ລູກາ 8
8
ເມົ໋າເມະຕາເຣທີ່ຕິດຕາມພຣະເຢຊູເຈົ້າ
1ຫຼັງຈາກເຢຍຢີໂຕນ ພຣະເຢຊູເຈົ້າກຳລັງປິດເດີນທາງຜ່ານທຳເມືອງ ແລະເມີງ ພຣະອົງປະກາດຂ່າວເຣາະ ເລື່ອງລາຊາອານາຈັກທິພຣະເຈົ້າເນປີນຸ່ຍຕາເມິງ, ສາວົກມາເຈັດປຣຽຣ໌ຣາກໍປິດເດີນທາງເຕິກເກິພຣະອົງ 2ຫຼັງຈາກນັ້ນ ຕາເຣບາງຄົນທີ່ພຣະເຢຊູປິດປົດປ່ອຍເນພົ້ນເກິດພາວຢີເຣາະ ແລະປິດນຽມເຣາະເກິດຄວາມຊິອາສາ ມາຣີ(ທີ່ກາເລົ່າວ່າໄທມັກດາລາ) ຜູ້ທີ່ພຣະເຢຊູເຈົ້າປິດໂຕຼະປະຕຼູປຼ໋ະປຼີຢີເຣາະເປິປອມເຍີ໋ຍຈາກນາງ, 3ໂຢຮັນນາ ເຕຼຍທິຈູຊາ ເກີດເຈົ້າໜ້າທີ່ໂກຼນືສານທິກະສັດເຮໂຣດ ແລະນາງຊູຊັນນາເກິຕາເຣອື່ນໆອີກທຳຣາ ທີ່ປິດໃຊ້ປຣັກທິຕົນເອງ ເພື່ອຮັບໃຊ້ພຣະເຢຊູເຈົ້າ ແລະເອີນສາວົກທິພຣະອົງ.
ຄຳອຸປະມາເລື່ອງຜູ້ເປຼຶອ໌
(ມທ 13:1-9; ມຣກ 4:1-9)
4ມີຕະໄງ ໃມ໋ປະຊາຊົນເຈິະຈາກທຳເມືອງ ປິດສືບຕໍເຈິະທັຽງພຣະເຢຊູເຈົ້າ ເມື່ອຫາມາຍເຈິະໂຮມກະເລິງມຶມຶນສະເນ໋ະ ແລ້ວພຣະເຢຊູເຈົ້າກໍເບົ໋າຄຳອຸປະມາແນັວ່າ.
5“ໃມ໋ຊາວນາມີຣາເຍື໋ອຍເຕິກເປຼືອ໌ອ໌ກົງພືດ ຂະນະທີ່ລາວກຳລັງເປຼືອ໌ກົງພືດເຮິເກຼງໂກຼເຢຍ ບາງອ໌ກົງກໍເກຼະຕາມໂຕຼງປີນຸ໋ຍຕາເຕິກກໍຕໍຼຕືໄອເຕືອຍ ແລະກາປາງເຈມປຶງກຼົມກໍເຈິະກ໋ຼອກຈາອ໌ກົງເຢຍໂຕດ. 6ບາງກົງເກຼະໃສພື້ນປະເຕ໋ຍທີ່ໃມ໋ຕະມໍທຳ ແລະເມື່ອຕາເປິຼຕຶກແລ້ວ ກໍຫຽວກະນັງເພາະປະເຕ໋ຍຢີຊຸ່ມ. 7ບາງອ໌ກົງກໍເກຼະໃສ່ຕິຕາຕີເຕີມຊີລາ ແລະເຕີມຊີລາກໍຕາແລະອ໌ກົງພືດເມ໋ະຕຶກພ້ອມກັນແລ້ວຊີລາຫຸ້ມຮັດພືດເຢຍ. 8ແລະບາງອ໌ກົງກໍເກຼະໃສ່ປະເຕ໋ຍເຣາະອ໌ກົງພືດຈຶ່ງຕາເປິຼທີນຽມຕຶກ ແລະເກີດໃປລທຳລ້ອຍຕໍ່.” ເມື່ອພຣະອົງປິດເບົ໋າ ແລະພຣະອົງກໍ່ອາໂຣ໋ະຕຶກສຽງເຣງວ່າ, “ຖ້າໄປເຕັມໃຈທີ່ຈະເຂົ້າໃຈເນເຂົ້າໃຈ ແລະໃຫ້ເຊີຕາເມິງ.”
ຈຸດປະສົງທິຄຳອຸປະມາ
(ມທ 13:10-17; ມຣກ 4:10-12)
9ແລ້ວເອີນສາວົກທິພຣະອົງ ກໍ່ເຕືອນພຣະເຢຊູເຈົ້າເຖິງຄຳອຸປະມາເຢຍວ່າ ໃມ໋ຄວາມຫມາຍເປະເຕ. 10ດັ່ງເຢຍ ພຣະເຢຊູເຈົ້າຊົງເບົ໋າວ່າ, “ສຳລັບໄປເຢຍ ພຣະເຈົ້າປິດອະນຸຍາດເນໄປເຂົ້າໃຈເຖິງຄວາມມາດ ເຮິເລື່ອງຣາຊາອານາຈັກທິພຣະເຈົ້າ, ແຕ່ເກິປີນຸ໋ຍທີ່ຢີເກີນສາວົກທິນາ ນາສອນສິ່ງເຫຼົ່າແນັເປີຼຍຄຳອຸປະມາ ເພື່ອວ່າເມື່ອຫາມາຍຈະປິດຕາຍ ແຕ່ຈະຢີເຂົ້າໃຈ ແລະ ເມື່ອຫາມາຍຕາເມິງ ແຕ່ຈະຢີເຂົ້າໃຈ.”
ພຣະເຢຊູເຈົ້າອະທິບາຍຄຳອຸປະມາເລື່ອງຜູ້ເປຼືອ໌
(ມທ 13:18-23; ມຣກ 4:13-20)
11“ຄຳອຸປະມາເຢຍໄມ໋ຄວາມຫມາຍດັ່ງແນັ: ອ໌ກົງພືດເຢຍ ແມ່ນພຣະຄຳທິພຣະເຈົ້າ. 12ອ໌ກົງພືດທີເກຼະໃສ່ຕາມໂຕຼງຕາເຕິກເຢຍ ປິດແກ່ປີນຸ໋ຍທີ່ປິດຊອ໋ງພຣະຄຳ, ແຕ່ປຼ໋ະປຼີຢີເຣາະເຈິະຍາດຈອ໋ກພຣະຄຳເຕິກຈາກຈິິດໃຈທິຫາມາຍ ເພື່ອຢີອຳຫາມາຍເຊີແລະພົ້ນປິດ. 13ອ໌ກົງທີເກ໋ຼະໃສພື້ນ ທີ່ໄມ໋ຕາມໍທຳປະເຕ່ຍກາເລດ ປິດແກ່ປີນຸ໋ຍທີ່ປິດຊ໋ອງພຣະຄຳ ແລະ ຮັບຈ໋ອກດ້ວຍຄວາມຊົມຊື່ນຍິນດີ, ແຕ່ຫາມາຍຢີອຳພຣະຄຳເຢຍ ຕົບແຣ໋ະເຕືອຍຊິຣຸເຮິຈິດໃຈ ຫາມາຍເຊີໂກຼພຽງມີຄາວແລະເມື່ອຫາມາຍຕໍຼທົດລອງ ກໍຍຳເຊີນືພຣະເຈົ້າ 14ກົງທີ່ເກຼະໃສ່ຕິຕາຕີເຕີມຊີລາ ປິດແກປີນຸ໋ຍທີ່ປິດຊ໋ອງພຣະຄຳ, ແຕ່ຫາມາຍເຢຍອຳຄວາມກັງວົນເກິຄວາມຮັ່ງມີ ແລະຄວາມສຸກທິຊີວິດແນັ ປິດມູດເຈະຫຸ້ມຮັດຫາມາຍທົວະ ແລະ ຈິດວິນຍານທິຫາມາຍຈຶ່ງຢີໃມ໋ການຕາເມ໋ະ. 15ສວ່ນອ໌ກົງທີເກຼະໃສ່ປະເຕ໋ຍເຣາະເຢຍ ປິດແກ່ປີນຸ໋ຍທີ່ປິດຊ໋ອງພຣະຄຳທິພຣະເຈົ້າ ແລະ ເຊີຕາເມິງພຣະເຈົ້າຢ່າງສັດຊື່ ແລະປະຕິບັດຕາມຈຶ່ງທົນປິດຈົນເກີດຜົນ.”
ຄຳອຸປະມາເລື່ອງໂຄມອູນໂກຼເຮິກະຕາ
(ມຣກ 4:21-25)
16“ຢີໃມ໋ປີນຸ໋ຍ ອາເຕເມື່ອຕາພວນໂຄມອູນສະ ຈະຈ໋ອກກະຕາກັນປ໋ອງທົວະ ລືວາງທົວະໂກຼກ້ອງຕຽງການູຍ, ແຕ່ຫາມາຍປາເຊິງທົວະປຶງຊີຣົງ ເພື່ອວ່າ ປີນຸ໋ຍທີມູດເຈິະຮານືສະນາມຈະຕາຍແສງສະຫວາງ. 17ດວ້ຍວ່າ, ສຳລັບໂຕດສິ່ງໂຕດຢ່າງທີ່ຖວກທົວະເຮິປັດຈຸບັນ ຈະປິດຮັບການເປີດເຜີຍ ແລະໂຕດສິ່ງໂຕດຢ່າງທີ່ເປີຼຍຄວາມລັບເຮິປັດຈຸບັນ ຈະປິດຮັບການຈືເກິໂຕດສະເນ໋ະ.”
18“ດັ່ງນັ້ນ ຈົ່ງເອົາໃຈໃສ່ເກິວິທີທີ່ໄປຕາເມິງພຣະຄຳທິພຣະເຈົ້າ ເພາະຜູ້ທີ່ໃມ໋ຄວາມເຂົ້າໃຈບາງຢ່າງຈະປິດຮັບເພີ່ມທຳ, ແຕ່ປີນຸ໋ຍອາເຕທີ່ຢີໃມ໋ຄວາມເຂົ້າໃຈ ປີນຸ໋ຍເຢຍຈະຮາຢັກຄວາມເຂົ້າໃຈພຽງກາເລດທີ່ຕົນໃມ໋.”
ເບະ ແລະເອ໋າະຢາຍທິພຣະເຢຊູເຈົົ້າ
(ມທ 12:46-50; ມຣກ 3:31-35)
19ມີຕະໄງ ເບະ ແລະເອ໋າະກາລໍທີພຣະເຢຊູເຈົ້າ ໂງນເຈິະເບົ໋າເກິພຣະອົງ ແຕ່ຫາມາຍມູດຕາຕຽບພຣະອົງຢີປິດ ເພາະໃມ໋ປີນຸ໋ຍສະເນ໋ະໂກຼອອມພຣະອົງ. 20ໃມ໋ບາງຄົນເບົ໋າເກິພຣະເຢຊູເຈົ້າວ່າ “ເບະເເລະເອ໋າະກະລໍທິໄມ ກຳລັງເຊິງໂກຼເຮິນອກ ແລະຫາມາຍໂງນຕາຍໄມ.”
21ພຣະເຢຊູເພີຼບຫາມາຍໂຕດສະເນ໋ະວ່າ, “ຜູ້ທີ່ຊ໋ອງພຣະຄຳທິພຣະເຈົ້າແລະປະຕິບັດຕາມຜູ້ເຢຍແຫຼະ ເປຼີຍເປະເບະແລະເອ໋າະຢາຍທິນາ.”
ພຣະເຢຊູເຈົ້າຫ້າມກະເຢີພະຍຸ
(ມທ 8:23-27; ມຣກ 4:35-41)
22ມີຕະໄງ ພຣະເຢຊູເຈົ້າເບົ່າເກິເອີນສາວົກວ່າ, “ເນສີນາຈະລອງທະເລສາບເຕີກຕິນໂມຍ,” ດັ່ງເຢຍເອີນເຫີຈຶ່ງມູດເຕິກນືໂຕຼກ ແລະປວາຍເຍືອຍເຕິກ. 23ຂະນະທີ່ຫາມາຍກຳໂຕຼກເຕິກນັ້ນ, ພຣະເຢຊູເຈົ້າປິດກູຍງັນທັນໃດນັ້ນ, ໃມ໋ກາເຢີມຶມຶນເຣງເລີ່ມເປິກເຈິະໃສທະເລສາບ, ແລະ ຕຽກເລີ່ມມູດຕຼັວກກຳລັງບັດປີງ ດັ່ງນັ້ນຫາມາຍຈຶ່ງຕໍຼອັນຕະລາຍ. 24ດັ່ງນັ້ນ ເອີນສາວົກຈຶ່ງເຕິກທັຽງພຣະເຢຊູເຈົ້າ ແລ້ວໄປຣພຣະອົງເນຕຶກໂດຍເບົ໋າວ່າ, “ອາຈານເອີຍ, ອາຈານເອີຍ, ຊ່ວຍສີນາກຳລັງບັດເກດສະ,” ພຣະເຢຊູເຈົ້າຕຶກເຊິງສັ່ງຫ້າມກາເຢີແລະຟອງທຽກ ກາເຢີແລະຟອງທຽກກໍງຽບລົງ. ແລະໃມ໋ຄວາມງຽບສະຫງົບທັນທີ. 25ແລ້ວພຣະອົງກໍເບົ໋າເກິຫາມາຍວ່າ, “ຄວາມເຊີທິໄປເຕິກເຮິເຕໂຕດ?” ແຕ່ເມົ໋າເຫີໂທຼງແລະປະຫລາດໃຈເກິສິ່ງທີເກີດຂຶ້ນ ຫາມາຍເຕືອນກັນວ່າ, “ທ່ານຜູ້ແນັຍິ່ງຕາເມ໋ະແລະໃມ໋ອຳນາດມາດ? ຂະນາດກາເຢີແລະຕຽກກໍປືຼມຕາມຄຳສັ່ງທິພຣະອົງ.”
ພຣະເຢຊູເຈົ້າຊົງຮັກສາກາລໍທີ່ຕໍຼປຼ໋ະປຼີຢີເຣາະມູດ
(ມທ 8:28-34; ມຣກ 5:1-20)
26ພຣະເຢຊູເຈົ້າ ແລະສາວົກທິພຣະອົງປິດຈະລອງທະເລສາບເກິດແຂງຄາລີເລ ແລະເຈິະພຶ໋ຕາພຽນ໌ຕາຕຽບເມືອງເຄຣາເຊນ. 27ເມື່ອພຣະເຢຊູເຈົ້າ ແລະສາວົກທິພຣະອົງເຍືອຍເກິດໂຕຼກເຕິກທີ່ເຢຍ ກໍໃມ໋ກາລໍມີຣາທີ່ເຄີຍໂກຼເຮິເມືອງເຢຍເຈິະທັຽງພຣະອົງ. ກາລໍປີນຸ໋ຍແນັໃມ໋ປຼ໋ະປຼີຢີເຣາະມູດທຳປອມ ແລະຢີປິດສົບອາວເປຼີຍເວລາໂຕນ ແລະກາລໍຢີປິດໂກຼຮານືສະນາມ ແຕ່ອາໃສໂກຼຕາມອຸບມຸງຕົບໂຣງ. 28ກາລໍປີນຸ໋ຍແນັປິດຕາຍພຣະເຢຊູເຈົ້າ ລາວປິດພັບຕະເກົາທິມັດພຣະອົງ ແລະ ເບົ໋າສຸດສຽງວ່າ, “ພຣະເຢຊູ ພຣະບຸດທິພຣະເຈົ້າອົງຊົງຣິດອຳນາດຍິ່ງໃຫຍ່ທີ່ສຸດ ເປະເຕໄມຈຶ່ງລົບກວນສີນາ? ກະລຸນາມະລົງໂທດສິນາເລີຍ.” 29ໄອເບົ໋າເປະແນັ ກໍ່ເພາະພຣະເຢຊູປິດເຕງເນປຼ໋ະປຼີຢີເຣາະເຍືອຍເກິດກາລໍແນັສະ. (ດວ້ຍວ່າ, ຫາມາຍປິດຣັບລາວ ແລະຕອມຕີຕອມຊຶງທິລາວດ້ວຍໂສ້ ແລະກາຣັນທົວະເປຼີຍນັກໂທດ ແຕ່ກາລໍປິດແປ໋ະໂສ້ເຍືອຍ ແລະປຼ໋ະປຼີປິດຈຽງລາວເຍືອຍ ແລະມູດເຕິກເຮິປະເຕ໋ຍຮາຣອຍຮາຣຳ.)
30ພຣະເຢຊູເຈົ້າເຕືອນໄອວ່າ, “ໄມທີເນາະເມ໋າະ?” ກາລໍປີນຸ໋ຍເຢຍເພຼີບວ່າ, “ທີເນາະທິສີນາແມ່ນ ‘ກອງທັບ.’” ລາວເບົ໋າທີເນາະຍ້ອນໃມ໋ປຼ໋ະປຼີຢີເຣາະທຳປອມປິດມູດເຮິກາລໍປີນຸ໋ຍແນັ. 31ປຼ໋ະປຼີປິດອາໂຣະລາຕໍ່ພຣະເຢຊູເຈົ້າ ຢີເນອຳເມົ໋າໄອເຕືອຍເຮິເຫວຊີຣຸ.
32ເຮິຂະນະທີ່ເຫດການແນັເກີດຂຶ້ນ, ໃມ໋ກາປາງຈູຣ໌ ທີ່ກຳລັງທັຽງຈາຈາໂກຼຕາຕຽບກວຣ໌ປຼ໋ະປຼີປິດອາໂຣະລາພຣະເຢຊູເຈົ້າເນ ອານຸຍາດອຳເມົ໋າໄອມູດໂກຼເຮິກາປາງຈູຣ໌ ແລະພຣະອົງກໍ່ອະນຸຍາດອຳເມົ໋າໄອ. 33ແລ້ວປຼ໋ະປຼີຢີເຣາະປິດເຍືອຍເກິດກາລໍປີນຸ໋ຍແນັ ແລະເມົ໋າໄອປິດມູດໂກຼເຮິ ກາປາງຈູຣ໌ ຈູຣ໌ ໂຕດກາປາງກໍຟ້າວທີຢາເຕືອຍເຕິກເຮິບ່ອນທີ່ຊີຣົງຊັນເກຼ໋ະເຕືອຍເຮິທະເລສາບ ແລະຄຳຕຽກເກດໂຕດ.
34ກາລໍຜູ້ທີ່ຈຽມຈູຣ໌ປິດຕາຍສິ່ງທີເກີດຂຶ້ນເກິຈູຣ໌ ລາວທີຢາຕູດ້ວຍຄວາມໂທຼງ ແລະເຕິກເລົ່າເລື່ອງເນປີນຸ໋ຍໂກຼເຮິເມືອງທິລາວ ແລະໂກຼເຮິຂົງເຂດນອກເມືອງ. 35ຫຼັງຈາກນັ້ນປະຊາຊົນປິດເຕິກທີ່ເຢຍເພື່ອຮາເລສິ່ງທີ່ເກີດຂຶ້ນ. ຫາມາຍເຈິະພຶ່ບ່ອນທີ່ພຮະເຢຊູເຈົ້າໂກຼ ແລະຕາຍຜູ້ທີ່ພຮະເຢຊູເຈົ້າໂຕະປະຕູປຼ໋ະປຼີຢີເຣາະເຍືອຍກຳໂກຼທີ່ຊຶງທິພຣະເຢຊູເຈົ້າກາລໍປິດສົບອາວຢ່າງເປັນລະບຽບ ແລະຈິດໃຈລາວປົກກະຕິ ເມື່ອປະຊາຊົນຕາຍກໍໂທຼງພຣະເຢຊູເຈົ້າ. 36ເອີນທີ່ປິດຕາຍເຫດການເຢຍ ປິດເລົ່າອຳປະຊາຊົນຕາເມິງ ເຖິງເລື່ອງປີນຸ໋ຍທີ່ປຼ໋ະປຼີມູດ ຕຼໍຮັກສາເນນຽມເຣາະເປຼີຍປົກກະຕິ. 37ແລ້ວປະຊາຊົນໂຕດແອທີ່ໂກຼເຮິຂົງເຂດເຄຣາເຊນນັ້ນລາເນພຮະເຢຊູເຈົ້າຕູເຕິກ, ເພາະວ່າຫາມາຍໂທຼງພຣະອົງທຳ. ດັ່ງນັ້ນ ພຣະເຢຊູເຈົ້າເກິເອີນສາວົກຈຶ່ງເຕືອຍເຮິໂຕຼກເຍືອຍເກິດບ່ອນເຢຍ. 38ກາລໍທີ່ພຣະເຢຊູເຈົ້າ ປິດປະຕູປຼ໋ະປຼີຢີເຣາະເຢຍປິດລາເກິດພຣະເຢຊູເຈົ້າວ່າ, “ຂໍເນຂ້ານ້ອຍເຕິກເກິທ່ານແດ່ທ້ອນ.”
ແຕ່ພຣະເຢຊູເຈົ້າ ເບົ໋າເນລາວບີງເຕິກທັຽງປະຊາຊົນ ໂດຍເບົ໋າວ່າ. 39“ໄມບີງເຈິະເຕິກທັຽງຄອບຄົວທິໄມ ແລະເບົ໋າໂຕດສະເນ໋ະສິ່ງທີ່ພຣະເຈົ້າປິດປືຼມແກ່ໄມ.”
ແລ້ວກາລໍປີນຸ໋ຍເຢຍ ກໍເຕິກປະກາດທົ່ວເມືອງ ແລະເບົ໋າໂຕດສະເນ໋ະການທີ່ພຣະເຢຊູເຈົ້າ ປິດກະທຳສຳລັບຕົນ.
ກອນປີເຣາະທິຢາອີໂຣ ແລະຕາເຣປີຫາມເກຼ໋ະທີ່ກະໂປຍອາວຄຸມທິພຣະເຢຊູເຈົ້າ
(ມທ 9:18-26; ມຣກ 5:21-43)
40ເມື່ອພຣະເຢຊູເຈົ້າບີງເຈິະພ້ອມເກິສາວົກ ກຳໂຕຼກເຕິກອີກຟາກໂມຍທິທະເລສາບ, ປະຊາຊົນປິດຕ້ອນຮັບພຣະອົງ ເພາະຫາມາຍປິດຈຳສຳລັບພຣະອົງບີງເຈິະ. 41ເຮິຂະນະເຢຍ ໃມ໋ກະລໍມີຣາທີເນາະຢາອີໂຣປິດເຈິະທັຽງພຣະເຢຊູ ຢາອີໂຣ ເປຼີຍຫົວຫນ້າທຳມະສາລາທອ້ງຖິ່ນ. ລາວໂກນເຕືອຍທີຊຶ່ງທິພຣະເຢຊູເຈົ້າ ແລະອ້ອນວອນລາພຣະອົງເນເຕິກທີສະຫນາມທິໄອ. 42ເພາະວ່າກອນປີເຣ໋າະມີຣາທິລາວອາຍຸມາເຈັດປຣຽຣ໌ກາມໍ ຊິໂທະຕາຕຽບສາບັດເກດ.
ຂະນະທີພຣະເຢຊູເຈົ້າກຳລັງເຕິກທີ່ສະນາມຢາອີໂຣເຢຍ ກໍໃມ໋ປະຊາຊົນກົດດັນພຣະອົງໂຕດດ້ານ. 43ໃມ໋ຕາເຣມີຣາທີ່ຊິອາສາທີ່ເປຼີຍພະຍາດປີຫາມເຍືອຍເປີຼຍເວລາມາເຈັດປຣຽຣ໌ກາມໍສະ ນາງປິດໃຊ້ປຣັກໂຕດແອທີ່ຕົນໃມ໋ອຳທ່ານໝໍ ແຕ່ຢີໃມ໋ກອນສາມາດປິ່ນປົວນາງປິດ. 44ນາງເຈິະຕິນປືດພຣະເຢຊູເຈົ້າ ແລະກາໂປຍອາວທິພຣະອົງ ແລະໃນທັນໃດນັ້ນພະຍາດປີຫາມເຍືອຍທິນາງກໍຢຳທັນທີ. 45ພຣະເຢຊູເຈົ້າເຕືອນວ່າ, “ໃມ໋ມີຣາກາໂປຍນາແມ່ນກອນ?”
ຫາມາຍໂຕດສະເນ໋ະຕ່າງກໍປະຕິເສດ ເປໂຕຈຶ່ງເບົ໋າເກິພຣະເຢຊູວ່າ, “ພຣະອົງເຈົ້າເອີຍ ກໍ່ແມ່ນຫາມາຍທີ່ຕະລຽບທ່ານເຢຍແຫຼະ ທີ່ກາໂປຍທ່ານ.”
46ແຕ່ພຣະເຢຊູເຈົ້າເບົ໋າວ່າ, “ໃມ໋ບາງຄົນປິດກາໂປຍນາ. ເພາະວ່າ, ນາຮູ້ສຶກວ່າ ຣິດອຳນາດປິດເຍືອຍເກິດນາ.” 47ເມືື່ອຕາເຣຕາຍວ່າ ນາງຢີສາມາດຖວກຕົນເອງປິດ ນາງປິດເຍືອຍເຈິະດ້ວຍຄວາມໂທຼງ ແລະປິດໂກນນັອບທທິຊຶ່ງທິພຣະເຢຊູເຈົ້າ ທິມັດໂຕດສະເນ໋ະ ນາງປິດເບົ໋າພຣະອົງວ່າ ເປະເຕຕົນຈຶ່ງປິດກາໂປຍພຣະອົງ ແລະເຮິເວລາດຽວກັນຕົນເອງປິດຮັບການປິ່ນປົວເນນຽມເຣາະ? 48ພຣະເຢຊູເຈົ້າເບົ໋າເກິນາງວ່າ, “ກອນປຼີເຣາະທິນາເອີຍ ຄວາມເຊີທິໄມປິດປຼືມເນໄມນຽມເຣາະສະ ຈົ່ງເຕິກເປຼີຍສຸກເທີ້ນ.”
49ເຮິຂະນະທີ່ພຣະເຢຊູເຈົ້າເບົ່າເກິນາງ ກໍໃມ໋ປີນຸ໋ຍເຈິະເກິດສະຫນາມ ທິຫົວຫນ້າທຳມະສາລາເຈິະເບົ໋າເກິຢາອີໂຣວ່າ, “ກອນປີເຣາະທິໄມເກດສະ ສະນັ້ນມະລົບກວນອາຈານໂຢະ.”
50ແຕ່ພຣະເຢຊູເຈົ້າປິດຊ໋ອງຂ່າວເຢຍ ຈຶ່ງເບົ໋າແກ່ຢາອີໂຣວ່າ, “ມະໂທຼງໂຢະ, ຈົ່ງເຊີເຮິນາເທົ່ານັ້ນ ແລ້ວກອນປີເຣາະທິໄມກໍ່ຈະນຽມເຣາະ.”
51ເມື່ອພຣະເຢຊູເຈົ້າເຈິະພຶສະຫນາມທິຢາອີໂຣ ພຣະອົງຢີເນປີນຸ໋ຍອາເຕມູດເຕິກເກິພຣະອົງ ໃມ໋ແຕ່ເປໂຕ, ໂຢຮັນ, ຢາໂກໂບ ແລະບະເບະທິກອນຕາເຣມູດເຕິກເຮິບ່ອນຫາມາຍເປຼກອນຕາເຣ. 52ເຮິທີ່ນັ້ນ ປີນຸ໋ຍຕຼຸບສະເນ໋ະກຳລັງເຍືອມແລະໂສກເສົ້າ ສຳລັບກອນກາເລດ ພຣະເຢຊູເຈົ້າເບົ໋າວ່າ, “ມະເຍືອມ ກອນກາເລດເຢຍຢີປິດເກດດອກ ນາງພຽງແຕ່ກູຍງັນໂກຼເທົ່ານັ້ນ.”
53ແລ້ວຫາມາຍກໍພາກັນສະອາພຣະອົງ ເພາະວ່າຫາມາຍໂຕດແອກໍ່ຈື່ ວ່ານາງປິດເກດສະ. 54ແຕ່ພຣະເຢຊູເຈົ້າຣັບຕີກອນຕາເຣເຢຍ ແລະເບົ໋າຕຶກວ່າ, “ກອນເອີຍ ຈົ່ງຕຶກສາ.” 55ໃນທັນໃດນັ້ນ ກອນຕາເຣປີນຸ໋ຍແນັຈຶ່ງປິດຄືນໃມ໋ຊີວິດເກີບ ແລະເຮິທັນທີນາງກໍ່ຕຶກ ພຣະເຢຊູເຈົ້າເບົ໋າເນບະເບະຈອ໋ກຈານາອຳນາງຈ໋ອງ. 56ຟ່າຍບະເບະທິກອນຕາເຣກໍ່ງຶດປະຫລາດໃຈມຶມຶນທຳ, ແຕ່ພຣະເຢຊູເຈົ້າເຕງຫາມາຍຢີເນເບົ໋າປີນຸ໋ຍອາເຕ ເຖິງເລື່ອງທີ່ປິດເກີດຕຶກເຢຍ.
Currently Selected:
ລູກາ 8: LVI
Highlight
Copy
Compare
Share
Want to have your highlights saved across all your devices? Sign up or sign in
La vy Bible by Beyond Translation is licensed under Creative Commons Attribution-ShareAlike 4.0 License.
