Luke 4
4
Andidiɔk Odomo Jesus
(Matthew 4.1-11; Mark 1.12-13)
1Ke ini John ɔduɔkde Jesus mmuɔŋ ama, Jesus ɔyɔk ma edisana spirit, oto ke Jordan edi, ndien spirit Abasi ada-e usuŋ aka ke nchad Isɔŋ.
2Ke usen aba, andidiɔk odomo-e, ndien idia ŋkpɔ ke mme usen odo, ndien ɔbiɔŋ ɔdɔŋ-e.
3Ndien andidiɔk ɔdɔhɔ-e ete, “mese edede eyen Abasi, nam itiad eken akabade uyo.”
4Ede Jesus ɔbɔrɔ-e ete, “ema ewed ke ikɔ Abasi ete, idaha uyo ɔkpɔŋ se owo adia odu uwem, ede ke kpukpru ikɔ eke ɔwɔrɔde Abasi ke inua.”
5Ekem, andidiɔk ada-e aka okoŋkoŋ ɔbud, awiri-e ubɔŋ ke kpukpru obio ke ererimbon, ke ibio ini.
6Ede andidiɔk ɔdɔhɔ-e ete, “nnɔnɔ fin kpukpru odudu ma ubɔŋ ererimbon eken; koro odu ke idak ukara mmi, ndien nyayak nnɔ owo eke mmade.
7Ndien, mese enyimede ituak ibuod nnɔ min, kpukpru idede okuo.”
8Ede Jesus ɔbɔrɔ-e ete, “da min ke edem, andidiɔk! Koro ema ewed ete, tuak ibuod nnɔ Ɔbɔŋ Abasi mfo ɔkpɔŋ, nam ŋkpɔ nnɔ-e ɔkpɔŋ.”
9Ekem andidiɔk ada-e aka ke Jerusalem ke ŋkoŋkoŋ itie ke temple ete, “mese edede eyen Abasi sio idemfo duɔk ke isɔŋ.
10Koro ema ewed ete:
Inɔnɔ mme Angel nsie uyo ete,
Ekpeme fin, 11Koro mmɔ ikakama
Fin ke ubɔk mmɔ,
Bak utuak ukod ke itiad uda unan.”
12Ede Jesus ɔdɔhɔ-e ete, “ama atatiŋ ke ikɔ Abasi ete. Kudome Ɔbɔŋ Abasi mfo.”
13Ke andidiɔk ama okodomo-e ama, edaha ɔkpɔŋ-e tutu ini afin.
Jesus ɔtɔŋɔ Ukwɔrɔikɔ ke Galilee
(Matthew 4.12-17; Mark 1.14,15)
14Ede Jesus afiak aka Galilee ke odudu edisana spirit, ndien etop abaŋade-e asuana ke kpukpru nkanŋkuk odo.
15Ndien Jesus ekpep mmɔ ŋkpɔ ke itie ukpono mme Jew, kpukpru owo otoro-e.
Echin Jesus Ke Nazareth
(Matthew 13.54-58; Mark 6.1-6)
16Ekem Jesus edi ke obio Nazareth, ke itie eke mmɔ ɔkɔbɔkde-e, nte ido nsie edede, ndien eduk ke itie ukpono mme Jew, ke usen sabbath, ekuod ŋwed ɔnɔ mmɔ 17Ndien owo ɔnɔ-e ŋwed asiak uduak Isaiah, ke ini ekubɔdede, ekud itie eke mmɔ ewed-de
18“Spirit Abasi odoro Min ke idem,
Koro ama eyed Min arin ete
Ŋkwɔrɔ etimbuk nnɔ nditɔŋ ubuene,
Ma mben eke echid ɔbuɔŋɔde, afiak
Ɔdɔŋ Min ete nkwɔrɔ uwɔrɔ ufun nnɔ mbuod ekɔŋ,
Mfiak nnam mme nnan okud usuŋ,
Mfiak sana mmɔ eke efikde nyak;
19Mfiak ŋkwɔrɔ isua mfanido Abasi.”
20Ke ini ekuotde ŋwed ama, ekubi ŋwed eyak ɔnɔ eyen utom, esuhɔre etietie, kpukpru mmɔ ekedude ke itie ukpono mme Jew asak iso eche-e.
21Ndien edɔhɔ mmɔ ete, “ikɔ ŋwed Abasi eken, ɔwɔrɔ osu mfin eken ke utɔŋ mbufo.”
22Kpukpru owo atiŋ eti ikɔ abaŋa-e, idem akpa mmɔ abaŋa ikɔ mfan eke ɔwɔrɔd-e ke inua, mmɔ ɔdɔhɔ ete, “ah owo eken idaha eyen Joseph?”
23Ede edɔhɔ mmɔ ete, “mbufo itatiŋ ikɔ ŋke eken ma ami, owo-usɔbɔ, kɔk idemfo nte akanamde ke capernaum, nam suhɔ ntoro ke obio mfo.”
24Ndien ndɔhɔ mbufo nte, “ke akpanikɔ, asiak uduak inanake ukpono ke mibɔhɔke ke obio nsie.
25Ede kere ŋkpɔ eken, ndɔhɔ mbufo nte uwak-uwak ebekpa amadu ke Israel ke ini Elijah, ke ini ekekɔbide ikpa ɔnyɔŋ ke isua ita ma ɔfiɔŋ itiochied ke ini akwa akaŋ odude ke Israel.
26Abasi ikɔdɔŋke Elijah echiene ebekpa ke Israel chied-chied midaha ebekpa eke odude ke Zarephath ke sidon.
27Uwak-uwak akpa mfia amadu ke israel ke oyo asiak uduak Elisha, ede inamke owo mmɔ chied-chied asana, midaha Naaman owo Syria.”
28Kpukpru mmɔ eke edude ke itie ukpono mme Jew ɔyɔhɔ ma ifurechid ke ini mmɔ okopde ŋkpɔ eken.
29Ke ini mmɔ adahade ke ɔnyɔŋ, mmɔ ebin-e osio ke obio aka ke ibuod ɔbud, ma mmɔ otop-e ɔduɔk.
30Ede ebe-e ke ufuɔd mmɔ ɔnyɔŋ.
Jesus Ebin Idiɔk Spirit ɔduɔk
(Mark 1.21-28)
31Ndien Jesus aka-a ke capernaum, ke obio Galilee, ekekpep ŋkpɔ ke mme usen sabbath.
32Ndien idem akpa mmɔ ke ukpep ŋkpɔ nsie, koro etiŋde ikɔ ke odudu.
33Do ke itie ukpono mme Jew, owo chied odu eke enyenede idiɔk odudu, ndien efieri ke ɔkpɔsɔŋ uyo ete.
34Nsaŋa nso ma ofo Jesus eyen Nazareth? “Daha kpɔŋ nnyin nte edi isobo nnyin? Mɔdiɔŋɔ se ofo edede, edisana eyen Abasi!”
35Ndien Jesus asua ɔnɔ-e ete, “kubi inua mfo, ndien wɔrɔ ke idem nsie!” Ke ini eduɔde ke iso mmɔ, idiɔk odudu ɔwɔrɔ-e ke idem, inamke-e ŋkpɔ chied-chied.
36Ndien mkpaidem omum kpukpru mmɔ, mmɔ atiŋ ma chied eken ete, “nsutɔ ikɔ oduomi? Eke edade ɔkpɔsɔŋ odudu ebin idiɔk odudu osio.”
37Ndien etop nsie asuana ke kpukpru nkanŋkuk odo.
Jesus Ɔkɔk Eka Aŋwan Peter
(Matthew 8.14,15; Mark 1.29-31)
38Nte ewɔrɔde ke itie ukpono mme Jew, eduk ke ufɔk Simon, eka-aŋwan Simon ɔdɔŋɔ ufiop idem ndien mmɔ ebeŋe-e ete enam udɔŋɔ nsie ekwere.
39Ndien Jesus ada ekpere-e ndien asua ɔnɔ ufiop idem, ndien ufiop idem ɔkpɔŋ-e, eka aŋwan Peter edadaha anam udia ɔnɔ mmɔ.
Uwak Owo Ɔbɔ Ukɔk Udɔŋɔ
(Matthew 8.16,17; Mark 1.32-34)
40Nte utin ɔtɔŋɔde isuhɔre, eda kpukpru mben eke ɔdɔŋɔde nsioŋo-nsioŋo udɔŋɔ ɔsɔk-e, Jesus odori mmɔ owo chied-chied ubɔk, kpukpru udɔŋɔ mmɔ ekwere.
41Ndien uwak owo eke enyenede idiɔk odudu, ɔbɔ edikɔk, efieri ke ɔkpɔsɔŋ uyo ete, “ofo ede Christ eyen Abasi. Ndien Jesus asua ɔnɔ mmɔ, inyimeke mmɔ atiŋ ikɔ, koro mmɔ ɔdiɔŋɔde ke ede Christ.”
Jesus Ɔkwɔrɔ Ikɔ Ke Galilee
(Matthew 4.23-25; Mark 1.35-39)
42Ke ini oyo echierede, edaha aka ke itie eke odobode, ndien otu owo eyem-e, mmɔ okud-e ete ikpɔkpɔŋ mmumɔ.
43Ndien Jesus ɔdɔhɔ ete, “nyene ikwɔrɔ etimbuk obio ubɔŋ Abasi nnɔ obio afin, koro se mmɔ ɔdɔŋde Min ndinam oduodo.”
44Ndien asaŋa ɔkwɔrɔ ikɔ ke mme itie ukpono mme Jew ke Galilee.
Currently Selected:
Luke 4: UKQ
Highlight
Copy
Compare
Share
Want to have your highlights saved across all your devices? Sign up or sign in
Ukwa Bible by Beyond Translation is licensed under Creative Commons Attribution-ShareAlike 4.0 License.
