Zaburi 98
98
Uhoraho aje mu ikuzo gucira isi urubanza#98.0 . . . gucira isi urubanza: iyi ni indi zaburi irata ubwami bw’Uhoraho ku biremwa byose (6); tuyisangamo amizero n’inyigisho bihuje n’ibyo mu ya 96 n’iya 97.
1Zaburi.
Nimuririmbire Uhoraho indirimbo nshya,
kuko yakoze ibintu by’agatangaza;
indyo ye, ukuboko kwe k’ubutagatifu
byatumye atsinda.
2Uhoraho yagaragaje ugutsinda kwe,
atangaza ubutabera bwe mu maso y’amahanga.
3Yibutse ubuntu bwe n’ubudahemuka bwe,
agirira inzu ya Israheli.
Imipaka yose y’isi
yabonye ugutsinda kw’Imana yacu.
4Nimusingize Uhoraho ku isi hose,
nimuvuze impundu kandi muririmbe,
5nimucurangire Uhoraho ku nanga,
ku nanga no mu majwi y’indirimbo,
6mu karumbeti no mu ijwi ry’impanda;
nimusingize Umwami, Uhoraho.
7Inyanja niyorome hamwe n’ibiyirimo,
isi yose, hamwe n’abayituye.
8Inzuzi nizikome mu mashyi,
n’imisozi ivugirize impundu icyarimwe,
9imbere y’Uhoraho, kuko aje gutegeka isi;
azacira isi urubanza rutabera,
arucire n’imiryango mu butarenganya bwe.
Currently Selected:
Zaburi 98: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
