Izayi 15
15
Ibyago bya Mowabu
1Iteka ryaciriwe igihugu cya Mowabu:
Ari‐Mowabu yarazimanganye, itsembwa mu ijoro rimwe!
Kiri‐Mowabu na yo yarimbutse nijoro, ishiraho!
2Barazamutse bagiye ahirengeye,
ku ngoro ya Diboni kuririrayo.
Abamowabu bararirira ku musozi wa Nebo n’i Medeba#15.2 Medeba: umuhanuzi ararondora imigi ikomeye yose ya Mowabu ayikurikiranyije. Mu minsi mike, yose yaguye mu maboko y’umwanzi atavuga izina. Nyamara nta gushidikanya ko uwo mwanzi ari Abanyashuru.,
imitwe yabo barayikomboje, n’ubwanwa bwose barabwogosha.
3Mu nzira baragenda bambaye ibigunira,
bose baraborogera hejuru y’amazu no ku karubanda.
4Ab’i Heshiboni n’i Eleyale barataka bikagera i Yahasi,
ingabo za Mowabu ziravuza induru, umutima wabo washengutse.
5Mowabu irambabaje: dore abantu bayo barahunga
bagana i Sowari n’i Egalati‐Shelishiya.
Bazamutse umusozi wa Luhiti barira,
induru yabo ndende irumvikanira ku nzira igana i Horonayimu.
6Amazi y’i Mimirimu yarakamye,
ubwatsi bwaragwengeye, ntibukiharangwa.
7None ubutunzi bari basigaranye,
babwimuriye hakurya y’umugezi w’inturusu.
8Induru ni yose, impande zose z’igihugu cya Mowabu,
imiborogo irumvikanira i Egalayimu,
ikagera no ku mariba y’i Elimu.
9Amazi y’i Diboni yuzuyemo amaraso,
kandi i Diboni hiyongereyeho n’ikindi cyago,
intare igiye gutanyagura abarokotse ba Mowabu,
abazaba basigaye mu gihugu.
Currently Selected:
Izayi 15: KBNT
Highlight
Share
Compare
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
