာနာ တဗျင်းမာန်ချေဂို ကိန်းအတာဟုန်းငါအဆင်ထမ်း တုန်းလင်ကဟေ။ အဗား(ဖ်)နာ အပြင်ငါပြုယောဝန်ကို ဖျောင်းဖျလင်ကဟေ။ 29ညီးငါ့ဒင့်ယေ အဆာပြာနာ အဗား(ဖ်)အတေးယန်ဟနိမ့် "ငါနာ အဗာ(ဖ်)ဖန်းဟေကစုတ်ရက်အင် တသွေမတိန်းလိုက်နာကို နှစ်ပေါင်းများစွာ အငှားဆာဒေလေ အလိစ်လိစ်ကို ပြုစုဒက်ကယဲ့ အဗာ(ဖ်)နာ ငါကအဖက်ရက်အိမ်မက်တာ ပျော်ပွဲရွှင်ပွဲလိစ်ကဇိစ် ကာပိတရာအိမ်ဒင့် ပါ(လ်)လိစ်ကို အအီဒက်ပါ(လ်)။ 30ညီးင့ဒင့်ယေ့ မှအဆာမန်ဆာနာ အဗာ(ဖ်)ကပစ္စည်းဥစ္စာရက်အင် ပြည့်တန်ဆာရက်အိမ် ဖြုန်းတီးကိုပြန့်ငန်ကရပ် အဗာ(ဖ်)နာ ဆူဖြိုးဟေကဆမုတ်ဆာကတိုက်ကို ပျော်ပွဲရွှင်ပွဲကျင်းပအီဟေ"ငါ့ကို ငါ့နက်ကဟေ။ 31အဗား(ဖ်)ယေ့ "ငါကအဆာ၊ နင်နာ ငါအိမ်မက်တာ ရက်ပိုက်ငါ့တုန်းကဖြစ်ကို ငါပိုင်ဆိုင်ဟေက ပစ္စည်းဥစ္စာရက်နာ နင်ဂါအတွက်မယ်ဖြစ်ဟေ။ 32ညီးင့ဒင့်ယေ့ "နင်ကအနေးဆီနာ ဆိန်းယင်နန်းငါ့ကိုထင်ပီကယေ့ အတတ်အဆက်ဆိမ်းကို့ ပြန့်ဗန်(ဖ်)နန်း။ ပျောက်ကလင်နန်းကိုထင်ပီဒက်ကယေ့ အတတ်ပြန်ကိုပိုဝင်နန်း ဖြစ်ကို ငါရက်ဝမ်းမြောက်ပျော်ရွှင်သင့်ဟေ'ငါကို ငါ့ဆနပ်လင်ကဟေ"ငါ့ကို ဖြစ်ဟေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.